~ إنتقام الكبرياء ~
31-08-2003, 02:39
http://uae32.jeeran.com/zaaat02.jpg
http://uae32.jeeran.com/zaaaaat.jpg
حرمت نفسي من كل شيء.. وتحملت رزالته ومعاملته القاسية لي.. حاولت أن اهون عليه مصاعب الحياة.. لكنه قابل كل ذلك بالجحود والاهانة وكأني غير موجودة لم يراع انسانيتي.. اراد طردي من الشقة أنا وابني العاجز وابنتي الطفلة لكي يتزوج فيها من امرأة أخري.. رفضت ووقفت ضده حاول حرق قلبي بهذه الفعلة فحرقت وجهه بالزيت المغلي حتي لا ترغبه أي امرأة.. وربما يتأدب!
هكذا تحدثت اكرام المتهمة بحرق زوجها بالزيت المغلي وهو نائم ومن داخل قسم شرطة امبابة حاورتها 'أخبار الحوادث' فماذا قالت؟!
أن يختلف الزوجان في شيء عادي.. فانها ساعات أو أيام ويبدأ احدهما بالتصالح وينتهي الموضوع.. وان تعقد الخلاف قليلا قد يتدخل الاهل ويصلحون فيما بينهما قدر الامكان.. واذا استحالت العشرة فيما بينهما لسبب أو لاخر فان الحل الاسهل هنا هو الطلاق رغم اثاره الجانبية القاسية علي الابناء فهم أول الضحايا.. أما اذا ركب احدهما رأسه وخاصة الزوج واراد الزواج بأخري.. ثم امعن في اذلال زوجته بان يطردها من الشقة هي واولادها لتحل محلها الزوجة الجديدة فان الامور تزداد تعقيدا ولا تلجأ الزوجة للقضاء لاستعادة حقها لانه كما تقول: المحاكم حبالها طويلة..وتستعيد الزوجة كل لحظات العذاب وتنسي كل أيام السعادة ولا يدور في ذهنها سوي الانتقام وبأي وسيلة ومهما كانت النتائج!
اكرام أحمد '32 سنة' من هذا النوع الاخير تعرضت لكثير من الاهانات علي يد زوجها حسن مرسي كاتب 47 سنة ويعمل سباكا وأحيانا يعمل كبائع متجول.. تحملت الكثير منه لكنها حين فوجئت به يجبرها علي ترك الشقة لعيش فيها هو وعروسه الجديدة.. لم تفكر في شيء سوي تعطيل هذا المشروع _ وكما تقول _ كنت رحيمة به فشوهت وجهه فقط بالزيت المغلي حتي لا تقبله أي واحدة!
لنتعرف علي التفاصيل كاملة لهذه المأساة علي لسان اكرام من بدايات الزواج حتي هذه اللحظة التي اصبحت فيها متهمة بحرق زوجها.
وش الفقر!
أنا بني آدم من دم ولحم.. مهما كنت فقيرة أو لا املك الجمال الذي يجعل الرجال يتقاتلون عليٌ.. كنت عايشة انا وأمي واخواتي كافيين خيرنا شرنا. أمي لم يكن يشغل بالها سوي زواجي وستري في 'بيت العدل' كما كانت تدعو لي دوما.. ويبدو أن الله استجاب لدعائها وجاء 'حسن' والنبي ما هي الاسامي مش بفلوس.. عمري ما شفت منه ولا حسنة!
المهم فرحت أمي وفرحت أنا اكتر لاني خلاص ها ابقي زي كل البنات واتستت ويبقي لي بيت وزوج وعيال.. رضينا بالقليل لان احنا برضة غلابة..
ولملمنا مشوارنا في اضيق الحدود.. وتزوجنا كان هذا منذ 13 عاما.. ومن أول يوم بدأت المشاكل.. شتيمة وسب علي الفاضي وعلي المليان.. وكل ما أقول له يا حسن أنا عملت لك ايه لا يرد وكنت باعذره واتحمل واقول يمكن قلة الشغل هي اللي بتخليه يتنرفز ويغضب.. مرت الايام والشهور ورزقنا الله بأول ابنائنا 'يوسف' الآن عمره عشر سنوات.. قلت يومها ربما انجابنا لابن وذكر.. يمكن يخليه يهدأ شوية.. لكن الخناقات زادت والمشاكل.. وبرضه كنت باتحمل علشان ابننا ولما بلغ يوسف 3 سنوات وبانت عليه علامات التخلف العقلي ولا يتكلم.. بقت المصيبة مصيبتين وتحملت انا ذنب خلقة ابني بالشكل ده.. وكل ما اقول له يا بوعلي ده بتاع ربنا انا ليس لي ذنب يرد علي دايما ويقول: انت وش فقر.. واحدة زيك شبه 'بوز الاخص' هاتخلف ايه يعني.. هو انت زي فلانة ولا علانة.. اللي ضحكتها وكلامها يرد الروح.. كنت باخد الكلام
علي انه هزار.. لكنه كان يؤكد انه لا يمزح معي فكنت اسمعه يتكلم بينه وبين نفسه: هوه انا عملت ايه ياربي.. هوه انا كنت عميت ساعتها.. يعني الرجالة اللي ماتستاهلش معاها قمرات وأنا اتبليت بواحدة ما عندهاش فكرة ازاي تبقي الست تفرح زوجها.
