المساعد الشخصي الرقمي

مشاهدة النسخة كاملة : الدار شابت

lady oscar
05-06-2003, 07:38
الدار شابت جفا والدرب ما به خوي

وأنا على العلم الأول شايب راسي

تجمعت واستوت والعقل ما هو سوي

يا خوك والقلب لين والولع قاسي

هديتها للفضا يومه طوتني طوي

قسته على طيبتي واخطيت بقياسي

يوم اعتزت وانتخت كنه هبال بدوي

حاديه ظيم الرجال ولا هو بناسي

ما شفت وش حالتي ساعة علي تهوي

مثل الزلازل يورالي بقرطاسي

جتني والإحساس مرهف والقلم فوضوي

إما يطيع قلمي أويصدق إحساسي

ما عاد تبغى سوى رمعه ومعنى قوي

وانا على هيجنتها حل وسواسي

والله لا ارد على حد السما وارتوي

واللي هرج بالقفيا عاقب خاسي

ماهي هي الاوله كم الجبل يهتوي

ياما من كبار انهارت وانا راسي

لو ولعوها ترى ماني بها مكتوي

اضحك لها من صفاي وعزمي باسي

امشي على نيتي والملتوي ملتوي

مبطي وانا العفو دربي والوفا ساسي

يا اللي تعيب الهوى والشعر والمهتوي

يموت مثلك ولا يلحق مدى ياسي

لا والله إلا تراني بالهوى منغوي

وهذاك لو مِت هو شفي وهوجاسي

عليه يقنب خفوقي والضلوع تعوي

وعليه ذاب الصخر من واهج انفاسي



عايد



LADY OSCAR
tariq_tm
05-06-2003, 11:53
ليدي اوسكاااااااااااااااار

والله انا اللي شبت من روعة مشاركاتك

ويعطيكي العافية
~ إنتقام الكبرياء ~
05-06-2003, 12:06
تشكري يا اختي على الكلمات الجميله

يعطيكي العافية
lady oscar
05-06-2003, 17:38
الأخ طارق
الأخ انتقام الكبرياء

أشكركم على مروركم الكريم
ويعطيكم الله العافيه
حمدي غير
07-06-2003, 19:15
يسلموووووو ليدي

على المشاركة الرائعة
lady oscar
08-06-2003, 00:47
شكرا أخ حمدى غير

ويعطيك الله العافيه
tulip
11-06-2003, 07:44
الف الف الف الف شكر

مشاركة اكثر من رائعة

تحياتي
lady oscar
11-06-2003, 07:48
الشكر لك يا الغالية

وبالتوفيق