أحيـــــاناً...
كل الحب ما ينفع .. ولا يرجع .. أمل مفقود!
لأن الجرح كان أصلا .. برغم الحب ..هو المقصود!
أحيــــاناً
باسم الحب تجرحني
وكنت أزعل..وكنت أغضب ..
وابعد فترة ...تصالحني
وأحس إن الأمل راجع...
وتو الحب صرخ مولود
هذاك أول
لما كان الأمل موجود...كانت دمعتي شمعة
تضوي لك..فرح ليلك..وتطفي ما بقى مني
ما ابغى جرح..ولا ابغى خوف..ولاا بغى أحزان
أبغى موقف
وأبغى كلـــمة
تهز أوطان
دخيل الله
أبغى إنســـان
إذا من طحت من طولي
يفـز
ويسند حمولي
ولجل ايدي على كتفه..صداقتنا..تعيش أزمان
دخيل الله
أبغى إنسان
اتغلـــــى عليه
يحسبني يوم سلم ما سمعته
سامعه...بس إني اتغلى عليه
بس قلبي حاول يرد ومنعته
لا ترد .. وسو نفسك ما تبيه
قلت ابثقل بس ثقلي ما استطعته
و ابتسمت.. و جيت لمعانق يديه
قال احبك.. وقلت أنا حبك طبعته
من زمان.. بخافقي ما احدٍ يجيه
قال بدري.. قلت هذا اللي جمعته
من كلام .. وقال أنا كنت احتريه
حبه اللي داخل عروقي زرعته
يشربه قلبي.. و روحي ترتويه
قدره اللي بينهم عندي رفعته
عن سواه ويصعب التشكيك فيه
يحسب إني يوم ما رديت بعته
ما درا إني بكل عمري مشتريه
والصراحة يوم سلم ما سمعته
كنت أفكر.. كيف أنا اسلم عليه