(¯`'•.¸(¯`'•. فــروع الياسمينــــه (¯`'•.¸(¯`'•. [الأرشيف]

لالي...

12-12-2005, 23:25

؛¤ّ,¸¸,ّ¤؛°`°؛¤ الجزء الأول ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

ياكلمــة اغلى مــن الناس كلـــهم ... ياشمــس بقلي بعـــيد زوالها
يافرحــة تملي لى الكـــون بكملــه ... ياشجــرة تكبر ويكبـــر ظلالها
تضحــك لي الدنيا لي شفت زولها ... مثل السما تزهى بطلة هلالها
والبعـد عنها ياهل العــرف مقــدره.. لاشــك ناري زايــده بشتــعالها
ماعيــش ببــلاد ولا هـي برضـها ... ولا بي عيوني كان ما هي قبالها
ارض تــدوس امي بالاقدام رملــها ...اموت فيها وانــدفن بـــــــرمالها

في بيت بو ناصر الي يلفه الازعاج من كل صوب .. بسبب كبر عدد العايله .. الي كانت اكثرها من البنات ... الي ماليات الجو حركه وصريخ ودوشه .. البيت كان كبير والعايله كانت ميسورة الحال وماناقص عليها الا ان الله يرزقهم بأولاد بدال هالبنات

منال كانت تطالع افراد عايلتها والدموع في عيونها .. والزعل راسم اماراته عليها .. ويها البرئ كان يصارع البكاء لانها عجزة انها تغير قرار ابوها ... القرار الكبير الي بيغير حياتها .. وهي من بعد هالصراع والاعتراض ماقدرة تسوي شي غير الرضوخ لاوامر ابوها ..

منال كانت لابسه ومتجهزه ... يالسه تنتظر ابوها ياخذها من يدها ويوديها لمصيرها .. الي في ما بعد بيكون له الاثر الكبير في تغير مجرى حياتها بالكامل وبيرسم الها خطوط مستقبلها ..
مسكها ابوها من يدها وطلع وياها من البيت وهي لافه ويها وعيونها على امها واخواتها الي كانن عيونهن عليها ومتأثرات من فراقهن الها ..

منال هي طفله عمرها عشر سنين .. قسمات ويها حلوه.. ويها بيضاوي وابيض ويلفه شعرها الاسود بكل غموض .. عيونها بحر من الاحاسيس والافكار والي كان يناظرهن يحس بقوة هالبنت وفي نفس الوقت بضعفها ..
كان تناقض بين اثنين .. بين القوه في قوة الشخصيه .. وبهالشي كانت تشبه عمتها نوره في هذي الصفه .. والشي الثاني .. ان الي يشوفها كان يحس بالعطف عليها لانها كانت البنت الي تم وقع الاختيار عليها لتنتقل من بيت ابوها لبيت عمتها ...
عمتها الي كانت تفتقد البنات في حياتها .. لانها ماالله عطاها الا ولدين ومن بعد هذا توفى زوجها .. بعكس اخوها بو منال ... الي كان يعاني من كثرة البنات مع وجود اخ واحد بس بينهن وهو ناصر ..

عايلة بو ناصر كانت تتكون من ثنعشر بنت ومن بينهن اخو واحد وهو ناصر .. ومنال كان ترتيبها في نص البنات .. يعني دايما الي في النص ضايع بين خوانه ..

بس كانت مصدر الازعاج الاول في البيت .. وكانت ملفته انظارجميع افراد العايله الها ... من عماتها واعمامها .. لكونها بنت مدخلانيه ومتطفله حبتين .. وهالسبب الي لفت انظار عمتها نوره عليها .. وخلاها تطلب من ابوها انه يسمح لمنال تنتقل وتعيش معاها في بيتها .. وعللة هذا الشيئ بكون انها ترغب في بنت والله ماعطاها هالامنيه ..

ولان نوره كانت انسانه طيبه مع عايلتها كلها .. ومتزوجه من رجل عنده منصب ... كان ماينرد الها طلب في العايله .. ولهذا الشي تم اختيار منال من بين كل خواتها لتنتقل وتعيش في بيت العمه نوره .. الي كان بعيد عن الناس .. ويبعد عن المدينه بمسافه مب قصيره .. والبيت في حالة عزله عن كل مظاهر الصخب والتمدن ..
لان نوره كانت انسانه تحب العزله ومن بعد وفاة زوجها اختارة انها تبتعد عن الناس وتربي عيالها حمد وفيصل بروحها ..
نوره كانت تسكن في بيت كبير في وسط مزرعه .. كان اشبه بقصر مهجور .. كانت فخامته القديمه وديكوراته توحي بغرابة اطباع سكانه .. وكان لنوره كثير من المعارف والصديقات الي كانن مايقطعنها وكان بيتها دايما مليااااان بالناااس .. ولكن في المناسبات بس ..!!

دخلت منال بيت عمتها نوره وهي قابضه كندورة ابوها ومنخشه وراه .. اول مادخلت حست بخوف يتملكها ورعب .. كانو يمشون في الممر الي يودي لميلس نوره داخل البيت .. منال كانت عيونها تدور في البيت وتطالعه بكل خوف .. تشوف جدرانه البنيه وديكوراته القديمه .. الجدران تضم لوحات قديمه توحي بعراقة المكان وفخامته .. السجاد كان غامج ومليان بالزخارف والاشكال المعقده .. رفعت منال عيونها للسقف وشافت الثريات نازله من فوق وفيها شموع منوره بإضاءه خفيفه .. الستااااير مخمليه وماخذه معضم اليدران .. كل شي في البيت يوحي بالغرابه والكأبه .. لكن تفوح منه ريحة البخور الي تعكس بعض الراحه في اجواءه..

تذكرة منال يوم كانت تي مع امها وابوها كانت تشوف بيت عمتها مثل بيت افلام الرعب .. وكلام خواتها الها بان عمتها عايشه مع الاشباح .. وان بيتها مسكون بالجن ..

خافت منال من تذكرة هالامور وغطة ويها بطرف كندورة ابوها .. وصل ابو منال لباب الميلس ودق عليه .. فتحة الخدامه الهم الباب .. اول ماانفتح الباب كانت منال تتخيل عمتها يالسه في كرسي وسط الغرفه ويحيط ابها الظلام .. مثل ساحرات الرسوم .. منال كانت تحب تشوف عمتها يوم كانت تزورهم ولكن الي كان يدفعها لشوفتها هو فضولها في شخص عمتها الغامض .. وحبها انها تشوف شخص عايش بين الاشباح ..
ولكن ماتخيلت في يوم ان القدر بيوديها لعمتها وتكون ملازمه الها على طول في هالبيت الغريب ..

دخل ابو منال الميلس ونشت العمه نوره ورحبت بضيوفها
نوره : مرحبا الساااااع .. حيالله بو ناصر ومن لفانا وياااااه
بو ناصر : مرحب باجي الغاليه ..
حب بو ناصر راس اخته ووايها .. والتفتت نوره صوب منال الي كانت مندسه ورا ابوها وخايفه ترفع عيونها صوب عمتها .. كانت نظرات نوره لمنال تحمل كل الحب للطفله الي بتدخل في حياتها وبتعتبرها مثل بنتها ..
ناظرت العمه نوره منال في صمت وتأملتها وعلى ويها ابتسااااامه تشل كل الحنان الي في الدنيا .. وقف بو ناصر يطالع اخته وبنته .. اول مارفعت منال ويها وطالعت عمتها تبدلت نظرات عمتها الها وارتسمت عليها الجديه .. تقربت من منال وخذتها في حضنها ونزلت ترمسها ..

نوره : فديت روحج .. شحالج حبيبي .. ها تبين تيلسين عند عموه نوره ..؟
منال حست بحزن وتذكرة ويه امها وتذكرة ليش هي يايه اهنيه من كلام عمتها .. لكنها تشجعت وابتسمت لعمتها وكلمتها بثقه علشان توحي الها انها بنت كبيره مب ياهل ..
منال : هلا عموه .. شحالج انتي ..
نوره : هلا فيج عيوني .. انا بخير يوم انتي بخير .. بس ماقلتيلي تبين تيلسين عند عموه نوره ..؟
منال حاولت تبتسم وتخبي خوفها وعدم رغبتها في اليلسه عند عمتها ..
منال : هيه عموه
ضحكت نوره ونشت صوب اخوها ومشو لين الكراسي ويلسو ..
نوره رغم انها كانت حرمه كبيره بس الي يشوفها ماكان يبين له انها كبيره .. عمرها 34 وكانت شديدة العنايه بنفسها وبجسمها وبجمالها ..
عيالها فيصل وحمد عمارهم ثنعش واربتعش .. كان الي يشوفهم مايقول اعيالها كانو ينبانون مثل اخوانها ..

منال كانت معجبه بشخصية عمتها .. كانت تشوفها مثل الاميره .. ولها هيبه وحضور قوي .. كانت تتمنى تكون مثلها يوم تكبر .. وكانت من ناحيه ثانيه تتذكر امها ... امها الطيبه الي هدوها العيال بطلباتهم ومسؤولياتهم .. وكانت تشوف الفرق بين عمتها الي متنعمه بالهدوء والراحه وتفرغها لنفسها ولعيالها الي ماكانو يتعبونها بشي برغم انها ربتهم تربيه حازمه ..

ام منال كانت مثل كل الامهات .. قليله الاهتمام بمظهرها .. كانت تبين على نفسها كبر السن اكثر من انها تحاول ان تخفي اثار السنين عليها ..
كانت طول الوقت مشغوله بريلها وعيالها وبناتها وبالحمال والربى .. علشان تيب الاولاد لزوجها علشان يفرحبهم ويسندونه في شيبته..لكن الله ماكان يعطيهم الا البنات .. وكانو يحمدون الله ويشكرونه.

انتبهة منال من افكارها يوم زقرة عليها عمتها وقالت الها تي تيلس حذالها .. مشت منال بكل خطواتها البريئه ويلست بكل حذر حذال عمتها .. كانت تحاول تكون بنت كبيره وفاهمه علشان تعطي عمتها انطباع زين عنها .

نوره تكلم اخوها : لاتخافون على منال يابو ناصر انا بحطها في عيوني وفيصل وحمد بيعاملونها مثل اختهم واكثر ..
بو ناصر : افا يانوره هذي بنتج وانحن مابنخاف عليها وهي عندج ..

نوره : صدقني يابو ناصر ماتتخيل فرحتيه بمنال كيف .. تعرف انته من توفى المرحوم عفت عقبه كل شي فحياتي مابقالي الا فيصل وحمد والتهيت وياهم وكان خاطريه دوم ببنيه بس ربك ماكتبلي ..
بو ناصر : ربج خذ منج وعطااااج .. الله يخليلج فيصل وحمد وتفرحيبهم انشالله واذا على البنات لاتفكرين ترا بناتي بناتج ويوم انتي بغيتي منال عندج والله اني ماعزيتها عليج ..

نوره : تسلم فديت روحك .. بس صدقوني مابتحسون بغياب منال عنكم ... منال مابتغيب عنكم كل يوم بتيكم ومته ماتبى خوانها وامها بنسيربها الهم .. وانتو بعد اباكم كل يوم تونا ونشوفكم ..
بو ناصر : مايهمج ومنال كم يوم وتتعود على بيتكم وانشالله ماتضايقكم وتتعبكم في شي .. ها يا منال عن الطياشه والمصاخه كوني بنت مأدبه وتسمعين الكلام ..

لالي...

12-12-2005, 23:26

تمت منال تطالع ابوها وهي منحرجه من كلامه ..
نوره : شو هالكلام يابو ناصر .. برايها منال تاخذ راحتها لعنبوه الياهل ان ماخذ راحته في بيته وين بياخذها..!! برايها مره تخرب وتلعب وكله فدوه عنها ..
بو ناصر : هذي بنتج من الحين وكيفج فيها هههههههه
نوره : يعني افدا روحها ..
بو ناصر : زين عيل .. اباج تسمحيلي الحين ورايه اشغال .. وانشالله نمركم وقت ثاني ..
نوره : الي يريحك الغالي بس اباك ترد عندنا وتتغدا ويانا ..
بو ناصر : انشالله ان لقيت فرصه بمر عليكم .. بس ما اوعدج باليوم ..

طالع بو ناصر منال الي كانت يالسه حذال عمتها طول الوقت وهي هاديه وتسمعهم .. حزنت عيونه وحز في نفسه كيف بيسير وبيخلي بنته .. بس بو ناصر ريال قوي والواجب الي يحسبه ناحية اخته يخليه يرضى ان بنته تعيش بعيد و تكون مع اخته الي يعزها .. و حته انه مايعز عياله كلهم وروحه عليها ..
بو ناصر وهو يطالع منال : منال .. تعالي حبيبي ..
نشت منال وهي تطالع ابوها وهي تحس ان خلاص لحضة الفراق قربت .. مشت صوبه وهي تحاول تبين نفسها قويه وقد هالموقف ..
من وصلت عند ابوها اخذها ابوها في حظنه ولمها وباسها ودفنت هي نفسها بين يديه وحضنه .. تم بو منال لاوي على بنته فتره وبدت دموع منال تنزل في هدوء وهي ساكته ..
مسك بو منال ويه بنته بين يديه

بو ناصر : حبيبتي .. الغاليه ترا هذا بيتج وهذي عمتج .. ومته ماتبين تين صوبنا خبري عمتج وبتيبج والا سويلنا تلفون .. وامج وخواتج كل يوم بيينج اهنيه ..
منال والعبره خانقه صوتها وطالع ضعيف : انشالله بابا
نوره : تعالي منال ..
نشت منال عن حضن ابوها غصبن عنها .. مسكتها عمتها وقالت الها
نوره : منال حياتي اذا تبين تروحين مع بابا روحي .. واذا تبين تتمين عند عموه نوره تمي .. على كيفج حبيبي
نوره كانت تكلم منال علشان تعطيها ثقه بنفسها ونفس الوقت تريحها وتحسسها ان القرار قرارها والي تباه منال هو الي بيصير ..
وقفت منال متردده تطالع ابوها .. وتطالع عمتها .. حست انها مب مغصوبه عشي .. وان عمتها تخيرها .. بس تذكرة ان ابوها وعمتها كانو يبونها تتم .. وهي بتطلع بنت عاقل ومطيعه ومابتكسر كلامهم ورغبتهم ..
منال : عموه نوره .. انا بيلس عندج .. لانج انتي تبن هالشي وبابا بعد .. وانا اكيد اني بتعود على هالوضع اليديد .. بس اول شي لازم تتحمليني لاني بكون مشتاقه لمي واخواتي ..

من قالت منال امي وخواتي ماحست الا بدموعها تنزل وماقدرة تقاوم الدموع .. خذتها عمتها بين يديها وضمتها في صدرها .. اعجبت نوره بمنال وتفكيرها .. حست انها تباها تكون بنتها صدق وانها خلاص اعتبرتها بنتها ولا تباها تروح عنها ..

نزل بو ناصر على ريوله عدال اخته وبنته وهدى منال وطمنها ..
بو ناصر : خلاص الحين مانباج تصيحين وتضايقين عمتج وتخلينا نحاتيج ..
منال بعد ماهدة : خلاص باباه كل شي اوكي
نش بو ناصر وطالع اخته الي تمت ضامه منال عصدرها .. ورفع ايده حياها وظهر .. وتمت منال في حضن عمتها نوره وتمت تضمها ماتباها تشوف ابوها وهو طالع عنهم علشان ماتضعف وتصيحهم اكثر ..

رفعت منال راسها بعد ماراح ابوها .. خلاص تمت بروحها عند عمتها في بيتها .. يلست نوره ترمس منال وتتخبرها عن دراستها وكيف بينقلون اوراقها .. وتسألها عن الاشياء الي تحبهن منال ... وتمت نوره توعد منال باشياء وايد وتخبرها عن رحلاتهم وعن فيصل وحمد وعن سوالفهم ..

منال ماتعرف عيال عمتها وايد ونادرا ماكانت تشوفهم .. لان عمتها معوده عيالها على عادات خاصه وجدول وقتهم كل مقسم بين الدراسه وهواياتهم وطلعاتهم الخاصه ..

يا وقت الغدا وطلبت نوره من الخدامه تودي منال غرفتها فوق وتبدلها ثيابها وتنزل للغدا من تخلص ..
خذت الخدامه منال من يدها وراحت ابها فوق .. طول الطرق ومنال كانت تستكشف كل ركن في البيت وتحس ان هالبيت خلاص بيكون بيتها ولازم تتعود على العيشه فيه ..
وصلت غرفتها وطلعت الها الخدامه ثياب علشان تغير .. تغسلت منال وتلبست ونزلت .. كانت الخدامه طول الوقت معاها وكأنها خادمتها الخاصه .. حست منال بتغير الاحوال عليها من بيت ابوها لبيت عمتها .. كل شي اهني بترتيب ونظام وحتى العادات غير ونظام الخدم .. حست ان الجو وااايد مغير عليها .. تمت تقول في خاطرها .. كيف بقدر اتأقلم مع نظام عموه وحياتهم الله يعيني ..

دخلت منال غرفة الاكل واول مادخلت طاحت عينها على عيال عمتها فيصل وحمد الي كانو يالسين على الطاوله حذال امهم .. تمت واقفه عند الباب وتطالع و استحت تدخل .. زقرت عليها عمتها نوره .. فتدخلت منال في تردد وسارت وسلمت عليهم ..
نوره : شحالك فيصل .. شحالك حمد
فيصل : مرحبا منال .. بخير شحالج انتي
منال : الحمدلله بخير ..
حمد : تعالي قربي اهنيه ...
واشر الها حمد لكرسي حذال امه وراح هو الصوب الثاني حذال اخوه ويلسو كلهم .. تمت منال تطالع الطاوله والاكل الي عليها .. الوضع وايد غير .. كيف باكل جدامهم الحين ..!! وليش الاكل فوق .. ليش مايفرشون تحت وناكل تحت ..!!
تمت قاعده ومامدة يدها للاكل .. ابتسمت عمتها نوره وخذت صحن منال وعطته الخادمه الي واقفه حذالها وحطت الاكل لمنال وقدمته الها ..
حست منال ان بيت عمتها مب بيت عادي وكل شي لازم يتم بهدوء ودقه وانها مابتقدر تاخذ راحتها جي ... حته الخدمه فندقيه .. تذكرة بيتهم ولمة اهلها واخواتها على الغدا .. سرحت فيهم تفكر .. عاداتهم البسيطه الحلوه وجو البيت والالفه الي بينهم حست بكل شي اختلف .. رجعت انتبهت للصحن الي جدامها ولعيون عمتها الي تقولها تاكل .. ابعدت عنها كل الافكار لانها خلاص يوعانه وتبى تاكل مدت ايدها وخذة الشوجه والسجين وبدت تاكل ..

طول الوقت حمد كان يسرق النظرات صوب منال .. كان ولد شيطان وحط منال في باله .. اما فيصل فكان يالس بكل احترام وهدوء ولا شل عينه على بنت خاله مول .. خلصو غدا وكان فيصل اول واحد ينش من على الطاوله بعد امه .. زقرة نوره على ولدها فيصل ومسكة يده ومشة وياه للبلكونه ووقفو هناك يرمسون .. في هاللحضه بدا حمد يرمس منال ..
حمد : بتعيشين عندنا صح منال ؟
منال رفعت نظراتها له وحست ان سأله دفش ..
منال : هذا الي تباه عموه
حمد : انتي ماتبين يعني ..؟
منال : انا عادي مايفرق عندي
حمد : مايفرق عندج ..!!؟ ههههههههههههههههه .. كل هذا ومايفرق عندج ليش مب باين لج كيف بيتنا وكيف بيتكم ..!!
رفعت منال ويها صوب حمد وكلها غيض من كلامه ..
منال : شو يعني ..؟ شو فيه بيتكم زياده عن بيوت العرب ..؟
حمد : اول شي هذا مب بيت .. هذا قصر .. ثاني شي الفرق كبير بين جونا وجوكم
حست منال بالغيض من سمعت كلام حمد
منال : صح بيتكم غير بس مب لانه قصر .. غير لانه بيت اشباح ومايسكنونه الا الجن
حمد تملكه الغيض من كلامها .. شو تقول هالبنت شو مفتكره نفسها تقول عنا وعن بيتنا جي ...!! هاي الا زطيه لامينها من الشارع ويايبينها نربيها ونسنعها
حمد : هي انتي شو مفتكره نفسج تقولين عنا جي .. احترمي نفسج لا اقوم الحين اعلمج الاحترام والسنع
منال حست ان مشكله بتستوي ان طولتها مع ولد عمتها وقررت انها تسكت عنه ..
منال : انا مابرد عليك علشان عموه بس .. وبعدين مب انته الي بتعلمني الاحترام والسنع عقولتك

نش حمد مضايق وتذكر امه الموجوده بينهم وسكت وظهر من الغرفه ..
انتبهت نوره للي صار امبين منال وحمد .. راحت عند منال ويلست حذالها عالطاوله وسئلتها
نوره : شو صار .. شو بلاكم .. حمد ضايقج بش ؟
منال : لا عموه ماصار شي بس سوالف عاديه
نوره : وليش ظهر معصب عيل ..؟
منال : مادري عنه عموه ..!!
منال مابغت تقول لمعمتها اي شي لانها خافت عمتها تزعل منها .. وهي ماتبى في اول يوم الها تسوي مشاكل ...

استسمحت منال من عمتها نوره وظهرة .. كان فيصل واقف يطالع الي يصير جدامه وماعلق عشي .. استسمح من امه وظهر هو بعد ..

نشت نوره واقفه وقعدت تفكر بوضع منال عندهم في البيت وكيف عيالها بيتقبلونها بينهم .. وحست انها على ابواب مشكله هي ماسوت الها حساب من قبل ..
عيالها مايعرفون يتعاملون مع اي بنت وخاصه انها بنت بتعيش امبينهم .. لازم تعلمهم كيف يحترمونها ويقدرون منها .. لانها ماتبى تضايق منال ولا اهلها ..

مغليهم

13-12-2005, 20:25

اختي المحترمه لالي مشكوره قصه روعه بنتظار تكملت اجزائها.. تقبلي ودي
مغليهم

لالي...

15-12-2005, 01:46

هلا فيك مغليهم
يعطيك العافيه عالمتابعه

تحياتي لك

عاشقة الاحزان

15-12-2005, 03:50

يسلموا لالي على القصة و اشكرك فعلا حلوة..
ننتظر الجزء القادم لا تتاخري ..

لالي...

16-12-2005, 01:00

هلا فيك عزيزتي عاشقة الاحزان
تسلمين عالمتابعه

لالي...

16-12-2005, 01:05

؛¤ّ,¸¸,ّ¤؛°`°؛¤ الــــجزء الثانــــي ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

ايه احبك هذا حظي الي انكتب ..... ودربي الي امشيه وادريبه تعب
ايه احبك وانته في عيوني سهر..... وانته وسط القلب حرات القهر
بس احبك

طلعت منال من غرفة الاكل وراحت غرفتها .. دخلت الغرفه وهي تسمي بسم الله وكل ما تسوي شي تقعد تسمي وتتلفت .. بعدها عندها اعتقاد انها ممكن تصادف اي جني وان في اي وقت يمكن يطلعلها شي .. تمت تقول في خاطرها .. شو يابني انا لهالبيت وسكنه ..ليش ماصحت وعارضت اكثر علشان يهونون ويخلوني عند امايا ..

عالعصر دقت الخدامه الباب على منال وهي كانت منسدحه على الشبريه وتجلب في قنوات التلفزيون .. نشت منال يالسه من دخلت الخدامه ..
الخادمه : منال .. مدام نوره تريدج تنزلين تحت ..
منال : اوكي الحين بنزل
نشت منال وراحت للمنظره شافت شعرها منكش .. مسحت عليه بيديها ورتبته شوي ونزلت ..راحت ميلس عمتها وين تترياها ولقت عندها فيصل وحمد يالسين حذالها وجنه الجماعه يالسين يتريونها .. قالت في خاطرها .. خير ان شالله شو بلاهم ميتمعين شو عندهم ..؟ يمكن حمد خبر امه عن الي دار بينا من كلام وعموه الحين معصبه عليه .. الله ياخذك ياحمد بتسويلي مشاكل مع عموه نوره وبتقوم سكنها عليه ..

نوره : هلا بالغلا .. هلا بحبيبت عموتها
من سمعت منال هالكلام تفججت من الوناسه .. قالت لااا شكلها عموه ماتدري بشي .. ويالسه تدلعني .. تمت منال واقفه مكانها ومستحيه.. هي مب متعوده على البزا .. في العاده امها ماعندها وقت تدلعهم وتبزيهم جي .. تمت تدايع من الوناسه وعموتها تتفدا فيها وتزقرها ..
تجدمت منال صوب عمتها ومسكتها عمتها بدلع ويلستها في حضنها ..
نوره : ها حياتي مرتاحه هني ؟
منال : هي عموه وايد مرتاحه
نوره : اليوم بنطلع وبنوديكم بوظبي مول شو رايج ؟
منال فجت عيونها .. بنسير مول ..؟ منال مب مصدقه عمرها ..شو الحياه عند عموه وناسه وحواطه .. وينج يامايا قبل كنتي تشردين شرده عنا يوم تبين السوق .. والحين بنتج يحوطوبها وعلى كيفها ويشاورنها ..
حمد: ها وايد عليها الدكان .. انتي مره وحده بتودينها مول .. شو تبون تجتلونها ههههههه

من قال حمد هالكلام التفتت عليه امه وطالعته بنظره خلته يتسمر مكانه من الزيغه .. ماعرف شو يقول والا كيف يعدل رمسته الي عقها ..
منال طالعت عمتها ونزلت عيونها تحت .. وسوت عمرها متضايقه وانهازعلانه .. وهي في خاطرها يالسه تضحك وتقول تستاهل ان شالله عموه الحين تلفك بطراق وتاخذ بقضايا منك ..

حمد : اسف منال كنت اسولف بس
قال حمد هالكلام علشان ينقذ نفسه من امه ونظراتها ويعدل موقفه ..
نشت نوره ومسكت ايد منال ونشو عيالها وراها .. كانت بس تمشي او تعطي امر بعيونها الكل وراها ويطيعها ويفهم عليها ..
نوره تبي تجمعهم وتلمهم مع بعض وتفهمهم انهم خوان وتعودهم على منال ..وتعود منال عليهم ..
طلعو في الحديقه .. فيصل كان يمشي حذال امه .. فيصل كان ولد هادي شخصيته يغلب عليها احترام الغير والرسميه وكان قريب وايد من امه .. وكانت امه تشوفه مثل الاخ والابن والزوج والاب بالنسبه الها .. يشاركها بكل افكارها وهمومها .. يفهمها بس من عيونها .. يحاول يريحها ومايزيد عليها الحمل ..
فيصل تقبل وجود منال عندهم من اول ماخبرتهم امهم عن قرارها في منال .. سكت وماعلق وقالها الي تبينه سويه لاتشلين همنا .. اكيد مابنخالفج .. حمد تضايق شوي.. ابدا بعض الغيره من منال .. وبطبيعته كان يكره البنات ومايستلطفهن .. امه تعرف عنه هذا الشي من ايام المدرسه ..لكنه في الاخير حب انه يشوف هالبنت الي بتي بيتهم وبتشاركهم حنان امهم وراعايتها واهتمامها.. واكيد كان يبى يغير جو البيت ابها ويتسلى على حسابها ..الولد راعي مشاكل ..

في الحديقه نوره تمشي مع عيالها وتسولف وياهم .. بس منال ماكانت وياهم مول .. كانت عيونها على الحديقه والمناظر حواليها والورد الي في كل مكان .. استغربت كبر الحديقه والمزرعه الي تحيط ابها .. كانت على زياراتها القبيله لبيت عمتها النادره .. ماتقدر تطلع من البيت نفسه .. والا انها حته تفج كندورة امها الي قابضتنها من الزياغ ..

فليل منال على شبريتها تحاول تنام .. والنوم محارب عيونها .. يلست على الشبريه وتمت تطالع الغرفه .. منال مارضت تخلي الخادمه تبند الليت .. ومن طلعت الخادمه عنها وهي على حالتها هاي كل شوي تنش تتلفت وترد تندس في فراشها ..
منال مب متعوده ترقد بروحها .. والبيت الي هي فيه والغرفه مب مخلينها ترقد من افكارها في البيت وانه مسكون .. الرعب كان مسيطر عليها .. اكثر من شوقها لامها وبيتهم وخواتها ..تمت تحاول تمسك دموعها وخوفها وماكان بيدها شي .. وين تروح وشو تسوي ..ماعندها حد تلجاله .. وعمتها ماتعودة عليها وخافة من ردة فعلها .. تمت طول الليل ماسكه خوفها ورعبها لين ماغلبها النعاس من التعب ورقدة .. على اول الصبح وقبل ماتظهر الشمس فزة منال واعيه .. انتبهة وتذكرة الجن ماعرفت شو تسوي نشت تصرخ وتربع برا الغرفه .. وقفت في الممر وقعدة تصارخ وتصيح .. خلاص ماقدرة تستحمل اكثر ..

على الصياح نشة عمتها نوره وطلعت تربع برا تشوف وين هالصريخ والصياح .. وقفت ولقت منال واقفه نص الممر وتصارخ ومب عارفه وين تروح .. وتزقر امها وابوها ..

راحتلها نوره وخذتها في حضنها تحاول تهديها بس منال فزة من نوره ومارضت تقعد في حضنها .. فيصل وحمد طلعو وتمو يطالعون منال ومب عارفين شو صاير الها ..

تمت نوره تقرا على منال وتتقرب منها وتحاول تهديها .. شوي شوي هدا صريخ منال وسكتت وهي تصيح ودموعها مغطيات ويها .. مسكتها عمتها وسمت عليها وشلتها وراحت ابها لغرفتها .. التفتت لحمد وفيصل وقالت الهم يسيرون يرقدون .. وانها بتهدي منال ..

دخل فيصل غرفته ويا بيسكر الباب وشوي وان اخوه حمد ساد الباب يبى يدخل ..
فيصل : خير حمد شو عندك ..؟
حمد دخل وهو قابض راسه وعافس ويهه وقعد يكفخ بيديه من الغيض ..
فيصل : هههههههههههههه ها كله غيض من منال ؟؟
حمد : اخخخخ يافيصل ميت قهر منها .. عنلاتها شو هالبزا .. تصارخ اخر اليل وتباغم .. شو يبغمها هالبزيا اذتنا ماخلتنا نرقد
فيصل : هههههههههه والله يمكن البنت تعبانه والا شي بلاااها .. وتراها بعد صغيره وحليلها واكيد تبا امها
حمد : ها صغيره ..؟ ها يعريه شو تبى بمها .. يويلي على ضربها لو يفجوني عليها انا بأدبها الهم زين ..
فيصل : ههههههههههه فكني انته الحين وخلني ارقد .. ممكن ..؟
حمد وهو يطالع اخوه بغيض : ماعليه بسير عنك بس صدقني بيي يوم بفج غيضي في هالبزيا وارتاح
فيصل : هههههههههه يالله يالله فارج
ظهر حمد عن اخوه وسار غرفته ..

نوره ذيج الليله باتت تقرا على منال وتهدي فيها .. والبنت تهدا وترد تذكر عمتها وسكنها وترد تصيح بس عمتها مب فاهمه شو السالفه وليش منال مرتعبه جي ..
اخر شي نامت منال في سرير عمتها نوره .. ونشت نوره بعد مااطمنت على منال وراحت توضة وصلت الصبح .. وردت انخشت في الفراش عدال منال ورقدة وهي حاضنتنها ..

عالصبح وعت منال واول مافجت عيونها تذكرة ليله امس والفضايح الي سوتهن والبغيم والحشره .. ويت بتنش فحست بجسم عمتها حذالها وهي حاضنتنها ونايمه .. ردت على وضعها القبلي ولا تحركت وخافت توعي عمتها .. ومني استحت .. سوت عمرها راقده وماتحركت .. شوي وان عمتها نشت وقامت يلست وطالعت منال .. هوت عليها وباستها وقامت راحت الحمام ..

من دخلت نوره الحمام نشت منال من الشبريه وطلعت على طول صوب غرفتها .. افتشلت من عمرها ومن الي سوته البارحه .. تمت تلوم نفسها وتقول الحين شو بيقولون عني وحمد اكيد مستانس لاني سويت جي وعموه اكيد تضايقت مني .. ياربي شو اقولهم الحين لو يسئلوني شو بلايه ..؟

اخر شي نشت منال وراحت الحمام بتتسبح .. لقت الخدامه مزهبه الها ملابسها ومن طلعت من الحمام لقتها على طول في ويها .. ساعدتها في لبس ملابسها ومشطة الها شعرها ونزلت وياها تحت .. على الريوق لقت عمتها يالسه تقرا الجريده وماشافت لا فيصل ولا حمد .. قالت في خاطرها الحمدلله مافيه على مجابل ويوهم على الصبح والشماته ..

رفعت نوره ويها عن الجريده من شافت منال وزقرتها .. راحت منال لعمتها وباستها على راسها وصبحت عليها ..

قعدة نوره تسولف مع منال ولا طرتلها شي عن الليله الي فاتت .. ماحبت تضايق منال واكيد عرفت ان منال مفتشله من الي صار وماتبى حد يذكرها به والا يسألها عنه ...

يلسن منال وعمتها يتريقن ..
منال : عموه وين فيصل وحمد ليش مايتريقون ويانا ..
نوره : فيصل وحمد طلعو عندهم تدريب في نادي الخيل وبيردون بعد ساعه وبتحطلهم الخادمه ريوقهم ..
منال : اها ..
تمت نوره تطالع منال وترد عينها عنها وتكمل اكلها .. في خاطرها تسألها عن سالفة البارحه بس غيرة رايها ..

خلصن ريوق وطلعن يلسن في الصاله .. شوي وان حمد وفيصل رادين ..
فيصل : السلام عليكم ..
وسار عند امه وهوا عليها وحبها على راسها و ايدها ..
دخل حمد عقبه وسلم وسار صوب امه وباسها .. يلس حذالها وحط ايده من ورا جتفها .. وعيونه صوب منال الي يالسه على طرف وتطالعهم ..
نوره : ها فديتكم شو سويتو ..؟
فيصل : والله ماشي يالغاليه هذا السير من النادي لهني
حمد: لعلوم عندكم اهنيه .. خير على سالفه البارحه شو بلاها ست الدلال.. اقصد شو بلاها منال بايته تصارخ وتصيح ..؟

حمد اكيد انه مابيفوت هالشي ومن البارحه هو خاطره مليان على منال ووده يفج غيضه شويه فيها بس بعد وجود امه كان يمنعه من هالشي والاستمتاع به ..

نوره : البنت اول ليله الها هني .. وكانت اكيد مشتاقه لمها وبيتهم ..
تمت منال منزله راسها وماقالت شي ...
فيصل : ماعليه يامنال كم يوم وبتتعودين على بيتنا ..
حمد : بتتعودين قصده على الجن ماليلنا ههههههههههههه
طالعت نوره ولدها وهي تلومه ..
نوره : حمد شو هالكلام ..؟ تبى تزيغ البنت وتخرعها اكثر من ماهي مخترعه ..؟
حمد : والله انا مايبت شي من عندي هاي رمستها هي ..
نوره : رمسة منال ..؟

تمت منال تطالع حمد وعمتها وتدعي في خاطرها عليه .. الحين بيفضحني هالغبي ..الله ياخذه شو اسوي الحين ..
حمد : تراها بروحها تقول ان بيتنا بيت اشباح وجن ..
منال وهي تحاول تعدل موقفها : لا عموه..
تمت نوره تطالع حمد وتلومه على رمسته ولسانه الي ماييوده ..
حمد : شو لا ..؟ تنكرين انج قلتي هالكلام ..
بدا حمد يحرج منال اكثر واكثر .. ونوره ماعجبها هالشي وحبت توقف كل شي عند حده ..
نوره : حمد .. خلاص .. ماصار شي وان قالت منال هالكلام تراها ماتعرف بيتنا وماتعرف شي عنا .. واكيد هي كانت سامعه هالشي ومالها علاقه به ..
تم حمد يطالع امه .. ليش تدافع عن منال .. تم يتحرطم بداخله ويشوف امه توقف مع منال وانقهر هو ..
ضحك فيصل على حمد ومنال ونش بيسير يتريق ..
فيصل : اماه انا بسير اتسبح خلو الخدامه تحط الريوق ترا ميت حدي ..
نوره :مايهمك الغالي ..

لالي...

16-12-2005, 01:08

ظهر فيصل وهو يفر اخوه بطاقيته ويضحك عليه .. وحمد يالس منقهر وماسك عمره .. ومنال رافعه راسها وفرحانه ان عمتها واقفه وياها وانقذتها من حمد ..
نش حمد بيظهر ووفقته امه ..
نوره : حمد ايلس ابااااك انته ومنال ..
حمد حس ان امه ناويه تعطيه محاضره عن الشيخه منال وكيف لازم يعاملها ..
رد يلس مكانه وهو يتحرطم .. مسك طاقية اخوه وقعد يلعبها بيديه وهو يتريا امه ترمس ..

نوره : حمد ومنال .. اباكم بكلمتين .. ابى افهمكم انكم عيال عمه وخال قبل اي شي .. وماابا حد فيكم يشل على الثاني في قلبه .. بعدين انتو توكم تتعرفون على بعض وجدامهم عمر طويل بتقضونه مع بعض وفي نفس البيت .. يعني اباكم تهدون وتتعاملون كأخوان وقلوبكم على بعض مب ضد بعض ..
ماله داعي البغض والهندقه الزايده ياحمد ..

حمد وهو بيثور على رمست امه : ها هاااا اشوف الكلام الا لحمد .. وهالبريئه ام ويهين ماتوجهيلها هالرمسه ..
نوره : حمد .. الكلام موجه لك والها .. بس منال ضيفه يعني لازم عليك انته التسامح والمغاضه..
حمد " اماه توج تقولين انحن خواااان وبيت واحد .. يعني هي بعد لازم تتغاضى وتصخ عني ..
نوره وهي تتأفف : الله يهديك .. ياحمد انا مابكرر كلامي .. كلامي واضح ومابى جدال فيه ..

حمد وهو يطالع امه ومنال ومايل بويه على طرف عنهم ومب عاجبنه شي ..
حمد : خلاص الوالده كلامج مطاع .. تامريني بشي غير ..؟
نوره بعد ما هدة وعيونها باين فيهن لومها في حمد : لا الغالي سر تريق برايك ..
نش حمد وفر طاقية اخوه وين كان يالس وظهر ..

حست نوره بلوم ناحية حمد وعطريقه كلامها وياه .. حست ان هاي اول مره ترمس حمد بهالطريقه وماهان عليها انها تلومه هالقد .. بس في نفس الوقت هي بغت تعلمه الاحترام مع الناس ..هي ماتلوم حمد في تصرفاته اكيد انه يغار على امه ومايبى حد ياخذ اهتمامها عنه ..

طالعت نوره منال وخافت ان موقفها هذا مع حمد يسبب لمنال مشاكل اكثر في المستقبل وحمد يحقد على بنت خاله اكثر ..
تمت نوره محتاره .. كيف بترضي لثنين بدون ماتتسبب في نزاع وحقد بينهم في المستقبل ..

نشت منال وبغت تظهر هي بعد .. التفتت الها نوره وزقرتها ..
نوره : منال ..
منال : خير عموه ..
نوره : تعالي اباااج ..
سارت منال ويلست حذال عمتها وهي تقول في خاطرها .. شو بعدها عموه تبى تقول ..!! ماخلصت من النصايح ..؟
نوره يلست تفكر كيف تغير فكرة منال عن البيت وسالفة الجن وبغت تفهم منها السالفه اكثر واذا هي صدق كانت خايفه من هالشي ..

نوره : ها منال الحين اباج تقوليلي .. صدق الكلام الي قاله حمد ..؟\
تمت منال ساكته وماعرفت شو تقول ..
نوره : منال حبيبي لاتخافين من شي .. قولي الي صار ..
منال : لا عموه انا مب خايفه من شي ولا من اي شي قلته .. بس انا خايفه من زعلج عليه .. وماباج تزعلين مني ..
نوره : مستحيل ازعل منج .. انتي حبيبت عموه .. ولو شو تسوين مابزعل منج ..
تطمنت منال واستانست على هالكلام .. وراحت تخبر عمتها عن الكلام الي دار بينها وبين حمد ..

ضحكت نوره وتمت تطالع منال وهالافكار الي يايبتنهن وياها عن بيت عمتها وعمتها ..
يلست تفكر شوي وعقب طالعت منال وقالت الها تعالي معااااي ..
نشت منال مع عمتها وهي مب عارفه وين عمتها تبى توديها .. طلعن فوق الطابق الثاني ويد نوره في يد منال وكل شوي تطالعها وتضحك الها ..

راحن غرفة منال ودخلن وسكرن الباب ..
راحت نوره ويلست على الشبريه وتمت منال واقفه جدامها وتطالعها وتترياها تقولها شو عندها ..
نوره : اكيد تبين تعرفين ليش يبتج اهني ..
منال وهي مستغربه : هي عموه شو السالفه ..؟
نوره : منال انا ماباج تخافين بعد اليوم .. البيت مافيه جن ولا شي من هالخرابيط ..وانتي تعرفين ان البيت الي ينقرا فيه القران ماايونه الجن..؟ وهالي سمعتيه كله خرابيط ..

منال : بس عموه كل الناس تقول جي .. ليش عيل يقولون جي يوم البيت مافي شي ..!!
نوره : احنا ساكنين اهنيه ومن زمان ولا عمرنا شفنا شي ولا سمعنا شي .. يعني الناس الي برا ادرا عننا ببيتنا ..؟!!
تمت منال تطالع عمتها وتفكر واقتنعت بكلام عمتها ..
نوره : واذا تبيني اطمنج اكثر بقولج شي غير ..
منال : شو ..؟
نوره : منال تعرفين هالبيت .. ها بيت ابويا الله يرحمه .. يعني ها بيت العايله وبيت ابوج بعد ..
منال فجت عيونها واستغربت هي اول مره تعرف هالشي ..
نوره : والغرفه هاي كانت غرفة ابوج ..وغرفة فيصل من عقبه .. واسئليهم اذا تبين ..اذا كد سمعو شي ولا حسو بشي ...
منال ماصدقت .. هاي غرفة ابويا وهو صغير وانا فيها الحين ..!! تمت تطالع الغرفه وترد تطالع عمتها في ذهول ..
عقب ضحكت منال واستانست ..
نوره : ها يامنال .. في خوف بعد هاليوم ..؟
منال : ههههههه لا عموه وليش اخاف وانا في غرفة ابوياااا وبيتنا
نوره : ههههههههه فديتج يالغلا ارتحتي الحين ؟
منال : وايد عموه .. وايد ريحتيني ..
نوره : ههههههه فديت روحج .. يالله عيل انا بظهر عنج تبين شي ..؟
منال : لا عموه مشكوره ..
ظهرة نوره عن منال وراحت غرفتها .. كانت تتنهد وتحس ان تربية طفل يديد تعتبر مسؤوليه يديده عليها وماتعرف اذا هي تتصرف صح مع منال والا لا ..؟

طلعت منال من غرفتها وراحت الصاله كان خاطرها تشوف حمد وتقوله عن الاخبار الي عرفتها توها وتقهره ..
نزلت ولقت فيصل يالس يطالع التلفزيون ويشرب جاي .. من شافها فيصل اعتدل في يلسته وزقرها تي عنده ..
راحتله منال وهي مستحيه شوي .. لين اليوم منال ماتعرفت على فيصل عدل ومابان الها شي من ناحية فيصل صوبها ..
فيصل : وين اماه عيل ..؟
منال : راحت غرفتها
فيصل :هممم .. تريقتي .؟
منال : هي تريقت مع عموه نوره ..
تمت منال يالسه وتلعب بطرف فستانها وفيصل يالس يدور بالكوب في الصحن وهو محطوط على الطاوله جدامه .. ومب عارف شو يقولها والا كيف ييلس وياها .. ومن ناحيه ثانيه كان يبى يزيل الحواجز الي بينهم ويخليها تحسبه مثل اخوها ..بس تم محتار ومب عارفلها ..
التهت منال في عمرها وتفكيرها في حمد الي كانت تدوره بعيونها وخاطرها تسيرله وتغايضه ونست فيصل الي كان يحاول يتعرف عليها اكثر ..
نشت وسارت صوب حمد يوم شافته يلعب خارج البيت بالكوره ..
طلعت وتمت تتمشى حذاله وفي عيونها وخاطرها الرمسه وفيصل يالس يطالعهم من مكانه وحاس بالنيه الي في عيون منال ..
حمد وهو يلعب يالكوره : خير ست الدلال شو في خاطرج تحاوطين عندي يالسه ؟
منال وهي واقفه وحاطه يديها وراها : ماشي ..
حمد : ارتحتي اليوم يوم شفتي امي واقفه وياج ضدي .؟
منال تلومت في حمد بس عقب ردت وقالت يستاهل هو مايتلوم فيها ليش انا بتلوم فيه ..
منال : انا يايه اقولك ان هالبيت او القصر مثل ماتقول بيت ابويا قبل مايكون بيتكم .. يعني .. اليه فيه مثل مالكم ..
تفاجأ حمد من هالرمسه ورفع راسه يطالع منال وما اهتم بالكوره الي طاحة عنه وراحت بعيد ..
حمد : شو تخرفين انتي ..
منال : الي سمعته .. ولا تيلس تغيضني بالهشي مره ثانيه ..
حمد : منو قاص عليج انتي .؟
منال : عموه نوره قالت لي وماتقص عليه ..
حمد : جذابه انتي ..
منال : والله حتا روح تخبرها ..

سار حمد قبل ماتكمل منال كلامها وطلع فوق عند امه .. بعد هاللي ناقص عقب ما اسكت عنها واخليها تولي تي امي الحين تقويها عليه وتخلي راسها براسي ..

راح حمد ودق الباب على امه ودخل وهو مضيق ..
حمد : امااااه شو هالكلام الي تقوله هالهبله .. شو قلتيلها انتي ها بيت ابوها .. ؟؟!!
نورة فجت عيونها في ولدها .. ياربي شو هالحاله .. هاللثنين مابيهمدون شوي وارتاح منهم ..

نوره : شو بلاك بعد ..؟
حمد : منال
نوره : وشو بلاها منال ..؟
حمد : منال تقول ان هذا بيتهم قبل مايكون بيتنا .. صح هالكلام .. يعني هذا مب بيت ابويااا ..؟
ماعرفت نوره شو هالورطه والا شو ترد على ولدها .. هالولد حاط دوبه ودوب هالبنت ..
نوره كانت جاذبه على منال علشان تريحها ومادرة ان هالجذبه بتورطها مع ولدها .. لين الحين نوره مب عارفه كيف تتعامل معاهم..هي يوم فكرة تيب منال عندهم مافكرة بالمشاكل الي بتواجها مع عيالها وبين منال ..
ابتسمت نوره لودها وحاولت ترضيه هالمره .. علشان ماتزيد الامور بين الاثنين ..

حلم شاعر

28-12-2005, 19:28

مشرفتنا القديره .. لالي.
امنياتي لكي دائماً بالخير.

قصه حلوه ومثيره من بدايتها.
استمتعت كما غيري بقراءة ماسبق من اجزئها.
ننتظر بقية فصولها.
لاعدمتك.
.
.
! حــلــم شــاعــر !

لالي...

29-12-2005, 02:10

العزيز (حلم شاعر)
هلا وغلا فيك

كل الشكر لك على تواجدك ومتابعتك لاحداث القصه

يعطيك الف عافيه

تحياتي لك
.. لالي ..

لالي...

30-12-2005, 00:33

¤ّ,¸¸,ّ¤؛°`°؛¤ الــــجزء الثالـــــــــث ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

اشوف الناس في عيوني
ومن بدهم اشوفك غير
واحس مثلك في ها الدنيا ابد مايصر
في عينك سحر ياخذني ويخليني معك اسير
واحس عمري وقف عندك وايامي وراك اتسير

منال بدت تشتاق لاهلها وامها .. الوقت في بيت العمه نوره يمر بطيء عليها .. وبدت تحاول تتجنب حمد وتريح راسها منه ..

فيصل : منال تعالي تلفون ..
منال فجت عيونها وخاطرها تقول ان امها الي داقه الها .. التفتت على فيصل وهو واقف عند باب غرفة الجلوس ويترياها ..
منال : منو ..؟
فيصل وهو يطالع منال بنظرات الي ياييب شي حلو ويتريا يشوف فرحة منال ..
فيصل : منو تتوقعين يعني بيدقلج غير امج والا خواتج ..!!
نشت منال والفرحه في عيونها وعطول تركض عالتلفون ..

منال : الو
ام منال : هلا بمنوله هلا بحبيبي
منال : اماياااااا
وبدت منال تصيح ..
ام منال : افا يا منال .. انتي حرمه ليش الصايح ..
منال : امي تولهت عليكم وااااايد
ام منال : وحنا فديتج تولهنا اكثر واكثر .. شو مسويه هناك ربج مرتاحه ..؟
منال : هي اماه مرتاحه بس اتوله عليكم وايد
ام منال : يعني افدا روحج ..تعالي والا احنا بني صوبج .. ولا تعبلين على عمتج
منال : ماعليه لازم بييكم ..امي وين خواتي ماسمع حسهن ..؟
ام منال : هذي العاش حاشرتني تبى ترمسج اندوج اياها
العاش : الووووووووو منووووووه
منال : عوااااااااش
العاش : اخ عليج خلاص شلوج عنا يعني ماتتصلين ماعندج خوات
منال : جب جب يالدبه وليش انتي والا قطيع هالبنات الي عندج ماتتصلن هاااا
العاش : فكينا الحين خبريني شو تسوين هناك ..وكيف عايشه بين هالناس
منال : شو بعد هالناس ..!! ها عمتج الا وعيالها ...وبعدين شقى يعني بعيش عادي
العاش : يغربلج خليتينا ورحتي عنا.. مالت عليج
منال : بكيفي هوه .. وبعدين اذا تبين تين بدالي تعاالي حيااااج اصلا بتفكيني
العاش : ومن شوه افكج شو صاير عندج..؟
منال : بعد شو بيصير غير اني مفروره بعيد عن اهليه
العاش : منوووه سمعي
منال : ها العاش اسمع
العاش: ترا بني صوبكم انا واماه وحمدوه
منال : واالله ومته بتون .؟
العاش : باجر يمكن ني
منال : بس انتي وحمدوه بتووووون وليش والباقين مابييون ..؟
العاش : شو الباقين شو تبينا نظهر الباص ونحمل فيه خوانج كلهم ونفجهم في بيت السحره .. لا عاد خواني غالين عليه وبعد مافينا يتعشونهم ويجتلونهم والا شي...
منال : مالت عليج وخوانج غالين عندج وانا شووو ..!!؟ مالي رب ويا ويهج ونا مب غاليه شراتهم
العاش: ههههههههه لا خلاص اصل انتي الحين برا العايله مالنا علاقه بج
منال : تخسين والله الا انا من العايله وانتي تظهرين منها .. يالدبه
العاش : ههههههههههه صايره ماتقهرين مزاح يالخبله حشا شو تعقدتي من سرتي عنا
منال : متفيجه انتي ... بس سمعي
العاش : ها شو
منال : شوفي يوم بتن انتي وحضرة حمدوه لاتن كجره كالعاده .. اايه تسحن لاتن بكشيشكن وتلبسن وتسبحن قبل لا تن ههههههههه
العاش : لا والله .. جي وين سايرين انحن قصر حرم صاحب السمو
منال : انتي سمعي الكلام عاد وعن الحشره .. لاتن جنقليات وتفشلني جدامهم ..

منال مافيها على تعليقات حمد عليها وعلى خواتها .. ويلست توصي العاش شو يلبسن وشو يسون وكل شي يخص هالزياره ..

سكرت منال عن اختها وراحت عند عمتها نوره علشان تخبرها عن زياره اهلها الها واخواتها ..
نوره : انا رمست ابوج بعد اليوم وقالي انهم ناوين ايون واييبلج خواتج يشوفنج ..
منال : بتي العاش بس وحمدوه ..
نوره : وانتي تبينهم كلهم ايون ..؟
منال : هممم انا مشتاقتلهم كلهم .. بس هم مابيقدرون ايون كلهم مع بعض ..
نوره : انزين شو رايج هم بيون باجر وانتي عقبها بكم يوم روحيلهم ..
منال : والله ..عادي يعني ...؟
نوره : هي حبيبي عادي .. وبعد سيري قبل السوق واشتري الهم العاب وهدايا ووديهن وياج زياره لخوانج .. شو رايج .؟
استانست منال على هالشي ونشت من الفرحه وباست عمتها وربعت فوق حجرتها .. تعدل اغراضها وتشوف فساتينها وترتب العابها علشان من ايييون خواتها ترويهن غرفتها وكل شي يابته الها عمتها ..

……....

فيصل وحمد يالسين في غرفة فيصل ويطالعون سباقات الخيل ومطولين على التفزيون ومحتشرين .. ومنال يالسه بروحها في الصاله الي فوق وتسمع حشرتهم ..
خاطرها تدخل عندهم وتعرف شو يسون .. بس لان حمد هناك هي مب رايمه تدخل ولو على فيصل منال ترتاحله وعادي عندها لو تدخل غرفته وتيلس وياه ..

في هاللحظه طلع فيصل من الغرفه وشاف منال يالسه بروحها .. خطف عدالها وهو يطالعها ..
فصيل : شو تسوين بروحج ..؟
منال : ماشي بس يالسه ..
فيصل : هممم اوكي تعالي عندنا
منال فرحت ويا فيصل عخاطرها بس تمت ساكته وتفكر في حمد الي داخل ..واكيد هو مايباها تيلس وياهم
تمت ساكته
فيصل : بسير اييب بيبسي تبين ..؟
منال : انا بسير اييبلك
فيصل : .... اوكي
وقف يناظرها وهي تربع من عالدري ويالس يفكر فيها وفي داخله راحمنها ومتعاطف على وضعها .. وبدا يلوم حمد على معاملته الها .. رغم انه من البدايه فيصل ماكان مهتم ابها ..
بس مع الايام تم يحس انه لازم يهتم ابها لانها دايما بروحها وتحس بوحده ..وهم ماحاولو يندمجون معاها لانها بنت ومايعرفون كيف ييلسون معاها ..

فيصل عدا مرحله اللعب وتم يشوف عمره ريال وماييلس مع البنات وله ميول ثانيه عنهم وتفكير اكبر من تفكير حمد ومنال .. لكنه قال لنفسه .. لازم اهتم اشوي ابها خلاص هذي تعتبر اختنا ..

دخل فيصل غرفته وشوي ان منال يايه وواقفه على طرف الباب وشاله بيبسي الها ولفيصل ولحمد .. عبالها دهان سير علشان حمد مايناتربها ومايقولها شي ان يلست وياهم ..

تمت واقفه وايد عالباب محد حسبها .. عقب دزة الباب ودخلت .. شافها حمد وعطول عطاها بنظره يفهمها .. انتي شو يايبنج .. شو تبين .. بس منال سوت عمرها طيبه واونها ماشافته وعطول سارت بسرعه لفيصل وعطته البيبسي ووطت بيبسي حمد عداله وراحت سوت عمرها بتطلع ..
فيصل : منال .. وين تبين تعالي يلسي ويانا
طالع حمد فيصل بعيونه ويقوله ليش تزقرهااااا
منال تمت تطالع حمد وفاهمه عليه .. ووقفت مكانها وردت بتحدر تيلس وياهم ..
وتم حمد يتحرطم في داخله معصب ..
يلست منال حذال فيصل .. ويلس يرمسها .. شوي شوي نسى فيصل التلفزيون وحمد وتم يسولف ويا منال ويقرضون حمد ويلاعبها ويلعوزها .. استانس فيصل عليها وعلى سوالفها

لالي...

30-12-2005, 00:35

منال : فيصاااااال يالله عاد ترا بخبر ابويا عليك ههههههه
فيصل : هههههههههه وشو بيسويبي ابوج عاد؟
منال : بيقبضك من ريولك وبيعلقك من الدريشه ..
فيصل : هههههههههه مب ابو هذا طرزاااان هههههههههههههه
منال : طرزان ..!! ها ماعليه هذي بسجلها لك بعد .. كله بيوصل هههههههه
فيصل : لااااا انتي لازم يغيرون اسمج من منال لرويتر ههههههههههه
منال وهي متعجبه : ومنو هاي رويتر ..؟
فيصل : هههههههههههه هاي وحده شلقى وعريا وفيها لسانين وتظهر للبنات بس فليل..
منال : هااااااا هذي خطيبتك عرفتها ههههههههههه
فيصل : ههههههههههههههههههه لا خطيبت حمد هاي
حمد : حوه خلو حمد في حااااااله لاتيبون طاريه لا انشلكم بالشلوخ
منال : يمه منه هذا منو بتاخذه .. زين يوم رويتر طاعت وقبلتبه ههههههههههههه
طالعها حمد وهو معصب وناوي عليها ..
فيصل : هههههههههههههههه حمد رفجه ماتقلولها شي
حمد : هي لا زين .. حلو .. قبل امايا والحين اشوفك درت انته في صفها .. وانا حليلي قبضتوني الباب ..
فيصل : ههههههههههههههههه سوالف والله عن تصدق
منال : ههههههههه خله يصدق عادي مابيستويله شي بس بيتعقد اكثر من ما هو متعقد ..
حمد: ها سكت عن الاوليه بعد هاي تباني اسكت عنها ...؟ اسمحلي
فيصل : ههههههههههههههه والله انها طماشه .. حلفت انك ماتقولها شي ..
حمد : بسكت عنها الحين بس مب دوم .. وخلها تصطلب لا اصلبها بمعرفتيه

تمت منال تطالع حمد وهي معفسه ويها وتقلده وهو يرمس بدون صوت وفيصل يطالعها ويضحك عليها ..

يوم عن يوم حلوة العلاقه بين منال فيصل ونوره اكثر واكثر .. ومنال ارتاحت بينهم وتعلقوها .. مابقى الا حمد .. بعدها منال مانزلت له من زور ..

اخر الاسبوع تزهبت منال بتسير صوب اهلها .. ونوره يالسه معاها في غرفتها .. مب هاين عليها ان منال تروح عنها ..
منال : عموه شو البس .. الفستان الازرق الي شريناه من المارينا .. والا البس البنطلون والقميص البني الي يابه لي فيصل ..؟
نوره : لا لبسي الفستان الازرق احسن .. وخلي البناطيل اهنيه لاتلشين شي منهن .. تعرفين انتي ابوج مابيعيبه هالسوالف هههههههههه
منال : ههههههههه لا عموه بابا مايقول شي بس حق عاشوه وحمدوه هي بيهزبهن
نوره : خلاص عيل شلي البنطلون البني وياج .. وعاد ها ترا بنتوله عليج مب تحلالج اليلسه عند اهلج وتنسينا ..
منال : لا عموووووتي مابتأخر عليكم بس يومين ترا وبرد
نوره : فديتج ..
وتمت تطالعها بعيونها ومب هاين عليها فراقها ولو يومين ..
راحت خذتها بين يديها وضمتها عصدرها ..

دخل فيصل عليهم ومنال في حضن عمتها ..
فيصل : ها ها شوي شوي عدال خلولي شوي من البزا هههههههه
قامت منال عن عمتها وشافت فيصل وهو حادر يدورهن ..
نوره : خلوني اشبع منها بتسير عنا .. ونا ماعرف شقى بطيق البيت بلااااها ..
فيصل : افاااا يا مااه ترا محد سمعج غيري وبعديلج ايااها .. لعنبوه انا وحمد خلاص ماتبينا .. ولاا خلاص عقب منال ماحد عايبنج هههههههههه
نوره : يعني افدا روحها .. انتو غير وهي غير .. كل حد بغلاااته

منال كانت تطالعهم وتشوف فيصل وعمتها وتحس انها تنتمي الهم وبدت تحبهم من خاطرها ..التفت الها فيصل وشاف في عيونها هالحب والغلى .. حب انه يلاعبها ويضحك عليها قبل لاتسير عنهم ..
سار فيصل ومسك منال وشلها فوق يلاعبها ويغايضبهاااا .. تمت منال فوق وهو يدوربها وهي تصارخ خايفه يطيحها وهو ميت ضحك عليها ..
ونوره تحاول ترمس فيصل وهي خايفه على منال وتباه ينزلها تحت ..
شوي وان حمد ياي بيحدر عليهم وهو يسمع هالصريخ والضحك من داخل غرفة منال ..
وقف حمد عالباب وشاف امه واخوه كيف ان منال استحوذة على حبهم ووقتهم .. تمت واقف يطالعهم ويت عينه على منال واغراضها الي مزهبتنهن ..
حمد وفيه فضول : شو هالاغراض ..؟ منال بترد بيت اهلها ..؟
نوره طالعت فيصل الي طالع امه وفي خاطره يبى يضحك على حمد ..
فيصل وهو مسوي عمره حزين : هي خلاص منال قالت تبى ترد بيت ابوها ..
حمد : ...... وليش تروح محد قالها شي يزعلها ..
تمت نوره تطالع حمد وفيها فضول ومستغربه ردة فعل ولدها ..
منال عجبتها الجذبه وحبت تكملها ..
منال :لا محد زعلني ولا شي بس هذا مب بيتي وانا لازم برد بيت ابويا
حمد وهو منفعل : لالا ها بيتج محد قال مب بيتج .. ومب لازم عليج تردين علشان هالسبب ..
هني ضحك فيصل ماقدر يستحمل ..
فيصل : هههههههههههههههههههههههههههههه اسميك انك .. جي السالفه عيل
نوره بعد ماقدرة تمسك عمرها وضحكت ومنال بعد ..
تمت حمد يطالعهم ومستغرب ..
حمد : ليش تضحكون شو قلت انا ..شي يضحك ..!!؟؟
فيصل : هههههههههههههه لا مايضحك .. بس طلع المستخبي ههههههههه
حمد : عنلاااتك شو بعد مستخبي .. ماقلت شي انا غلط ..
نوره : فيصل يالله عاد يوز عن حمد .. يعني افدا روحه .. حبيبي منال مابتسير عنا بس زياره لبيت ابوها يومين وبترد ..
من سمع حمد هالكلام .. تفشل ومني انقهر على هالجذبه ..وعلى الكلام الي قاله ..
حمد:اهااااا .. اوكي زين ..
منال وهي تغايض حمد : اهااااا اوكي زين .. هههههههههه
فيصل : هههههههههههه بتسير عنك منال ياحمد .. الله يعينك على فراقها
حمد : بسويلكم حفله انا من تسير منال وبرقص كل الخدامات فيها ههههههههههه
فيصل : ههههههههههههه شو رايك تيول انته فيها مع روز ..
منال : لا والله ومستانس حضرتك يوم بيسوون حفله لفراقي ..؟
فيصل : لا افاااا .. بس نبى نطمش على حمد وروز هههههههههه
نوره : ههههههههههه يالله عاد ظهرو خلو منال تتلبس ماشي وقت الشمس بتزول والمغرب بيينا وهي ماظهرة ..

راحت منال بيت ابوها ولحضن امها .. وتمت نوره بروحها في البيت .. مفتقده منال وصوتها الي كان مالي البيت عليها .. عيالها بطبيعتهم كانو دوم يظهرون غير عن منال الي كانت طو ل الوقت الي مر ملازمه عمتها في نشته وقعدتها واكلها وظهرتها ..

حست نوره بالفراغ الي خلفته منال وراها .. ودمعت عيونها .. معقوله انا اتعلق منال بالهصوره .. جنها قطعه مني .. ومب رايمه اصبر عنها ..

عالعشا كانو فيصل وحمد يالسين يتريون امهم تنزل تتعشى معاهم .. وتاخرت .. راح فيصل بيشوف امه .. مب من عادتها تخليهم ياكلون بروحهم والا تتأخر عليهم ..
نش حمد ورا فيصل .. طلعو عند امهم ولقوها في غرفتها يالسه ومالها خاطر لاي شي ..
فيصل : امي .. شي يعورج .. اشوفج مانزلتي تتعشين ..؟
حمد : شو بلاج اماااه ..
نوره طالعت عيالها وحست بحنينها الهم ..
نوره : فديتكم تعشو انتو انا مالي خاطر عالعيشه
فيصل : وهذا علشان منال مب في البيت ..؟
نوره : فديت روحها .. اكيد اني مفتقدتنها بس انا بروحي مالي خاطر تعشو انتو فديتكم
حمد : والله مانتعشاا ولا نذوق العيشه عنج.. بتعشين انتي انحن بنتعشا .. مابتعشين .. انحن بعد مابناكل ..
فيصل : صدقه حمد ..
نوره طالعة حمد وحست بدموعها تتجمع في عيونها .. حمد فيه حنان كبير لمه ولخوه فيصل..ويغار عليهم.. حست نوره بحنان ولدها رغم الي يظهره من عداء لمنال .. بس هي اكتشفت اليوم ان حمد يغلي منال ويحبها بس مستحي يطلع بهالشي .. واكيد هو مفتقدنها مثلهم ..
نوره : فديتكم وانا شقى بيطاوعني قلبي اخليكم تباتون بليا عشا .. يالله اشوف جدامي عالعشا
فيصل : اوهوووووووووو حمد له تأثير قوي اشوف ههههههههه
حمد : هييي عيل شو تتحرا .. انا الغالي هههههههههه

يحق لي اتغلى

16-01-2006, 11:17

قصه جميله ومشوقه

يعطيك العافيه لالي

لالي...

17-01-2006, 00:59

تسلمين يحق، حضورك اجمل

لالي...

19-01-2006, 02:07

¤ّ,¸¸,ّ¤؛°`°؛¤ الــــجزء الرابـــــــع ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

يادمعة عين في فرحي ودمعة عين في احزاني
ياحب تالي العمر اهلا نطرت اسنين لي جاني
بشيلك في وسط عيني يا اغلى حب لاقاني
وفي قلبي يافرح قلبي وشبابي الي رجع ثاني
اي احبك (( منال ))

انقظن اليومين الي بتقظيهن منال في بيت ابوها .. وصار وقت رجعتها لبيتها اليديد.. عمتها تتريا رجعتها بشوق ووله..
..فيصل فوق في غرفته يحضر ليوم باجر .. اول يوم الهم للمدرسه بعد اجازة الربيع ..
وحمد فوق بعد .. بس مب علشان يرتب للمدرسه .. لا .. حمد مشغول بشي ويالس يرتبله .. ولكن في غرفة منال ..

دخلت منال البيت الي كانت تشوفه بيت من بيوت الرعب .. ولكن هالمره كانت دخلتها له غير .. دخلت بفرحها وشوقها للبيت والي فيه .. تمت تطالعه بعيون وحده ربت فيه وتم كل ركن فيه يشل جزء من ذكرياتها البسيطه واليديده على حياتها ..
بدون تردد دخلت منال وقاصده الميلس الي تعودة عمتها تيلس فيه دوم ..
بطلت الباب وشافت عمتها يالسه وعندها وحده من ربيعاتها وتتريااها ..
بدون ماتشعر دخلت تربع صوب عمتها .. وانتبهة الها نوره
نوره : هلااااااا هلا والله فديييييييت عمرج ورحج
نشت نوره واقفه وفجت يديها لمنال الي ربعت وهي تضحك وعقت عمرها في صدر عمتها .. ضمتها عمتها وشلتها فوق وهي تبوسها وتلمها وتفرغ شوقها فيها ..
منال : ههههههه عموه بس بتطرحيني هههه
نوره : ياويلي اناا شو هالبنت الحلوه وينج انتي عن عموتج .. ترا وايد تولهت عليج يالقمر
منال : وانا بعد عموه وايد وايد واااااااااااااااااااايد كبر البيت توللهت عليج هههههه
مريم ربيعة نوره : بس كبر البيت .. لالا عيل مول ماتولهتي عليها هههههه
انتبهة منال لمريم وسكتت مستحيه توها منال حست ابها وشافتها ..
نوره : يسلام يامريم لازم تخربين علينا يعني خلي البنت تعبر عن شعورها هاي اول مره تقولي هالكلام وتفرحني هههههههه
مريم : اووه اثرني هبلا وخربت عليكم سمحولي تراني دفشه وماعندي سالفه ههههه
نوره : هههههههههه توج دريتي ههههههه
مريم : يالله عاد مب جدام البنت ترا بتصدق هههههههههه
تمت منال تطالعهن وتضحك في خاطرها على هالحرمة الكبيره وماعندها سالفه ..
نوره : منال سلمي على خالوه مريم .. هذي ربيعة عموتج من يوم حنا صغار .. يوم الميانه ههههههه
منال : هلا خالو مريم .. شحالج
مريم ابتسمت لمنال وراحت عندها وباستها على خدها ..
مريم : انا بخير حبيبي انتي خبريني شحالج وشحال اهلج ..
منال : الحمدلله خالوه كلهم بخير ويسلمون على عموه نوره وعليكم
مريم : الله يسلمهم من الشر يارب
نوره : ويسلم من ياب السلام ... تعالي انتي تعالي عند عموتج يالبطه .. ترا متخبله عليج ..هههههههه
مسكت نوره منال ويلستها جدامها وقعدن يسولفن ..
نوره : منال ترا باجر عموه مريم بتاخذج وبتوديج للمدرسه اليديده الي بنسجلج فيها .. وبتم وياج ... والي تبينه خبريها اياه لاتستحين منها ..
منال : وين بتسجلوني عموه ..؟
نوره : بنسجلج في مدرسه قريبه وبتكون عندج بنت خالوه مريم وبتكون وياج في نفس الصف .. ها شو رايج زين ..؟
تمت منال ساكته وتفكر .. ربيعاتها ومدرستها وخواتها مابتكون معاهن ... كل شي بيتغير عليها .. تضايقت منال وماعرفت شو تقول لعمتها .. خلاص كل شي في حياة منال تغير والي هم ابوها وامها تغيرو في حياتها عيل كيف ربيعاتها وخواتها اكيد بيتغيرون هم بعد ..
طالعت منال عمتها نوره وشافت ماباليد حيله
منال : خلاص عموه .. على كيفج
مريم : فديت انا المطيعين الي مايخالفون .. ترا بنتي اسما بعمرج وبعرفج عليها باجر .. ولا تخافين من شي اي شي تبينه اسما بتخبرج عنه ..

خلاص عموه نوره وربيعتها مريم كانو مرتبين كل شي لمنال .. وماخلو لمنال شي تفكر فيه .. تذكرة منال فيصل وحمد ..
منال : عموه.. عيل وين فيصل وحمد لا يكون رقدو من الحين علشان المدرسه ههههههه
نوره : هههههه جي دياي هم .. لا هم بعدهم ماتعشو .. شو اشتقتيلهم ..؟
استحت منال واحمر ويها ..
منال وهي تميل بجسمها على عمتها من المستحا
منال : هههههههه لا عممممموه بس اتخبر عنهم
مريم : شو عموه بعد .. وما عموه .. نوره انتي مب يايبتنها تكون بنتج .. ليش لين اليوم قابضين على عموه هههههههه
نوره : هههههههه لا تحرجين البنت .. انا مخليتنها على راحتها في هالسالفه .. وترياها لين مابروحها تظهرها لي من خاطرها ههههههههه
مريم : واذا البنت استحت بتبطين اترين ..هههههههه وانتي مابتشجعينها عليها هههههههه
نوره طالعت منال وهي تبتسم : ها منال شو رايج .. ماما والا عموه ..
طالعت منال نوره ومريم ونزلت ويها .. ماما نوره .. فكرة في الاسم وحست بحنان عمتها وطيبتها .. قالت ليش لا .. ترا انا الحين ماعندي ام .. وابى تكون عندي ام تعيش ويايه وتكون قريبه مني .. ومابحصل ام احسن من عموه نوره ..
رفعت منال ويها لعمتها وطالعتها وهي تضحك ومستحيه ..
منال : لا ماما احلى هههههههه
راحت نوره من سمعت هالكلمه وضمت منال وتمت تبوسها
مريم : هههههههههههه بسج فجي البنت خليها تروح تشوف اخوانها ..
نوره : ههههههههه وااااااااي فديتها.. انتي اليوم ناويه تخربين عليه وعلى منال فرحتنا .. بس يالله بنعدي هاليوم جي هههههه
مريم : ههههههههههه الي يشوفج ويشوف بنتج يقول قيس وليلي .. مب ام وبنتها هههههههه
نوره : مالومج .. تراج خايسه من البني ماحسيتي بالي حسيتبه وانا مثل اليتيمه بلا بنت تونسني ههههههههه
مريم : الله يخليلج فيصل وحمد .. شو تبين من هالدنيا وهم عندج ...!!
نوره : امين يارب ويخليلي منال بعد ويزيدهم ويبارك فيهم ههههههه
مريم : امين .. وانتي فجي هالبنت خليها تسير اتشوف خوانها ..

طلعت منال عنهم بعد ماقالت الها امها نوره تسير تسلم على خوانها وعقب ينزلون للعشا .. وتمت نوره ومريم يسولفن رواحهن ..

راحت منال غرفة فيصل .. تبى تسلم عليه .. دقت الباب وفي ويها مستحى خفيف من عقب غياب عن البيت وعن خوانها ..
رد عليها فيصل وهو من داخل ..
فيصل : هاااااا منوووووو
منال : ......... مياااو ..
سكت فيصل وهو بفكر مستغرب .. قطوه ..!! قطوه ادق الباب .. !!
سار فيصل صوب الباب بيفجه عقب تروع وتم واقف محله زايغ .. جن ..! يمكن ليش لا ..
ردت منال تدق الباب ..فيصل رد وسأل..
فيصل بصوت حذر : منو ..؟
منال : .... ميااااو ..
فيصل راح عند الباب وهو يضحك على عمره .. محد غيرها هالقطوه اكيد ردت ..
فج فيصل الباب بسرعه وجان يصارخ بصوت عالي مثل الوحش يفاجئ منال عشان يزيغها ..
منال صرخت وتيبست مكانها من الزيغه ..
فيصل : ههههههههههههههههههههههههههههه تبين تزيغيني اونج وانتي بروحج خوافه ..
منال : الله يغربل بليسك .. اااااه قلبي .. خلاص ابيض شعريه من الزيغه ..
فيصل : ههههههههههههههه خيبه لحقي ربعي طالعيه نصه ابيض والنص الثاني اسود هههههههههه رويلا ..
منال : كله منك والله اخبر امايا عليك اهئ اهئ
فيصل وهو فاج اعيونه في منال ويطالعها ..
فيصل : مناااااااال ..
منال فجة اعيونها زايغه : شو؟
فيصل : شو سويتي تحت .. شوفي عند ريولج ..؟
منال : شو تحت ..؟ مابطالع ..
فيصل : ها من الزياغ الله يغشج .. سويتيها ههههههههههههههههههههه
طالعت منال بسرعه تحتها وماشافت شي .. انقهرة من فيصل الي تولاها من يت ..
منال : شو هذا انته بتينني وانا توني يايه .. تحيد عمرك انته الي تسويها يالذروق ماعليه ماخبرت عليكم امايا ..
فيصل : ههههههههههههههههه تعالي تعالي .. تعالي خبريني عنج .. شحالج وشو سويتي من ورانا هههههه
منال : امبوني بخير قبل ماشوف ويهك وتسويبي هالسوايا .. خلاص بروح عنك تعبت انا منك
فيصل : هههههههههه تعالي وين تبين بعدني ماخذت اعلموج ..
منال : ولا بتاخذهن ماباك.. ومابا ايلس وياك خلاص كرهتك ..
فيصل : ههههههههههههه منوووووووول يالله عاد سوالف ..
منال وهي رايحه عنه : لالا خلاص بسيرارتاح حشه لعواز انته ..