ويظل يندب حظه وكأنه يعدد مثل النساء في المآتم الي أن يقول.. 'اهه اتكتب علي اتجوز ابني عمي بس اللي '......' كلام الواحدة ما تقدرش تقوله ومع كده كنت باضحك علشان الحياة تعدي واربي ابني يوسف وبعده ابنتي الطفلة.
في الصحراء!
احاول ان اسألها لتتوقف عن الكلام لحظة لكنها كانت دائما تقاطعني وتقول سيبني افضفض وانت هاتعرف كل حاجة.. خليني اتكلم انا مش لاقية حد اشكي وجيعتي.. تتنهد اكرام كأنها تزيح جبلا من الهموم من فوق صدرها.. وتواصل.. لم يكتف بكل هذه الاهانات لكنه كثيرا كان يحاول التخلص مني.. مرة خلاني مسكت سلك الكهربا وكنت هااروح فيها وهو بيضحك ويقول لي ده انا كنت باهزر معاك.. ومرة خدني وقال لي ياللا بينا نخرج علشان نتفسح وهناك في حتة زي الجبل تركني واخد العيال بحجة انه هايشتري لهم حاجات وسابني حوالي ساعتين ونصف.. وأنا محتاسة مش عارفة اعمل ايه ولا السكة منين وفين.. قعدت مكاني وكنت مرعوبة علي الآخر.. لولا اني بقيت اجري وبس كده وكده كنت خلاص ها اتجنن.. وفجأة لقيت روحي علي الاسفلت.. روحت البيت لقيته هوه والعيال.. وماسكتش قعد يوبخني انت رحتي مننا فين.. احنا قعدنا ندور عليكي أكثر من ساعة.. وقعد يسب ويشتم وأنا ساكتة.. دخلت الغرفة وقعدت ابكي.. وهو قاعد بره يضحك هو والعيال.. وكأن ما فيش حاجة حصلت.
تدمع عينا اكرام وتروح في بكاء طويل وعميق حين استعادت هذه الواقعة.. وقالت مهما قلت فلن يصدقني أحد.. لقد كان يتفنن في تعذيبي مرة يرميني بكباية الشاي وهي سخنة ومرة يقلب حلة الطبيخ.. وأنا ماكنتش عارفة اعمل ايه عشت 13 سنة وكأني ماعشتش.. كلها غم في غم.. أنا هنا في القسم مرتاحة وقادرة اشم نفسي شوية.. لكني قلبي بيتقطع علي اولادي وأمي العجوزة.. اهه ربنا معاهم ومعايا..
في بيتي!
ولم تتوقف عذابات اكرام عند مجرد معايرة زوجها لها بشكلها وخلقتها التي لم تخترهما ولكنها صنعة ربنا _ كما تقول _ هو أنا اللي خلقت نفسي ما انا نفسي ابقي احلي واحدة في الدنيا.. بس هي ظروفي كده.. وبعدين لما كل واحد تبقي مراته شكلها وحش يروح يصاحب واحدة ثانية يبقي ماحدش ها يفضل في بيته كل البيوت هاتتخرب.. والنبي ما انا عارفة الصح فين والغلط فين ده يا باشا.
ووجهت كلامها للمقدم حسام حلمي رئيس مباحث امبابة' ماكانش بيكفاه معايرتي بشكلي وشتمي وسبي في الطالع والنازل.. لكنه الغاني نهائيا وكأنني غير موجودة.. كل يوم والتاني ألاقيه جاي في نص الليل ومعاه واحدة شكل أجي اتكلم يقول لي غوري ادخلي جوه خليكي مع العيال.. أو يوصل لحد ما وشه يتعري خالص ولا ينكسفش ويقول لي اعملي لنا شاي أو هاتي عشا.. تخيل .. احكموا أنتم يا أهل العدل واحدة في مكاني ممكن تعمل ايه؟!
