مريت بيت الطفوله ... واذرفت عينـي

....................................... ياوين حظي جابني .. ووين وداني

وعودت.. للذكرى .. وما سوت سنيني

........................................ تجمّعت .. كل المواقف .. ترجّعني

وذكرت .. عجوزاً..على صلاة الفجر تدعيني

........................................ دايم على الدين والاخلاص تدفعني

تقـــول .. جعــلك مع الايام .. تكفينـي

........................................ عساك تكبر .. وتكفيني وتنفعني

ذكـــرت.. يومهــا.. على وقتي توصيني

........................................ تقول. دينك. وحق الجار وأسمعني

لاهزّت راسها فوق قصدها فوق تبغيني

....................................... تبغى العلوم الحمــــيده دوم .. ترفعني

تنهض حجاجها .. وتقبض راحة يديني

........................................ القبضه اللي عرفت اليوم ويش تعني

وقفات ذكرى .. على منزل من الطيني

........................................ وقّفت ..لحظه .. وكن الوقت يصفعني

ختمتهــا .. شــفت تاليهــا .. يبكينـــي

....................................... في موقفً .. كــن الخناجر .. تقطّعني
___________

وسلامتكم ،،،

كلمات قويه اخوي الهوجاس ومؤثره فعلا وصح اللسانك...
كلماتك حلوه طالعه من قلب عايش اللحضات هذي فعلا بدون روايات الله يعينك يا اخوي الهوجاس على الذكرى...



تحياتي:أخوك...أبـوولــــــــــــــــه

صح بدنك


وحضورك وتسجيل ردك على صفحتي المتواضعه هو الاحلى

الف شكر لك وعلى مرورك

وبيض الله وجهك ولاهنت