خلاها فيصل تروح عنه وتم هو يطالعها ويضحك ويذكر الي سواه فيها ..

لالي...

19-01-2006, 02:09

دخلت منال غرفتها وهي تدعي على فيصل ومعصبه .. راحت بتفج الكبت بتظهر ثيابها بتتسبح وبتغير .. اول مافجة الكبت شافت شي غريب فيه .. تقربت تطالع ...
لقت كشه حمرا وشي واقف ورا الثيااااااب .. تمت واقفه تطالع وماحست الا بهالصرخه وان الكشه الحمرا تظهر من الكبت وتجدم صوب ويها .. وتصرخ منال بأعلى حسها وتربع من عن الكبت بتظهر وتمت الكشه وراها لين الباب ويقبضها من وراااااا وتم ييرهاااا ..
هني منال مارامت تستحمل التفتت بتسوي شي وان القناع يطيح ويظهر ويه حمد ..
منال طالعت حمد وهي في حالة رعب .. وحمد انفج يضحك عليها والتفت منال صوب الصوت الي ياي .. وانه فيصل ماقدرة منال تسوي شي .... طاحت واغمى عليها ..
من طاحت منال سكت حمد .. وسكت فيصل من الضحك .. تمو يطالعونها عقب ما اغمى عليها ويطالعون بعض ..
حمد وهو زايغ : شو بلاها طاحت ..؟
فيصل وهو خايف : مادري يمكن ماتت ..!!.؟
حمد فج عيونه في اخوه ومات زياااااااغ .. وفيصل تمت واقف محله وخايف مب عارف شو يسويبها ..
فيصل : حمد سو شي قومها شوفها ..
حمد : لا انا اخاف قومها انته..

تمو يطالعونها وكل واحد منهم مب طايع يجيسها .. وخايفين ..
اخر شي ترابعو تحت عند امهم بكل خوف بدون مايفكرون.. بيبخبرونها ان منال طاحت ومايعرفون شو بلاها ..
نوره من سمعت الخبر ربعة مثل المينونه تلحق على منال ومريم من وراها وفيصل وحمد وراهن ..

تمت منال نايمه في سريرها وعمتها نوره وفيصل وحمد حواليها وبعد مااطمنو عليها استسمحت منهم مريم وسارت ..
تمت نوره تحاسب عيالها على الي سووه بمنال ..
فيصل : اسف اماه بس ماتوقعت ان منال بيستويبها كل هذا ..
نوره : تعرفون هاي بنيه وياهل يعني مب واحد من العيال ربعكم تسووبها جي ..
حمد : اونها عاد .. هاي بروحها بدون ماتسوي شي تزيغ عشره من ربعنا ههههههههه
نوره بضيقه : ونته بعدك ماحسيت بالي سويته ..؟ شو تبا يستوى اكثر علشان تحس ..؟
حمد : اماه منال هذي نشت ومافيها شي .. وبعدين انا شو ذنبي اذا هي طلعت ذروق وماتقهر العب والمزاح ..
فيصل : لالا صدقها اماه .. الي سويناه في منال اليوم غلط ..
حمد : ما سوينا شي غلط .. كنا نلاعبها .. مب دوم هي تشتكي منا واننا مانداخل وياها .. ها الي صار يوم عطيناها ويه ولاعبناها ..
نوره : لا والله ..؟!! وجي العب مالكم .. بالتخريع والزيغه .. لو صارلها شي الحين ..!! شو بنسوي ؟
حمد : عادي والله بس هي بزيا وماتقهر .. اونها صرخة واغما عليها .. اخخخ اناااا كل مااقول البنت اصطلبت تطلعلي بشي يديد
نوره بملل : لا اله الا الله ..ماشي فايده فيك
فيصل : هههههههههههه خلاص اماه لاتكبرون السالفه .. تلومينا عشي ماكنا قاصدينه ..
منال : ماماه خلاص ماصار شي ..
حمد فاج عيونه من الي سمعه : ماماه .. يسلاااام اطورة العزيه ههههههههههه
نوره : هي ماماه شو ..؟ تراني امهااا
فيصل : لا البنت تمكنت الحين .. انا وحمد خلاص بيقبضون الباب هههههههههه
منال وهي تعبانه وتدلع على امها : امااااه شليهم عني وطلعيهم .. ماباهم
فيصل : هههههههههههه ااااااااه يالدلع بعد غير
حمد : منو يروملها الحين ست الدلال .. منسدحه وتتأمر ههههههههههه
نوره : بسكم عاد ظهرو عنهاااا
فيصل : هههههههههههه حمد لو انته تدلعت مثل منال جان من زماااان خذت الغلا واالبزا كله هههههههه
حمد : ههههههههههه حشا عليه ماباه هالدلع الماصخ
نوره : ترومون تظهرون انتو والا شو ..؟
حمد : هههههههههه ظاهرين ظاهرين حشا ماترزا عليج هالمنال تجحتين عيالج عسبتها ههههههههههه
فيصل : انا بظهر بكرامتبه ابركلي ههههههه

بالباجر نشو بيسيرون المدرسه .. طلعو العيال عقب ماتريقو .. وتمت منال تتريا خالوه مريم تمرها وتوديها المدرسه ..

في المدرسه منال تعرفت على اسما وتعرفت على ربايع اسما بعد .. وكابدايه منال ارتاحت بينهم .. تطمنت مريم على منال وراحت عنها ..
اتصلت مريم على نوره تلفون وطمنتها على كل شي ..

مريم : تطمني يانوره منال دخلت صفها والحين تلقينها ارتبشت مع البنات وتصادقن وياها
نوره : فديت روحها .. تعرفين يامريم .. احس اني انسانه ثانيه من عقب ما دخلت منال حياتي .. كنت احس بوحده صدق من الخاطر .. بس الحين احس وقتي مليااااان .. ومنال مب عاطيتني وقت حتا اتنفس هههههههه
مريم : هههههههههه الا قولي حمد ومنال الي قاطعين لج نفسج من ضرابتهم وحشرتهم الي ماتوقف هههههههه
نوره : يعني افدا روحهم .. الا فيصل الي مااشتكت منه منال ولا هو ضايقها بشي ..
مريم : فيصل غير .. فيصل ماشالله ريال وفديته احسبه انه متحمل مسؤوليتكم وجنه ريال البيت ..
نوره : فيصل فديته من فطن وحس بي وبحمد واننا رواحنا تم يفكر فينا .. واحسبه انه يكبر عمره الا علشان يحسسني ان عندي ريال وبيشل الحمل عني ..
مريم : الله يخليه لج انشالله .. والعمر يخطف بسرعه .. منو يقول اني انا وانتي عرسنا ويبنا عيال .. وماشالله عيالنا طولنا وعقب كم سنه بنشوفهم معاريس ..ههههههههه
نوره : والله يامريم جني احس اني امس كنت يالسه وياج وويا ربايعنا ونرمس عن العرس والعيال .. هههههههه ماتقولين ان الزمن مر ابنا ويا هاليوم الي كنا نرمس عنه ..
مريم : كلنا عرسنا ويبنا لعيال الي نحلمبهم هههههه بس ليتج يانوره عرستي عقب المرحوم .. جان يبتيلج عيالج وكملتي حياتج ..
نوره : لالا تيبين هالطاري يامريم انا مرتاحه شي ولا ابى شي يتغير عليه ..

نوره حرمه حلوه والف من يتمناها وكثير من ياها وخطبها عقب المرحوم .. بس هي حبت انها تربي عيالها وتحافظ على ذكرى زوجها .. وخافت انها تطيح على واحد يلعوزها ويلعوز عيالها .. فتمت بلا عرس وملة وقتها بعيالها وبس ..

ردو العيال من المدرسه وبدت الحشره والازعاج مع ردتهم .. وبدا النص الاخير من يوم نوره يمتلي بجو عيالها وربشتهم في البيت ..

على الغدا اجتمعة العايله وبدو ياكلون .. وطول الوقت ومنال ترمسهم عن مدرستها وابلاتها وربيعاتها اليداد .. على طول ترمس ترمس ترمس ماتسكت ..
فيصل كان يسمعها ومايعلق بس يضحك .. ونوره كانت مهتمه وتسأل عن كل صغيره وكبيره .. وحمد كان كله يعلق عليها ويضحك عليها ..

منال : تعرفين امااه .. المس طلبت علينا نيب اي حيوان علشان نخليه في الصف ونربيه ..
نوره : حشه من اول يوم طلبات هههههه تونا الا مسجلينج
حمد : هههههههههههههه وليش بعد تطلب حيوان .. الي عندها في الصف مايسدنها هههههه
منال وهي مب فاهمه عليه : ماعندنا شي في الصف غير ضفادع وسلاحف وبنت يابت سحليه بس..
فيصل : هههههههههههههههههههههه بس..!!
حمد : ههههههههههههههههههههههههههههه ومعزه يديده توها مسجلينها هههههههههه
وينفج فيصل يضحك عليهم .. منال فاجه حلجها بعدها مب فاهمه السالفه وحمد طايح طنازه عليها وعلى ربيعاتها ..
نوره : حمد بابا اذا خلصتو غدا سيرو شوفو دروسكم يالله ..
حمد : هههههههههههه انشالله امااه

مغليهم

29-01-2006, 20:17

اجزاء بمنتهى الروعه شوقنا لأحداثها الجايه عوافي اختي لالي..تقبلي ودي
مغليهم

لالي...

29-01-2006, 23:42

تسلم مغليهم على تواجدك

لالي...

05-02-2006, 23:27

¤ّ,¸¸,ّ¤؛°`°؛¤ الــــجزء الخـــامــــــس ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

يا شايل الظبي بين يديه .. يستاهل الظبي من شاله
بالهون بالهون يا مغليه .. معطيك ظبي الفلا حاله

كانت ليله بارده .. وكل الي كان يطلع فيها يحس ببرودتها ولسعة هواها البارد .. ويحاول انه يهرب منها ويلجأ لأي ركن يدفيه ويشعر فيه بالامان ..

في بيت نوره الجميع مشغول ولاهي .. البيت مزدحم بالناس والضيوف .. شكلهم اليوم عندهم مناسبه ويحتفلون ابها .. وهذا يفسر وجود هالناس كلهم والبنات ..
بس منال ماكانت موجوده بينهم ..!!؟ الظاهر انها هيه بعد مشغوله في شي ..

نوره في المجلس مع مريم والضيوف ..
مريم : الف مبروك .. وعقبال ماتفرحيبها عروس انشالله ..
نوره : امين يارب وتفرحين بسما وخواتها انشالله ..
مريم : عاد وينها منال ..؟ يالله خلو ها تنزل العرب تتخبر عنها ..
نوره : مادري عنها شو تسوي هالكثر .. اسما مب عندها ؟
مريم : اسما من يينا .. ماشفتها اكيد انها فوق عند منال ..
نوره : انا بسير اشوفهااا ..

طلعت نوره فوق بتشوف منال وشو اخرها ..فجت نوره باب حجرة منال وهي ترمسها ..
نوره : منووووووول يالله عاد ترا العرب تتخبر عنج فضيحه مانزلتي لين الحين ..
منال وهي تلتفت لامها : حاضر امااااه انا خلصت بس قاعده ادور الساعه مالقيتهاا

نوره من شافت منال تمت تصلي على النبي وتذكر الله .. ضحكت اسما عليها ..
اسما : هههههههههه خالوه نوره جنج اول مره تشوفين بنتج .. والا هيه مش معودتنكم تكشخ وتتعدل جي ..
منال : الله يغشج .. شو مش معودتنهم بعد .. ليش تتحريني مثلج امسي واصبح بقميص النوم الي خاس عليج ههههههههههههه
نوره : وابويا انا عليكن ..بتيلسن تتعايرن وتخلن العرب تحت اتريا .. يالله انقفظن ..
منال : اماااااه
نوره : لبيه حبيبي
منال : ماقلتيلي رايج فيه ..؟
طالعت نوره بنتها وفي عيونها الحب والاعجاب مخلوطين ..
نوره : رايي فيج معروف واكيد ان شهادتيه في جمالج وزينج بتكون مجروحه .. بس اسميج انج غزال وربي يحفظج من عيون الناس ..
منال : ربي لا خلاني منج يا احلى ام في الدنياا
اسما : من الصبح وانا امدح فيها ماسدها .. لازم توقيعج عموه عليها والا مابترتاح بنتج ههههههه
منال : هههههههههه هي اكيد هذي مايبالها كلام بعد ..
نوره : يالله عيل نزلنااا

ودعة منال سنين الطفوله واليوم تحتفل بعيدها الخمس تعش.. كبرت وطلع جمالها وبان .. طولها والحاجب وهدب عينها يغنن عن كل وصف ومعنى ..سواد الليل في شعرها وشعاع النور في ويها .. وحمرة الورد في محياها ..
جمعة الزين والطيب ونسجة منهن اوصافها وزينتهن بحسن ادبها واخلاقها ..

نزلت منال وايدها في يد امها نوره واسما على طرفها .. دخلت على ضيوفها وسلمت عليهم ..ربيعات منال كانن من ظمن المعازيم ..ولكن منال كانت تنتظر ضيوف اهم واكثر من مجرد انهم ضيوف .. كانت تنتظر امها وخواتها في هاللمه ..

منال تكلم امها بصوت واطي : امي نوره
نوره : لبيه الغلا
منال : ماشوف امي وخواتي يو ..!! ليش تأخرو ..؟
نوره : والله مادري عنهم .. سيري اتصلي ابهم وطمنيناا
منال : اوكي ..دقايق وراجعه

راحت منال بتتصل على تلفون امها واتشوفهم .. طلعت في الصاله الي فوق .. على طول لقت منال فيصل في ويها ..
فيصل : الله الله .. شو هالحلاه..
منال وقفت وتمت تستعرض لفيصل ..وترفع راسها فوق وترمسه بكل دلع..
منال : عيونك الحلوه .. ولو ان الي جدامك اكيد ان ماعليها كلام
فيصل : يلعن .. وخقاقه بعد ..
منال : لا .. بس الاعتراف بالحق فضيله ههههههه
فيصل : ههههههههه بس في حالتج انتي يعتبر مصيبه هههههه
منال : ههههههه انزين باركلي قول شي حلو .. اليوم عيد ميلادي
فيصل : مبروك وعقبال المليون سنه .. بس وين كيكتيه ..؟
منال : هههههههه ها الي همك الكيكه .. خلاص مايهمك حصتك محفوظه .. عيل حمد وين..؟
فيصل : حمد طلع من العصر
منال : احسن الحمدلله ..مافيه على حشرته اليوم
فيصل : ههههههه وحليله ساير يشتريلج هديه ..
منال فجت اعيونها مب مصدقه : ماصدق مستحيل .. شو صار في الدنيااا حمد بيتعنى وبيسير يشتريلي هديه ..!!
فيصل : اشدراج يمكن حس بغلاج فجأه .. و يبى يفرحج بشي
منال طالعت فيصل بنص عين : اصلا ماصدق ولو اشوف الهديه بعيني هههههه
ضحك فيصل عليها والتفت وراه عالطاوله وشل منها كيسه وعطاها لمنال ..
فيصل بمستحى: هااا تفضلي ...
طالعت منال فيصل واستحت منه ..كان ماد الها ايده بالكيسه ويترياها تاخذها منه ..مدة منال يدها وخذت الكيسه ..
منال : ليش متعب عمرك .. انته ماتدري ان شوفتك في هاليوم لي احلى هديه ..
فيصل : لا ادري .. ترا الحين هذي تعتبر الهديه الثانيه هههههه
منال : هههههه ربي لا حرمني ..وكم ناوي تيلس هالمره ..
فيصل : كالعاده اخر الاسبوع بس

وقفت منال تطالع فيصل وهو يطالعها .. اليوم منال غير عن كل يوم.. متكشخه ومحلوه بزياده وكل مفاتن الانوثه ظاهره فيها .. فيصل قام يشوف جدامه بنت بكامل انوثتها .. غير عن البنت الي يتهم وهي صغيره .. حتى احساسه ابها قام يتغير ..

فيصل بعد كبر وتغير.. ملامح ويهه رجوليه بالقو .. سماري خفيف وعيونه سودا ..طويل
وعريض..
خلص فيصل الثنويه والتحق بالجويه وصار ماينشاف في البيت غير اخر الاسبوع ..
طباعه.. طيب وحنون لاخر درجه .. سواالف والابتسامه ماتفارق ويهه ..

حمد الحين ثانويه عامه .. ماينشاف دايما .. طلعاته وسوالفه الهمجيه مايخليهن .. يحب ييلس مع منال بس علشان يغايضبها .. يحبها ويهتم ابها .. صار يشوفها مثل اخته ويغليها ويدلعها مرات .. على حسب المزاج ..
حمد بعكس فيصل .. طبيعته قاسي شوي .. ينكت وايد ومايحب الهدوء والا انه ييلس في مكان واحد .. عايش لنفسه ..
وملامحه حلوه وابيضاني .. ومغرور حبتين ..بس يعرف انه مهما كبر مابيكبر على امه واخوه ومنال .. هذيلا عنده غير .. يحبهم وماييود هالشي عنهم .. وخاصة يوم يكون عند امه .. يحب يتدلع عليها من الخاطر ..

استسمحت منال من فيصل وراحت تتصل بامها وتشوفهم .. وعقب نزلت لضيوف تحت .. انقظة الليله بسرعه ..وبقة ملامحها باقيه في البيت بسبب الفوضى الي خلفتها .. وعلامات الناس واثار اكوابهم وارواج البنات الي عليهن .. والورد والعطور وريحة البخور الي ماليه البيت ..
وبقايا الصحون والكيك عليها ..
في نص هالفوضى كانت منال يالسه وحمد بعد ما وصل من برا .. يالسين يسولفون .. منال مخليه نصيب حمد من الكيكه..
حمد بدفاشه : طا شكلج .. شو هالصبايغ الي لايصتنهن عليه ..
منال تغيضه : بس بس مايخصك انته
حمد : اسميج خربتي عمرج .. اونج حلوه جي ..؟
منال بزعل : انته اشعرفك بالهسوالف .. انته حته الكلمه الحلوه ما تعرف تظهرها ولا انك حتى تجامل ..
حمد : هههههههه والله هذي الصراحه .. وانا انسان صريح ومااحب المجامله
منال : لا صدقتك انا عاد .. اصلا انتو ماتمشون في الحياه بدون مجامله ..

في هاللحظه فيصل دخل عليهم وشافهم يالسين يسولفون ومحتشرين والنقاش كان بادي يحتد امبينهم ..
يا فيصل ووقف في نصهم .. وطالعهم بطرف عينه ..
فيصل : سمعو عن الحشره .. ودامني في البيت اباكم انتو الاثنين تصكون حلوجكم .. نفسي يوم واحد يخطف ماتتناقرون فيه .. بليز حقققولي هالامنيه ولو مره وحده في حياتي ..
رفعت منال ويها وطالعت فيصل .. وهي تلومه بنظراتها ..
فيصل : لاتتمين تطالعيني جي ... الكلام الكم بثنينتكم ..
حمد : ههههههههههه زيغتيه .. شفتي يوم اقولج مخربه عمرج ومستويه ام دويس ماصدقتيني
منال :تخسي والله .. اصلا هو شايفني قبلك ومادحني .. الا انته ماعندك ذوق وماتعرف في هالسوالف ..
حمد : هيييييي شو تخسي هاي بعد .. والله اخليج تندميم على هاالكلمه الي قلتيها هههههههههه
ونش حمد صوب منال ..
فيصل بضيقه : لا بالله فهمتو الرمسه ..
نشت منال وهيه تصارخ وخايفه من حمد ..
منال : هههههههههههههه حمد والا ان صكيتني انك ياتندم ..
حمد : هههههههههههههههه انا ابى اندم .. واليوم ان زخيتج مب فاجنج ال عقب ماادبج واعلمج كيف تحترميني ..
تمو منال وحمد يرابعون في الصاله يبى يضربها وهي شارده .. فيصل في نصهم ويطالعهم ويسمع صريخهم ودوشتهم ..

مسك حمد ايد منال ولفها عوراا وتم يهدد منال وهي يالسه على الكرسي وتترجاه مايضربها .. وحمد واقف عندها وكل شوي يضربها عخفيف عريولها ويديها ..
منال : حمد دخيلك اخر مره هههههههه
حمد : هههههههه ترجيني بعد .. واقولي اسفه ههههههههه
منال : اسفه اسفه مابعيدها مره ثانيه هههه
حمد : ومابتاقشيني مره ثانيه في شي
منال : ولا بناقشك في شي .. انته صح كل شي فيك صح هههههههه
حمد : تطنزين عليه هههه
منال : لالا صدق والله ههههه
نشت منال وشردة عن حمد وهو وراها ..

لالي...

05-02-2006, 23:31

فيصل خلاههم على حالهم وسار عنهم صوب امه يشوفها ويطمن عليها ..
دق فيصل الباب على امه ودخل لقاها مبدله ويالسه تمشط شعرها .. ياها وباسها عراسها ويلس على الشبريه يرمسها ..

فيصل : فديت هالويه يالغاليه ..شو هباتج اليوم ..؟
نوره : فديت روحك .. من اشوفكم انا بخير .. ونته شو الجويه معاك . . مرتاح هناك ..؟
فيصل : كل شي تمام ..ماناقصني الا وجودي معاكم وشوفج يالغاليه ورضاج ..
نوره : ربي لا حرمني منك يارب .. عيل وين خوانك .. حمد رد من برا ..؟
فيصل : هي نعم ويالس تحت يضارب منال ..
نوره : ههههههههه الله يهديه مابيكبر هو على هاسوالف ..
فيصل : ماعليج على قلب منال مثل العسل هههههه
نوره : فديتهم ياربي لو انهم يتكافخون الا غالين عند بعض ..

شوي وان الباب يتبطل وتدخل منه منال وحمد من وراها .. راحت منال من دخلت وسارت عند امها لوت عليها ويلست حذالها ويديها ضامه امها ..
حمد : قومي عن امايا ابى ابوسها ..
منال : انزين بوسها منو قابضنك ههههه
حمد : سوي درب انزين وضكي بويهج عنها وين اروم اتهنى ابها وانتي ملاصقه فيها ..
منال : افف ها كله غياااره .. والا اصلا ماكنت بتبسوها الا من شفتني حذالها وتبى تقومني عنها بس ..
نوره : ههههههههههه تعال هالصوب فديتك وبرايها منال هاك الصوب ..
حمد وقف معاند : لا .. خليها تخوز عنج..
فيصل : تعالي منال حذالي .. خليهم هم يعبرون شوي عن مشاعرهم هههههه
وتعالي انا وانتي بنعبر عن مشاعرنا هههههه
حمد طالع فيصل بخبث : انتو مشاعركم مشكوك فيها .. لاتحاولون تقلدون
منال : جب انته اشدراك انته بمشاعر الاخوه الي بينااا
فيصل : يعني ماخلى منج يارب .. ناس يغارون على كل حد ومايبينون الي في خواطرهم ههههههه
حمد : شو قصدك .. انا مااغار الا على شيختكم بس .. امي يعني ماخلى منها
نوره : فديت روحك .. عاد فكونا من المعايا راسي يعورني ..من يضة اليوم والموسيقى والرقيص والحشره ..
حمد بطل عيونه متفاجئ: منو رقص انشالله اليوم ..
وطالع منال وويه يهدد ..
منال : لا تطالعني جي .. مافيها شي كلنا بنات كنا ..
حمد معصب : بنات وحريم .. ورقصتي في نصهن ... سودا الله ويهج ..
فيصل : حمد سم بالرحمن .. هدي ترا وان رقصت مافيها شي كلهن حريم ..
حمد : هي شجعوها على هالسوالف لين ماتضيع وتضيع المذهب من وراها ..
نوره : ماصار شي ياحمد .. لاتكبر السالفه ..
منال محتجه : الكل نش ورقص .. وهذا شي عادي مب بس انا والا ربايعيا يرقصن .. وين ماتسير بتحصل الحريم جي ..
حمد : الا انتي .. ماتنزلين مستواج لهالشي وجدام العرب .. تبين ترقصين رقصي في حجرج وعند اسموه بس .. مب جدام العالم ..
فيصل : ليش انته مسوي من السالفه قصه .. وبعدين مثل ما انته تستهوي وتنش تيول وترزف في المناسبات ترا البنات بعد مثلكم .. وكل يسوي الي في خاطره بين مجموعته .. مالك حق تمنع البنت ..
تم حمد ساكت ومب عاجبنه تدخلهم وكلامهم ..
نوره : حمد الغالي اختك بين امها وبيتها ..وغيرتك هاي تعتبر خوف عليها وانحن فاهمين هالشي .. بس لاتخاف منال عاقل وتعرف مصلحتها ..

نش حمد عنهم وهو متضايق ..
حمد : على هواكم .. هاي بنتكم وكيفكم فيها ربوها على الطريقه الي تناسبكم ..
خلاهم حمد وظهر عنهم .. تمت منال ساكته ومتضايقه .. ماتبى تضايق حمد وتزعله .. مهما يكون رايه وموقفه .. حمد اخوها وغالي عليها ..
طالع فيصل منال ولاحظ على ويها الزعل والضيقه ..
فيصل : منال لا تشلين في خاطرج .. وحمد بيتم رايه له .. وانتي دامج ماتسوين شي غلط .. ماعليج من حد ..

تمت منال ذيج الليله طايحه وتفكر في موقف حمد منها .. وليش هو عصب وماعجبه انها ترقص في الحفله وجدام الحريم .. فسرة هذا ان حمد انسان نقودي والحرمه عنده شي خاص وهو مب من النوع الي يعطي الحرمه حريتها ..

بالجمعه فليل كان فيصل بيطلع بيسير الكليه .. وسار يودع امه ونزل تحت بيظهر .. شاف منال يالسه في الصاله وتذاكر .. ياها ويلس حذالها ..
فيصل : شو تذاكرين الغلا..؟
منال وهي تشل عيونها في اخوها وتبتسم له : عربي
فيصل : شو عليج امتحان ..؟
منال : لا بس حفظ ..؟
خذ فيصل الكتاب من منال ويلس يقرااااه ..
فيصل : يالله بسمعلج ..؟
منال: ههههههههه لا ماحفظت عدل بعدني
فيصل : عيل شو تسوين من الصبح يالسه ..
منال : اقرا
فيصل : تقرين ومشغله امارات اف ام ..؟
طالعت منال فيصل بنظرات غريبه .. ونزلت عينها بمستحى ..
منال : هي عادي اسمع واقرا ههه
فيصل : ما سمعتي المثل الي يقول ... صاحب بالين جذاب ..؟
منال : ههههههههههه لا هذا مثل جديم .. الحين مع التطور كل شي استوى
فيصل طالع منال بكل حب وعيونه فيهن احساس غريب ..
فيصل : خلاص عيل الغلا انا ساير تامريني بشي ؟
منال : سلامة روحك الغالي . . بس سولنا تلفون وطمنا عليك ..
فيصل : من عيوني بس انتي هالله هالله في عمرج وديري بالج على امايا ..
منا : لا توصي حريص يا فيصل .. امي في عيوني

ظهر فيصل عن منال وهي وقفت تناظر زوله وهو يغيب عن عيونها .. ركب سيارته واشر الها بيده.. ودعها وراح .. تنهدت منال ويلست تتمشى جدام البيت وكتابها في يدها ..
فجته تجلبه وكل صفحه فيه عليها ابيات قصيد وشعر .. تمت تقراهن وهي سرحانه في معانيهن .. كلها كلمات حب ووله .. واحساس مجهول ..

في المدرسه
اسما : منال شو هذا انتي تدرسين والا تكتبين شعر واغاني .. الي يشوف كتابج يقول كتاب وحده هيمانه ..
منال : هي كتاب وحده هيمااانه بخوهااا .. والا شو رايج انتي الحب مايصير يكون بين اخوان .. مب احسن الهم..
اسما : هههههههههههه اخوااااان اخوان غير .. واخوان بالاسم غير
منال طالعت اسما بعصبيه : شو تقصدين اسما ؟؟ لا يروح تفكيرج لبعيد غلات فيصل عندي مثل اخوي واكثر .. ومابى تفكيرج يروح لبعيد ..
اسما : انزين في ذمتج .. انتي كاتبه هالكلام لفيصل ..؟
طالعت منال اسما بحذر .. وماعرفة شو قصد اسما ..
منال : شي من الشعر انا اكتبه.. وشي منه فيصل يكتبه ..
اسما : فيصل يكتبلج في كتابج ....!!
منال : هيه .. يوم يكون عندي والا في حجرتي يالس ويايه يقعد يكتب لي قصيد واشعار على كتبي .. واحنا نسولف ..
اسما : انتي متأكده ان فيصل ينظرلج كأخت بس ..؟
منال : حووووووه اشفيج انتي .. بتخربيني على خواني .. انحن مابينا هالسوالف .. ونظرتنا لبعض بس خوان .. والله يخليج شلي هالافكار من بالج ..
اسما : وان كان يعني .. ترا ولد عمتج وان حبج ترا مافيها شي ..

منال اتضايقت من هالكلام وماعجبها .. طول عمرها تشوف فيصل مثل اخوها وتغليه على هالاساس .. ماتبى تفكر فيه بصوره ثانيه وماتبى بهالتفكير تفقد اخو انها والاحساس الي يبربطهم ببعض على هالاساس..
منال وهي تبى تحزم الموضوع مع اسما : اسما انا عمري خمس تعش يعني انا صغيره واما افكر بهالاسلوب .. واخواني فيصل وحمد يعزوني كأخت .. وبس

اسما حست انها ضايقة منال بكلامها .. وبغت تعتذر الها
اسما : سوري منال مب في خاطريه اضايقج .. وان زعلج كلامي انا اسحبه ..

اسما فتحت اعيون منال على اشياء ماكد فكرت ابها .. وتمت بينها وبين نفسها ..تعيد التفكير في علاقتها بحمد وفيصل .. وتمت تدور احساس الاخوه الي كان يربطهم وكانت ناسيه اي شي في الدنيا غيره ..
معقوله انا انسى اخوتنا بهالسهوله ..!! بس لان اسما ذكرتني انهم عيال عمتيه . . مب خواني ..!! لا ياربي ماابى علاقتنا تتغير .. هم خواني وبيتمون خواني وبس ..

ردت منال البيت وحالها كان تعبان ومتغير .. دخلت وشافت امها في الصاله .. راحت صوبها سلمت عليها وباستها على راسها واستأذنت منها تروح لغرفتها ..
استغربت نوره حال منال وزعلها .. مب من عادتها تكون جي ..قالت يمكن حد ضايقها والا شي ..
على الغدا .. منال ونوره وحمد يالسين يتغدون ..
نوره : خير منال .. شو بلاج اليوم مب على عوايدج ..؟
منال وهي تنتبه لسوأل امها وماعرفت شو تقول ..
منال : ... لا اماه ... مابلايه شي
طالعها حمد بطرف عينه وماعلق ..
نوره : حد ضايقج والا قالج شي في المدرسه ..؟
منال وهي تتذكر اسما وكلامها .. التفتت لحمد وطالعته .. قالت في خاطرها .. معقوله الحين علاقتنا بتتغير .. حمد هالمتعقد مب اخويه ..!!
حمد انتبه لنظراتها وكان الها بالمرصاد ..
حمد : حوووه ليش تطالعيني .. الحين اكيد تبين تتبلين عليه .. اماه تراني انا ماشفتها الا الحين بس .. ومادري شوبلاها بنتج .. عن تتبلا عليه وتصدقينها ..

منال ضحكت في خاطرها على كلام حمد وتطمنت .. لالا الحمدلله .. بعده هالغبي اخويا انا مااحس بشي متغير بيني وبينه .. الله يخسج يا اسما خربتي تفكيري ..
ضحكت منال وطالعت امها : اماااه فديتج مابلايه شي ولا حد ضايقني .. بس كلام بنت غبيه وماله معنى .. وما يهمني..
ابتسمت منال وطالعت اخوها حمد وفي عيونها حبها لحمد ومعزته باينه .. بعد مااستعادة استقرار نفسها من ناحيته .. وحست بتفاهة كلام اسما ..
حمد : بسم الله .. شو بلاج تطالعيني جي ..؟
منال وهي تضحك : من زين ويهك اطالعه .. لا تخاف بس كنت اتذكر شي هههههه

نوره : زين طمنتيني عليج الحين ..

مغليهم

16-02-2006, 18:01

مستمرين في المتابعه مشكوره لالي على الجهد..دمتي بود
مغليهم

لالي...

22-02-2006, 01:54

تسلم اخ مغليهم على متابعتك

لالي...

22-02-2006, 02:00

¤ّ,¸¸,ّ¤؛°`°؛¤ الــــجزء الســــــادس ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

ليتك معي ساهر ليل الهوى كله .. مالوم انا وانتي لجل الحب سهراني
ترا السهر مع حبيبك يبري العله ... لاصرت شفقان وهو عليك شفقاني

ايام فيصل في الكليه عودته على بعده عن امه واخوه والبيت .. وعن منال طبعا الي بدا يحس باحساس غريب ناحيتها .. وكل يوم هذا الاحساس يكبر ويكبر ..
منال ملكة احساس فيصل وتفكيره .. تم كل يوم يتخيل ويها وعيونها ويستعيد ذكريات ليله الجمعه الي ودعها فيها ..
تنهد فيصل وتقلب في فراشه والنوم مب طايع يجارب جفونه ..
انتبه له صديقه في الغرفه راشد .. وضحك ..
التفت فيصل لراشد وخزه بعينه ..
فيصل تعرف على راشد من اول يوم الهم في الكليه .. ومن اول ما جمعوهم المسؤولين في نفس الغرفه ..
راشد شاب طيب راعى واجب ويعرف في المعنى .. وولد عرب ومن اول ماتلاقى ويا فيصل تمو ربع وكأنهم يعرفون بعض من ايام الطفوله ..
فيصل : خير شو يضحك..؟
راشد طالع فيصل بعيونه وهو فاهمنه ..
راشد : بتخبرك .. انته بتملي دوم سرحان وتفكر .. مب زين لك التفكير ترا يتعب القلب ههههههههه
فيصل : ههههههههههه لاتخاف على قلبي .. انا التفكير في حالتيه يريحلي قلبي ما يتعبه ..
وغمز فيصل بعينه لراشد ..
راشد : اهاااااا الحين فهمت السالفه .. والقلب انشالله مشغول في منوه ..؟
طالع فيصل خويه راشد ومب عارف شو يقوله ..!! في قلبه و عيونه حب لمنال بس مب قادر يتجرء ويعترف به .. حس ان هذا الحب عيب .. وان محد بيطيعه عليه ..
ومن ناحيه ثانيه مفتشل ومب عارف لو منال عرفت عن حب فيصل الها .. شو بتقول عن فيصل ..!! والا شو بيكون رايها فيه .. ؟ هي تعتبر فيصل اخوها وبس ..
فيصل حاول انه مايفكر في منال بغير انها اخت له .. بس احساسه يوم عن يوم يعانده والحب يكبر في قلبه بدون ما يقدر يسيطر عليه او يمنعه ..

تنهد فيصل وما قال شي لراشد .. رد انسدح على شبريته وتلحف بيرقد ..
فيصل : رشود بند الليت عاشني .. مب قادر ارقد منه .. وفكنا من سوالف القلب كله خريط ..
راشد : الحين انته تبى تفهمني ان ليتي عاشنك ..!! لعنبوه دومك ترقد وليتات الحجره كلها مشغله اشمعنا اليوم ..!!انته شي بلاك بس ماتبى تخبرني اياه..
فيصل نش متملل وعرف ان راشد مابيفوت الليله على خير ..قام شل مخده وفرها على راشد يبى يسكته ..
فيصل : ههههههههههههه لو سمحت انا مب فاضي لرعدتك ابى ارقد ..
راشد : ههههههههههه سودا الله ويهك .. هب منك من الي مستهم عليك وبتخبر عن حالك ..
فيصل : مشكور ماقصرت غير بغينا نرقد ... وانته من حد يسويلك سالفه ما يتفجج منك هههههههههه
راشد : بغينا نخدم لا غير .. وانته هب ويه حد يتنشد عنك ويهتم ..
فيصل تملل في طيحته ونش يرمس راشد ..
فيصل : اسمحلنا الغالي .. ودي ابين لك الي في خاطريه وقلبي .. بس الموضوع عائلي .. ومستحي ارمس فيه عند حد ..
راشد : الي يريحك الغالي .. بس اذا الموضوع يخص القلب .. الله يسعدك وينولك مرادك .. بس ان بغيت تفضفض تراني مابقولك لا .. ودخيلك خبرني هههههههه ..
فيصل وهو يتذكر منال : هيييييه ياراشد .. مادري اذا الشخص الي في خاطريه .. بيهتم بمشاعريه وبيحس بحبي له .. ومادري شو بتكون ردة فعله يوم بيدري بحي له ..!!
راشد وهو مهمتم : يعني هي ماتعرف عن حبك اي شي ..!!
فيصل : لا ..
راشد : انزين هيه قريبه منك .. تقدر تصارحها بهالشي ..؟
فيصل : قريبه ..؟!! مب بس قريبه يا راشد .. هذي اذا ماكانت تسكن في قلبي وروحي تراها تسكن في بيتي وقريب من عيني .. بس احس وصالها صعب ..
راشد بدا الموضوع يشده واهتم به اكثر بس حس ان فيصل يتمصخر عليه ..
راشد : في بيتك ..!! شو تضحك عليه انته بهالرمسه والا تتكلم جد ..؟
فيصل : هههههههه فديت روحك يالغالي ..
اعتدل فيصل في يلسته وحط عينه في عين راشد .. وشكله يبى ياخذ الشور من خويه ..
فيصل : بصراحه يا راشد .. خويك يحب .. والي يحبها وحده من لحمه ودمه ..ووضعها عندنا في البيت مثل اختي واكثر .. وبما انها تعتبر اختي .. فأحس ان حبي الها محرم .. ومادري شو بتكون ردة فعلها لو درت بحبي الها .. والا امي والي عندنا شو بيكون رايهم لو قلتلهم اني ابى اتزوجها .. وهذي كل السالفه ..
راشد : همممم وشو صلة القرابه الي بينكم ..؟
فيصل : بنت خالي .. بس الوالده يابتها من خمس سنين وربتها عندنا وويانا .. وتعتبر اختنا جدام الكل ..
راشد وهو حيران : وماشي امل من انها تغير رايها في هالاخوه وتحبك ..؟
فيصل وهو يفكر : والله البنت ماتعرف اي شي عن مشاعريه ناحيتها .. علشان جذي مااقدر اقولك اذا بتغير تفكيرها والا لا ..
راشد : انزين لمحلها حسسها وشوف ردة فعلها ..
فيصل : لا لا .. انته شو تقول .. فضيحه اسوي جي .. وبعدين لو البنت طلعت ماتكنلي حب من نفس النوع .. شو بيكون مصيرنا عقب .. والا كيف بتنظرلي .. واكيد عقب بخسر اخوتها لي ..

تم راشد ساكت ويفكر .. وفيصل يطالع راشد ومب عارف شو يدور في راس راشد من افكار ..
راشد : مب حل انك تتم جي .. لازم نشوفلك حل ..
فيصل : اييك الله بشور ..
راشد : خير ..
فيصل : خلنا نرقد .. ماشي فايده من التفكير وعوار القلب .. تعبت انا قبلك ومالقيت حل ..
والبنت مابتطير عنا .. خير لين تكبر ونقرر انشالله ..
طالع راشد فيصل وهو مستغرب .. البنت ولين تكبر .. جي كم عمرها البنت ..!!
راشد : فيصل ..
فيصل : لبيه ..
راشد : وكم انشالله عمرها صاحبة الصون والعفاف .. الي بنترياها لين تكبر ..؟
فيصل : فديتها .. توها خمس تعش ..
راشد غيض وحس انه خذ مقلب ..
راشد : تروم تقوم تنطب الحين .. لا اقوم الحين ودوس في بطنك .. عنلاتك من الصبح يالس تلف وتدور على ياااهل .. وخليتني اشل همك واستهم ..سوداالله ويهك ههههههههههه
فيصل : حووووووه لا تيلس تحشرني جي ..محد قالك تستهم .. بروحك حنيت وزنيت لين ماخليتني ارمس واظهر الي في خاطريه .. هههههههههه
راشد : عبالي تحبلك وحده وحده .. بتحبها وبتخطبها بسرعه ونخلص .. هب ياهل يبالها خمس ست سنين لين تكبر ههههههههه
فيصل : والله عاد هاي الي ملكة قلبي .. ومستعد اترياها العمر كله مب بس خمس ست اسنين ..

راشد وهو مهتم : صدق والله من خاطرك تباها وتحبها ..
فيصل : هي والله وغلاااات امي عندي اني مب بس احبها الا اموت فيها .. وليتها تحس بي وتكون من نصيبي ..

حس راشد اخيرا بفيصل ومشاعره .. طالعه وهو يشفق عحاله .. وقاله ..
راشد : انشالله تكبر بنوتتك وتحس بحبك وتتبدل مشاعر الاخوه الي عندها لمشاعر حب وهيااام وتموت في دباديبك وتكون من نصيبك ههههههههه

فيصل : امين يارب .. وذاك الوقت اتخرج وافتك من مجابل ويهك ومن الرقاد على صوتك ههههههههه
راشد : ههههههههههه الا بتشتاق لصوتي وبتيني تربع تبى تفتك من الحرمه وحشرتها .. وانا البسك واسكر تلفوني عنك .. ههههههههههههه
فيصل : خير .. يالله بعمر لين ذلك اليوم .. وعليه اني ان خذت القلب .. ماتشوف ويهي ولا تسمع صوتي حته هههههههه
راشد : انشالله تاخذها عيل وتريحني منك وافتك هههههههههههه

بالباجر ..
في بيت نوره .. منال وامها يالسين يتزهبون بيسيرن بيت ابو منال زياره ..
حمد : عن تتاخرن اليوم بيي فيصل ومابيلقى حد في البيت ..
نوره : لا مابنتأخر انشالله .. بس انته خلك في البيت وذاكر ماشي باقى عن الامتحانات وانته مب مفتكر بالدراسه اشوفك ..
منال : ياويلي عليه .. وتتحرينه مستهم وايد هو على الدراسه .. يحيد عمره بيغش في الاخر واكيد ناجح ..
حمد : هيه ماعليه .. طلعي اشاعات انتي عني ..
نوره : لا حمد قالي انه يبى اييب مجموع زين .. وعقب هو مخطط يسافر يكمل برا انشالله ..
منال : لا .. اذا جي في امل يدرس واييب مجموع اوكي .. دامج مشجعتنه وموافقه على انه يسافر هههههههه
حمد : دعواتج الوالده وانشالله النجاح بمعدل زين يكون مضمون ..
نوره : انشالله يارب .. ربي يوفقكم ..
منال : امين ويخليج النا ..
حمد : تبني اوصلكن ..؟
نوره : اذا بتوصلنا لازم تزل تسلم على خالك وحرمة خالك .. دوم يتخبرون عنكم ..
حمد : اذا على جي .. انا بتريا فيصل وانشالله نيكم رباعه وناخذكم من بيت خالي .. شو رايكم ..
منال : اوكي وايد زين .. والا شو رايج الوالده ...؟
نوره : رايكم زين .. يالله منال عن نتأخر ..

بعد صلاة العشا .. فيصل وحمد يالسين يتحوطون بالسياره .. وناويين يمرون امهم نوره ومنال مثل ما وعدوهن ..
فيصل : مستحي الصراحه احدر بيت خالي .. من كم سنه ماطحنااااه ..
حمد : وانا مثلك .. بس عادي بنخطفهاا ..
فيصل : ولد خالك ناصر .. تعرف عنه شي ..؟
حمد : الي اعرفه انه السنه ثالث ثانوي ..وشاب ملتزم وفنان .. انا سمعت امي تطريه ذاك اليوم ..
فيصل : زين عيل سرنا صوبهم ..

في ميلس بو منال ..منال و نوره وام منال وابوها والعاش وحمده يالسين ويا بعض .. ويتريون فيصل وحمد ..
وصلو الشباب عند الباب البراني .. ويو بينزلون من السياره ..طلعت الهم منال وتلقت الهم .. فيصل كان واقف وما انتبه لمنال الا يوم وصلت صوبهم ..
منال : مرحبا الساع ملااااين كبار كبار ..
فيصل : مرحبااااابج امثالهن زود ..حيالله الغلا ..
منال : حياك الله الغالي . .. شحالك ..؟
فيصل : بخير من شفناكم الغلا .. ونتي شحالج ربج بخير ...؟
منال : الحمدلله مانشكي باس .. وحشتني والله ..
فيصل تلخبط وحس روحه بتظهر من قلبه ومنال جدامه ومتولهه عليه ..
فيصل : والله انج اكثر ..
حمد : احم احم .. خلصتو تراحيب وسلامااات ..؟ شي بقى ماقلتوه .. ؟
منال : يوهووو .. هههههههه اسمحلنا نسينا عمارنا ومانتبهنالك ..
فيصل : هييه شعليه هو .. مايسير عنكم ولا يتوله عليكم ويشتاق شراتي ..ههههههههه
منال : ههههههه اسكت الحين حمد قردن الوالده والظاهر انه ناوي يسافر عنااا ويفتك من مجابل ويوهنا ..
فيصل : هو الخسراااان .. عيل حد يبى السفر ويخلي هالويه الطيبه ..!!
حمد : عاد انحن بعدنا ماحسين بالحب مثلك والغلا الي في قلبك صوبهم .. ومانروم عليك ههههههههه
فيصل انحرج وحس ان الي في قلبه.. حمد ظهره علني ..
فيصل : يستاهلون امي ومنال الغلا والشوق ..
منال : ربي لا حرمني منك .. امبونك انته غير وبتم غير عن بعض الناس هههههههههه

حمد : هيه .. بيي يوم بتبدلين كلامج هذا .. وعقولة المثل بغيت تغلى ابعد الا موت .. عقب ماسافر بتحنين لي وبذكرج ههههههه
منال : انته سافر قبل وعقب بنشوف عمارنا كيف بنشتاقلك هههههه

حمد : والحين شو ..؟ بتمين موقفتنا وايد برا .. لعنبوه وين المعنى والواجب .. والا محد علمج اياااااه ههههههه
منال : افا عليك ..تفضل تفضل طويل العمر .. اسفين وقفناك خاري وايد ..
فيصل : هههههههههههه سويلنا درب ..
منال : ماحد غريب بنات خالك ..خواتك والا شوو..؟

سارو فيصل وحمد ومنال صوب الميلس .. سلمو على اهلهم وتمو شوي يالسين يسولفون .. شوي وان ناصر داخل عليهم ويسلم ..

ناصر شاب غير عن الشباب الي في سنه .. شاب ملتزم .. لاخر درجه .. الكندوره مقصرنها واللحيه يحاول يطولها ولو انه باول شبابه ..
وذكر الله مايفارق لسانه ..
حمد كان يعرف عن ناصر بانه شاب مستقيم ومحافظ بس ماتوقع انه يكون بالهدرجه ..
يلسو يرمسون ويتعرفون على بعض اكثر واكثر ..

حمد : شوف العمر كيف مر يا ناصر .. تذكر يوم كنا في سادس ابتدائي .. يوم ني عندكم
ونظهر نلعب ويااااك .. صدق انك كنت شيطان ههههههه
ناصر : لاتذكرنا .. كنا مقلع من الخاطر ههههههه
فيصل : عاد ذيج الايام الواحد الا يتذكرها .. ومادري ليش ما نحاول نرجعها ونعيشها مثل اول ..!!
ناصر : انحن مقصرين وايد .. المفروض اننا انتزاور وماتكون في قطاعه بينا ..
منال : توكم تعرفون .. انا حلجي عورني من كثر ماارمسكم واقولكم تعالوني .. وزورو عمتكم وخلونا نشوفكم ..
ناصر : شو نسوي يا منال .. كنا طايشين وماحسينا بواجباتنا ناحيه اهلنا الا من كبرنا ومن فتره جريبه ..
نوره : عيل الحين مالكم عذر .. كثرو الخطوه علينا .. ولا تخلون منال مقطوعه عنكم وماحد فيكم يوصلها ..
بو منال : منال في بيتها وماعليها خوف .. وعني افدا روحها بروحها ماتقطع عنا .. وماتعطينا مجال نسير صوبكم ههههههه
منال : خلاص عيل .. بخف ريلي عنكم وبشوف منو بيسير على الثاني ههههههههه
فيصل : انشالله الله لافرق امبينكم ويجمعكم على الفرح والخير ..
ام منال : امين يارب ..ويثبتنا على الطاعه ..
نوره : يالله عيل اسمحولنا انحن بنسير عنكم .. وانشالله انشوفكم على خير ...
بو منال : تونا الا شفناكم ..تريضو عندنا شوي ..
فيصل : طول الله في عمرك يالخال .. بس اسمحلنا الليل يانا وورانا طريج ..
بو منال : الله يحفظكم انشالله ومرخوصين ..

طلعو في الحوش بيركبون السياره .. وام منال وابوها وناصر ظهرو وياهم يوصلونهم ..
ركب فيصل بيسوق وحمد حذاله وامهم نوره ومنال ركبو ورا ..
ناصر يرمس منال : الغلا هالله هالله في عمرج ..ولاتنسين ربج ..
منال : انشالله الغالي .. وانته لاتقطعني وخلني اسمع صوتك ..
ناصر : من كل بد الغلا .. ربي يحفظج ..

في السياره وعقب ماطلعو عنهم ..
حمد : منال ..
منال : لبيه ..
حمد : ناصر ولد خالي .. من امته وهو ملتزم بالهصوره ..؟
منال وهي تتذكر اخوها والاحداث الي مرت عليه وخلته جي ..
منال : من سنتين تقريبا ..
حمد : ماشالله عليه .. الي يشوفه يقول من استوا جي .. مب جنه هو هذاك الشيطان الي ملعوزنا في صغرنا ..
فيصل : ماشالله عليه الله يهدي الجميع ..
نوره : وشو الي خلاه يلتزم جي ..؟
منال : من سنتين استوالهم حادث .. تعرضوله هو وربعه .. كانو اربعه .. على خط العين ومسرعين .. والله يعلم كيف كانو وقت الحادث .. بس ناصر ماصدق يوم درا ان ربعه كلهم توفو في الحادث ومانجا منه الا هو فديت روحه ..
حمد : انا اذكر هالحادث .. صدق كان فضيع ..
نوره : لا حول ولا قوة الا بالله .. اذكر ناصر يومها .. ماتتخيلونه كيف كان حزنه على ربعه .. الله لا رواكم انشالله لا في صديق ولافي غالي ..
منال وفيصل : امين يارب ..
منال : عاد ناصر من يومها وهو مايظهر من البيت .. يفكر في الموت وفي ربعه وشو مصيرهم بعد الموت .. والحمدلله على كل حال ..يمكن الحادث هذا كان سبب هدايته ..
حمد : شيييييت ..وحليله الله يكون في عونه ..
طالع فيصل حمد بطرف عينه ..
فيصل : مب زينه هالرمسه .. قول الحمدلله على كل حال ..
حمد وهو يطالع فيصل : الحمدلله ..

وصلو البيت وكل واحد منهم دخل داره .. منال بدلت وقعدت ترتب اغراضها .. وراحت انسدحت تبى ترقد .. وماياها رقاد قررت تنزل تشوف امها نوره ..
راحت صوب غرفتها .. ولقت النور مسكر .. لا اكيد اماه رقدة .. طول اليوم كانت واعيه ولا حته نامت الظهر ..
سمعت صوت في غرفة التلفزيون .. قالت .. اكيد فيصل وحمد سهرااانين بسير ايلس وياهم شوي .. راحت صوب الباب بتدخل ..واول ما دخلت سمعت اصوات غريبه ..
دخلت راسها تشوف .. لقت فيصل وحمد يالسين يطالعون التلفزيون ومندمجين على الاخر ..ومطولين عليه ..
منال : شو تتابعون ..؟
فيصل انتبه لمنال .. فديت روحج ياربي ..
فيصل : نطالع فلم .. بس لاتطالعينه الغلا مب زين لج ..؟
حمد : هههههههههههه لا خلها تي تطالع .. عادي فلم رومانسي ..
منال شكت بحمد وكلامه .. وطالعته بطرف عين ..
منال : اذا رومانسي ترا مايناسب الصغاريه الي كبرك ..
حمد : هههههههه لا انا ابى اتعلم .. ونتي بعد تعالي عادي ..
فيصل : هههههههههههه لا منال لاتطالعين مب زين لج والله ..
منال تغايض : لا عادي .. دامه حمد قالي تعالي بيي ..
حمد : هههههههههه تعالي وسكري الليت يكون احسن ..
فيصل : ههههههههههههه انته ناوي عشوووووه ..؟
منال : يخرب بيته هذا رايح فيها بالمره ..

حمد : هههههههههههه خلاص عيل توكلي انتي ولا تخربين علينا سهرتنا .. ضيعتينا عن الفلم ..
منال : لا ابى ايلس وياكم مافيه رقااد .. بشوف الفلم ..
تجدمت منال عندهم ويلست تبى تطالع .. بس انصدمت من الي شافته .. نشت واقفه بسرعه وهي تصااااارخ ..
منال : لاااااااااا يماااااااااااااا شو هذاااااااا ...!!!!
حمد : ههههههههههههههههههههه فلم رومانسي ..
فيصل : حرام عليك حمد .. منال الغلا تعالي نظهر و لاتطالعين ..
منال ماقدرة تتماسك من شافت الفلم الي يتابعونه .. نشف دمها وماتت زياااااغ .. الفلم كان فلم رعب .. ماقدرة منال توقف على حيلها وطاحت مغمى عليها ..

فيصل : حمد الحق اغمى عليها مره ثانيه .. كله منك ...
حمد : ماعليه ماعليه عادي بتنش .. بنيبلها راس بصل وبتنشقه ..
فيصل : اربع هات عطر .. شو بصله بعد انته .. والله انك متخلف
ربع حمد بييب عطر .. علشان يشممونه منال .. وتم فيصل واقف حذالها مب عارف شو يسوي والا كيف يقومها ..
ياها حمد ولقااه واقف حذالها .. واستغرب منه ..
حمد : ليش مخلنها مسدوحه على الارض جي .. جان رفعتها على الكرسي ..؟
فيصل طالع حمد وهو متفشل ..
فيصل : لا شو نشلها بروحها بتنش ..
حمد طالع فيصل مستغرب ...
حمد : قبض العطر انا بشلها فوق ..
فيصل : لااااااا ... خلها لاتصكهااا
حمد مستغرب : ليش ..؟ شو بلاااك؟
فيصل وهو مستحي : ماشي بس لاتصكها مب زين ..
حمد : لا حول ولا قوة الا بالله .. شو بلاك انته .. تراني مب فاهم عليك .. البنت طايحه وانته مب طايع حد يصكها .. شو نسويبها عيل برايها جي ..
فيصل كان مستحي يشل منال ونفس الوقت ماكان يبى حمد يشلها .. بس يوم شاف ماشي مفر قرر انه هو يشلها ولا يخلي حمد يلمسها ..

شل فيصل منال وحطها على الكرسي .. نبهوها بالعطر .. وسكرو التلفزيون قبل ..
نشت منال ... وهي تحاول تتذكر شو صار .. بس اول مافجت عيونها شافت ويه فيصل جدامها .. والخوف عليها في عيونه .. اول شي حستبه .. استحت منه .. وماعرفت شو تسوي .. وكيف انها طايحه وفيصل قريب منها .. ماعرفت شو صار الها .. الا ان قربها من فيصل بريدها .. وهز مشاعرها ناحيته ..

انتبهة منال لنفسها وبدون ماتشعر قامت بسرعه من على الكرسي وابتعدة عن فيصل وحمد وطالعتهم بعد ماوقفت وماحست بعمرها الا وهي تربع صوب حجرتها ومتفشله منهم ..

دخلت منال حجرتها وسكرت الباب وراها .. وقلبها يدق بسرعه .. وكل نقطة دم في جسمها نشفت وماحست بنفسها والا شو صارلها والا شو سوت ..

تمت واقفه تتذكر ويه فيصل القريب منها .. وانفاسه وخوفه .. حته ماحست بحمد وقربه منهم ..
مسكت منال قلبها .. وتمت تقول لنفسها ..
شو بلاج يامنال .. ليش قلبج جي يدق بسرعه .. وشو صارلج مب اول مره فيصل يخاف عليج والا يكون قريب منج ..
اهدي يامنال .. هذا كله من الفلم الي شفتيه .. فيصل ماله علاقه ..

شوي وان منال تسمع دق على الباب وتفز من الصوت .. وتتلخبط ..
منال : ها .. منووووو
حمد بستهزااء : منو بعد .. روميو ياي يطمن عليج ..!!
منا ربعت وفجت الباب .. شافت حمد وفيصل وياه يايين يطمنون عليها ..
فيصل : منول الغلا شو يااج .. تراج خوفتينا عليج ..
منال تلعثمت وماعرفت شو تقول .. نزلت عيونها عن فيصل واستحت منه ..
منال وهي تحاول تدور كلام تنقذ نفسها منه : ولا شي .. بس كنت خايفه .. وماعرفت ليش شردة جي ..
حمد : الله يهديج خوفتينا عليج ..مته بتكبرين عن هالسوالف ..؟
فيصل : لا تيلس تلومها .. وبعدين انته تحيدها تخاف .. ليش كنت تتمصخر عليها ..وتزقرها تشوف الفلم ..
حمد : اباها تتعلم وتقوي قلبها ..
منال : لا ابى اتعلم ول ابى اقوي قلي .. دخيلك خلني مثل مااناااا

فيصل تم يطالع منال بكل حنان .. والحب في عيونه ..وهو يسمع كلامها ..
رفعت منال عيونها صوب فيصل ولاحظت نظرااته .. اربكتهااا .. وماعرفت شو فيهن .. وماعرفت ليش صارت تشوف نظرات فيصل هالمره غير عن كل مره .. رغم انه دايما كان يناظرها بنفس النظراااات ..

بالباجر الصبح .. منال نشت عقب رقاد متقطع ... كانت طول الليل تحاول تهدي نفسها .. وتقول ان الي صار شي عادي .. وقلبها مثل اما هوه .. بس كانت سرعة دقاته بسبب الخوف الي حست به من الفلم ..

اول مافجت منال عيونها الصبح .. تذكرة على طول ويه فيصل .. تنهدت .. فديته هو من زماان غالي واحبه .. بس البارحه ماكان شي عادي الي صارلي منه .. الله يستر ..انا مينونه .. واخاف اخر يناني يكون في فيصل .. و فيصل يدريبي .. ويدري بالافكار الي في راسي ..
اكيد اني بطيح من عينه .. الحمدلله .. انه مب عندنا دوم والا اكيد بنفضح ..

قامت منال تسبحت وتلبست ونزلت تحت بتشوف منو واعي ..
نزلت الصاله ومالقت حد .. راحت الميلس وهم مالت حد .. شكلهم بعدهم نايمين ومحد نش منهم .. انا شكلي ناشه من بدري .. طالعت الساعه لقتها سبع ونص ..
معقوله سبع ونص ..!! شو ياني انا مارقدة وماحسيت بالوقت ..؟!!

طلعت منال عند الباب الي يطلع على الحديقه من ورا .. وطاحت عينها على فيصل .. وهو يتمشى في الحديقه .. قلبها وقف .. ماعرفت شو صار الها .. ليش انا يصيرلي جي من فيصل .. شو انا ميننونه افكر في فيصل بهالطريقه .. كرهت منال نفسها .. وهالاحساس الي تم اييها .. من تشوف فيصل ..

بغت تدخل داخل وتندس عن فيصل وماتباااه يشوفهااا ..
لمحها فيصل عالباب وزقر عليها .. مالحقت منال تشرد عنه .. خلاص شافها ..
ردت منال عالباب وطالعت فيصل وضحكت له ..
منال : صباح الخير فيصل ..
فيصل : صباح الفل والياسمين ..
ارتبكت منال وصوت فيصل بدا يذوبها .. بس انتبهة لفسها وقالت انها لازم توقف هالاحساس عند حده ..

نزلت منال صوب فيصل وهي تبتسم له .. فيصل كان يطالع منال وهي يايه صوبه .. ويحس بنشوة الفرحه من شوفة منال تتملكه .. وويها هالحلو الي يتصبح عليه في الصبح .. وتذكر ويه راشد ربيعه .. ضحك في خاطره وتذكر سوالف راشد ذيج الليله ..

وصلت منا لفيصل ..ولاحظته يضحك ..
منال مستغربه : شو يضحك ..؟
فيصل : ماشي الغلا بس تذكرة شي وضحكت ..
منال مشككه في كلامه : متأكد ..؟ يعني ماتضحك على سالفتيه البارحه ..؟
فيصل وهو يلوم منال عتفكيرها : لا ابدا .. وليش اضحك عليج .. بالعكس انتي امس وايد خبلتيبي من الخوف عليج ..
تمو يتمشون ويسولفون ..
منال : هي اشوا .. بعد هالي ناقص تضحكون عليه ههههههه
فيصل : يخسي والله .. ماعاش الي يضحك عليج وانا عايش ..
منال تمت اي كلمه من فيصل تربكها وتحس ان فيها الف معنا ومعنا غير عن الي يقصده فيصل .. ويها احمر وارتبكت وماعرفت شو تقول .. تمت متلخبطه ومب قادره تمشي وتساير خطوات فيصل الي يمشي حذالها ..
فيصل وقف يطالع منال ومستغرب سكوتها .. وهدوءها .. مش من عادتها تكون هاديه ..
فيصل : منال ...
منال انتبة لصوت فيصل وطلعها من شرودها ..ويت بترفع راسها وحصلت فيصل واقف قبالها وملتفت صوبها ..
وقفت قباله وهي مرتبكه .. عيونه في عيونها .. ونبض قلبها يتسارع بقربه منها ..وفيصل ماكان يختلف عن منال من ناحية الاحساس .. ماحسو بنفسهم الا وكل واحد يرجع خطوه لورا .. ويطالع الثاني بتردد .. وضاع الكلام عنهم

لالي...

22-02-2006, 02:07

¤ّ,¸¸,ّ¤؛°`°؛¤ الــــجزء الســــــابــــــــع ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

وتغفل انجومي على طاريك وينكسف بدري وانا اراضيك
تدري اني بالعمر شاريك تحفر قبري قبل حله
واهتي شقت حشا روحي واخنقتني العبره ابنوحي
لاتزيد الاه وجروحي لك فوادي بس لا تذله

رن التلفون .. ومنال وامها نوره قاعدين يتغدون .. نشت منال وعقت الشوكه من يدها وركضة صوبه ..
نوره : بسم الله عليج شوي شوي على عمرج بتطيحين وبتتكسرين ..
منال وهي تكلم امها بصوت عالي وتركض للتلفون ..
منال : هذا اكيد حمد ..

وصلت منال لتلفون وشلته بسرعه وصوتها يلهث ..
منال : الوو ..
!!! منال تتريا اجابه من الخط الثاني .. وتأخرت .. تأكدة انه حمد .. ارتسمت البسمه على ويهااا وطالعت امها نوره الي كانت يايه صوبها ..
حمد : الوو .. منو ..؟ رقيه..؟
منال : ههههههههه لا.. رقيه في بيت ابوها تترياك تخطبها ..
حمد : هههههههههه اوه اسف مغلط بالرقم .. باي
منال : ههههههههههه جلب ويهك يالله وعن تتصل ثاني مره ... باي
حمد : حوه ههههههههه جلبي انتي ويهج وعطيني امايا
منال مغيضه : مالت عليك والله ماتستاهل ركضتيه لتلفون عسب ارد عليك .. دوك امايا ..
عطت منال التلفون لامها نوره وهي معصبه ..
نوره : ههههههه شو قالج جي ضيقبج ..
منال : دوج اماااه ولدج عمره مابيصطلب ويخلي عنده دم وذوق
نوره خذت السماعه من ايد منال وهي تضحك ومب عارفه شو بلاه حمد على منال دوم يتكسر فيها ..
نوره : هلا ومرحبا ملاين ياربي
حمد : هلا بشيخة الشيوخ .. هلا بالغلا والله .. شحالج امي ربج بخير .. والله اني متوله عليج وماتتخيلين كيف ..
نوره : يعني ماخلى منك يارب .. انته شحالك وشو مسوي بعيد عنا ..؟
حمد : شرا ماتحيديني الغاليه .. وماناقصني الا شوفج يعني ماخلا منج ..
نوره : فديت روحك ياربي .. شو دراستك ربك متوفق فيها ؟
حمد : تطمني الغلا كل شي زين ..
نوره : ماعندك اجازه تنزل فيها وتخلينا نشوفك .. من زمان ماييتنا ..
حمد : والله في الحاضر ماعندي .. بس انشالله في شهر خمسه بحصل شهر وبنزل فيه صوبكم باذن الله ..
منال يالسه حذال امها نوره وتطالعها وتتسمع كل الي يقولونه وفي خاطرها متوللهه لحمد وتبى تعرف اخباره ومته بيي ..
نوره : عيل عقب شهرين انشالله بنشوفك ..
منال : امي قوليله انحن بنيه مافينا صبر لين ماهو ايي هههههه
نوره : ههههههههه سمعة منال شو تقولك ..؟
حمد : ههههههههه قوليلها ماتشبر شبر صوبي .. ماصدقت انا افتك منها ..
منال : شو يقولج اماااه ..؟
نوره : هههههه يقولج لاتتعبين عمرج هو بييج ركض بأول اجااازه
حمد : هههههههههه لاتقوليها جي يامي .. الله يهداج .. الحين بيكبر راسها علينا وبتشوف عمرها عليه ..
نوره : هههههههههه ويقولج انه متوله عليج ومب قادر ييلس في هالدار بعيد عنج
منال طالعت امها بنص عين ..
منال : ماحيد حمد يعرف يقول هالكلام .. امي انتي من وين تيبين هالرمسه الحلوه ههههههه
نوره : ههههههههه شسويبكم بنرضي امبينكم .. بدال ماكل يوم مسمعنج كلمتين تخليج زعلانه وضايقه ..
منال : اسميني امتحنت من رمسته انا عاد ..!! امبوني ماحفلته ولا حفلت رمسته ههههههههه
حمد : امي قوليلها تلم ثمها لا اييها الحين اقص السانها هههههههههه
نوره : ووين بتوصلها انته الحين ..تقص السانها ههههههه
منال ترد على حمد وتعلى صوتها عسب يسمعها : والله بالمشمش تقصه .. هيه شو قالولك رغيد انا حقك تتعبلبي ههههههههه
منال يالسه تغيص حمد وهو برا وتعرف انه مابيروم يسوي شي ..
حمد : امي والله قاهرتني هالبنت .. محد كسلها راسها .. وانا عندكم صالبنها وماينسمع الها صوت في البيت .. الحين انتي وفيصل فاجيلها الخيط والمخيط ومدلعينها بزياده ..
نوره : هههههههههههههه الحمدلله انها ماتسمعك والا جان سمعتك شي غير بعدها ..

منال ضربها فضول وخاطرها تعرف شو يقولون .. تمت تتقرب عالسماعه وتطالع امها تباها
تقولها شي .. ونوره تضحك عليهم ومغبيه السالفه ..
حمد : هههههههههههههه ماعليه انا ياي قريب وبولاهااا
نوره : انته تعاال بس .. وعقب منال بتعرف تفاهم معاك هههههههههه

سكرت نوره عن حمد وبعدها قلبها ماشبع منه ولا من صوته ..
نوره : اسميني اني مب قادره اتعود على البيت من عقب حمد ..
منال : امي حمد من ثلاث اسنين مسافر وانتي بعدج ماتعودتي على بعده ..!!
نوره : والله اني كل يوم اصبح وفي خاطريه بنزل وبلقى حمد ايي صوبي ويهوي عليه يسلم .
بدت الدموع تتجمع في عيون نوره وهي تتذكر ولدها وتشتاق له ..
منال : افا يا ام فيصل ليش هالدموع .. والا انا وفيصل ماالنا غلا عندج ..!!؟ تصيحين حمد وانحن موجودين ..!!
نوره مسحت اعيونها ورفعت نظرها لمنال الي قاعده حذالها وتتألم من الم امها وشوقها لولدها ..
نوره : لا فديتج انتو تسدون والكم غلاكم .. وحمد له غلاته ..
منال : عيل ماابى اشوف هالدموع في عيونج .. هالعيون لازم نريحها مانتعبها ..

حدر فيصل على امه ومنال هاللحظه .. شافهن كيف يالسات وشاف اهتمام منال بامه والدموع في عيونهن ..
فيصل : عسى ما شر شو بلاااكن ..؟
رفعت منال نظرها لفيصل وعيونها تهلي به وترحب ..
منال : ولا شي الغالي .. بس امي توها مرمسه حمد وجلب عليها مواجع الشوق والوله ..
فيصل التفت لامه وحط ايده على جتفها وحنان الدنيا في عيونه ..
فيصل : فديت روحج يالغاليه .. اذا متولهه على حمد الحين بقوم احجز وبنطيرج له .. ولا تتمين مشتاقه له ومتولهه عليه بهالصوره .. ..
نوره : فديتك ياحبيبي ..ماله داعي.. حمد شهرين وياي صوبنا ..
فيصل : وترومين تصبرين شهرين عنه ..؟
نوره : شو اسوي .. مجبوره .. وانشالله يمرن بسرعه ..
منال : لا امي .. اذا مشتاقه له لهدرجه بنوصلج له انا وفيصل وبنتم وياكم كم يوم وعقب بنرجع علشان الجامعه وكلية فيصل ..والا شو رايك فيصل ..
فيصل : رايي من رايج .. ها الوالده شو رايج موافقه ..؟
نوره طبعا كانت تتمنى شوفة ولدها وودها تطريله اليوم قبل باجر ..
نوره : زين .. خلاص ماعندي مانع ..
فيصل وهو يبتسم لامه : زين عيل يومين بس والحجوزات وكل شي بيكون خالص .. حاولن تتجهزن وتكونن على الموعد زاهبات ..

بعد يومين فيصل وامه ومنال في الطياره سايرين صوب حمد ومسويله مفاجأه ..
منال وامها نوره يالسين حذال بعض وفيصل في الكراسي الي جدام ..

كل فتره والثانيه فيصل كان اينش ويسير صوب امه ومنال شيوفهن اذا يبن شي .. ومنال كانت تتحرى هاللحضات عسب تشوف فيهن فيصل وتسولف وياه ..

بعد فتره نامت نوره وتمت منال يالسه بروحها .. وتحاول تلهي نفسها باي شي .. ولكن فيصل ماعطاها وقت تمل والا تضيق .. ياها وشافها يالسه بروحها وامه نايمه ..
فيصل : تعالي ويايه وخلي امي نايمه اهنيه ..
منال : وين بنسير ..؟
فيصل وهو يبتسم لمنال : بنسير نيلس جدام شو رايج ..؟ ...
منال فكرة اشوي وما ترييت وايد .. نشت وهي تبتسم لفيصل وجنه هالفرصه يتها من الله ..

مسك فيصل ايد منال ومشو في الممر بين الكراسي لين وصلو كرسي فيصل ويلسو حذال بعض ..
فيصل : مليت من اليلسه روحي ..وماشي غير كرسي واحد والا كنت يبتج انتي وامي هنيه ..
منال : زين اننا لقينا حجز بهالسرعه اصلا .. واماكن نيلس فيها ..
فيصل : كله علشان الغاليه بيستوي ..
منال وهي تطالع فيصل وتبتسم : الله يخليها لنا ويطول النا بعمرها ..
فيصل : امين يارب ..

منال كانت طول الثلاث سنوات الي فاتت تتجنب فيصل والمشاعر الي بينهم .. في اكثر من موقف منال حست بعيون فيصل ترقبها وتعبر عن مافي قلبه من وله وحب .. بس منال مافهمتهن ولا تأكدة منهن .. ومابغت ترسم امال على هالنظرات بس ..

فيصل شاف اللحضه الي يترياها من سنين حانت .. ومنال خلصت مدرسه وهي الحين في سنه اولى جامعه .. وكان وده يعرف اذا يقدر يتجدم لمنال والا لا .. لين الحين فيصل ماعرف عن حب منال له .. ولا منال حاولت تأكدله شي من الي يحسه من تصرفات منال ولهفتها عليه يوم تشوفه ..

رفعت منال اعيونها في فيصل الي كان يالس حذالها وتحس في عيونه افكار توديه وتيبه .. في شو تفكر يافيصل .. ياترى قلبك مشغول في وحده تعرفها .. ياترى هالقلب الي اعشقه .. مثل باقي قلوب الشباب الي كل يوم يحبون ويعشقونلهم بنيه ..!!
ليتني كنت وحده من البنات الي يقدرن يحبنك كحبيب ويحسن ان في يوم يمكن يكونن من نصيبك ..مب وحده محكوم عليها انها تكون اختك بس .. واحساسها صوبك بعيد كل البعد عن معاني الاخوه .. لانها ماتقدر تشوفك غير حبيب وبس ..
ليتك على الاقل تفكر فيه وتحس بهالانسانه الي عاشت معاك عمرها وحبتك .. بس ماتقدر توصل لقلبك وتملكه الها باسم الحب ..

تنهدت منال وشلت عيونها عن فيصل وطالعت تحت .. انتبه فيصل لمنال وحس بها التنهيده وشرودها وتفكيرها ...
فيصل : الي ماخذ عقلج يتهنابه ..
منال رفعت نظرها لفيصل وضحكت : امين يارب هههههه
فيصل وبدت الغيره تتملكه : شووووو..؟ في منو كنتي تفكرين هااا ..؟
منال : ههههههههه افكر باشياء خاصه ..ماروم ارمس عنها .. ومايخصك فيها ..

فيصل ماتقبل مزاح منال وكلامها بدا يحرقه .. مية فكره وفكره دارت في باله .. منو تقصد منال بهالكلام .. ومنو هذا الي بيتهنابها .. وهي مشغوله في حد وتفكير فيه .. ومته عرفته وكيف و منو يكون ..؟
سكت فيصل وبدا الغضب باين في ويهه .. وصد عن منال وتم قابض المجله الي بين يديه ويلفها بعصبيه ..
انتبهت منال لحركات فيصل وعرفت ليش معصب .. مب من عادة فيصل يعصب .. والا انه يظهر بهالصوره جدام حد .. ماعرفت منال شو الي غيره فجأه ..
منال : فيصل ..
طالعها فيصل بنظره ورد صد عنها ومارد عليها ..
منال بأصرار : فيصل ..ليش حرجت جي ..؟ شو ياااك..؟
فيصل وهو يحاول يمسك اعصابه وغيرته : ولا شي ..
منال : فيصل زعلت من كلامي ..؟ كنت اسولف ويااااك وانا مااقصد شي ..؟ وبعدين شو الي يزعل في كلامي ..؟
فيصل التفت لمنال وبدون مايشعر وبعصبيه طلع الي في نفسه ..
فيصل : شو يزعل في كلامج ..!! ابد سلامتج .. بس مره ثانيه ثمني رمسج قبل لاتعقينها .. وكلامج هذا مب كلام تتكلمه بنت .." الي في بالج ومايخصنا فيه" .. اظن عيب عليج هالسوالف ....
منال انجرحت من ردة فعل فيصل .. ماعرفت شو تقوله والا كيف تعدل نظرته الها .. صدمها بكلامه .. وماتوقعت منه هالرد والا هالتفكير .. تمت ساكته واعيونها تحاول تمسك دموعها .. وفيصل التفت عنها وخلاها ضايعه في بحر من الافكار والضيقه ..
منال ..متعوده تسولف بهالطريقه مع حمد و معاهم كلهم .. بس اول مره فيصل يثور عليها بهالطريقه .. عنده حق يمكن انا زودتها .. بس ليته كان يعرف منو الي في بالي .. ولو كان هو يهتم بمشاعري ناحيته مااظن كان بيزعل وبيثور .. بس انا شو بقوله والا كيف برضيه واوضح له السالفه ..
مااقدر اقوله انه هو الشخص الي بالي مشغول فيه .. شو بيكون ردة فعله ..!!؟ يمكن يثور ويعصب عليه اكثر من ما هو ثاير ومعصب الحين ..
ماعرفت منال شو تقول والا شو تسوي ..!! نشت من مكانها وهي تحاول تتمالك نفسها ودموعها ..