أنا برضك خلقة ربنا وبني آدم برضك ولي حقوقي وأنا طول عمري ما قصرت في واجباتي ناحيته وناحية الاولاد والبيت كنت زي ما بيقولوا باقيد صوابعي زي الشمع.. وبرضك ما تمرش فيه.. واتحملت البهدلة والضرب وقلة الادب لكن توصل الامور انه يجيب الستات الساقطين بيتي اهو ده اللي ما حدش يتحمله في الدنيا!
العروس الجديدة
تواصل اكرام حكاية مأساته مع زوجها حتي اوصلتها هذه المعاملات السيئة الي هذا المصير الذي لم تكن تتمناه علي الاقل ليس لها فقط بل كما تقول لأولادها الابرياء فماذا سيفعل يوسف ابن السنوات العشرة وصاحب الظروف الخاصة فهو متخلف عقليا ولا يستطيع خدمة نفسه حتي لو بلغ الثلاثين من عمره بالاضافة الي الابنة الصغري مديحة التي لم تكمل السنوات الست وجدتهما لامهما التي لا تقوي علي رعاية نفسها فكيف سترعي أبنائي وهم في هذه الحالة؟
وتضيف اكرام بعد زفرة طويلة ها اعمل ايه حظي كده.. ربنا عايز كده.. لكن برضه ربنا لا يرضيه الظلم.. لكن زوجي حسن مرسي 46 سنة باين عليه ما يعرفش ربنا فوجئت به بيقول لي انا هااتجوز 'فلانة' قلت له
_ رغم اني كنت حزنانة علي نفسي من جوايا _ وماله يا خويا اتجوز.. وما اكتفاش بكده قعد يذل في ويشتمني ويعايرني بشكلي وهو بيتكلم عنها: أهي هيه دي اللي هاترد في الروح.. أهي دي اللي الواحد ها يصبح الصبح يلاقي وردة مفتحة جنبه.. مش زيك يا بوز الاخص.. وتاني يوم قال لي لازم تمشي أنت والعيال تروحي تقعدي عند قرايبكم شهر أو شهرين علشان شهر العسل.. يعني بصريح العبارة كان عايز يستولي علي الشقة وتبقي للعروسة الجديدة.. وبعد كده انا واولادي نعيش في الشارع.. ده يرضي حد كافر ولا مؤمن؟! شيروا علي أنتم كنت هااعمل ايه؟!
مش كفاية!
تضيف اكرام: انا لو علي كنت حرقته كله كنت شويت جسمه كله في الزيت المغلي.. لكن انا ما عملتش كده هو كان في المطبخ بيعمل بطاطس ومش عارفة وقع منه ايه في الارض ميل يجيبه فاندلق الزيت علي وشه هو اللي حرص نفسه أنا كل اللي عملته دلقت عليه ميه علشان يبرد.. ولما قعد يشتم فيه ويسب تاني جبت باقي الزيت وسخنته ودلقته عليه في اللحظة دي بس كان نفسي احرقه كله لاني اتعذبت كثير معاه كان كل يوم يشويني بالبهدلة والشتم والعمايل السودة اللي كان بيعملها.
ساعتها أمي صرخت والدنيا اتلمت فأنا جريت في الشوارع وكنت ماشية مش عارفة رايحة فين.
ويقوم الجيران باستدعاء الاسعاف التي نقلته الي المستشفي وبمجرد وصوله اخطرت ادارة المستشفي اللواء عبدالجواد أحمد مدير الادارة العامة لمباحث الجيزة الذي كلف نائبه اللواء عبدالوهاب خليل واللواء جاد جميل رئيس المباحث الجنائية بسرعة الكشف عن ملابسات الحادث والقبض علي الزوجة المتهمة حسب ما جاء في اعترافات الزوج أمام وكيل النيابة الذي انتقل الي المستشفي لأخذ أقواله وينجح فريق البحث الذي قاده العقيد محمود فاروق مفتش المباحث ومعه المقدم حسام فوزي رئيس مباحث امبابة ومعاونيه النقيب علاء بشير والنقيب أيمن الحمزاوي في القبض علي المتهمة مختفية عند أحد أقاربها ويحيلها اللواء عبدالجواد أحمد الي نيابة امبابة حيث امر علي نبيل وأحمد عبدالجواد وكيلي النيابة بحبسها 4 أيام لحين تقديمها للمحاكمة.
