المساعد الشخصي الرقمي

مشاهدة النسخة كاملة : قصة تموت من القهر

ابداع الحرف
13-06-2003, 02:37
قصة تموت من القهر

ما ابي اطول عليكم ..وقصتي من جد تقهر تبتدي قصتي في يوم الثلاثا وكنت طالع من البيت زهقان

وانا قاعد افتر بالسياره شفت محل كمبيوتر وتعرفون
انا انسان متقدم وتكنولوجي للغايه ...الا ملقووف
المهم دخلت المحل اسأل واتفلسف عن الأجهزه
وانا لا هي مع الهندي ضعيف الله وهو لاهي معاي
نتبادل المعلومات والثقافات
دخل واحد يسأل عن ديسكات الهندي ما اعطاه وجه
لإني احلى منه....الظاهر ابو الشباب طرطع...وقفلت معاه
الزبده طلعت من المحل ابي اروح المحل الي جنبه
الا اشوف ابو الشباب الي بالمحل يتمشى ومعاه لاب توب
هااااااااااااااه وش السالفه ناديته من زود اللقافه...تعال يالحبيب
وهو التفت علي وما اشوف الا غبار رجوله وانتم بكرامه
المهم جريت وراه شوي الا الهندي مسكين يصيح
والله يوم شفته يصيح كسر خاطري
وياليتني ما كنت رقيق وحساس ....المهم قالي وقف معاي علشان تقول للكفيل
وش صار ..قلت له ابشر يا سنايدي
قعدت نص ساعه انتظر حضرة الكفيل
ويوم وصل.......................وش تتوقعون صار
قام الهندي ابن الحرام وقال ا اثنين نفر سوا سوا
في اسرق لاب تب انا امسك متين ودعيف في شيل عليها
افا يا ابوهنود
هذا ونا موقف معاك
وراعي المحل والله ما صدق خبر اتصل على الشرطه
ويبتدي الفيلم الثاني
خمس دقايق وحضرة الجيزاني محضر .....ها فينه هذا هو
وحط بيدي الكلبشات
افا والله وربي وقتها كرهت الناس وكرهت الهندي وراعي المحل والجيزاني
طبعا الناس الي واقفين هناك مو انتم
الزبده وصلنا اهناك
عند الملازم
ها بتعترف ؟؟
اعترف بوشو؟؟
قطوه في الحجز
وربك سهلها وماخذو الجوال ولا كان تنقعت
الزبده اتصلت على الشايب
وقلت له السالفه
والله وما قصر الله يحفظه لي تليفون واحد وانا طالع بس بعد ما قعدت ساعه ونص
الظاهر الشايب يبي يأدبني شوي
وطلعت بس لي الحين 3 ايام ولو اقولكم ما تصدقون
إني مراقب
وش رايكم بالقهر والله عايشين بالسعوديه
آآآآآآآه يالقهر ذ اك يطير وانا انجر مع اذني

لكن مو مشكله القها عندالله

منقووووووووووووول
lady oscar
14-06-2003, 17:55
هههههههههههه

والله حالة حايسة
حتى الهنود استوى لهم راس وكرياس

يسلموووو الحوووت
ابداع الحرف
17-06-2003, 01:35
الله يسلمك يا ليدي اوسكار
طيب الراس وفهمناها بس الكرياس ايش هذا؟؟؟؟؟؟؟؟؟؟؟؟؟؟؟؟؟؟؟؟؟
رمزي
17-06-2003, 02:00
والله حاله

تعمل خير تلقا شر الله

تهون ياما في الحبس مضاليم يا اخ حوت تسلم على الموضوع
MR_NET
17-06-2003, 06:13
يالله تعيش وتاكل غيرها حوت ينبع وزي ماقال غيري ياما بالحبس مزاليم
ويعطيك الف عافيه علي الماسه التي عايشتها؟؟؟ اقصد القصه اللي مرة عليك؟؟
حمدي غير
19-06-2003, 03:43
خخخخخخخخخخخخخخخخخ

ياحرااااااااااااام

مايوقع غير الشاطر

خلاص ياحوتي مافي غير هندي يورظك

والله لو صارت معي

لسجنت الهندي وكفيلة

والله حالة

وبعديين ياحوتي كدة يبغالك حلوان خروجك من السجن

يامجررررررم

عيوني بس ترجع من سوريا والله أجيك ينبع ولك أحلى حلوان مني.

يسلمووووووووو حوت وأكررها

مايوقع غير الشاطر