مرت من جدام فيصل ورجعت لمكانها حذال امها .. وايدها ماسكه الغشوه .. والايد الثانيه مسكره على ثمها عن تشهق وتبدا بنوبة بكااااء ..

يلست في مكانها وهي تحاول تنسى الي صار .. وماتبى توعي امها وتشوفها بهالحاله ..
فيصل تم يالس في مكانه .. وحس ان قلبه انقبض مره وحده .. وماعرف شو صار وليش صار بينه وبين منال هالشي .. كان في خاطره ييلس وياها ويحس بقربها منه ويعبر عن حبه الها باي طريقه تفهمها منال وتحسبها ..بس الي صار عكس هذا ..
بدال مايقربها منه .. فيصل ضايقها وخلاها تبتعد عنه ..
بس الي صار غصبن عنه .. ماتحمل ان منال تكون تفكر بواحد غيره وتقولها له هالشي بكل بساطه ..
وحبه الها هالسنين كلهن ..!! كيف تقضي عليهن بلحضه .. وتنهيه ..!!

طول الرحله تمت منال بعيد عن فيصل وهو بعيد عنها .. ولو كان فيصل ايي عند امه ومنال كان يرمس امه بس ويروح .. ومنال حاطه في خاطرها منه وماتعرف كيف زعلو من بعض .. ومنو الي زعل الثاني .. والا سبب زعل فيصل بهالصوره ..!!

وصلو للندن ونزلو من الطياره .. واول ماوصلو لندن ياهم ربيع فيصل الي متواعد معاه علشان يوديهم لشقة حمد ..

وصلو الشقه ونزلت منال وامها نوره وتم فيصل واقف مه ربيعه يرمسه ويواعده .. نزلو اغراضهم وطلعو مع بعض فوق ..
طول الوقت ومنال تحاول تسرق نظرات صوب وفيصل وتشوف شو وضعه والا كيف صار .. وماكانت تشوف الا الزعل والتعب الي خلفتهن وراها من لحضة ماقعدت معاه وصار الي صار ..
وصلو الشقه ودق فيصل الجرس .. شوي وان الباب يتبطل ويطلع منه حمد وهو بالتيشيرت والشورت .. ومريح الحبيب ..
حمد : مرحباااااااا مرحباااااا الساااااااع .. شو هالمفاجأه .. والله ماتوقعتها ..
سار فيصل وحظن اخوه ..ويت نوره عقبه وضمت ولدها وتمت ضامتنه وتبوسه وتفج الوله كله والشوق .. ومنال واقفه وراهم وتطالعهم وتبتسم وفرحانه بشوفة حمد ..
قامت نوره عن ولدها .. وشاف حمد منال الي واقفه وتتريا دورها تسلم عليه ..
حمد وهو يغايض منال : ويبتوها بعد هاي وياااااكم .. شو هذا الشقه ماتضم اكثر من ثلاثه .. هههههههههههه
منال ومزاجها متعكر : والله تتهنون في هاالشقه .. انا عادي بنزل في اي فندق .. مب مشكله ..
حمد حس من ردة فعل منال وكلامها انها مش طبيعيه .. ومب هي منال الي دوم ياخذ راحته معاها وينكت ..
حمد : ها هااا .. شو بلاااااااها قطوتنا معصبه .. لعنبوه لو ماتشلج الارض اشلج في عيوني والله .. شو تتحرين عمرج رخيصه عندي ..
منال فجة اعيونها ومب مصدقه الي تسمعه : سبحان مغير الاحول .. الحين انته مته تعلمت هالكلام .. ماحيدك ترمس جي ..؟
حمد : ههههههههههه بعد ربج ..الحياه تبى جي ..
منال وهي تغمز بعينها لحمد : الحياه ..!!؟ها هاااا ولمنو متعلم هالكلام ..؟ ههههههه

تذكرة منال فيصل الي واقف ويطالعهم ويسمع رمستهم .. وتذكرة رمستها معاه في الطياره وضيقته عليها .. فسكتت وتغير ويهااااا ..
حمد : هههههههه حق امي يعلني مااخلى منها ولا من ييتها ..تعالو تعالو داخل واستريحوو داخل ..
يلسو كلهم في الصاله في شقة حمد ..
حمد : يامرحبا الساع والله .. توها بس نورة البقعه واستنارت .. بييت شيخت الغالين ..وتوها بس بتتبارك الدار ..
نوره كانت يالسه حذال ولدها وحاضنتنه بيديها ..
نوره : فديت روحك ياربي .. امبونها الدار مستنيره براعيهاا ..
حمد : فديتج ياربي وفديت ريحت لبلااااد الي فيكم ..
منال : شو رايك بهالمفاجأه ..؟ هههههههه طبينا عليك بلا احم ولا دستور ..
حمد : وشو بيكون رايي بعد ..!! غير اني استانست وارتاح قلبي بشوفتكم .. ليتكم دوم تسولي هالمفاجأت وتفرحوني ..
فيصل : عاد الوالده هالمره هي الي خلتنا نيك .. من زود شوقها لك .. وانحن مارمنا نشوفها بهالحاله ونخليها مستضيقه وتعبانه ..
حمد يرمس امه : يعلني ماخلى منج ياشيختهم .. يعل عيني ماتبجيج ولا تذوق حزنج ..
قام حمد ولوى على امه وضمته هي في صدرها وبدت تصيح ..تدخل فيصل في هاللحظه يبى يوقفهم عن لا يبدون فلمهم المأساوي ..
فيصل : هدو عاد .. والا ترااااااني بردكم لبلااد .. تراها بعدها الطياره في المطااار ههههههه
حمد : بتردون ردو رواحكم .. امي مابتحترك عني ولا بتسير اي مكااان ..
منال : ومنو قالك اننا انحن نحترك والا نسوي شي بلاااها .. هي جدامنا وانحن وراااها ..
حمد : عيل محد بيحترك من هالدار لين اشبع منكم ويستريح قلب الغاليه ..

دخل حمد شنطة امه ومنال في غرفه الهن .. ودخل شنطة فيصل في غرفه له بروحه ..
وقفت منال على البلكونه في غرفتها اهي وامها .. وبدت تستعيد احداث الطياره وتعاتب نفسها على الي صار ..
نوره : منال حبيبي .. شوفي حمد شو ناقص عنده وسيري ويا فيصل واشترو السامان ..
منال ما عرفت شو تقول لامها وشو ترد عليها .. انا وفيصل ..!!! كيف اسير معاه .. وكيف اقوله ..؟!!
منال : امااه حمد وفيصل بيسيرون يشترون الاغراض .. ان مافيه ..
نوره : زين حبيبي على راحتج ..
طلعت منال سارت المطبخ وجيكت على الاغراض .. وكتبت الي يبونه في ورقه .. وراحت عند امها ..
منال : هذي الاغراض الي ناقصه .. انا كتبتها الهم في ورقه ..
نوره : وليش ماعطيتيها خوانج .. دامنهم طالعين بيبون الاغراض ..
منال : بعطيهم الحين .. بس احنا لو يبنا معانا روز ماكان احسن .. كانت بتسد هالسوالف ..
نوره : مالي خاطر على الخدم ولا اباهم .. خاطريه اتم وياكم رواحنا بس .. وانا بسويلكم الي تبونه .. بطبخلكم وبعابللكم كل شي ..
منال : لا والله .. حرام ماتصكين شي بييديج وانا موجوده ..انا بسوي كل شي ..
نوره : هههههههه لاتحلفين غربيج الله .. وانتي تعرفين تسوي شي اصلا .. الحين بتجتلينا يوع من حلفتج هاي ..
منال : ههههههههه ماحد قالج ماتعلميني .. الحين عاد تحملو الي بيظهر عليكم من تجارب ..
سمعهم حمد يسولفن ودق الباب وحدر عليهن ..
حمد : شو ناويه ياست منال ..؟ شو الي بتجربينه علينا ..؟
منال : هههههههههه بطبخلكم ..
حمد وهو معفس ويهه : جي قالولج عايفين عمارنا ونبى نموت علشان ناكل من يديج .. هههههههههه
منال : اصلا الكم الشرف يوم بطبخلكم وبتاكلون من يديه ..ماعدا امي اطبخلها من طيب خاطر ..
نوره : يعني هب بلاج .. انا بشرف على الطبيخ مايهمكم وانشالله ماتستوي ضحايا على ايديج هههههههه
حمد : انا اليوم بعشيكم برا .. عزيمه بهالمناسبه ..
منال : ايواااا جي اباك .. عاد هالله هالله بالذبايح السنعه هههههههه
حمد : مايهمج يابنت خالي .. هنيه الدياي مايقولن لا .. ههههههههههههه كل شخص ديايه..
نوره : لا حشا عليه .. تبانا ناكل من هالغش ويضربنا العوق ..
حمد : شو عوقه بعد .. هذا اكل مفحوص وعليه رقابه مب اي شي ...
منال : لا صدقها امي .. مابنجتل عمارنا انحن .. ومابنموت يوع يعني اذا ماكلنا من ديايهم .. بناكل اي شي غير ..عادي ..
نوره : هيه والله .. وانته خبرني .. لا يكون تاكل من اكلهم هالغش ..؟
حمد : لا فديتج مول .. انحن نطبخ رواحنا وناكل ..
طالعت منال حمد بطرف عينها وشامه ريحة جذبه ..
حمد شاف نظرات منال وحاول يعدل كلامه الي قاله ..
حمد : بس مرات نتعايز نطبخ وتهفنا نفوسنا على اكل برا ههههههههه
نوره : هذا الي كنت خايفه منه .. الله يستر ويسلمكم من الامراض ..

انتبه حمد للورقه الي في ايد منال وسأل عنها ..
منال : هذي الاغراض الي نبى نشتريها ..
نوره : حبيبي اذا ترومون سير انته وفيصل وخلصو الاغراض ..
حمد : والله يالوالده ودي بس انا الحين بسير الجامعه .. بس انتو اي شي تبونه كتبوه وانا بعطيه العامل الي تحت بييبلكم ايااااه .. ولا تتعبون عماركم وتسيرون ..
نوره : والله زين ..وشو من صيره بعد هذا ..؟
حمد : هههههههه هندي ..
منال : هههههههههه هذيلا وين مانسير نلقاااهم .. وحليلهم و دومهم مقبضينهم نفس الشغله ..
حمد : ههههههههههه مالج بد من قوم كاريكا ..نافعينا ..

طلع حمد بيسير الجامعه .. ونوره دخلت ترقد اشوي .. ومنال طلعت يلست في الصاله وقعدت تبدل في القنوات وتطالع اي شي ..

فيصل من وصلو ماشافوه .. دخل غرفته وتسبح وانسدح ونام اشويه .. اول ما نش قام تغسل وصلى وظهر بيشوف امه ويطالعهم ..
لقى منال في الصاله وشكلها تعبانه ومتملله .. من شافته هي اعتدلت في يلستها .. ونزلت عينها عنه بسرعه بعد ماشافته .. وحست ان الجو تكهرب ..
فيصل تم واقف اشوي يطالع وماعرف وين يسير .. سار المطبخ طلع جيك العصير من الثلاجه .. وتم يدور بعيونه كوبات للعصير .. طلع كوبين وصب عصير فيهن .. وسكر الثلاجه وراح صوب منال .. وقف حذالها ومد ايده بكوب العصير .. رفعت منال ويها صوبه وشافت في عيونه الجمود بعده باقي .. وحست بهدوء فيصل .. وحست انه يبى ييلس وياها ويرمسها ..
خذت منال العصير من ايده وشكرته ..ووطته على الطاوله قبالتها .. يلس فيصل على الكرسي الي على يمينها وتم يشرب من الكوب ويرجع يفكر وهو عاطي ويهه لمنال وطرفه للتلفزيون ..
منال تمت هاديه وتتريا فيصل يتكلم ..
رفع فيصل عيونه في منال .. وحست منال برعشه من نظراته وارتباك .. اول مره فيصل يسوي فيها جي ..

فيصل : منال ..
منال بكل حذر : لبيه ..
فيصل : ودي اسألج شي .. وانتي فكري .. ولج مطلق الحريه انج توافيق او ترفضين ..
منال تمت محتاره وماعرفت شو عنده فيصل من هالكلام وعلى شو ناوي ..
منال : تفضل فيصل .. انا اسمعك ..
فيصل : ابى اتزوجج ..

منال فجت اعيونها متفاجأه .. ومنصدمه من طلب فيصل الي عقه عليها مثل القنبله ..
منال .. تتزوجني انا ..؟!!!! كيف .. وليش .. ومن امته انته تفكر في هالشي .. وليش تطلب هالطلب الحين .. شو قصدك منه .. وامي نوره تدري بقرارك والا لا .. ..!!
اسئله تمت تجول في خاطر منال ومالقت الهن اجابه .. طبعا لان الاجابه عند فيصل .. وهي ماتقدر تجاوب عليهن ..
تمت منال ساكته .. انصدمت وماعرفت تفكر .. طالعها فيصل .. بكل الكبرياء الي فيه و الرغبه ..
فيصل .. وفي داخله ضعيف ويترجى .. وافقي يامنال .. ادري انج منصدمه من قراري .. بس هذي رغبتيه .. وانا مابسمح لج انج تفكرين انج تكونين لواحد غيري .. مهما يكون .. ولو حته وانتي تنظريلي كأني اخو لج ..
انا ببدل نظرتج هاي .. وبخليج تنظريلي كحبيب وزوج .. بس انتي وافقي ..

فيصل من بعد ماحس في لحضه ان منال ممكن ماتكون له وانه بيخسرها .. قرر انها ماتكون لحد غيره .. وتكون له مهما يكون .. ولو حته منال ماتفكر فيه ولا تباه ..

بعد فتره سكوت .. فيصل تكلم .. لانه بدا يفقد اعصابه من سكوت منال ..
فيصل : منال .. انا قلت لج فكري .. ماابى اسمع قرارج الحين .. عندج وقتج ..ومته ماتوصلين لقرار بلغيني ..

منال مارامت ترفع نظرها ولا انها تبدي اي موقف من كلام فيصل .. لانها لين الحين مب عارفه تفرح .. والا تتضايق .. !! في سوال واحد كانت تبى اجابه عليه .. علشا تقول له انها موافقه بدون تردد .. وهو ليش فيصل يبى يتزوجها ..؟؟؟

نش فيصل بيسير عن منال .. من اول مانش .. رفعت منال اعيونها في فيصل بسرعه .. وكلهن حب ممزوجات بخوف وتردد ونظرات ضياع ..وكأنها تترجاه يوضحلها طلبه الزواج منها قبل مايسير عنها ..

منال .. احبك يافيصل .. وامنيه كانت في حياتي انك تفكر فيه وتخطبني .. بس ليش تطلب مني هالطلب وانته بهالصوره .. ليش احس انك ماتحبني من نظراتك لي .. ليش قبل يوم كنت تشوفني مثل اختك .. كنت تعاملني بكل حب وموده واحترام ..
شو بدلك الحين وخلاك بهالصوره العصبيه .. صورة الي يبى يسوي شي ويخلص منه .. ليش ..
ليش مانفكر باحساسي واحساسك وتتم تحبني نفس قبل وعقب تطلب ايدي ..

فيصل وهو واقف ويطالع منال : ابى ردج بعد ماتفكرين .. وابى اقولج .. اني ماطلبت هالطلب منج .. الا وانا متاكد من احساسي صوبج .. واني اباج تكونين حليله لي ..

منال وهي تحاول تمسك ضعفها : بس ..!!؟ مافي سبب ثاني يخليك تطلب مني اني اتزوج منك ..؟
فيصل بتردد : في .. بس خليه للايام بتكشفه لج ..
منال وهي حيرانه وفي كلامها ترجي : ممكن اعرفه الحين ..؟

فيصل : اخاف ان السبب مايعجبج ..
منال وهي تترجاه : شو قولي دخيلك ..؟
منال كانت تبى تسمع منه شي .. مثل انه حاط عينه عليها من زمان .. والا انه اختارها من بد كل البنات لانها يودها ويرتاح الها ..
منال في الوقت ذا .. كانت تحس ان فيصل طلب هالطلب بدافع الغيض او اي شي ثاني .. فما بغت تسترسل معاه وكانت تبى تفهم كل شي ..

فيصل : انا ادري ان بطلبي هذا بفقدج للااابد .. اذا كنتي رافضه فكرة الزواج بي لانج تشوفيني كأخو بس .. ولكني قررة انفذ الي كنت ناوي عليه من اسنين .. اتريا ردج ..

منال تمت تطالع فيصل وهو يبتعد عنها بعد ماقالها هالكلمتين .. تمت منال يالسه وماعرفت وين تروح والا شو تسوي .. والا كيف تفكر في طلب فيصل ..!!من اسنين ..!! مته ..؟ وليش كنت مقرر هالشي من سنين .. هل ممكن انك تكون تحبني ..!! بس ليش ماتقولي هالشي وتريحني .. والا عندك سبب ثاني وماتبى تقوله لي ..

فليل طلعو كلهم يميع مثل ماوعدهم حمد عسب يتعشون برا ..
دخلو المطعم وراحو على ركن معزول .. وكان المطعم خارجي .. والكراسي كلها تطل على مناظر طبيعيه .. لكنها ظايعه وسط هالظلام .. وفي كل مكان موزعه الاناره علشان تكشف بعض اجزاء المناظر وتعطي للجو بعض الرومانسيه ..

يلست منال حذال امها نوره .. وفيصل يلس قبال منال وحمد على طرفه ومقابل امه ..
طول ماكانو يالسين عيون فيصل ماكانت تفارج منال .. لدرجة ان نظراته كانت تربكها . ومب بس هي لاحظة هالشي .. حمد ونوره بعد لاحظو نظرات فيصل لمنال ..
فيصل كان يتصرف بكل جراءه مع منال .. وقام يظهر اهتمامه ابها لدرجه انهم قامو يحسوبه انه ريلها .. مب اخوها ..

منال حاولت طول الوقت تتصرف بشكل عادي وتضحك وتسولف معاهم كلهم .. لكنها من تطيح نظراتها على فيصل .. تتغير مشاعرها بالكامل وتتم تدور الكلام او الضحكه فما تلقااااااهن ..

انزعجة منال من هالوضع .. ضاقت .. ماتبى فيصل يتصرف معاها بهالطريقه .. بهالاهتمام الي زايد عن حده .. بهالبرود الي في صوته ونظراته ..
اباك ترجع فيصل القبلي .. اخويه حبيبي ..شو الي غيرك عليه .. وشو الي خلاك تطلب الزواج مني ..وتتغير بهالصوره !!

رغم ان منال في كل لحضه تتذكر طلب فيصل الها ..وتحس بحبها له الي بيخنقها .. لاكنها مب قادره تفهم تصرفات فيصل وهذا الي مخلنها في حيره ..

نشت منال بتغسل يديها .. استسمحت منهم وقامت بتنش .. نش فيصل وياها ..
فيصل وهو يبتسم الها : مب زين تروحين بروحج .. انا بوصلج ..
تمت منال تطالع فيصل .. والي عندها مااهتمو .. شافو تصرف فيصل عادي ..
بس منال كانت مغيضه وبدون ماتشعر صبت غضبها في فيصل ..
منال : اسمحلي مااباك توديني ..ادل الدرب وانا مب ياهل .. ولو سمحت لا تتم تتصرف معايه جي .. من يلسنا وانته تتصرف ببرود وهتمام ماله داعي ..

تمت نوره وحمد فاجين اعيونهم في منال ومستغربين ردة فعلها ..
فيصل تمت يطالعها وابتسامه على ويهه ..
نوره : منال .. هدي ماما شو بلاج .. مافيها شي ان وصلتج مب اول مره ..
منال حست انها طينتهااا .. ماعرفت شو قالت والا شو سوت .. بس حست بالاحراج .. وافتشلت جدام امها وحمد ..
ماحست منال بنفسها الا وهي تتحرك وتروح من جدامهم .. نش حمد بيلحقها وكان حاس ان منال متضايقه من اول ما وصلو من السفر ..

رد فيصل يلس على الطاوله وهو متضايق وبدا ويهه يرجع فيصل القبلي .. وارتسم الحزن في عيونه .. تمت امه نوره تطالعه بعيونها واشفقة على ولدها ..
نوره : شو بلاك حبيبي .. انت ومنال اول مره تتصرفون ويا بعض جي ..؟
رفع فيصل ويه لامه وحاول يبتسم : ماشي فديتج .. لاتشلين هم ..
هالجواب ماريح نوره .. بس مابغت تزعج فيصل باسئلتها وفضلت تأجل الموضوع لوقت ثاني ..

بعد ماتغسلت منال لقت حمد يترياها برا عند الباب .. طالعته منال وعقب مرت من جدامه بتروح ..
حمد : منال صبري .. اباج في كلمتين ..
منال التفت لحمد وهي تحس انها ضايقه واي كلمه بتصيحها .. ووضعها من تغير فيصل متعبنها ..
منال : وقت ثاني حمد دخيلك .. تعبانه واحس مالي مزاج لشي ..
حمد : لا .. الحين اباج .. ومنال بليز لاتعندين وياايه .. مب وقته ..
منال بضيقه : اوكي حمد .. خير شو هناااك ..؟
حمد : تعالي معايه اول ..

مشااا حمد ومنال حذاله .. وطلعو في الحديقه على طرف .. ويلسو على كرسي خشب موجود عالزاويه ..

حمد : الغلا .. ممكن تفتحيلي قلبج وتقوليلي شو بلاااج .. انتي من ييتو اليوم وانتي مش منال الي اعرفها .. ممكن اعرف شو الي غيرج .. او بالاخص .. شو الي غيرج على فيصل جي ..؟
منال بتردد : حمد انا بروحي مااعرف شو الي غيرنا ..
حمد : قولي ليي كل شي صار .. وانا بساعدج .. انا اسمعج الغلا قولي ..

منال قالت لحمد الي صار وياها مع فيصل في الطياره ..
وماقدرة تقوله عن طلب فيصل الها لزواج .. حست انه مب وقته ترمس عنه .. والا ان فيصل يمكن يغير رايه عقب ويتراجع عن طلبه الها .. بعد مايفكر فيه بجديه....

حمد ماعرف شو يقولها وماشاف في سبب للزعل ..
حمد : منال الغاليه .. حاولي ترمسين فيصل وتعرفين شو الي زعله منج .. فصيل طول عمره يغليج ويعزج ومابيزعل بدون سبب ..

منال : المشكله اني تميت اخاف ارمسه ..
حمد : غبيه .. فيصل يغليج ومايصبر عنج .. بس انتي ابدي معاه ورمسيه وانشالله عقب ترجعون مثل اول واحسن ...

منال وهي تبتسم لحمد : انشالله وهذا الي بسويه .. لاني انا اصلا مااقدر ازعل فيصل مني .. وبروحي مااقدر اصبر عنه ..

حمد : الحمدلله .. حاولو تتمون جي دوم ولا تغيرون ادواركم .. ولا تاخذون دوري .. انا الحين احس عمري استويت وايد طيب معاج .. واحس اني ضقت من عمري ومايناسبني هالدور هههههههههههههههههه

منال : ههههههههههه وانا اقول ليش مب قادره ابلعك ..
حمد : ههههههههههه مالت عليج صدق اني مالقيت مونه اراضيكم

لالي...

22-02-2006, 02:10

¤ّ,¸¸,ّ¤؛°`°؛¤ الــــجزء الثــــامـــن ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

" قالت .. انته السحر..!!
قلت .. الليل جاني .. والليالي كيف تصبر عن قمرها
قالت .. انته العمر .. وايامي ثواني والثواني طولت كيف اختصرهاا "

وصل فيصل من برا بعد ماطلعو الشنط .. شاف امه ومنال يالسات يودعن بعض .. وحمد يالس ع طرف ويرمس في التلفون ..
مشا لامه ويلس حذالها ..
فيصل : هااا الغلا تامرينا بشي قبل لا نسير ..؟
نوره : سلامتك حبيبي وهالله هالله في منال ..
فيصل طالع منال ورد طالع امه : منال في عيوني الغاليه وماله داعي توصيني عليها ..
منال وهي تحضن امها : مااعرف كيف بيلس في البيت وانتي مب فيه .. هاي اول مره تروحين عنااا .. في العاده ماتخليني ..

هاللحظه تدخل حمد في الكلام بعد ماسكر التلفون ويا ييلس حذالهم ..
حمد : فديييييت انا شيختكم .. خلوها ترتاح منكم اشوي وتيلس عند حبيب قلبها يدلعها وتدلعه شويه .. من زماااااان ماتهنيت ابهااا بروحي .. من يوم مايابو الست منال تشاركني في حضنها ..

منال : ياويل منال منك ومن غيريتك .. ماحيد عمري غثيتك وانته في حضنها وتنهل من حنانها .. مروعني حضرتك دوم ..

فيصل : ابله منال .. بلا تنهل بلا حنان .. قومي لا نتأخر عن الطياره ههههههههه
منال معصبه : طالعو هذا ..!! والله حته فيصل كبر راسه وقام يتمصخر عليه ..
امااه شوفي عيالج .. هذا الي تبيني اسير وياه واتم بروحي وياه طول المده .!!!

نوره : ههههههههههه ماعليج منهم بس يغايضونج .. لبسيهم انتي ..
حمد : ههههههههههههه ابله منال كملي درسج في الطياره .. يالله بلا مطرود هههههههههههه
منال وهي معصبه : هيه .. زين.. بعد السالفه فيها طرده .. والله انا شكلي عاطيتنكم وايد ويه ..
فيصل : اسمحيلنا طويلة العمر .. ويالله انا مستعيل على الدرس الي بتعطينا اياه في الطياره ههههههه انا وانتي بس ..
حمد : هههههههههههههههه روح ... مدرسه دلوعه وبرواحكم .. منو قدك انته ..
طالعتهم منال بطرف عينها ..
منال : رواحكم في عينك .. وبعدين انا ماادرس انا بس اضرب واادب هههههههههه
فيصل : حلااااااته .. ضربج عسل ههههه
حمد : عادي والله ضربي انتي بس .. وبتشوفين شو بييج هههههههه
منال : لا والله ..!! فيصل ..
فيصل : لبيه ..
منال : قم قم .. ماعندنا وقت .. الطياره بتفوتنا وانا ابى افتك من ويه ناس ..
فيصل : ههههه امرج ابله منال .. يالله ..

ودعو منال وفيصل امهم نوره وحمد .. وراحو للمطار ...

في الطياره .. منال وفيصل يالسين حذال بعض والاوضاع من بينهم مش ولا بد ..بعده سوء التفاهم الي صار مأثر على علاقتهم ..
وموضوع طلب فيصل ايد منال .. خلى في الجو شوية خجل وارتباك ..
منال من ركبو قعدت ساكته وتبدل في التلفزيون الي جدامها ومارمست فيصل مول ..
فيصل نفس الشي قعد وماكلمها .. يلس يطالع المجلات ويحاول يلهي نفسه عن منال ..
وكأن سوالفهم الي كانت جدام نوره وحمد .. ماصارت ..
قعد فيصل متملل وشكله يبى ينطق منال ويتفاهم معاها .. ومنال طول الوقت حاطه ايدها على قلبها ومتوقعه من فيصل في اي لحضه يبدأ يكلمها ويسألها عن موضوع الزواج ..

فيصل : منال ممكن تسكرين التلفزيون شويه وتسولفين معايه ..
منال رفعة السماعات عن اذنيها وطالعت فيصل .. وسكرت التلفزيون ..
فيصل : اول شي .. ابى اعتذرلج عن كل الي صار امبينا ذك اليوم .. مااعرف شو اقولج .. بس ثورتيه عليج ماكان الها داعي ولا اسباب ..

منال قعدت تتسمع فيصل وبدت تحس بارتياح ..
فيصل وهو يبتسم لمنال : منال مسامحتني ..
منال : افا يافيصل .. هذا سوأل .. اصلا انا ماحطيت في خاطريه منك مول .. بس كنت اترياك ترضى عليه .. وكنت خايفه ارمسك في شي ومب عارفه شو بتكون ردة فعلك عليه ..
فيصل : يعني خلاص ..
منال : خلاص .. وبنرجع مثل اول .. وقلوبنا عسل ههههههه
فيصل : لا..
منال بستغراب : لا ..؟؟!! ليش ...؟
فيصل : انا ماابى نرجع مثل اول .. يعني بعد ماطلبت ايدج وبينت لج رغبتيه في الزواج منج .. ابى الي بيني وبينج يتغير لشي ثاني .. والا انتي شو رايج ..؟

منال حست ان جسما يرتعش .. وارتبكت .. وماعرفت شو تقول لفيصل وهي اول مره في حياتها تسمع مثل هالكلام .. ومن منو ..!!؟ من فيصل حبيبها الي تموت فيه ..

تمت منال ساكته وماردت ع فيصل بشي ..
تم فيصل حيران ويفكر .. يبى يعرف رايها وهي لين الحين ماقالت له على شو قررت ..
تم فيصل على اعصابه .. ومنال تبى تقوله رايها لكن مستحيه ..
فيصل : منال ..
رفعت منال عيونها في فيصل الي كلهن حب .. وخاطرها يقولها .. لاتعذبين فيصل .. اذا تحبينه ريحيه ووافقي عليه ..
منال : لبيه .
فيصل : منال اخاف طلبي لج شي مب مقبول عندج .. ومنحرجه من السالفه ومب عارفه كيف تفهميني هالشي .. صح يامنال ؟
منال : لا يافيصل .. غلطان .. بس انا ..
وسكتت منال وهي تفكر وتشوف النار في عيون فيصل وحرقة الانتظار ..

فيصل : منال .. ابى اقولج انج مب شخص عادي بالنسبه لي .. ومن زمان انتي في خاطريه .. بس كنت اتريا الوقت المناسب واصارحج بهاشي ..والحين ابى اعرف شو شعورج ناحيتيه ..؟ بس بصراحه ..

منال حست انها في حلم .. والامور تبدلت بسرعه .. وطلع فيصل الي كان دوم بالنسبه الها اخو .. شخص يفكر فيها بنظره ثانيه وشايل الها حب من نوع ثاني ..
حب من نفس نوع الحب الي تكنه له .. بس الحياه كانت مفهمتنهم شي ثاني ..
وفي النهايه طلع حبهم لنور وحسو به بثنينتهم ..

منال وفي عيونها الخجل : فيصل .. انا موافقه على طلبك ..

في لبلاد ... منال يالسه ترتب اغراضها الي بتوديهن وياها بيت ابوها .. طول فترة ما امها نوره مسافره .. وفيصل كان تحت ويتريا منال علشان يوصلها ..
الوقت كان متأخر .. ومامداهم من وصلو من الطياره ودشو البيت ..

في هاللحظه يت الخدامه تخبر فيصل ان ناصر اخو منال وصل وهو في الميلس ..
نش فيصل وسار صوب ناصر .. استغرب فيصل زيارة ناصر الهم بس توقع انه ياي يسلم عليهم ويتحمدلهم بالسلامه ..

فيصل : مرحبا السااااع
ناصر : مرحبا بك الغالي .. حمدلله على السلامه ..
فيصل : الله يسلمك ياربي .. وشحالكم انتو ربكم بخير وشحال خالي ..
ناصر : بخير كلهم ومايشجون باس والحمدلله .. شحالك انته و حمد وعمتيه نوره عساهم الا بخير ..؟
فيصل : كلهم بخير طولي بعمرك ..
ناصر: عيل منال وين ..؟
فيصل : منال فوق .. بزقرلك ايااااها ..

نش فيصل بيسير يزقر منال .. بس منال وصلت للميلس قبل لا يظهر فيصل وتلاقت وياه ع الباب ..
فيصل : منال ناصر بيسلم عليج ..
منال وهي تبتسم لفيصل : هي عرفت .. خبرتني روز..

دخلت منال وسارت صوب اخوها ناصر سلمت عليه ويسلو يرمسون ..

ناصر : اغراضج زاهبه منال ..؟
منال : هي نعم توني مرتبه اغراضي وخلصت .. وكنا بتظهر صوبكم انا وفيصل الحين ..
ناصر : عيل زين اني ييت قبل ماتظهرون .. علشان مانتعب فيصل ..
فيصل : افا ياناصر .. لاتعب ولاشي ومني نسلم على خالي وخالتيه ..
ناصر : اكيد طال عمرك وانته انشالله بتي صوبنا تسلم على خالك ومنال في اي وقت ..

طلع ناصر واخته منال وياه .. وودعو فيصل الي تم من عقبهم واقف ويرقب سيارة ناصر الي ابتعدت عن نظر عينه وهو يتخيل منال الي فيها .. وحز في نفسه كيف منال راحت عنه ..
وكيف مابيشوفها طول هالمده ..
دخل فيصل وهو يتذكر ويه منال وعيونها الي تودعه وكل منهم ينظر لثاني والحب مفظوح في عيونهم ..

في بيت ابو ناصر دخلت منال ولقت خواتها وامها وابوها كلهم في البيت سلمت عليهم ويلست امبينهم وفي نصهم واحساس غريب يدخل فيها ويقولها انج انتي ماتنتمين لها العايله .. شكلج غلط بينهم .. تنهدت منال وحنت لامها نوره وتذكرت حمد وتذكرت فيصل الي خلته بروحه في البيت ..
دخلت منال غرفة اختها العاش الي بترقد فيها ... طالعتها بعيونها وتشوف اغراض اختها العاش فيها .. تذكرت ايامهن قبل وتذكرة اختها حمدوه .. وكيف الايام مرت وتفرقن كل وحده بصوره غير عن الثانيه ..
حمدوه عرست وانتقلت العين عند ريلها .. العاش عرست من سنه وسافرت مع ريلها ..غير خواتها الاكبر والي عرسن من قبل .. ماتم في البيت غير اخوها الناصر الي يعتبر هو اكبر عنها بسنتين .. وخواتها .. ست بنات اصغر منها .. والي بعدها كانت فاطمه وحصه الي يعتبرن الحين لكبار في البيت وكلهن في الثنويه ..

دقت فاطمه الباب على منال ودخلت ..
منال : هلا فطيم تعالي حبيبي ..
فاطمه : ييت اشوف اختنا الضيفه تأقلمت في بيتنا والا بعدها ..!!
منال : هههههههه دامنكم حطيتوني في غرفت عويش تطمنو .. اكد اني مابستغرب وبعدين يالدبه شو تتحريني .. ماعرف بيتنا ..؟؟! ابا اطمنج ان هالبيت بيتي وانا متعوده عليه اذا مب في ايامي العاديه ترا بروحي واحساسي .. احن له ومااحس اني فارقته ..

راحت فاطمه وضمت اختها منال ..
فاطمه : فديت روحج يامنال والله لج وحشه في البيت .. ودوم احس اننا ناقصين واقول ليت عموه ماشلتج عنا .. وايد افتقدتج ..

حست منال بالدموع تتجمع في عيونها وتأثرت من احساس اختها ابها .. فاطمه وحصه كانن صغار يوم راحت منال بس كانن يذكرنها والهن ذكريات وايد معاها ..
ويذكرن اليوم الي ابوهن شل فيه منال ووداها لبيت عمتها ومن عقبها تمن يشوفن منال شخص ثاني .. وحده غير عن اختهن .. كانن يشوفن انها يوم عن يوم وسنه عن سنه تتغير وتبتعد عنهم حته بالطبايع والعادات .. وكأنها بنت نوره بصدق .. صارت نسخه من نوره وطبايعها واعوايدها وشخصيتها .. وحته في كلامها ..واسلوبها ..

بس من كبرن البنات .. حسن باختهن وحسن ببعدها عنهن .. والحين كلهم يتمنون منال لو ترد تعيش عندهم .. بس مايقدرون يقولون هالشي ولا يطلبونه من منال او عمتهم نوره .. لانه شبه مستحيل التفريق بين منال ونوره ..

راحن منال وفاطمه ويلسن يسولفن واشوي وان حصه يايتنهن.. يلسن كلهن يميع وسهرن مع بعض وفي غرفة منال الي قررت انها تتم فيها طول فترة يلستها في بيت ابوها .. تمن يسوفن وضحك وسوالف لين الصبح ..

منال كانت تحكيلهن سوالفها من اول يوم وصلت فيه بيت عمتها .. وكل ذكرياتها مع حمد وامها نوره وفيصل الي ماقدرة تبعده عن بالها والا تفكيرها .. وكل ماتذكر اسمه يتغير صوتها وعيونها وتبدا تحنله .. وتحس بلوم لانها خلته بروحه في البيت وماكان عندهم فرصه انها تودعه وتشبع منه قبل لا ايي اخوها ناصر وياخذها عنه ..
ناصر الي محد كان متوقع ييته ذيج اليله ..!!
بدت الايام تمر على منال في بيت ابوها .. وكل يوم تحس باحساس يديد وتكون فكره اوسع عن عايلتها واهلها وامها الي مافقدة غلاتها طول هالسنين ..
صدق منال حست كيف انها كانت بعيده عنهم .. وان نوره وعيالها خذوها بكل مافيها عن اهلها وبيتها واصل نشأتها بكل النواحي ..
كانت منال يالسه مع امها واخواتها ..
منال : امي مته حمدوه بتيكم .. خاطريه اشوفها هالدبه .. من زمان ماشفتهااا ..
ام منال : حمدوه ودها تيي وتسلم عليج... بس ولدها مريض وتعرفين انتي عمتها مابتخليها تظهربه وهو تعبان ..
فاطمه : دوم هالعمه مغصصه عليها ... لو انا منها مابشاورها .. شوري عند ريلي وبس ..
ام منال : لا افا عليج .. تبين تتعيوفين في عمتج .. على الاقل الوحده تقدر من عمتها .. يوم هي عيوز وتحترمها .. وهذي ام ريلها يعني امها وواجب عليهم يحترمونها ويقدرون منها ..

فاطمه : انا يوم بعرس باخذلي واحد لا ام له ولا ابو مقطوع من شيره .. عسب محد يتحكم بي ههههههههههه
منال : من وين بتظوينه هذا الا جان هو مسوي شي وهله متبرين منه هههههههه
حصه : والله احسن شي الوحده تعرس وتسير بيت بروحهاا مع ريلها .. واهل ريلها مالهم خص فيها.. تيهم بس زياااااره وماتطول .. نص ساعه وتسير ههههههه

ام منال : الي يسمعكن يقول المعاريس كسرو البيبان عليكن ..
منال : ههههههههههه اماااه من شوري لاتزوجونهن لين يخلصن الجامعه .. الحين الوقت تغير والبنت لازم تظمن مستقبلها ووظيفه عقب تفكر في العرس ..
ام منال : هي نعم المفروض .. على الاقل يسدن عمارهن ومصاريفهن عن الريل الي بيفقرنه طلبات هههههه
فاطمه : ههههههههههه هي منال خربي امي انتي .. منو قال انحن نبى ندرس والا نسير جامعه ..كل يوم انلمحلهم على العرس وماشي فايده ههههههههه
حصه : هههههههههه انحن نبى نعرس بس ..و مانبى شي منه .. و لو حتى يرقدنا بلا عشا مابنقول شي ههههههه
منال : ياويلي منكن .. كيف مستقطعات على العرس هههههههه من صدقكن انتن ..؟
فاطمه : هههههههههههههه لا والله سوالف بس نغايض امي ..
حصه : هي سوالف ومن هناك نفج الي في نفوسنا ههههههههه
منال : لو يسمعكن ابويا والا ناصر حرام ماتبات وحده منكن في البيت .. بيزوجكن اي حد حتى لو راعي المزرعه المهم يستر عليكن ههههههههههه
رن تلفون الصاله .. ربعت فاطمه تشله واشوي انها تزقر ومنال وتقولها ان عمتها نوره تباها ..
فرحت منال من طاري نوره .. وربعت صوب التلفون ..
منال : هلا والله ملاااين ياربي ولايسدن ..
نوره : هلا بالغلا .. هلا فيج بحبيبي ..
منال : فديت هالصوت ياربي تولهت عليج يالغاليه .. شحالج ربج بخير ..؟
نوره : يعلني مااخلى منج ياربي انا بخير من اسمع هالصوت .. انتي شو حالج شو مسويه ..؟
منال : انا الحمدلله بخير وماناقصني الي وجودج عندي يالغاليه ..
نوره : انشالله جريب ..اسبوعين وانحن عندكم .. شو مسويه في الجامعه ..
منال : والله اعد الايام عسب تردون .. والجامعه ممشيه فيها لاتخافين ..
نوره : وفيصل ترمسينه .. تشوفينه .. والا تقاطعتو ..؟
منال : هي امااه ارمسه ..وهو بعد ايي صوبنا كل ماينزل من الكليه وطمني علينا مابنتفارق انشالله ههههههه ..

تمت منال تسولف ويا امها نوره .. واشوي وان حمد داخل عليها في الخط ويرمسها ..
حمد : ها منوووول شخبارج ..؟
منال : بخير الحمدلله .. وانته شو مسوي بمي مهتم ابها والا قالعنها طول الوقت ومسترغد مع ربعك .. هههههههه
حمد : لاا شو قالعنها .. اصلا ريلها على ريلي .. الحين انتي لو تشوفينها مابتعرفينها .. سوتلها ربع وكل يوم تظهر ويااااهم .. ماتشوفينها ماتبى ترد لبلاد .. ههههههههههههه
منال : بسم الله على امي لاتتم ترمس عنها جي ..
حمد : ههههههههه اشعرفج انتي ..!! تعالي وشوفي بعينج ههههههههه
منال : ومنو انشالله الربع الي سوتهم ..؟ شباب اجانب والا عرب ..؟
حمد : ههههههههه ايه لا تتمين ترمسين جي عن امي .. استحي على ويهج شو شبابه ههههههههههه
منال : الله يخسك انتي الي تقول مب انا .. مالت عليك وعلى الي يصدقك ..
حمد : ههههههههههههه .. لا بس تبين الصدق .. امي تعرفت على ناس اهنيه وشكلها وايد مستانسه وياهم .. مره ماشوفها دومها مطيحه في السوق وياهم ..
منال : وكيف تعرفت عليهم وعن طريق منو ..؟
حمد : حذالنا في العماره الي يمنا .. وبروحها تعرفت عليهم انا مالي خص ..
منال : هييييييي ماعليه .. بروحها ..!! وتباني اصدق .. اكيد انته معرفنها عليهم .. وعندك نوايا ثانيه ومصالح من هالشي هههههههههههههه اعترف ..
حمد : والخيبه .. كيف عرفتي ..؟ اكيد امي قالت لج شي ..؟
منال : لا والله ماخبرتني .. بس احساسي مايخيب فيك وفي سوالفك البطاله ههههههههه
حمد : ههههههه وشو احساسج بعد يقولج ..؟
منال : احساسي يقولي ان عربك هيلا مساكين انغشو فيك وفي وداعتك وبييهم يوم بينصدمون فيك هههههههه
حمد : ههههههههههههه مالت عليج هم الا يتمنوني منوه .. وانا ماعطيهم ويه .. وبعدين لاتورطيني في تخيلاتج مع الوالده ههههههههه ماشي من هالكلام ...
منال : يخرب بيتك وانته تسايرني واخر شي يطل جذب ....
حمد : هههههههههه شسويبج انتي خبله وتصدقين بسرعه ههههههههه
منال : خساره .. فرحت وقلت بتعرس وبفتك منك هههههه ..

سكرت منال عن حمد عقب ماتمو يتغايضون .. ونشت سارت عند امها وخواتها ولقت ناصر يالس وياهم ..
منال : امي نوره وحمد يسلمون عليكم ..
ام منال والبنات وناصر : الله يسمهم من الشر ويسلم من ياب السلام ..
ناصر : شحالهم ..؟
منال : بخير الحمدلله .. وسبوعين وبيرجعون للبلاد انشالله ..
ام منال : يردون بالسلامه انشالله ..
ناصر : منال ..
منال : لبيه الغالي ..
ناصر : ممكن ارمسج رواحنا شوي ..؟

ام منال وخواتها كلهم طالعو ناصر وعارفين شو الي في خاطره ويبى يقوله لمنال ..
منال : من عيوني الغالي ..

نشت منال واخوها وسارو داخل غرفة ناصر ..
ناصر يلس مقابل اخته .. وعقد يرمسها شوي شوي ويمهدلها السالفه .. الي كان ناوي عليها ..وهي ان منال ترد تعيش في بيت ابوها .. بين خواتها..

منال : لا ياناصر .. كيف تطلبون مني هالطلب الحين .. وامي نوره كيف اخليها بروحها منو الها ..
ناصر : امج نوره عندها عيالها ..وانا من زمااااان مب راضي على هالوضع بس محد كان يسمعلي .. لاني ياهل .. بس الحين انا كبرت ولا زم اردكم عن الغلط ومااسكت عنه ..

منال : اي غلط ياناصر .. انته جي بتذبحني وبتذبح عمتك .. واهلك امي وابوي اكيد مب راضين على كلامك ..
ناصر : انتي وعمتيه بتتعودون .. وامي وابوياااا بيرضون .. بس انا الاهم عندي رضا ربي .. واباكم تعرفون ان يلستج في بيت عمتج بتحملج وايد من الاثاام .. ووجود فيصل وحمد عندج في البيت ..وانتي مب اختهم اصلا .. هذا الشي انا ماارضااه ولا برضاااه ..

منال وهي متفاجأه : حرام عليك يا ناصر .. هذيلا وايد زينين .. وربيت وياهم مثل اختهم .. وانحن ماشي في نفوسنا غير اننا خوان .. لاتظن هالظن ابنا ..
ناصر : منال .. انا ماابى اجبرج على شي .. ابى اقنعج بالي فيه صالحج .. وانا بقولج كم شي وانتي جاويبي صح والا غلط .. وحكمي على كلامي بنفسج ..؟
منال وهي محتاره : زين
ناصر : في الدين .. هل يجوز للمرأه انها تكشف عن ويها او شي منها لغير محارمها ..؟
منال عيونها في ناصر وحاسه ان اسئلة ناصر بتيب مصيرها اليديد الي ناوي عليه ناصر ..
منال : لا .. مايجوز الها ..
ناصر : هل يجوز انج تقعدين وياهم وسوالف وضحك وطلعات رواحكم في السياره ..؟
منال وعيونها تحت : لا ..
ناصر : هل يجوز انكم تعيشون في بيت واحد باسم انكم خوان وتتحللون لبعضكم كل شي .. وهو حرام ..
منال وبدت الدموع تسيل على ويها وماقدرت تجاوب غير باشاره من راشها .. ان كل شي غلط ..
ناصر راح لاخته ومسكها من يديها وحب راسها ..
ناصر : منال انا ماالموج على هالاشياء الي سويتيهن مع عيال عمتج وفي بيتها .. لان مالج ذنب .. الوم يرد لابويا الي رضا انه يوديج الهم ويفهمونج ان كل هالاشياء عادي وانكم خوان ..

منال ومن بين دموعها : ناصر انا تعودت عليهم .. امي نوره .. مااقدر اخليها ..
ناصر : الغلا ادري انه صعب بالنسبه لج فراقهم .. بس دايما كل شي في اوله صعب .. عقب بتتعودون ..وبتمين تزورينهم وتشوفينهم محد بيمنعج عنهم ..
منال رفعت عيونها في ناصر وتحس انها ضعيفه .. كيف ناصر يباها تخلي بيت نوره .. منو بيرضا بهالشي .. وهي غصبن عنها ماتقدر تقول شي لناصر .. لان حجة ناصر قويه وماتروم تعاند فيه ..

ناصر نش عن اخته وكان يبى يظهر ..
ناصر : خلاص منال مثل مااتفقنا .. وانا عليه ارمس امي وابوي ..وخليهم كلهم عليه ..

ظهر ناصر من الحجره وخل منال يالسه مذهوله من الاحداث الي صارت الها .. ودموعها تسي على ويها ومب عارفه ليش حياتها تتغير دوم وهي دايما مايكون الها كلمه فيها ..

نشت منال وسارت غرفتها وهي تجر خطواتها غصبن عنها ..
دخلت عليها فاطمه وحصه وشافنها بهالحاله .. راحن صوبها وضمنها ..
فاطمه : منال حبيبي ..لاتصيحين .. من تي عمتي نوره مابترضا بالي يباه ناصر .. ومابيصير شي يغير حياتكم لاتخافين ..
منال : ياليت يافاطمه .. ماتعرفين كيف احب امي نوره ومااريد شي يضايقها ولا يكدر خاطرها ..
حصه : ناصر دايما جي .. متشدد وكله علشان الدين ..
منال : المشكله ان كلامه صح .. وماقال شي غلط .. بس ليته مايفكر بهالطريقه .. ويفكر في عمته شوي وفيني ..

تقبلت منال كلام اخوها ناصر .. علشان تهديه وكانت تتريا كلمة ابوها وعمتها نوره الي بينهن الموضوع ..

مرن الاسبوعين .. وكان المفروض ان منال ترتب اغراضها عسب تروح بيت نوره وتستقبلهم اهناك مع فيصل ..
فيصل لين الحين ماعرف شي عن قرار ناصر ..
وصل ناصر غرفة اخته منال ومثل ماكان مخطط .. بيوديها يسلمون عليهم وعقب يخبرهم عن منال وقراره ..
ابو ناصر وامه ماقدرو يغيرون قرار ناصر ولدهم .. وبالمثل نوره وعيالها ماقدرو على ناصر وماكانو يبون المشاكل ..
كانت منال يالسه في نصهم وهي تحاول تتماسك وماتنفجر صايح ..
دموعها كانن مغطيات ويها .. ومب مخلياتنها تشوف ويه فيصل الي كان يالس يطالعها والحزن والضيقه في عيونه بس مب قادر يسوي شي ..
نشت منال وراحت لامها نوره .. يلست حذالها وطالعتها نوره بكل حزن وهي مب بيدها شي .. ضمتها وتمت تصيح منال في حضنها ..
حمد طول الوقت يالس وساكت وماسك نفسه بالغصب لا يقوم ويمسك ناصر بكندورته ويطيح ضرب فيه ..
بس نظرات امهم الهم كانت تقولهم .. لاتسون شي ولا تغلطون على ولد خالكم ..

نوره وهي ترمس منال : حبيبي منال .. لاتصيحين ..بس حبيبي .. انا مب راضيه على هالشي الي يصير .. وصدقيني مابيستمر .. بس تحملي اشوي وكل شي بيرجع مثل اول ..
رفعت منال عيونها الي تعبت من الصايح لعمتها ..
منال : ياليت يااماااه .. ماابى اخليكم .. وكيف افارقكم لا انا ولا انتو بتقدرون على هالشي ..

نش حمد وظهر .. ماقدر يتحمل ان حد يتدخل في حياتهم ويغيرها على كيفه وهم مالهم حتى انهم يرمسون ويعترضون ..

ظهر حمد وتمت عيون منال ترقبه وعقب نش فيصل وراه وظهر .. ومنال تطالعهم وردت طالعت امها نوره وناصر الي يالس على طرف ويترياااهم ..

نش ناصر : منال .. انا بسير .. اهلي بييون عقب واتوقع انج تردين وياهم ..
طالعته منال ونزلت نظرها عنه وهي تقوله : انشالله ناصر ..

ناصر : عموه نوره .. سامحيني على الي اسويه .. بس في النهايه اباكم تعرفون اني ابى ارضي ربي ..
نوره : على خير الغالي .. واسمحلنا انحن يوم يبنا منال عندنا كانت صغيره ومايا في بالنا هالامور .. واباك تعرف ان منال طول ماكانت اهنيه .. كانت ملتزمه ولا هي ولا عيال عمتها صار بينهم شي غلط ..
ناصر : محشومين طال عمرج .. بس الاوضاع لازم تتغير وكل شي يرجع لمكانه الصح ..
نوره وهي تطالع منال ومب هاين عليها الي يصير : على خير انشالله ..
طلع ناصر وبالفليل راحت منال مع اهلها .. وودعت عمتها واعيالها ..
في ميلس نوره حمد وفيصل وامهم يالسين ..
حمد وهو معصب : والله كان خاطريه اقبضه واضربه ضربه بس والله لو مب انتي يالوالده جان جتلته اليوم ..
فيصل : امي كان المفروض تعارضينه وماتخلينه يشلها ..
نوره وهي تحاول تيود دموعها عن عيالها : ماقدرة .. ولد خالكم كان مصر على الي يسويه وماعليه من حد .. واخر شي كان بيشلها غصبن عنها وعنا . وانا ماابى منال تتمشكل ويا اخوها ..
حمد : حرااام جي .. ليش يشلونها عنا ..هاي صارت منال ومالهم خص ابها ..
نوره : مااعرف كيف بنيلس في البيت ومنال مب فيه والله اني احس اني بموت بلاها ..
فيصل : بسم الله عليج يالغاليه .. منال انشالله بترد وبتعيش بينكم وغصبن عنهم كلهم ..
طالعت نوره ولدها بخوف .. فيصل بيسوي اي شي واذا نوى على المشاكله مابيهمه شي ..
نوره بخوف : على شوه ناوي ..؟
فيصل : امي لاتخافين .. انا الي ابى اسويه ماينفع يصير بالمشاكل .. انا بحل الموضوع بطريقه ثانيه ..
نوره : شو بتسوي ..؟
حمد : انته سو اي شي وانا ويااااك ..
فيصل : انشالله ياحمد .. بس انا ابى اقولكم اني ابى اخطب منال ..
نوره وحمد فجو اعيونهم في فيصل .. ليش .. وكيف فيصل يبة يخطب منال ..!!
نوره : وليش يافيصل .. ليش تبى تخطبها ..
حمد : علشان ترد تعيش ويانا ..؟
فيصل : لالا .. انا ابى اخطب منال من زمااان .. بس مايا الوقت المناسب ..
نوره : بس منال اختك .. كيف تفكر انك تخطبها ..؟
فيصل : امي الغاليه .. صح منال اختي .. بحكم كلامكم وتربيتكم النا .. بس انحن مشاعرنا غير .. وانا الله يعلم بي .. اني عشت ويا منال بكل طهاره .. لا تفكرون اني طول هالوقت كنت انظرلها كاي بنت .. لا والله انا احترمتها وهي نفسها ماكانت تعرف شي عن شعوري ..
حمد : يعني انته تبى منال من خاطرك ..مب لانك تبى ترجعها للبيت بعد ماخذوها عنا ..؟
فيصل : هي نعم .. وانشالله ان امي توافق .. وبهالطريقه انا احصل الانسانه الي اباها .. وامنال ترجع البيت عندنا ..
تمت نوره تطالع ولدها ومب عارفه شو تقوله ..
نش فيصل وسار يلس حذال امه .. وحط ايده على خدها ورفع ويها صوبه ..
فيصل : امي ..يمكن وضعي مع منال ماعجبج .. لانج دايما كنتي تنظرين الها بانها بنتج صدق .. وانها اختنا .. وعشنا كلنا على هالفكره وصدقناها .. بس امي الحياه حكمت النا بشي ثاني .. وانا ابااج تباركين النا هالاختيار وماتعارضين ..
طالعت نوره ولدها والدموع في عيونها : الف مبروك ياحبيبي .. بس انا مابرضى لين ماترضى منال .. وابى رضاها يكون من خاطرها .. مب تفكر تفكير ثاني بان هذا حل علشان ترجع به البيت عندنا ..
حمد : انا عليه اقنع منال .. والف مبروك يافيصل ..منال تستاهلك ..
فيصل وهو يطالع امه واخوه : منال موافقه ..بس باقي موافقة اهلها ..
طالع حمد اخوه فيصل وضحك ..
نوره وهي معصبه شوي : ومته انشالله اتفقتو .. وانحن اخر من يعلم ..؟
فيصل : ههههههههه والله يالغليه مالحقنا نتفق .. ناصر ماعطنا فرصه .. جنه كان حاس .. ويانا طياره البيت وشلها عني ولا حته عطاني فرصه اودعها والا اوصلها الهم ..
حمد : ههههههههه اهم شي انك خذت موافقتها

لالي...

22-02-2006, 02:13

¤ّ,¸¸,ّ¤؛°`°؛¤ الــــجزء التاســـــــــع ¤؛°`°؛¤ّ,¸¸,ّ¤

http://www.w6w.net/album/35/w6w200504191940258bb30d67.gif

لا تغرك بسمتي في فراقي
ترا لعينك صابر بس مشتاق
ومادامني باقي لك الحب باقي
مابين روحي والجسد حس واشواق
وان مت عرق الحب بيتم ساقي
لون المغيب وكل لحضات الاشراق

في بيت بو منال .. دخلت فاطمه على منال تقولها ان امها نوره وعيالها فيصل وحمد يو عندهم وهم الحين في الميلس ..
نشت منال من ع الشبريه ويلست تطالع فاطمه والفرحه في عيونها ومب مصدقه ..
فاطمه : قومي عاد فديتج ..
منال : فاطمه مب مصدقه امي نوره هني وعيالها ..
فاطمه : لا صدقي ويالسين من ساعه ويا ابويا .. ويمكن يتعشون عندنا ..
منال : من ساعه ..؟ وليش ماحد خبرني ..؟ خليتوني راقده ..
فاطمه : ماحيدج ترقدين هالكثر كنت اقول في اي لحضه بتزلين ..

نشت منال مستعيله ودخلت الحمام وهي ترمس اختها على الباب ..
منال : فطيم حبيبي نزلي عندهم ولا تخلينهم يسيرون لين ايي ..
فاطمه : ليش وانتي تتحرينهم بيسيرون قبل لا يشوفونج .. عيل ليش هم يايين ههههههه
ضحكت منال لاختها وحدرت الحمام ..

نزلت منال بعد ماتلبست وتعدلت وكانت خايفه يكون اخوها ناصر موجود .. لانه مابيخليها تنزل الهم جي ..
تحجبت منال ونزلت مع اختها فاطمه

منال : فاطمه مستغربه عمري .. اول مره اتحجب عنهم .. اخاف يضحكون عليه .. خاصه حمد ..
فاطمه : هههههههههههههههه يضحكون عليج ولا تحصليلج هزبه من ناصر ..
منال : هههههههههه والله مشكله تحكيمات الاخوان ..

دخلت منال الميلس وهي مفتشله وتتخيل الضحكه على ويه حمد وفيصل .. بس قالت في خاطرها .. شسوي حكم القوي على الظعيف ..

ابو منال وامها وحصه وناصر وفيصل وحمد وامهم نوره يالسين ويسولفون .. اول ماشافو منال نشو كلهم يسلمون عليها .. راحت منال سلمت على فيصل وحمد وعقب راحت لامها حضنتها وسلمت عليها ..ويلست حذالها ..
منال : تولهت عليج امي .. لعنبوه مابغيتو تون .. ولا جنه الكم بنت اهنيه ..!!
نوره : انحن نخطط للييه من زمان .. ولا تتحسبينا نسيناج ..
منال حست هاللحضه بأن الي تكلمها عمتها مب امها الي ربت عندها وعاشت في بيتها .. الله يالزمن كيف كل شي يمر ويكون ذكريات .. شو هالاحساس الي يتبدل مع تبدل الاوضاع ..
معقوله حياتي في بيت عمتي تنقضي جي ..وفيصل وحمد .. ليش مايكلموني .. ليش مايعارضون هالوضع اليديد .. حزنت منال .. وحست انها الا هيه نفسها الي حاشره عمرها تفكير وسهر في عمتها وعيالها ..

رفعت نظرها في حمد .. ولقت الضحكه في عيونه ووده لو يطيح بمنال تعليق على تحجيبها وضحك .. اعتدلت منال في يلستها وغيرت اعيونها عنه .. والتفت صوب فيصل الي يالس يرمس ابوها ويسرق نظرات صوبها ... وفي عيونه كل الشوق والوله .. حست منال براحه من شافت فيصل .. وحست ان هالشخص هو الي مازال متعلق ابها ومب قادر ييود شوقه ..

منال ترمس امها نوره واللوم في كلامها
منال : امي شكلج مول ماتولهتي على بنتج ..
نوره حست بحاجه منال الها هاللحضه.. التفت الها وضمتها بيديها وقعدت تكلمها بصوت واطي في اذنهااا ..
نوره : بالعكس حبيبي الله يعلم كيف متولهه عليج ومالي غناه عنج .. بس انحن يايين لشي وانشالله اهلج مايفهمونه غلط .. وكله في النهايه لصالحج ..
منال سكتت وماعلقت وهدت شوي .. وهي حاسه بهالشي الي عمتها يايه علشانه .. طالعت فيصل وحست بخدودها تحمر وعيون اختها فاطمه عليها ..

تمو فيصل وحمد وامهم في الميلس مع ابو منال وناصر .. وام منال وبناتها دخلن داخل يرتبن العشا ..
فاتحت نوره ابو منال بموضوع خطبة فيصل لمنال .. اول شي ابو منال استغرب .. عقب فكر في الموضوع وطلب من ام فيصل يشاورون منال عقب يردون عليهم ..
ابو منال : البنت بنتج وانتي مربيتنها .. ويوم الا بغيتيها لفيصل ترومين تخطبينها له منج وربي يوفقهم ..
نوره : تبقى البنت طال عمرك بنتكم والشور الكم .. وتشاورو وشاورو منال .. وردو علينا خبر ..
ابو منال : على خير انشالله ..

انقضت الليله وراحت نوره البيت مع عيالها .. وفي انتظار الرد من منال وابوها ..
ذيج الليله الاوضاع كانت تحتد في بيت بو منال بين معارض وبين موافق لهذي الخطوبه ..
واول المعارضين كان ناصر .. وحجته ان منال على حسب قولهم وقولها تعتبر اختهم فكيف يفكرون ابها ويخطبونها .. ابو منال كان مهدي الاوضاع وماعنده مانع في الخطوبه ..
في الاخر خلو القرار الاخير لمنال ..

بعد ست اشهور كانت ترتيبات العرس ماشيه .. والكل مشارك فيها .. منال كانت مب مصدقه ان الايام مرت بسرعه وكيف انها يلست في بيت ابوها طول هالمده بعيد عن نوره وفيصل وحمد الي رد وسافر .. وامقرر انه يرجع قبل العرس ويحضره معاهم ..

في بيت منال .. منال وخواتها في غرفتها ويرتبن اغراض منال وزهبتهاا .. منال استعداداتها للعرس كانت كبيره .. وانشغلت فيها لدرجت انها ماتمت تيلس في البيت او على الاقل ترتاااح ..

قبل العرس بايام منال ووخواتها يالسات مع منال في غرفتها وهي تقيس فستان العرس بعد ماياااااابه السواق ..
منال : مادري احس اني مرتبكه واشياء وايد ماخلصتها ..
فاطمه : شو بعده باقي ..!! ماشي غير الحنا والحمام الفرنسي ..
منال : ياربي .. احس الوقت ضيق ومادري .. مرتبكه وايد ..
حصه : عادي حبيبي بس ريحي اعصابج وكل شي اوكي .. وكل عروس جي .. لاتوترين عمرج .. وعندج وقت لكل شي ..
منال : امي نوره تباني ارتب شنطة سفرناا .. والسواق ماياب شنط السفر من بيتناااا ..
حصه : وين بيتكم هذا هههههههههه
منال : اووووه .. بيتنا بيت امي نوره هههههههه
فاطمه : منال
منال : لبيه الغلا ..
فاطمه : من امته وانتي وفيصل تبون بعض .. انا ماتخيلت في يوم ان واحد منهم بيفكر فيج وبياخذج ..
منال وهي تتخيل ويه فيصل وماعرفت شو تقول لاختها ..
منال وهي تبتسم : مادري يافاطمه انا احس ان حياتي كانت تمشي مثل الحلم .. ومن اول ماظهرت من بيت ابويا لبيت عمتي ..وان تصيرلي اشياء ماكنت اتوقعهاااا ..

حصه : الله يفرحج دوم ويكتبلج السعاده في بيتهم ..
منال : امين يارب ..

فاطمه : يالله عاد فجي الفستاااان بنعلقه عن يخترب ..
حصه : انا بسير اتصل للمحنيه وااكد عليها ان الدريول باجر بييبهااااا ..
منال : خليها تكون جاهزه من الصبح مافيه تقعدن لين فليل تحنيني ..
فاطمه : بروحها بارده هالمحنيه الله يعينج عليها ههههههههه

باقي يومين عن العرس ومنال يالسه مع خواتها وتشوفهن وهن يتحنن في غرفة فطيم وعازمه ربايعها واسما وخواتها والعاش الي رجعت من برا عسب تحضر العرس .. والبيت صاير مزحوم ناس وعيال وفرحة العرس ماتنوصف ..

في بيت نوره .. نوره وربيعاتها كانن مايفارقن البيت .. اول عرس يستوي لعيال نوره وخطرها تسويله كل شي .. وحمد رجع علشان يحضر العرس ويشارك في ترتيباته ..

بس فيصل كان بعيد عن جو البيت وامه ومنال .. فيصل مشغول بتدريبات التخرج وكانت الفرحه فرحتين الهم .. تخرج فيصل من الجويه في يوم وعرسه في اليوم الي بعده ..

فيصل ذيج الليله يالس مع امه واخوه حمد ياي يسلم عليهم وبيرد للكليه ..
فيصل كان مستعيل على العرس وحاول انه يرتب كل شي مع تخرجه واجازة حمد ..

حمد : عاد مالقيت غير منال تاخذها .. من قلة البنات هههههههههههه
فيصل : ياخي ابتلشت ابها وغضنت عليها وعلى امي .. وقلت اخذها واردها البيت عندنا واكسب ثواب هههههههههه
حمد : هههههههههههه ليتها تسمعك الحين ..بتهون عن العرس وبتلعن بو خامسك ..
نوره : اسميها هالبنت بتبلتي ابكم .. لعنبوه كبرو عن هالسوالف حسسوها انها عروس وتغيرو شويه ههههههه
حمد : بصراحه انا لين اليوم مب متخيل منال تعرس وتاخذ فيصل .. جنا نلعب لعبة عروسه وعريس ههههههههه
فيصل : ياريااااال غير تفكيرك خلني اتهنى بعرسي وبعروسي ههههههههه
حمد : تحبها ..؟
فيصل وفي عيونه المستحى : مايخصك ..
حمد : هههههههههه خلك صريح يااخي .. محد غريب ..
فيصل : مهما عن حبها يعذلوني مستحيل القلب ينساها ... والخلايق مايعيضوني دامني حيل اهواهاا ..
حمد : روووووح الله لا شلك .. هههههههههههه امي الظاهر ان منال مسويه سحر لولدج ..
نوره : برايااااها تسويله .. يوم الا منال حلال عليها ههههههههه
حمد : حشه هب منال هاي الي مسويتبكم جي بايعين لولي والتالي علشانها .. بعدها لو اميره ويلز ههههههههه
فيصل : ابعدت غابت عن عيوني طال صبري وطال فرقاهاا هههههههههههه
حمد : ومن السهر تتعب اجفوني دوم اهاذي بذكر طرواها ههههههههه
فيصل : هههههههههه .. يالله اسمحولي بسير الحين ..
نوره : هالله هالله في عمرك الغالي .. ولا تهتم من شي اخوك بيسد كل شي ..
فيصل : على خير الوالده .. ووصيتج الحجره محد يدخلها قبل منال هههههههههههه
حمد : افا وانا وين برقد الليله ههههههههههههه
فيصل : انته ادلها حجرتك .. والا ادليك اياهاااا هههههههههه
حمد : كيفك عاد .. كان خاطريه ارقد فيها الليله وتتبارك الحجره بي وتتهنون انته منال من بركاتي ههههههههههه
نوره : الا منال مابترضى تدخلها ان درتبك راقد فيها بتشب فيها ضو ولا انها تحدرها هههههههههه
فيصل : خلك بعيد احسن لانتخذ اجرااأتنا معاك ههههههههه
حمد : انشالله الغالي بالبركه وباجر انشالله انحن موجودين في الحفل ...
فيصل : على خير واتريااكم ..

ودع فيصل امه واخوه وظهر ..دخل حمد ذيج الليله غرفته وهو يفكر في اخوه وعرسه ويضحك على منال وكيف فيصل ومنال حبو بعض والحين بيعرسون ..
اما منال فكانت تتريا تلفون فيصل قبل ماترقد ..وبالباجر كان يوم الحنا .. وحفل تخرج فيصل ..
فاطمه : منال تعالي فيصل ع التلفون .. نشت منال ركض وخذت التلفون وحدرة حجرتها ..
منال : هلا والله ..
فيصل : هلا بالعروس ..ها شو هباتج ..
منال : اوكي .. وانته ..؟
فيصل : وانا بعد اوكي ..ههههه عاد اتريا باجر منج تلفون عقب مايخلص الحفل ..
منال : اكيد بتصلبك.. ومبروك التخرج من الحين هههههه
فيصل : ومبروك عليج الغلا .. قاصر عليج شي ..؟
منال : ماقاصر عليه الا شوفكم ..
فيصل : قريب انشالله .. ماشي باقي يومين .. وانا اعد الدقايق والثواني وليتني اقدر اختصرهن ويكون يوم اللقياااا الحين وهالساعه ..
منال : ههههههه مستعيل ..؟
فيصل : شو الا مستعيل .. اثرج مب حاسه بي وبقلبي وناره عليج ..
منال : سلامة قلبك من النار .. يعلها فيه ولا فيك ..
فيصل : لا انشالله .. انتي لاتدعين على عمرج .. انا اباج لي سالمه وانا بشل عنج كل عوق وكل هم ..
منال : الله لا حرمني منك يارب ..
فيصل : منال .
منال : لبيه ..
فيصل : احبج ..
منال حست بنفسها تذوب وايديها تعرق .. وقبضت نفسها الي فضحهااا ..
فيصل : فديت روحج .. يومين وبسمعها منج ..ومن نفسج بتقولينها لي ..
تمت منال ساكته ومستحيه ..
فيصل : اوكي مابزعجج اكثر من جي .. اباج ترقدين زين .. وتفكرين بي بعد ..
منال : انشالله .. وانته هالله هالله في عمرك .. وبنتم على اتصال ..
فيصل : على خير انشالله .. وتصبحين على خير الغلا ..
منال : وانته من اهل الخير الغالي ..

سكرت منال عن فيصل وهي تحظن التلفون بيديها .. وتسكر عيونها وتتذكر كل كلمه قالها الها وتذوب وله وشوق وحب له ..

بالباجر منال لابسه لبس الحنا ويالسه بين خواتها وقاعدات يحطلها الفراش الي بتيلس عليها علشان تتحنا .. والكاميرا شغاله ويصورونها .. والكل ضحك وسوالف عليها وتعليقات ..

في بيت نوره كان الوضع مختلف وحمد الي طلع نص الليل لين الحين مارد .. وامه ماتعرف وينه والا شو الي صارله فليل وظهره جي ..

نوره يالسه في ميلسلها وقلبها نار على ولدها وعندها ربيعتها مريم .. ومب عارفات شو يسون وحمد تلفونه في البيت وماشله معاه ..

شوي وان الخدامه يايه وتقول لنوره ان ريال ع الباب ويباها ..
نشت نوره وقلبها مقبوض وماسكه بيدينها ايد ربيعتها مريم ..
مريم : خليج انتي انا بسير اشوف هالريال شو يبى ..
نوره : مااقدر قلبي ناغزني وحاسه انه ياييب خبر مب زين ..
طلعن نوره ومريم عند الريال .. كان لابس لبس عسكري وشكله ياييب صدق خبر مب زين ..
نوره متغشيه وواقفه ع الباب وماسكه ايد مريم بكل عصبيه ..
الضابط : السلام عليكم ..
نوره : وعليكم السلام..
الضابط : اسمحيلنا الشيخه ياييبلج خبر مب زين .. بس تماسكي ومحد يقدر يرد قضاء الله ..
نوره ماقدرة تمسك عمرها صرخت وحست بشين الخبر الي ياينها .. وتمت تلوح بييدها رافظه الي بيصير والي بتسمعه ..
مريم : شو عندك .. شو هالخبر الي ياييبنه ..
الضابط : مأجورين بماا صابكم .. في ولدكم فيصل ..
مريم وهي تضم نوره بكل خوف : لا الله لا الله .. لا اله الا الله ..
نوره وهي تصارخ على ولدها ومب متحمله الصدمه : لااااااااافيصل لاااااا
قعدت نوره تصيح ولدها والصدمه شاله جسدها بالكامل وماقدرة توقف .. طاحت بين يدين مريم مغمى عليها ..

حمد كان في المستشفى بين الضباط الي نقلو فيصل وربيعه راشد الي طاحت ابهم طيارة التدريب بعد ما انفجرت ابهم في الجو بسبب عطل فيها .. ومالقو من اجسادهم المتفحمه الا بقايا ..
ولا يعرفون منو فيصل او راشد من هالبقايااا ..

حمد كان منهااااار ومب قادر يتحرك من عدال اخوه فيصل .. ورافضى كونه مات وهم يتريون فرحة تخرجه وعرسه الى مااكتملت ..

خذو الضباط حمد وودوه البيت وهو شبه منهار ومب قادر يتمالك نفسه من الصايح والحزن على اخوه ..

دخل البيت وهو يفكر في امه وشو وقع الخبر عليها .. لقا ربيعتها مريم تحت يالسه وتصيح..
حمد : وين امي ..؟
مريم رفعت راسها والدموع مغرقه ويها : نوره تعبانه وطايحه فوق وعندها السستر الي طلبناها الها ..
حمد ربع فوق عند امه وهو خايف عليها .. فج الباب وحدر شافها طايحه في وسط سريرها والحزن على ولدها فيصل قرب يجتلها ..
مشا حمد صوب امه وكله خوف عليها وقف حذال سريرها وهو يطالعها بخوف ..
حمد : امي ..
فتحت نوره عيونها بتعب وطالعت حمد الي واقف حذالها ودموعه مغرقه ويه وحالته تعباااااانه ..وبدت اعيونها تسيل ادموع وهي مب قادره تتحرك ..

في بيت منال وصل الخبر لام منال ..تمت ام منال ماسكه سماعة التلفون ومب مصدقه هالخبر الي يايبنه الها ريلها ..وهو كان عند خيام العرس ويشرف على الترتيبات ..

ام منال : ياويل حالج يانوره .. الله يصبرج ويصبر عيالج ..
فاطمه شاافت امها وهي في هالحاله تقربت منها تبى تعرف شو فيها ..
فاطمه : امااااه شو بلاج تصيحين .. منو يرمسج ..؟ وشو صار حد مات ..؟
ام منال وهي تيود ويها بيديها وتمسج دموعها ..
ام منال : طلبي الرحمه لولد عمتج ..
فاطمه بخوف : لاااااا .. شو اطلب الرحمه .. ولمنوووو منهم ..؟
ام منال : فيصل طاحت به الطياره وتوفى البارحه ..
فاطمه وفي وسط ذهولها : لاااا .. لا مايصير حراام .. ومناال شو بنقولها ..؟
ام منال : مادري شو بتقولها بس سيري قولي للمحنيه تظهر عنها ..
فاطمه وهي تصيح : مااقدر امي .. مااقدر اسير عندها وشو بقولهاا ..
ام منال وبين دموعها : لازم نسيرلها ولازم بتعرف هالخبر .. لا الله الا الله ..مصيبه وحلت ابناااا ..