http://uae32.jeeran.com/zaaaaat.jpg
حرمت نفسي من كل شيء.. وتحملت رزالته ومعاملته القاسية لي.. حاولت أن اهون عليه مصاعب الحياة.. لكنه قابل كل ذلك بالجحود والاهانة وكأني غير موجودة لم يراع انسانيتي.. اراد طردي من الشقة أنا وابني العاجز وابنتي الطفلة لكي يتزوج فيها من امرأة أخري.. رفضت ووقفت ضده حاول حرق قلبي بهذه الفعلة فحرقت وجهه بالزيت المغلي حتي لا ترغبه أي امرأة.. وربما يتأدب!
هكذا تحدثت اكرام المتهمة بحرق زوجها بالزيت المغلي وهو نائم ومن داخل قسم شرطة امبابة حاورتها 'أخبار الحوادث' فماذا قالت؟!
أن يختلف الزوجان في شيء عادي.. فانها ساعات أو أيام ويبدأ احدهما بالتصالح وينتهي الموضوع.. وان تعقد الخلاف قليلا قد يتدخل الاهل ويصلحون فيما بينهما قدر الامكان.. واذا استحالت العشرة فيما بينهما لسبب أو لاخر فان الحل الاسهل هنا هو الطلاق رغم اثاره الجانبية القاسية علي الابناء فهم أول الضحايا.. أما اذا ركب احدهما رأسه وخاصة الزوج واراد الزواج بأخري.. ثم امعن في اذلال زوجته بان يطردها من الشقة هي واولادها لتحل محلها الزوجة الجديدة فان الامور تزداد تعقيدا ولا تلجأ الزوجة للقضاء لاستعادة حقها لانه كما تقول: المحاكم حبالها طويلة..وتستعيد الزوجة كل لحظات العذاب وتنسي كل أيام السعادة ولا يدور في ذهنها سوي الانتقام وبأي وسيلة ومهما كانت النتائج!
اكرام أحمد '32 سنة' من هذا النوع الاخير تعرضت لكثير من الاهانات علي يد زوجها حسن مرسي كاتب 47 سنة ويعمل سباكا وأحيانا يعمل كبائع متجول.. تحملت الكثير منه لكنها حين فوجئت به يجبرها علي ترك الشقة لعيش فيها هو وعروسه الجديدة.. لم تفكر في شيء سوي تعطيل هذا المشروع _ وكما تقول _ كنت رحيمة به فشوهت وجهه فقط بالزيت المغلي حتي لا تقبله أي واحدة!
لنتعرف علي التفاصيل كاملة لهذه المأساة علي لسان اكرام من بدايات الزواج حتي هذه اللحظة التي اصبحت فيها متهمة بحرق زوجها.
وش الفقر!
أنا بني آدم من دم ولحم.. مهما كنت فقيرة أو لا املك الجمال الذي يجعل الرجال يتقاتلون عليٌ.. كنت عايشة انا وأمي واخواتي كافيين خيرنا شرنا. أمي لم يكن يشغل بالها سوي زواجي وستري في 'بيت العدل' كما كانت تدعو لي دوما.. ويبدو أن الله استجاب لدعائها وجاء 'حسن' والنبي ما هي الاسامي مش بفلوس.. عمري ما شفت منه ولا حسنة!
المهم فرحت أمي وفرحت أنا اكتر لاني خلاص ها ابقي زي كل البنات واتستت ويبقي لي بيت وزوج وعيال.. رضينا بالقليل لان احنا برضة غلابة..
ولملمنا مشوارنا في اضيق الحدود.. وتزوجنا كان هذا منذ 13 عاما.. ومن أول يوم بدأت المشاكل.. شتيمة وسب علي الفاضي وعلي المليان.. وكل ما أقول له يا حسن أنا عملت لك ايه لا يرد وكنت باعذره واتحمل واقول يمكن قلة الشغل هي اللي بتخليه يتنرفز ويغضب.. مرت الايام والشهور ورزقنا الله بأول ابنائنا 'يوسف' الآن عمره عشر سنوات.. قلت يومها ربما انجابنا لابن وذكر.. يمكن يخليه يهدأ شوية.. لكن الخناقات زادت والمشاكل.. وبرضه كنت باتحمل علشان ابننا ولما بلغ يوسف 3 سنوات وبانت عليه علامات التخلف العقلي ولا يتكلم.. بقت المصيبة مصيبتين وتحملت انا ذنب خلقة ابني بالشكل ده.. وكل ما اقول له يا بوعلي ده بتاع ربنا انا ليس لي ذنب يرد علي دايما ويقول: انت وش فقر.. واحدة زيك شبه 'بوز الاخص' هاتخلف ايه يعني.. هو انت زي فلانة ولا علانة.. اللي ضحكتها وكلامها يرد الروح.. كنت باخد الكلام
علي انه هزار.. لكنه كان يؤكد انه لا يمزح معي فكنت اسمعه يتكلم بينه وبين نفسه: هوه انا عملت ايه ياربي.. هوه انا كنت عميت ساعتها.. يعني الرجالة اللي ماتستاهلش معاها قمرات وأنا اتبليت بواحدة ما عندهاش فكرة ازاي تبقي الست تفرح زوجها.