دخلت فاطمه وامها على منال وهن يشوفنها تضحك مع خواتها ويالسه المحنيه تحني يديهااا ..وخواتها يصورنها بكاميرا الفيديو..

تمن مترددات ع الباب .. ومب عارفات كيف يوصلن الخبر لمنال ..
دخلت ام منال وسارت صوب المحنيه وقال الها ..
ام منال : لو سمحتي مسحي هالحنا ولا تكملينه .. وظهري عنا شوي ..
منال مستغربه : لا امي حلوو ليش تمسحه ..
فاطمه وهي تحاول تمسك دموعها : منال خليها تمسحه ..
منال ماعرفت شو بلاهن وشكت في السالفه واشكالهم المنهاره والدموع الي في عيونهن ومب قادرات ييودنهاا ..
منال بخوف : شو بلاااكن ..؟ حد صارله شي ..؟
وقفن خواتها يطالعنهن وحاسات ان شي بلاهن ..
منال : امي شوبلاااج .. شو صاير رمسن لاتخوفني ..؟
فاطمه وهي تشوف امها الي تعب حاله ومب قادره تمسك عمره من الصايح .. يلست ام منال حذا ل منال ولوت عليها وتمت تصيح ..
منال تمت تسكت امها وتباها ترمس ..
منال : امي حبيبي فديتج رمسي شو بلاج .. وشو هالصايح ..
طالعت فاطمه وبدت منال تصيح : فاطمه رمسي شو هناااك .. حد صارله شي ..
فاطمه ماقدرة ترمس يلست حذال امها وتمت تصيح ..
ام منال : بنتي منال صبري على مااا صابج .. وكله من عند ربج ..
منال فجت اعيونها في امها ومب عارفه شو هالكلام والا ليش ..
منال بخوف : امي منو مات ..؟
ام منال : فيصل عطاج عمره ..
منال وهي مصدومه الخبر شل كل جزء في جسمها .. حست بجسمها برد وقلبها وقف واعيونها الي امتلت دموع تدور في الحجره في عيون اخواتها وتترجاهن ان اي وحده منهن تيها وتقولها ان الخبر جذب وفيصل مامات .. وامها غلطانه ..
الكل انصدم من الخبر وتمن واقفاااات يطالعن منال الي مبهته فيهن ولين الحين ساكته وتفكر في الخبر الي ياها والصدمه مأثره عليها ..
طاحت كاميرة الفيديو من ايدين حصه الي انصدمت من الخبر وربعت صوب حجرتها اتصيح .. وخوات منال الي يلسن على اقرب شي منهن وغطن ويوهن يصيحن ..
التفتت منال صوب امها وفاطمه والدموع بدت اتسيح على ويها وويه فيصل جدامها ويبتسم الها ..
منال : لا .. لا .. مستحيل فيصل يموت ويخليني .. باجر عرسنا .. هو كلمني البارحه .. كيف تقولون انه مات .. فيصل مامات .. فيصل اليوم تخرجه . وباجر عرسنا ..

طالعتها فاطمه والدموع في عيونها وراحت وضمت اختها الي كانت مب مصدقه وتحرك راسها رافضه هالكلام وتحاول تقنع نفسها ان فيصل عايش ..
فاطمه : منال فيصل مات خلاص وانتي لاتسوين بعمرج جي .. طلبيله الرحمه وتقبلي هالشي دخيلج ..
منال وهي تمسك فاطمه بيديها وتحط اعيونها في عيونها : لا فاطمه غلطاااااانه .. فيصل حي وانا الحين بسير اسويله تلفون وبسمعج صوته .. فيصل مامات .. فيصل قالي انه اليوم بيتريا تلفوني ..

هاللحظه دخل ابو منال الغرفه وشاف بنته منال وامها وخواتها على حالهن هذا .. سار صوب منال ..
ابو منال : منال بنتي طلبي الرحمه لولد عمتج .. والله يرحمه
منال وقفت وهي تطالع ابوها وكلام ابوها خلاها توعى لحقيقه موت فيصل وانه راح عنها ..
منال وهي تصيح وتركض صوب غرفتها : لااااااا فيصل .. مابيخليني ..مابيموت عني ..

وصلت منال غرفتها وفتحتها وشافت اغراضها وزهبتها ماليه الغرفه .. وقفت اتصيح في وسط الغرفه وماتعرف شو تسوي .. وفستان العرس مفروش جدامها على الشبريه والطرحه عليه ..
راحت صوبه ويلست على طرفه ورمت نفسها عليه وتمت اتصيح وهي تقيضه بيديها الي منقشات بالحناااا وخيال فيصل جدامها وصوته يتردد في اذنهاا ..

ع العصر دخلت ام منال على بنتها وهي ع حالتها حزن عفيصل واتصيح وخواتها عندها مشغلات الها قران ويالساات يخففن عنها ..
راحت ام منال ويلست حذال منال ..
ام منال : بنتي تصبري .. ومب زين الصايح على الميت .. بتعذبينه في قبره ..
منال ماقدرة تستحمل هالكلام وردة اتصيح اكثر ..
ام منال : انزين قومي بنسير بيت عمتج نوره.. هي الحين محتاجتنج عندها ..
طالعت منال امها وماقدرة ترمس تمت اتصيح ونشت واخواتها يساعدنها لبسنها عباتها وساربها لين السياره وركبنها فيها وناصر يترياها فيها ..
سارو ناصر وامه ومنال وفاطمه وياهم .. ولحقو ابوهم الي سار قبلهم بيت اخته يستقبل الناس هناك وعزاهم من اول ماياهم الخبر ..
كان العزا في بيت نوره والعالم والناس الي كانت المفروض تي وتباركلهم عرس فيصل صارت تيهم وتعزيهم فيه ..

وصلت منال بيت عمتها ونزلت واختها فاطمه وامها قابضاتنها ويساعدنها .. دخلوها على عمتها نوره الي كانت منهاره صياح في غرفتها ومحد يدخل عليها غير خوانها وربيعتها مريم ..
من شافت منال عمتها في هالحاله مارامت تمسك عمرها انفجرت صايح وسارت صوب عمتها حضنتها وتمن يصيحن فيصل وشبابه والفرحه الي ماتت معاااااه ..

اثرها ماتت وماتت كل فرحه في مهدها...
جاورت عقب الحدايق حفرة مقسا لحدها...
حفرة ماني مصدق كيف ضمت ياسمينه...

لالي...

22-02-2006, 02:16

¤ّ,¸¸,ّ¤؛°`°؛¤ الــــجزء العــــــــاشــــــــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

والله مايسوى اعيش الدنيا دونك ..... لا ولا تسوى حياتي بهالوجود
دامك انت الي رحلت وكيف ابصبر ... عالبعاد وكيف بنثر هالورود
ماوعدت انك تقاسمني المحبه ... وتبقى لي حب ولدروبي دليل
بس حسافه الموت كان اقرب وارحم

حمد كان واقف بعصبيه في ممر المستشفى .. قسم الولاده .. ومنال كانت يالسه وياه وكلهم ينتضرون اي خبر من الي في الغرفه .. ويسمعون صريخ فاطمه من داخل ..
دقايق والوضع هدا.. رفع حمد عيونه لمنال يطالعها .. ونشت منال من كرسيها وهي تطالعه وراحت بسرعه لغرفة الولاده علشان تطمن على اختها والبيبي الي ولدته ..
وقفت منال على الباب وتشوفهم شالين البيبي ويركضوبه من جدامها والظاهر انه حالته تعبانه .. لان وضع اختها كان تعبان وابطت في المستشفى .. من اول ماطلع البيبي دقت الممرضه جرس الانذار وركضت به برا وتجمعو كل الدكاتره من بعد ماسمعو الجرس وسارو كلهم للبيبي وحطوه تحت الاكسجين وانعشوه بعد ما كان مختنق ..
منال دخلت على اختها وهي على سرير الولاده ونوره واقفه حذالها وام منال وياهن ..
حمد تم واقف عند الباب مش عارف يدخل والا يروح ورا البيبي ويطمن عليه ..

ام منال وهي تحضن بنتها : ياخسارت تعبج يافطيم ماتت البنت ..
فطيم وهي مسكره عيونها وتعبانه ومافيها حيل للكلام : لا ماماتت عايشه ..
نوره : الله يساعدها يارب ..
حمد من سمع هالكلام ركض على طول ورا بنته يبى يشوفها ويتطمن عليها ..ومنال ركضت وراه ..
حمد وهو واقف برا غرفة الطوارء ويزقر عليهم بعصبيه ..
حمد : وين الدكتور ..؟ شو صار للبنت ..؟
طلعت السستر علشان تطمنهم : لا تخاف سير مبروك هذي بنت والحمدلله الحين هي كويسه ..
ارتاح حمد من سمع هالكلام وهدى ..
منال : الحمدلله .. الحمدلله ..
حمد وهو يتذكر فطيم : فطيم...
رد حمد يركض صوب حرمته يبى يتطمن عليها .. وصل للغرفه ودز الباب ودخل .. من دخل احتشرت السستر تباه يظهر ..
السستر : شو هذا .. مايصير انته يروح داخل الحين .. لازم يسوي تنظيف للمدام بعدين تعال ..
يرت منال حمد وظهرته خاري ..
منال : وين تبى داخل .. وين تتحسب عمرك في البيت .. اصبر لين يزقرونك ..
حمد طالعها بستغراب : لعنبوه حرمتيه .. شقا بتروغوني عنها ..
طالعته منال بستغراب : وابويا انا .. حرمتك عالعين والراس .. بس الحرمه ماتباك الحين .. تلقاها من الصبح تدعي عليك من الي يها هههههه
حمد : مالت عليج انتي وختج .. وبعديت قومي عني بسير ادخل اشوفهااا .
راحت منال وركضت قبله للباب وفجته ودخلت ووايقت لحمد وقالت له ..
منال : اظني انتي ممنوع عليك تدخل .. خلك برا لين نزقرك هههههههههه
دخلت منال وسكرت الباب.. وخلت حمد ميت غيض عليها خاري ويتحرطم ..

شوي وان السستر شاله البيبي ولافتها ورايحه تدخلها لفاطمه عسب تشوفها وتحطها عصدرها شوي وترضعها ..
لاقفها حمد عالباب وهو يتحرقص عليها يبى يشوفها ..
حمد : سستر ..
السستر : يس سير ..
حمد : جيبي هذا بيبي بيشوف ..
السستر : انته بابا مال هو ..؟
حمد : هي انا بابا جيبي بيبي ..
راحت السستر وعطته البنت شافها حمد وهو يتأملها ويشوف عيونها وبياضها ..فديتها محلاها قمر مثل ابوها ..
عقب خذت السستر البيبي وسارت ابها لامها ..من دشت السستر تلقفت الها منال وبدا التفدي والترحيب ..
السستر : شو مدام بخير انتي ..؟
فاطمه : بخير لو افتكيت من عبالتكن .. هاتي البيبي ..
عطتها السستر البيبي ..
فاطمه : فديتها محلاها .. تشبه حمد ..
يت منال تركض بتشوفها .. طالعتها ..
منال : بسم الله عليها لا تشابه ولا الله قاله .. تشبهني انا فديتها نفس الخشيم والثم ههههههههه
نوره : بس عليها يوم بتشبهج .. مابتضوي حد اخير منج ..
منال : فديت روحج يامايا .. انا وانتي اتقاسمنا البنات خلاص هههههه
ام منال : عاد طمعتن انتن .. لقيت فاطمه هاديه ومسكته وغلبتن عليها وخذتن العيال هههههههه
منال : حافظ عليها بنتج .. ماحيدها هاديه ومسكته لسانها من طولها ماتعرف وين تحطه ههههههههه
نوره : ماسارت بعيد عنج جانه هالوصف فيها هههههههههههه
فاطمه : هي اشتغل شغل الحماوات الحين هههههه امي تسمعينهن دوم جي يسوبي هههههههه
ام منال : عاد يسون سوالف وياج ..
فاطمه : هههههههههههه ادريبهن امايا .. بس عاد انتي قولي شي دافعي عني ..
منال : مايحتاي تدافع عنج .. الشيخ حمد مب مقصر .. مانيسر نقول اق وهو عندج ههههههههه
فاطمه وهي تعبانه : وينه هو .. حرام مخلينه خاري بروحه .. زقريه منال ..
منال : ياويلي عالبزا الحين بتتميرض فطيم من تشوف حمد ههههههههه
نوره : انا بسير ازقره ..
منال : هههههههههه لا امي خلوه بعد شوي برا .. وناسه مايروم يحدر ههههههه
نوره : غربلاتج لا يكون انتي الي مب مخليتنه يحدر هههههه
نشت نوره لولدها وزقرته يحدر ..
حدر حمد وهو يتنحنح ..
ام منال : حدر فديتك محد غريب ههههههه
حمد : مافيه بعد يروغوني قفطه مرتين مريوغ هههههههه
سار حمد لفطيم وحبها عراسها ..
حمد : حمد لله عالسلامه الغاليه ..
فطيم : الله يسلمك .. شفتها بنيتناا تشابهك مره ..
حمد : هي شفتها وهم يايبينها .. اسميها مالخت عني ههههههههه
حمد : بس انتي روعتينا عليج ..
فاطمه : تروعت عليه صدق ..؟ ولا على بنتك ههههههه
حمد : ههههههههه عليكم انتو لثنين ..
نوره : حمدلله عسلامتها والله يباركلكم في لبنيه وتفرحوبها عروس انشالله ..
فاطمه : امين يارب .. ونفرح بمنال عروس بعد ..
منال رفعت عيونها في فاطمه وتمنت لو فاطمه مانطقت بهالكلمه .. العرس ..!! والفرحه ..!!
هي يافطيم لاتجلبين علينا المواجع .. وخلينا نحاول ننسا .. ولو اننا مب قادرين ..

فاطمه : منال .. وين البنات ..؟
منال وهي تحاول ترد للواقع : بناتج عند الخدامه احيدهن ومن شوي رمست البيت وقالولي انهن يلعبن ولاتخافين عليهن ..

نوره : انا اشوف اننا نظهر عن فطيم ونخليها ترتاح شوي وترقد ..
ام منال : توهم عاطينها ابره بترقد الحين ..
حمد : يالله عيل بوصلكن للحجره ..ويلسن ارتاحن فيها انتن من امس وانتي عوقفتكن هاي ويا فطيم ..
منال : لا خلك انته عند فطيم اشوي وانا بوصلهن للحجره ادلها ..
حمد : تمام عيل بييكم الحين ...

طلعن منال ومها ونوره وخلن حمد يالس ويا فطيم ..
عالعصر ياب الدريول بنات حمد .. نوره وعليا .. نوره عمرها اربع اسنين .. وعليا عمرها ثلاث اسنين ..
وطلعو فطيم من غرفة الولاده وودوها غرفتها الثانيه الي بترتاح فيها .. وعقب ماتطمنت منال عليها راحت اهي البيت مع امها نوره وتمت ام منال ويا بنتها في المستشفى وحمد وياهن ..

حمد تزوج فطيم بعد مارجع من برا وكمل دراسته .. رغم انه تم فتره في لبلاد مارضى يسافر عن امه بعد وفاة اخوه فيصل في حادث الطياره ..
ولكن في الاخير كان المفروض انه يسافر ويكمل دراسته ..
نوره مااستعادة الحياه الا بعد ماتزوج حمد وبدت تشوف اعياله في البيت الي سلوها وملو عليها البيت فرح وسوالف وضحك ..
كانت نوره تشوف بنات حمد وتنسى الدنيا ومافيها ..
ومنال الي اصرت على حمد يعرس وتمت وراه وراه لين مازوجوه .. وكان اختيار حمد بنفسه انه ياخذ فاطمه ..
نوره فرحت بقرار حمد انه يتزوج .. رغم ذكرياتها الاليمه الي تربط العرس بموت فيصل ..
ومنال الي كانت عايشه وسط ذكريات فيصل في كل ركن في البيت .. وغرفة نومه وصوره الي ماليه البيت .. كانت عايشه معاه رغم انه مش موجود معاها .. لكنها تعتبر نفسها حرمة فيصل بوجوده والا غيابه ومحافظه على ذكراها .. وتصون عهودها معااه ..ولاتفكر انها في يوم ممكن انها تبدل مكان فيصل بشخص غيره ..

حمد كان يتمنى ان من ورا الزواج اييب ولد ويكون عوض عن فيصل .. بس الله مااراد ..وياب من فاطمه ثلاث بنات كانن يسون الدنيا ومافيها عند ابوهن وامهن وامهن نوره ومنال طبعا ..

بالمغرب بعد مانشت منال من نومها طلعت بتشوف امها نوره علشان يسيرن للمستشفى عند فطيم .. لقت امها نوره متزهبه بعباتها وتوصي الخدامه على البنات الي ردن توهن وبيتسبحن وبيرقدن ..
شافت منال البنات راحت صوبهن وهي تضحك الهن وتتفدا وتفج ايديها الهن .. ربعت نوره وعليا صوب خالتهن ويعقن عمارهن في حضنها ..
منال : يالبي يالبي محلى الصغنونين .. شفتو االبيبي اليديده ..
نوره الصغيره : انا شفتهاا ههههه
منال : حلوه ..؟
نوره الصغيره : هيه ..وااااااايد حلوه ..
منال : هههههههههه فديتج انا وفديت من يابج ..
التفتت منال لامها نوره الي واقفه وتسمع سوالف البنات وتضحك ..
منال : ماشالله امي اشوفج بعباتج .. مب ناويه تترييني يعني هههههههه
نوره : هههههههههههه كنت ناويه اشرد عنج .. وماواحيتيلي ..
منال : هههههههههههه يالخاينه لو ماظهرت كنتي بتودريني وبتروحين .. ماعليه الحين يوج الي ياخذونج عني ..
نوره : فديتج .. عاد هم بعد الهم حق عليه .. وانتي غلاج من زمان ماخذتنه وتعرفينه هههههههه
منال : لا انا اغار عليج .. وبتم دوم اغار عليج .. لاتفكرين ان فطيم بتاخذ الغلا هي وبناتها وانا بسكت .. لااااا بسفرهن كلهن هههههههههههه
نوره :هههههههه .. اصلا انتي غلاج غير عنهم كلهم .. انتي غلاج وغلا فيصل انجمع كله فيج .. ولا تتحرين حد بيوصل لغلاج الحين ..
صخت منال من سمعت هالكلام .. وحست بالعبره الي خنقت نوره وهي تتذكر فيصل .. وخت منال تحت وهي تتذكر فيصل والدموع بدت تتجمع في عيونها ..
منال بعد ماهدت عمرها وتذكرة انها ماتبى تخرب فرحة امها ..
منال : يالله امي .. دقايق البس عباتي وانزل .. عن تنقعين خيانه وتشردين ها هههههههههه

طلعت منال غرفتها .. ماعرفت شو تسوي غير انها تلهي عمرها بالجو اليديد الي بيعيشونه بولادة فاطمه وتحاول تنسى اي شي ثاني يكدرها ويكدر امها نوره .. لبست عباتها ونزلت ..
في المستشفى كان المكان مزدحم بالحريم والناس الي يايين يسلمون على فاطمه ويباركولهم بالبيبي ..
وفي الغرفه الثانيه كانت الفواله موطايه والرياييل الي ايون يسلمون على حمد فيها .. حمد مارقد من البارحه وكان باين عليه التعب طول اليوم ..
وعلى اخر اليوم خفو الناس .. وفضن الغرف الا على حمد وهله بس ..
دق حمد غرفة فطيم بيحدر ..
نوره : تعال فديتك محد اهنيه ..
دخل حمد وسار سلم على امه ويلس وهو باين عليه التعب وعيونه محمره ..
منال : انته خلاص شكلك انتهيت اليوم .. روح البيت واتسبح وارقد لاتلازم من الناس .. انته من البارحه مارقدت ولا ارتحت طول اليوم ..
حمد : وين اسير عن فطيم .. منو بييلس عندها ..؟
ام منال : لا فديتك فطيم بنسدها عنك .. برايك انته مرخوص .. سر ارتاح ..
نوره طالعت ولدها وابتسمت له : سر فديتك .. ماعليها فطيم واذا ام ناصر تعبانه بوصلها انا وبرايها منال بتيلس عند اختها ..
حمد : جي شوركن عيل ..؟
منال : هي نعم ..
حمد وهو يطالع باب حجرة فطيم : فطيم راقده ..؟
منال : لا يالسه ترضع البيبي ..
حمد : عيل بسير اشوفها قبل مااسير ..
نش حمد وسار صوب حرمته ..
حمد : ها ام نوره شو هباتج الحين ..؟
سار حمد ويلس حذال فطيم وهي ترضع بنيتها ..
فاطمه : الحمدلله .. بس بيبدا التعب والسهر من الحين ..
حمد : ماعليه ترا هاي شغلتكن هههههههههه
فاطمه : هي وشو عليكم انتو ماتانسون شي كله علينا حمال وربى وسهر .. هههههههههه
حمد : فديتج انا يام البنات ههههههههههه لاتتشكين ترا ربج ماخلقج الا لهالشغله هههههههه
فاطمه وهي تخز حمد بعيونها: هي بيبدا لمعاير ..
حمد : هههههههههههه افا عليج .. ماعاش من يعايرج ياام ابنات هههههههههه
فاطمه : ماعليه برايك .. الحين انا تعبانه مافيه اعاييك .. في البيت بتفيقلك ههههههه
حمد وهو يوطي صوته لفطيم : في البيت انشالله انتي قومي بالسلامه وتوليني على راحتج ..
فاطمه : فديت روحك .. ماتهون عليه اصلا ..
حمد : فديتج ..عاد اسمحيلي الحين تعبااااااااااااان وهلكااان .. تبين شي قبل لا اسير .؟
فطيم : سلامتك حبيبي .. بس خل تلفونك عدالك ابى ارمسك واطمن على نوره وعلايااا ..
حمد : مايحتاي توصيني من اوصل بدقلج الغلا ..
نش حمد بيظهر ..
فاطمه : حمد ..
التفت حمد لفاطمه : لبيه الغلا ..
فاطمه : مانسيت شي ..؟
حمد يلس يفكر وما وصل لشي : شو ..؟
فاطمه : ماقلتلي شو تبانا نسمي لبنيه ..
ضحك حمد .. وتم يطالع البيبي الي جدام امها ..
حمد : خلي منال تسميها ..
فاطمه : هههههههه منال تقول سموها عليه ..
حمد : ههههههههههه خلاص تمام عيل .. ولو اني ببتلي بمنالتين بدال وحده ..
سمعت منال وهي فالصاله اسمها ونشت تطالع شو عندهم ..
منال من عالباب : احم احم .. شو بلاكم سمعت جنه حد يزقرني هههههههه
حمد : ههههههههههه لا ماكنا نزقرج انتي كنا نرمس بنتنا ..
فجت منال عيونها وطالعت فطيم وحمد وردت تطالع البيبي ..
منال : ههههههههههه سميتوها منال ..؟
حمد : شسوي ماروم ارد فطيم بشي .. دامها تبى تسميها منال لا حول ولا قوه ههههههههه
فاطمه وهي تضحك وتغمز لحمد : عاد يالله اقنعت حمد عالاسم .. وهو مب راضي هههههههههه
منال وهي معصبه : وليش انشالله مب عايبنه اسمي ..وبعدين انتي امها والشور عندج هههههه
حمد : وانا ابوها وانا الي بسجل اسمها في الجواز وعلى اسمي ههههههههههه
منال : ذليتنا عاد .. عادي سمها الي تباااه واليايه بنسميها منال ..
فج حمد عيونه : وبعد في بنت غيرهن يايه .. !!
منال : ههههههههههههه هي اكيد .. وين بتسير فطيم عن امي ان ماشكتهن لك ثنعشر بنت لا تسميني منال هههههههههههههه
حمد : ههههههههههههههه هيه البنت طالعه على امهااااا ..
فاطمه : ياحبكم للحشره انتو الثنينه .. وبعدين لاتطرون اماياااا فديتها ماارضا ..هههههههه
منال : تراها امايا انا بعد ههههههههه وبعدين البنات من ابوهن انتي مالج خص ..
حمد : هي ردوه عليه الحين .. حافظ على امايا ماتيب البنات ولا تعرف ريحتهن هههههههه
منال : تراك طالع على خالك .. وماشالله خذت بنته .. يعني الانتااااج كله وردي ههههههههه
حمد : على قلبي عسل والله يكفي ان امهن فطيم .. وامبوني انا مادور لعيال .. تسدني امهم بس ..

سار حمد ذيج الليله ورقد بدون مايحس بشي من التعب بعد مارمس فطيم وتطمنت عليه وعلى بناتها ..
نامت منال ويااختها ذيج الليله .. وسارت نوره وام منال الببيت يرتاحن وبالصبح بيردن الهن بالريوق والفواله ..

منال واقفه حذال البيبي تطالعها وهي راقده وامها منسدحه على شبريتها وتطالع منال والبيبي ..
فاطمه : منال مب خاطرج تعرسين وتيبلج عيال يسلونج ويونسونج ..
منال وويها يتبدل وعيونها على البيبي ماشلتهن ..
منال : لاتيبين هالطاري فطيم دخيلج .. لعيال تراهم موجودين والله يخليهم النا .. ونا ماافكر اييب بديل عقب المرحوم ..
فاطمه : بس انتي صغيره وحلوه وحرام تتمين جي بلا عرس ..
منال : فطيم انا معرسه .. وعندي ريل .. بس هو مب موجود عندي .. ونا ما اقدر اييبله شريك ..
فاطمه : منال غيري تفكيرج حبيبي .. انتي ماعرستي وانتي بنت وماعندج ريل ..
منال وهي تبى تسكر الموضوع : فطيم هالموضوع يسبب لي ضيقه .. فارجوك صكيه وماعاد تفتحينه ..
طالعت منال اختها بنظره ترجي .. وهي تحس انها تموت الف مره كل مااحد يذكرها بفيصل وطاري العرس ..

راحت منال ويلست عفراشها ويلست تفكر في فيصل الي عايش في قلبها وتحس بروحه ماتفارقها لا في صباحها ولا مساها ..
وتحس به يسمعها وعايش وياها .. وتحس بخوفه عليها من محاولت ان اي حد يحاول انه يفرق بين ارواحهم .. ويقنعونها تاخذ روحها عن فيصل وتسلمها لاي واحد غيره .. وتحس بغيرة فيصل عليها وعدم رضاه بهالشي ..
تطمن حبيبي .. محد بياخذني عنك .. انا لك وبتم طول عمري اصون العهد الي بينا واصون حبك ..

بالصبح نشت منال بعد رقاد متقطع من كثر ماتنش منال الصغيره وتوعي امها ومنال الي تنش وتشل البيبي وتعطيه لامه علشان ترضعه وعقب تترياها وترجعها مكانها ويرد عقب يرقدن ..
منال كانت مستمتعه بهالشي .. وفرحانه بالبيبي الي شغلتهم وسلتهم ..

نشت منال تغسلت وتلبست وطلعت في الصاله الي تبع الغرفه وقالت للخدامه الي بايته وياهن ترتب الفواله الي يابوها من البت من الصبح .. ويلست تتريا امها وامها نوره ايون .. فاطمه تمت راقده دام ان بنتها الصغيره نايمه ..
ووصلت الساعه عشر ولا حد صبح منهم .. كلمت منال امها نوره وقالت الها انهم يايين في الطريج مع حمد ..

تمت منال ترتب في الصاله ماحست منال الا بالريال الي دخل عليها وهي يالسه تعابل الفواله وترتب ويا الخدامه الصحون ..

رفعت منال ويها وعلى بالها ان الي ياي حمد ومعاه امها نوره ..
بس من شافت الي ياي تبريدت عظامها وحست بعيون الريال الي ماخوزهن عنها من شافها .. وقفت منال بسرعه وتغشت ورحبت بالريال ..
انتبه الريال لنفسه ونزل عينه واخر ورا عالباب واستحى من عمره ومن هالموقف ..
الريال : اسمحيلي الشيخه مانتبهة لرقم الحجره .. شكلي مغلط ..
منال : مسموح الشيخ .. قرب بتقهوي ..
الريال : جريب الشيخه ..

ظهر الريال .. وخلا منال يالسه مفتشله من هالموقف .. منال ماتحب هالمواقف وخاصه انها في حياتها ماجابلات رياييل ولا خذت وعطة وياهم في ارمسه ..
وخاصه ان ميلس الرياييل كان برا يعني الي كانو ايون عند حمد مايدخلون البيت عليهم ولا هن يصادفنهم مول ..

وصلو حمد ونوره ولقو منال يالسه في الصاله وتترياهم ..
حمد : ها منال شصبحتو اليوم ..؟
منال : والله بخير ونعمه .. ليش تأخرتو ..؟
حمد : ههههههههه شوي شوي لاتاكلينا .. راحت عليه رقده ..
منال وهي تغيضه : هي انته راقد ومرتاح وانا هنيه سهرانه على بنتك واراعيها لك هي وامها ههههههههههه
حمد : تراها مسمايه عليج يعني غصبن عنج تسدينها ههههههه وبعدين هاي بنت اختج ..
منال : هي ذلوني عاد انتو بهالشي هههههههه
نوره : ماعاش من يذلج ..وترا محد يروم يستغني عنج ..
منال : فديت روحج ياربي انتي بس الي تبرديلي فوادي فيه هههههههههه
نوره : عاد خبرينا حد ياج اهنيه ..؟
منال وهي تتذكر الريال الي غلط في الغرفه وحدر عليها فجأه وجنه حادر على حد من اهله ..
منال : يا ريال بس كان مغلط في الروم .. وسار ..
نوره : تلقينه ياي لحد من هله هني ومايعرف رقم غرفتهم ..
منال : هي تلقينه جي امي ..

باسل

22-02-2006, 17:48

مشكوووووووره لالي عوافي قصه حلوه وروعه ننتظر تكملتها
المحيط

لالي...

22-02-2006, 23:18

هلا فيك المحيط
ان شاءالله البقيه قريبا

لالي...

28-02-2006, 00:49

¤ّ,¸¸,ّ¤؛°`°؛¤ الـجزء الحــادي عــشر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

لو تعرف الخطايا كيف كنت محروم ... كان سود الليالي يوم طحت اسمحت
ولو هموم المفارق مثل كل الهموم ... ماتشوفون عيني بالدموع اسبحت
ولو تحل المشاكل عقب حب الخشوم ... كان حبيت خشم المشكله واستحت

من طلع سهيل من غرفة فاطمه في المستشفى ومن عقب ما شاف منال وهو مب قادر يبعدها عن باله استحوذت على تفكيره وعقله وتم يتراواله ويها الي ارتفع صوبه وعيونها الي ناظرته وشلت من نظراتها كل عرق يحس في جسمه .. وشعور يديد تخلل جسمه وعقله وقلبه ..وسيطر عليه .. وخلاه مايحس بالدنيا الي حواليه .. هل هو الحب ..!!؟

في غرفة الريم في المستشفى اخت سهيل .. كان سهيل يالس حذال امه ولا حاس بهله كلهم الي يالسين جدامه ويرمسون .. وياهم بالجسد بس .. وياهم كشكل وضحكه وابتسامه بس .. ولكنه مايدري شو الي يدور حواليه .. ولا يسمع شي من كلامهم الي يقولونه ..

ام سهيل : سهيل شو بلاك ابويا شي يعورك .؟
سهيل ينتبه لامه : هلا الغاليه رمستيني..؟
الريم اخت سهيل : شو بلاك سهيل..؟ انته مب طبيعي اليوم .. الصبح ارمسك قبل لاتي مافيك شي وتضحك وتسولف..؟
سهيل : لا فديتج مابلايه شي .. غير بالي مشغول شوي..؟
ام سهيل : هي باين انه مشغول..بس بشوه ..؟
سهيل وهو يرد من شروده مره ثانيه : ااه ..!! لا ولاشي الغاليه .. من رخصتكن بسير ..
نش سهيل واقف ..
سهيل : اماره حايه ..!!؟
ام سهيل : سلامتك فديتك .. خلاف رد علينا بتتغدا عندنا ..اليوم خالتك بتطرش غدا ..ونباك تلازمنا ..
سهيل : هيه انشالله ..
ورد يتذكر ويه منال ..
سهيل : اكيد اني برد عليكم ..

ظهر سهيل وهو مغيب ولا عارف شو قال والا وين بيسير .. بس الي كان يباه.. انه يظهر .. يسير بروحه .. يستفرد بافكاره وبالاحساس اليديد الي سيطر عليه اليوم ..

وتمت الحيره في ويه ام سهيل وشكلها مستهم على ولدها ..
الريم : امايا .. لاتشغلين بالج عليه .. انشالله انه بخير ولا فيه شي ..
ام سهيل : مادري يابنتي .. قلبي يعورني عليه يوم اشوفه في هالحاله .. عقب ماكان .. شوفي كيف صار ..!!
الريم : امايا الله يهداج سهيل فديته مابلاه شي .. وانتي لاتخلين خوفج عليه .. يكبرلج الامور .. سهيل انا اشوفه كل يوم والثاني يكون احسن عن قبل وتفكيره وعقله متزن اكثر .. وانشالله فتره بسيطه ويرد مثل ماكان واحسن ..
ام سهيل : يالله يارب .. اشوف سهيل ولديه رد مثل قبل واحسن .. ومايبقى عليه اثر من الحادث يالله يارب ..
الريم : امين يارب ويعرس وتشوفين عياله وعيال عياله ..
ام سهيل : منو بييوزه ..يوم خالته وبنتها الي محيرنها من يوم هيه صغيره .. رفظنه ومايغنه عقب الحادث.. وحته يوم سرنا بعيد وخطبناله ومابقى شي عن العرس تضارب ويا هل العروس وكنسلو العرس .. حالته مب حالت واحد صاحي والعرب بتيوزه .. ومنو الحرمه الي بترضابه ..!!

الريم : الله انشالله بيفرجها عليه وبيشفيه وبيتمنونه العرب .. واول من يربعن وراه اختج وبنتها وذيج الساعه محد بيعبرهن ..مثل ماسون فيه عقب مارد من العلاج وجرحنه بقرارهن ..

ام سهيل : فديت روحه الي طلع من عقب الموت ورد من العلاج فرحانيبه وفرحان هو بعمره ويبى يعرس .. وخلاف ينصدم يالي يترياه في البلاد من اخبار ..

الريم : الحمد لله يامي .. على الاقل بانت نواياهن وبان معدنهن ..يوم هو بخير كانن يبغنه وترابعن وراه والحين يوم شافنه مريض ومحتاج حد يرعاه تخلن عنه ..ولا جنه ولدهن والمفروض يحاتنه ويستهمن منه .. يوم هن سون جي عيل شو خلن للغرب .. بس الله بيجازيهن ..

تدخلت هاللحظه شيخه اخت سهيل وهي اصغر عن سهيل بست اسنين واصغر من ريم بثلاث اسنين وعمرها 22..
شيخه : لاتطرون خالوه بهالصوره .. بالعكس خالوه طيبه بس بنتها الي مابغت سهيل ..
الريم وهي تسخر من كلام شيخه : هي لازم بتدافعين عنها .. مب بتصيرين حرمة ولدها ..!!
شيخه : هذا ماله دخل .. وهم مالهم ذنب بالي صار بين سهيل ورفيعه .. هاي قسمه ونصيب ..
الريم معصبه : والله المفروض عقب الي سووه في اخوج .. ترفسينهم بريلج وتقولين لخالتج وولدها نفس الي قالوه لسهيل .. ووحده بوحده ..
شيخه : انا وعبدالله وخالتيه مالنا ذنب .. واذا سهيل اتلخبطة حياته ومحد يباه .. هذا مب ذنبنا ومب لازم انحن ننحرم من العيشه بسببه ..
الريم معصبه : صدق ان ماعندج لا احساس ولا ولاء لاهلج ولا لاخوج .. المفروض توقفين معاه ..ماتوقفين مع هيلا النذلات ..
تدخلت ام سهيل لان الموضوع بدا يكبر .. وماكان اول مره ينفتح بين الريم وشيخه .. وكالعاده تعصب الريم .. وتزعل شيخه وكل وحده منهن ماتغير رايها ..
ام سهيل : الريم بنتي انتي توج مربي والعصبيه بتضرج .. هدي واخوج خيره يوم افتك منهن .. وشيخه كيفها بالي تباه .. انتي انتبهي لعمرج ولولدج ..

الريم وهي تتنهد : انشالله امي ..بس شيخوه بييها يوم بتندم على موقفها هذا ..
نشت الريم عنهن وسارت صوب الغرفه بعد مانش ولدها يصيح ..

ام سهيل : شيخه بنتي قومي زقري البشكاره تنظف هالصحون جاد حد يهوي علينا الحين ..
شيخه : انشالله امي ..

من ناحيه ثانيه كان سهيل راكب سيارته ويتمشا ابها حوالين المستشفى .. وماب عارف شو يسوي والا وين يسير ..
وقف عطرف وقعد يدور في الاشرطه الي جدامه ..كل شوي يمسك شريط ويطالعه ويرد يفره .. مره يطلعله شريط ديني .. مره قران .. مره شعر .. وعيبه الاخير وحطه ...
يلس يدور في الشوارع ويسمع شلات ويحس بالاحساس الي يتملكه ويوديه للمستشفى مره ثانيه .. ويوقف سيارته ويقعد يتذكر ويه منال .. وكيف حس انه مشتاق لشوفتها مره ثانيه ..

سهيل من بعد الحادث مر بظروف صعبه غير ظروف الحادث والي خلفه عليه من خفه في العقل وعدم وعي .. وعينه الي تأثرت من اثر الحادث والضربه الي عالراس .. وعقب استعادت عينه شكلها بعد عمليات التجميل ..

كانو اهل سهيل يجنبونه اي انفعال .. يحاولون يريحونه ويرتبون له حياته من اول ويديد ..سهيل وضعه طبيعي وعادي معظم الاوقات .. ولكنه احيانا يتصرف بغرابه وينسى وتتلخبط الامور عليه ويظيع فكره .. ووقت ماكان يمر بهالظروف ماكان يشعر بنفسه .. ولا ينتبه لعمره اذا قال شي غلط ولا انتبه .. وما كان يدري عن نظرة الناس له الي تعرف حالته وتسكت عنه ..

تم سهيل على حالته لين ماسمع الناس الي بدت تتكلم عنه وعن حالته بعد الحادث .. سموه مينون ..!! سموه فاقد الذاكره ..!! سموه مريض ومب صاحي ..!! سموه الخبله ..!!
وهو ولا يدري .. كان يفتكر انه شفا من الحادث وان مابلاه شي .. لكن الناس هي الي بعدها مب مصدقه انه طبيعي ..

كانت منال يالسه ويا فاطمه في الغرفه .. وحمد يالس ويا ربعه في الميلس الي حذالهم.. ونوره عندها حريم يالسات في الصاله تبع غرفة فاطمه .. يوم حدر سهيل في الصاله ولقا الحرمات فيها .. نشتله نوره ..
سهيل وهو يطالع بعيونه وعباله انه عسى يشوف منال بينهن .. ولكنه ماشافها بينهن وحس انه يا في وقت غير مناسب ..
نوره : مرحبا الساع ..
سهيل : مرحب باجي .. شحالج الوالده ..
نوره : بخير ربي يسلمك .. ومن صوبك ..؟
سهيل : بخير يعلج الخير .. مبروك عليكم ماياكم ..
نوره : الله يباركلك ياربي .. منو الريال .. اسمحلي ماعرفتك ..
سهيل وبكل جراءه : سهيل بن عبيد بس ماظني شي سابق معرفه .. غير احنا ييرانكم في الغرفه الي حذالكم ..
نوره : مرحبا الساع .. قرب عند الرياييل في الميلس الي حذالنا بتتقهوي ..
سهيل : جريب الوالده .. اسمحيلي ..
نوره : قرب بتقهوي وعقب مرخوص ..
سهيل : طولي بعمرج .. وقت ذاني انشالله .. اسمحولي ..
نوره : مسموح الشيخ ..

ظهر سهيل وهو في باله ... وين سارت .. معقوله انا يتهيئلي اني شفتها اهنيه .. بس انا شفت بنيه ورمستها .. وانا متأكد انها نفس الغرفه ومتأكد من رقمها ..!!
معقوله يعني .. وين سارت ..!! ومنو تكون هي ..!! وبشوفها مره ثانيه والا لا ..؟

*******
منال وهي ويا اختها في الغرفه : صوت الريال هذا مب غريب عليه ..
فاطمه : ونتي من وين تعرفين الرياييل علشان تعرفين صوته .. ؟!!
منال : مادري بس جني سامعه صوته ..
وتمت منال تتذكر وتفكر ..
منال : هييييييي عرفته ..
فاطمه مستغربه : منو ..؟
منال وهي تضحك : هذا واحد سير عليه الصبح وانتي راقده ..
فاطمه وهي تتمصخر: ربج مزيون ..؟ههههههههههه
منال : ااااااف الا مب حلاه شال .. الا يغرم .. يخبل بالوحده هههههههههههه
فج فاطمه عيونها مب مصدقه ان منال ترمس جي ..
فاطمه : قولي والله ..؟ وعجبج ..؟
منال : هههههههههه الا عجبني الا ..!! الا مارمت اشل عيني عنه هههههههههه بس مشكلته اسمر وضعيف وعيونه تروع وصوته تقول مخنوق هههههههههههه
فاطمه وهي تطالعها بطرف عين : معقوله ..!! وخبلبج وهو جذي ..؟
منال : ههههههههههههه يخسي الا هو يخبلبي .. اصلا ماطالعته ولا انتبهة له .. يسد انه حدر عليه وزيغني عالصبح وانا توني واعيه ..
فاطمه : لا بس صراحه منال .. شفتيه غاوي ..؟
منال : هاااه اظني حلييو .. شكله موأدب ومحترم بعد .. ولو انه غلط بالروم وحدر تقول خبله يدور على حد هههههههه
فاطمه : مادري اش بلاج انتي .. ماترمسين عدل وتيبين خبر اكيد .
منال وهي تطالع اختها بستنكار : مثل شو عاد الخبر الي تبينه حضرتج .. ها ..؟
فاطمه وهي تتمصخر على منال : ابد طال عمرج .. ولا شي .. انتي اصلا مابيظهر شي من وراج ..يأست انا منج خلاص ..
منال : هي زين..يكون احسن بعد ..

فاطمه في خاطرها لو يصير شي في حياة منال ويغيرها .. وخاطرها ترجع منال تعيش مثل الناس.. وتصادف ولد الحلال الي بيسعدا وتنخطب وتعرس ...

من طلع سهيل عن نوره .. كان ناوي يسير البيت .. كلمه ربيعه سالم وقاله انه يالس في القهوه ويا بن عمه .. ويترياه يمرهم وييلس وياهم ..

غير سهيل رايه وسار القهوه صوب ربيعه .. وصل للقهوه وحول وهو يضحك لربيعه سالم الي يالس عالطاولات برا ويطالعه ..

سهيل : السلام عليكم ..
سالم : وعليكم السلام حيالله الغايب الحاضر ..
سهيل الله يحيك ..
نشو وتوايهو ونشو ربع سالم وبني عمه الي يلوس وياه بيسلمون على سهيل ...

حياب بن عم سالم : يامرحبا الساع .. حيالله من يانا ..
سهيل : تحيا ودوم الغالي ..
يلسو سهيل وسالم ومن حذالهم ربعهم ..
سهيل يرمس سالم : من هذا الريال ..؟
سالم : هذا بن عمي حياب .. ماتحيده ..؟ الي قبل كان يحادك بالقصيد ..
سهيل وهو يحاول يتذكر : هي جني عرفته ..من زمان ماشفته ..

في هاللحضه سمع سهيل حياب وهو يرمس ربيعه ويطريله سهيل ..
حياب يرمس ربيعه : هذا سهيل بن عبيد ..الي انجلب عام اول عند مستشفى الكرنيش وتخبل عقب الحادث ..

من سمع سهيل اخر كلمه نش بلا حاسيه .. سار صوب حياب وزخه من كندورته ..
سهيل : حشم رمستك ..شو شايفني جدامك مينون والا خبله تقول هالرمسه ..
حياب : ماقلت شي غلط .. مارمست الا بالي فيك ..

نش سهيل وهو زاخ كندورة حياب من رقبته وعقه على الكرسي الي وراه ونش بيضربه ..لكن سالم والي وياه لحقو عليهم وحايزو من بينهم وفججوهم ..
سالم : هدو وتعوذو من ابليس .. لعنبوه مب يهال انتو تتضاربون جدام الخلق .. كل واحد منكم بلحيته وهالكبر.. تردون لسوالف اليهال ..!!
سهيل : ماتسمعه كيف يرمس الريال عني .. يقوله الخبله ومادري شو ..!!
سالم : حصل خير ياريال ..وهو غلطان فديتك وبيتعذر منك الحين وجدامنا ..
نش حياب وعدل كندورته وهو يشوف اللوم في عيون سالم وربعه ..
حياب : اسمحلي الغالي ..الرمسه والتعبير خاني وانا مب قاصد الي قلته ..

تم سهيل يطالع حياب .. وحس بعمره كيف صار بينهم من رمست حياب ولو صار مايصير عقب السالفه هاي كلهم بيتمون يقولوله الخبله وخاصه عقب الضرابه الي سواها ..

قام سهيل وشل عمره وسار عنهم ومارد على حياب بشي ..لحقه سالم بيرمسه ..وصل سهيل لسيارته وفج الباب بيركب .. تعرضله سالم وزخه من يده ..
سالم : سهيل الغالي لاتضيق بعمرك عسبت سبال مايعرف يرمس .. وهو خلى عمره ياهل جدام الرياييل برمسته الي عقها .. طبه عنك ولا تهتم منه ..
سهيل : اسميه انه سبال ولو يعتذر مابيغادي ريال من اول بس مب هو المشكله .. المشكله ان الناس عمرها مابتغير رايها فيه ..
سالم : ماعليك منه الغالي هذا واحد يغار منك من زمان وكلنا ندريبه .. من يوم ماكنت تحاده بالقصيد والسباقات وتغلبه .. بيموت منك ..
سهيل : لعنبوه مايسوى عليه القصيد ولا المزامط يوم بتسوي بقلوب الناس جي .. لعنبوه انا ماحيد عمري دست عطرف حد بزله .. محشم العرب وحاشم عمري ..
سالم وهو يحط ايده على جتف سهيل ويطيب خاطره ..
سالم : دومك شيخ بمعانيك والعرب كلها ماتوصل لمواصيلك وكلهم يتمنون معرفتك وقربك ..
سهيل : هذاك اول فديتك .. الحين من يشوفوني ماعبروني .. ولا اهتمو بي ..
سالم : هيلا من الناس لو منك مابهتمبهم ولا بعيرهم اهتمام .. يوم انفوسم الخايسه ظهرة ..شرف لك انك عرفت نواياهم وابتعدت عنهم ..
سهيل : هيي ياسالم .. اسمحلي انا بسير وهالرمسه هاي تكدر الخاطر ومب ناقص على امابي وايي هالسبال يزيدني ..

سالم : عيل اصبر بيي وياك ..
سهيل : يالله اركب عيل فديتك ..

************

عالعصر سارت منال البيت عسب ترتاح وتغير وتشوف بنات اختها فاطمه وعفليل كانت بترد تيلس ويا اختها .. وحاطه في بالها تبات وياها اذا حمد ماعزم يبات عندها الليله وباجر كانت فاطمه بتظهر من المستشفى ..

وهي طالعه من المستشفى طول الطريق كانت تلاحظ السياره اي تتبعهم .. اول شي مااهتمت .. لكن تمت السياره وراهم وراهم لين موصلو منطقتهم وهالشي خوف منال .. بس عقب من وصلو لشارع بيتهم لاحظة ان السياره وقفت عطرف الشارع .. ارتاحت منال هاللحظه .. قالت يمكن حد من هل الفلل الي عالطرف الثاني ..
لان الشارع الي يودي بيت نوره .. شارع خاص والمنطقه كلها شبه معزوله عن البيوت الثانيه ..

كان هذا سهيل .. الي تم طول اليوم يحاوط برا المستشفى يدور منال ويبى يعرفها قبل لاتضيع منه هالفرصه وعقب مايقدر يوصلها .. وكان يبى يعرف منو هي بالتحديد .. ترياها برا وعرفها من ظهرة مع الخدامه وركبت سيارتهم .. وتبعها ..
هو مايدري ليش اهتم لامرها بهالصوره .. اول شي تهيأله انها مجرد بنت ودشت خاطره .. ولكنه تم يحس بشي اكبر من هالشي .. بس كان اهم شي عنده انه مايضيع هالفرصه ويحاول يعرف هالبنت منو ..

بعد ما وصل سهيل منال لصوب بيتهم وعرف ان هالشارع .. شارع خاص وقف اوله عن لايثير شكوك منال فيه ..ورجع وهو في باله يسأل ويعرف من هم ..
في هالوقت كانت شيخه اخت سهيل في المستشفى وتبى تروح البيت .. فتصلت لسهيل تشوفه وين عسب يمرها ويوديها البيت .. مع انه ما ياهم عالغدا مثل ماقالوله ولا حته تغدا من كثر ماهو مشغل تفكير بمنال ويترياها تظهر ويشوفها .. ونسى سالفة الغدا ..
شيخه : سهيل وين انته ..؟
سهيل : انا الا حولكم وحواليكم .. خير في شي ..؟
شيخه : هيه .. اباك تي توديني البيت اذا مافيها كلافه عليك ..
سهيل : حاظر .. تامرين امر الغلا .. دقايق واكون عندج ..
شيخه : تسلم فديتك وعن السرعه تحمل ..
سهيل : الله يسلمج الغلا ..وامي مابترد وياج ..؟
شيخه : لا فديتك بتيلس ويا الريم لين فليل وعقب حد بيردها ..
سهيل : يالله عيل ظهري انا برا ههههههههه
شيخه فجت اعيونها مستغربه : وتقولي انك ياي وانته برا .. اسميك انك هههههههه
سهيل : كنت جريب منكم .. يالله اتريااج ..

سكر سهيل عن اخته وطلعتله .. وسار ابها البيت ..
في البيت ومن وصلو سهيل واخته شافو سيارة عبدالله ولد خالتهم موقفه برا ..
سهيل : الظاهر ان عبدالله عندنا ..
شيخه : اشوف الدنيا منوره .. مرحبابه الساع ..
سهيل : هههههههههه مافيج حيله الصراحه .. وين هو ما ايي ويسمع هالترحيب ..
شيخه : ماعليك .. الحين بنسمعه هههههههههه
نزلو سهيل واخته من السياره وحدر ولقو عبدالله و اليازي اختهم يالسين في الصاله ويسولفون
.. اليازي عمرها ستعشر سنه ..
عبدالله : مرحبا الساع ..
نش عبدالله من حدر سهيل وشيخه .. تجدم منهم وتخاشم ويا سهيل وتحايو وسلم على شيخه الي تم قلبها يدق من شافت عبدالله وارتاح خاطرها ..
عبدالله كان حب شيخه من يوم هم اصغار وعبدالله يبادلها نفس الحب .. واثنينهم انخطبو لبعض من اول ماخلص عبدالله ثانويه وعقب التحق بالشرطه .. وخلصت شيخه الثانويه عقبه وكملت في الجامعه وباقي الها سنه وتتخرج وعقب بيعرسون مثل ماكان مقرر ..

عبدالله شاب هواوي .. مفتون بشيخه ويعشق الزين .. لكن غير زين شيخه ماكانت عينه تشوف .. والدنيا والشوق والوله ماكان يظهر لحد غير شيخه ..
خلص عبدالله كلية الشرطه وتوظف.. عبدالله شاب حلو ويخطف قلوب البنات وكل يتمناه .. ووايد من بنات العايله الي كانن يرغبن به .. لكن هو اختار شيخه من بدهن كلهن .. وقلب شيخه اختاره رغم صغرقلبها ذاك الوقت ..

يلسو كلهم مع عبدالله وعيونه مايفارقن عيون شيخه ولو ماالمستحى من ابوها واخوها جان اخذها من يدها وركبها السياره وراح يتمشى وياها .. لكن هو يعرف ان هالشي مش من سنتهم ولامن عاداتهم وما يقدرون يسوونه .. وزين انه يروم ييلس وياااه ويشوفها ويسولف بدون محد يمنعه ..

سهيل : يامرحبا بولد الخاله علومك الغالي وعلوم الاهل .. تووو مايينا في بالك وييت تسلم ..؟
عبدالله : مشاغل الغالي .. والاهل يسرك حالهم ..
سهيل : والله مرحبابك الساع .. ووين خالتيه عيل ماحد منهم يا وياك ..؟
عبدالله : امي تسلم عليكم وانشالله اليوم هم بيسيرون على الريم ويباركولها بالطارش ..
سهيل : الله يباركلهم انشالله .. ومرحبابهم في اي وقت ..
شيخه : ورفوع بتي وياهم ..؟
عبدالله : ماعندي خبر الصراحه .. بس مااظن لاني احيدها راقده وماشفتها ناشه تتزهب لسيره ..
شيخه : خساره كان خاطريه لو هي بتي .. اني ارد عندهم في المستشفى واشوفهم .. من زمان عدي ابهم ..
عبدالله : افا عليج .. فالج طيب مره انا بخليهم يسوولج زياره مخصوص لج ..
شيخه : تسلم ياولد الخاله ..

يلسو عبدالله وشيخه يرمسون .. وفكر سهيل يرده لذيج الايام .. ايام رفيعه والحب الطفولي الي كانو عايشينه .. وكيف كانت لهفته عليها يوم راد من رحلة العلاج وكيف يوم رد واستقبلته بالبعد والنكران .. حز في نفسه هالحادث .. وااالمته طعنة رفيعه برفضها له اكثر من ظروف الحادث الي مر عليه .. وطاري رفيعه الي انذكر الحين .. خلا الاحساس يرده لو را .. ويرجع يتذوق طعم فعلتهاا فيه . وحزن على نفسه وغدر الايام له بين يوم وليله ..
تنهد سهيل في وسط هالذكريات ونش وويهه متنكد وترخص من عبدالله واخته واخته اليازي وسار غرفته ..
عبدالله : شو بلاه سهيل ..؟ شكله مول تعبان ..
شيخه : مابلاه شي .. بس هو طول اليوم ماكان طبيعي .. الظاهر ان الحاله ردتله ..
عبدالله : الله يعينه .. ويشفيه ..
اليازي : انا بسير عنده .. من رخصتكم ..

هالجو الي كان يريح شيخه .. ويريح عبدالله طبعا .. الفرصه الي يلقونها عسب ييلسون رواحهم .. ويسولفون عن حبهم وشوقهم ..
اكثر عن جي عبدالله ماكان يقدر يتمنا .. لان هذا اكثر شي كان يقدر يحصله في هالوقت ..

عالمغرب ترخص عبدالله وسار عن شيخه .. ورن التلفون .. كانت عفرا ربيعة شيخه الروح بالروح وبنت خالتها الثانيه ..وتستوي بنت خالة عبدالله بعد ..
عفرا وبنقمه : ها شيخه سمعت ان توج راده من المتشفى ..
شيخه : هي رديت تعباااانه من الفير مجابلتنهم .. وتعبت من مجابل العرب والسلامات ..
عفرا : يالخاينه وانتي شو مودنج من الفير .. جان ترييتي للعصر كلنا بنيتمع اهناك ..
شيخه : وهو عكيفي تتحرين .. ترا امي عزرت عليه وماخلتلي شور ..
عفرا : والحين شو ..؟ يعني مابتين المستشفى اليوم ..؟
شيخه : هممم اذا بيي بي عالساعه ثمان جي .. ويا اليازي لانها تبى تروحلهم ويمكن تبات عند الريم .. ولو اني تعبانه وخاااطريه ارقد ههههههه
عفرا : وليش انشالله مارقدي من سرتي البيت تراج من العصر مروحه ..
شيخه : ههههههه وين ارقد وعبدالله عندنا .
عفرا : والله ..!! وشفتيه يعني ..
شيخه : الا شفته الا ..!! الا يلسنا روااحنا بعد وسولفنا وفججنا الوله كله ..
عفرا بحماس : زين عيل من تين خبريني كل شي ..

**********
هالوقت كانت منال توها واعيه ويالسه تتريا بنات اختها يتزهبن ويخلصن وبتوديهن لامهن في المستشفى يشوفنها ويسلمن عليهااا ..

دخلت عليهن الحجره ولقت الخدامات يلبسنهن ويعدلنهن ..
منال : واااااايه يعلني افدا روحهم .. شو هالحلاه ..
راحت صوب علايا وشلتها وقعدت تبوس فيها وتحضنها ..
منال : يالله ميري خلصيهم بسرعه ماشي وقت ..
نوره : يالله ليزاا .. بثرعه خالوه بتثير عنا ..
منال : هههههههههههه يعلني افدا هالرمسه يالله ليزا انتي بعد خلصي نواري بسرعه ..ههههههههه ...

في هالوقت حدر حمد عليهم وربعت نوره من شافته صوبه ..
حمد : حيالله قمرنا ..
شلها حمد وباسها وقعد يرمسها .. ومنال تطالعهم وتشوف حمد وحنانه عبناته وحبه الهن واهتمامه .. ومر في بالها شطانة حمد قبل وكيف انه ماكان يحب البنات .. وتذكرة سوالفها معاه قبل .. وا بتسمت على هالذكريات ..
التفت عليها حمد هاللحظه وشاف حنان الدنيا كله من عيونها ونظراتها له والابتسامه في عيونها ..
احتار حمد شو سر هالنظره وهالحنان والحزن الي ماليهن ..
حمد : ها منال .. جاهزه ..؟
منال انتبهت لصوت حمد ونفس اللحظه مر عليها صوت فيصل من خلال صوت حمد ..
تنهدت وسكرت عيونها وحست بحنينها لفيصل بيذبحها ..

فجت منال اعيونها وطالعت حمد : جاهزه .. ليش بتودينا ..؟
حمد : هي بوديكم .. انا رديت تسبحت والحين راد صوبهم ..
منال : زين عيل احنا جاهزين ..

*****
في غرفة سهيل .. كان الظلام مخيم عليها .. والساعه واصله تسع فليل .. وهو راقد من بعد المغرب ومحد وعاه .. والي في البيت كلهم طلعو صوب الريم في المستشفى ..
تجلب سهيل عفراشه وانسدح عظهره .. فج اعيونه فجأه .. وان الظلام من حوله .. يا جدام ويهه عطول ويه منال .. تذكرها وابتسم .. التفت في الغرفه يدور الساعه ولقاها الساعه تسع ..
نش بسرعه وهو متندم .. ليش رقد هالقد ومحد وعاه ..
قام تسبح وظهر من الحمام .. يدوب تلبس وخذ سويجه وظهر .. تذكر دواه .. بس طنش .. وظهر ..

هو ظهر مسرع بس مش عارف ليش .. ركب سيارته وخلا شعوره يقوده بدون ما هو يتحكم فيه .. وهو يعرف وين قلبه يبى يسير ..
وصل سهيل للمستشفى ونزل عند اهله عقب ما مر من جدام غرفة فاطمه اخت منال .. وهو شبه متضايق لانه ماشاف سيارة منال برا .. وعبال ان منال مب اهنيه ..
الظاهر انها ما يت .. يمكن باجر تي .. انشالله .. بس وان ظهرو .. كيف بقدر القاها واشوفها ..
افكار تدور في بال سهيل .. ومب عارف ليش هو مهتم من امرها وخاطره دوم يشوفها ..
معقوله يكون الحب وانا مااعرفها .. !! وماعرف منو تكون ..!! وهل هي بنت والا معرسه ..!!؟ اسميني تخبلت .. بس احسن شي اسأل عنها وعقب اشوف شو نهاية هالشي معايه ..

اول خطوه سواها سهيل انه نش عن هله وسار صوب الباب بيظهر وسمع صوت امه تزقره ..
ام سهيل : ابويااا .. وين ظاهر توك ياي .. ايلس يتتفاول وتتعشا ..
سهيل : الا هني امي وبرد عليكم وبتعشا ..
قبضته ام سهيل بيده : وين بترد علينا .. اليوم عالغدا سرت عنا وقلت بترد ولا شفناك .. ومادريبك تغديت والا لا ..والحين بعد تبى تظهر عنا قبل ما تتعشا ..!!
سهيل : هههههههههه انا هب ياهل الحين تحاتيني هالكثر فديتج .. ولا تخافين محد ينسى بطنه .. اكيد اني باكل ..
ا م سهيل : فديتك حبيبي ماتظهر الحين الا عقب ماتتعشا وعقب برايك تسير مرخوص ..
الريم : يالله سهيل عن خاطر امي ايلس وتعشا ..
طالع سهيل امه واخته ورد مسك ايد امه ورد وياها ويلس ..
سهيل : يالله الغاليه هاتيلي العشا اشوف ..
الريم : ههههههههه من عيوناااا ..

بعد ماتعشا سهيل ظهر وفي خاطره يسير صوب عرب منال ويدخل بينهم ويتعرف على اهلها بحكم انهم ييران بالغرف في المستشفى .. وبهذا بيتقرب منهم وبيقدر يوصلهااا ويريح باله ..

في هالوقت كانت منال يالسه تلاعب بنات اختها وكل مره يطلعن يروحن عند ابوهن في الميلس ويردن صوبها وهي يالسه بين امها واخواتها واسما ربيعتها وامها نوره ..
منال : ياويلي كيف يغلن بعمارهن هالبنات .. بمووت فيهن ..
اسما : الله يخليهن ياربي .. غير البنت تغلي بعمرها عند ابوها خاصه ..
نوره : الي ماايب بنت ..جنه ماياب اعيال والبنت لامها غير ..
منال : فديت امي انا .. خلاص الحين حمد يابلج البناااات وبيطيح كرتي هههههههههههه
فاطمه : الا انتي .. لو اييبلهم اولاد وبنات .. مابنروم نزحزحج من مكانج في قلب امي نوره ..
نوره وهي تطالع منال وجنها تطالع ولدها فيصل : يعلني افداج انشالله .. انتي منو يسواج اصلا ..
اسما : عاد عموه تراج وايد مدلعتنهاااا .. وانا اقول ليش لاصقه فيكم ومب طايعه تفج .. ولين اليوم مب طايعه تعرس ههههههه
فاطمه : لا ماعليج .. اول معرس يدق الباب بنيوزها محد بيسويلها شور هههههههههه
منال : خلنهم ايون قبل.. بعدين خططن ويوزن عكيفكن هههههههه
اسما : وليش انشالله .. تتحرين محد بييج ..؟
منال : لا فديتج الا متأكده ان محد بيي ..
نوره : لا فديتج يتمنون هم اصلا بس يحيدونا مابنيوزهم ..
ام منال : يتحسبونها مشعوره .. مايدرون ان هذا نصيب من الله والعمر بيده ..
فاطمه : منال مب مشعوره وهاي خرفات الله يعيذنا منها ..
اسما : شو يعني خالوه انا مب فاهمه شي فهموني ههههههه
منال : هاي دوم ماعندها فكره عن سوالف العرب والعالم كله ههههههه
فاطمه : زين تمي جي ابركلج لحد يخبرها .. هههههه
اسما : لا حراام عليكم .. خالووه .. شو يعني مشعوره ..؟
ام منال : يعني فديتج .. البنت يوم يموت عنها معرسها في يوم عرسها سموها مشعوره .. ويتحرون انه مات بسبتها واي حد بيتجدملها بيموت ..شرا الي قبله .. وهاي خرافات ..ويقولونها بعد لاي وحده تصادف اي مشكله من هالنوع ..
اسما : ااهاااا .. الحين فهمت ..

هالوقت كانت نوره تطالع منال الي تذكرت فيصل وتفاصيل الحادث يوم وصلهم خبر وفاته .. بدت اعيونها تدمع .. والتفت وشافت اعيون امها نوره تطالعها .. خذت عمرها ونشت عنهم .. حدرت داخل غرفة فاطمه ويلست عالكرسي وهي ماسكه دموعها عن ينزلن اكثر ..

ماحست الا بنوره الصغيره يايه صوبها وتمسح عشعرها .. بعد ما شافت خالتها منزله راسها واتصيح بصوت واطي ..
رفعت منال راسها وشافت نوره في ويها خذتها في صدرها وحاولت تسكت عن ماتتاثر نوره الصغيره وتصيح ..
هدت منال ودخلت عليها امها نوره ويلست حذالها ..
نوره : منال حبيبي .. شو الي خلاج تتذكرين الي فات وتسوين بعمرج جي ..خلاص يابنتي محد يقدر يسوي شي والا يغير الي فات ..
منال : غصبن عني يامي .. ماقدرة .. انا طول اليوم واتخيل فيصل .. مب عارفه ليش اليوم هو مايفارق بالي .. ومشتاقه له موت ..
نوره : ومنو مايشتاقله ويحن له .. بس كتبت ربج ولازم نرضابها ..
منال : ونعم بالله .. ماعندي اعتراض .. بس ليته شل روحي يوم اختار فيصل ولا خلاني عقبه اعيش الحرمان واشتاق واتعذب عشخص راح ومابيرجع ..
نوره : استغفري ربج .. مب زين هالكلام ...
ماقدرة منال تقول شي ولا تسوي شي غير انها تعق عمرها عصدر امها وتصيح فيصل ..

انسحبت نوره الصغيره عنهم وخلتهن على حالهن .. وهي متأثره من منظر منال وهي تصيح ..

راحت الميلس ولقت ابوها حمد يالس مع سهيل الي وصل من شوي وتعرف على حمد ويسلو يرمسون ويتعروف على بعض ..
دخلت نوره وراحت صوب ابوها واتاجت عليه ..
نوره الصغيره : بابا .. تعرف .خالوه منال .. تصيح ..
حمد : انزين بعدين بعدين ..
نوره : لا .. الحين هي.. هي اتصيح .. ماما عوده ... مناك
حمد : خلاص زين روحي عندهم وانا الحين بييهم ..
راحت نوره وهي تطالع ابوها وتعاتبه بنظراتها ليش انه مااهتم لكلامها ولا سوالها سالفه ..
طلعت عنهم وراحت توايق على منال ونوره ومب عارفه شو فيهن ..

سهيل قعد يتخيل الاسم ويربطه بمنال الي شافها .. يمكن تكون هي .. ويمكن لا .. شو بيكون اسمها اذا ماكان منال .. !! يلس سهيل سرحان في منال وبدا يحس كيف انها سيطرة على مشاعره .. ونفس الوقت استرجع ذكريات حبه لرفيعه .. وحس كيف ان هاليوم غريب بكل اما فيه من امور وذكريات واحساس مجهول مايعرف وين بيوديه مع منال ..

منال طيف فيصل كان يودعها .. لازمها طول اليوم شوق وحنيه ولهفه .. والحين بيسلمها لقلب يديد علشان يرعاها ويحبها وهو يستاهلها ..

وسهيل كان يودع حبه لرفيعه وذكرياته الاليمه معاها .. علشان يكون اخر يوم له يحن لحبها ويحس انه مفتقدنها .. لان قلبه خلاص بيسكنه حب يديد .. حب بيعرف كيف يصون حبه ويسعده ..

اجتمعت القلوب في الخفا واتفقت .. ورسمت لمنال وسهيل خط حياتهم المستقبلي .. ويدت ترسملهم اول خطوات الاعجاب والحب..

لالي...

28-02-2006, 00:53

¤ّ,¸¸,ّ¤؛°`°؛¤ الـجزء الثــاني عــشر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

امني خاطري بامال وياسي ينصب اخيامه
واشوف الحظ عوده مال ووقتي قفت ايامه
انا مابي عسر من مال ولابي دين وملامه
ولا بي خدعة الحيال ولا غيبات نمامه
انا بي من ظهر يختال وقلبي صابه اسهامه
توثق بي على مقتال نشع قلبي من اعظامه

في المستشفى الكل تعب بعد طول هاليوم .. قعده وسلامات وسوالف .. وصار وقتهم يرجعون بيوتهم وباجر فاطمه بتكون عندهم .. بعد ماتطلع من المستشفى ..
منال قررت تبات الليله مع فاطمه وتخلي امها وحمد الليله يرتاحون ..

فضى المكان على منال وفاطمه بس .. حمد كان اخر واحد يظهر بعد ماودع حرمته ومنال الي عجز حمد يطلعها من سكوتها ويخليها تفتح له قلبها .. علشان يحاول يساعدها ويرجع الها البسمه والحياه ..

فاطمه : منال بسير اتسبح طالعي على منول الصغيره .. انا ماببطي ..
منال : اوكي سيري ماعليج انا عندها ..
راحت فاطمه تتسبح وتمت منال مع الخدامه علشان يرتبن المكان ويشلن الصحون والفوايل ..
منال .. شو بسوي بهالعيشه حرام كلها تنكب في الزباله ..
منال : ميري ..
ميري : يس مدام ..
منال : روحي شوفي برا أي عمال علشان ايون وياخذون هالاكل علشان مانكبه في الزباله ..
ميري : اوكي ..
راحت ميري .. ودخلت منال الميلس تبى تشوف شو من الاكل فيه علشان يشلونه العمال الي في المستشفى ..
كان الميلس فاضي بعد ماطلع منه حمد والرياييل الي عنده .. ريحة الميلس كلها عطور رجاليه ممزوجه بريحة العود و ريحة القهوه والهال .. وشوي من ريحة الزجاير الخفيفه ..
طالعت منال في اركان المكان .. لقت الجرايد محطوطه على الطاوله راحت عندهن وخذتهن علشان تقرا فيهن .. وقفت في وسط الميلس تقلب الجريده وتقرا عناوينها ..
ماحست الا بشخص يتنحنح عالباب ..
رفعت منال عيونها وانه بنفس الشخص ..خافت منال .. لايكون بعد يقول انه مغلط ..!!
عقت منال الجريده من يديها وتغشت بسرعه ..

سهيل وهو مفتشل : السموحه الشيخه عبالي بلقى حمد اهنيه ..
سهيل من دخل وشاف منال .. ارتجف قلبه وذابت مشاعره .. معقوله ..هيه نفسها .. والله انها ماغابت عن بالي من اول مره شفتها فيها .. والحين اشوفها من يديد وماادري هالمره بتمر مثل الي قبلها .. والا تطلق صراحي وتخليني اروح بدون تفكير فيها وفي عيونها الحذره ..

منال بعد تردد : لا .. حمد توه ظاهر ..
سهيل بخجل : اسميني ثقيل دم .. مسير عليه هالوقت ..

سكتت منال واكيد انها مابترد عليه .. وتاخذ وتعطي وياه بالكلام .. سادة لحضة سكوت .. ماعرفت منال ليش هو واقف يتريا .. حمد مش موجود .. شو الي يترياه ..!!
سهيل .. شو الي يالس انتظره ..!! مب قادر اتحرك واظهر عن البنت .. اشفيني متسمر ..!! مااروم اسير اخاف اني مااشوفها مره ثانيه .. بس انا شو ابابهاا ..؟؟ لا اباهااا ..
احس اني اباها .. شي يجذبني الها .. ومااقدر اخليها ..

سهيل : السموحه الشيخه غثيناكم في هالوقت ..
منال : لا ماغثيتنا ولا شي .. بالحل الشيخ ..
سهيل ..احسلي اظهر خلاص مااروم اتعلقها .. المره الاوليه طلعت بجسمي وخذت هيه مني قعلي .. والظاهر انها هالمره بتكمل وبتاخذ القلب والروح وبيظهر الجسد ميت ..
ودي اجرب وياها اخر امالي . كاد انها ترضى بي .. واقدر القا عندها الامان ..
بصوتها حنان وطيبه .. ودي املكها لي .. وعهد علي اوفيلها مدى العمر بس ترضى هيه وتوافق على واحد مثلي مابقاله شي بالحياه الا والديه يكسب راضهم ويتكرم برعايتهم لين يحين وقت الرحيل .. ويغطي هالجسد التراب ونعود وننتهي مثل ماابتدينا ..

سهيل غمض عيونه وفتحهن بالامل : الغاليه .. ممكن اعطيج شي ..
منال استغربت .. يعطيني شي ..!!
منال : شي .؟!! لمن ..؟
سهيل : لج انتي .. بس لاترحلين اسمعيني للاخير ..

وقفت منال في حيره وودها تنهي هالحوار السخيف وتدخل عنه ولا تسويله مجال علشان مايخوض اكثر في الحديث ..
لكن حست ان الارض تسمرها في مكانها وتدخل في قلبها الفضول .. وحست بعذاب الضيف من كلامه والرجا في صوته ..

سهيل بكل رجا : بقدم لج هديه .. العمر يحويها ...وصافي النيه تغلفها .. عجز غيرج يحملها .. وييتج قاصدنج .. اما تقبليها وتحفظين العطيه .. واما تعذرين ومنج العذر قابلنه .. لاخر العمر قاصدنج .. وتاكدي من صافي النيه ..
وفي الاخير .. ممنون لج ... و اطلب منج هديه .. جواب بقبول العطيه ..

قال سهيل هالابيات .. وغمض عيونه على امل يفتحهن ويسمع رد منال ..وخاف من ردها .. وخاف انه يتندم عقب بتسرعه ..وخسارتها ..

منال وقفت تسمع الابيات وقلبها يتسارع نبضه .. حست بالصدق في كلامه واحساسه .. وحست بدمعة سهيل نازله على خده .. استغربت .. وحست بالدنيا تتوسع وماتلقى فيها غير هالضيف وهي واقفين .. دنيا وسيعه ومابها حد غيرهم .. والوقت ملكهم .. من غير سابق معرفه ولا موعد للقاا .. لكن اجتمعو على الحزن .. وعلى قسوة الدنيا .. وعلى الدمعه الي جرحت اجفونهم ..

ردت منال للواقع .. ولصورة سهيل جدامها .. ومعاني كلماته الي رسخت في بالها ..

منال : منك السموحه .. ماتعودة قبول الهدايا .. واحفظ هداياك بكرامه .. وتحذر ايد تدنسها .. واقبل مني العذر .. بصادق النيه

التفتت منال وطلعت من الميلس وعيون سهيل ترقب زولها يغيب من جدامه .. وقف لا ميت ولا حي .. غمض عيونه على طيفها والتفت لورا وظهر من وين مادخل .. لكن ماكن هو نفس الشخص الي دخل .. طلع شبح ميت .. وتمت روحه في ذاك المكان رهينه .. تنتظر الافراج .. بكلمه من منال بالقبول .. ومن عقبها يضمها تحت ظله وينعم بالراحه وعودة الروح له ..

هذا كان حال سهيل من عقب ما رفظت منال طلبه .. مالقا جدامه طريق يمشي فيه من عقب ما تهدم حلمة الوليد في منال ورجاه .. حس نفسه انه يباها اكثر من الاول ورفضها له مابيكون نهاية رجاه .. خلاص مابي شي في الدنيا غيرها .. والروح الي تسكنها ابيها تسكني وارجع اعيش من جديد .. نكون شخصين عايشين بروح وحده .. وقلب واحد ومصير يجمعنا لاخر العمر ..

دخلت منال الصاله وهي تحس ان كل عرق فيها جف دمه .. وريولها ترتجف .. وقلبها زايده دقاته .. سهيل سوا شي كبير في نفسها .. حركها .. اول مره توقف هالوقفه وهالموقف .. ومع شخص ماتعرفه في حياتها .. شو الي صار ..!! وكيف يطلب مني هالطلب .. صدق كان شخص مندفع .. شو كان يتوقع مني رد لطلبه .. اوافق ..!! قال لاخر العمر ..!!
غمضت منال اعيونها .. وهي تفكر .. وفجأه انتبهة لنفسها .. الظاهر اني انخدعت فيه .. حسيت لوهله انه حزين ومنظر الدمعه الي شفتها في عيونه خلتني ارحمه واوقف استمع له واشعر معاه .. صدق اني هبلا .. هالشباب هذا اسلوبهم .. وانا اوعى من ان شخص يستخدم هالاسلوب معاي واصدقه ..

نشت منال من افكارها وحاولت تبعدهن عنها .. ماتبى تفكر فيه خلاص ..

تاه سهيل وسط الشوارع وخيال منال على مد النظر وكانه كان يشوفها باخر الشارع ويمشي يبي يوصلها لكنه يظل يمشي نفس الطريق ومازالت نفس المسافه تفصلهم ..

وقف اسهيل بالاخير في مكان لا انس به ولا شكل من اشكل الحياه .. لقا نفسه في البر على اطراف المدينه .. نزل وقعد يفكر في حاله .. مشا يدور بخطواته طريق يديد يسلكه يمكن ينتهيبه لفرحه بسيطه ينهي بها رحلته .. ماحس الا بالظلام حوله والقمر الي نور طريقه .. رفع ويه للقمر .. هذي محبوبتي .. وهذا انا .. وش السبيل لوصالها ..!!

يلس سهيل في مكانه وتعبت عيونه سهر وغمضهن يدور الراحه .. وغط في نومه ماصحى الا على خيوط الشمس تتخلل جسده النايم بتعب على الرمل .. فتح اعيونه بتعب .. وحس بالشمس توعيه وتدعي له بالافراح ..

سهيل .. شو يابني اهنيه .. ياالله شكلي رقدة وماحسيت بنفسي .. محبوبتي ..!! تذكرها .. وتذكر الليل الي خلاه ينام وعيونه تناظرها في السما بعيده .. طالع اسهيل السما وعقب رد يطالع حواليه وشاف سيارته واقفه على مسافه منه وبابها مفتوح نفس ما خلاه الليله الي فاتت ..
سهيل .. مش هذا البر الي كان البارحه .. كل شي يتغير بطلعة الشمس .. ونور الشمس بدد ظلمة الليله ووحشته .. واحيته بالامل ..

تمنى سهيل حياته تكون مثل ليل طويل وينجلي بالنور والسعاده في يوم من الايام بعد ماتطلع شمسه ..
نش سهيل واقف وبدت حبات الرمل تتناثر من على ثيابه .. وبقايا كسرات اثيابه باينه من اثر النوم وثقل جسده المحمل اهموم عليها ..
مسك غترته ومشا ناحية سيارته .. وتذكر امه .. وابوه .. فجأه اسرع خطواته وربع صوب تلفونه الي مرماي في السياره وماله أي اهميه في حياته ..
شل التلفون ولقا فوق السبعين مس كول .. كله ارقام البيت والوالده وربيعه سالم واخوه سعيد واخته الريم ..
سهيل .. ياااربي اسميني ثور .. ليش مارمست امي البارحه .. اكيد انها بتموت خوف عليه .. انشالله ان ماياها شي من خوفها عليه ..
اول رقم دقه كان رقم امه ..رن التلفون وعلى اول رنه ردت اخته شيخه بخووووف ..
شيخه : سهيييييييل ..
سهيل : شيخه وين امي ..؟
شيخه وهي انفجرت تصيح : وينك انته .. ليش تجتلنا عليك من الخوووووف .. شو صاارلك .. شووو ..؟
سهيل : شيخه مابلايا شي شو بلااج هدي عن الصايح انا بخير وماصابني الا كل خير .. بس امي وين ..
شيخه : امي تعبانه ارتفع الضغط عندها من كثر ماتحاتيك ووداها سعيد المستشفى ..
سهيل والخوف بيذبحه على امه : مته هالكلاااام .. ؟
شيخه : قبل اذان الصبح بس هي بخير الحين لا تخاااف ..
سهيل : أي مستشفى وداها ؟
شيخه : مستشفى خليفه .. سهيل انته تعال البيت انا برمسهم .. امي من تسمع انك بخير بتتعافي وبيردون ..
سهيل ماسمع كلام شيخه لانه سكر وشغل سيارته وتحرك ساير صوب المستشفى ...
دخل سهيل المستشفى وهو مثل المينون .. وقف عند الريسبشن يتخبر .. عرف مكانهم في العنايه .. سار صوبهم وهو مايحس بعمره والا بالي جدامه ..

وصل ولقا امه على سرير المستشفى قسم العنايه وسعيد يالس حذالها واخته اليازي على الطرف الثاني .. من شاف امه في هالوضع سار صوبها يطالع ويها وهي تعبانه ونايمه ..
نش اسعيد من شاف سهيل حادر واليازي نشت وربعت لسهيل ..
اليازي : سهيل اخويه حبيبي وين كنت ..؟
لوت اليازي عسهيل وهي تصيح ..
سهيل : طمنوني عالوالده .. شو حالها الحين ..؟
سعيد : لاتخاف هي احسن الحين بس تراك كنت بتجتلها علينا ..
سهيل : فديتج يالغاليه .. ليتني بدالج على هالشبريه وتحت هالوايرات .. ليتني اسد بلاج واريحج من عناج ..
من سمعت ام سهيل صوت ولدها .. فجت اعيونها تدوره وهي تحس بقربه منها ..
ام سهيل : سهيل ..
سهيل : لبيه .. لبيه يابعد حي وناسي ..
ام سهيل : تعال فديتك .. وين رحت وشو سويت بي ..
سهيل وهو يتقرب من امه ويمسك يديها ويبوسهن بحب وحنان ..
سهيل : اسمحيلي الوالده الدنيا دارت بي البارحه وماعرفت وين انا غير لين يومج هذا .. والله ليتني مت قبل مااشوفج راقده اهني بسببي وتعانين من اهمالي لج ..
ام سهيل : يعل يومي قبل يومك انشالله .. لاتسويها فينا غير هالمره .. خلاص قلبي وسني ماعد يتحمل دلعكم .. والحين غيابك بدون ماتعطيني خبر ..
ضمت ام سهيل ولدها لحضنها وريحت قلبها التعبان عليه ..

ماصار الها لزوم يلستهم في المستشفى بعد ماحصلت ام سهيل دواها في رجعة ولدها لحضنها .. طلعت ام سهيل وعيالها يقودونها للبيت ..
في البيت كان الاستقبال لسهيل وامه الي سوو قلق كبير للعايله .. واولهم شيبتهم ..
بو سهيل الي مايستغني عن حرمته .. ويكفي انه ريال مريض بالقلب ومايفارق البيت ولا تفارق عينه ام سهيل ..

بدا اللوم والعتاب بينهم والضحكه الي نورت ويه ام سهيل وبوه ..
بو سهيل : ماعاد تسويها فينا عاد .. كنت بتجتل عيوزي وبتخلي الدار عليه خلا ..
سهيل : بسم الله على روحها .. انشالله عمرنا قبل عمرها ..
ام سهيل : فديتكم ياربي .. ربي لا فرقنا ولا حرمنا من بعض ..
شيخه : عاد سهيل صدق وين كنت .. لعنبوه سو تلفون .. تذكرنا تذكر امك به .. وبرايك تبات وين اما تبا ..
سهيل : والله انا مادريت بعمري .. والا كنت بسوي تلفون .. ووالله اني متلوم فيكم ..
سعيد : حصل خير فديتك .. المهم انك رديتلنا بخير ..
اليازي : انا تميت اخاف الحين من أي شي .. صدق سويتولي رعب .. من طلعتكم برا البيت .. ومن هالسيايير .. شاب راسي خوف ..
سهيل : ههههههههههه شاب شعر الراس وانا توي صغير .. صغير السن وحامل بصدري قلب شايب ..
اليازي : تحمل تعيدها .. ههههههههههه والا تراني بستوي مرافقه لك بالغصب في كل روحاتك ويياتك ..
اليازي تموت في شي اسمه سهيل .. تحبه بشغف .. بجنون حب الاخت لاخوها .. تهيم فيه .. وتتمنى لو ماكان اخوها علشان تحبه .. او على الاقل كانت تتمنى تاخذ ربيع اخوها عسب تكون منه قريبه ..

سهيل وهو يطالع اخته بحنان : على قلبي عسل والله ..

دخل سهيل غرفته وهو مشتاق للماي الدافي في الحمام .. وده يتسبح وينفض عنه غبار الليله الفايته بكل الامها .. وهو يتذكر ويه منال ويحس انه حبها تملكه وصار مفتون ابها ..
اما منال فراحت بيتها بعد ماطلعت فاطمه من المستشفى .. وهي تشل معاها اغرب موقف مر الها في حياتها .. وشكل سهيل مسيطر على كل افكارها ..

التهت منال بالجو اليديد الي سوته الهم منال الصغيره وصارت شغلهم الشاغل ..عالعصر دقت اسما ربيعة منال تلفون وقالت لمنال انها هي وامها بييونهم بعد المغرب ..
منال : عاد هاتي حمود تولهت عليه وخطيبته تتخبر عنه ههههههههه
اسما : وانا اروم اسير واخليه .. بيجلب البيت صايح وبغيم .. مايبى حد مول لزقة امه هالولد ..
منال : هاتي واحد غيره وبيفج عنج ..
اسما : ماعليه ناويتله اناا .. هههههههههه
منال : ليش .. شي في الطريج ..؟
اسما : يعني .. احتمال ههههههه
منال : مبروك فديتج .. عاد يالله هاتيلنا خطيب لمنال الصغيره ..
اسما : ليش انتو ناويين تدورون على عيالي كلهم هههههههه
منال : هي .. عيل ليش تتحرينا نيب البنات هههههههه لو مانحيد وراهن حد مايبناهن ههههههه
اسما : ماعليه يوم بناتكم راضين ..
منال : غصبن عنج ترضين هب بكيفج هههههههه
اسما : هههههههه عاد عرسي انتي وسدي شوي عني .. حلو مشكلتكم وهاتو عيال اولاد لبناتكم ههههههههههه
منال : ليش تتحريني خبله اعرس وابتلي مثلكن ..
اسما : ليش ومنو قالج اننا مبتلين بالعكس .. فديتهم ريالنااا مريحينا ع الاخر ههههههه
منال : هي الله يخليهم الكن ..
اسما : يالله منول جد .. ماحد خطبج ..؟
منال : لا محد وان حد يعني مابيوصلج الخبر يالدبه ..!!
اسما : لا بيوصل بس .. امته عاااد ..
منال : انتي من كم يوم ماوراج الا هالسالفه .. والله طفرتي بالرزق ههههههههه
اسما : هههههههه شكلي بخطبج لريلي وارتاح هههههههههه
منال : لهدرجه حملي ثقيل عليج ههههههههههه نفسي اعرف شو ورا هالعرس الي تحنين عليه دوم ههههههه
اسما : سلامتج .. بس انتي عرسي واكتشفي بروحج هههههههههه
منال : مالت عليج .. ماعندك سالفه ..

سكرت منال عن اسما وكانت في انتظارهم حسب الموعد بعد المغرب ..
منال صارلها من توفا فيصل سبع اسنين وهي صاينه ذكراه وعايشه بلا رغبه في الزواج .. والي خلا حالتها جي اكثر هو انقطاع الخطاب عنها بسبب الشؤوم الي يعتقدوبه من اثر وفاة فيصل عند ارتباطه ابها ..وهالخرافات يشجعها الاهل و يقنعون اعيالهم ابها ..

منال الحين عمرها سته وعشرين .. خلصت دراستها متأخره بسبب انقطاعها عنها بعد وفاة فيصل وبعد الحاح من امها نوره وحمد ردت وكملت وشغلت وقتها عن التفكير ..

اما سهيل فكان يفكر بمستقبله ويبي يحقق شي له ولمنال بس مب عارف كيف .. اتصل سالم ربيع سهيل به تلفون ..
سالم : ها فديتك ليش قاطع ..ولاتتصل ولاتمر ولاتقول عندي خوي بسير عليه وباخذ علومه ..
سهيل : اتغلى .. قلت بشوف عمري غالي عندك والا لا هههههههه
سالم : وشو شفت عمرك ..؟
سهيل : والله لاباس .. هاه في بشاير خير ههههههه
سالم : الله يبشرك بالخير .. بهالمناسبه عاد انا عازمنك على رحله .. ولاتقول لا وتتعذر .. تراك بتسير وريلك فوق راسك ههههههههه
سهيل : وين ناوي انشالله ..؟
سالم : قنص ..
سهيل : داخل والا خاري ..؟
سالم : عالحدود السعوديه والبلاد .. المنطقه زينه والشباب كلهم معزمين ..
سهيل : زين عيل عهواكم .. ومته معزمين عالطلعه ..؟
سالم :باجر انشالله ..
سهيل : عيل خير ..

بالصبح كانت السيارات زاهبه ومحمله والشباب شالين الدنيا ومحتشرين عن يتأخرون .. مرو على سهيل .. وركب سهيل ويا سالم وتحركو ..

ربعهم الي كانو وياهم .. ثلاثه من غير سالم وسهيل .. مبارك و عبد العزيز وسيف ..هذيلا ربع من ايام الدراسه وصحبه ومتعودين ع بعض ..

يحبون المقناص وحياتهم الطيور .. ورحلاتهم ماتوقف ومن عقب الحادث الي مر به سهيل انقطع عنهم وعقب تمت طلعاته خفيفه وياهم .. هالمره ظهر وياهم .. علشان يشرد من افكاره وهمومه .. ويحاول يتهرب من طيف منال الي يلاحقه وين مايكون في نومه ويلسته وطلعته ووين مايكون ..وما يقدر ينساها ..

ركب سهيل عدال سالم وعندهم سيف ..
والباقين في سياره ثانيه ومحملين الاغراض الي يحتاجونهن .. وفي سيارة سالم فارشين لطيور ورا وجامعينهن رباعه ..

سهيل : شخبار الجدور حملهن راعيهن ههههههههه
سيف : ههههههههه ركبهن قبل لا يركب .. ومن يومين نوصيه عليهن ..
سالم : ماعليكم مبارك ينسى عمره ولا ينسى قدروه ..هههههههههههه
سهيل : خفو عليه عاد ولاتزيدون عليه بهالسوالف لا يعصب علينا ويجتلنا يوع هههههههه
سيف : ههههههههههههه لا .. تذكر ذيج المره يوم علقنا عليه وصبنابه .. وطبخلنا الخنافس في الصالونه وانحن ماندري وكلناها ههههههههههههه
سالم : سودا الله ويه ماعليكم مب هين هوووه هههههههههههه
سهيل : ههههههههههههه وانته من زمان شو تتحراه يطعمك غير اليراذي والحلج وانته ماتدري ههههههههه
سيف : هههههههههه انا كل ماارد من القنص عطول وانا عالحدود اتصل للوالده تزهب الحلول ..واغسل بطني ههههههههه
سهيل : العرب غابطينا تتحسبنا ناكل الظبا والحبارا ماتدري شو مسوي فينا بروك هههههههههه
سالم : هدو .. شكلهم الشباب يبون الشيشه يعطون اشاره ..

سارو الشباب الشيشه ووقفو سالم والي وياه عند ابكو ونزلو .. وربعهم وقفو يعبون بترول ونزلو يتشرون من ابكو ..

دخلو وعقدو يسولفون ويضحكون على بعض ..
مبارك : ماشي ملج عندكم ..
مبارك يسأل الهندي ..
يلس الهندي يضحك ومتفشل ومب عارف شو يقول لمبارك ..
مبارك محرج ويتخبر : انته مافي معلوم كلام عربي .. معلوم ملح ..؟

سيف وسهيل يالسين يطلبولهم جاي حليب وانتبهو لمبارك وهو محتشر عند الهندي .
سيف : هههههههههههههه لحقو بيضرب الهندي ..
سار سالم صوب مبارك ..
سالم : خير شو بلااك ..
مبارك : نبى ملح نسيت ماشل .. وها يبى حد يراطنه وانا ماعرف ..
سالم : هههههههه وشو بلاك معصب عليه .خلنا انحن بنرمسه ..
مبارك وهو يطالع سالم بستغراب : رمسه اشوف .. يبى انجليزي هذا مايبى بدوي ..اسميه ماجسموله هنودنا ..
سالم : هههههههههههه سييييف .. الحق علينا ..
ياهم سيف من سمعهم وهو يضحك ودام ان السالفه فيها مبارك اكيد بتكون همجيه ..
سيف : ها شو ؟
سالم : رمسه قله نبى ملح..
سيف : ههههههههههههه وملح غلبكم ماترومون تقولوله ملح ..!!
مبارك وفاقد اعصابه من برودة سالم وسيف ..
مبارك : اسميك انك ثور .. وانته ( ويأشر عسالم ) مالقيت الا سواف تزقره عسب يرمس هذا .. هههههههههههههه
سيف : ههههههههههههههه يعلك تسد عوق سواف يارب ههههههه
وشو الي تبونه ..؟
سالم وهو يضحك : نبى واحد يرمس انجليزي ..
سيف : هييييييييه جي السالفه .. يووووو عزوز ..!!

عبد العزيز مشغول ومب منتبه لسيف وربعه .. يالس يشل من الجبس والحلويات .. ويمزر السله ..
سالم : حول حول عنه .. هذا يالس يلايم لبطنه .. ازقر سهيل هههههههه
سيف : وسهيل اش عرفه بالانجليزي ههههههههه
سالم : بعد ربك يمكن وهو في الخارج تعرفله على وحده حمرا ورابعها وعلمته .. ازقر عليه ولا تتفلسف ..
سيف : حاضرين .. التفت صوب سهيل ولقاه يالس يدور في الثلاجه ..
سيف : يوو سهول ..
التفت سهيل صوبهم ..
سهيل : شو سهول بعد شايفني الاعبك في الحوش والا اصغر عيالك يالهيس هههههههههههه
سيف : ههههههههه مايتفاهم هذا .. هب ويه دلع .. باجر لو يعرس وتدلعه الحرمه بينشلها بالنعال عراسها هههههههه ..( التفت لسهيل )الحق علينا نبالنا واحد عنده لغااات ..
ياهم سهيل وهو مستغرب ..
مبارك : سهيل تعال ابويا هذيلا كلهم ماوراهم فايده .. الشيفه شيفه ومناك خرطي .. كلمتين انجليزي مايعرفون يضوونهن ..
سهيل : ههههههههههههههه افا عليك مايطيعون الراييل ..
سالم : يالله اشوف طلبو منه ..
سيف : سهيل خبره قله نبا ملح ..

طالعهم سهيل وهو فاج اعيونه ..
سهيل : يعلكم الحوم .. هذا الي محتشرين عليه من الصبح .. انا قلت شي عندهم جايد .. جاد الريال يبى يسلم ويبون يخبرونه عن الدين .. اثركم تبون الا ملح ..

طالعوه سيف وسالم ومبارك وهو يرمس وفاجين اعيونهم ومني مفتشلين ..
سيف : ماعليه انحن طلعنا مانعرف وغلبنا نخبره اننا نبى ملح ..
مبارك : ويبناك انته السبع وبتقوله .. يالله ..
سالم : قله نبا ملح كيس كبير .. بس

سهيل : وحليلكم والله شكلكم مساكين وانتو تطلبون .. المهم .. خوزو خلوه عليه ..
سهيل يرمس الهندي : رفيق معلوم عربي ..
الهندي : اجا معلوم اربي ..

طالعو الربع بعض متعجبين وردو يطالعون الهندي وياهم غبض عليه ..
سهيل : جيب كيس ملح كبير سرعه يالله جلدي كروه ..
الهندي : ليش انته وين يفكر نفسك داخل سوبرماركت هدا ابكو .. مايبع ملح مني ..

طالع سهيل ربعه وهو مغيض عليهم ..
سهيل : سمعتو .. يقولكم بقر انتو .. وين بتحصلون ملح في ابكو .. يعلكم الفضحه ..

طالعو الربع بعض وانفجو يضحكون على سهيل وهالموقف ..
سهيل : هب منكم .. من الي يسايركم ههههههههه

سالم : والله اذل طلع يرمس عربي ..
مبارك : قصينا عليه كنا نبى نورطه بالانجليزي بس مافيك فايده ياسهيل هههههههههه
سهيل : حلف انته بس ..!! يعني حضرتكم الحين ما تعرفون انجليزي ولا تستعبطون عليه ههههههههههههه
سيف : انا شفتهم يستعبطون جان اكمل وياهم هههههههههه
سهيل : يالله الدرب .. سرناااا ..

لالي...

28-02-2006, 00:56

¤ّ,¸¸,ّ¤؛°`°؛¤ الـجزء الثــالث عــشر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

له جمــال وطيـــب ولطفـــي .. منتـــسب من نـــاس اشـــرافي
ياحيـــاتي كـــون في صــــفي . لاتسمـــع قـــول لخفــــافي
طالبـــك سيـــدي تعـــفي ... تاخــــذ المجــــروح بسعـــافي

طلعو سهيل وربعه من ابكو وتمو في طريقهم للبر والقنص .. وكانو مخططين يباتون اسبوع او اكثر على حسب الجو والمزاج ..
ربع اسهيل كلهم يشتغلون .. في منهم في جهاز الامن .. وفي منهم في الدايره الخاصه .. وسهيل فضل ان يشتغل في الجيش من بعد ماتخرجو كل واحد في تخصصه .. ورجعو عقب للمه والسوالف والتجمعات ..

ربع سهيل كلهم عزابيه ماعدا سيف .. هذا معرس من تخرج .. والباقين مش ناوين يعرسون ومفضلين انهم يسوولهم صحيبه مثل عبدالعزيز ومبارك ..
اما سالم فما يفكر في العرس حاليا رغم ان اهله حاشرينه .. ومتعذب عقب فراق حبيبته الي عرست عنه من سنه .. ومن عقبها مافكر انه يتعرف على غيرها .. وينتظر اتصالاتها كل فتره والثانيه .. رغم انه شلها من باله و تمنالها السعاده في حياتها ..

اما سهيل ما كان عنده وقت يعشق ويحب .. من فطن في الدنيا كان يحب بنت خالته ولا عمره فكر في غيرها ولو للعب والسوالف مثل غيره من الشباب .. ولكن عقب الحادث وتخلي حبيبته عنه .. انصدم وتعذب على حاله الي تغير مره وحده وبدا يشوف حياته جدامه تنهار شويه شويه .. حته شغله غيروه عنه بعد الحادث ومسك مكان عادي وشغل مكتبي ..
سهيل ما كان محتاج للشغل لان خيره ابوه فاضل لكن عيب على الريال يتم بلا شغل .. ولازم عليه يكون نفسه وشخصيته ويتكل على نفسه ..

مشو سهيل وربعه في طريقهم لين وقت العصر .. نزلو في مكان خالي في البر لا انس ولا عابر صديق يمر حذالهم .. نزلو اغراضهم وطيورهم بعد مااختارولهم مكان مناسب .. نزلو خيمتهم ونصبوها .. وهي خيمه بسيطه تظم بس الاغراض والاكل .. في هالفتره الي بيقضونها في القنص .. وعادي عندهم بعد يومين يغيرون مكانهم وينتقلون لمكان غيره ..

وفراشهم الي بينامون عليه .. ينزلونه وقت مايبون يرقدون ويفرشونه على الرمل ويرقدون .. ماكانو يكلفون على عمارهم بترتيبات غير ظروريه .. كل شي كان بسيط وسريع ..

سهيل وربعه يموتون على الطيور والقنص وهالسوالف .. مايشوفون لا اهلهم ولا شي في الدنيا يساويهن .. وكانو يخططون في اجازة الصيف يسافرون باكستان قنص وعادة ياخذون شهر في هالرحله ..

هالوقت كان سيف ومبارك يعدلون الخيمه وسالم وسهيل وعبدالعزيز ينزلون الطيور ويحطونهن في الذرا وعقب بيحطونهن في الخيمه ..

عبدالعزيز : بروك وسيف ظكو بالخيمه غرب جي خليتوها مجابله الشمس ..
سيف وهو يفر طرف الخيمه من يده ..
سيف : حسناها منا .. قلتو خلوها جذاك .. سويناها جذاك .. قلتو حيسوها منا ..ماعرفنالكم ..
بروك : سواف زخ انته ماعليك من عزوز .. بتيلس تتسمع الهم انته .. مابنخلص اليوم ..
عزوز : بروك يااخي مب الا شغله وتبى تخلصها .. حيسوها الصوب هذاك .. وبنرقد انحن من وراهاا ..
سالم : هههههههههه جذي السالفه .. بو العزوز يبى يرقد شكله ومايبى الشمس توعيه .. من الصبح ..
مبارك : وانا اقول شبلاه محتشر .. الا يوم جي السالفه غياض فيك محد بيبدلها من مكانها ههههههههه
سيف : والله انه صدقه عزوز .. شقا الحين تبونا نخلفها ..
سهيل : لا تخلفها ولا عندك خبر .. فكونا صارلكم ساعتين تحيسونها شرق غرب .. الليل يانا ونبى نعشي الطيور ..
سالم : يالله عيل حدروهن داخل وانا بييب عشاهن ..

بعد ماعشو الطيور قرقع مبارك جدوره وعق العيش على حد يعدله والبصل واللومي على حد يفرمه .. وسهيل وسالم شردو عن الشغله اونهم بيسيرون يتوضون للصلاه ..

بعد مازهب العشا ردو سهيل وسالم عقب ماتمشو وسولفو ..
سهيل وهو ميود ضحكته : ياحيكم .. شقا خلصتو العشا وماتريتونا نفزعكم في شي ..!!
مبارك وهوفاهم سهيل : لا طويل العمر مايصير نتعبكم .. انتو ارتاحو وخلو الشغله علينا ..
سالم : ربي يطول بعماركم ..وشو مسويلنا عشا ..؟
سيف : مسويلكم مجبوس طال عمرك ..
سهيل : بعدي والله .. ماقصرتو .. ههههههههه
سيف : عاد تشوفون هذيج الجدور ..
سالم وهو يطالع صوب الضو : اشوفهن ..
سيف : سيرو غسلوهن وسولنا جاهي وهاتوه ..هههههههههه
سهيل وهو يغايضهم : انا مااشرب جاهي .. فليل مب زين ..
عبد العزيز : انزين ومنو قالك ان الجاهي لك ههههههههه
سهيل : ولا بسويلكم اياه .. مب زين مضر ..هههههههههه
مبارك : لا عادي انحن مايضرنا .. دوا النا ..
سالم وهو يبى يشل الشغله عن سهيل : لا افا عليكم .. الجاهي انا بسويه ..
سهيل ماعيبه ان سالم يسويه واستحى منه : لا والله .. اليوم انا بسويه وغير اليوم عليكم ..
سالم مصر مايشغل سهيل : حرام ماتسويه انته .. خله عليه ..
عبد العزيز وهو فاض به منهم : بتخبركم بتيسلون تتعازمون جي وايد .. حد منكم يسويه وخلاص هههههههه

سارو سهيل وسالم يسون الجاي وعقب ماخلصو منه شلو الغوري والكوبات وسارو صوب ربعهم على العرقوب ..
يسلو عالفراش وضكو بصحونهم عنهم عقب ماتعشو وشربو الجاي ..
سيف : عزوز طالبنك ..
عزوز : تم ..
سيف : اباك ادق العود وتغنيلنا لبو نوره ..
عزوز : فالك طيب بو هناد .. غير اسمحلي تعباااااااان والرقاد كابس عليه .. غير الليله ..
سيف : افاااااا وشقا تقولي تم واخر شي تخور ..
سالم : افا ياعزوز .. مب كلمة رياييل الي عقيتها من شوي ههههههههه
عزوز وهو معصب : خلاااااص .. الا كلمة رياييل ونص .. بييب العود وبغنيلكم .. والله تذلون الخلق انتو ..
سهيل : هههههههههههههه عاش بو لعزوز ..

سار عبد العزيز السياره وظهر العود ورد صوب ربعه .. ولقاهم يتعاييون ومنطحنين .
سالم : اول اغنيه نباها لخالد عبدالرحمن خبره ..
سيف : خبروه والا طنشوه كله واحد بس الغنيه الثانيه لبو نوره ..
سهيل : اسمحولي انا ابى اسمع لبروغه خدها الجمري ..
مبارك : روووووح .. خلاص نبى نسمع لبروغه وعقب كيفكم ..
عبدالعزيز : ها خلصتو ...؟
طالعوه ربعه وصخو من حسوبه ناقمنهم ..
عبدالعزيز : مايطلبه المستمعون انا ..!! جي قالولكم اسطوانه حافظ كل الاغاني .. !!؟
سالم : اسمحلنا الشيخ .. خلاص سمعنا انته عكيفك ..هههههههههه
عبدالعزيز : هي .. بسمعكم الي حافظنه وعن التشريطات الزايده ..
سهيل : بتخبرك .. بتذلنا اليوم انته على عودك وصوتك .. ههههههههههههه ياتغني الي نباه والا لا تغني مول هههههههه
عبدالعزيز : هذا هوه طلاب ومتشرط هههههههههه
مبارك : هههههههه بتغني شوه ..؟ والا اكرخك بالملاس هههههههههههههه
سالم : ههههههههههههههههه محشوم بو لعزوز صخو عنه خلو يستعد ..
سيف : عزوز تعال حذالي الشيخ ..
مبارك : عزوز تعال هاك الصوب لاتيلس عدل سيف شكله بيتصل للحرمه وبيسمعها سوالفكم وغناكم ههههههههههههه
عبدالعزيز : خرون .. يسويها بو الحرمات ههههههههههه
سهيل : تعال عزوز حذالي يعلني ماخلى من هالصوت هههههههههههه
تنحنح عزوز واستانس ..
سيف : يعلكم كلكم تسدون عوق حرمتيه اسميها الا بعدكم .. هههههههه
سالم : اكيد بعدنا .. نافعتنك الحرمه هههههههههه
مبارك : عقبالنا يارب مانعرس ونستد عنكم وعن مجابلكم هههههههههه
سهيل : هههههههههههههه عاد منو بيطبخ يوم تعرس الحرمه والا انته ..؟
مبارك : لا انا طبعا .. شو تباني اتعبها .. فديت ايديها مابخليها تصك شي مول .. ولا حته كندورتيه .. ههههههههههه
سيف : ها الكلام اول شي بس سئلوني انا .. عقب شهرين بتشغلها وبتشغل امها الي ياابتها ههههههههههه وبتلعن خيرها جانها نست شي ههههههه
سهيل : حشا ياويل الحرمه منك ..ههههههههههه
مبارك : عاد مب كل الريايل مثلك ..فديت الحب انا ماتهون عليه هههههههه
سهيل : اااااااه من الحب ..
طالع سهيل .. عزوز وقاله ايي ييلس ..
يلس عزوز حذال سهيل ويسلو يشجعونه وهو يدقلهم ويغنيلهم كوكتيل من كل شي ..
اخر السهره كانو الشباب كلهم متسدحين كل واحد بصوب .. وكل واحد عايش في افكاره واحلامه ويسمعون عزوز وهو يغنيلهم ..

بدا عزوز متعذب وصوته حزين وجلب المواجع عليهم كل واحد بعوقه والمه ..
حس سهيل بدموعه الي نزلت في هالليل وظلامه .. عويهه وهو مغمض ويحس بقلبه يناجي منال وخاطره متعلقنها ومايعرف كيف وليش ..
سالم كان قوي ومتجرع العذاب ومتحمل ويحاول مايعذب نفسه بالافكار ..

سيف رقد عنهم عقب ماتم يرمس حرمته وهو منسدح عنهم عطرف .. وكمله ساعه يسولف وياها ومن سكر عنها رقد وخلاهم على حالهم ..
مبارك يسمع ويغني ويا عزوز وطاب صحيبته هالليله ومايحب يرمسها جدام ربعه ..
اما عزوز فعادي عنده مب مرابع وحده معينه بالقو .. كل يوم وكل وقت يرمسله وحده شكل وكلهن يمرن مرور الكرام بدون حب وبدون مايتعلقهن ..

نش سهيل عنهم وتنفض وقام يمشي بعيد عنهم .. وتم عزوز يغني لربعه ..
سار على بعد مسافه ويلس بعيد عنهم وماوده ييلس وياهم ولا يلاحضون عليه تغيره ..
سالم حس بسهيل وحزنه وهدوءه طول الوقت وقرر يسير يشوفه ويخليه يفتحله قلبه ..

يلس سالم حذال سهيل وحط ايده عركبة سهيل ..
سالم : خير سهيل .. شو الي مكدر حالك جذي ..
سهيل وهو يتنهد : ولا شي الغالي لاتستهم ..
سالم : حرام ان فيك شي ومن زمان ملاحضه بس انته مغبي عليه ..
سهيل وهو يضحك بسخريه للقدر : وهو في شي اغبيه .. حالي يعلمبه البعيد قبل القريب ..
سالم : حالك احسن حال .. ومافيك الا العافيه ..
سهيل : الحمدلله ..
تم سهيل ساكت وماوده يضايق خويه سالم بهمومه ..
سالم وهو يحط ايده جتف سهيل ..
سالم : سهيل الغالي .. الدنيا مافيها خير .. وانته حالك مب عايبني مول .. جاني اروم اسويلك شي انا حاضر .. بالي يريحك .. وانته اخوي وغالي عندي ..
سهيل : ماتقصر فديتك .. مخلنك للشدايد ..
سالم : شو سالفتك ..
تنهد سهيل وحس ان الكلام يبى يظهر منه رغم انه مايبى يظهره ..
سهيل : سالم ودي اظهر امابي .. لكن في شي يمنعني ..
سالم : ظهر فديتك .. وسرك في بير وانا اخوك ..ولو مخون فيه لاتقولي شي وخل امورك عندك ..
سهيل : افا عليك ياسالم .. لعنبوه انا ايود عن امي وابوي ولا ايود عنك ..
سالم : على راحتك الغالي انا خاطريه اريحك ..
سهيل : متعذب ياسالم .. بنت خالتيه وتحملت غدرها لي .. وحالتيه وتحملتها .. لكن ..
سالم : لكن ..؟
سهيل : احس نفسي من فتره متنازل عن كل شي في الدنيا .. وكل شي فات ماله اهميه ولا قيمه عندي .. حتى هلي والناس وحالتيه ماعادو يهموني ..
سالم : لاحول ..و شو الي وصلك لهالحاله ..؟
سهيل طالع سالم وتخيل ويه منال وغمض اعيونه عليها .. خوف من ان سالم يشوف حبيبته في عيونه .. تنهد سهيل وسكت ..
سالم : مافهمت عليك الغالي ..
سهيل : سالم ..اخوك شكله يحب ..

ضحك سالم وتم سهيل يطالعه ورد يضحك وياه ..
سالم : والحب مسوي فيك جي ..؟ انا قلت تعبان مستهم عشي غير ..
سهيل : هههههههههه ويا راسك .. مايسد اني طحت في الحب ومب عارف مصيري فيه شو ..!!
سالم : بصراحه صدقك .. الواحد من يحب يتبهدل ويتلعوز في حياته .. ولو انته ماحبيت ابركلك ..
سهيل : بس انا غير ..
طالع سهيل للسما جدامه وغمض اعيونه عالنص وتم يطالع لبعيد ويتأمل النجوم ..
سالم وهو يطالعه : اكيد انك غير .. وانشالله تكون غير وللاحسن ..
رد سهيل يطالع سالم ويبتسم ..
سهيل : ابى اخطبها .. ماابى اخربها واخلي علاقتي ابها علشان تسد شوق فتره وتسليني ..
سالم : اذا بنت ناس ومن ثوبك ليش لا .. تاخذها بالحلال وتسترون عبعض احسن الكم ..
سهيل : ياليت تكون لي ..انا لين اليوم مااعرف عنها شي ..
سالم : مب من اهلك هيه ..؟
سهيل وهو يطالع سالم : لا .. ولا يخصها فينا .. هذي بنت عرب وناس معروفين .. تخبرت عنها وعرفت عنها بعض الامور ..
سالم : بعد وتخبرت عنها ..!! عيل شو تتريا ماتخطبها ..
سهيل : مااعرف ..!! خايف ..
سالم : من شوه ..؟
سهيل : اخاف الناس تمنعها عني .. وماتوافق عليه ..!!

هالوقت منال كانت تتجلب عشبريتها مب طايع النوم اييها ..
سمعت تلفون الصاله يدق .. استغربت منو ها الي بيتصل هالوقت .. الساعه وحده فليل ..
مانشت منال وطنشت ..
نوره راقده في غرفتها في الطابق الي تحت .. وفاطمه وحمد قسمهم عطرف ومايخصهم بتلفون البيت ..
فكرت منال تروح اتشله ولا تطنش .. عقب قررت تسير اتشوف منو ها الي يتصل هالوقت وبأصرار ..

لبست روبها وشيلتها وظهرة .. شلت التلفون وتمت ساكته ..
ام منال : الو
منال عقب ماسمعت صوت امها حست بخوف ..
منال : امايااا .. خير ..
ام منال بدت اتصيح : منال ماياكم ناصر ..؟
منال مستغربه : لا امااه ولا شفته .. عدي به في المستشفى يوم تربي فاطمه بس ..
ردت ام منال تصيح ومنهاره ..
منال : امي خير شو صاير .. ومن امته ناصر مب في البيت ..؟
ام منال : ناصر من ظهر اليوم الصبح من صلاة الفير مارد .. وانا كل اشوي اقول بيرد .. واتريااه .. غير مااشوفله بينه ..ومااعرف شو صار عليه ..
منال وهي خايفه على اخوها : ماتصلتيبه عتيلفونه ..؟
ام منال : تلفونه مسكر ومفرور في الحجره واغراضه كلها اهنيه .. بس ..
منال : بس شو ..؟
ام منال : جوازه مب في مكانه وانا شفته اليوم الصبح عند الصلاه مب طبيعي ..
منال يلست على الكرسي وماتحملت الي تسمعه وهي تفكر في اخوها واحساسها يقولها انه سافر ومابيرد ..
منال : ناصر سافر ..!!
ام منال وهي تصيح : ياني اليوم الصبح وحبني وانا عسيادتيه ويالسه اتسنن .. وجنه كان يودعني .. انا انكرت تصرفاته اليوم .. وهو يتخبر عنا كلنا وعلى خواته .. ومن عقبها سار يصلي ولا رد ..

منال : امي تصبري ولاتصيحين عناصر .. ناصر من زمان مختار طريقه وادعييله الله يثبته عدينه وعالطريق الي ماشي فيه ..
ام منال : ليته بس خبرنا بنيته قبل لا يسير .. و محد بيعارضه .. بس مايسير عنا جي .. قلبي بيتم نار عليه مايستريح ..
منال : امي ناصر بيتصلكم لازم من يستقر .. مابيخليكم جي ..
ام منال : عاد انحن ماندري وينه والا وين سار .. ولا متاكدين اذا سافر ولا لا .. شو الي بيطمني عليه الحين ..

يلست منال تهدي امها وماكان بيدها شي تسويه ..
ناصر اختار طريقه وقرر يسافر لجماعات المسلمين ويلتحق ابهم ويسوي شي لدينه .. ان كان في افغانستان او الشيشان او أي مكان ثاني ..

مضى الوقت وتمت ذكرى ناصر عند اهله .. شاب طاهر نظيف اختار اخرته على دنياه .. وسار في طريقه بدون مايترك قراره في ايد غيره .. كان يقرر وينفذ ..
وتمت ام منال تنتظر اخبار ولدها بفارغ الصبر .. ولكن يمر الوقت ولا خبر عن ناصر ..

كانت الايام تمر عـ منال بطيأه وكئيبه .. حست بحزن وضيقه كبيره ماعنده الي يخفف عنها ويواسيها .. الكل ملتهي في حياته .. فاطمه بريلها وبناتها .. وربيعتها اسما بعد ويا ريلها وولدها .. امها نوره ماتتحمل احزان والام غيرها ومنال ماودها تضايق نوره وتزيد على حملها .. بحمل غيره .. ام منال كانت تقاسي بعد ولدها عنها وكان البيت عليها كئيب وحزين ..

كان سهيل يالس ويا اهله ويرمسهم عن قراره ورغبته في انه يخطب ويعرس ..
بو سهيل : وتخيرت العروس والا تبى امك تدورلك ..؟
سهيل : لا الوالد .. انا تخيرت العرب الي بناسبهم ..وانشالله عقب الخطبه بتسير الوالده واخواتي عليهم ويشوفون العروس ..
ام سهيل : ومنو هالعرب عاد .. نعرفهم ..؟
سهيل : بالطاري تعرفونهم .. لكن مااظني حد منا يعرفهم معرفه خاصه ..
شيخه : وكيف عيل انته عرفتهم ههههههههه ها خبرنا ..
سهيل وهو مستحي : بعد .. ربج ..
اليازي : فديت سهيل ياربي .. انا ابى اشوف العروس مايهمني منو يكون اهلها.. واذا كانت حلوه بخطبها لك بنفسي هههههههه
سهيل : فديت روحج .. خلاص عيل انتي سيري وشوفيها اذا عيبتج بنخطبها واذا ماعيبتج بنكنسل عنها ههههههههههه
سعيد : ههههههههههههه شكلك مالي ايدك من عربك وواثق من حلاتهم .. والا مابتخلي اليازي تتفحصها ووتشاور تخطبها والا لا ..
سهيل : هههههههههه استر علينا .
ام سهيل : سهيل .. جانه وحده من صحيباتك من الحين اقولك .. لا بنخطبها ولا بنسير عليهم .. ولاتعق عمرك للرغد ..
سهيل وهو متفاجئ من هالكلام : افا افا يا ام اسهيل .. لعنبووووه حكمتي عالبنت وعليه الا جي .. لا الغاليه مب ولدج الي بيربع للرغد .. والبنت هاي لو الا احيدها منهن ماحطيتها في بالي ولا قلت الكم خطبوها لي ..
بو سهيل : ام سهيل .. شو بلاج عالولد حرقتيه .. براااايه يتنقى وياخذ الي يباها ..
ام سهيل : ويدي ماقلت شي .. الا اتخبر عنها ..
سعيد : ههههههههههههه ها اسلوبهن يوهقنك في الرمسه ويعقنها عليك عق .. وعق يقولن لك بس نتخبر هههههههههههه
شيخه وهي تسولف وياهم : برايها ام اسهيل تتخبر عراحتها .. تراها بتيوز ولدها وتبالها وحده زينه وبنت عرب ..
سهيل : محد قال لا تتخبر .. بعد جان تبى .. بسير ابها صوبها .. وخلها تتفحصها شعره شعره وضرس ضرس .. محد يكره انه ياخذ وحده مبصوم عليها انها ميه ميه هههههههه
اليازي : لا عاد انا ماارضى .. حرمة سهيل لاتسووبها جي .. فديتها هاي بس تي وانا عليه اخدمها اهي وسهيل بعيوني ..
راح سهيل وهو يضحك ومسك اليازي بيدها وخلاها تي تيلس حذالها ولواا عليها وباس راسها ..
سهيل : يعلني افدا روحج .. عيل عليج الحرمه سديها عني وعن امي ههههههههههه
شيخه : خلها تي اول وعقب بنشوف حرمتك تستاهل نبزيها والا نحط عليها العين الحمرا ههههههههههه
سهيل : تستاهل والا ماتستاهل بتحطينها في عيونج وعراسج بعد ههههههههههههه
شيخه وهي معصبه : اماااااه لحقي شوفي ولدج من الحين بيبديها علينا .. والله قهر ههههههه
بو سهيل : وانتي وين تبين رازه عمرج بين الريال وحرمته .. وشو تبينهم ..
سعيد : هههههههههههه هذي بنيوزها ونفتك منها دومها تغار من كل شي ومن أي حد ههههههههه
شيخه وهي مبوزه : الله يسامحكم هذا يزاتي اغار على اخويه ..
ام سهيل : غاري عريلج وخلي سهيل لحرمته ههههههههههه
سعيد : ياويل الي بيبتليبها هههههههه
اليازي : حرام عليك سعيد .. لاتطيحون بشويخ الحين ..
شيخه : برايهم برايهم .. مابيي يوم بردلهم هذا كله هههههههه صبرو عليه ..
سهيل : انزين ليش انتو تطلعون عن الموضوع .. اباكم تحددون يوم نسير فيه عالعرب ونخطب ..

نشت شيخه عنهم بعد مايلسو يناقشون الموضوع ويقررون يوم للسيره ..رن التلفون وسارت تشله .. كانت خالتها ام عبدالله متصله تعزمهم ..
شيخه : امي خالوه تبى ترمسج ..
نشت ام سهيل صوب التلفون وخذته عن بنتها ويلست ترمس اختها ..
ام عبدالله بعد السلام والتحيه ..يلسن يسولفن ويتخبرن عن العيال وحالهم ..
ام عبدالله : شو رايكم نبى نظهر شمال باجر .. الجو فنان وشيبتنا يبى يسير بلعيال وقالي اعزمبكم واعزم بأم عفرا ويانا ..

ماكان لام اسهيل قرار الا انها شاورت ريلها واعيالها وردت على اختها تخبرها بانهم عزمو وانشالله باجر بيخاووونهم شمال ..

استانست شيخه عالخبر وفرحت لانها بتشوف عبدالله باجر ورفيعه اخته وخواتها وبعد كانت خالتها ام عفرا بتسير وياهم بتجتمع العايله كلها ..

اما سهيل فتغير ويهه وماارتاح لطاري رفيعه ولا لهالسيره بكبرها ..

ام سهيل : ها سهيل عزم الغالي ووصلنا ..
سهيل : الوالده مالي خاطر عالسيره سعيد عندكم بيوديكم ..
سعيد : انا باجر عندي مقابله للشغل ومااظني بروم اسير .. والا ودي اخاويكم واسيربكم ..
ام سهيل : ابويا سهيل .. سر بتفري على عمرك وبتغير جو وبتشوف اهلك ..

ضحك سهيل في خاطره على كلمة اهلك .. بس مارام يرد امه في طلبها ..
سهيل : على خير الوالده .. انتي تامرين امر..

لالي...

28-02-2006, 01:00

¤ّ,¸¸,ّ¤؛°`°؛¤ الـجزء الــرابــع عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

لي فات ماينفع به الشرح ... والي انكسر مايفيد به نوح
حبي انتهى واتهدم الصرح .. مسموح ياحلم العمر روح
وانا بداوي الجرح بالجرح .. وياليتني جارح ومجروح

دخلت شيخه غرفة سهيل تدور عليه .. سهيل من وعى الصبح طلع من البيت ومزاجه متوله على منال وعلى دارها الي تسكنها .. من طلعت شمس الصبح قام من فراشه الي قضى فيه الليل يتجلب ومب قادر ينام من التفكير والشوق الي مب عارف له نهايه .. كان يرقد ويحلم بمنال .. وينش ينتبه لعمره وللواقع ويرجع يكمل رقاد .. لكن من حس ان النور قام يملي الغرفه .. نش وهو يبتسم ..ووده يطلع من البيت باسرع وقت .. علشان يسير ذيج الديار .. ويملي عيونه وقلبه من قربها .. ويرتاح ..

بعد ما صلى سهيل الصبح ظهر مسرع .. خذ سويجه ومر على امه وابوه في الصاله .. حبهم عروسهم وظهر وهو مستانس وتمو الشواب يطالعونه ويطالعون بعض عقب ماظهر وهم مش فاهمين السالفه .. ركب سيارته وتحرك للشوق الي يناديه ..

كان سهيل يتمشى بسيارته قرب بيت منال والشوارع الي يحوطن به .. خاطره لو يشوفها لو بالغلط .. وخاطره يسير يدق باب بيتهم ويسلم عليهم وييلس يتريق وياهم جنه واحد منهم .. وكان خاطره ينش الصبح ويشوف ويه منال حذاله يوعيه وياخذها هو بين يديه ويغايضها بدلع ..
غمض سهيل عيونه على هالاحلام .. وهو في سيارته واقف .. ولا يدري بالي يمرون حذاله ويستغربون من هالسياره وراعيها .. ووقوفها في هالوقت وفي هالمكان .. !!

شيخه اليوم واعيه مثل اخوها شوق وحب ووله .. ومستعيله على الطلعه .. والنوم كان متعبنها وماقدرة تتهنا به وتنام من كثر ماهي مستعيله على باجر وسيرة شمال ..

نزلت شيخه الصاله بتشوف سهيل فيها .. لقت امها وابوها يالسين واليازي عندهم ..
شيخه : صباح الخير ..
كلهم : صباح النور والسرور..
شيخه هوت على امها وابوها وحبتهم عروسهم وراحت يلست حذال اليازي ..
شيخه : اماااه ماشفتو سهيل ..؟ مالقيته في حجرته ..!!
ام سهيل : اخوج ظهر من الفير ..وبعده ماياااا ..
شيخه مستغربه : ووين سار ..؟
ام سهيل : علمي علمج ..
شيخه : ممممم .. ومته ناوين تظهرون شمال ..؟
ام سهيل : بنتريا سهيل ايي وتلفون خالتج ..
ابو سهيل : بعده وقت عالساعه عشر بنظهر ان شاء الله..
اليازي : وموعينا من الفير ليش ..جان خليتونا نرقد شويه ..
بو سهيل : ههههههه رقدي انزين اهنيه ويوم بني نظهر بنوعيج ..
اليازي : ههههههههه لا عاد .. حلاتي راقده وايون قوم خالوه ويلقوني منبطحه هني ..
شيخه : ههههههههههه لا ماعليه رقدي انتي ومن ايون قوم خالوه برفسج انا .. ونشي بسرعه ..
ام سهيل : يالبايرات .. ماقلتن بتسيرن تشوفن الطباخ وتفزعن امكن عالريوق الي بنوديه ويانا شمال .. اشوفكن تبن ترقدن ههههههههههه
اليازي : هههههههههه امااه ترا الطباخ ساد .. والا يعني شو تبينا نسوي ..؟ انحن مانعرف نسوي الا سندويج جبن ..
شيخه : هههههههههههه فالج طيب ام سهيل .. الحين بربع المطبخ وبعابل الريوق ..

نزل سعيد هالوقت وهو متكشخ ومتعطر وحالته حاله .. طالعوه كلهم من فوق لتحت ..
شيخه : اش اش شو هالكشخه .. كل هذا للدوام .. ههههههههه
سعيد : قل اعوذو برب الفلق .. ام سهيل فديتج دخون لبان وشبه عن العين ..ههههههههه
ام سهيل : فديتك انا .. بسم الله عليك من اعيونهن .. لاتتعدل انته حلاتك اتسد ..
اليازي : ياعيني انا طا كيف يدلعونه .. وانحن من الصبح تتهزبنا عسب نشتغل في البيت هههههههههه ومن شافت سعود ظهر البزا ..
ام سهيل : ههههههههه يستاهل بو عسكور ..وانتن اباكن تطلعن حرمات .. مب مثل هالبني الرقادات ههههههه

وصل سعيد الصاله وصبح على هله وحب امه وابوه ويلس يتريق حذالهم ..

سعيد : امي بناتج ماينخاف عليهن .. بيعرفن كيف يسدن ابيوتهن ..بس مب من الطبيخ و الشغل .. من مهازب الريل ولسانهن الطويل هههههههههه
شيخه : بسم الله علينااا .. ليش شو شايفنا نصبحك بهزبه ونمسيك بهزبه علشان تقول لسانا طويل .. ههههههههه
سعيد : لا بسم الله عليكن ظلمتكن انا .. سمحلي مهات السان قصير هههههههههه اسف ولا جنك خواتي واعرفكن .. اتبلى عليكن انا ههههههههه..
شيخه : حشا يردك دوم زاهب .. ويقول عنا انحن مهات السان ... عيل انته شو تطلع ههههههههه
اليازي : ماشي سالفه غير هالموضوع والمغايض عالصبح ..
ام سهيل : لا شي .. قومي هاتي التلفون بتصل لاخوج سهيل واشوفه وين ..

*******

من وعت منال الصبح يلست طايحه عالشبريه ومالها خاطر تنش .. حست بكسل .. التفتت على يمينها وشافت صورة فيصل .. طالعت الصوره وبكل هدوء حركت ايدها وشلت الصوره من مكانها وحذتها في حضنها .. ضمتها فتره وتمت تتذكر ايام فيصل وعلاقتهم البريأه وحبهم الفطري لبعض .. وفجأه يا في بالها سهيل .. دق قلب منال بسرعه وويه سهيل جدامها ويبتسم الها .. سكرت منال اعيونها وحاولت تبعد خيال سهيل عنها .. ومن خوفها رجعت صورة فيصل بسرعه لمكانها وقامت بسرعه .. مسكة شعرها بيدها ولمفته على ايدها وخلتها مرتاح على جتفها ومنسدل جدامها .. وقفت عند المنظره وقعدت تمشط شعرها بحركات عشوائيه بس تسوي أي شي علشان تشغل نفسها عن التفكير بسهيل ..

عقت المشط وراااحت ناحية الدريشه قبضت الستاره وسحبتها عطرف .. وفجت باب البلكونه ودخل الهوى الي كان واقف برا ينتظر هاللحظه .. حست منال بالهوى قوي وبارد وحرك ستاير الغرفه والشيفوناتها .. وقفت منال ولمت ايديها على صدرها وهي تحس ببرودة الجو .. تطاير شعرها وتمت تتأمل المنظر جدامها .. حديقة بيتهم الكبيره وسورهم والشوارع وراه والمنطقه من عقب السور فسيحه على مد النظر .. ولا فيها شي يشوها من مباني او سيارات او بيوت ..

بس شافت منال سياره وقفه بعيد على الشارع .. اول حركه سوتها انها دخلت داخل وانخشت ورا الستاير عن يشوفها راعي السياره ولو من بعيد .. خاصه ان غرفتها في الطابق الي فوق يعني بسهوله تنشاف ..

السياره غريبه ومنو هذا الي بيتجرء وبيدخل شارعنا ويوقف ورا بيتنا بهالصوره ..!!
دخلت منال ورجعت الستاير مكانهن .. وراحت الحمام وهي شاله تساؤلاتها معاها ..

سهيل هالوقت كان يرمس في التلفون ويطالع شكل منال وهي واقفه برا وعقب حدرة داخل من شافته .. وماكان مركز وايد على التلفون ومايعرف شو كان يقول ..
من بعد مادخلت منال وسكرت الستاير تحرك سهيل ورجع بيتهم وهو شال صورة منال في باله .. ووقفتها على الدريشه وشعرها الي كان يتطاير وراها بكل جراءه ..

نزلت منال تحت وهي ناسية سالفه السياره الي واقفه ورا بيتهم ..
من دخلت صبحت على امها وحمد الي كانو يالسين تحت ..بس لاحظة عليهم شي غريب ..
منال : خير حمد ..اشوفك اليوم ماسرت الدوام .. شو اجازه ..؟
حمد : لا والله مب اجازه .. بس ..تعايزت اليوم ..
منال : خير في شي ..؟
نوره : لا فديتج ولا شي ..
استغربت منال حالة امها نوره وحمد .. طالعت حمد بنظره تساؤل بس حمد لف عنها ولا كأنه شافها .. فهمت منال ان في السالفه انه .. لكنها فظلت تسكت دام انهم مايبون يخبرونها شي ..
منال : عيل وين ام نوره .. مانزلت ..
حمد : فاطمه راقده ..
نوره : البارحه جنه منال الصغيره مارقدت .. اسمع صايحها الين تحت واصل ..
حمد :مادري شو ياها .. فطيم تقول ان مافيها حليب ..والبنت مب طايعه ترضع المرضعه ..
منال : من جي ماداومت يعني .. اكيد سهران ويا فطيم كنت ..
حمد : تبين الصدق .. انا رقدت عنها عقب ماظهرت في الصاله .. ضقت من الحشره الي مسوينها ليل نهار ..
منال : انزين ليش ماوعيتوني بنش اسدها عنكم .. ورتاحو انتو شوي ..
حمد : مابغينا نغثج الغلا ..
نوره : لا ياحمد .. لعنبوه عيل انحن شو خانتنا ..انتو تباتون في عثره وانحن مرقدين .. انحن كلنا واحد في هالبيت وماباكم تستحون منا .. منال بتساعدكم وانا ولا تخلي كل شي على فطيم ..

حمد : والله الحرمه بنتكم ومااظني بتستحي منكن .. لو تبى مساعده بتقولكن مايهمكن ..

منال : انا بسير اشوف فطيم .. اسمحولي ..
نشت منال وطلعت فوق تشوف فطيم .. وعيون حمد ونوره عليها وترقبها لين طلعت عنهم ..

حمد : الوالده .. منو تتوقعين راعي السياره .. ؟
نوره : الله يعلم .. يمكن واحد مغلط والا واحد ماكان في وعيه فليل ووقف حذال بيتنا وخذته رقده ..
حمد : مادري الوالده .. بس انا فليل ماشفت هالسياره .. هذي الا الصبح ييت ..

نوره : لاتهتم ابويا .. تلقااه واحد من الرغد والا السكارا ويمكن سار الحين ..
حمد : على العموم انا خذت رقم سيارته .. ان شفته مره ثانيه ببلغ الشرطه واخليهم يشوفون شغلهم وياه ..

حمد ماقدر اليوم يداوم بعد ماشاف سيارة سهيل واقفه ورا بيتهم .. استغرب السياره وماعرف راعيها .. مشا حمد بسيارته وخذ لفه عالبيت علشان يتطمن .. ومر من حذال سيارة سهيل وهو فيها لكنه تم مكانه ماتحرك .. حس حمد بالريبه من هالسياره وراعيها وشو الي يسويه حذال بيتهم .. خذ رقم السياره ورد في البيت علشان يشوف شو نهاية امر هالسياره الي واقفه ورا بيتهم ..

نش حمد وظهر عن امه .. وخذ جوله عالبيت وتطمن على هله وان السياره تحركت ومش موجوده مكانها .. وعقب سار دوامه ..

&&&

ظهرو سهيل وهله شمال ويا خالتهم ام عبدالله وخالتهم ام عفرا .. الجو اليوم كان بارد .. والغيم في السما .. والجو مناسب للكشته ..

سارو لين وصلو السيح .. منطقه جبليه وفيها شير السمر .. والارض مغطايه بالحصا الصغير ..
وقفو سيارااتهم ونزلو الاهل كلهم .. سيارة سهيل فيها امه وابوه وخواته اليازي وشيخه ومحملين الريوق ورا والحصير والخضره ..
وقف سهيل الحرمات عطرف نزلو الاغراض ووقف سهيل يسلم على خالاته

ام عبدالله : شحالك سهيل ربك بخير ..؟
سهيل : بخير خالوه الحمدلله .. وانتو شحالكم عساكم مرتاحين ..؟
ام عبدالله : فديت روحك . انحن بخير يوم شفناكم وتواصلنا وياكم .. وين دارك عنا لا تي صوبنا ولا تسلم .. لعنبوه انا خالتك مايستوي تقطعنا جي ..
سهيل : فديت روحج خالوه اسمحيلي مشاغل الدنيا ماخذتنا ..وانحن مقصرين الصراحه ..
ام عفرا : لا فديتك مانعذرك .. جانك زعلان على خالتك ام عبدالله ولاتسير صوبها .. شو بلاك عليه انا .. ماتقول عندي خاله وبويها وبسلم على عيال خالتيه ..
سهيل وهو ضاق من لومهن ومعاياتهن : فديت خشمج خالوه تدرين انتي اني مااصبر عنكم وانشالله امر عليكم ونشوف محمد واخوانه ..

يلس سهيل ويا خالاته ويالله يالله تفجج منهن وركب سيارته وسار صوب الرياييل ..
كانن البنات شيخه واليازي وعفرا ورفيعه واقفت عطرف ويشوفن سهيل وهو واقف ويا خالاته .. كل البنات كانن واقفات ويراقبن رفيعه وردة فعلها يوم شافت سهيل .. حسن بعيونها ماتفارجه .. وفيهن نظرة ندم مع نظرة مكابره ..
رفيعه في خاطرها سهيل وخاصه انه شاب الكل يتمناه .. جميل وله هيبه وحضور وكان اطول واحد في العايله .. وشكله ماتقول منهم ..لانه مميز بينهم بسماره مع ملامح ويهه خشم طويل وحاجب عالي وعيون سودا وفيهن كل معالم الغموض .. جتوفه عريضه .. وعليه جسم رياضي ....

عفرا : علوم رفيعه .. ليش صخيتي من شفتي سهيل ..
رفيعه وهي رافعه خشمها فوق وماعيبها تعليق عفرا : انا اصخ من شفت سهيل ..!! ليش انشالله شو بياكلني هو ان رمست ..

عفرا : لا فديتج بس يمكن مالج عين تواجهينه ..عقب الي صار بينكم ..
رفيعه : اسمحيلي عفرا انتي غلطنه .. وانا وسهيل مابينا الا كل احترام وموده .. واحنا عيال خاله قبل كل شي .
اليازي : لو سمحتن لاتطرن سهيل .. ولاتخلنه موضوع لنقاشاتكن ..
شيخه : اوكي اوكي قفلو هالموضوع البايخ .. تعالن بنسير نتمشى ..

طلعن البنات مع بعض يتمشن وهن في طريقهن مرن على اهلهن من الرياييل والشباب الي فارشين تحت سمره عطرف بعيد عن الحرمات وسلمن عليهم ..

كان ابو سهيل وابو عبدالله وابو عفرا يالسين ويا عيالهم سهيل وعبدالله ومحمد واخوانهم ..

من شاف سهيل رفيعه يايه تمشي مع البنات صوبهم .. تم يطالعهن بكل برود ويشوف شكل رفيعه بينهن .. رفيعه بنت حلوه بيضا متوسطة الطول شعرها بني فاتح وسايح .. عيونها متوسطه وخشمها صغير وشفايفها رقيقه .. وكانت بنت يغلب عليها الضعف ..
سهيل .. ياربي .. كيف كنت اموت فيها واحبها .. والحين مااحس بشي ناحيتها ولا حتى مجرد احساس بالموده .. رفيعه جتلت كل احساس بداخلي كان يعنيها ..
كم احس ابها كيف انها انسانه باردة الاحاسيس وعيونها مب مريحه ..
تقربن البنات ووقفن يسلمن عليهم .. نشو كلهم وخذو سلامهن وقعدن يسولفن اشوي وياهم وعقب راحن ..
طول ماكانن واقفات كانت اعيون سهيل تحاول تدور شي في رفيعه كان هو يحبه .. عيونها شفايفها ضحكتها الي كان يموت عليها .. وين راحت هالاشاء ..!! وين راحت الرجفه الي تيني من اشوفج ..!! الشوق والوله والحب وين راح ..!! كيف مات وماعاد حته له بقايا حنين في داخليه ..!!؟
تضايق سهيل من نفسه ومن رفيعه ..وكره اللحضه الي كانت تجمعه ابها وكانو يتبادلون فيها الاعجاب والحب .. وقال في نفسه كانت سوالف يهال ..

اما رفيعه .. فحست ان الدم يفور في عروقها وايديها تعرق وتحاول تمسك نفسها وتكون طبيعيه بحضور سهيل ونظراته الي كانت بتذبحها ..
سهيل ماكان قاصد انه يناظرها بهالصوره والا انه مايشل عيونه عنها ..ولكنه كان يدور شي في رفيعه واكتشف في الاخير انها كانت لعبة القدر واحلام الطفوله البريأه الغبيه ..

رفيعه احساسها بحب سهيل كان يحسسها باللوم .. ورجعت تشوف سهيل شخص قوي ومتماسك واحسن عن اول .. حست بالندم كيف خلته وتخلت عنه في فترة ضعفه .. صدق كنت انسانه انانيه .. ليش ماصبرت يمكن كان بيتحسن نفس ماهو الحين .. تحسن وتغير ..
بس لالا .. مابخلي احساسي باللوم يخليني اشوف سهيل انسان طبيعي .. زين اني سويت جي عن لا ابتلي به طول العمر .. اصلا حتى الين اليوم الحادث مأثر عشكله ..
افكار رفيعه كانت متناقضه ومش مستقره .. المهم عندها انها ماتطلع غلطانه في الاخير فعلشان جذي كانت تبرر لنفسا كل تصرفاتها وترضى تفسها بتفسيراتها ..

الكل لاحظ نظرات سهيل لرفيعه وتوتر رفيعه وخجل اعيونها من سهيل ..
اما شيخه وعبدالله فكانو يكلمون بعض بلغة العيون وينتظرون اللحضه الي بيختلون فيها ببعض ..

بعد ما انقضى الوقت وتغدو ..طلعت شيخه مع عفرا يتمشن وتمت رفيعه يالسه مع اليازي عند الحرمات ولكن عطرف .. كل ثنتين يبن يسألن ويتخبرن عن شوقهن رفيعه وشيخه .. رفيعه كانت تبى تاخذ اخبار سهيل من اليازي ولو بدون ماتحس اليازي .. المهم ان رفيعه كانت تبى تشبع فضولها من ناحية سهيل وكيف هو عايش حياته الحين ..

رفيعه : ها يزوي شخبار الدراسه ؟
اليازي : الحمدلله زينه بس لو مفتكين من التاريخ والحفظ زين هههههههه
رفيعه : بالعكس اليازي التاريخ وايد حلو من تحفظينه وتدرسينه زين .. واذا تحسين أي شي صعب عليج انا حاضره بدرسج الي ماتفهمينه .. هههههه
اليازي حست باللؤم في كلام رفيعه بس طنشت : مشكوره فديتج .. بس سهيل وشيخه يساعدوني ان بغيت شي ..
رفيعه حبت تنتهز الفرصه من ذكرة اليازي اسم سهيل ..
رفيعه : وهو سهيل فاضي يفهمج اكيد انه ماييلس في البيت مثل كل الشباب ..
اليازي : لا فديته سهيل مايظهر من البيت وايد .. اللهم ان ظهر لشغله والا عند ربعه شوي ورد ..
رفيعه : ليش هو مايقدر يسوق والا مانعينه الدكاتره من الطلعه ..
اليازي مستغربه : وليش يمنعونه ..!! سهيل مافيه شي .. هو بخير .. وبعدين سهيل يسوق عدل يعني سهيل ماعنده مشكله من هالناحيه وعادي يسير وايي مثل غيره ..

رفيعه : اها .. لا بس كنت افتكر ان الحادث مازال مأثر عليه ..وو
اليازي : لا فديتج ..غلطانه .. سهيل الحين احسن عن اول وهكو جدامج ترومين تشوفين هالشي بعينج ..
كانت اسئلة رفيعه تقهر اليازي ومب عاجبتنها وكانت تحسس من ذكر اخوها سهيل بهالصوره فحبت تقفل الموضوع مع رفيعه .. وعلشان تقهرها وتسكتها قررت اليازي تقولها عن خطبة سهيل ..
اليازي : والدليل على هذا ان سهيل اختارله بنيه وبيخطبها جريب .. وهو متخبل عليها ..ووده يخطبونها اليوم قبل باجر ويعرسون بسرعه ..

من سمعت رفيعه هالخبر حست بالغيره تاكل منها وبدت اعيونها تتحارق من حرقة الدموع والضيقه ..
رفيعه : ومنو هذي الي سهيل اختارها .. ؟ هاا
اليازي : وحده بنت عرب .. وتشرف الواحد يخطبها ..
رفيعه وهي تحاول ماتبين ضيقتها لليازي : مبروك عليه ..
نشت رفيعه عن اليازي والغيره والغيض مسيطرات عليها .. وعيونها تروح وترد على سهيل الي يالس ويا ابوها وابوه وريل خالتها ..

هالوقت كانت شيخه واقفه ترمس ويا عبدالله وهم يتمشون ويا بعض وعفرا واقفه بعيد عنهم وتترياهم يخلصون عسب يردن شيخه وعفرا لاهلهم ..

شيخه : يالله عبدالله ردينا .. اخاف ينتبهون لغيابنا والا سهيل يظهر يتمشى ويشوفنا ..
عبدالله : انزين صبري بعدني ماشبعت من شوفج .. توني الا اشوف اعيونج ..
شيخه وهي تنزل عيونها لتحت وترد تطالع بقلق حوالين المكان وتشوف عفرا الي واقفه تأشر عليها وتقولها يالله ردينا ..

شيخه : انزين اوكي بنتمشى لين عفرا على الاقل بنكون في امن اكثر لو شافوها ويانا ..
عبدالله : اوكي حبيبي الي تشوفينه ..
مسك عبدالله ايد شيخه ومشو صوب عفرا الي تترياهم ..

كانت شيخه تمشى ويا عبدالله والرعب في قلبها لكن ايد عبدالله الي ماسكه ايدها نستها الدنيا بالي فيها .. شيخه تحس بجراءة عبدالله واظهاره لحبه الها جدام الكل .. وكانت تحس بخقه وانها محظوظه بين البنات بعبدالله والحب الي يكنه الها ..

وصلو عند عفرا .. من شافتهم عفرا سارت صوبهم وفي عيونها نظرات غريبه ناحية عبدالله وشيخه ..
وقفت عفرا جدامهم : دخيلكم مب وقت رومانسيات انتو مب رواحكم .. ردينا احسن من ان حد يشوفنا ..
شيخه : ههههههه انشالله عموه عفرا يالله جدامنا ..
عفرا : اسمحيلي بنت الخاله .. انتي جدامي وعبدالله يالله مع السلامه هههههههه
عبدالله : عفروه خلي بالج على الشيوخ .. ماوصيج ..
طالعتهم عفرا بنفاد صبر : انشالله عمي .. مايهمك ..
شيخه : عفروه اصطلبي ورمسينا عدل ..
عفرا : انزين بس عاد خلصوني ويالله بنا ردينا ..

الوضع كان مربك عفرا من جي كانت مب طايقه تصبر وياهم في هالمكان .. ومن ناحيه ثانيه كانت حاسده شيخه على عبدالله .. وحاسدتنهم على حبهم والغيره صابتها من هالشي ..
من جذي مابغت تهني عليهم باليلسه واستعيلتهم ..

سهيل كان يسولف ويا محمد ولد خالته ومب منتبه لرفيعه الي كانت يالسه عند امها وخالتها ام سهيل وبتنفجر مكانها من كثر ماهي متحسفه على سهيل وميته غيره عليه ..

كانت تتحرقص مكانها وخاطرها تروح لسهيل وتقوله انه مايحقله يسير يخطب ويدور غيرها ..
رفيعه من عقب سهيل ماتجدم الها حد رغم انها كانت تنتظر أي حد يتجدم الها وتوافق بس علشان مايقولون انها ابطت عقب سهيل وماعرست ..
ولكن طال انتظارها ولا حد ياصوبها يخطب .. نصيبها ماحان وقته .. لكن هالشي كان يسبب الها ضيقه وخاصه ان سهيل بيخطب وبيعرس وهي لا ..
ومن ناحيه ثانيه ردت تبى تتمسك بسهيل بعد ماعرفت انه بيخطب غيرها ...

يلست رفيعه تتحرى أي لحضه مناسبه علشان تقدر ترمس سهيل وتحنن قلبه عليها .. ويرجع يحبها من اول ..
وهالفرصه ماتأخرت .. يت بسرعه .. وشافت رفيعه سهيل ناش وسار صوب سيارته وهو شال تلفونه ويرمس فيه .. ركب سيارته وتم يرمس ربيعه سالم ..

ماحس سهيل الا بالباب الي يتبطل من الطرف الثاني من جدام .. وشاف رفيعه واقفه عالباب وتطالعه بعيونها وفيهن خوف وترجي وشي مايعرفه ..
خاف سهيل من منظرها ووجودها عنده بهالطريقه .. تلفت سهيل حواليه خوف من ان حد يشوفها عنده .. وكانت سيارته مخفي ..
رفيعه : سهيل ممكن ارمسك اشوي ..
سهيل وبحيره : خير رفيعه شو هناك ..؟

كلام سهيل نزل بارد مثل الثلج عليها ولاكأنها في يوم كانت حبيبته والا ان كان بينهم حب ونيه بالزواج .. حست رفيعه ان كرامتها منجرحه وطريقه سهيل في معاملتها فيها اهانه الها .. لكنها تجاهلت كل شي وتحملت علشان في الاخير توصل للي تباه ..

بدون ماتعطي رفيعه سهيل أي مجال ركبة حذاله في السيره وسكرت الباب ..
تمت يالسه شوي تفكر ومرتبكه وتحاول تجمع افكارها ..
سهيل خاف من حركة رفيعه وخاف ان حد شافها وهي تركب عنده .. تم يطالع حواليه ومب عارف شو يسوي ابها ..!!
سهيل : شو تسوين يابنت الحلال ينيتي .. يمكن حد شافج وانتي تركبين ..
رفيعه وهي تحاول تستعطف سهيل : سهيل خلاص انا مااقدر اتحمل ..
تمت رفيعه تظهر الحزن لسهيل وتحاول تمسك دموعها ..
سهيل بضيقه : لا اله الا الله .. وشو الي مب قادره تستحملينه ..؟
رفيعه رفعت نظرها لسهيل وطالعته بترجي ..
رفيعه : سهيل معقوله كل شي كان بينا ينتهي بهالسهوله .. وين حبنا .. ووين لهفتك عليه .. وين راحت .. ليش مااحسبها الحين مثل اول ..؟
تم سهيل يطالع رفيعه بستغراب ويحاول يستوعب كلامها وهل هو الي المفروض يوجهوله هالاسئله ..
سهيل : اسمحيلي بنت الخاله .. هالكلام لي انا ..!!
تم سهيل يطالع رفيعه وهو رافع حواجبه بستهزاء ومب طايق اسلوبها وكلامها له ..
رفيعه : سهيل الله يخليك حاول تحس بي .. انا مااقدر على بعدك .. ليتنا نرجع مثل اول .. ومحد منا يخسر الثاني ..
سهيل حس ان رفيعه تبى ترجع له باي طريقه .. ماعرف شو يقولها وكيف يتعامل معاها .. حس انها تلعب لعبه من الاعيبها .. لكنه الحين هو يعرفها زين ويعرف الجوهر الصافي من الجوهر المزيف الي يبرق في عيون رفيعه وكلامها ..
تذكر منال وصوتها ورقتها وعيونها .. ابتسم في داخله وارتاح وحس بالرضى ان في انسانه ثانيه عاقد الامل عليها وتسبب له راحه نفسيه عمره ماحسبها ناحية رفيعه ..

سهيل التفت لرفيعه وهو يحاول يفهمها وضعهم بهدوء ..
سهيل : رفيعه ..
رفيعه : لبيه ياعيون وقلب رفيعه ..
تلخبط سهيل وحس ان رفيعه متهوره وحاطه امل وايد في رجوعها له .. يعني الموضوع بيكون صعب ان رفيعه تتقبله .. لكنه بيحاول ..
سهيل : رفيعه الغاليه .. لاتلوميني اليوم على الوضع الي وصلناله انا وانتي ولا تنسين ان هذا كان قرارج .. انا تقبلت انفصالج عني وتركج لي بصعوبه ذاك الوقت .. وانتي ماحسيتي بي وبردة فعلي من سمعت قرارج .. هذا اليوم انتي تلوميني .. لكن عشوه انا مادري ..!! شو الي سويته لج واذاج واستحق منه هاللوم ..!!؟ ها يارفيعه ..؟ شو ..؟

رفيعه تمت ساكته وماكانت متوقعه انها بتلقى هالجمود من سهيل .. كانت تتوقع انه بعده مثل ماتحيده قلبه يذوب فيها وماله شور غير شورها ..
رفيعه : سهيل انا اطلب منك فرصه ثانيه .. وانا اسفه على الي سببته لك .. وانا متأكده من طيبة قلبك وحبك لي .. واكيد اني مااهون عليك .. صح سهيل ..؟
سهيل وهو يضحك على القدر في خاطره .. وفي نفس الوقت حس ان القدر بدا يكون عادل معاه ..
سهيل : رفيعه الغاليه .. اسمحيلي يمكن في الماضي كنتي تعنين لي شي كبير .. لكني اليوم وبعد هالمده كلها وجرحج لي .. احاول ادور ولو ذكرى لمكانج الي كان في قلبي .. لكني ماالقا شي غير ماضي كان اللعب فيه اكثر من الجد ..
وصدقيني انا الحين مب زعلان منج بالعكس اشكرج على قرارج الي انها الي كان بينا .. وممنون لج طول عمري لهذا القرار الصح ..