ويظل يندب حظه وكأنه يعدد مثل النساء في المآتم الي أن يقول.. 'اهه اتكتب علي اتجوز ابني عمي بس اللي '......' كلام الواحدة ما تقدرش تقوله ومع كده كنت باضحك علشان الحياة تعدي واربي ابني يوسف وبعده ابنتي الطفلة.
في الصحراء!
احاول ان اسألها لتتوقف عن الكلام لحظة لكنها كانت دائما تقاطعني وتقول سيبني افضفض وانت هاتعرف كل حاجة.. خليني اتكلم انا مش لاقية حد اشكي وجيعتي.. تتنهد اكرام كأنها تزيح جبلا من الهموم من فوق صدرها.. وتواصل.. لم يكتف بكل هذه الاهانات لكنه كثيرا كان يحاول التخلص مني.. مرة خلاني مسكت سلك الكهربا وكنت هااروح فيها وهو بيضحك ويقول لي ده انا كنت باهزر معاك.. ومرة خدني وقال لي ياللا بينا نخرج علشان نتفسح وهناك في حتة زي الجبل تركني واخد العيال بحجة انه هايشتري لهم حاجات وسابني حوالي ساعتين ونصف.. وأنا محتاسة مش عارفة اعمل ايه ولا السكة منين وفين.. قعدت مكاني وكنت مرعوبة علي الآخر.. لولا اني بقيت اجري وبس كده وكده كنت خلاص ها اتجنن.. وفجأة لقيت روحي علي الاسفلت.. روحت البيت لقيته هوه والعيال.. وماسكتش قعد يوبخني انت رحتي مننا فين.. احنا قعدنا ندور عليكي أكثر من ساعة.. وقعد يسب ويشتم وأنا ساكتة.. دخلت الغرفة وقعدت ابكي.. وهو قاعد بره يضحك هو والعيال.. وكأن ما فيش حاجة حصلت.
تدمع عينا اكرام وتروح في بكاء طويل وعميق حين استعادت هذه الواقعة.. وقالت مهما قلت فلن يصدقني أحد.. لقد كان يتفنن في تعذيبي مرة يرميني بكباية الشاي وهي سخنة ومرة يقلب حلة الطبيخ.. وأنا ماكنتش عارفة اعمل ايه عشت 13 سنة وكأني ماعشتش.. كلها غم في غم.. أنا هنا في القسم مرتاحة وقادرة اشم نفسي شوية.. لكني قلبي بيتقطع علي اولادي وأمي العجوزة.. اهه ربنا معاهم ومعايا..
في بيتي!
ولم تتوقف عذابات اكرام عند مجرد معايرة زوجها لها بشكلها وخلقتها التي لم تخترهما ولكنها صنعة ربنا _ كما تقول _ هو أنا اللي خلقت نفسي ما انا نفسي ابقي احلي واحدة في الدنيا.. بس هي ظروفي كده.. وبعدين لما كل واحد تبقي مراته شكلها وحش يروح يصاحب واحدة ثانية يبقي ماحدش ها يفضل في بيته كل البيوت هاتتخرب.. والنبي ما انا عارفة الصح فين والغلط فين ده يا باشا.
ووجهت كلامها للمقدم حسام حلمي رئيس مباحث امبابة' ماكانش بيكفاه معايرتي بشكلي وشتمي وسبي في الطالع والنازل.. لكنه الغاني نهائيا وكأنني غير موجودة.. كل يوم والتاني ألاقيه جاي في نص الليل ومعاه واحدة شكل أجي اتكلم يقول لي غوري ادخلي جوه خليكي مع العيال.. أو يوصل لحد ما وشه يتعري خالص ولا ينكسفش ويقول لي اعملي لنا شاي أو هاتي عشا.. تخيل .. احكموا أنتم يا أهل العدل واحدة في مكاني ممكن تعمل ايه؟!