ابتسم سهيل وطالع رفيعه بنظرات المنتصر .. حست رفيعه ان ودها الارض تنشق وتبلعها ولاتشوف جدامها سهيل بهالصوره القاسيه .. وتشوف جدامها شخص عمرها ماعرفته من قبل ..
رفيعه وهي فاجه عيونها في سهيل بستغراب وحزن ..
رفيعه : انته وايد تغيرة ياسهيل .. مب انته ولد خالوتي حبيبي الي كنت اعرفه .. لا انته واحد ثاني ..
سهيل وهو يبتسم : صح انا واحد ثاني .. مب هو هذاك المسكين الي كنتي تلعبين عليه وتستغلينه .. انا الحين كشفت قناعج وعرفتج زين .. وماعاد شي فيج يأثر فيه ..
رفيعه : خلاص سهيل .. دخيلك خلاص .. ماتحمل كلامك هذا .. احسبه مثل السجاجين الي تقطع قلبي ..
سهيل : حسي يارفيعه و ذوقي من المر الي ذوقتيني اياه .. وبالعافيه عليج يابت خالتيه ..

ماقدرة رفيعه تستحمل كلام اكثر من جي .. فجت باب السياره ونزلت مسرعه ودموعها تنزل من اعيونها وتحرق اخدودها من لهيبهن ..

يلس سهيل في السياره وهو يتنفس بروح يديده .. روح استعادة ثقتها بنفسها وكرامتها ..
الحين اقدر اشق طريقي بثقه واحس بقيمة نفسي واعزها واقدرها نفس قبل ..

لالي...

28-02-2006, 01:03

¤ّ,¸¸,ّ¤؛°`°؛¤ الـجزء الــخــامـس عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

جفني جفا نوم اليالي ... متصوب والقلب مسجون
يضويني طيفه في خيالي ... واسري مع الاشواق مطعون
كل ماضوى ليلي طرالي ... غر جميل وباهي اللون

سهيل .. عرف كيف يداوي جرحه من عقب رفيعه بحب ثاني اسمى واطهر من علاقته الجديمه ..
وماباقي الا منال تشعر بهالحب وتحرك مشاعرها ناحية سهيل ..
تعودة منال على الوحده وحياة الحرمان .. ولكنها كأي بنت تتمنى تكون اسره وتعيش وسط زوج يحبها ويرعاها وتشوف اعيالها جدامها يكبرون وتهتم ابهم وترعاهم ..
ولكن تظل هالامور مجر اماني لين مايصير شي يحولها لحقيقه .. فهل شعور منال الي يطلب الاستقرار بيخليها تتنازل عن ماضيها وتقبل بحياه يديده تبي تظهر لنور .. وبحب جديد .!.!؟

طلع سهيل ومعاه ابوه واخوه سعيد وعمه مطر يبون بيت نوره علشان يخطبون منال لسهيل ..
سهيل كان خايف من الياي ومب عارف شو بيكون رد هالعرب عليه وهل بيقبلوبه عريس لبنتهم او يرفضونه ويكسرون قلبه بقرارهم ..!!
كان يدعاا ويطلب من الله ان الله يوفقه وينوله مراده .. ويعطيه نصيب في منال ومايبى شي من الدنيا عقب هالشي ..
سهيل رتب اموره مع حمد واتصلبه وحدد معاه موعد ولمحله على الموضوع .. وطبعا حمد رحببهم وبيكرمهم وبيقوم بواجبه وبيفهم الموضوع منهم اكثر بعد ماايون عنده ..

حمد : الوالده العرب الي بيونا اليوم خاطرهم يخطبون عندنا ..
نوره وهي متفاجأه : بيخطبون منو ..؟
حمد يبتسم لامه : منو غير منال ..
نوره وهي تفكر بالموضوع اكثر : ومنو هالعرب .. ؟
حمد : والله يالوالده مااعرفهم عدل لكني اسمع ابهم وولدهم تعرفت عليه من المستشفى يوم تربي فطيم ..
نوره : وهو الي بيخطب منال ..؟
حمد : هيه نعم .. لانه هو الي رمسني وبلغني بهالشي ..
نوره ماابدت اي خاطر للموضوع وكأنها رافضه فكرة زواج منال ومن ناحيه ثانيه حتى لو تنخطب منال نوره متردده من هالفكره ولو انها تبى لمنال الاستقرار .. لكنها كانت تباها لحد تعرفه ومايكون غريب عنهم .. لكن ان كان هذا نصيبها .فما تقدر تغيره .. وخاصه ان محد من اهلهم تقرب لمنال وخطبها ..

نوره : والله مادري ياحمد .. واليوم هم ناوين يخطبون ..؟
حمد : هيه لان الريال يايب هله وياه وعطونا خبر علشان يرتبون للموضوع من قبل ..
نوره : يامرحبابهم .. من يخطبون هم عقب انشالله بنسأل عنهم وبنعطيهم خبر .. والحين انته قولهم يعطونا فرصه نفكر ونردلهم خبر ..
حمد : على خير الوالده انا ساير الميلس وخليهم يزهبون الميلس ويحطون الفواله ..

ظهر حمد صوب الميلس ونزلت منال ويا فطيم في الصاله وشالين منوله الصغيره ونوره الصغيره وياهم وعلايا ..
نوره : هلا والله ملايين ولا يسدن .. فديت من ياني ..
منال : هههههههههه هذا كله حقي وايه فديتج انا يامايا ..
فاطمه : هههههههههه وين تبين انتي بعد .. هذا حقي انا وبناتي ..
ربعت نوره الصغيره ولوت على امها نوره وعلايا تمت ماسكه في منال ..
نوره : هههههههههه فديتكن ياربي ..

يلسن فطيم ومنال عند نوره وقعدن يسولفن ويا البنات وعقل نوره ماكان وياهن مول .. طول الوقت تناظر منال بنظرات وحز في خاطرها ان منال ممكن تسير عنها وبتكون هاي اللحضه الي تحسبها اي ام عند فراق بنتها عنها .. وتألمت من هالفكره ..

منال وهي تطالع من الدريشه السيارات الي دشن بيتهم .
منال : امي جنا العرب الي يايين لحمد يو ..
نوره : مرحبابهم ..
فاطمه : بيتعشون عندنا ..؟
نوره : اكيد حمد مابيخليهم يسيرون قبل مايتعشون ..
منال : اول مره اشوف سياراتهم ماكد يونا هالعرب صح امي .؟
نوره : هي نعم .. ها عرب متعرف عليه حمد جريب ..

كانت نوره تجاوب على تسؤلات فطيم ومنال وهي تحاول ماتبين الهن كل شي .. وعلى الاقل لين يرتبون الموضوع وعقب يشاورون منال فيه ..

منال : انا بسير اشوف الخدامات شو حطو للميلس فواله ..
فاطمه : هالله هالله فيهم جاد يايين يخطبونج بيضي الويه واكرميهم هههههههههه
منال وهي تلتفت عفطيم وتغمزالها : اذا جي مابظهر من المطبخ لين يسيرون كل شوي بسويلهم شي وبطرشه الهم هههههههههه
فاطمه : هههههههه اخافج الا تبين تمعدينهم من العيشه وتطفرينهم ..
منال : لالا مايهون عليه زوج المستقبل ههههههههههه
نوره : هههههههههه وجانه طلع صدق وطلع خطاطيب .. تبينهم ..؟

وقفت منال وصخت ويلست تفكر وهي تحوس الفكره في بالها .. ونوره تطالعها وتتريا ردة فعلها ..
ابتسمت منال : اذا طلعو خطاطيب ... شوري عندج اذا بغيتي تيوزيني يوزيني وجانج مابغيتي انا راضيه ..
نوره : عيل سيري طالعي الفواله للخطاطيب ههههههههههه
منال وهي ترمس امها بكل جديه : لا يكون صدق خطاطيب ..؟
نوره وماتبى تصرح بالموضوع : مايندرابهم .. !!
فاطمه : يالله عموه .. شكلج تعرفين بس ماتبين تخبرينا ..
نوره وهي تطالع منال : مب اكيد بعدهم العرب مارمسو بس لمحو .. وبييكن الخبر لا تستعيلن ..

تمت منال واقفه وتطالعهن وانسدت نفسها عن كل شي .. ومالقت كلام تقوله .. وحست بجسمها كله يرتجف .. ورغبات تتنازع بداخلها .. فرحه .. حزن .. خوف .. مستقبل مجهول .. ماضي غالي .. وفا .. حب .. وحرمان .. .. منال .. معقوله انخطب بعد هالفتره كلها .. ويدخل حياتي انسان غير فيصل .. كيف بعيش وياه .. ؟ وكيف بملكه نفسي وانا ملك انسان ثاني ..!! ملك فيصل .. بس وينه فيصل .. وشو هالحياه الي عليه اعيشها من عقبه .. معقوله انا ارضى اغير مجرى حياتي .. انا تعودة على هالعيشه .. ومابى اغيرها ..وان انخطبة هذا مايعني اني اوافق وانخطب بعد فيصل .. القرار بيدي انا ..

فاطمه : الله اييب الي فيه الخير والي فيه سعادة منال انشالله ..
طالعتهن منال بهدوء وفي عيونها كل افكارها وكأن نوره فهمتها .. التفت منال وسارت عنهن وطلعت حجرتها بدون ماتقولهن شي .. وقلبها يدق بسرعه وتقول في خاطرها انشالله مايطلعون خطاطيب .. ماابى هالشي يصير .. مااباه ..

بعد ماسارو سهيل وهله عن حمد .. دخل حمد على اهله ولقى امه نوره وفطيم يالسات في الميلس والبنات كانن في غرفتهن نايمات بعد ماتعشن ..
حدر حمد ويلس حذال امه نوره وهو يطالع منال الصغيره الي نايمه جدامها ..
نوره : ها حمد شو اخبارك عن عربك الي كانو عندك ..؟
حمد : والله يسرج حالهم .. ومثل ماخبرتج العرب يايين يخطبون منال ..
نوره : اباك تتخبر عنهم وعن الريال زين .. وعقب ان شفناهم عرب زينين والريال ماعليه كلام بنشاور منال عليه وعقب يسيرون يخطبونها من ابوها ..
حمد : هذا الي بيصير انشالله ..
فاطمه : انزين ومبدأيا شو رايك عن الريال ..؟
حمد : بصراحه .. الريال والنعم فيه .. ماعليه كلام وانا اشوفه وايد مناسب لمنال .. بس بعده لازم نتخبر عنه ونعرف عنه كل شي ..
فاطمه : انشالله يطلع مثل ماقلت ومادري ليش احس انه هذا نصيب منال ..
نوره : الله يكتبلها الخير فيه انشالله ..
حمد : ووين منال عيل ..؟
فاطمه : منال من سمعت بالخبر طلعت حجرتها ومانزلت منها لين الحين ..
حمد : طفربها هالمعرس اشوف هههههههههه
نوره : فديتها ضربها حفوز حته العشا ماتعشت ..
حمد : انا بسير اشوفها .. حاس انها خايفه من طاري المعرس وبسير ارمسها شوي ..
نوره : زين تسوي ..

نش حمد عن امه وحرمته وسار فوق عند منال .. وصل غرفتها ودق الباب عليها .. منال كانت يالسه طول الوقت على الكرسي ومتسمره مكانها لاتروم تروح ولا تي ولا تتحرك في الحجره .. فيها حفوز وفكرة الخطبه مخوفتنها ..
منال سمعت الدق ونشت بدون حاسيه فجت الباب وشافت حمد في ويها ويبتسم الها ..
منال تبتسم وتحاول تخفي ارتباكها : مرحبا حمد تفضل ..
فجت منال الباب وحدر حمد داخل ..
حمد : مرحبا الغلا .. علومج ..
حدر حمد داخل الحجره وسار يلس على الكنبه وزقر منال تي تيلس قباله عالكرسي ..
منال وهي تحاول تخفي الي مابها : والله الحمدلله تمام ..
حمد : ليش ماتعشيتي تحت ويا امي وفطيم ..؟
منال : مااشتهيته .. لاني ماكله المغرب ..
حمد : هممم ماكله المغرب والا سامعه شي وتفكرين فيه ..؟؟!!
منال وهي مب عارفه كيف تتهرب من عيون حمد : يعني ..
حمد : وهالشي الي سمعتيه مضايقنج .. والا مفرحنج ..؟
منال : همممم مادري .. احس كل شي عادي ..
حمد : شوفي منال .. شي عادي ان البنت تنخطب .. وايونها العرسان .. ومب لازم يأثر فيج هالشي .. انحن لين الحين ماسألنا على المعرس ولانعرف عنه شي .. بس ولو طلع ريال زين ومافيه عيب يبقى القرار الاول والاخير لج .. محد بيقول رايه في الموضوع الى عقب رايج ..

منال : ولو انا ماابى هالريال ومن الحين اقولكم لاتسئلون عنه ولا تتخبرون وردوهم من الحين ..
حمد : وعلى اي اساس تبينا نردهم ..؟ يمكن ربج كاتبلج الخيره فيه .. ف مب زين ترفسين النعمه وهي يايتنج .. انا بسأل وعقب انتي فكري في الموضوع .. يعني لاتتعبين عمرج من الحين تفكير ..
منال وهي تتنهد : على خير انشالله ..
حمد : منال ..
منال : لبيه ..
حمد : اتمنى ان هالريال يكون من نصيبج لاني وايد مرتاحله ومن عرفته وهو داش خاطريه ..
منال وعيونها تحت : مااعرف انته كيف تبى تيوزني لواحد عقب فيصل ..
منال تمت العبره خانقتنها ومب قادره تكمل كلامها ..
حمد وهو يتذكر فيصل : منال انا لو مااحبج مابخليج تاخذين حد عقب فيصل .. ولان فيصل اخويه انا احس بمسؤوليه ناحيتج والله يعلم بي كيف افكر فيج وشال همج .. ولا تتخيلين ان سهل عليه اعطي حد حرمة اخويه .. لكن مب من حقي احرمج تعيشين حياتج .. لان اخويا توفا .. وانتي بعدج عايشه وماشفتي شي من الدنيا ..
وصدقيني يامنال مستحيل اعطيج لاي حد .. الا اذا كان يستاهلج ..

مسك حمد كلينكس وعطاه منال تمسح دموعها .. خذت منال منه الكلينكس و مسحت ادموعها وحمد يطالعها ..
حمد : منال والله انج غاليه ومايهون عليه اشوفج اتصيحين .. بس هالعيون دموع وبسج من الهموم ..
ماقدرة منال ترد على حمد ولا قدرة ترفع عيونها فيه .. نش حمد عنها وظهر وهو يوصيها انها ترقد ولا تفكر في شي لين مايرد عليها هو ويشاورها مره ثانيه في المعرس ..

ماقدرة منال ترقد ذيج الليله من التفكير .. ولا قدر سهيل يرقد وهو يتخيل ويه منال وانه اخيار خطبها .. وحاط ايده على قلبه ينتظر ردهم بفارغ الصبر ..

في بيت رفيعه .. كانت رفيعه كل يوم تستعيد احداث نقاشها مع سهيل وتصيحه وتتندم على الي وصلو له من بعد الحب الكبير الي كان بينهم وغبائها بقرار الانفصال ..
مادري يارفيعه لين شو بيوصلج غرورج .. ضيعتي سهيل من ايدج .. ومحاولتج ترجعينه لج طلعت فاشله .. وسهيل الحين راح وخطب وفكر في غيرج .. ليش خربت على نفسي كل شي .. ليش ضيعت سهيل من ايديه ..

دخل عبدالله اخو رفيعه عليها ولقاها يهمومها وحسرتها ويالسه تلوم نفسها ..
عبدالله : رفوع .. قومي سيري بتتغدين من ساعه امي تطرش عليج وانتي مب طايعه تنزلين ..
رفيعه وهي ترفع عيونها لعبدالله والحزن فيهن : مااشتهيه ياعبدالله ..
عبدالله : شو ماتشتهينه ..!! علشان خاطري امي نزلي وتغدي وياها .. لعنبوه سوي مشان امج ..
رفيعه : انشالله ياعبدالله .. بنزل علشان خاطر امي .. ولو اني مالي رغبه للعيشه ..
عبدالله : شو بلاج انتي من فتره وانتي على حالج هذا .. خير رفوع ..شو بلاج ..؟
رفيعه : ماشي فديتك لاتستهم ..
عبدالله : لا والله ان فيج شي .. شو فيج ..؟
رفيعه : عبدالله الي فيه شي خاص بيي مااقدر اقولك عليه ..
عبداله وهو يفكر : يعني سوالف بنات ..؟
رفيعه : هي .. سوالف بنات ..
عبدالله : خلاص عيل كيفج .. قومي تغدي ولاتتعبين امي عليج من سوالف ماترزاا ..

نزلت رفوع عند امها تتغدا وسار عبدالله حجرته .. نزلت رفيعه تحت ويلست عالغدا ويا امها وخواتها ..
ام عبدالله : زين يوم نزلتي .. لعنبوه بتموتين انتي يوع في حجرتج ومحد بيدريبج ..
عايشه اخت رفيعه : من كم يوم مانزلتي .. مايرزا عليج سهيل بتجتلين عمرج علشانه ..
رفيعه : عويش خلاص ..
ام عبدالله : رفوع .. شو هالرمسه .. صدق انتي مسويه بعمرج جي عسبة سهيل ولد خالتج ..؟
رفيعه : لا امي عويش تخرف من عندها .. وليش اسوي بعمري جي .. انا اصلا الي مابغيته ..
عايشه : كنت اتحسب هالسبب ..
رفيعه : لا فديتج لا سهيل ولا عشره من امثاله بيهزون شعره فيه ..
ام عبدالله : انتي الي فرطي عمرج من ولد خالتج .. وخليتيه للغرب ياخذونه ..
رفيعه : شو امي كنتي تبيني اخذ واحد بنص عقله .. وظاهر من الموت مايعرف حد .. و يباله حد يحاضيه ويرعاه طول الوقت ..
ام عبدالله : وابويا عليج .. هكوه الريال مافيه شي .. الا انتي تسمعتي لخراريف العرب عنه وربيعاتج وصدقتيهم وربعتي تفجين خطبتكم ..
رفيعه : خلاص امي الي صار صار .. وسهيل مابيرجع لي وانتو تعيدون وتزيدون بهالرمسه ..
عايشه : يعني انتي خلاص الحين مب خاطرج فيه ومش ندمانه على الي سويتيه قبل .. والا راجعتي نفسج وندمتي عقب ماخطب سهيل ؟
رفيعه وهي تغبي ندمها : هذي قسمه ونصيب .. وانا ماافكر فيه الحين ..

كلام رفيعه مااقنع عايشه وامها لانهن كانن يشوفن في عيون رفيعه رغبتها في سهيل وندمها على خسارته رغم الي تظهره في كلامها من عدم اكتراثها بالموضوع وعدم رغبتها في سهيل .. وهالشي مناقض لحالها وانعزالها والتعب الي ظاهر عويها ونفسيتها وعدم رغبتها للاكل ..

في بيت سهيل كان سهيل ظاهر مع ربعه .. واليازي وشيخه يالسات يطالعن التلفزيون وامهن وابوهن سايرين مع سعيد يسلمون على عمهم وحرمته ..
رن التلفون في الصاله وكانت شيخه تتريا اتصال عبدالله .. ربعت للتلفون وشلته .. وهي ترمس عبدالله بصوت واطي ..
شيخه : هلا والله ..
عبدالله : شحالج الغلا ..؟
شيخه : بنعمه الحمدلله وانت شحالك ..؟
عبدالله : من سمعت هالصوت انا الحين بس بخير .. ومتوله عليج الغلا..
شيخه : وانا بعد ..
عبدالله : فديت هالصوت ياربي .. ليش ماتتصلين يوم انتي تتولهين عليه مثل ماتقولين ..؟
شيخه : تعرف انته .. اخاف اتصل وتكون عند اهلك ويشوفون الرقم ..
عبدالله : ههههههههه وشو عليج منهم .. خطيبه وتتصل لخطيبها ..
شيخه : يوم بيكون كل شي رسمي ذيج الساعه بتصلك وبنقع تيلفونك وماعليه من حد ..
عبدالله : افااا .. وليش انتي مب معترفه بخطبتنا لين الحين ههههههههه
شيخه : يسلام عليك ياعبدالله .. وتسمي كلام من كنا اعدادي كلام خطبه وشي رسمي ..!!
عبدالله : المهم ان كلهم يدرون ويعرفون انج اليه .. وهذا اهم شي ..
شيخه : صح هذا اهم شي .. بس مايعطينا مطلق الحريه نتصرف مثل اي خطيبين ولو اهلي واهلك يعرفون بس بعد لو سويتو خطبه بيكون اريح النا اكثر ههههههه
عبدالله : انا اشوف اننا نسوي عرس ولانطول السالفه بخطوبه وخرابيط ووله وشوق ماله داعي ههههههه
شيخه بخجل : انزين سو ومنو رادنك ..
عبدالله : ههههههههههه خلاص عيل شكلج عطيتيني الليت الاخضر .. امبوني اترياج تخلصين هالسنه وعقب العرس ..
شيخه : مول شكلك ماصدقت انته هههههههههه
عبدالله : فديت هالضحكه ..
تمت شيخه ساكته وتم عبدالله ساكت ..
عبدالله : شيخه .. اباج ترمسين رفيعه وتطمنيني عليها ..
شيخه : ليش عبدالله .. ورفوع شو بلاها ..؟
عبدالله : والله مادري تخبرتها وماطاعت تخبرني .. بس هي من كم يوم منجلب حالها ولا تنزل من حجرتها ولا تاكل ولا ترمس حد ..
شيخه : وماحاولتو تعرفون شو فيها ..؟
عبدالله : ماقالت شي .. غير سوالف بنات .. وهالسالفه مب داشه مزاجي ..
شيخه : خلاص عيل انا بسكر عنك برمسها الحين وبرد اطمنك عليها انشالله ..
عبدالله : تمام الغلا .. اتريا تلفونج ..

من سكرت شيخه عن عبدالله اتصلت لبيت خالتها وطلبت رفيعه .. رفيعه كانت فوق .. وحولولها التلفون في الصاله فوق وزقرتها العاش .. من درت رفيعه ان شيخه على التلفون نشت عطول وردة عليها ..
شيخه : ها رفوع شو هالدلع الي فيج هاليومين ..؟ترا انا توصلني الاخبار اول بول هههههههه
رفيعه : محد غير عبدالله طبعا خبرج ..
شيخه : فديته والله ومنو غيره يعني ههههههههه
رفيعه : اااااااه ياشيخه .. تحبين عبدالله ..؟
شيخه : شو هالسوأل التافهه هههههههههه لا مااحبه ويا ويهج ..
رفيعه : حظكم والله .. مادري ليش انا ركبني النحس جي رغم اني كنت مثلكم واكثر مع سهيل ..
شيخه : رفوع انتي بعدج تتذكرين ايامج مع سهيل ..؟
رفيعه : ومعقوله انسى هالايام ياشيخه .. هاي ايام عمري وطفولتيه كلها ..حزء من حياتي مستحيل انساه ..
شيخه : وليش هدمتيه يوم انتي تبينه ..؟
رفيعه : غصبن عني ياشيخه .. كلام الناس هو الي خلاني اتصرف جي ..
شيخه : لو كنتي تحبينه ماكنتي بتتسمعين للناس وسوالفهم ..
رفيعه : الي صار صار ياشيخه .. لاتلوميني ..
شيخه : الحين ابى اعرف شو الي مضايقنج ومخلنج جي ..؟
رفيعه : مادري ياشيخه .. من عرفت ان سهيل خطب وبيعرس وانا مب في حاله .. وبموت من فكرة ان سهيل بيعرس وبيكون لوحده غيري ..
شيخه : مب انتي الي خليتيه يسير عنج ويدور غيرج .. لاتلومينه الحين .. مسيره كان في يوم بيخطب وبيعرس بوحده غيرج ..
رفيعه : شيخه انا ابى سهيل لين الحين .. بس شو اسوي علشان ارجعه اليه .. مااقدر اتخيل انته بياخذ وحده غيري .. بموت ..
شيخه : والله احس انج بتحملينا هم من افكارج هاي ومشاعرج المتقلبه .. سهيل يبى هالبنت الي خطبها ومااعتقد بيغير قراره وبيرجعلج ..
رفيعه وهالكلام يذبحها : لاتقولين هالكلام ياشيخه .. خليني اعيش على الامل .. يمكن يصير شي ويرجعلي سهيل ..
شيخه : انا افضل انج ماتعيشين عمرج على اوهام .. سهيل خلاص بيعرس وبيشوف حياتك وانتي تقبلي هالشي ..
تمت ادموع رفيعه تنزل من اعيونها وتحاول تكتم العبره عن ماتسمعها شيخه .. لكن شيخه حست بدموع رفيعه وقلبها يتقطع على حالها .. سكرت عنها وخلتها تذرف ادموعها على راحتها ..

من سكرت شيخه عن رفيعه اتصلت بعبدالله وهي حيرانه ومب عارفه شو تقوله عن رفيعه والا كيف عبدالله بيتقبل هالاخبار ..
شيخه : عبدالله بقولك شو سالفه رفيعه بس اباك تتقبل الموضوع وتفهمه بعقل ..
عبدالله وبفضول : مايهمج ..بس خبريني شو بلاها رفوع ..
شيخه : رفيعه تحن لسهيل و شكلها ندمانه انها خلته وسار هو خطب غيرها ..
عبدالله بضيق : شو هي تلعب .. مره تباه ومره ماتباه ..؟
شيخه : عبدالله فديتك البنت ماتنلام .. الظروف الي رفضة فيهن سهيل اخويه كانن صعبات .. والحين هي راجعت عمرها وندمت على قرارها ..
عبدالله : ولازم تتحمل نتيجة قرارها مهما تكون .. واذا سهيل خطب وبيعرس عيل هي شو تتريا يتم طول العمر يترياها تحن عليه وتفكر ترجعله ..!!
شيخه : عبدالله لا تيلس تلومها جي .. البنت عرفت غلطها من حست ان سهيل بيروح عنها ..
والمفروض ماتلومونها .. هدوها وحاولو تريحونها وتنسونها سهيل ..
عبدالله : اذا هالشي الي مزعلنها .. برايها تزعل ولا ترضى بعد .. دلع البنات له حدود ..

حست شيخه ان عبدالله مغيض من شيخه ونفس الوقت مب عايبنه ان اخته تتعلق واحد وتفكر فيه وهالشخص خلاص ماعاد يباها ..
سكر عبدالله عن شيخه وسار لرفيعه عسب يتفاهم معاها وفيه غيض عليها ..
دخل عبدالله حجرة رفيعه ولقاها يالسه تجلب في المجلات وتحاول تلهي نفسها ابهن عن التفكير بسهيل ..
عبدالله : رفيعه صحيح الكلام الي سمعته ..؟
رفيعه بستغراب : اي كلام عبدالله .؟
عبدالله : انتي زعلانه عسهيل وبعدج تبينه ..؟
رفيعه : ولحقت شيخه توصلك الاخبار .. لعنبوه مامدانا توني مسكره عنها ..
عبدالله : شيخه اتصلت بج لاني انا قلتلها تتصلج وتيبلي اخبارج والي مضايقنج .. وطبعا هذا لخوفي عليج .. بس ماكنت ادري ان سبب زعلت هو سهيل ..
رفيعه : وان كان يعني .. انته تعرف شو سهيل بالنسبه لي من زمان .. ومثل مانته تغلي شيخه وتباها انا وسهيل كنا نفسكم ..
عبدالله : بس انتو انهيتو الي بينكم .. بس انا وشيخه بعدنا نبى بعض وبنعرس ..
رفيعه : الله يهنيكم .. وليش زعلان عيل ..؟
عبدالله : لانج ذاله عمرج بتصرفاتج هاي .. واباج تشلين سهيل من بالج .. مب يوم ماتبينه ويوم شفتيه بيعرس سرتي تحنيله وتبين ترجعيله ..
رفيعه بيأس : حرام عليك ياعبدالله .. شو الي مقسي قلبك عليه .. اذا انا ابى سهيل تراني امبوني اباااه وهو ولد خالتيه وكنا محيرين لبعض .. وعمري مابنسى الي كان بينا ..
عبدالله : والي يقولج ان الافضل لج نسيانه وحفظ كرامتج ..
رفيعه بمكر : خلاص ياعبدالله ماعادت المسأله مسألة كرامه .. سهيل ماقصر فيه .. بفعايله وكلامه ..
عبدالله : ليش وشو سوا سهيل بج ..؟
رفيعه : مايكفي ان هو بهدلني وذلني بقراره هذا .. انا بنت خالته المفروض مايبدي الغريبه عليه ..
عبدالله : ومته انتي رمستي سهيل ..؟
رفيعه بحذر : يوم الرحله .. تلاقينا صدفه وباركتله على الخطوبه .. وهو شكله كان حاط في نفسه عليه وتم يعق عليه الرمسه ويسمعني من الكلام الخايس .. وانا مارديت عليه .. انا مابنسى انه ولد خالتيه وانه بعده في قلبي غالي ومااروم اغلط عليه ..
عبدالله : وشو بالضبط قالج ..؟
رفيعه : كلام وايد ماروم اعيده .. بس سهيل كان ينتقم مني .. وكلامه جرحني وايد ..
عبدالله وبضيقه على سهيل : وليش ماخبرتيني ساعتها .. ليش سكتي ..؟
رفيعه بمكر : انا مااريد المشاكل تدور امبينكم انتو عيال خاله وقلت الله يسامحه .. ومن ناحيه ثانيه مااريد اخرب عليك انته وشيخه ..
عبدالله : لا رفيعه انتي مابتخربين شي .. انتي المفروض ماتيودين هالسالفه عني ..علشان ماننزل عمارنا الهم ويتحسبونا ضعاف ونرضى على كرامتنا هالمهانه ..
رفيعه بخبث : شو بتسوي ياعبدالله .. احنا مانبى مشاكل بين العايلتين ..
عبدالله وهو ناوي على الشر : لاتخافين الغلا .. المهم انتي مااباج تشلين هم سهيل وتفكرين فيه .. انا بعرف كيف اردلج حقج .. وزهلي السالفه ..

ظهر عبدالله عن اخته ويلست هي تطبخ السالفه في مخها .. اوكي ياشيخه .. خلي عبدالله الحين يربيج انتي واخوج .. اذا مالي امل في سهيل انتي بعد مابيكون لج امل في عبدالله ..
وانشالله يصير الي خاطريه فيه..

حلم شاعر

12-03-2006, 19:47

عزيزتي.. لالي
امنياتي لك بالخير.

خالص امتناني على ماتبذلينه من جهد.
فروع الياسمينه تجذبنا من جزء لأخر.
ننتظر بقيتها بكل شوق.
لاعدمتك.
.
.
! حــلــم شــاعــر !

لالي...

13-03-2006, 17:54

هلا فيك عزيزي حلم

منور بمتابعتك

وانتظروني قريبا مع الاجزاء الاخيره من القصه

لك مني اجمل تحيه

لالي...

18-03-2006, 23:35

¤ّ,¸¸,ّ¤؛°`°؛¤ الـجزء الــسادس عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

بعد ما طلع عبدالله عن رفيعه .. يلس يفكر ويراجع نفسه بالي ناوي يسويه .. طلع من البيت واتصل تيلفون بشيخه .. ردت عليه اليازي وطلب منها يكلم شيخه ..
حست اليازي من صوت عبدالله .. ان عبدالله فيه شي .. والظاهر انه يبى يكلم شيخه بشي مهم ..

وقفت اليازي حذال اختها وهي تسمعها تكلم عبدالله ..
شيخه : هلا عبدالله .. لحقت تتوله عليه ..
عبدالله : هلا فديتج .. اكيد اني اتوله عليج و كل لحضه ودقيقه بعد .. بس انا عندي شي ابى ارمسج فيه ..
شيخه بهتمام : خير عبدالله .. امر الغالي ..
عبدالله : شيخه .. انا رمست رفيعه عقب ماسكرت عنج ..والظاهر ان بينها وبين سهيل شي صاير وفي كلام دار مابينهم وسبب لرفيعه الضيقه ..
شيخه : مته صار هالكلام ..؟
عبدالله : يوم سرنا شمال ..
شيخه : وهذا يعني الي مضايق رفيعه ..؟
عبدالله : هي ياشيخه .. وبعد رفيعه ماتبى سهيل مثل ماقلتيلي .. رفيعه متضايقه من سهيل يوم هي كانت تباركله بالخطوبه .. هو رد عليها بكلام جارح وغلط عليها بالرمسه ..
شيخه وهي مستغربه هالكلام : كيف صار هالشي .. و معقوله سهيل يغلط على رفيعه .. معقوله يكون حاقد عليها لين اليوم ..!! ؟
عبدالله : مادري ياشيخه .. على العموم الموضوع يخصهم .. واحنا ماله داعي نطريه ..
شيخه : صحيح .. بس هم في يوم من الايام كان بينهم حب .. وصار الي صار وتركو بعض .. ولابد يدور بينهم كلام وعتاب ..
عبدالله : انا ماالوم سهيل .. اكيد انه تأذى من رفيعه يوم رفضته عقب الحادث .. وفي نفس الوقت انا ماالوم رفيعه على قرارها ..وانحن مانقدر نجبرها انها تاخذه وهي تنفر منه وماتباه ولو انه ولد خالتنا ..
شيخه وهي حست ان كلام عبدالله عن اخوها يجرحها : بس ياعبدالله رفيعه غلطانه .. وسهيل فديته ريال ومايعيبه شي وحالته الها علاج وهو الحين بخير واحسن مني ومنك ..
عبدالله بضيقه : لو هو بخير ماعفد عالبنت يتهزبها وهي يايه تبارك له ومافي نفسها شي عليه .. سهيل مب صاحي ..وهالشي هو الي ماسكني عنه ومخلني ماارمسه في الشي الي سواه في رفيعه ..

شيخه ماعجبها كلام عبدالله عن اخوها .. سهيل مافيه شي وبعدين هم مايعرفون شو الي دار بين سهيل ورفيعه .. فليش عبدالله متحامل على سهيل هالقد ..

شيخه : عبدالله اسمحلي .. انته تغلط على سهيل وهالكلام ماارضاه على اخويه ..
عبدالله : ماقلت شي عن اخوج غلط .. وانتو مسكوه عالجوه ولاتفجونه على الخلق يتهزب بناتهم ..
ماعرفت شيخه شو ترد على عبدالله .. سكتت ومابغت تخوض في نقاشات ومشاكل ..

وفي نفس الوقت .. شيخه انصدمت من اسلوب عبدالله حست ان عبدالله شخص ثاني .. صوته تغير .. اسلوبه لهجته .. الغضب الي في صوته ..
عبدالله : اسمحيلي شيخه .. بس لاتزعلين من الحق ..
شيخه ماتحملت انها تسكت على كلام عبدالله وهو يغلط على سهيل ..
شيخه وهي تدافع عن اخوها : محد يزعل من الحق .. بس سهيل ما تعدا على حد وماكد في حياته غلط على انسان .. واختك من الاصل رافسه النعمه بريولها .. والحين يايه تعق عمرها على سهيل عقب مافكر في غيرها وتجاهلها هيه ..
عبدالله بعصبيه : رفيعه مابتعق عمرها على واحد بنص عقله .. وسهيل مايسوى علشان نسوي هالمشاكل كلها على سبته ..

من قال عبدالله هالكلام .. شيخه حست ان اخر خيط من الاحترام الي بينها وبين عبدالله انتها .. والغلطه هذي من عبدالله نزلت على رفيعه مثل الماي البارد وسببت رجفه لشيخه من الداخل.. وتمت محتاره ومب عارفه ليش عبدالله طلع بهالصوره .. واستغربت كيف عبدالله مايكن الها ولا لاهلها اي احترام ..
سكتت شيخه وحست ان عبدالله قام ينسى حبه الها بس من مجرد اختلافهم في الراي ..

شيخه بهدوء : يخساره ياعبدالله .. ماكنت اتوقع انك تشوفنا بهالصوره .. وتشوف سهيل مايسوى رفيعه .. لعنبوه على الاقل قول ولد خالتيه ولحمي ودمي .. مب تتسمع رمسة الحريم فيه وتصدقها ..
عبدالله : الحريم هيلا .. اهليه وانا ملزوم منهن ومن رعايتهن ..
شيخه : وانا .. ؟ شو بالنسبه لك ..
عبدالله : انتي بتكونين حرمتيه وبيكون حالج حالهن ..
شيخه وفي تستهزء برمسة عبدالله : حرمتك وانته تغلط عليه بهالطريقه وتعاير اخويه ..!!
عبدالله : شيخه المفروض انتي تعتذرين بسبب غلط سهيل علينا وتخلين اخوج يعتذر .. مب تطلعيني انا واختي الغلطانين ..
شيخه بقهر : يوم تعرف انته الغلط وين .. فينا والا فيكم قولنا عليه .. و بنشوف احنا عمارنا .. ويوم بنحس اننا غلطنا عليكم .. ذيج الساعه بنيكم وبنعتذر منكم ..

حس عبدالله ان شيخه بدت تعاند معاه .. وهو مش متعود منها هالشي .. كانت الحمل الوديع المطيع .. ماتعود منها الا الحب واللطف ..وماتوقع انها ماتوقف معاه .. وما يكون رايها من رايه .. وحس ان المفروض منها انها تغلط اخوها وتطلب منه يعتذر منهم .. وماتوقف مع اخوها ضده وضد اخته ..
حس عبدالله ان الموضوع موضوع عناد .. ومارضى ان شيخه تخالفه ..
عبدالله وصبره نفذ : اوكي شيخه .. بخليج انا لين تحسون بغلطكم .. واسمحيلي على كل شي .. شي في خاطرج ..
قال عبدالله كلامه وهو ناوي يسكر عنها .. شيخه حست ان عبدالله شل في خاطره وايد عليها ورغم هذا ماتقدر ترجع عن موقفها عسب ترضيه .. لان رجوعها عن رايها بيعتبر انها هي واخوها سهيل غلطانين ..

شيخه : سلامتك ..
ماتريا عبدالله ان شيخه تسكر السماعه او تقوله شي غير .. على طول سمعت شيخه الخط بينهم ينقطع .. وخذت السماعه ونزلتها بحسره وادموعها تغرغر في عيونها .. ومب عارفه كيف وليش تصير هالمشكله بينها وبين عبدالله ..

كل هذا صار واليازي واقفه وتسمع الي يدور من بينهم وتفرح كل ماتسمع كلام شيخه وهي تدافع عن اخوها ..
اليازي بهتمام : شيخه .. ندمانه على الي سويتيه وقلتيه ..
طالعتها شيخه بحزن : لا .. بس خايفه من ردة فعل عبدالله .. وماابى المشاكل تصير بيني وبينه ..
اليازي : لا فديتج لا تخافين .. بس تصدقين .. انا اول مره اشوفج بهالقوه عند عبدالله .. عمرج ماحسستينا ان اهلج واخوانج اغلى من عبدالله عندج .. بس صدق ان امي وابويا عرفو يربونا .. وانتي مهما يكون مابترضين على خوانج الاهانه وتسكتين ..

لوت شيخه على اليازي وهي تحس بتئييد اختها الها وخففت عليها شوي من خوفها ..
شيخه : انا خايفه ان عبدالله مايسامحني على تصرفي هذا .. اليازي .. انا مااتحمل زعل عبدالله عليه ..
اليازي : ماعليه حبيبي .. هو بيزعل منج وعقب بيحس هو بغلطه وبيرجع يعتذر منج .. مب كله هم صح واحنا غلط .. والله ذلونا ..
شيخه : صدقج .. خله يعرف قدرنا ويسويلنا اعتبار ..

هالوقت كان سهيل يرمس اخته الريم ويتخبر عنها وعن صحة البيبي .. ومتوله عليها ..
الريم : اذا متوله عليه تعال عندي وشلني صوبكم .. والا تتريوني بس انا من اشتاقلكم اييكم اربع ورازه بعمري ههههههههههه
سهيل : ماحيدج تقطعين عنا .. كل يوم والثاني وانتي ناطه عندنا .. والريل حليله مسويتله طاف ههههههههههه
الريم : لااا خلاص خبرك عتيج .. الحين من يبت الهم هزاع وهم حاطين عليه العين الحمرا .. ماروم احترك من البيت .. كله يحاتون ولدهم ومايبوني اسيربه عنهم ههههههههه
سهيل : صدقهم .. ولدهم وين تبين تربعيبه عنهم ههههههههه قري في البيت وانحن بنيي صوبج يوم نباج هههههههههه
الريم : زين تم .. بشوف عاد منو منكم بيي صوبي .. اظني ببطي اتريا ولا خبر عنكم ..
سهيل : افا .. مايطيعون الرياييل .. باجر مره انا عندج ..
الريم : خلاص اترياااااك ..
سهيل : ههههههههههه شكلي ورط عمري وانا مادري ..
الريم : هههههههههه الله يعيني انته جي عزابي وماتجارب باجر يوم بتعرس اكيد اننا مول مابنشوفك ..
سهيل : الله يسمع منج يارب .. واعرس ..
الريم : ههههههههه حشه مستقطع عالعرس اشوفك ...

سهيل : لاتلوميني فديتج .. القلب مب قادر عليه هههههههه
الريم : الله يعينك .. بس بعدهم العرب ماردو عليكم والا شوه ..؟
سهيل : لا الغاليه نترياهم .. وهم قالو باجر بيردون علينا ..
الريم : من اليوم لباجر شو بيصبرك ..!!هههههههههه
سهيل : شكلي مابرقد الليله بيلس اهويس ابهم واترياا باجر ايي ..
الريم : لا فديتك .. ريح عمرك والي فيه الخير ربك بيجدمه ..
سهيل وبدا صوته يتغير : خايف ياالريم..
الريم : من شو فديتك ..؟
سهيل : مااتحمل اني اسمع رفضهم .. وانا خاطريه في البنت .. احس انها بتكون نهايتيه لو رفضوني ..
الريم : لاتيلس تفكر جي فديتج .. لو البنت فيها خير لك ربك بينولك اياها .. واذا ربك كاتبلك شي احسن عنها .. لاتحزن عليها وارضى بقسمة ربك لك ..
سهيل : ونعم بالله .. بس الحب ماشي يعوضني بعده .. يمكن اكمل حياتي مع غيرها .. بس عمره قلبي مابيحب غيرها ..
الريم : يارب تكون من نصيبك واشوفك مرتاح وسعيد وياها ..

كانت ليله طويله بالنسبه لسهيل .. ماقدر يرقد ولا قدر يفكر في شي غير منال .. حط ايده عقلبه وقعد يدعا ان الله مايرده في طلبه ويوافقون هل منال ومنال عليه ..

ومنال كانت تراجع نفسها على قرارها الي بتعطيه لحمد باجر .. في الفتره الي فاتت حمد سأل عن سهيل وتخبر ..وشاف انه ريال ومن عرب وماوراه مشاكل والكل كان يمدح فيه ..

بس منال لين هاللحضه وهي مب عارفه شو تقرر .. وكانت تبى حد يساعدها على اتخاذ هالقرار المصيري .. مالقت جدامها حد ينصحها ويعطيها الراي الا امها نوره .. اقرب انسانه الها .. وتفهمها وتخاف عليها ..

نشت منال من شبريتها وقلبها ترتجف دقاته وهي تحس انها مقبله على خطوه كبيره في حياتها .. لبست شيلتها ونزلت تحت صوب غرفة امها نوره ..
دقت الباب وتريت تسمع من امها الاذن علشان تدخل .. وبعدين دخلت منال وسارت صوب امها الي كانت يالسه وتجلب في البومات الصور ..
وقفت منال وفي عيونها حنين لذيج الايام وعيونها على البومات الصور الي جدام امها ..
نوره : تعالي حبيبي .. ليش واقفه جي ..!!
منال برعشه : ليش مارقدتي امي ..؟
نوره : ماياني رقاد .. و ..
منال : وحنيتي للمرحوم ..
تمت نوره ساكته وعقب رفعت راسها لمنال وزقرتها تي حذالها ..
مشت منال صوب امها ويلست حذالها .. ضمتها نوره بيدها ويلسن يطالعن الصور ..
فيصل وحمد وهم صغار .. صورهم مع الخيل .. صورهم في الحديقه ويلعبون بالماي .. صورهم وهم برا البلاد .. وبعدين صور منال معاهم .. ولعبهم وحركاتهم وشقاوتهم ..
تذكرة منال ذيج الايام .. احلى ايام .. اشتاقت الهن موت وحست بدموعها تنزل من اعيونها .. وهي مشتاقه لفيصل اكثر من اي شي في الدنيا ..

نوره : منال ..
منال : لبيه الغاليه ..
نوره : من زمان وان خاطريه ارمسج بشي .. لكني كنت دوم ااجله .. والحين احس انه الوقت المناسب الي ارمسج فيه ..
منال : خير الغاليه .. شو هالشي ..!!
نوره وهي تطالع منال بكل حب : ابى اعتذر منج ..
منال بستغراب : تعتذرين مني .. ليش اماااه ..!!

لالي...

18-03-2006, 23:38

نوره : من يوم ماخذتج عن اهلج .. ويبتج عندنا وانا ظلمتج بهالشي .. حرمتج من امج وابوج واخوانج .. عرضتج لحياه يديده وخليتج تتعلقينها .. واخر شي تميتي وحيده .. لا انتي محصله اهلج .. امج وابوج واخوانج .. ولا انتي محصله الحياه عندي بعد ماراح فيصل عنا ..

منال بحزن : بس انا راضيه بهالشي .. وانتي عندي بالدنيا كلها .. وعقب فيصل انا ماابى الحياه ومايهمني شي فيها .. ولا الها لاذوق ولاطعم عندي ..
نوره : وهذا الي الوم نفسي عليه .. اباج تعيشين حياتج مثل البنات .. درسن واستانسن وعرسن ويابن اعيال .. وانتي ليما الحين تعانين من الي حطيتج فيه ..

منال ودموعها تنزل وهي مش مستحمله لوم نوره لنفسها في منال ..
منال : امي نوره .. دخيلج لاتلومين نفسج على شي .. الي صار كله من عند الله .. وانا راضيه بقسمة الله اليه ..
نوره ودموعها تنزل من عيونها : مااعرف شو اسوي علشان اعوضج الي فاتج ..

منال وهي تبتسم لامها وتحاول تطلعها من هاللوم ..
منال : امي فديتج اباج تعرفين اني لو ارجع لورا .. ويخيروني بين اني اعيش عندج والا عند اهلي .. وانا عارفه الي بيصيرلي عقب وهو حالي هذا .. ماكنت بختار الا الي الله اختاره لي .. وهو اني اعيش عندج وبين عيالج .. وماارضى بقسمه غير قسمة فيصل الله يرحمه ..
ماباج تلومين عمرج .. و انتي مالج يد بالي صار ..

نوره وهي تمسح عشعر منال وتطالع عيونها ..
نوره : فديتج .. انشالله ربي يعوضج عن الي فاتج .. وتلقين السعاده جدامج انشالله ..
ابتسمت منال لامها واعيون نوره تبشرها بالخير ..
نوره : فكرتي بالخطبه ..؟
منال وهي محتاره : مب قارده افكر بشي .. وييتج ابا الشور منج ..
نوره : تبين رايي انا ..؟
منال وهي حاسه ان نوره حزينه وصعب انها تقرر عنها ..
منال : ياليت .. لاني مابسوي شي .. الا اذا كان من شورج ورايج ..
نوره وهي تبتسم لمنال : ماشي ام في الدنيا ماتبى تفرح ببنتها .. وانا مااباج تنحرمين من هالشي .. بس اهم شي عندي ان الريال يكون يستاهلج ..
منال : وشو رايج فيه ..؟
نوره : ماسمعنا عنه الا كل خير .. بس مانبى نتسرع ونوافق على اول حد ايي ويخطبج .. مهما يكون لازم يكون ريال زين علشان نزوجه ..
منال : وكيف بتعرفونه عدل .. الناس ماتنعرف الا من المعاشره .. وهذا غريب عنا لانعرفه ولا يعرفنا ..
نوره : بنسوي خطبه .. وخلال هالخطبه بنتعرف عليهم اكثر .. وانتي صلي صلاة استخاره وتوكلي على الله .. ولاتنسين انحن لين الحين ماشفنا الريال وماانقدر نحكم عليه .. ولا نعرف اهله ولا اي شي عنهم .. واحنا مانبى نفرج جي على العرب .. وانحن مانعرفهم ..

منال وهي تفكر : امي نوره .. هو الريال شو اسمه ..؟
طالعتها نوره وهي تحس ان منال بدت تهتم بالموضوع وتسأل فيه ..
نوره : اسمه سهيل .. ولد عبيد بن غانم ..
رفعت منال اعيونها لامها ..
منال : امي خلوني اشوفه قبل مااوافق على الخطبه .. يمكن يطلع شين وارفضه واوفر علينا هالتعب والتفكير ههههههههههه
نوره وهي تبتسم لبنتها : لا فديتج .. ظنج خاب .. والريال انا احيده مزيون وماعليه قصيره ..
منال مستغربه : توج تقولين ماشفتيه وماتعرفينه .. شقى الحين تقولين تحيدينه ..!!
نوره : ههههههههههههه انا شفته مره وحده بس .. واتذكرت شكله يوم خبرني عنه حمد ..
منال : يعني خلاص تدبسنا .. وبنوافق على الخطوبه ههههههههههه
نوره : هههههههه هي .. وانشالله يطلعون عرب طيبين ونيوزج اياهم ..
منال وهي تمازح امها : حشه ثركم تبون الفكه مني وانا مادري ..
نوره : فديت روحج .. نبى نيوزج بس ومانبى الفكه منج ..

حست منال بالراحه واستقرار النفس عقب ما يلست مع امها نوره وتكلمن في هالمواضيع الي دخلت نفس منال وريحتها من كل الجوانب ..

طلعت منال عن امها رايحه غرفتها بترقد .. وشاله صورتها هي وحمد وفيصل .. صوره جماعيه تجمعهم وهم في اسعد لحضات حياتهم ..

بالباجر المغرب ظهر سهيل مع اخوه سعيد وابوهم سايرين صوب حمد وهله علشان ياخذون منهم الخبر بعد ماخلوهم اسبوع يتشاورون ويتخبرون عنهم ..

حمد خذ قرار امه ومنال وكان راضي عنه .. وسار بلغ به ضيوفه وبشرهم به ..
الفرحه تملكت سهيل من سمع الخبر وماكان مصدق الي يسمعه ..
وبدون مايفكرون يلسو يبون يحددون مع حمد موعد للملجه والعرس ..

حمد : لاتستعيلون طولي بعماركم .. انحن بلغناكم بالقرار البنت وقرارنا .. وبو ناصر خبرناه بالموضوع ورايه من راي بنته .. والحين نباكم تونا عالغدا باجر وبو ناصر بيكون موجود وبتتفقون وياه على كل شي ..

بالباجر كانت عايلة بو سهيل معزومه في بيت نوره .. الرياييل في الميلس وعندهم حمد وابو ناصر .. والحرمات .. ام سهيل واختها ام عفرا .. والريم .. وشيخه ..كانن عند الحرمات داخل ..

منال كانت جاهزه علشان تطلع للعرب وتسلم عليهم .. ماكانت مرتبكه ولاكانت خايفه من شي .. بس كانت تلوم نفسها على تجاهلها لفيصل ومشاعرها الي مازالت حيه وتحبه ..
وطاوعت الدنيا والظروف ومشت معاهاااا ..

منال عكست انطباع بالرضى عند ام سهيل وخواته .. عجبتهن منال بكل اماا فيها .. لكنهن خافن يكون هدوءها وحذرها وشرودها الي كان يحسسها بالوم على ماضيها .. هو تكبر من منال .. وماعرفن كيف بتكون منال عندهم .. بتندمج معاهم او لاء ..!! ؟ لكن الاهم عندهن ان ولدهن سهيل يحصل الي يبااه وهو هالبنت .. ويرتاح وياها ..

نشت منال عن الحرمات ومعاها اختها فاطمه بيأمرن على الغدا ويشوفن ترتيبه كيف ..
كانت مريم ربيعة نوره وبنتها اسما من الموجودين ..
لحقتهن اسما وهي تقود ولدها بتوديه عند خدامته ..

اسما : ههههههههه منول الف مبروك حبيبي ..
باست اسما منال وهي تحضنها وتضحك وفرحانه لمنال من كل قلبها ..
منال : فديت روحج .. الله يباركلج ..
اسما : حشا مابغيتي تعرسين .. هههههههههه الحمدلله ان الخطيب ياااا قبل مااتهور وازوجج ريلي ..
فاطمه : هههههههههه اتخيلكن عدايل .. بتلبسن الريل بتتعاونن عليه المسكين وبيطفر منكن ..
اسما : لا الحمدلله سلم منا ..
منال : والحمدلله بعد تقولين .. ثرج خايفه عليه ومب هاين عليج يالدبه هههههههههه
اسما : بصراحه عاد .. ريلي فديته وابااه ومابا شريك فيه هههههههههه
منال : ههههههههههه الي يسمعج عاد ميتين عريلج ونباااه .. الا افتكينا منه ..
اسما : هي صح .. مول مايتشاهد ترا ريلي هههههههه
فاطمه : تبعد العين عنه ههههههههههه

اسما وهي تطالع من الدريشه وترمس فاطمه ومنال ..
اسما : شوفن المزايين .. خساره راحت علينا مانروم نقنصلنا واحد منهم ههههههههه

طالعن منال وفاطمه خاري وشافن حمد مع سهيل وسعيد طالعين من الميلس ويسلمون على الرياييل الي يايين برا وتمو واقفين يرمسون وياهم ..

فاطمه : توج تمدحين ريلج والحين متحسفه عليه وتبين غيره ههههههههه والي تشوفينه هالمزيون هذا ترا ريلي فديته هههههههههه ..

كانن اسما وفاطمه يسولفن ويتغايضن ومنال واقفه تشوف هالمزايين الي تطريهم اسما واعيونها على واحد منهم مب قادره تشل عينها عنه ..
هالويه مب غريب عليه .. طوله .. جسمه .. هيئته وملامحه .. وين شايفتنه من قبل ياربي ..!!
.. احس اني اعرفه .. بس مش متذكره وين شايفتنه ..

منال لين اليوم ماتعرف شي عن الخطيب الي وافقة عليه .. غير اسمه .. وماكان يعنيلها شي .. ولكن بعد الخطبه وبعد ماشافت هالمزايين .. اهتمت انها تسأل وتعرف عن خطيبها اكثر ..

منال : منو تتوقعن يكون هالمزيون الطويل الي بين حمد والريال الثاني ..؟
اسما : يمكن يكون سعيد الحظ خطيبج ..
فاطمه : ويمكن يكون حد من هله ..
طالعن فاطمه واسما منال وفيهن فضول ونظراتهن فيها تعجب ..
اسما : وانتي ليش اهتميتي فيه وسألتي عنه هو بالذات ..؟
فاطمه : منال .. لاتحطينه في بالج وتحلميبه .. يمكن مايطلع هو خطيبج وتصيبج خيبة امل بعد ماعيبج ههههههههههه

منال وهي تطالعهن وهي مب بالعه سوالفهن ..
منال : يالله عاد .. من زينه احلمبه .. مالقيت مونه .. وبعدين انتن مايخصكن التهن برياييلكن وخلني انا اتنقى عكيفي ههههههههههه
اسما : لا بالله .. طحتي طيحه وبتتنقين بعد هههههههه
فاطمه : الحمدلله يوم الله عقلج .. وانفتحت نفسج عالعرس ..
طالعت منال من الدريشه صوب الرياييل وبالها مب مهتم بكلامهن ..
ابتسمت منال : لاتفرحن وايد .. يمكن اتم عجبودكن ومااعرس .. وهالي تشوفنه بس فترة تعارف وعقب كل واحد يروح في حاله ..

إنقضى اليوم وسارو سهيل واهله .. وتمت منال واهلها يالسين ويسولفون عن العرب الي يوهم وانطباعاتهم عنهم ..
مبدئا منال واهلها ارتاحولهم وخاصه حمد امبونه مرتاح لسهيل وداش خاطره .. والحين تعرفو عليهم اكثر وبيصيرون اهل ..

في بيت سهيل كان سهيل وهله يالسين يهنون سهيل على الخطبه وفرحانيله ان الله نوله مراده واخيرا قدر يحصل على محبوبته والي تمناها قلبه ..
بس شيخه كانت يالسه بينهم وفي ويها وقلبها الفرحه لسهيل اخوها الغالي .. وفي عيونها حزن على الوضع الي وصلوله هي وعبدالله ..
ومن ذاك اليوم وعبدالله ماله لاحس ولا خبر .. ولايتصل ولا يسأل عن شيخه مول ..
وشيخه نفس الشي ماكانت تقدر تتنازل وتتصل لعبدالله وترمسه وهو ماافتكر ابها ..

طلعت شيخه غرفتها بعد مااستسمحت من اهلها وباركت لاخوها ..
كانت متضايقه وحزينه .. والي دار بينها وبين عبدالله محد درابه غيرها هيه واليازي بس ..

طلعت شيخه فوق واتصلت بعفرا بنت خالتها تيلفون تشكيلها حالها وهمها ..
عفرا : وليش تعاندون في بعض .. واحد منكم يتنازل لثاني ويتصل يراضي ربيعه ..
شيخه : انا مستحيل اتصله .. المفروض هو الي يتصل ويتعذر ويستسمح منا .. وانحن مب غلطانين علشان نعتذر ونراضي ..
عفرا : الله يهديكم .. يعني المسأله مسألة عناد ..
شيخه : عفرا انا احبه .. ومااصبر عنه .. بس ليته هو ولو مره وحده يتنازل ويتسامح ويحسسني اني مااهون عليه .. كيف يزعلني ويخليني هالكثر ..
عفرا : الرياييل صعب انهم يتنازلون ويستسمحون من الحرمه .. وانتي بتكونين حرمته يعني من الحين يفهمج انه حمش ومش مال مراااضا ودلع ..
شيخه : شو شو شو .. ووين الحب عيل الي معيشني عليه طول هالسنين ..!! كيف بيعبر عنه يوم هو بيسويبي جي ..!!
عفرا : الحب بيكون متبادل .. يعني مثل ماتسويله بيسويلج ..
شيخه : اوكي .. خليه يراضيني الحين مثل ماانا كل مره كنت اراضيه ..
عفرا : هالمره السبب قوي والعايله الها يد فيه ..
شيخه : يعني شو ..؟
عفرا : مادريبكم .. اذا تميتو تعاندون بعض جي معناتها بتمون على هالحاله وايد ..
شيخه وبقهر : اوكي .. مب مشكله .. خله جي وبنشوف منو الي بيتنازل للثاني ..

سكرت شيخه عن عفرا وهي حاطه في خاطرها على عبدالله وايد ومب عارفه شو نهاية هالعناد .. وإلا مته عبدالله بيحن عليها وبيتنازل وبيرمسها ..!!

لالي...

18-03-2006, 23:43

¤ّ,¸¸,ّ¤؛°`°؛¤ الـجزء الــسابع عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

نشت منال من نومها متملله وتحس بصداع .. الظاهر اني بزجم ..
اااف هالجو بيتعبنا كل يوم وهو له حالة في اليوم الواحد نمر باربع فصول ..
قبضت منال الحاف وخوزته عنها ونشت خذت فوطتها ودخلت الحمام تتسبح ..
هالوقت كانت نوره الصغيره وعلايا يدقن عليها باب غرفتها ويزقرنها .. يبن يدخلن عندها ..
يتهن امهن نوره وشافتهن يبن يدخلن عند منال ..

نوره : ها حبايبي شو تسوون ..؟
نوره الصغيره : اماه .. نبى نيلس عند .. عند خالوه منال ..
نوره : منال نايمه الحين تعالن عندي بنسير نتريق ..
مسكت نوره يدين البنات ونزلت معاهن ..
وبعد ماخلصت منال نزلت تتريق مع امها تحت .. وهي ماسكه راسها من الالم ..

منال : صباح الخير الوالده ..
نوره : صباح النور حبيبي ..
منال راحت يلست على طرف .. وينها البنات يبن ييلسن حذالها ..
منال : فديت الحلوين يلبي .. يلسو بعيد عني مااروم ابوسكن ..
نوره : خير منال .. عسى ماشر ..
منال : خير الوالده .. بس جنه الزجام بادني ..
نوره : هذا فايح الحين حمد بعد اليوم نش تعبان ومزجوم ..
منال : الله يعينه ..
نوره : منال ..
منال : لبيه الغاليه ..
نشت نوره وسارت يلست حذال منال ..
نوره وهي تبتسم : سهيل وامه يسلمون عليج ..
منال وهي مستغربه الاسم لانه يديد عليها وماتعودة عليه : الله يسلمهم من الشر ..
نوره : رمسوني البارحه ويبون يسوون حفلة خطوبه .. شو رايج ..؟
منال وهي محتاره : مادري امي .. كيفكم ..
نوره وهي تمسك ايد منال : من رايي نسوي حفله صغيره للاهل بس ونخلي الحفله الكبيره للعرس ..
منال : زين امي رتبي انتي وياهم انا ماعندي اعتراض على اي شي بتتفقون عليه ..

نوره : بارك الله فيج .. هم يبون الخطوبه بالاسبوع الياي .. يعني بنلحق نفصل ونرتب والا شو رايج ..؟
منال وهي ماتروم ترمس في الموضوع اكثر لانها كانت تعبانه : بنلحق امي ..

كانت منال تحس ان كل شي يصير بسرعه .. امها نوره مهتمه بخطوبتها وعرسها ومن كل خاطرها بعد
وكل يوم منال تشوف الفرحه على ويه اهلها وكأن الموضوع منتهين منه وسهيل بيكون ريل منال المنتظر رغم ان منال كانت تتوقع ان هالفتره فترة تعارف بس ..

عـ العصر نش حمد بيظهر بيسر العياده وبياخذ منال معاه ..
حمد : فاطمه قومي شوفي منال وخليها تتجهز علشان نظهر ..
فاطمه : انشالله حمد انته اسبقنا تحت وانا بخبر منال تنزل ..

نزل حمد ولقا امه وبناته يالسين في الصاله ويلس وياهم يسولف ..
دخلت فاطمه عـ منال ولقتها طايحه في فراشها وتعبانه ..
منال زادة عليها الحمى وتمت ترجع كل الاكل الي تاكله ولا فادة مخفضات الحراره انها تخفض حرارتها ..

فاطمه : منال حبيبي يالله نشي حمد بيوديج العياده ..
منال فجت اعيونها بتعب ورجعت سكرتهن : ماروم انش تعبانه .. و ماريد اسير العياده ..
فاطمه تقربت من منال وحطة يدها عراسها ولقت حرارتها مرتفعه وايد ..
فاطمه : كيف ماتبين تسيرين وانتي تعبانه هالقد حتى حرارتج مرتفعه وايد ..
منال : فاطمه مااروم ان تحركت برجع احس بطني يعورني ..
فاطمه : يمكن فيج فايروس لازم تاخذين علاج يالله حبيبي نشي ..

نشت منال عقب اصرار فاطمه .. وعقب مالبست نزلت مع فاطمه تحت وفاطمه تقودها ..

نش حمد وامه نوره من يت منال وخافت نوره من شافت منال ويها مصفر وماتروم تمشي ..
نوره والخوف في صوتها : شو تحسين حبيبي .. ليش جي مصفره ..
فاطمه : عموه .. منال ترجع والحمى وايد مرتفعه عندها ..
نوره : انزين يالله عيل بنوديها المستشفى احسن .. حمد ودها السياره ونا بسير اييب عبادتي بروح وياكم ..
منال وهي تعبانه : امي ماله داعي فديتج الا بنوصل بناخذ علاج وبنرد لاتتعبين عمرج انتي ..
نوره : لالا ماروم اخليج تظهرين جي بروحج .. لازم حد يسير وياج ..
منال : ترا حمد عندي ..
فاطمه : خلاص عموه انا بسير وياهم وارتاحي انتي ..
حمد : خلاص امي اذا فاطمه بتسير بتسد ..

سارو حمد ومنال وفاطمه وياهم ومن شاف الدكتور منال قالهم انها لازم تنحط تحت المغذي لانها فقدة وايد من اثر الترجيع والحمى ..وعندها الضغط نازل ..
تمت منال تحت المغذي وتمو حمد وفاطمه عندها ..

بعد مامرن ساعتين على المغذي وبدا الدوا يطلع مفعوله على منال حست منال بتحسن وبدت تتكلم مع حمد وفاطمه ..
منال : مب خلاص ..!! نبى نظهر ..
حمد : بيرجع الدكتور علينا وبيشوفج وبنشوفه شو بيقول .. لاتستعيلين ..
منال : تعبتكم ويايه باليلسه وانا مايحتاج اني اتم هالقد الا زجام ترااه مايباله مغذي ورقاد عندهم ..
فاطمه : لو زجام عادي جان ظهروج فديتج بس انتي جسمج ضعيف وتميتي ترجعين الاكل واثر على صحتج .. وبعدين لاتتلومين منا انحن ماعلينا من اليلسه ..
حمد : المهم صحتج الغلا لاتحاتينا انحن ماورانا شي ..

هاللحظه دق الدكتور الباب بيدخل علشان يشوف منال وعدلت منال شيلتها وتغشت فاطمه ..
الدكتور : سلامو عليكم ..
حمد : مرحبا دكتور حياك ..
الدكتور : كيف صحة الانسه الحين .. انشالله احسن ..؟
حمد : والله العلم عندك .. شوفها وخبرنا ..
تقرب الدكتور وهو يبتسم ويطالع منال ..
الدكتور : لا ماشاء الله باين انها دلوئتي احسن ..

فحص الدكتور منال وقاست السستر ضغطها ..
الدكتور : خلاص هيا تاخد مغزي تاني وبعدين تئدرو تمشو بس لازم تستنو ساعتين كمان معانا ..
حمد : مب مشكله دكتور انتو مته ماتشوفونها بخير انحن بنظهر ..
منال : دكتور ماله داعي المغذي انا احس عمري احسن ..
الدكتور يمزح مع منال : هو انتي دكتوره ..؟
منال مفتشله : لا دكتور .. بس انا ادرى بعمري ..
الدكتور : هههههههههه طب انتي الظاهر مليتي مننا وعوزه تمشي ..
منال : اااه مليت .. ياليت تطلعني يادكتور ..
حمد : ههههههه بتعايي منو يادكتور .. مابتروملها ..
الدكتور : طب هه حنشوف يانا ياهيه .. مافيش خروج الليادي الا بعد مانخلص المغزي ..
حمد : ههههههههه خلاص منال طيعي الشور وخلينا نظهر بلا مشاكل ..

يلست منال ساكته وتطالعهم بنفاذ صبر وفاطمه يالسه ساكته .. من ظهر الدكتور ..
منال : حشه اول مره اشوف دكتور يغايض ..
فاطمه : ههههههههههه مصري لازم ..
حمد : وانتي لازم تغايضين حتى الدكاتره بيتعايون وياج ..هههههه
منال : الله يغربله .. انته ماشفته يوم يتمصخر عليه .. اوين انتي دكتوره ..؟ والله قهرني تفشلت ..
فاطمه : صدقه .. هو يقولج بيعطيج مغذي وانتي تعايينه ماتبين .. ترا كله لصحتج هو اشعليه منج ..
حمد : وحليله والله طيب هالدكتور ..

رن تلفون حمد ومن شاف حمد الرقم نش وظهر في الممر وقعد يرمس ..
تمت فاطمه يالسه تفكر .. منو هالي اتصل لحمد وطلع حمد عطول برا يرمسه بعيد عنهن .. وليش طلع ..!! لو واحد من ربعه مابيظهر عنا ترا دوم يرمسهم جدامها .. خافت فاطمه وبدت تشك بحمد ..
منال وهي تطالع فاطمه بفضول : شو بلاج فطيم ..؟
فاطمه : ماشي ..
منال : وانا مااعرفج ..!! شو بلاج تغير ويهج ويلستي تفكرين من ظهر حمد ..؟
فاطمه : منو تتوقعين داق لحمد ..؟
منال : منو بعد بيكون الا واحد من ربعه ..
فاطمه : بس ليش يظهر يكلمه برا ..
اول مره يسويها ..

منال : يمكن بينهم شي ومايبى يرمسبه جدامنا ..
فاطمه : وليش ماتكون وحده وظهر يرمسها برا ..
منال : لالا انتي شو تقولين .. حمد مش مال هالسوالف ..
فاطمه : قلبي ناغزني مادري ليش ..
منال : اذا انتي شاكه بشي رمسي حمد فيه ..
فاطمه : مااقدر .. انحن بينا ثقه ومااريد اخربها ..
منال : عيل لازم تكون ثقتج اكبر من جي وما تخلين ظنونج تلعبج ..
فاطمه : هاي مش اول مره حمد يسويها .. الحين كم مره استوت هالسالفه .. وها الي يخليني اشك ..
منال : من رايي ترمسينه .. علشان تعرفين منه هو ليش سوا جي ولا تتمين تشكين فيه .. ترا شكج بيخرب بيتج ..
فاطمه : صح كلامج منال .. انا لازم ارمسه ..

بعد ماسكر حمد التلفون رد ودخل عند منال وفاطمه ..
تمت فاطمه هاديه ومارامت تشل عينها في حمد خوف من ان حمد يقرا الي في بالها من عيونها ..
وتم حمد يطالعهن ويشوف ويوهن متغيره ونظراتهن ..

حمد : منال .. توني رمست سهيل ويسلم عليج وبيي الحين صوبنا ..
منال فجت اعيونها متفاجأه .. شو اييبه عندهم .. شو يبى ..!!؟
منال : ليش ايي ..؟
حمد : عرف انج تعبانه وقال بيي يسلم عليج ويطمن ..
منال بستغراب : وهو اش له ..؟
حمد وهو مستغرب ردة فعل منال : شو وهو وش له ..؟؟ّّ ترا خطيبج وياي يطمن على خطيبته الي هيه انتي ..
منال : بس احنا بعدنا الا تونا ..
حمد : انزين .. شو يعني ماتبينه ايي يطمن عليج ..؟
منال : لا ..
حمد : والله انتي امرج عجيب .. مب مشكله هو مابيحدر عندج لاتخافين بس بيسلم من الباب وبيسير ..

منال : لا مب لازم يسلم عليه خلاص سلامه وصل ..
فاطمه : منال بسم الله شو بلاج .. الريال ياي يطمن عليج وانتي تردينه عنج ..
منال : انا ..
تمت منال محتاره ومب عارفه شو تقولهم وشو سبب رفضها ان سهيل يحدر يسلم عليها ..
منال : هاي اول مره يشوفي وتبوني اجابله جي ..
حمد : هههههههههه قولي جي من الصبح .. زيغتيني قلت غيرتي رايج وماتبين الريل ..
فاطمه : حد بيي وياه والا روحه ..
حمد : لا بيي روحه اظني ..

بعد ربع ساعه رن تلفون حمد وانه سهيل يخبره انه في المستشفى وياي صوبهم .. ظهر له حمد وسلم عليه ..
وطول الوقت وقلب منال يدق وفيها حفوز من طاري سهيل من عرفة انه وصل

لالي...

18-03-2006, 23:49

المستشفى ..

ياهن حمد ودق الباب وحدر يخبرهن ان سهيل بيسلم على منال .. تغشت فاطمه واعتدلة منال على فراشها وتغشت ..
دخل سهيل : السلام عليكم ..
منال وفاطمه : وعليكم السلام والرحمه ..
سهيل : شحالج منال ..؟
منال وصوتها مب قادره تظهره من كثر ماهي متوتره : بخير الحمدلله ..
سهيل : ماتشوفين شر الغاليه اجر واعافيه ..
منال : الله يعافيك ياربي ..
سهيل : شحالج ام نوره انشالله الا بخير ..؟
فاطمه : بخير ربي يسلمج .. شحالك انته وشحال الوالده والاهل ..؟
حمد : كلهم بخير ومايشجون باس طال عمرج ..

فاطمه : يعلهم دوم انشالله ..
سهيل : وياكم والجميع انشالله ..

سهيل وهو يطالع منال ومستغرب ليش متغشيه منه : رب ماازعجناكم بهالييه ..
حمد : لا بالعكس .. ودنا بشوفك الغالي ..
سهيل : تسلم فديت روحك .. اسمحلي من رخصتكن حرمات .. وسامحونا عـ المغثه ..
منال وفاطمه : بالحل الشيخ ..

ظهر سهيل عنهن وحمد وياااه وتمو يسولفون في الممر وعقب وصل حمد سهيل خاري المستشفى ورجع عقب عند منال وفاطمه ..

رد حمد متغير ويفكر عقب ماشاف سيارة سهيل وتذكرها وشاف رقمها وعرف انها نفس السياره الي كانت موقفه برا بيتهم ذاك اليوم ..
فكر حمد بالسالفه وبسهيل وشو الي بيوقفه عند بيتهم ذاك اليوم .. هل معقوله ان سهيل كان موجود علشان منال .. والي يابه بيتهم ذاك اليوم وخطبته لمنال هو بس لانه يعرفها ..!!

بعد ماسار سهيل عنهم بفتره يت السستر ويايبه معاها عامل وشال باقة ورد كبيره بيديه ودخلها عليهم ورجع مره ثانيه بباقات ورد غيرها ..
استغربة منال من شافت هالورد وسار حمد شل البطاقه الي عالورد وقراها ..وسار عطاها لمنال ..
كان الورد من عند سهيل ويتحمد لمنال بالسلامه ..

اثر هالشي في نفس منال واهتمام سهيل ابها ..
وبعد اشوي كانت السستر يايه ويايبه معاها عامل ثاني وكان ياييب الهم عشا .. وتوقعو ان سهيل يكون طالبلهم هالعشا ومطرش المطعم به ..
تلومو حمد ومنال وفاطمه من سهيل والي يسوييه ..
اتصل حمد لسهيل وقعد يعاتبه على الي يسويه وانه ماله لزوم ..

سهيل : افا عليك ياحمد انا ماسويت شي ها الواجب ..
حمد : لا يسهيل هذا اكثر من الواجب .. ومابغينا نتعبك ويانا ..
سهيل : ماسويت شي يستاهل فديت روحك .. وان بيغتو اي شي غير خبروني وانشالله تلقونه عندكم ..
حمد : طولي بعمرك الغالي مانبى الا سلامتك فديتك ..

سكر حمد عن سهيل والتفت لمنال يرمسها ..
حمد : سهيل مب عارف شو يسوي علشان مايقصر وياج .. اسميه معبل على عمره ..
فاطمه : مسكين والله عبل على عمره .. وماقصر في شي .. ومنال تراها تستاهل ..
منال : قلتلكم بنظهر ماطعتوني .. الحين لو طلعنا من المستشفى ماكان الريال بيدري ولا بيتلوم فينا ..
فاطمه : انزين ودرا .. مافيها شي على الاقل فرصه نشوف كيف بيكون اهتمامه بج ومعزتج عنده ..
منال بمستحى : بدري على هالسوالف ..

بعد ماشاف الدكتور منال وسمحلها انها تظهر .. طلعو من المستشفى على الساعه 11 فليل وكانت نوره تترياهم في البيت مب طايعه ترقد لين ماترد منال وتطمن عليهم ..
وكان سهيل على اتصال بحمد ويسأل على منال وصحتها اول بول ..
وكان سهيل مستهم على منال وايد ويحاتيها ..

بالباجر تحسنت منال وكانت احسن وماتمت ترجع الاكل وحرارتها اعتدلت .. اتصلو هل سهيل تلفون وكلمو نوره وتطمنو على منال .. ورمستهم منال وحسو كلهم من بعد هالحادثه ان العلاقات بينهم اقوى ومرض منال قرب العايلتين اكثر ..

نوره : وحليلها ام سهيل تحاتي منال جنها بنتها وتتصلي مرتين وثلاث مرات في اليوم عسب ترمس منال ..
فاطمه : وسهيل ياعموه ماعرف شو يسوي ليسوي علشان منال .. ماخلى ورد في المحل الا وطرشه و العشا وتلفوناته ماوقفت لين ماظهرنا من الستشفى وحتى من يينا البيت وهو وهله يتصلون ..

منال : يالفضيحه .. والله اني مفتشله من الي يسوونه ..
نوره : هههههههه ليش تفتشلين .. المرض ياج من الله .. وهم فيهم الخير يوم يسئلون عنج ..
منال : بس مش بهالصوره ..
فاطمه : انا احسبهم شارينج ويبون يتقربون منج اكثر واكثر ..

رن لتلفون وكانت ام سهيل ويلست ترمس نوره ..
ام سهيل : شحالها منال .. ربها بخير ..؟
نوره : بخير الحمدلله هذي جدامي ومابها شي ..
ام سهيل : فديت روحها يربي اسميها همتنا .. وسهيل فديته كل يوم يقولي اتصلي وتخبري عنها ..
نوره : ههههههههه فديت روحه .. لالا طمنيه وقوليله ان منال بخير وتترقص ..
ام سهيل : هههههههه هذو سهيل حذالي يبى يرمسها جانها عندج بيسلم عليها ..
نوره : زين عطيني اياه بسلم عليه وعقب بعطيه منال ..
سلمت نوره عسهيل ورمسته وعقب عطت السماعه لمنال .. ومنال طول الوقت تطالعها وتترجاها بعيونها علشان ماتبى ترمسه ..
بس ماقدرة تسوي شي ..
حطة نوره منال جدام الامر الواقع وماعرفت منال كيف تتهرب من هالموقف وهي ماتعرف كيف ترمس سهيل والا شو بيقولون ..

منال وبرتباك : مرحبا سهيل ..
سهيل وهو ذايب من صوت منال : مرحبا الساع .. شحالج الغلا ؟..
منال : الحمدلله بخير .. شحالك انته ..؟
سهيل : انا بخير يوم انتي بخير .. وعساج انشالله دوم في خير ..
منال : تسلم الغالي .. واسمحلنا غثيناكم وتعبناك ويانا ..
سهيل : لا فديتج لا غثيتينا ولا شي .. وتعبج راحه ..
منال : مشكور الغالي عالورد وعساه انشالله على الافراح ..
سهيل : امين يارب .. والعفو فديتج انا ماسويت شي يستاهل ..

حست منال بالارتباك طول ماكانت تكلم سهيل وحست بعيون اختها فاطمه وهي تطالعها وتضحك الها .. وبامها نوره الي كانت منزله عيونها تحت عنها وتحاول تلتهي ببنات ولدها عن لاتحرج منال بهالموقف ..

اما سهيل فكان طاير من الفرح وهو يرمس منال ولا عليه من الي حذاله من امه وخواته ..وارتاح من سمع صوتها ورمسها ..
وصار ماعنده صبر علشان يتريا الخطوبه الرسميه وكان وده يختصرها بالعرس عطول ..

****

يوم الخطوبه لبست منال فستان بيج فاتح ولمة شعرها الاسود بتسريحه ورفعته عن اعيونها ونزلت خصل بسيطه على الاطراف
مكياجها كان هادي والعيون مجحلينها بالاسود وبارز صفاء
عيونها ولونهن الاسود ..

منال كانت مرتبكه اليوم لان فاطمه قالت الها ان سهيل بيدش يشوفها ويلبسها خاتم الخطوبه بنفسه
الخطوبه بتكون عائليه يعني الموجودين بس اهل سهيل واهل منال ومريم وبنتها اسما

دخلت نوره غرفة منال ولقتها يالسه على الكرسي وحذالها اسما ..
نوره : ماشالله .. بسم الله عليج من العين ..
نشت منال لامها نوره ويت نوره مسكت يديها .. حست بيدين منال بارده وفيها رجفه خفيفه ..
نوره : فديت روحج اليوم انتي عروسنا ونبى نفرحبج ابتسمي وشلي عنج هالخوف ..
منال وصوتها ظاهر خفيف : امي وين حمد ..؟
نوره : حمد في الميلس عند الرياييل ..
منال : ابى حمد ينزل ويايه تحت ..
اسما : منول حياتي محد بياكلج تحت لاتخافين .. وانا وخالوه نوره بننزل وياج ..
طالعت منال اسما ونزلت عيونها تحت وردت يلست على الكرسي ..
كانت منال خايفه ومرتبكه ..
نوره وهي تراعي شعور منال وخوفها : انا بتصل لحمد واخليه يحدر سهيل تحت عند الحرمات وعقب ايي عندنا وينزلج ها شو رايج ..؟
منال رفعت ويها لامها وابتسمت الها بين ارتباكها الي متملكنها ..
يلست نوره واتصلت لحمد ..

نوره : حمد الغالي .. منال تباك تنزلها تحت ومستحيه تنزل بروحها ..
حمد : ماحيدها بنتج تستحي من العرب .. دومها تستقبل وتيلس وتسولف اشمعنا هالمره ..!!
نوره : وهي هالمره مثل كل مره ..!!؟ اليوم الحرمه خطبتها ومستحيه تظهر جدام العرب والناس ..
حمد : ههههههههههه جي السالفه .. خلاص مايهمكن انا ياينكن الحين ..
سكر حمد عن امه والتفت لسهيل الي يالس حذاله ..
حمد : سهيل ..
سهيل : لبيه ..
حمد : يبونك تحدر الحين شو رايك ..؟
سهيل حاس انه في حلم ومب مصدق انه اموره تمشي بهالسرعه وان حلم عمره منال بيكون ملكه ..
سهيل وهو يبتسم : مايبالها راي الغالي ..

نشو حمد وسهيل وسارو صوب البيت وحدرو في الميلس عند الحرمات ..تغشن الحرمات كلهن ودخل حمد سهيل وسلمو على الحرمات وسار حمد فوق عند امه ومنال ..

حمد : ها منال .. جاهزه ...؟
منال شلت اعيونها في حمد وحست بالاطمئنان من شافته .. وزال عنها الخوف ..
منال : هي جاهزه ..
حمد حب انه يفرفش الجو عليهم علشان يبعد ارتباك منال ويضحكها شوي ..
حمد : شو اليوم محلوين العرب .. منال اهنيه وفطيم تحت ماخلن شي من الزين اليوم ..
نوره : هيه فطيم ومنال مدحتهن وعيوزك نسيتها اشوف ههههههههه
حمد : ههههههههه منو عيوز ؟؟ ماعندنا انحن عيايز الي اشوفهن كلهن شابات وكل وحده منهن تقول الزود عندي ..
نوره : ههههههههه الظاهر ان عند ضعف نظر الغالي ..
حمد : لا سمحيلي فديتج عليه يمين ان الزين الي عندج محد شله لا بنات ولا حرمات قبلج ولا عقبج ..
منال : هههه وانا اشهد على هالشي ..
نزلت منال وامها نوره على يمينها وحمد على يسارها واسما وراهم ودخلو الميلس .. من دخلت منال وشل سهيل عيونه فيها ماحس بالي حواليه من ناس .. عيونه تسمرت على منال والزين الي يشوفه جدامه وتم يالس ويطالعها .. وهي دخلت مستحيه وعيونها تحت مب قادره تشلهن في الناس .. مسك حمد ايدها ومشاها لين اخر الميلس وين يالس سهيل وامه ..
نش سهيل من شافها يايه صوبه ولز عطرف وهو يطالعها ويبتسم .. علشان يسويلها مكان تيلس حذاله .. وقفت منال قباله وسلم عليها سهيل وهو فرحان ابها ..
شلت هيه عينها تطالعه .. بس من شلت نظرها صوبه انعقد السانها وماقدرة تقول شي وطارت الابتسامه الي كانت تنور ويها .. !! هاللحضه منال عرفت منو خيطيبها .. عرفت منو سهيل .. تذكرته وتذكرت ذاك اليوم في المستشفى

لالي...

19-03-2006, 00:00

سهيل كان يبتسم ويرمس منال وهي مب قادره ترد عليه بشي ..
منال .. هذا انا اعرفه .. هذا هو نفسه الي شفته في المستشفى يوم تربي فطيم ..
معقوله الي يصيرلي .. معقوله هو نفسه يخطبني .. ليش يطلع هوه ..!! عقد هالموقف لسان منال وماقدرة تقول شي .. التفتت ويلست وين اشرلها سهيل بكل هدوء ..
يلس سهيل حذالها وكان مبتسم بس ماقدر يرمس منال لانها ماترد عليه بشي من الصدمه الي يتها ..

لبس سهيل منال خاتم الخطوبه والعقد والساعه .. منال حاولت تهدي نفسها وتعدي هالموقف الي صارلها بعقل ..
منال تنرفزت في داخلها من ان سهيل يكون نفسه الشخص الي صادفته في المستشفى ..
وفي نفس الوقت استغربة اصراره في رغبته فيها لدرجة انه يخطبها رسمي ..
بس سهيل من خطب منال ماشافت منه الا كل خير ونيه سليمه ..وهذا يدل على صدق نيته ومشاعره ناحيتها ..
فليش انا اعصب منه واتضايق ..!! هالشعور عذب منال .. وماعرفت ليش هيه صعب عليها تتقبل سهيل في حياتها .. وشو هو هالسبب الي يمنعها عن سهيل ..

فيصل مازال في نفس منال وقلبها .. ومب قادره تدخل في قلبها بديل له .. ولكن هالشي كان يباله وقت لين منال تعرف سهيل اكثر ويغلى عندها وتبدا تحبه ..

بعد الخطوبه كانت ام سهيل وام منال يرتبن للعرس ويحددون له موعد مناسب .. كان سهيل يطلب يرمس منال كل فتره والثانيه ويسلم عليها من امها نوره ..
وصارت مثل العاده عنده مايقدر ييلس فتره طويله من غير مايتصل بمنال ويسمع صوتها .. منال مع الايام تعودة على سهيل وتقبلة اهتمامه ابها ولكن كانت تحس ببعض تأنيب الضمير ناحية حبها الاول .. ولكنها كانت تطاوع الوقت وتمشى معاهم بالي يبونه ..

كانت منال يالسه مع امها وفاطمه اختها وحمد يناقشون موعد العرس مته بيكون .. و رن تلفون حمد ونش حمد برا وقعد يرمس في التلفون .. فاطمه بدا ويها يتغير وكان هالموقف يتعبها ويعذبها .. ماقدرة فاطمه تستحمل تصرفات حمد وشكوكها فيه الي تمت تعذبها طول هالفتره ..
نشت فاطمه واستسمحت من عمتها ومنال وطلعت غرفتها وهي تقاوم دموعها الي ملت عيونها وتحاول تهدي نفسها المجروحه من خيانة حمد الها الي باتت تأرقها وتتعبها كل ما رن تلفون حمد ..

رد حمد للميلس وطالعهن وماشاف فطيم عندهن .. وقالن له انها استسمحت منهن فجأه و طلعت غرفتهاا وهي متضايقه ومايعرفن شو بلاها .. استهم حمد عـ فاطمه وترخص من امه ومنال وطلع فوق عندها علشان يشوف شو فيها ..

دق حمد الباب عـ فاطمه وكانت قافله وتصيح .. حاولت تمسح دموعها بسرعه وتخلي عمرها طبيعيه ونشت فجت الباب لحمد ..
دخل حمد مستغرب شكلها وليش فاطمه كانت تصيح ..!! تقرب حمد من فاطمه وهم عالباب ومسك يدها بكل اهتمام وهو يطالع عيونها وخايف عليها ..
حمد : فطيم حبيبي شو بلاج ..؟
فاطمه وهي تحاول تسحب يدها من ايد حمد : ولا شي ..
حمد بإصرار وهو ماسك ايدها مب راضي يفجها : لا .. فيج شي وكنتي تصيحين .. شو بلاج حبيبي ..

فطيم وبكل قهر صرخت وسحبت يدها من ايد حمد وتمت تصيح ومب رايمه ترمس ..
حمد خاف على فاطمه وماعرف كيف يهديها وهو مش عارف شو بلاها ..

حمد : فطيم هدي اعصابج ورمسي .. قولي شو بلاج ..؟

فاطمه وبين دموعها : حمد خلاص تصرفاتك صارت مفضوحه .. وانا مااقدر اتحمل خيانتك لي ..
حمد وبذهول : فاطمه .. بسم الله عليج .. انتي شو تقولين ..؟
فاطمه يلست على الكرسي وهي تحاول ماتصيح وتبى تتناقش مع حمد بهدوء ..

فاطمه : حمد انحن بينا ثقه كبيره صح ..؟
حمد : اكيد وعقب الثقه بينا حب وعيال ..
فاطمه : والي يخون الثقه .. شو يكون ..؟
حمد : يكون خوااان وماله امان .. ولا يستحق الثقه ..
فاطمه وقلبها يعتصر حزن : ليش تخوني ياحمد ..؟ في شو قصرت وياك علشان تجازيني بالخيانه .. هذي نهاية الثقه الي بينا ..؟

حمد وفي عيونه علامة تعجب كبيره وحاس بالاهانه من فاطمه : فاطمه هالكلام كبير .. وانتي تجرحيني بكلامج هذا ..
فاطمه : وانتي جرحتني بافعالك ..
وردت فاطمه تمسح دموعها بكل اسى على حالها مع حمد .. وهو ينكر ومب طايع يعترف ..
حمد وصوته متغير : فاطمه ماكنت اظن ان الثقه بينا معدومه .. كيف تتهميني بالخيانه .. شو الي بدا مني .. وخلاج تشكين فيني بهالصوره وتخونيني ..؟

فاطمه : حمد انته ماتحس بتصرافاتك .. اتصالاتك .. وتهربك مني يوم حد يتصلك .. شرودك وتفكيرك .. حمد كل هذا يدل على خيانتك لي .. صح انا ماوصلت للي تكلمها علشان اتأكد .. لاني عازه نفسي اني انزل لمستواهن وارمسهن .. وانا اعلى من هالشي ..
بس انا اسألك انته علشان تقولي كل شي .. وصدقني اقل شي بيصير بينا هو اني اخليك تعيش حياتك عراحتك ومالي علاقه بك .. وبتم انا يالسه عندك علشان بناتي وهن الشي الي يربطنا ببعض بس .. بس مابيكون بيني وبينك شي .. ومااريد اعذب عموه نوره معانا ..

يلس حمد على الكرسي بعيد عن فاطمه ومسك راسه بيديه ونزل راسه يفكر ومتـأثر من كلام فاطمه وقرارها ..

فاطمه وهي تعبانه من تبدل الحياه عليهم فجأه وحاسه ان الشخص الي كان يمثل الحياه بالنسبه الها والمستقبل .. صار شخص انعدمة الثقه فيه ونزل من مكانه العالي وصار ولا شي بالنسبه لفاطمه ..
خساره ياحمد قضيت على حبي لك وحياتنا وبتعبني وبتتعب بناتك معانا .. ليش .. ليش ياحمد سويت فيني جي ..؟

نزلت فاطمه راسها وتمت تصيح وحمد رفع راسه وماهانت عليه فاطمه ودموعها الي تعذبه .. بس في نفس الوقت حمد انجرح من كلام فاطمه ورايها وظنها فيه رغم ان حمد ماكان يخون فاطمه ولا عمره فكر انه يخونها .. ولكنه كان مشغول بموضوع يخص شخص غالي عليهم وهي منال ..

حمد وهو يمسح عشعر فاطمه : حبيبي .. ام نواري .. تتوقعين ان حبيبج وابو بنات اييه يوم ويخونج !!؟.. لعنبوه انا لو خنتج بحس اني خاين الدنيا كلها .. انتي وامي ومنال وبناتنا .. كيف تتصورين ان ممكن حد ياخذ اهتمامي وحبي غيركم ..
ها يافاطمه .!!؟..
تم حمد يرمس فاطمه وهو يبتسم الها ويحاول يحنن قلبها عليه ..
رفعت فاطمه عيونها فيه والدموع بين اهدابها ..
فاطمه : ليتك صدق ماتكون خنتني .. لاني مااقدر اتقبل هالفكره .. ولا اقدر احكم علينا بالبعد .. انا احبك .. ومااقدر اصبر يوم واحد بدونك ..

حمد : فطامي .. اذا انتي ماتقدرين تصبرين عني يوم .. انا دقيقه مااقدر اعيشها بدونج .. انتي عمري وروحي وكل شي احبه في هالدنيا ..
فاطمه : حمد لاتضحك عليه يهالكلام .. مااقدر اصدقك بعد الي سويته ..
حمد : فاطمه اباج تعرفين انج جرحتيني بافكارج عني .. والي ماعندج عليهن اي دليل .. ولكني بطمنج وبريحج من هالظنون ..
رفعت فاطمه عيونها في حمد وبكل ريبه : بتحاول تألفلي جذبه علشان اصدقها ..

حمد : لالا .. لا يافاطمه .. مابتوصل للجذب .. خلي على الاقل قليل من الثقه تكون بينا اذا الثقه الكامله انعدمت في داخلج ..
فاطمه وهي تلوم نفسها على كلامها في حمد : اسفه حمد .. انا اسمعك تقدر تدافع عن عمرك وانا بصدقك ..

حمد : فاطمه .. الي اقدر اقوله لج هو ان الاتصالات الي انتي تشكين فيهن .. مش من بنات .. وانا ماخنتج ولا فكرة اني اخونج في يوم من الايام .. وهالاتصالات من ريال بيني وبينه موضوع هام يخصنا كلنا وبالاخص يخص منال ..

سكت حمد وهو يتريا راي فاطمه في الموضوع والرمسه الي سمعتها .
فاطمه : شو هالموضوع الي يخص منال وما كنت تبانا نسمعه ..؟
حمد : مااقدر اقولج عليه الحين .. لين مااتأكد من هالكلام وعقب منال بتعرفه وهي كيفها اذا بغت تخبركم والا لا ..

فاطمه : حمد مااقدر اصدقك .. الا اذا عرفت الموضوع كامل .. يمكن تكون تتهرب مني وتلفق اي كلام علشان تنقذ نفسك ..

حس حمد بالاهانه من كلام فاطمه وماعرف شو يقولها .. لان الكلام عانده واحساسه المجروح فضل انه يسكت عن فاطمه ومايناقشها علشان ماتزيد علية الجرح وتعذبه اكثر بظنونها وشكوكها ..
نش حمد عن فاطمه و خلالها الحجره وظهر وهو يجر معاها خيوط الثقه المفقوده

لالي...

19-03-2006, 00:21

¤ّ,¸¸,ّ¤؛°`°؛¤ الـجزء الــثامـن عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

احبك وانته تتجاهل .. وكأنك بالهوى جاهل
تبيني صرح بكلمه.. وقول ان كنت استاهل
....
نعم اعلنها بسكوتي .. واخفي رعشه فصوتي
واخلي عينك اتفسر .. هواي وعشقي وموتي

طلع حمد من غرفته وخلى فاطمه تدمع اعيونها على هالموقف البايخ الي حطة عمرها فيها .. ماعرفت فاطمه ليش هي عاملة حمد بهالطريقه وشكة فيه ..!! هل هي غيره الحبيب على حبيبه او هي وسوسة شيطان ونالت منها .. قامت فاطمه وتعوذت من ابليس ونشت تغسل ويها وتحاول تهدي عمرها وتفكر بحياتها وكيف لازم تعامل ريلها بحترام وحب اكبر .. وترجع الثقه لمكانها وتحاول تعتذر من حمد ..

في بيت سهيل كانت العايله كلها قاعده ويناقشون عرس سهيل ويحددون له موعد علشان يبلغون حمد به ويتفقون عليه ..

بو سهيل : خلو العرس الشهر الياي وحاولو تزهبون وتخلصون بسرعه ..

ام سهيل : شهر مايمدينا نزدهب ونخلص كل شي .. شو عايلنكم خلونا نزدهب عراحتنا وهل العروس بعد نعطيهم وقت يقدرون فيه يتجهزون لبنتهم ويخلصون ..
لاتكضون علينا وتستعيلون خلونا براحتنا ..

الريم : اول مره اشوف هل المعرس مايبون يجدمون العرس ..!!
بالعاده هل المعرس يستعيلون وهل العروس يأخرون هههههه

سهيل : شدراني انا ..!! ماييت الا على حظي .. وام سهيل بتداري على انسابتها
وبتخرب على ولدها تبى هههههههههه

بو سهيل : مب من عادتها العيوز تسويبك جي .. شكلها مب من خاطرها بتيوزك ..
ام سهيل : وابويا انا عليكم .. مره ماتبون تسمعونها كلمة الحق ..
انا ماغلط وسهيل بيعرس .. و الا شهرين الي طلبناهن انحن هههههههه

سهيل : شهرين شويه عندج يام سهيل بس عند ولدج يشوفهن دهر مايعرف كيف بيخطفه ..

شيخه : وانتو صدقتوها امي .. انا احلفلكم انها من سنه وهي تيمع لعرس سهيل
و ماخلت كندوره ولا قطعه ولا عود ولا شي من خلاقين العرس مايودته وظمته في شنط ..
وماعليكم من رمستها ام سهيل من زمان خالصه ومزدبهبه ههههههههههه

ام سهيل : غربلات البنات .. لعنبوج عديله تدورين ورايه ..
وهذاك السامان من زمان ملموم وميود .. وسهيل مابيعرس بزهاب جديم ..
ولمي ثمج انتي وماعاد تطرين الزهاب ..

سهيل : ههههههههههههه ثرها جي السالفه عيل هالشهرين حق شو تبينهن
يوم انتي خالصه عقوله شيخه ..؟

شيخه : امي بتقوليلهم .. والا اقولهم انا ..؟ ههههههههه
ام سهيل : انتي لمي ثمج وسيري عنا البنات مالهن يلسه في هالسوالف ..
يالله قومن درسن والا سون أي شي بعيد عنا ..

اليازي : ههههههههههه امي مب عرسنا هذا علشان انش ومانسمع .. عرس
سهيل وانحن مانبى شي يفوتنا نبى نسمع شو ترتيباتكم بس .. ومايخصنا في
شي غير ..
بو سهيل : خليهن لعنبوه ليش تروغينهن اخوهن ويبن يفرحبه ..
برايكن يلسن بناتي ماعليكن من رمسة العيوز ..
ام سهيل وهي تغايضهم : انا مب عيوز يالشيبه .. ونتن يالله سيرين مابى اشوف وحده منكن اهنيه ..

ضحك سهيل عليهم .. و نشن اليازيه وشيخه وهن يتحرطمن على امهن وسارن فوق ..

دخلن حجرة شيخه ويلسن يرمسن عن عرس سهيل وامهن الي ناويه تسوي
عرس كبير لسهيل وتعزم فيه كل الشخصيات وتخليه عرس من الف ليله وليله
علشان تغيض اختها ام رفيعه وبنتها ..

اليازي : شيخه ماشي خبر عن عبدالله ؟
شيخه وبضيقه : لا ماشي ..
اليازي : لعنبوه اشيااه قطع جي ..!! وين الحب ..!! ماحن لج والا اشتاق ..؟
شيخه : مادري يااليازي .. هذا شكله مانسى السالفه وبعده مصر عليها
ويترياني انا الي ارمسه ..
اليازي بخوف : وانتي ناويه ترمسينه ..؟

شيخه : لا طبعاا .. عقب هذا كله تبيني انا الي ارمسه ..!! اذا هو ما حنن قلبه
عليه ولا حتى فكر في زعليه طول هالوقت رغم انه غلط على اهليه ..
كيف اسامحه مني والدرب واربع اتصله ..
اليازي : تلقين هو يالس يقول نفس الكلام .. ومب طايع يتصلبج لين ما انتي
تتصلبه لانه يشوف ان الغلط مناا مش منهم ..

شيخه : هذا الي يشوفه هوه مب احنا .. واحنا ماغلطنا .. وخليني جي ..
يمكن هالموقف صار علشان اشوف قدر غلاتي عند عبدالله ومقدار حبه اليه ..
اليازي : اتمنى ان عبدالله يراجع نفسه ويتلصج ويستسمح منج ..
ماابى نهاية حبكم تكون لفراق ..
شيخه بخوف وهي ماتقدر عفراق حبيبها : انشالله يعرف غلطه .. ماابى افارق عبدالله .. وانا عايشه عحبه طول سنين عمري .. مااقدر ابعد عنه ..

كان صعب على شيخه انها تتخيل نفسها وعبدالله منتهين .. وكان صعب عليها نفس الوقت تذل نفسها واهلها لارضاء عبدالله ورغباته .. وتعيش طول عمرها وهي هاينه نفسها عنده ..

بس عبدالله كان لعناد راكب راسه .. والغيض متملك منه .. وكل ذره بجسمه تقوله
ان شيخه لبسته ولا عبرته وخلته بزعله وضيقته طول هالوقت ..
عبدالله يحس ان شيخه بايعتنه لين ما هو يرجعلها ذليل ويتعذر الها عن الي قاله بحق اهلها .. ويرضى بالي صار من سهيل ناحية اخته .. ويطلع هو في النهايه صغير عندها بعتذاره ..

الوقت طال ومضة الايام وعبدالله وشيخه على البعد مستمرين .. وكل واحد منهم ينتظر من الثاني ينزل من كبرياءه ويرجع يكلم حبيبه .. بس ولا واحد منهم راضي ينزل من برجه العاجي الي حطو انفسهم فيه .. رغم ان لشيخه الحق بهالتصرف .. وعبدالله كان المفروض منه هو الي يتنازل ويسير يفهم الموضوع اكثر ويعتذر عند الي قاله بحق شيخه واهلها ..

في بيت نوره منال وفاطمه قاعدين على الغدا ويترون نوره تي علشان يتغدن .. وحمد كان معزوم عالغدا عند واحد من ربعه ..
منال كانت ملاحضه على فاطمه حزنها وتغيرها .. كانت مب على عوايدها تسولف وتضحك .. ومعظم الوقت كانت ساكته و حتى الاكل ما كانت تشتهيه ..

منال : فطيم .. انا ملاحضه عليج شي ..
فاطمه : عليه انا ..!!؟
منال : هي.. انتي مستويه وايد هاديه .. لا وبعد مطيعه وماتناقشين وماترمسين
موليه .. شو بلاج ..؟
فاطمه : ماشي منال .. بس مشتاقه لامي وخواتي وخاطريه اسير صوبهم ..

منال : انزين حبيبي اذا هالشي متعبنج ليش ماتسيرين وتشوفينهم .. ؟
فاطمه : ماعليه منال بسير بس مب الحين ..
منال بستغراب : ليش عاد ..؟

فاطمه : مب وقته الحين .. بس من اسبوعين انا يايه عنهم ..
منال وبحنان : فطوم حبيبي مافيها شي اذا تبين تسيريلهم محد بيقول شي ..
واذا على حمد انا برمسه اذا هو معارض ..
فاطمه : لا منال حمد اصلا مب معارض .. بس انا من نفسي ماابى اسير الحين ..

منال : والله امرج محير .. وانا شكلي مابصدق انه سالفة ضيقتج هاي هي ولهج لامي وابوي وخواتنا ..!!

سكتت فاطمه وماعلقت عكلام منال .. رغم ان كلام منال صح بس فاطمه ماتبى تبين الها الي بينها وبين حمد من خلاف وزعل بسببها ..
وهي تعرف لو منال عرفت يمكن تخرب على حمد موضوعه الي يتعلق بمنال .. فحبت انها تسكت وماتخبرها باي شي لين ماحمد يكلم منال ..
رغم ان حمد من ذاك اليوم زعلان على فاطمه ومايرمسها وكل واحد منهم بصوب ..
وهذا الي كان مضايق فاطمه

دخلت نوره على منال وفاطمه ولقتهن يالسات على حالهن وعيون فاطمه تتهرب من نظرات منال الي كانت نظراتها كلها استفسارات مالقت الهن جواب عند فاطمه ..

نوره بستغراب : خير شو بلاكن ..؟

رفعت منال ويها لامها يوم سمعت صوتها .. وبحضور نوره انقذة فاطمه من اسئله منال واستفساراتها اللحوحه ..

منال : هلا امي .. مابلانا شي .. كنا نترياج بس ..
نوره : فديتكن ليش اترييني ..؟ تغدن انتن وانا ماعليه من ايي بتغدا ..
فاطمه : لا مايصير نتجدم عنج ونتغدا .. مب من سنتنا ههههههه
منال : هههههه ومانقدر ناكل اصلا بلاياااج ماتعودنا و مابيهننينا الاكل ..

نوره : يوزي انتي عن هالمكر .. باجر بتعرسين .. لاتقوليلي بعد انج مابتاكلين وبتجتلين عمرج يوع لين ماتشوفيني جدامج وعقب تاكلين هههههههههه
منال : هههههههههه ليش عاد ها كله .. انا اصلا مابسير عند بييب ريلي وبنيلسلكم اهنيه في البيت ناكل ونشرب وياكم ..

فاطمه : هههههههههه مرحبابكم .. بس عاد هاتو اكلكم وياكم ..
منال : ههههههههه ليش انشالله ماعندكم اكل والا بتتبيخلون على ريلي بالاكل ؟ ههههههه
فاطمه : لا بس علشان انحن ناكل وياكم مب دوم انتو تاكلون عندنا ههههههههه

يلست نوره وبناتها يتغدن ويسولفن .. وبعد ماخلصن طلعت فاطمه علشان ترقد منال الصغيره بعد مايابت الها الخدامه وهي تصيح ..

دخل حمد على امه ومنال ولقاهن يالسات في الميلس ويطالعن الاخبار ..
حمد : شمسيتو ..؟
نوره ومنال : بنعمه الحمدلله ..
نوره : حيالله بو نوره .. شحالك الغالي ..
حمد سار ويلس حذال امه : بخير يعني افدا روحج يالغاليه .. وانتي شحالج ..؟
نوره : من اشوفك انا بخير فديتك .. شو اخبار عربك الي ياي عنهم ..؟
حمد : يسلمون عليكم .. ويتنشدون ..
نوره : ربي يسلمهم من الشر ويسلم من ياب السلام ..

يلس حمد ساكت ويطالع تحت وباله مشغول .. وشكله حيران ويفكر ..

حمد فجاه : عيل وين فاطمه ؟
منال : ترقد منوله .. خير لحقت تتوله عليها .. مامداك الا سرت تتغدا ورديت ..!!؟ ههههههه
حمد : هههههههه وليش مااوله على حرمتيه وام بناتي ..؟

لالي...

19-03-2006, 00:24

منال : لا مب لشي ..!! بس خلاص راحت عليكم انتو الحين شوبتو ويبتو عيال هههههههههه
حمد : ههههههههه ولو انشالله بعدنا نيب غيرهم ونزوجهم بعدنا بنتم شباب .. وبوله عليها وبتوله عليه .. شو رايج .؟

نوره : امين يارب مايغير عليكم هالود .. والله يباركلكم في عيالكم ..
حمد : ويطوللنا بعمرج الغاليه وتشوفين اخوان نوره وعيالهم ..
منال : امين يارب ..
حمد : هههههههههه وعيال منال وعيالهم بعد ..
نوره : هههههههههه انا من الحين اقول يالله بحسن الخاتمه .. واعيالكم انشالله يتباركون باهلهم والله يخليكم الهم ..

منال : لا امي بسم الله عليج .. لاتقولين جي عن عمرج .. انحن مانعيش بلايج .. انتي الي لامتنا وعايشين بحسج بهالدنيا ..
حمد : فديت روحج ياشيختهم .. مانبى نسمع منج هالرمسه مول ..

رغم ان مظهر نوره مايدل على حرمه كبيره السن .. لكنها كانت تحس انها من الداخل منتهيه .. وصعبة عليها الحياه بعد فراق ولدها .. الي راح بعز شبابه وقبل ماتفرح به .. وكان مستحيل عليها انها تتهنى بشي في الدنيا عقبه ..

حمد : امي ومنال .. بغيت اشاوركن في موضوع ..
نوره : خير ابويا .. شو هالموضوع ..؟

طالع حمد منال وشاف نظراتها الهاديه .. وماكان يبى يصدمها بالخبر الي عنده ..
بس كان رغم عنه .. بيخبرها به ..

حمد : الموضوع يخص سهيل .. سهيل ومنال .. ويمكن يضايقكم ويمكن تعيدون حساباتكم فيه ..

طالعت نوره منال وردت طالعت حمد وفي عيونها خوف من الي ياينهم .. وحست هاللحضه بحساس الخوف الي تملكها يوم يابلها الضابط خبر وفاة ولدها فيصل ..
وحست ان حظ منال منحوس .. وخافت ان الشي الي ياييبنه حمد يكسر من معنويات منال ويكرهها في العرس ..
نوره بعدها ماسمعت الموضوع من حمد .. لكنها حدسها كان ينبئها ان الموضوع مب سهل ..

حمد : امي اباكم تفكرون في الموضوع بعقل .. مش بحساسيه .. وانتي يامنال .. لاتتهورين في ردة فعلج ..
نوره : حمد خبرنا شو عندك .. اعصابنا ماتتحمل هالالغاز ..
حمد : انشالله الوالده .. انا كلمة ريال من اول ماخطب سهيل عندنا .. علشان يتخبر عن سهيل وهله ..
والريال ماقصر بذل جهده ويابلي معلومات تسرنا كلنا وتخلي سهيل مأهل انه ياخذ منال .. وانحن جدمناهم وصرنا اهل وياهم الحينه ..
ولكن هالريال رد عليه وخبرني شي عن سهيل مادري اذا انتو بترضون به والا لا ..!

نوره : شو هالشي ياحمد ..؟
حمد : سهيل ريال مريض ..
نوره انصدمة .. ويا في بالها عطول ان سهيل ممكن يكون مريض بمرض خبيث مثل السرطان او الايدز ..
اما منال فتمت ساكته وتتسمع حمد ومافي بالها الا شكل سهيل وعيونه وابتسامتها والحب الي كانت تسمعه في صوته يوم يكلمها ..وتذكرة كيف هيه كرهته في يوم ولكنها الحين بدت تميله ..
كانت منال بعدها مب مستوعبه شي .. لكنها يالسه وتسمع وتشوف ردة فعل امها نوره على كل شي يقوله حمد ..

نوره بخوف : حمد لاتقولي ان مرض سهيل الايدز او شي خبيث من هالنوع ..؟

من سمعت منال هالكلام فجت اعيونها بخوف وتمت تطالع حمد تتريا شو
بيقولهن بفارغ الصبر ..
حمد : لا الوالده .. عوذبالله من هالشي .. سهيل مريض مرض ثاني ..
سهيل طولي بعماركن تعرض لحادث من سنتين ونجا من الموت .. وهالشي خلف عليه اعرض لين الحين هو متأثر منهن ..

نوره بستغراب : مثل شو ياحمد ..؟
منال هدت اشوي وحست بحزن على سهيل وهي تسمع سالفته .. وخافت من طاري الموت الي كان بيتعرضله على اثر الحادث ..

حمد : سهيل تقدرن تقولن انه مرضه في عقله .. يعني مشوش الفكر واعصاب مخه تعبانه .. بس هالحاله الها علاج عند مختصين ودامه يستخدم العلاج في امل لشفااا ..

نوره : زين يعني مافهمت عليك .. هالشي مأثر عليه كيف ..؟
حمد : والله يالوالده هالشي يأثر عليه بالنسيان او عدم التركيز ويتلخبط واحيانا يتصرف تصرفات مايكون في وعيه ومايتذكرهن عدل ..

نوره : وانته قد لاحضة عليه هالشي ..؟
حمد : لا بصراحه .. ماشفت منه شي موليه .. الريال طبيعي بس ..
نوره : بس شوه ..؟
حمد : هو واثق من نفسه وايد .. واحس لو اندفع في شي محد بيقدر يسيطر على رايه .. بس والحق ينقال سهيل من عرفته وهو ريال والنعم ..
بس الراي بيتم الكن ..

التفت حمد لمنال الي كانت طول الوقت تسمع سالفة سهيل بكل هدوء وتحسبها في بالها ..
هيه تأثرة من الي سمعته .. وبدت تحس بصورة سهيل الي بدت تتغير عندها ..
خافت .. وفكرة بالمستقبل .. وحياتها عقب مع سهيل .. كيف تتعامل معاه .. هل معاملتها له لازم يكون الها حدود وشروط علشان ماتأثيه بشي ..
هل تعامله كشخص عادي ..!! او بطريقه خاصه .. وتفكر بشي ثاني كان اكبر بالنسبه الها من الي عرفته عن مرضه ..!!

حمد : منال ..
رفعت منال راسها لحمد وعيونها مليانه بالافكار
منال : لبيه ..
حمد : شو رايج بالي سمعتيه ..؟
منال تمت ساكته ماردت على سوأل حمد .. وتمت تفكر ..

حمد : منال انا ماابى اخوفج من سهيل .. والي سمعتيه ..كان لازم تسمعينه وتعرفينه عن سهيل .. اكيد انتي كنتي تبين تعرفين هالشي عنه من الاول .. لكن كلنا انصدمنا من الخبر مثلج وماكنا نعرفه .. واكيد انتي بعد ماعرفتي هالشي عن سهيل .. تفكرين تغيرين رايج وتفصخين الخطبه يمكن .. ويمكن انتي متشتته ومب عارفه توصلين لحالة سهيل بالضبط علشان تقررين مصييرج وياه ..
مااعرف شو الي انتي ناويه عليه او شو الي انتي محتاجه تعرفين عن سهيل اكثر علشان تقررين ..!!

منال وهي تطالع حمد بهدوء : عندي سوأل واحد بس ابى اعرف اجابه عليه ..
طالعها حمد بكل اهتمام ونوره بالمثل ..
حمد : شو الي تبين تعرفينه يا منال ..!!

منال وفي صوتها قوة المجروح : ليش سهيل ماقالنا عن حالته من الاول يوم يا يخطب ..؟ هل هو كان ناوي يخدعنا بمرضه ويعديه علينا وعقب العرس وعقب يوم مايكون في يدينا شي نسويه .. عقبها يخبرنا ..!!!؟

تمت منال تطالع حمد وامها نوره وهي حازه في نفسها ليش هي تتعرض لهالامور دايما ومصيرها دوم تتجرع الالم من هالمواقف الصعبه ..وعقب مابدت ترتاح لسهيل وتقبلته كزوج .. يطلع هو بهالصوره وتكون محتاره فيه ..
منال ماالمها الي سمعته عن مرض سهيل .. كثر ماالامها انه ماكان صريح وياهم من البدايه وماكانوا يعرفون عنه شي ..

نشت منال وظهرة عنهم وحمد يالس ساكت ونوره بالمثل ومب عارفين شو يردون على منال .. لانهم مايقدرون يردون على هالسوال الي المفروض سهيل يجاوب عنه ..

حست منال انها تلقت صدمتين من سهيل .. الصدمه الاولى هيه لما عرفت منو سهيل بالضبط .. كان يوم خطبتهم ولحضة ماالتقت اعيونهم ببعض لاول مره ..
عرفت انه نفس الشخص الي قابلته في المستشفى وتذكرت موقفها معاه الي كرهته ذاك اليوم من كل خاطرها ..
ماقدرة منال تسوي شي يوم الخطبه .. الصدمه شلتها .. وحست انها ماتقدر تتقبل سهيل كخطيبها .. لكنها كتمت شعورها هذا بداخلها خوفا منها من انها تغضب ربها او تضايق اهلها واهل سهيل ان ردت وخلت سهيل بعد ماخطبها ..
حاولت منال تتقبل سهيل وبالفعل كانت بدت تتناااسى هالموضوع .. ولكن هالمره وهي الصدمه الثانيه ..
لحضة ما عرفت انه غبى عليها سالفة مرضه وهالشي الي منال ماكانت تقدر تسامحه عليه وتعديه ..
منال .. مش مشكله لو سهيل مريض .. مش مشكله اذا هو هاي حالته انا كنت مستعده اتقبله .. بس انه يغبي هالشي عنا .. ويخدعنا .. هالشي الي مستحيل اتقبله منه ..

تمو نوره وحمد في الميلس وهو مب عارفين شو بتسوي منال .. منال ماسئلة عن مرض سهيل ولاهمها .. منال همها كان غير .. كان همها ليش سهيل ماخبرهم هالشي بنفسه ..

حمد : منال معاها حق .. لو سهيل رمس يمكن كانت منال بتتقبله وترضى به عن انه يخدعها ومايقولنا شي عنه ..
نوره : يمكن الريال عنده اسبابه .. ولو انهن ماكانن بيشفعن له عن غلطته ..

حمد عرف رغبة سهيل في منال .. وعرف انه هو راعي السياره الي كانت واقفه ورا بيتهم وانه ماكان اييبه صوبهم غير منال ..

حمد مااعجبه انه يعرف هالشي عن سهيل .. وان سهيل شاف منال وبغاها .. وعدت السالفه وخطبها ووافقو عليه .. عاشروه وعرفوه .. سهيل اخلاقه وطباعه كانت الطيبه والاخلاق العاليه ..وكريم في تعاملاته مع الناس.. حبوب والناس ترتاحله بسرعه الا منال ماارتاحت له من شافته رغم انه انسان يدخل القلب ويسعد أي وحده ويشرفها انها تاخذه ..

لكنه خلى الراي لمنال وقرر ان الشي الي تباه منال بيصير .. حتى لو كان رايها مخالف لرغباتهم ورايهم ..
ماحست منال الا بدموعها تنزل من اعيونها وتشهق بالدموعه .. تذكرة نفسها وهي صغيره .. حنان امها وحنان فيصل الي كان يحيط ابها ..
تذكرة فيصل وحست بحاجتها له .. الشخص الي تعرفه وتحبه وتموت على ذكراه ..
كيف رضيت ابدل فيصل بشخص مثل سهيل .. مايسوى حتى اني انسى فيصل علشانه او اسمحله يحتل مكان فيصل في قلبي ..

ااااه ياقلبي .. شو سوت بك الايام بعد رحيل الغالي .. الدنيا مارحمتك .. ولا بترحمك .. وغدر الايام والناس بيتم يلاحقني ..
ليت روح تروح لروحها .. ماابى هالعيشه .. ابى ارتاح عند فيصل .. ماابى حد غيره .. ولو هو مكانه غير عن مكانا .. انا افضل قربه والبعد عن هذي الحياه ..

بالفليل دخلت نوره على منال غرفتها وتكلمت معاها .. كان قرار منال الرفض وفصخ الخطوبه من سهيل ..

نوره : متأكده من قرارج هذا يابنتي ..؟
منال : هي امي .. هذا القرار الي توصلت له بعد تفكير في السالفه .. مااقدر اتقبل سهيل ..
نوره : بس احنا ممكن نسأل سهيل ونعرف منه ليش ماخبرنا عن حالته ونسأل هله ونستفسر منهم عن حالة ولدهم وان كانت صحيحه نعرف شو اسبابهم في انهم مابلغونا عن حالة ولدهم ومرضه .. واحنا يحقلنا نعرف هالشي عنه ..

منال : الي يريحج الوالده سويه .. بس انا قراري مابيتغير ..
نوره : مايصير ياحبيبي .. سمعي منهم عقب فكري .. هالقرار هذا انسيه الحين ..

منال كانت رافضه سهيل رغبة منها بالمحافظه على مكان فيصل في قلبها ..

لالي...

19-03-2006, 00:26

ورافظه انها تتعرض لاي صدمات يديده في حياتها ..
وكانت ناويه تبقى على هالحاله طول العمر ولا تفكر في الزواج نهائي ..

منال : انشالله الغاليه .. بس وعديني في النهايه اقرر بنفسي ولاتتدخلون يقراري ..

نوره وهي مستغربه كلام منال : اوعدج حبيبي ..

كانت نوره بتتصل بام سهيل .. لكن كان صعب على نوره انها تكلم ام سهيل بهالامور وخافت انها ماتتقبل هالكلام في ولدها وتعتبرها اهنانه الهم ..
علشان جي طلبت سهيل نفسه .. واتصلتبه وكلمته نوره بكل حب واعتبرته مثل ولدها ..
سهيل تلقى الخبر من نوره وسألها عن صحته وكشفها له بانهم عرفو عن حالته ومرضه بشي من الضيق .. ولكنه حس بخيبه وانه لابد من ان الشي المغباي له يوم و بيظهر ..

ماعرف سهيل شو يقول لنوره .. لكنه قالها انه ماتوقع ان هالموضوع مهم .. وكل انسان يتعرض للحوادث في حياته وازمات اكثر من الي تعرض الهن هو نفسه ..

نوره قالت له ان منال عرفت هالخبر وتضايقت منه وايد وتضايقت ليش انه ماخبرهم عن حالته وغبى السالفه ..

سهيل : عمتي .. انا ماتحمل شي في الدنيا اكثر من اني احس اني ممكن افقد منال واخسرها لاي سبب كان .. واباج تساعديني .. اذا انتي راضيه عني .. في اني اكسبها ومااخليها تغير رايها فيه في مستقبلنا ..

نوره : بس انته لو عندك سبب مقنع ترضى عنه منال .. يمكن ترضى وتسامحك .. انحن مابنلقى مثلك .. بس انته غلطة في هالشي .. فلا تلوم منال على ردة فعلها ..
سهيل تضايق وتندم من هالوضع والموقف الي يمر فيه .. مب عارف ليش هو يصيرله جي عقب ماخلاص ملك منال وحس انهم لبعض ..
هل يمكن هذي حوبات رفيعه .. وان خاطرها فيه من جي هو مابيتوفق مع منال ..!!

سهيل وبحزن : للاسف عمتي ماعندي سبب يشفعلي فعلتيه لا اني كنت ابى منال وماكنت اباكم تردوني .. انا غلط ولكن اطلب منكم السموحه .. ماعندي عذر غيره ..

حست نوره من كلام سهيل كيف انه حزين ومب قادر يستحمل ان منال تعرف عنه وانها ممكن ترفضه ..

نوره وهي تشفق على حال سهيل : انا برمس منال .. وانشالله انها تحكم عقلها وتسامح .. واطلب من الله جانك تباها .. انها ماترفضك وتفصخ خطوبتكم ..

حس سهيل بان هالكلام يجرح قلبه وفصخ الخطبه بتكون نهايته .. مستحيل منال تفصخ الخطوبه .. انا مابرضى بهالشي .. مستحيل .. منال ليه انا ..
ومابتكون لحد غيري ..

سهيل وهو يتشبث بمنال لاخر لحضه : عمتي اباج تقولين لمنال .. انها لو ماعذرتني .. ورفضتني باخر القرار .. انها مابتكون لحد غيري .. وانا مابكون لحد غيرها ..
وبتم ارتجيها طول عمري .. واتريا انها تقبل بي .. بعلاااتي ..

&&&

كانت حالة سهيل صعبه بعد ماشاورت نوره منال .. وماقدرة تخليها تغير رايها بسهيل وترضابه .. لان سهيل يبى منال ومشتريها بعمره .. ومب قادر يتقبل فصخ خطوبتهم ..

نزل الخبر على اهل سهيل كالصدمه .. ماعرفو ليش ولدهم مرفوض وين مايسير .. شو ذنب هالولد يتلعوز في حياته .. وهو شاب ملتزم ويصلي ومرضي والديه وطيب وحنون .. بس فجأه الحظ انتحس به .. وغير حياته من اليسر لضيق والعسر ..

تحسفت ام سهيل وابو سهيل على خسارتهم لهالناس ومعرفتهم ابهم .. واشفقو على ولدهم الي التعب تملك منه وصار ذاوي وتعبان وويه يوحي بان هالانسان فيه مية مرض ومرض ..

خوات سهيل الريم وشيخه واليازي ماقدرن يستحملن حزن اخوهن والمه على فراق منال .. حسن انهن لازم يسون شي لاخوهن ..
ولو منال رفضته .. ليش هي تسويبه جي .. سهيل مب مينون ولا مستخف علشان الخلق تنفر منه ..

شيخه قررة انها تكلم منال وتحاول تفهمها وضع سهيل ومرضه وحبه الها الي مب قادر يعيش بدونه .. وتطلب منها تراجع نفسها في سهيل .. وترحمه بقرارها ..

وصل الخبر لرفيعه واهلها بأن سهيل انفصخت خطوبته .. ضحكت رفيعه في خاطرها واستانست .. حمدت ربها وقالت ان سهيل ان ماكان الها مابيكون لحد غيرها ..
عبدالله استانس وحس ان شيخه الحين بترجع له وبتوقف معاه وبتتأسفله .. ويمكن بعد سهيل يرجع لرفيعه ويتأسف عن الي سواه ..
وترجع الامور لمجاريها ..

....

ماتوقعت منال اتصال شيخه اخت سهيل الها .. ردت عليها منال وهي حاسه ان شيخه كانت بتعاتبها او تسمعها كلام بحق اخوها .. وتلوم منال على الي سوته فيه ..

شيخه : منال انا مب متصله بج علشان الومج على قرارج بسهيل .. هذا رايج وانتي حره به .. بس كنت ابى اقولج انج جتلتي انسان بقرارج هذا .. كان عايش على اسمج ويتنفس وجودج في حياته .. انتي هدمتي احلامه ودمرتي شبابه ..
حرام عليج لان سهيل مايستاهل الي سويتيه فيه ..

منال وهي تدافع عن نفسها : شيخه بس انا كنت مخدوعه .. لو حد فيكم تكلم وقال عن مرض سهيل ماكان بيصير الي صار ..
شيخه : لانج كنتي بترفضينه من البدايه .. ومابتسمحين انج تعرفينه اكثر قبل ماترفضينه .. منال سهيل كان يباج تحبينه وعقب هو في الاخير اكيد انه بيقولج عن مرضه .. وقبل عرسكم بعد .. علشان ان بغيتي ترفضينه ترفضينه ..
لكن انتي ماعطيتيه الفرصه الي يتقرب لج فيها علشان تحبينه ..

منال : شيخه انتي شو تقولين .. الحب ومادري شو .. هالامور ماتصير قبل العرس ..
شيخه : الحب .. !! الحب يصير قبل وبعد العرس واي وقت .. بس انتي ماحبيتي سهيل ولا فكرتي تحبينه .. منال انتي كنتي دوم ترفضين تكلمين سهيل .. وماتتقربين منه .. دايم احسبج لابستنه.. رغم انه بايع الدنيا وشاري قربج ..

منال : مستحيل اسوي هالاشياء الي تقولين عنها ياشيخه .. الا اذا كان سهيل ريلي ..

شيخه : بس شو الفايده الحين .. وانتي رفضتيه .. لو حبيتيه ماكنتي بترفضينه يامنال .. وكنتي بترضين بمرضه وبتوقفين معاه .. وبتخففين عنه .. وبيكون في النهايه ريلج ..

منال : شيخه اسمحيلي .. بس لاتحكمين عليه بهالقسوه لانج ماتعرفيني .. وماتعرفين ليش انا رفضت سهيل ..

شيخه : في سبب غير هالسبب الي نعرفه ..
منال وبرتباك : لا لا ما شي ..

شيخه : منال ممكن اطلب منج طلب .. وليتج ماترديني فيه ..
منال : امري الغلا ..

شيخه : سهيل .. اباج تكلمينه .. رمسو بعض .. ناقشو اموركم عاتبيه زعلي عليه بس لاتخلينه يتعذب من فراقج .. يمكن سهيل يقدر يقنعج ويغير رايج به ..
حرام عليج منال .. عطيه هالفرصه الاخيره ..
اذا مب علشانه .. علشان امه وابوه الي بيموتون وهم يشوفون ولدهم هذي حالته ..

منال كان صعب عليها ترجع تغير رايها بسهيل .. لكنها حست بكلام شيخه وحزنها على اخوها .. واشفقت على سهيل وامه وابوه .. وكيف انها سببت الهم كل هالحزن والمأسي ..

شيخه كانت تكلم منال بكل الحزن الي فيها على اخوها سهيل وعلى حالهااا بعد فراق عبدالله الي ماتعرف عنه أي شي والا لين شوه بيوصلون ..
كانت تترجى منال ماتقطع حب اخوها وتهدم حياته وتخليه حزين عقبها ..
لانها ماره بتجربة سهيل مع عبدالله .. وكانت هي اكثر وحده تقدر تحسبه بين اهلها ..

منال : خلاص شيخه .. انا بكلم سهيل .. مايهمج ..
شيخه وبفرح ودموعها تنزل من عيونها : كلميه الحين .. هو في حجرته .. انا بخبره الحين .. دخيلج لاتغيرين راج .. دقيقه وسهيل يتصلبج ..

منال : اترياه ..

شيخه بدون تردد ربعت لحجرة سهيل وفجة الباب بدون استإذان او انها تدقه الباب حتى ..
دخلت وهي تدور سهيل بعيونها .. لقته منسدح على شبريته والليت مسكر والغرفه ظلمه .. توحي ان راعي هالغرفه رايح في سبعين نومه ..

لالي...

19-03-2006, 00:30

سهيل كان صعب ان النوم يجارب جفونه من اول من وصله قرار منال بفصخ الخطوبه وهو ماذاق طعم النوم ..

يت شيخه بهدوء ويلست حذال سهيل ..
شيخه وهي تهوي عسهيل وتحب راسه : سهيل في شخص يترياك تكلمه ..

سمعت شيخه صوت سهيل المبحوح يقولها : قوليلهم مات ....

شيخه ودموعها تنزل على يبهة اخوها : منال بتكلمك ..

فج سهيل اعيونه اول ما استوعب كلام اخته .. تم منسدح ماتحرك ويعيد على نفسه ماسمعه من اخته ..
سهيل : منال بتكلمك ..!!
شيخه : سهيل اباك تحاول معاها ماتخليك .. عندك فرصه .. حاول تخليها لصالحك ..

يابت شيخه تلفون اخوها وشغلت له الابجوره .. ونش وهو يالس وتم يطالع شيخه شو تسوي ..
يته وحطط التلفون في يده وهي تطالع اعيونه وهو يطالعها ..
شيخه وهي تبتسم لاخوها من بين دموعها : اتصلها انا بظهر عنكم .. واترياك تبشرني برجوع منال لك ..

باست شيخه راس سهيل وظهرت عنه .. ماحس سهيل بنفسه الا وهو يدق رقم منال وعقبها نزلت ادموعه وهو يسمع صوتها ترد عليه ..

سهيل وهو تعبان وعيونه تشوف لبعيد : اباج ترديلي روحي ..
منال حنت بعد ماسمعت صوت سهيل التعبان : كيف ؟
سهيل : روحي عندج من شفتج .. اسرتيها.. اذا مابتحنين عليها وتكرمينها وتقبلين ابها شريكه .. ارجوج حكمي عليها بالاعدام ونفذي حكمج بدون الم .. موتيتي وريحيني ولاترفضيني وتخليني ميت وانا حي ..

منال وادموعها تنزل على خدها .. حست ان كلام سهيل يقطع قلبها ورحمة حاله وماوصل له من حبه وحنينه الها وعدم تقبله للبعد ..

منال : لو كنت صريح معايه من البدايه .. ماكنا وصلنا لهالشي ..
سهيل بألم : لو خبرتج من البدايه كنتي بتقبلين بي ..؟
منال : سهيل انا ماعندي مشكله بسالفة مرضك .. انا واعيه وفاهمه .. وهالامور من عند الله .. وانته مافيك شي يعيبك .. كان ممكن لو عرفت عن مرضك اقبلبك وارضى بك واوقف معاك في مرضك ..
سهيل وبخوف : كنتي بترضين بي شفقه في حالي يعني ..؟
منال بتردد : لا .. بس كنت برضى بنصيبي ..

منال حست صدق بالشفقه على سهيل وان قبلت به كانت بتقبل به كنصيب وكاشفقه بنفس الوقت ..

سهيل : لا تجذبين عليه يامنال .. قبولج لي كان بيكون شفقه على حالي .. انا هالشي الي ماكنت اباااااه .. انا مب ناقصني شي علشان الناس تشفق عليه ..
انتي يمكن ماتعرفين كم انا تعذبت من بعد الحادث وتأذيت من نظرة الناس لي ..
وكنت احاول اني مااخليج تشوفيني بنفس النظره .. او على الاقل تحبيني قبل ماتشفقين عليه ..

دموع سهيل غلبته .. ونزلت على خده .. سكت وحاول يتمالك نفسه واعصابه ..
حزن على نفسه وحاله مع منال .. وعلى انه مابيده شي يسويه لنفسه ..

منال اعتصر قلبها من سمعت كلام سهيل .. سهيل على حق .. وانا ظلمته معايا ..
عذبته .. صدق اني انسانه اننيه وظالمه ..
اذا هالانسان يحتاجي هالقد ويحبني .. انا مستحيل احصل مثله في الدنيا ..
انا مستعده ارضا به ومااشفق عليه ..
بحاول احبه .. حست منال ان شعورها خانها معاه .. منال فعلا كانت تحبه ..
حبته من اول ماشافته ..
لكن شعورها ناحية فيصل كان يمنعها من انها تطيع هالحب وتعترف به ..
منال حبته لكن روح فيصل الي كانت ساكنتنها كانت ترفض ان أي حد يسكن منال غيرها ..

منال انا عاندت نفسي وايد .. وتعلثت بكل الاسباب علشان ارفضه .. حاولت ابتعد عنه بكل الطرق .. لكني فشلت .. حبه لي اقوى من انني اعانده ..

مااقدر استمر بالعناد انا خلاص تعبت .. سهيل انا احبك .. احبك .. احبك بمرضك .. بأخفإك للحقيقه علشان مااخليك .. بكل شي فيني انا احبك ..

منال ودموعها بتذبحها من هالحقيقه : سهيل ..
سهيل بخوف : لبيه ..
منال : سهيل انا رجعت عن قراري .. سهيل انا غلطة عليك غلطه اكبر من غلطتك عليه .. كنت اتجاهل حبك وارفض اني ابادلك الحب الي انولد فيني ناحيتك ..
انا اسفه .. ليتك تسامحني وتقبل نرجع علاقتنا ونعيد خطوبتنا من جديد ..

سهيل وهو مش مصدق الي يسمعه : مااسمعت .. ممكن تعيدين الي قلتيه ...!!!

&&&&

في بيت اهل عبدالله .. وصلت كروت الدعوه لعرس سهيل بمنال .. ماصدقو هل عبدالله ورفيعه ان هالدعوه لعرس سهيل ..
قعدة رفيعه ساعه ماسكه الدعوه وتقراها حرف حرف وكلمه كلمه ..
يمكن اكون غلطة باسم او يمكن يكون حرف غير يريحني ويقولي ان هالكرت مش لعرس سهيل ..
بدت دموع رفيعه تنزل من اعيونها بعد ماحست باليأس من انها تغير مضمون هالبطاقه ..

عبدالله شاف اخته ماسكه بطاقة الدعوه وماعجبه انه يشوف دموعها ..
تجدم منها عبدالله ومسك البطاقه وفرها بعيد عنها ..
رفعت رفيعه ويها له ودموعها نازله ..
رفيعه : عرفت بالخبر ..؟
عبدالله : وليش انتي مهتمه بالخبر هالقد ..؟
رفيعه : مايهمني بس كنت اتحسبهم خلاص ..
عبدالله : كانو خلاااااص .. لين ماتكرمت الاخت الحنونه شيخه واتصلت لخطيبة سهيل واقتعتهم يرجعون لبعض ..

عبدالله كان يحس بالقهر من تصرفات شيخه وتكبرها معاه .. بعد ماحس ان الامور بتتعدل معاهم .. تقوم شيخه وتخربها عليه .. وتعاند فيه وترجع علاقه اخوها بخطيبته رغم انها تعرف ان رفيعه تباه وان عبدالله زعلان منها بسبة اخوها ..

رفيعه : وانته كيف عرفت هالشي ..؟
عبدالله : عن طريق عفرا ..
رفيعه بستغراب : عفرا ..!!

عبدالله : عفرا بنت خالتيه .. كنت على اتصال معاها طول الوقت علشان تيبلي اخبار شيخه ..

رفيعه : اها .. وطبعا كانت تيبلك كل الاخبار اول بول ..
عبدالله : لا .. الا اذا انا اتصلت ابها وسألتها ..
رفيعه : وكيف تخون بربيعتها وبنت خالتها .. اكيد شيخه كانت تعرف ان عفرا تنقل اخبارها لك .. وكانت تستانس لهالشي ..

عبدالله : لا شيخه ماتعرف شي عن الي تسويه عفرا علشاني ..
بس وحليلها عفرا طيبه ومايخصها بشي ..

رفيعه : ناوي عشوه بخصوصك وخصوص شيخه ..؟
عبدالله وهو يحاول ينهي علاقته بشيخه : رفيعه .. اباج ترمسين عفرا .. ابى اخطبها ..

لالي...

19-03-2006, 00:33

¤ّ,¸¸,ّ¤؛°`°؛¤ الـجزء الــتاســع عــشــر ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

لا تترك الدمع فوق الخد يتحجر ... حاسب ترا كل عمري فوق وجناتك
يانور عيني مادام العين بك تنظر .. حرام تبخل على خلك بنظراتك

يلست منال على تسريحتها هي وحيرتها .. كانت تفكر وتستعيد ذكريات عمرها الي طاف .. وكل الاحداث تمر من جدام اعيونها و تترك اثرها في نفسها ..كانت منال تحاول احياننا تسيطر على دمعتها وماتذرفها .. واحيانا تخونها الدمعه وتنزل وتجر نفسها على خدها .. تغمض منال اعيونها وتحاول تهدي روحها ..

هذا اخر يوم لي في البيت .. بتوحشني امي نوره وحمد واختي فاطمه والبنات .. منول ونوره وعلايا .. كيف بقدر ابتعد عنهم واروح اعيش عند ناس اغراب .. لا اعرفهم ولا يعرفوني ..
صعب اني انتشل نفسي من جوي الي تعودة عليه وانتقل لجو ناس ماالفتهم ولا الفت العيشه عندهم ..
بس سهيل .. وجود سهيل وحبه لي هو الي بيسهل عليه كل شي ..
فديت روحك ياسهيل .. ادري كيف انته متشوق لليوم هذا وكنت تنتظره بفارغ الصبر .. وهذا يومنا يانا ..

اليوم منال لفت في كل اجزاء البيت تودعه .. غرفهم وهم صغار .. غرفة حمد وفيصل وغرفتها .. المجلس والحديقه .. كل ركن في البيت كان يحمل ذكريات منال الحلوه والمره ..

بس خلاص وقت الرحيل حان .. وبتنتقل من عالم عاشت فيه احلى لحظات عمرها .. واقسى لحظات الحزن الي مرت عليها .. لعالم ثاني مختلف ..
وبتترك وراها شي كبير .. شي كانت عايشه به وعلشانه .. بتترك قلبها الي حب ولد عمتها وعشقها له من يوم هو صغير مثل ماهو حبها وعشقها وتمنى في يوم يعيش معاها الحب .. ويكونون بيت وحياه سعيده .. ولكن ايد الله سبقت كل احلامهم وامانيهم .. وودع فيصل منال قبل مايلتقي وياها .. وتركها وحيده بعده .. وترك قلبه معاها تحظنه في قلبها وتظمه بداخلها وتغسله بدموعها .. والحين يا الوقت الي منال بتترك فيه قلب فيصل وبترحل عنه.. بتتركه وحيد بدونها يتجول في اركان البيت ويتمنالها السعاده الي مالحق هو يعطيها اياها ..
كانت منال تعيش حب فيصل بعد مارحل عنها .. والحين بدت تعيش حب ثاني تقرر الها انها تحبه وتكمل معاه مشوار حياتها .. حب بتسعده وبيسعدها ..
ومثل ما الايام في يوم خذت منها شي غالي .. رجعت تعوض عليها بهديه ثمينه .. ماحد عرف قدرها .. الا عند منال .. الله عوضها بسهيل .. قلب يحبها هي بس .. وحنان يعوضها كل الحرمان الي عاشته ..
وبدورها بتعطي سهيل البسمه والفرحه .. وعمر تمنى هو انه يعيشه وياها ..

انتبهت منال من احلامها وذكرياتها بصوت دق على باب غرفتها .. التفتت منال وشافت فاطمه وهي عند الباب علشان تدش غرفتها وتقطع عليها خط ذكرياتها ..
ابتسمت منال وهى تطالع فاطمه ..

دخلت فاطمه وفي ويها الزعل اكثر من الفرح .. وقفت حذال منال ولفة يديها على رقبة منال وحضنتها وهيه وراها .. كانت منال يالسه على الكرسي وحست براس اختها وهي تحطه عليها وتضمها .. وحست بدموعها ..
منال : حبيبي فطيم .. لاتزيديني بروحي بالغصب متحمله واحاول مااصيح ..
فاطمه : مااقدر اتخيل انج بتروحين عنا .. مااتخيل البيت من دونج ..
منال وهي تمازح فاطمه : الي يسمعج .. مايقول هذي هذي الي كانت حاشرتني عالعرس وتبيني اعرس ..

فاطمه : بس وقت الجد غير .. وانتي خلاص ساعات ومابنشوفج بينا ..
منال وهي تمسك دموعها : فاطمه دخيلج لاتقولين هالكلام قلبي يعورني ..

هاللحظه دشت اسما عليهن الغرفه وكانت توها يايه بيتهم ..
اسما وهي تصارخ من الفرحه بمنال : مبرووك يالعروس .. فطيم دخيلج درب ابى اشوف منولتنا كيف وهي ماباقي الا ساعات على عرسها ..

قامت فاطمه عن منال ونشت منال تسلم على اسما .. حضنتها بقو وهي تضحك ..
وقفن اسما ومنال يسولفن واسما طايره من الفرحه بمنال .. ومنال تحاول تضحك وتغير جو الحزن الي كانت فيه مع فاطمه ..
وفاطمه واقفه على طرف وتطالعهن وتحاول تجفف دموعها عن ويها ..

هالوقت سمعن دق على الباب ودخلت نوره ومعاها حمد .. عدلت اسما شيلتها ومنال وحدر حمد يسلم عليهن ..
حمد : مبروك ياعروسنا .. حبينا نباركلج ونسلم عليج من الحين لان عقب تعرفين زحمه وناس ومابنقدر نشوفج ..
منال : الله يباركلك ياربي .. تعرف انته ان ماشفتك انا هاليوم كنت بسفرك .. اخر يوم لي هنيه وماابى اسير وانا مب شايفتنكم ..
نوره : ووين ثرج بتسيرين عنا .. منو بيخليج اصلا .. انتي وسهيل بتيلسون عندنا هاليومين ومن عقب عكيفكم سيرو وين ماتبون ..
منال وهي تضحك : تم .. هذا الي اتمناه ..
اسما : وااال ياخالوه .. شو هذا .. انتي مابتهنين على المعرس .. كيف تبينه ياخذ راحته ويا حرمته وهو وين مابيسير بيشوفكم جدامه هههههههه خليه يشلها وبعد اسبوع بييبها الكم ..
نوره : حافظ عليج .. لاحق عليها انحن عطيناه اياها للعمر كله .. وهو الحين بيبخلن علينا بيومين هههههه
حمد : صدقها الوالده ..انحن لين مانطمن على منال ويرتاح بالنا عليها عنده .. عقب بنفجهم يسيرون هههههههه
اسما : هههههههه لا اذا جي ماعليه .. بس بعد انتو حاولو تخلولهم البيت اشوي .. يعني طلعو وسيرو وخلوهم رواحهم اشوي.. ياخذون راحتهم ..
اسما ماخذه راحتها وايد في السوالف وترمس في اشياء تحرج منال .. ومنال ماعرفت كيف تسكتها .. اسما لاتفهم لا بنظرات ولا بالتقريص ولا بالتنحنيح ..
منال وهي تحاول تغير الموضوع : اسما جني اسمع صوت ولدج يصيح ..
اسما : ههههههههههه لا فديتج يتهيئلج انا ولدي في البيت مخليتنه ..
حمد : ههههههههه ضربن لفيوز عند منال خلاص قامت تتهيئ اشياء مش موجوده ..
منال : ههههههههه والله الا انتو ماتفهمون .. واشوف عايبتنكم سوالف اسما البايخه ..

طول الوقت وهم يسولفون ويضحكون وفاطمه واقفه على طرف وتطالع حمد وتسمع ضحكته وهي بتموت منه ..
كيف لين اليوم وهو مايرمسها .. وماعطاها فرصه تراضيه .. كأن استحلى البعد عنها ..
فاطمه تطالع حمد والدموع يغلبنها ..
رغم ان حمد يحب فاطمه ومغلنها لكنه حب يعطيها درس علشان ما ايي يوم وتنسى الحب الي بينهم والعشره والعيال وتقعد تشك فيه وفي حبه واخلاصه الها ..
فاطمه مب عارفه كيف ترضى حمد وتطيب خاطره .. وهو مايعطيها فرصه لهالشي .. لكن منال كانت فاهمه وملاحظه كل الي بينهم .. من فتره وهي ملاحظه حزن اختها .. وملاحظه انهم مايرمسون بعض ولاييلسون ويا بعض وايد ..
رغم انها متأكده من حب حمد لفاطمه ومتأكده من ان فاطمه تموت في حمد ..

بغا حمد يترخص منهن ويظهر علشان يسير عند الرياييل برا ..
حمد : اسمحلي انا ظاهر .. تبون شي ..
نوره : لا فديتك بس تابع كل شي بنفسك الغالي ولا تتجل على الخدم .. هم مايعرفون العرب ولا بيقومون بمايوبهم ..
حمد : مايهمج الوالده عربنا كلهم عندنا وخوالنا وعمومتنا .. وماشالله مخاوين شما مب مقصرين .. كلن بفزعته ..
نوره : ونعم فيهم .. امبونهم مايتأخرون وقت مااالعرب تبى منهم فزعه ..

حمد : تمام عيل التيلفون امبينا ..
التفت حمد بيظهر .. وزقرت عليه منال .. رغم انها كانت متردده .. بس ماقدرة تأجل الموضوع الي في خاطرها لبعدين لانها بتسير عنهم .. وماكان ودها تروح وتخلي فاطمه وحمد هذا حالهم ..

منال : حمد بغيتك في شي اذا تسمح ..
حمد وهو يلتفت لمنال : خير الغلا .. امري ..
تلفتت منال حواليها وهي تطالع نظرات امها وفاطمه واسما الها ..
منال : برمسك رواحنا .. اذا ممكن ..
حمد : افا عليج .. تعالي ظهرنا في الصاله ..

نوره : لا منال مابتظهر برايها في غرفتها وتم انته هني احنا بنسير عنكم ..

طلعت نوره ومعاها اسما .. وطلعت فاطمه وراهن وقلبها بيموت على حمد وخلاص الشوق ملاها عليه بس مب عارفه كيف تلتم على حمد وتحط عمرها في حظنه وتنسى وياه زعلهم وحزنها ..

يلس حمد مع منال وقعد يترياها تقول الي عندها ..
منال : حمد ودي ارمسك في شي .. وانا ادري ان مايحقلي ارمس فيه .. بس من الي اشوفه ماقدرة ايود في نفسي واسكت .. وخاصه اني بروح عنكم .. وانا ماودي اطلع عنكم واخليكم على حالكم هذا ..
حمد وهو فاهم منال : فاطمه ..؟
منال : هي ياحمد .. ماتهونون عليه يكون هذا حالكم ..
حمد وهو يبتسم : وانتي تدرين ان فاطمه ماتهون عليه ..وهالي تشوفينه فتره محدده وبتنتهي .. لاتستهمين الغاليه ..
منال وبضيقه على حال اختها وحمد : لين امته ياحمد .. خلاص فاطمه بتنتهي وانته مخلنها جذي .. حن عليها سامحها جنها غلطة عليك .. في النهايه انتو ماتقدرون تستغنون عن بعض ..
حمد والشوق لفاطمه باين في عيونه : انا مسامحنها يامنال .. رغم ان غلطتها جرحتني .. بس رغم هذا انا اسامحها لو ماتعتذر .. بس انا كان ودي اعطيها فتره تحس فيها بكبر غلطها علشان مايتكرر مره ثانيه ..
منال : ومته هالفتره بتنتهي ياحمد ..؟
حمد وهو بتسم : انتي مته تبينها تنتهي ..؟
منال وفي عيونها الفرح : الحين .. هالدقيقه .. دخيلك ياحمد علشان خاطري .. اذا لي خاطر عندك .. كلم فاطمه وقلها انك مسامحنها ..
حمد وهو يبتسم ومن نفسه كان خلاص متوله على فاطمه : انتي تامرين امر .. وخاطرج على الراس من فوق ..
منال وهي تبتسم : خلاص الحين اقدر اسير عنكم وانا مرتاحه ..

نش حمد واقف ورفعت منال عيونها له بسرعه وسئلته ..
منال : وين ..؟
حمد : مالج خص ..؟
منال وهي تضحك : عند فطيم ..!! لعنبوه مسرعك رضيت .. بعدنا ماخلصنا كلامنا بعدني عندي كلام اقوله .. هههههههههههه
حمد : اي شي عندج اجليه لبعد العرس .. يالله من رخصتج .. هههههه
منال : عاد ماعرفت انا لين الحين شو سبب الزعل هههههههه
التفت حمد لمنال وهو ظاهر وابتسم : مب لازم تعرفين انتي .. وين تبين تدخلين بين ريال وحرمته ههههههههه
منال : هي ماعليه .. هذا يزاتي وانا شاله همكم ويالسه اراضي بينكم هههههههههه
حمد : خلاص شو تبين الحينه ..؟
منال : سلامتك .. بس خل بالك على درتك وعن تزعلها مره ثانيه هههههههههه
حمد : مايهمج بس بعد ماتسيرين بولاها ضرب ..هههههههه
منال : عيل شد الضرب عليها وانا مابتدخل بينكم مالي خص هههههههههههه
حمد : افا عليج .. الا برضيها وبرضي يدودتها الي تحت التراب بعد ههههههههه

ظهر حمد عن منال وخلاها يالسه بروحها .. بس مالحقت تيلس دقيقتين بعده الا ودخلت عليها اسما بحشرتها وفضولها ..
اسما وبنقمه ليش طلعوهم من شوي : خلاص توادعتو .. عاد شو قلتو وطلعتونا علشان مانسمعه ..؟
منال بمكر : مايخصج .. كلام بين خوان وين تبين ترزين بعمرج هههههههه
اسما : ماعليه .. الحين انا استويت رزه .. الله يسامحج .. هي خلاص بتعرسين وبتتخققين علينا ههههههههه
منال : هي بعرس وبتخقق ولا مايحقلي هههههههه
اسما : لا يحقلج .. وانحن نقدر نقول شي .. اصلا احنا ماصدقنا تعرسين علشان نفتك من همج ههههههههه
منال بغيض : هم يهمج مايخوز عنج يالدبه .. شو همه .. انا كنت هم عليكم ..!!؟ هههههههه

لالي...