أنا برضك خلقة ربنا وبني آدم برضك ولي حقوقي وأنا طول عمري ما قصرت في واجباتي ناحيته وناحية الاولاد والبيت كنت زي ما بيقولوا باقيد صوابعي زي الشمع.. وبرضك ما تمرش فيه.. واتحملت البهدلة والضرب وقلة الادب لكن توصل الامور انه يجيب الستات الساقطين بيتي اهو ده اللي ما حدش يتحمله في الدنيا!
العروس الجديدة
تواصل اكرام حكاية مأساته مع زوجها حتي اوصلتها هذه المعاملات السيئة الي هذا المصير الذي لم تكن تتمناه علي الاقل ليس لها فقط بل كما تقول لأولادها الابرياء فماذا سيفعل يوسف ابن السنوات العشرة وصاحب الظروف الخاصة فهو متخلف عقليا ولا يستطيع خدمة نفسه حتي لو بلغ الثلاثين من عمره بالاضافة الي الابنة الصغري مديحة التي لم تكمل السنوات الست وجدتهما لامهما التي لا تقوي علي رعاية نفسها فكيف سترعي أبنائي وهم في هذه الحالة؟
وتضيف اكرام بعد زفرة طويلة ها اعمل ايه حظي كده.. ربنا عايز كده.. لكن برضه ربنا لا يرضيه الظلم.. لكن زوجي حسن مرسي 46 سنة باين عليه ما يعرفش ربنا فوجئت به بيقول لي انا هااتجوز 'فلانة' قلت له
_ رغم اني كنت حزنانة علي نفسي من جوايا _ وماله يا خويا اتجوز.. وما اكتفاش بكده قعد يذل في ويشتمني ويعايرني بشكلي وهو بيتكلم عنها: أهي هيه دي اللي هاترد في الروح.. أهي دي اللي الواحد ها يصبح الصبح يلاقي وردة مفتحة جنبه.. مش زيك يا بوز الاخص.. وتاني يوم قال لي لازم تمشي أنت والعيال تروحي تقعدي عند قرايبكم شهر أو شهرين علشان شهر العسل.. يعني بصريح العبارة كان عايز يستولي علي الشقة وتبقي للعروسة الجديدة.. وبعد كده انا واولادي نعيش في الشارع.. ده يرضي حد كافر ولا مؤمن؟! شيروا علي أنتم كنت هااعمل ايه؟!
مش كفاية!
تضيف اكرام: انا لو علي كنت حرقته كله كنت شويت جسمه كله في الزيت المغلي.. لكن انا ما عملتش كده هو كان في المطبخ بيعمل بطاطس ومش عارفة وقع منه ايه في الارض ميل يجيبه فاندلق الزيت علي وشه هو اللي حرص نفسه أنا كل اللي عملته دلقت عليه ميه علشان يبرد.. ولما قعد يشتم فيه ويسب تاني جبت باقي الزيت وسخنته ودلقته عليه في اللحظة دي بس كان نفسي احرقه كله لاني اتعذبت كثير معاه كان كل يوم يشويني بالبهدلة والشتم والعمايل السودة اللي كان بيعملها.
ساعتها أمي صرخت والدنيا اتلمت فأنا جريت في الشوارع وكنت ماشية مش عارفة رايحة فين.
ويقوم الجيران باستدعاء الاسعاف التي نقلته الي المستشفي وبمجرد وصوله اخطرت ادارة المستشفي اللواء عبدالجواد أحمد مدير الادارة العامة لمباحث الجيزة الذي كلف نائبه اللواء عبدالوهاب خليل واللواء جاد جميل رئيس المباحث الجنائية بسرعة الكشف عن ملابسات الحادث والقبض علي الزوجة المتهمة حسب ما جاء في اعترافات الزوج أمام وكيل النيابة الذي انتقل الي المستشفي لأخذ أقواله وينجح فريق البحث الذي قاده العقيد محمود فاروق مفتش المباحث ومعه المقدم حسام فوزي رئيس مباحث امبابة ومعاونيه النقيب علاء بشير والنقيب أيمن الحمزاوي في القبض علي المتهمة مختفية عند أحد أقاربها ويحيلها اللواء عبدالجواد أحمد الي نيابة امبابة حيث امر علي نبيل وأحمد عبدالجواد وكيلي النيابة بحبسها 4 أيام لحين تقديمها للمحاكمة.