19-03-2006, 00:35

اسما : هههههههههه سوري اسفين .. قصدي مادري كيف بنستحمل هم فراقج عنا ويا ويهج ..
منال : ههههههههه فديت ويهي الي احلى عن ويهج .. وبعدين سمعي .. يوم بسير عند ريلي ماابى اشوف ويهج ابد .. تعرفين سنه مابى اشوفج .. ولاترزين بعمرج تين صوبنا اونج تزورينا علشان تطمنين عليه .. وانتي اصلا ميته تبين تعرفين اخبارنا وفضولج بيذبحج ههههههههه
اسما : ههههههههه ومنو قالج اني بييج والا بتصلبج اصلا .. انا على طول بتصل لريلج وباخذ اخباركم اول بول هههههههههههه
منال : بزوالج اذا سويتيها .. ههههههههه وزين انج قلتيلي علشان امنع ريلي عن التلفون .. بنسويلنا تلفون واحد وبخليه عندي .. اليه وله هههههههه

قعدن اسما ومنال يسولفن ويتغايضن لين يتهم نوره وقالت لمنال تتجهز لان الي بيجهزونها للعرس وصلو ..
نشت منال والحفوز فيها ..
منال : انشالله امي بس خليهن يترينا بنصلي وبييهن ..
نوره وهي عيونها في منال وتحس ان خلاص بنتها بتروح عنها : انزين فديتج ..

كان وقت المغرب ومن تصلي منال بتبدى الممكيجه تعدلها وعقبها تلبس وتتجهز وتكون خالصه على الوقت ..

هالوقت كان حمد يالس في صالتهم يبى يرمس فاطمه علشان يتراضون ..
فاطمه ملتهيه ويا بناتها وقاعده تطلع الهن فساتينهن علشان تلبسهن للعرس وعقب تطلعهن الخدامه عند العيال برا يلعبن ..
وحمد يالس على الكرسي ويطالعها وهي رايحه وراده ..وهو المفروض يكون برا عند الرياييل .. لكنه كان لازم يرمس فاطمه قبل لايسير ..

طول الوقت وحمد من يشوف فاطمه مارة من جدامه يقوم علشان يرمسها .. لكنها تبتعد عنه ومايلحق يرمسها فييرد ييلس مكانه ويترياها ترجع مره ثانيه .. وهي مشغوله ببناتها ومب مستوعبه ان يلست حمد هاي علشانها وعلشان يرمسها ..

ولكن قدر حمد يمسكها هالمره ومسك ايدها وهي ماره من جدامه .. وقفت فطيم ولتفتت وراها صوب حمد الي ماسك ايدها وشلت عيونها في حمد ويلست تطالع اعيونه الي تناظرها بكل حنيه وشوق ..
حمد وفي صوته الوله : فطيم هيدي شوي .. لعنبوه مب قادر اخذ شوي من وقتج .. ومخليتني منثبر يالس اهنيه ومب معبرتني ..
فاطمه والشوق بيذبحها وهي بتموت .. اخيرا حمد رمسها .. اخيرا اهتم الامرها وعبرها ..
فاطمه : اسمحلي حمد .. ماكنت ادري انك تبى ترمسني ..
حمد وعيونه في عيونها : عيل شو بييلسني عندج اهنيه ؟؟!! بس علشان اطالعج وانتي سايره وراده ومخلي الرياييل برا والعالم كلها في العرس وانا هني ..!!
فاطمه بخجل : لا .. بس من زمان وانته قاطع الكلام ويايه .. شو الي خلاك اليوم تتذكرني ..ّّ!!
حمد وصوته واطي وذايب : خلاص تعبت ..
حست فاطمه بكلام حمد يطلع ويذوبها شوق ..
فاطمه بشوق : مب اكثر من التعب الي فيه ..
حست فاطمه بيدها تذوب في ايد حمد وتحس ان شوق حمد يظاهي شوقها له ..
حمد يغيضها : ممكن تعتذرين مني الحين .. لاني خلاص مااقدر اتحمل بعدج عني اكثر من جي ..
فاطمه وبدلع : انا بعتذر منك .. بس انته بشو بتعوظني بعد ماخليتني طول هالوقت وحرمتني منك ..
حمد : انتي اعتذري وعقب انا اعرف كيف اراضيج واعوضج ..
فاطمه وهي ترفع اعيونها له : سامحني حبيبي ..اوعدك ما اشك في حبك مره ثانيه واخلاصك .. بس انته بعد لاتيود عني شي ولاتخلي ابليس يدخل بينا مره ثانيه ..

مسك حمد راس فاطمه وباسه : وانا اسف الغلا ماكان سهل عليه اخليج طول هالمده واعذبج .. بس كنت مجروح منج ومن ناحيه ثانيه كنت اباج تحسين بغلطتج ..
فاطمه : خلاص توبه .. مابعيدها .. اوعدك
عطا حمد فاطمه نظره مشككه في كلامها وفي نفس الوقت فيها ضحكه .. لان حمد عارف فاطمه وغيرتها .. تحبه بموت علشان جي بتلعوزه بشكوكها ..
فاطمه : والله والله حمد مااعيدها ..
حمد وهو يضحك : اوكي بنشوف ..

ضحكت فاطمه وطالعت حمد الي تم يطالعها ونوره الصغيره وعلايا واقفات بفانيلاتهن ويطالعن امهن وابوهن بنظرات ومب عارفات شو بينهم ..
انتبهو حمد وفاطمه للبنات ..
حمد : يالله حبيبي سيري لبسي بناتج .. انا بسير عند الرييايل برا .. تأخرت عليهم ..
فاطمه وهي تحس انها ماشبعت من حمد : اوكي حبيبي ..

طلع حمد عن فاطمه وهو يبتسم الها وتنهدت هيه برتياح وقامت تلبس بناتها وفي عيونها صورة حمد وابتسامته الي تذبحها ..

وفي بداية السهره وعلى اخر لحضه لمنال .. اكتمل تعديل منال وكانت قاعده على الكرسي في غرفتها بفستانها الابيض والطرحه على راسها وماسكه الورده بيدها تتريا حمد ايي يوصلها للخيمه برا ..

كانت فاطمه واسما يالسات عند منال .. ونوره كانت في العرس عند المعازيم وتتصل عليهن علشان تشوفهن اذا خلصن علشان يعشون المعازيم ويدخلون العروس ..

منال رغم الجمال الي تتحلى به وروعتها في يوم عرسها كانت تغلف ويها سحابه من الحزن .. ونظرات تحاول تظهر الفرحه بس مب قادره تظهرها كامله .. كانت تحس بنقص .. وبعيد عن شعورها بالذنب ناحية فيصل .. كانت تحس بحاجة الاخت لاخوها في هذا اليوم ..
رغم ان حمد اخو لمنال واكثر .. بس رغم هذا ما كان يقدر يعوضها عن اخوها ناصر ..
دمعت اعيون منال وهي تفكر بناصر ..يتها فاطمه وحاولت تهديها عن ماتصيح اكثر وتخرب مكياجها ..
فاطمه : خلاص خلاص .. دمعه اوكي بس صايح وتبهديل لااا ارجوج ..
منال وهي تطالعها : فاطمه متوله لخوي ناصر ..
فاطمه وتبدلت نظراتها لحزن : وانا بعد متولهه عليه .. بس شو نسوي ..
منال : ابى ارمسه على الاقل اذا مابقدر اشوفه هاليوم ..
فاطمه : ماعندنا رقمه .. انتي تعرفين ان ناصر ماعندهم تلفونات اهناك .. بس يوم يقدر رمسنا هوه ..
منال وعيونها تحت وبحزن : يدري اني بعرس اليوم ..؟
فاطمه : مااظن .. لانه من شهرين ماسمعنا صوته ..

تمت منال منزله اعيونها وتحاول تنهي هالزوبعه من الهموم .. والدموع الي تصاحبها .. وهدت نفسها ..
رن تلفون فاطمه هاللحظه .. وكان حمد ..
فاطمه : منال حمد يتريانا في السياره .. يالله نسير ..

نشت منال ولبستها فاطمه عباه تغطيها علشان ماتبين جدام حمد ..
كانت عباده بيضا مشغوله من شغل الفستان .. وتغطي الراس والفستان كامل ونوعيتها خفيفه بس راده مايبين الي تحتها ..

ركبت منال السياره وفاطمه معاهم وساربهن حمد للخيمه .. ودخلها من الباب الخلفي .. وقفت منال قبل ماتطلع للناس وهي تحاول تمسك عمرها وتسيطر على ارتباكها ..
حاولت تبعد كل الافكار عن راسه وتخلي سهيل بس في بالها ..

انتهت السهره وكانت منال يالسه في غرفتها في بيت نوره مع سهيل بعد ماطلعت المصوره عنهم .. وكانو بيقضون ليلة الدخله اهنيه .. وبالباجر بيسيرون بيت اهل سهيل ..
سهيل كان شخص ثاني .. شخص يحس ان ملك الدنيا كلها بمجرد ما ملك منال .. يلس يطالعها ويتأملها وهو مب مصدق نفسه ..
عيونها .. ويها .. نظرتها الي تجتله .. كل شي فيها اسره .. ماعرف سهيل شو يقول والا شو يسوي ..
طول الوقت كانت المصوره تحركهم وهم مثل الاله .. وهم هادين ويسمعون كلامها وبكل خجل ..

قعد سهيل يفكر .. الحين شو اقولها .. ياربي وين سار الكلام الي مجهزنه .. بنتم جي ساكتين ومانرمس .. عيل كيف كنت مستعيل عليها ابى اخذها واظهر كل الي في خاطريه من حب ووله .. ويين سار عني كل هذا الحين ..

تم سهيل يالس ومرتبك .. ومنال يالسه هاديه وعقب ملت .. نشت وقالت لسهيل بتسير تغير ملابسها لانها تعبت ..
فج سهيل عيونه فيها ..وماكان يباها تبدل .. بعده ماشافها ولا شبع منها .. وماكان يبى هاللحظه تنتهي بسرعه ..
سهيل : ليش تبدلين .. تو الناس ..
منال بخجل : الساعه وصلت ثنتين .. وشكلنا يالسين انتطالع خل نرقد احسن ..
سهيل وهو مستحي من منال : الليله ليلتنا لو سمحتي يعني .. ماشي رقاد ههههه
منال وهي فاجه عيونه ومستغربه : مابنرقد ..!!
سهيل مرتبك : لا مب جي .. يعني بنرقد .. بس مش الحين ..
منال : اهاا ..
ردت منال يلست ورد الهدوء بينهم مره ثانيه .. ويلسو ساكتين مايرمسون ..

منال بعد تردد : انا يوعانه ..
سهيل بحب : فديت روحج ليش ماتعشيتي ..؟
استحت منال : لا ماتعشيت ..
سهيل : بسير اييبلج عشا .. دقايق اوكي ..

نش سهيل بسرعه بيسير اييب عشا لمنال .. نشت منال واقفه وتطالعه ..
منال : سهيل ..

وقف سهيل والتفت لمنال وهو مستانس وهو يسمع صوتها تزقره ..
سهيل : عيون سهيل وقلبه وروحه ..

سكتت منال وارتبكت
سهيل وهو يتقرب منها ..
سهيل : ها حبيبي ليش زقرتيني ..
وقف سهيل قبالتها وقعد يطالعها .. ماعرفت منال ترفع اعيونها فيه ..
منال : لا ماشي ..

حست منال بالخوف في اللحظه الي نش فيها سهيل وكان بيظهر عنها .. ماكانت تباه يفارقها .. خافت انه مايرجع الها .. او انه يروح مثل ماراح غيره ..
سهيل : خليني عيل بسير اييبلنا عشا وياي ..
منال وهي تبتسم : لا .. خلك .. انا بتصل لفاطمه وبخليهم اييبولنا عشا ..
سهيل وهو يطالعها : الي يريحج ..

راحت منال واتصلت عـ فاطمه تلفون رغم انها استحت تتصلها هالوقت وحمد عندها ..
ردت فاطمه عليها وهي مستغربه اتصال منال ..
منال : فاطمه شو نسيتو تعشونا ..؟ ههههههههه
فاطمه : لا مانسينا بس انتي ماطعتي تاكلين يوم يبنالج الاكل ..ههههههههه

منال : اوكي لو سمحتي يعني ولو انها فيها ازعاج .. انحن يعنا ونبى نتعشا ..
فاطمه : زين يوم عرفتي ان فيها ازعاج ..بس شو نسوي عروس وواجب علينا نخدمج هههههههه
منال : يالله عيل قومي وهزي طولج وخلييهم ايبولنا عشا ههههههه

سكرت منال عن فاطمه وشافت سهيل يالس يطالعها بكل حب وهو سرحان فيها ..
طالعته منال ونفس الشي تم سهيل يطالعها ماتغير ويهه .. تلفتت منال وردت تطالعه .. ونفس الشي بعده يالس يطالعها ويحلم بشكلها ..
خافت منال : سهيل ..
سهيل بكل هدوء : منال تدرين ..؟
منال وهو عيونها بعيونه : ادري عن شو..؟
سهيل بحب وحنان : انا لين الحين ماقلتلج اشكثر انا احبج ..
نزلت منال اعيونها لتحت وماردت عليه .. سهيل من خطبها وهو ماكد قالها عن حبه الها وعذابه ..
كان مايقدر يعبر الها عن شي لانها كانت وايد رسميه معاه .. بس الحين وبعد ماصارت حرمته .. ماشي بيمنعه من انه يعبر الها عن حبه .. وعشقه الها ..

لالي...

19-03-2006, 00:37

خذ سهيل عروسه بالباجر ووداها بيت اهله وباتو ليله وعقبها سافرو للخارج شهر عسل ..
محد كان يعرف فرحة سهيل بمنال كيف او السعاده الي بيغرقها فيها بعد مااخذها .. رغم ان في ناس يدعون على سهيل ومنال بعدم السعاده ويتمنون من الله انهم مايتوفقون ..

بعد سفر سهيل ومنال بسبوعين كان عرس عبدالله بعفرا .. وصلت بطايق العرس لبيت بو سهيل بعد سفر سهيل ومنال بايام ..
كان خبر زواج عبدالله بعفرا صدمه كبيره لشيخه .. لانها ماكد تخيلتها او فكرة فيها ..
خطب عبدالله عفرا ووافقت عليه عفرا وهي طايره من الفرحه لانها بتاخذ عبدالله حبيب بنات العايله كلها .. وبتفوز في هيه .. بعد ماخلى شيخه .. تكتمو كلهم على خطوبة عبدالله وعفرا .. وخاصه عن اهل سهيل وشيخه ..
ام عفرا ماكانت موافقه على خطوبة عبدالله لعفرا .. لانها كانت تراعي شعور اختها ام سهيل وخاصه بنتها شيخه وماتبى تجرحهن .. بس مارامت لبنتها يوم وافقت .. ولا رامت لابوها الي وافق رغم معارضة حرمته .. وهو شاف ان دامنه عفرا تباه والريال تخيرها ويباها .. مافي مانع من انه يزوجه .. وخاصه انهم كانو كلهم يشوفون عبدالله انه ريال ودارس ويشتغل ومايعيبه شي وفوق كل هذا بنات العايله كلها تحبه لانه شاب وسيم وشخصيه .. وفيه غرور محبب للبنات ..

عرفت اليازي بزواج عبدالله وعفرا وانصدمت وهي تقرا بطاقة العرس .. كانت امها حذالها وتتريا اليازي تقرالها البطاقه وتخبرها من العرب الي مطرشيلهم دعوه للعرس ..
اليازي وهي مصدومه : امي ها بطاقة قوم خالوه ام عبدالله ..
ام سهيل : ام عبدالله ...!! ومنو بيعرس عندهم وانحن ماندري ..!!؟ قري زين يمكن انتي مغلطه ..
اليازي : امي قريتها مية مره .. هذا عرس عبدالله ..
ام سهيل متعجبه ومب قادره تستوعب : كيف عرس عبدالله .. عبدالله مارمسنا بشي ولاحددنا يوم العرس .. بنتي انتي مخرفه والا تضحكين عليه ..
اليازي وهي محتاره ومب عارفه كيف تفهم امها .. المشكله ان في صدمه ثانيه تترياها ومب عارفه كيف تقولها الها ..

اليازي وهي تبى تصيح : امي انا مب مصدقه الي اقرااه .. لا مستحيل ..
ام سهيل : شو بلاج .. هاتي انا بسير لسعيد يقرالي .. انتي اشعرفج ببطايق الدعوه والا بالعرب ..
شلت ام سهيل الدعوه من ايد بنتها وسارت لغرفة التلفزيون وين سعيد يالس ويطالع المباراه ..
يلست حذاله واعتدل هو وهو يرحب ابها ..
ام سهيل : ابويا .. يود هالبطاقه واقرالي عرس منو الي فيها ..
سعيد : هاتي الغاليه ..
خذ سعيد البطاقه ويلس يقرا واليازي واقفه على الباب وحاطه ايدها على ثمها وعيونها تدمع ..
تفاجأ سعيد بالي قراه وتم مبهت في البطاقه ..
ام سهيل : ها ابويا .. كل هذا تقرا سطرين ..
سعيد وهو يطالع امه : امي انتي ماسمعتي عن عبدالله ولد خالتلي يخطب من قرايبنا ..؟
ام سهيل : تخبلتو انتو .. شقا انته تقول يخطب واختك تقول بيعرس وهو خاطب اختكم وبيعرسون بالحول ..
سعيد وهو يطالع اليازي الي واقفه عالباب : امي الظاهر ان عبدالله غير رايه عن شيخه وماخبرنا ..
ام سهيل وهي مش مصدقه : بتخبركم انتو استخفيتو .. شو هالرمسه الي ترمسونها ..
سعيد وهو خايف على امه : امي فديتج .. هالبطاقه تقول جي .. بس انا بتخبر وبردلكم خبر ..

نش سعيد وظهر خاري ودق لمحمد ولد خالته اخو عفرا ويلس يرمسه ..
تخبره عن العرس وطلع صدق ان عبدالله خطب عفرا وبياخذها .. كانت صدمه بعد لسعيد .. لكنه مابين شي لمحمد وباركله على العرس وقاله انه قرا الدعوه وماكان عندهم خبر بسالفة العرس ..
سأل محمد عن عبدالله وليش فصخ خطوبته بشيخه .. وقاله سعيد ان مافي نصيب بينهم وهم متفاهمين على جذي ..
ماقدر سعيد يبين شي لمحمد علشان مايجرحون شيخه بترك عبدالله الها ..

سعيد ماكان فاهم شي ولا عارف ليش عبدالله سو في اخته جي .. التفت سعيد وراه ورد يبى يدخل البيت فشاف اليازي واقفه عالباب تطالعه .. سار صوبها وفي عيونها استفسار كبير عن كل الي سمعه ..!!

اليازي : تعال فديتك انى بقولك كل شي ..

خبرت اليازي سعيد كل الي دار بين شيخه وعبدالله ذاك اليوم .. حس سعيد بتفاهة عبدالله وغباأه وعرف من احساسه ان رفيعه هي الي مدبره كل هالامور .. ماحس سعيد بنفسه من الغيض .. كان خاطره يسوي شي بس يرد اعتبار اخته المجروح ويبرد فواده ..
كيف هالسبال يسويبها جي وفوق هذا يسب سهيل اخوه ..

طلع سعيد من البيت معصب واتصل لعبدالله تلفون .. رمسه وقاله انه يبى يشوفه ظروري ..
تواعدو في مكان ووصل سعيد قبل عبدالله ويلس يتريياه ..

اول ما وصل عبدالله ونزل من سيارته سار سعيد صوبه واول ما تجدم عبدالله بيوايه سعيد .. قبضه سعيد من كندورته وضربه وفره على السياره وهو يشتمه ويسبه ويطيح فيه ضرب ..
سعيد بغضب : عنلات بطنن يابتك وربتك يالسبال .. المشكله لو بضربك الضرب فيك حرام لانك ماتنعد ريال .. وعيب على الريال مثلي يمد ايده على حرمه مثلك ..
عبدالله وهو ينتفس بصعوبه عقب ضرب سعيد له : انته منو مجرجنك عليه وياي جي تضارب بدون ماتفهم السالفه ..
سعيد : انا مب ياي اهني اسمع منك رمسه والا افهم شي منك انا عندي لك رمسه توصلك وتتعداك .. ان سمعتك في يوم طريت سهيل بشي والا شيخه مابتلوم الا نفسك وبتندم على اليوم الي انولدة فيه ..
عبدالله : اسمع انا مابغلط عليك ولا برد ..احنا عيال خاله .. واهل قبل كل شي ..
سعيد : مابترد بشي لانك مب ريال .. وما بتغلط لانك ما تستجري تغلط اصلا .. والاهل وما اهل انته ماتطري هالسوالف ولا ترمس فيها لانك ماتفهم شو معناة كلمة اهل للاسف ..
التفت سعيد عنه وسار صوب سيارته .. والتفت مره اخيره عليه وقاله ..
سعيد : اسمحلي ماعندي وقت اضيعه مع حثاله مثلك ومبروك مقدما على العرس ..

ركب سعيد سيارته وسار وخلى عبدالله يلملم عمره وسفرته وراه ..

وصل سعيد البيت .. واول ما وصل شاف امه يالسه في الصاله وتترياه .. دخل سعيد وهو ساير صوبها .. وصلها وهوا عليها حبها عراسها ويلس حذالها مب عارف شو يقولها ..
ام سهيل وهي حاسه : سرت لود خالتك وضاربته ..؟
سعيد : يستاهل هالسبال عقب الي سوااااااه
ام سهيل : ترومون تودرونه وماتحشرون عماركم فيه .. مانبى مشاكل ويا العرب .. والي سواه عبدالله مرده بينرد عليه ..
سعيد : خلاص الي في خاطريه وسويته والحين برايه يلتعن لا نبى نعرفه ولا نبى نشوفه ..
ام سهيل : لا اله الا الله انحن اهل ويستويبنا جي .. عيل لو غرب شو بيستوي ..
سعيد : الغريب بيحشمك وبيقدرك اكثر .. هذيلا انحن غلطنا من البدايه يوم وافقنا عليهم عقب الي سووه في سهيل ..

ام سهيل : الي فات فات .. والحين مادري شو بتسوي شيخه من تعرف ..
سعيد : شيخه تعرف شو تسوي .. لاتخافين عليها ..
ام سهيل : انته ماتعرف شيخه .. هذي متعلقه عبدالله .. شقى يخليها جي بلا سبب ويعرس عنها ..
سعيد : مب المشكله في عبدالله يامايا .. شيخه بتتأذا من عفرا الي بتاخذ عبدالله اكثر من الي بتحسه من عبدالله..

هاللحظه سمعو سعيد وامه صرخت شيخه وهي واقفه على الباب عقب ماسمعت كلامهم وفهمت منه ان عبدالله بيعرس وبياخذ عفرا ..
شيخه تمت واقفه تطالعهم وهي فاجه عيونه ومصدومه ..

نش سعيد بسرعه وربع صوبها مسك يديها الي يرتجفن وساربها للكرسي ويلسها ..
سعيد : شيخه ماباج تزعلين ولا تضايقين .. هذا سبال وبياخذله سباله .. اش لج انتي بالسبلان تزعلين عليهم ..
شيخه ودموعه محبوسات في عيونها : سعيد انا مصدومه .. لا مب مصدومه مره وحده .. هيلا صدمتين ..
سعيد وهو يحط راسها على جتفه ويحاول يهديها وقلبه يتعذب علشانها ..
سعيد : حبيبي .. كلنا انصدمنا مثلج .. بس انتي شو رايج .. هل احسن انج تتمين مخدوعه فيهم طول عمرج ويظهرولج الود ومن وراج يكرهونج .. والا احسن لج ان حقيقتهم بانت وعرفنا نواياهم ومعدنهم من الحين .. وافتكينا منهم ..

تمت شيخه تفكر بكلام اخوها وهي حاطه راسها عجتفه بس ماقدرت تقول شي ولا ترد عليه بكلمه ..
ماسمع سعيد الا صرخة صياحها وغرقت في نوبة بكا وصايح ومب قادره تسمع شي والا تقول شي ..
يلس سعيد ضامنها وهي تصيح في حظنه .. واخر شي نششها وساربها لغرفتها وخل اليازي تيلس عندها ..

تمت شيخه على حالها لا تاكل ولا تشرب بس تفكر في عمرها الي ضيعته في حب واحد مثل عبدالله وتندم على الحب والكلام الحلو الي كانت تقوله له .. على الساعات الي قضتهن وله وحب وهي ترمسه .. على دقايقها وثوانيها الي كانت تفكر فيه فيهن وتنسى اي شي حواليها .. على سهر الليالي والحلم في عبدالله ومداراته على كل حد من اهلها ..
بس خلاص شو ينفع الندم .. اكتفت شيخه من صدمة عبدالله .. وتمت صدمتها في عفرا في قلبها مب قادره تنساها او تتخيلها ..
اخر شي كانت تتصوره خيانة ربيعتها الها بهالصوره .. او ان عفرا كانت تفكر في عبدالله وتباه وهو ملك شيخه ربيعتها وبنت خالتها ..
هل توصل فيج الغيره والدناءه لهدرجه ياعفرا ..!!؟ لعنبوه انتي كل اسراري عندج .. اقرب لي من خواتي .. كيف تسوين فيني جي .. وكل اخباري وحبي وشوقي لعبدالله كانن عندج .. ليتني مت ولا عرفتكم وقربتكم مني على كل حد .. وفي الاخير انتو اغلى ثنين عندي تسووبي جذي .. بس ما اقول الا الله يسامحكم ..

يوم عرس عبدالله بعفرا .. كانت شيخه سهرانه طول الليل تفكر في هاليوم ودموعها جفت من عيونها .. وحل مكانهن البرود والتجاهل لاي احساس في داخلها ..ماكانت شيخه تفكر باي شي .. الا بعفرا .. وشو يالسه تسوي في يوم عرسها ..
المفروض يكون عرسي انا بعبدالله هاليوم .. مب عرس عفرا ..
بس هذا كان قبل ماعرفكم على حقيقتكم .. ضحكت شيخه في داخلها رغم حزنها ..
دخلت عليها اليازي ولقتها يالسه كئيبه ..
اليازي : شيخه امي تتخبر عنج وابويه .. مابتنزلين عندنا تحت ..؟
شيخه : لا مالي خاطر انزل ..
اليازي : شيخه مايصير انتي من اسبوع على هالحاله ماتظهرين من غرفتج .. والله مايسوى عليج الي تسوينه في عمرج عسبت هالانذال ..
شيخه وهي تبتسم ابتسامة سخريه : لا فديتج مب عسبتهم انا جي .. انا بس ابى ايلس اراجع حساباتي مع نفسي على كل الي كنت اسويه ..
اليازي وهي تتقرب من اختها وتحط ايدها وراها وتحضنها : فديتج ياشيخه والله ماتستاهلين الي يصيرلج ..
نشت شيخه ووقفت على الدريشه وتمت تطالع برا .. وتفكر .. كان وقت صلاة العشا .. والاهل كلهم ميتمعين في بيت ام عفرا علشان عرس عفرا وعبدالله .. ناس فرحانه وناس اهنيه متكدره وتعبانه ..

نزلت اليازي تحت عند اهلها وخلت شيخه على حالها في الغرفه وماقدرة تغير شي من حالها ..
وعلى الساعه عشر كانت اليازي يالسه مع امها ويطالعن الاخبار ونفس الوقت يفكرن بالعرس الي يالس يستوي .. والي المفروض انه مايستوي ..
هاللحظه نزلت شيخه وحدرت عليهن .. رفعن اليازي وامها عيونهن في شيخه وفجن اعيونه مستغربات حال شيخه ..
شيخه نزلت لابسه ومتعدله وبعباتها واخر شياكه .. ناشله شعرها ولابس فستان ومتجهزه للعرس ..

ام سهيل بستغراب : ليش متعدله جي ..؟!!
شيخه وبكل جديه : بسير المعاريس ..
اليازي : مستحيل تسيرين وتذلين عمرج عندهم .. شو بتسيرين تسوين ..؟!!
شيخه وهي تضحك بالغصب : بسير ابارك لعفرا .. وراده ..
ام سهيل : بنتي عقلي وعن هالسوالف ..و محد بيخليج تسيرين العرس لا ابوج ولا سعيد بيرضون ..
شيخه بإصرار : انا برمس سعيد ..

لالي...

19-03-2006, 00:47

¤ّ,¸¸,ّ¤؛°`°؛¤ الـجزء الــعــشــرون ¤؛°`°؛¤ّ,¸¸,ّ¤
http://www.w6w.net/album/35/w6w200504191940258bb30d67.gif

ماكنت اصدق فيك من كثر الاعجاب .. يومك تساوي عندي الكون كله
كنت القريب وكلهم كانو اغراب .. حتى القمر لا غاب شفتك محله
سو الي براسك ولا تذكر اسباب .. لا صرت بايعني توكل على الله
مابيني وبينك مشاريه وعتاب .. شف دربك الي جيت منه تدله
ماراح تغلبني ولو الحب غلاب .. من حضرتك ؟ عشان قلبي تذله
في ذمتي لجعلك عبره للاحباب .. لين الخلي يتوب عن جرح خله
زلاتك الي مانفع فيها احساب.. لا جيت اعددهن ثمانين زله
احرجتني بين القرايب والاحباب .. كن الجفا سيفن بوجهي تسله
خلاص لاترجع ترا خاطري طاب ..مابى طاري الي كنت عايش بظله

كان الجو برا بارد وشيخه واقفه تتريا اخوها سعيد علشان يرد من عند ربعه ويوديها العرس .. بعد مارمسته واقنعته انها لازم تروح ..
سعيد اخوها كان اكثر واحد يفهمها .. لانهم تقريبا نفس الشخصيه .. و ماعارضها بالعكس قدم الها الخدمه وعرض عليها يوصلها .. لانه ماحب انها تروح بروحها وحب انه يكون وياها علشان تحس بالامان والقوه بوجوده معاها ..

وصل سعيد وركبت شيخه حذاله وهو يطالعها بكل حب وحنيه .. رفعت شيخه اعيونها لاخوها سعيد وابتسمت له .. وابتسم الها ..

تحركو من البيت ساييرين للعرس وشيخه تفكر بالي بتسويه وجسمها يرتجف خوف .. وحزن نفس الوقت .. هذي خطوه وحده بسويها ومن عقب بودعهم للابد ..والي اباه اني ارد لنفسي اعتباري جدامهم واحسسهم بصغر فعايلهم التافهه .. ومهما يكون مابتأثر بشي ..

قطع سعيد عليها حبل افكارها..
سعيد : شو الي خلاج تفكرين تسيرين العرس ؟
شيخه وهي تطالع سعيد وترد تطالع جدامها : ماابى اكون ضعيفه جدامهم ..
سعيد : حقج انا خذته لج من عبدالله ..
شيخه : بس باقي اخذ حقي من عفرا ..
سعيد وهو يفكر بخته : لاتزعلين عمرج وتتضايقين عسبتها .. لانها من الاول هالبنت تغار منج وحاسدتنج على كل شي .. وانا مب عارف كيف كنتي معتبرتنها اقرب ربيعاتج ..!!
شيخه وبحسره : خدعتني ياسعيد ..
حست شيخه بدموعها تتجمع في عيونها وسكتت شوي تهدي نفسها ..
شيخه : ماكنت اصدق فيها حد يوم يخبروني عنها .. من كنا صغار كنا غير .. بس شو الي غيرها عليه مادري ..!!
سعيد : الي صار صار .. والحين خذي درس من الي صار .. وما عاد تثقين في حد ..
شيخه : مب بس درس .. طول عمري مابنسى الي سووه فيه ..
سعيد : وشو بسوين الحين ..؟
شيخه وهي هدت اشوي : ماشي غير اني بسير احط عيوني في عيونها .. واعرف منهن شو شعورها وهي تشوفني جدامها .. شو شعورها وهي ماخذه مني شي كان لي .. وودي ارويها ان الي خذته .. ماكان يستاهل انه تبيعني علشانه .. لانه انسان خاين ونذل .. وخلها تشبع به ..
سعيد وهو بتسم : اباج قويه .. لاتنهارين هناك وتخربين كل شي ..
شيخه وهي تبتسم لاخوها : لاتخاف عليه .. لو انا مش متأكده من قدرتيه للمواجهه .. ماكنت طلعت من البيت ..

وصلو سعيد وشيخه للعرس .. ونزلت شيخه للعرس ودخلت .. وسعيد تم يترياها في السياره .. اول مادخلت شيخه قاعة العرس .. حست بعيون الحريم كلهن صوبها ..
خذت شيخه نفس وهدت عمرها وحاولت ماتضعف علشان ما تنزل دموعها ..

ابتسمت شيخه وتجدمت من الحرمات بكل ثقه سلمت على خالتها ام عبدالله وخالتها ام عفرا وهي تبتسم وباركت الهن .. اما خالاتها فاستغربن ييتها بروحها للعرس وتلفتن يدورن امها وراها بس ماشافن معاها حد ..
حست ام عفرا باللوم ناحية شيخه .. بس شيخه ماطولت وياهن ولا بغت تسمع رمستهن .. مشت عنهن وراحت يلست على طرف بعيد عن الناس تنتظر لحظه عرض عفرا للناس وعقبا بترتاح ..

ما مر وقت طويل الا وبندو الاضواء وبدت الزفه تعلن عن يية العروس عفرا ..
وقلب شيخه كان يدق بقوه في صدرها .. ويعتصر الم ويحس بطعونه حيه بداخلها مابرت ..

نشت شيخه ومشت ناحيه الكوشه .. الكل انتبه لشيخه وقت مادخلت عفرا وبدت تمشى على لستيج .. كانت شيخه تمشي بين الحضور تبى توصل لعفرا وتحط عينها بعينها ..وصلت شيخه لاخر لستيج ووقفت تحت تطالع عفرا وتنتظر وصولها ناحيتها ..
عفرا كانت يايه تمشي بكل خجل وغنج .. فرحانه بعرسها وهالناس الي يايين يطالعونها .. وماتدري بوجود شيخه بينهم .. الي بيوقف الها قلبها ..

و يت لحضة المواجهه .. التقت النظرات .. شيخه وعفرا .. وتغير ويه عفرا من الضحك للخوف من رهبة المفاجأه .. وقفت دقيقه تستوعب الي تشوفه .. وهل هي شيخه نفسها .. ولا وحده تشبهها ..
هاللحظه ابتسمت الها شيخه بستخفاف وطالعتها بتكبر ..
انتبهة عفرا وعرفت انها خلاص ماالها مفر من مواجهة شيخه .. و قررت انها تظهر البرود .. وبما انها العروس مشت بكل جرأه لاخر لستيج ووقفت تطالع الحضور وتبتسم الهم .. وبالاخير عطة شيخه نظره شيطانيه وضحكت الها يستخفاف ولفت عنها ورجعت تكمل مشيها راجعه لكرسيها الي ينتظرها على الكوشه ..

ماكانت هذي نهاية المواجهه .. لان مب هذا الشي الي شيخه يايه علشانه .. وبعدها شيخه ماعطة عفرا درس يحسسها بكبر فعلتها وخيانتها .. لكن ردت فعل عفرا وتصرفها يوم شافت شيخه زادة من الم شيخه واحساسها بالحزن من طعنتها الها ..

يلست عفرا على كرسيها وبدت المطربه تغني .. تجدمن خوات عفرا وطلعن على الكوشه بيرقصن لاختهن ..
ومرن من جدام شيخه ولا كلمنها .. ولا حتى سلمن عليها .. ولا كأنهن شافنها ..
وقفت شيخه تطالعهن بكل برود وهي تقول في خاطرها .. شو هالناس لا تربيه ولا اخلاق .. الحين ولا كأني بنت خالتهن .. وكأنهن ماشافني .. بس المشكله انا شو سويت ابهن علشان يعاملني جي ..!!
ضحكت شيخه في داخلها وقالت .. مب غريبه عليكن .. اذا اختكن الي هيه ربيعتيه الروح بالروح جذي سوت بي .. عيل انتن ماتنلامن على تجاهلكن لي وقله ادبكن ..
وبعد لحظه يت اخت المعرس .. رفيعه وبالمثل تجدمت من شيخه ومرت من جدامها ولاعبرتها وطلعت فوق عالكوشه عند حرمة اخوها العروس .. ومرت رفيعه وهي تبتسم وتضحك وفي عيونها تقول .. شوفينا ياشيخه ..
انحن عرفنا نناسب .. وانتي الحين ولا شي بالنسبه النا ..
روحي خلي اخوج سهيل وحرمته ينفعونج .. انتي شو يايبنج اهنيه ....!!

حست شيخه بقلبها يعتصر من هالموقف .. صدق انا شو يابني اهنيه ..!! شو بلاقي منهم الا الاهانه والمذله ..
فكرة شيخه وعقب رفعت عيونها للكوشه وشافت البنات يرقصن ورفيعه بينهن وترقص وياهن .. وبدون ماتفكر وايد .. طلعت شيخه على لستيج ومشت صوب العروس و اخوتها ورفيعه بكل تحدي واصرار ..
مشت شيخه وهي تطالعهن كيف انهن يبن يفهمنها انهم مستانسين ووجودها مابيأثر عليهم ولا بيخرب فرحتهم ..
كانت المواجهه صعبه .. لان كثرت المواجهين ممكن تغلب شيخه .. وهي بروحها و محد يعاونها عليهم .. لكنها كانت مجروحه .. والمها خلاها تقوى .. وتواجه اي حد مهما يكون ..

مشت شيخه لغايت ماوصلت بينهن .. استغربن هن منها ومن اصرارها .. كملن رقص وعيونهن فيها .. وبكل سهوله وصلت شيخه وقفت جدام عفرا .. وحبت انها ترقص جدامهن .. وترويهن انهم مهما يسون مابيأثرون فيها ولا يهزون شعره منها ..

بدت شيخه ترقص وعيونها تضحك وتطالع عفرا .. شيخه كانت ترقص تحدي لعفرا ورفيعه .. وكلهن ماكانن يقدرن يجارنها .. ماقدرت لا رفيعه و لا خوات عفرا يرقصن معاها .. فوقفن وتمن يطالعنها بستغراب ..
شيخه كانت تضاهي عفرا بالجمال .. طول وجمال وحلاه تخلي كل البنات تغار منها ..
وهذا الي قهر عفرا اكثر .. ووجود شيخه على الكوشه ونظرة الناس الهم خلتها تموت قهر ..
حست عفرا بوجود شيخه يضايقها وماتقدر تستحمله .. واصرت عفرا على استخفافها بوجود شيخه وقعدت توزع ابتسامات ونظرات وضحكاتها للناس .. بس في الاخير ماقدرة..!!
لان ولا حد كان مهتم ابها .. اهتمام الناس كان كله على شيخه ..
لانها غطت على العروس بشكل كلي .. وحتى خوات عفرا تمن يطالعن شيخه واعجبن ابها اكثر من اختهن ..
كل الى في شيخه كان يدفع الناس تعجب ابها .. مب بس جمالها .. ولكن موقفها هاللحظه وجراءتها ..وقوتها ..
رفيعه حاولت تهدي عفرا الي بدت الضيقه عليها ونزلت راسها تحت وكانت تقاوم دموعها ..
وخوات عفرا نزلن عن الكوشه وخلاص مايقدرن يسون شي لين ماتنزل شيخه ..
وشيخه محد يقدر ينزلها .. وما بتنزل الا بكيفها ..

قعدت عفرا تطالع شيخه من بين حرة الدموع الي تغلبها .. وتتذكر كيف خونت في ربيعتها .. بدت تحس بالذنب وانها مهما سوت مابتكون شي .. وعمرها مابتقدر تغلب شيخه او تكون شيخه ثانيه ..
حتى لو عفرا خذت عبدالله عن شيخه .. بتم شيخه هي الاقوى والافضل مهما كان موقفها ..

بعد ماحست شيخه بضعف عفرا ودموعها الي بتنزل .. ابتسمت ومشت صوب عفرا ووقفت قبالتها وقالت الها ..
شيخه : عفروه مبروك عليج النذل عبدالله .. وتستاهلون بعض ..

التفتت شيخه عنها وسارت تمشى على لستيج ونزلت تحت وعيون الحريم مافارقتها .. وفوق نظرات الاعجاااااب .. كل الي في القاعه عرفوا سالفة شيخه وعفرا وعبدالله .. ومن كثر ما رمسو فيها اتشرت في القاعه كلها ..

طلعت شيخه من القاعه وهي مرتاحه وحست انها نفذت رغبتها بالظهور ورد اعتبارها ..
ركبت شيخه وابتسمت لسعيد .. وهو تم يطالعها وفي عيونه تسؤولات وايد .. ونفسه يطمن على اخته الي كان يحاتيها ويترياها بفارغ الصبر ..
سعيد : بشري ..
شيخه وهي تبتسم : اختك خذت حقها وارتاحت ..
سعيد : مثل ماتوقعت .. جي اباج ..

التفتت شيخه لسعيد وشافت في عيونه الفخر ابها .. لكنها خلاص ماقدرة تبتسم له .. اعصابها انهارة وكل الي كتمته بداخلها طول ماهي في العرس انفجر جدام اخوها مره وحده .. وبكت مره ثانيه وخذها سعيد في حظنه وقعد يهديها ..

لالي...

19-03-2006, 00:49

ياكلمة اغلى من الناس كلهم .. ياشمس بقلبي بعيد زوالها
يافرحت تملي لي الكون بكمله .. ياشجرة تكبر ويكبر ظلالها
ماعيش ببلاد ولا هي برضها .. ولا بي عيوني كان ماهي قبالها
ارض تدوس امي بالاقدار رملها .. اموت فيها واندفن في رمالها

روضه : فيصل لاتلعب بالكوره عند الياسمين .. لو عرفت امي بتقطعك ..
فيصل : وامج شو بيعرفها الا اذا انتي خبرتيها ..!!

وقعد فيصل يلعب بالكوره ويضرب اليدار ابها وترجع عليه .. وكانت الكوره تضرب اغصان الياسمين الي متكي على اليدار وتكسره ..
وروضه ماقدرة تسوي شي لان فيصل كان ولد شقي وعنيد .. ويشبه ابوه حمد وايد بشطانته ..

روضه وهي تبى تدافع عن الياسمين : هذي الياسمينه مالت يدوه نوره .. ويدوه مريضه حرام تخرب زراعتها ..
فيصل بدا يتأفف وفر الكوره بعيد : وهو بيتنا والا بيتكم علشان تتحكمين وتحشريني جي ..
خلاص روحي عند امج وفكيني .. وخلي خوانج ايون بلاعبهم ابرك من رمستج البايخه ..

طالعت روضه فيصل وبدت الدموع تتجمع في عيونها .. وكانت هذي حالتهاا دوم ويا فيصل .. فيصل دوم يتهزبها .. وهي ماتقوله شي بس تزعل منه .. ومرات تقعد تتبعه وتترياه يحن عليها وييتلطف وياها ..

ماتحملت روضه الي عمرها عشر سنوات كلام فيصل ومابغت ترد عليه .. فيصل كان عمره اثنعشر سنه .. التفتت روضه عنه ومشت راحت داخل البيت .. دخلت الصاله في البيت الكبير ولقت امها منال يالسه مع خالتها فاطمه ومنال بنت فاطمه .. تجدمت روضه من امها وراحت صوبها وهي زعلانه ومتضايقه ..
انتبهت منال لبنتها وسئلتها بهتمام ..
منال : حبيبي شو بلاج ..
روضه وهي ماتبى تخبر عن فيصل : ماشي ..
فاطمه : ليش زعلانه حبيبي حد قالج شي ..؟
روضه وهي تطالع امها وعقب خالتها فاطمه : لا خالوه انا مب زعلانه ..

وقفت روضه وكانت تبى تطلع .. ماحست بالراحه بينهم ..
روضه : انا بسير عند يدوه نوره ..
منال : سيري حبيبي بتلقينها في غرفتها .. بس ان شفتيها راقده لاتوعينها ..
روضه : انزين اماه

وهي طالعه صادفت فيصل في ويها وهو شكله ياي يدورها ومتلوم فيها ..
شافته روضه على الباب وهي بتطلع وغيرت نظرها عنه وكملت مشيها ..
طالع فيصل امه وخالته من الباب وين صادف روضه ورد يكمل طريقه ويتبع روضه يبى يراضيها ..

فيصل وكأن ماصار شي : ماشفتي محمد اخوج ..؟
روضه وهي تكمل طريقها وماتطالعه : لا
فيصل : وين سار .. كان متفق ويايه العصر نلعب كوره كلنا ..
روضه وهي تطالعه وترد تكمل مشيها : وليش يالس تدوره عندي .. روح شوفه فوق عند علايا ونوروه ..
فيصل وويه عوره من كلام روضه : اوه .. انزين انا بسير فوق .. مابتين ويايه ..؟
روضه وبضيقه خلاص ملت منه ومن كلامه : لا .. مابسير وياك .. ولا تتم تحشرني جي روح دور ربعك وفكني منك ..

وقف فيصل يطالع روضه بعد ماتهزبته .. وكملت هي طريقها وراحت عند يدوتها نوره ..
دقت روضه الباب ودخلت تطالع في الغرفه ..
شافت يدوتها نوره نايمه على سريرها والليت مسكر .. لكن الدريشه كانت مفتوحه والهوى يحرك الستاير على داخل ..
وقفت روضه تتامل يدتها نوره من بعيد وماحبت تزعجها .. شافتها كأنها نايمه ..
والتفتت بتطلع بس سمعت صوت يزقرها ..

نوره : رواضي ..
روضه بعد ماالتفتت للصوت : يدوه تحسبتج نايمه ..
نوره وهي تعتدل وتنش تيلس على السرير : لا فديتج .. تبين شي ..؟
روضه وهي تتجدم من يدتها : لا يدوه .. بس كنت ابى اشوفج ..
نوره وهي تأشر لروضه تي حذالها : تعالي فديتج .. ابى انش ..

تجدمت روضه من يدتها وهي تطالعها بنظراتها الطفوليه ..
مدت روضه ايدها ليدوتها ومسكت نوره ايد روضه الصغيره ونزلت من السرير ومشت ويا روضه للبلكونه المفتوحه ..
وكانت روضه تمشي يدوتها شوي شوي ويلستها على الكرسي ..

كانت نوره لابسه شيله بيضا وجسمها ضعيف وتعبانه .. مش من الكبر .. لكن من حمل السنين الي هدتها ..
معالم ويها الي رسم عليهن الزمن خطوطه مازالت تحمل معالم الجمال الي كانت تتمتعبه نوره وهي صغيره ..
وعيونها السود ورقة صوتها وحنانها .. لم عيالها وعيال عيالها حواليها .. و احاطوها بكل الحب والرعايه ..

تمت روضه تطالع ويه يدتها وتمسك ايدها بكل حب وهي يالسه قبالها على الكرسي ..
انتبهت نوره لنظرات روضه الها وطالعتها وابتسمت ..
ابتسمت روضه بدورها ليدتها ..

نوره : اشم ريحة الياسمين فايحه ..
روضه وهي تتذكر فعايل فيصل : يمكن الهوى يايبها ..
نوره وهي تضحك : ويمكن حد عفد على الياسمين ولعبه وفاحت ريحته جي ..
حست روضه بالارتباك وماقالت شي .. ومابغت تفتن على فيصل .

نوره : منو كان يلعب بالكوره من اشوي على اليدار مال الياسمين ..؟
رفعت روضه نظرها ليدتها وفجت اعيونها بكبرهن .. كيف عرفت يدوتها بان حد لعب بالكوره عند الياسمين ..!!؟
هيه كانت نايمه .. وماتروم تقوم بروحها وتطلع .. لالا هيه ماشافتنا .. قعدة روضه ترمس نفسها

روضه : مادري يدوه ..
نوره : وين فيصل ..؟
روضه : فيصل فوق عند علايا ونوره ..
نوره : محد غيره هو الي لعب بالكوره .. انا سمعت صوت تكريخ على اليدار ..

حست روضه ان يدتها عرفت كل شي .. بدون ماهي تتكلم او تخبرها .. تمت روضه ساكته وتتخيل الحين يدتها من تشوف فيصل تعفد عليه بالعصا وتروغه وتضربه وفيصل شارد ..
ضحكت روضه على افكارها وتخيلاتها .. ومنظر يدتها وهي تروغ فيصل بالعصا ..
طالعت نوره صوب روضه بستغراب يوم شافتها تضحك وعقب يودت ضحكتها ..
نوره : لا يكون انتي كنتي عنده .. وكنتوا تكسرون الياسمين بلعبكم ..؟

طالعت روضه يدتها وخافت .. قالت لا الحين يدوه بتكرخني باي شي حذالها احسلي اشرد عنها ..
نشت روضه واقفه ..
روضه : لا يدوه انا ماكنت عنده .. واصلا مب فيصل الي كان يلعب بالكوره .. هذا حد غير .. انا مااعرفه ..

قالت روضه هالكلمتين وهي تمشي تبى تروح .. مسكتها نوره من يدها .. ورفعت روضه عيونها بخوف في يدتها ..
ابتسمت نوره وقربت روضه منها وضمتها ..

نوره : وين شارده .. شو تحسبيني بواجعكم والا بضربكم ؟ ههههههه
روضه وهي مطمنه من حنان يدوتها : لا .. انتي ماكد ضربتينا ولا واجعتينا ..
نوره وهي تبوس روضه على خدها : فديتج .. لا انتي ولا امج ولا حد من خوالج انا قد ضربته ..
انتو روحي وضحكة حياتي .. وفدوه عنكم كل شي..

بدت نوره تتكلم كلام كبير ماتفهمه روضه وايد .. فحبت روضه انها تنسحب عن يدتها بهدوء .. وطلعت عنها وراحت عند امها تخبرها ان يدوتها وعت من نومها ..علشان ايبونها عندهم تيلس ..

كانت منال تاخذ اعيالها كل جمعه وتروح البيت الكبير .. بيت نوره .. وتقضى اليوم بطوله معاهم واخر اليوم اييهم سهيل وياخذهم للبيت ..

الكل موجود في الصاله الكبيره .. امهم نوره .. وفاطمه وعيالها ..نوره وعلايا ومنال ودانه وفيصل وخليفه عيال حمد ..
ومنال وعيالها راشد ونايف وروضه ونوره .. بس محمد اكبر عيال منال ماكان موجود بينهم .. والكل كان يدوره بس مب محصلينه ..

نوره : منال وين محمد من العصر وهو ماله شوفه ..!!؟
فيصل وهو اتذكر محمد : ويييين ..!! يدوه انا من بعد الظهر ونا ادوره مالقيته ..

ضحكت علايا وقالت : انتو من الظهرو تدورونه ..!!!؟ و محمد فوق راقد ..

منال ام محمد : فديت روحه .. ولين الحين راقد و محد وعاه ..!!
روضه وهي متعجبه : وانا اقول وينه من الصبح ..!! انا لو كنت ادري جان وعيته ..
علايا : هو راح يرقد وقالي ماخلي حد يوعيه لانه تعبان .. وخاصه فيصل ..

فيصل يتحرطم : وشو اباه انا اوعيه ..!!
علايا تغايض فيصل : عيل توك تقول من الظهر وانته تدوره .. شو بعد تقول انا شو اباه ..!!

نوره : قومي منال وعي ولدج .. رقاد العصر مب زين .. والحين داخلين على المغرب ..

نشت منال من حذال امها ..
منال : يالله امااه .. الحين بسير اوعيه ..
نشت روضه : لا اماه انا بسير برايج انتي ..

منال ام محمد : تعالي ويايه ..

طلعن منال وبنتها فوق بيوعن محمد .. دخلن غرفة منال الاصليه .. بس مالقت محمد فيها .. استغربت منال ..
وين سار هالولد ..!!
روضه : امي فيصل دور محمد في كل البيت بس مالقاااه ..
تمت منال محتاره .. علايا تقول راقد .. وانحن مب محصلينه .. وين بيكون رقد ..!!؟

محمد ولد منال عمره 16 سنه .. السنه يدرس اول ثنوي .. وهو اكبر عيالها .. الكل متعلقنه ويحبه .. وبصورة ما .. كان يذكرهم بالمرحوم فيصل .. بس كيف ..؟ ماكانو يعرفون ..!!

بس يمكن يكون لمنال يد في هالشي ..
وحبها لفيصل وشوقها له .. ولد بداخلها صورته .. وخذ ولدها من هالصوره جزء كبير ..

قعدة منال وبنتها يدورون محمد في الطابق الي فوق كله بس ماحصلوه ..
يلست منال بخوف على الكرسي ويلست تفكر .. وين راح ..؟ وقطعت روضه عليها تفكيرها ..
روضه : امي دورناه في كل البيت وين بيكون ..؟
منال بخوف : مادري ياروضه .. وين اختفى محمد ..!! مادري ..

فجأه طالعت نوره الباب الي حذالها ونشت واقفه ببطء..

لالي...

19-03-2006, 00:50

هذا قسمنا الجديم ..!! وشافت الباب مفتوح اشوي .. تجدمت منه منال وهي تفكر .. وتشوف الظلام داخل .. يمكن محمد اهني..؟

تجدمت منال وفتحت الباب وبنتها روضه تتبعها ..
روضه : اماه .. هالمكان جديم .. انا اخاف ادخله ..
التفتت منال لبنتها ومسكة يدها وابتسمت الها ..
منال : تخافين من شوه ..!!؟ اهنيه غرفة امج وهي صغيره .. وغرفة خالج حمد بعد ..
طالعت روضه امها بستغراب ..
روضه : كيف كنتو عايشين اهنيه .. هالمكان يخوف ..

ضحكت منال : لا .. ماكان يخوف .. بس لانه جديمه ومحد يسكنه انتي تشوفينه جي .. بس على وقتنا كان عادي ..
روضه بخوف : انزين ليش انتي تبين تدخلينا اهنيه .. محمد مستحيل يدخل هالمكان الي يخوف ..
منال : يمكن يكون داخل .. اذا مالقيناه في البيت كامل .. ماشي غير هالمكان يكون فيه ..

يئست روضه من انها تغير راي امها ومشت وياها بحذر رغم عنها ..
شغلت منال الليت وطالعت في الممر جدامها .. نفس المرر ماتغير .. جدرانه ولونه ولوحاته .. والصاله الي كانت تيلس فيها قبل وغرفهم وغرفة نوره الجديمه ..
حنت منال لذيج الايام .. وبدت الدمعه تتهاوش وياها تبى تنزل ..
ضغطت روضه على ايد امها يوم شافتها حزينه وعيونها تبى تبكي ..

الممر هذا كان ينزل للصاله الي تحت .. بس حمد سوا تغييرات في البيت وبدل السلم بسلم يديد وبصالات وغرف يداد .. وغير مكان السلم .. وتم هذا القسم نفسه ماغير فيه شي وماحب يغيره .. سكروه وخلوه محفوظ بذكرياته ..

شافت منال كل الغرف الي في الممر مسكره .. بس غرفه وحده كان بابها مفتوح والنور يطلع منها ..
لا ايراديا قلب منال وقف مكانه .. كانت غرفة فيصل ..!!
فيصل ولد عمتها نوره .. مشت منال صوب الباب وفي بالها تفتحه وتحصل فيصل في الغرفه يالس .. او هي تمنت هالشي يصير ..
كانت روضه تتبع امها بخوف .. ولكن من شافت النور بالغرفه طالعت امها .. وماعرفت هل اخوها دخل .. او شبح او اي شي ثاني يكون سبب هالنور ..

فتحت منال الباب ببطء .. واول ماتبطل ..شافت منال غرفة فيصل مثل ماتحيدها قبل .. وطاحت عيونها على فيصل يالس على السرير ويطالع الصور الي في الكوميدينو ..

وقفت منال متسمره مكانها ومش مصدقه عيونها .. فيصل ..!!
نور الابجوره كان مولع .. ومبين ويه فيصل على طرف وفي يديه الصور وهو منزل راسه يطالع ومش منتبه للي دخلو ..
منال برعشه : فيصل ..!!

شافت منال فيصل يرفع راسه ويطالعها .. وحست انها رجعت ثنينه وعشرين سنه لورا ..

روضه وهي تندفع داخل الغرفه : محمد انته اهنيه واحنا جالبين البيت عليك .. شو تسوي اهنيه .. وفي هالمكان ..؟

وقف محمد وتم يطالع روضه وويه امه الي شحب مره وحده .. وتغير وسكنت ملامحه التعب والهموم ..

محمد بخوف على امه :هي انا هنيه كنت .. خير شو بلاكم ..؟

تمت منال ساكته ومش مستوعبه تبدل فيصل لمحمد .. غمضت عيونها بتعب وتذكرت ان فيصل مات .. وان الي شافته الحين .. هو محمد ولدها ..
فجت منال اعيونها وشافت نظرات ولدها محمد وروضه الها ..
روضه وهي تتقرب من امها : امي قولي لمحمد مايدخل اهنيه مره ثانيه .. يالله نطلع ..

تمت منال ساكته وتطالع ولدها محمد وفي عيونها حنان الدنيا والحب لفيصل باين فيهن ..
تقربت من محمد ورفعت يدها .. ومسحت على خده بحب .. وشافت قسمات ويهه الي تشبه فيصل بصوره كبيره ..
تقربت منه وباسته على خده وشفايفها ترتجف ..

حس محمد بضعف امه هاللحضه .. ومافهم ليش هيه جي .. هل هيه كانت خايفه عليه لهدرجه .. الي تخليها تعبانه ومنهاره .!!
ولا شي ثاني متعبنها ..!!

محمد وهو يمسك ايد امه ويحبها : بسم الله عليج يالغاليه .. تعالي يلسي وارتاحي ..
مسك محمد ايد امه وسار وياها ويلسها على طرف السرير وين كان يالس ..

يلس حذالها وتجدمت منهم روضه ويلست حذال اخوها وهي تراقب الغرفه بنظراتها الي فيهن خوف .. وتنتظر اي شي يطلعلها من اي زاويه او ركن بالغرفه ..
منال وهي تمسك ايد ولدها وتضغط عليها : شو دخلك اهنيه ..؟
محمد بتردد : كنت ابى ارقد .. والبيت زحمه .. وازعاج .. مالقيت غير هالمكان ايي وارقد فيه ..بعيد عن الحشره ..
منال وهي مشككه في كلام ولدها : واشمعنا هالغرفه ..!؟ ليش مانمت في غرفه ثانيه ..؟
محمد وهو يتهرب بنظراته : انا مافكرة .. دخلتها الا جيه ..

سكتت منال ومابغت تسأل ولدها اكثر وهو مايبى يقول شي ..
التفتت وشافت الصور الي كان محمد يطالعهن موطايات على طرف السرير ..
طالعتهن وشافت .. الصور ..
صور فيصل الجديمه .. وهو بدريس كلية الطيران .. وصوره وهو على الخيل .. وصور غير .. وغير .. ونفس الشخص يحويهن ..

ماعرفت منال شو الي بدل لون الدنيا بعيونها .. وجودها مره وحده في غرفة فيصل بعد هالمده كلها من وفاته .. ووجود صوره جدامها ... ووجود ولدها محمد الي يشبه فيصل بصوره كبيره يالس حذالها ..
كل هالامور خلت منال تحن لفيصل وتشتاق له ..

نشت منال واقفه وبدون ماتقولهم شي .. ظهرة من الغرفه ..
وقف محمد ووقفت روضه بسرعه وتمسكت بكندورة اخوها محمد بخوف ..
مسك محمد يديها وظهر وياها برا الغرفه بعد ماسكر ليتها ..

ماقدرة منال تنزل تحت عندهم .. حست انها تبى تيلس بروحها وبعيد عن اي حد .. ماعرفت وين تروح .. نزلت تحت وراحت صوب غرفة امها نوره .. دخلت وسكرت الباب وراها .. تمت واقفه تطالع الغرفه وعقب مشت راحت للبلكونه ويلست على الكرسي وحيده .. تستعيد احلى لحظات عمرها ..

محمد وروضه بعد ماطلعو وشافو امهم تدخل غرفة يدتهم نوره .. مابغو يزعجونها .. كملوا طريقهم وسارو الصاله وين الجميع ملتم ..

كان وقت قبل المغرب بشوي .. وشافت منال من مكانها سيارة اخوها ناصر داخله البيت ووقفت برا .. نزل منها ناصر وحرمته شيخه وعيالهم وياهم ..

وصول ناصر وشيخه طلع منال من ذكرياتها .. بعد ماارتاحت ورجع كل شي طبيعي فيها مثل الاول ..
نشت وقررت تطلع من عزلتها وتدخل بين اهلها ..

ناصر رجع للبلاد بعد زواج منال بسنتين .. رجع لحضن امه الي ينتظره .. وكمل فرحة رجوعه بزواجه ..
وبالهشي ريح امها من عذابها وطلعها من حزنها عليه ..
تزوج ناصر من شيخه اخت سهيل .. الي بدورها ارتاحت لناصر وحصلت السعاده وياه ..

دخل ناصر وشيخه البيت واول مادخلو لقو منال بويهم وتبتسم الهم ..
سلمو عليها وسارت ابهم لصاله داخل علشان يسلمون على نوره والباقين ..

تلاقو لعيال .. عيال ناصر وعيال حمد وسهيل ..كان جو ثاني .. فوق الازعاج الي مسوينه ..
كان وجودهم فرحه لنوره ماتنوصف ..
كانت نوره تلتهي عن الي حواليها كلهم وتملي عيونها من منظر عيالها يلعبون حذالها ويسولفون وياها مرات ..
تم محمد يالس حذال يدوته نوره .. ومشغولين هيلا الثنيه بعالم ثاني .. يرمسون بروحهم ويسولفون ..

انقضى النهار بطوله .. ويت حزة رجعة سهيل وحمد من المزرعه ..
هالاثنين تعلقو بعض وتمت روحاتهم ويياتهم وحده ..
وكانو عازمين ربعهم كلهم في المزرعه .. ربع سهيل وربع حمد ..

وصل سهيل وحمد البيت ونزلو بيدخلون داخل عند اهلهم ..
تعشو كلهم يميع وعقب خذ سهيل حرمته وعياله وسارو بيتهم ..

بعد ما وصلو البيت ودخلو لعيال غرفهم بيرقدون .. حست منال بالوحده بعد هاليوم الي قضته في بيتهم العود .. ردت لغرفتها وحضن ريلها سهيل .. واستقرارها النفسي في بيتها وعيالها حواليها ..

يلست على سريرها بعد مابدلت ويلست تطالع سهيل وهو طالع من الحمام بعد ماتسبح ويالس يلبس ملابسه ..

سمعو دق على الباب .. رفعت منال نظرها للباب وطالعت ولدها محمد وهو واقف عالباب ..
ابتسمت له منال : هلا حبيبي .. تعال ..
ضحك سهيل لولده : حيالله بو جسيم .. تعال حبيبي ..

دخل محمد وهو مستحي ويبتسم لامه وابوه ..
محمد : انا بغيت ارمسكم بشي يخص مستقبليه ..

ابتسمت منال وابتسم سهيل وهم يطالعون ولدهم جدامهم كبر ويالس يخطط لمستقبله ..
كان محمد يالس قبالتهم وفرحان ..

سهيل : فديتك .. شو عندك .. وشو الي تفكر فيه ..؟
تمت منال تطالعهم وهي ساكته و بعيونها تشوف ولدها بحب وحنان ..
محمد : ابوي .. امي .. انا الحين اول ثنوي .. وتعرفون ماشي باقي شهر على الامتحانات ..
وانا سمعت ان التسجيل في الكليه مفتوح من الحين ..
سهيل : ماعليه .. الي تباه بيصير .. بس انته ماخبرتنا اي كليه تبى تسجل فيها .. وانا اشوف انك اول ثنوي بدري على الكليات ..

محمد : لا ابوي .. هذي الكليه الي بسجل فيها .. يبدا التسجيل فيها من بعد الاول ثنوي ..هم فيها بيدرسونا و بنتخصص في المجال الي نباه في نفس الوقت ..

منال بستغراب : اي كليه هذي الي تبى تروحها ..؟
محمد : كلية الطيران ..
سهيل وهو يبتسم لولده : واشمعنا اخترت الطيران ..؟
محمد بثقه في نفسه : من زمان وانا افكر فيها .. ووايدين مدحوها من ربعي .. وانا وثنين من ربعي فكرنا ندش فيها ..
بس قلنا نشاور اهلنا ونشوف رايهم ..وو ؟
سهيل وهو يضحك : وو .. شوه ..؟
محمد وهو فرحان : نفسي اسير كلية الطيران مثل خالي فيصل الله يرحمه .. انا وايد احبه ونفسي اكمل الشي الي هو بداه .. وكنت اليوم اشوفه صوره في بيت يدوه نوره .. وسألتها عنه وتمت تخبرني اشياء وايد عنه .. وخلتني احبه اكثر .. ونفسي اكون مثله ..
سهيل : فيصل ..!! الله يرحمه ..
محمد : ها ماقلتولي شو رايكم ..؟

منال : لااااا .. كلية الطيران لا ..
محمد وعيونه في امه : ليش امي ..؟

لالي...

19-03-2006, 00:53

منال بعد ماقال محمد انه يبى كلية الطيران .. حست الدنيا تدور ابها .. وتمت تشوف ويه محمد وحست انها ماتشوفه ..
خافت ومابغت تعيد ذكرياتها الاليمه ومن نفس الكليه ..

سهيل وهو يطالع منال ويشوف عيونها والخوف الي فيهن .. وماعلق بشي ..

منال وبصرار : انا قلت لا يعني لا .. و لا تفكر بهالكليه والا تحطها في بالك .. اي شي تختاره سوه .. الا هالكليه ..
محمد والحزن في صوته وهو يطالعها بترجي : امي دخيلج لاتخلين هذا قرارج الاخير .. فكري ..

تم محمد يطالع امه ويرد يطالع ابوه ويترجاه بنظراته .. يباه يرمس يقول شي .. بس سهيل مابغى يدخل بشي ويضايق منال ..
حس ان ورا رفض منال سبب قوي .. والا منال مابتسوي جي .. دومها مدلعه عيالها وماترفضلهم طلب ..

منال وهي تنش عنه وتروح توقف حذال الدريشه وتبى تفهمه ان الحوا انتهى : هذا اخر الكلام .. وانته فكر مره ثانيه واختار شي احسن ..

نش محمد وسار صوب امه .. وحسن ان مسؤوليه اقناعها بتم عليه هو بروحه .. وابوه مابيسويله شي ..
محمد : امي فديت روحج .. لا تخلين هذا قرارج الاخير .. وعطيني حقي في اني اختار مستقبليه .. هذا الشي الي انا احبه واباه ..دخيلج امي لاتوقفين جدام مستقبليه وتحرميني من الشي الي احبه ..

حست منال بضعف جدام ولدها وعيونه الي تتراجاها وصوته الي يدخل فيها ويحي ذكرياتها ..
التفتت منال صوب ولدها وطالعت اعيونه بحب ..
منال : حبيبي انا ماابى اوقف جدام مستقبلك .. واخرب عليك احلامك .. انا خايفه عليك .. وهالكليه ياما ضيعت عمر وايد من الشباب الي تحمسو ودخلوها ..
محمد وهو يحنن بعيونه قلب امه : امي العمر بيد الله .. امي انا ماابى ازعلج .. بس انا خاطريه ادش هالكليه ..
منال : حبيبي .. في جدامك مية مجال ومجال تفكر فيه ..لاتخلي الطيارن الشي الوحيد الي في بالك .. حاول تفكر بشي ثاني وعقب قولي قراررك الاخير .. شو رايك ..؟

فكر محمد بكلام امه وشاف انه يرضيها الحين ويرضى بكلامها وعقب يرجع يقولها ان قراره هو كليه الطيران لانه مايفكر يغيره ..

محمد : انشالله امي .. الي تشوفينه ..
حب محمد راس امه وسار صوب ابوه باسه على راسه وطع عنهم وهو خاطره منكسر وزعلان ..

تمت سهيل يطالع منال وهي واقفه مكانها .. التقت اعيونهم ببعض وتحركت منال وسارت عند فراشها علشان ترقد ..
التفت سهيل عليها ..
سهيل وعيونه في عيون منال : ها يام محمد .. شو بلاج على محمد شبيتي فيه ضو .؟
منال وهي منحرجه : ماسمعته شو يقول ..!!؟ والا انته راضي عن الكليه الي يباها ..؟
سهيل وهو يبتسم : محمد ماقال شي غلط .. وهذي رغبته .. والحمدلله ان ولدنا يفكر بمستقبله ومهتم .. مب مثله غيره من الاولاد .. ماهمهم الا العب والصياعه ..
منال : محمد فديته مب مثلهم .. وهو برايه يفكر في مستقبله بس بعيد عن كلية الطيران ..

نش سهيل وسار يلس حذال منال .. وهي يالسه على طرف السرير .. طالعها بعيونه والحب فيهن .. ومسح بيده على شعرها الي نازل عطرف ويها ..
سهيل : ممكن اعرف ليش ؟

منال وهي تحاول تتهرب من نظرات سهيل : مااحب هالكليه ويسد الي نسمعه عنها ..

سهيل وهو نفسه منال في يوم من الايام تفتحله قلبها وتكون كتاب مفتوحه جدامه ..
خلاص مل كونها تكون عايشه وبداخلها شخصين .. ومب قادر هو يستحوذ على قلب حرمته بالكامل ..

سهيل : منال خلاص .. ماله داعي تغبين عليه .. هالشخص الي ساكن بداخلج ومب قادره تنسينه .. اذا انا ماقدرة اخذج منه .. ارجوج لاتخلينه يأثر على مستقبل عيالج ..

حست منال كأن ماي بارد واسكب عليها .. رفعت عيونها في عيون سهيل وسئلته بتردد ..
منال : منو خبرك ..؟
سهيل وهو يبتسم ويبى يطمنها : انا اعرف كل شي عنج ومن قبل مااخذج ..
ومنال : وسكت طول هالمده ..؟
سهيل : شو كنتي تبيني .. اكلمج في شي ميت وايقض جروحج واحزانج .. بدال ماانسيج واعوضج بالحب والحنان ....!!

منال وهي متفاجاه من الي تسمعه من سهيل : بس انا مش مصدقه .. صح انه شي ماينذكر .. بس كيف انته رضيت به ..

سهيل : لاني احبج .. منال مب سهيل ان الريال يرضى ان حرمته تعيش وياه وقلبها عن شخص ثانيه عايش بداخلها .. ومأثر على كل حياتنا .. بس منال لاني احبج عمري مافكرة الا في سعادتج .. والي كنت اباه هو انج تكونين لي .. والله عطاني هالامنيه وانتي حققتيلي اياه .. هذا يكفيني ..

ماعرفت منال شو تقول .. حست بالدموع تتجمع في عيونها وبعدين بدت تسيح على ويها ..
تمت منزله عيونها تحت وادموعها تنزل تتسابق على خدودها ..

تقرب منها سهيل ورفع راسها بيده وطالع اعيونها ورفعت هي عيونها فيه .. ومسح دموعها بيده ..
سهيل : منال تدرين اني احبج .. ومهما صار ومهما كان وبيكون .. مابيتغير حبج في داخليه .. ان حبيتيني .. وان ماحبيتيني .. انتي لي ..

حاولت منال تبتسم من بين ادموعها وطالعت سهيل ..
منال : ومنو قالك اني ماحبيتك .. انا احبك من زمان .. وكل يوم احبك اكثر عن اليوم الي قبله ..
سهيل : اذا انتي تحبيني مثل متقولين .. بينيلي هالشي ..
منال وهي تطالعه وفي عيونها استفهام ..

منال : كيف ؟

سهيل : اباج تقومين معايه وتسيرين عند ولدج وتتفاهمين وياه .. والا تقنعيه برايج ولا هو يقنعج برايه .. عقبها سوو الشي الي تتفقو ن عليه ..

طالعته منال وابتسمت .. ونشت سارت وياه عند محمد ..

فتح محمد الباب بعد ماسمع صوت دق عليه .. ولقى امه واقفه جدامه .. ابتسم الها برتباك .. ودخلت وهي تبتسم له ..

منال : محمد ممكن اسألك سوأل واحد .. وان جاوبتني عليه .. لك الي تبااااااه ..
محمد : تقصديت كلية الطيران ..؟

منال هزت راسه بالموافقه على كلام ولدها وابتسمت له ..
محمد : خير امي ..

منال : خير حبيبي ..
تقربت منال من ولدها وحبته على يبهته والعبره خانقتنها ..
منال : انا موافقه انك تروح كلية الطيران .. بس ..

وقفت منال وهي مب قادره تكمل من دموعها ..

محمد : لا امي خلاص .. انا ماابى الكليه اذا بتخلي دموعج تنزل جي .. كله ولا دموعج يالغاليه ..

حظن محمد امه ومسحت منال دموعها وطالعت محمد ..
منال : لا حبيبي ماعليك .. هاي دموع الفرحه في انك كبرت وبتدش الكليه خلاص ..
محمد : فديتج يالغاليه .. انا ماابى اتعب قلبج عليه .. لكني ماتصورت ان ردة فعلج بتكون جي .. وسامحيني اذا غثيتج ..

منال : مسموح فديتك .. بس انا ابى منك شي ..
واباك توعدني به ..

محمد : طلبي عمريه الغاليه يفداج ..
منال بخوف : بسم الله عليك .. انا هالشي الي اباك تحافظلي عليه .. وتوعدني اني اكون اول وحده تركبها الطياره وياك .. وتسفرها في اول رحله لك ..

كانت الفرحه مب سايعه محمد وشقت البسمه ويهه ..
محمد وهو يحب امه و يبوسها : فديت روحج .. مب بس اول رحله .. قولي الاولى والثانيه والعاشره وكل رحلاتي بعد هههههههههه

ضمت منال ولدها بحنان ودخل عليهم سهيل هاللحظه .. سحب منال من يدها وهو يطالعهم ويضحك ..
سهيل : بسكم يالله اشوف رقاااد ..

************

كان يوم تخرج محمد من كلية الطيران .. وبعد انتهاء الحفل.. رجع محمد مع ابوه سهيل وخاله حمد للبيت ..
وكان لابس لبس الطيران والاهل كلهم يتريونه في بيت نوره العود ..

دخل محمد عليهم .. واول ما طاحت عينه على يدته نوره ..
فج طاقيته وسار صوبها وهي يالسه على كرسيها وتطالعه وعيونها تدمع ..
وكأنها كانت تشوف ولدها فيصل جدامها وهذا كان يوم تخرجه من كلية الطيران ..
وهو الحين داخل عليها علشان تهنيه بالتخرج ..

تمت منال واقفه على طرف وادموعها تنزل من عيونها فرحه بولدها في هذا اليوم ..
وتحمد ربها ان خلاه الها ..

تمت تشوف محمد وهو يهوي على يدته ويبوسها و من عقب يتلقوله اخوانه وعيال حمد يبون يباركوله .. ومن بينهم كلهم شافته ظاهر وياي صوبها شارد عنهم .. علشان يسلم عليها ويحبها ويهنيها هيه قبلهم كلهم ..

هذيلا هم عيال نوره .. وهذا الجيل يعيد نفسه بمره وفرحه
وتبقى نوره بينهم ياسمينه تفرعت و اهدت للايام عطرها .. يفوح في كل بيت وفي كل وقت وزمان

هذي هيه نهايه احداث فروع الياسمينه

http://www.w6w.net/album/35/w6w200504191940258bb30d67.gif

لكم تحيــــاااتي
لالي