(( لي حبيب حيل حبيته..وصار عمري وسيد خلاني)) [الأرشيف]


منتديات سحر الحب > ~¤ô§ô¤~ المنتـديــات الأدبيـة ~¤ô§ô¤~ > منتدى القصص والروايات > قسم القصص الطويلة ذات الأجزاء > (( لي حبيب حيل حبيته..وصار عمري وسيد خلاني)) المساعد الشخصي الرقمي مشاهدة النسخة كاملة : (( لي حبيب حيل حبيته..وصار عمري وسيد خلاني)) عاشقة الاحزان 20-03-2005, 19:49 ************ (الفصل الأول) يلست تقلب صفحات من أجمل ذكرياتها... روحها وفي غرفتها تسترجع ماضي مدينة بوظبي اللي عاشت طفولتها فيها وعاشت أيام ماراح أبداً تنساها... لي حبيب حيل حبيتهوصار عمري وسيد خلاني أنســـــى همي لو انا يتهوفــــــــــز قلبي لو تلاقاني كــــم أنا من الحب عطيتهوكـــــــم ياهو كم تفداني وكــــــم أنا بالشوق خصيتهذابحني بسود العــــــياني في مدينة العين الرائعه مدينة كل إنسان فيها يحب يعيش الماضي والحاضر في وقت واحد... وفي أحد بيوت منطقة هيلي وبالضبط في بيت سعيد سلطان دخلت الأم وفي أيدها الدلة (ذاك الزعفران والهيل يفوح من دلة القهوة) بيت سعيد سلطان... أبطالها هم الأب سعيد(بوسلطان) رب الأسرة الأم (أم سلطان) الزوجة سلطان..الأبن الأكبر.... عمره 28 سهيل..الأبن الثاني.... عمره 25 عفراء ... عمرها 23 هند...عمرها 20 (دلوعة البيت كله) في صباح يوم مشرق ظهروا الكل من غرفهم للسعي وراء الحياة الروتينه حالهم حال كل أسرة لكن لكل شخص راح تصادفه أشياء يتحرها حالها حال أي يوم يمر من دون أي تغير لكن دوام الحال من المحال تمر علينا أحياناً ظروف تكسر كل قواعد البيت من أوله إلى آخره وتغيره بشكل جذري من دون مانحس..... أم سلطان تدخل الصالة وتزجر عيالها اللي تكحل عيونها بشوفتهم قبل لا يظهرون.... نزل سلطان.... سلطان: صباح الخير يا أعز وأغلى الناس عندي (يبوس أمه على راسها) أم سلطان....حبتك العافية يا ولديه شو أصبحت يعلني أفداك؟ سلطان: بخير دامج بخير يالغالية...ماعليج مني مهر أم سلطان: قالي أخوك البارح كنت ميهود شو ياك؟ سلطان: لا أميه... هذا لسانه يبا قص مافيني شي بس كنت مصدع لأنه عندي قضية شاغله بالي وايد هالأيام وربج كريم لا تستهمين. أم سلطان: عساك الخير والعافية يارب والله يوفقك ما يسوى علينا يوم صرت وكيل نيابة وهالقضايا في البلاد تشيب الشعر مابقى نص من حالك من اشتغلت؟ سلطان: والله ...؟ أفا يا أم سلطان يعني الحينه .. استويت شيبه خلاص ما أنفع الله يازمن عيل دام الغالية تقول جذي مالوم حد من هالمزيونات إذا مابغني باجر هههههه... أم سلطان: لا تسويلي حركاتك من صباح الله خير ...ربي يحفظلك شبابك دوم سلطان: مبا شي في الدنيا غير رضاج عليه؟ أم سلطان: راضيه عليك دنيا وآخره فديتك ياسلطان عمري ما سمعت منك كلمة على القلب تجرح. دخل بو سلطان ... أبو سلطان: منو هذا اللي تتفدينه قبلي من صباح الله خير ما غيره سلطان ماخذ مكاني.... بصوت يملأه التعب أم سلطان وسلطان يضحكون. سلطان: أفا عليك بو سلطان ما عاش اللي ياخذ مكانك أنا اللا ورقة منك؟ أم سلطان: الله يخليكم لي يارب يا عزوتي وناسي بو سلطان: لا أسمحيلي حددي منو أنا ولا سلطان...؟ يضحكون كلهم وي بعض وترد أم سلطان وهي مستحية... أم سلطان: سد وذخر يا بوسلطان أفا منو قال اللي ياخذ مكانك وأنت عارف سلطان: أقولكم متفيجين جدامي ترمسون جذي...؟ شو ها عطوني فرصة أثبت وجودي.... تدخل هند... هند: هاي شحالهم الجميع تغير ويه سلطان ويرد بتوتر.... سلطان : هاي ورحمة الله ... شو الجامعة جذي تعلمكم تسلمون يوم تشوفون أهلكم؟ هند: ياربي انت كل شي أنا أقوله مايعيبك؟ أبو سلطان: يابنتي صدقه أخوج عيب شو هاي... وين يالسه أنتي؟ نحن قبايل وبدو علمناكم سلام الدين والرحمه حتى ربج بيبارك في المكان اللي تسلمين فيه. سلطان: لا ما تعرف يحليلها بعده ما طرحوا السلام عندهم في المقرر؟ أم سلطان: تعالي فديتج شو بلاكم على البنيه ماسوت شي هند: شو بلاكم؟ أستلموتني كل ماشفتوني لازم تنغزوني بالرمسه ؟ سلطان:لأنه أسلوبج من دخلت الجامعة مب عايبني لا أنا ولا أبوي ولا أي حد في البيت لا لبس محشم ولا ستر حاطه بويهج هالخرابيط وهالشنطة اللي يشوفج يقول رئيسة عصابة شو ها؟ هند: شوف هذه أشياء أنت ما تعرفها بس نحن البنات نفهم بعض شرات ما أنتو الشباب عليكم سوالف...وعفكرة تراني ساكته محشمة الأهل ولا برد عليك؟ سلطان: قصورج بعد.... يهال آخر زمن يردون عليه؟ بو سلطان: هند أباح تعدلين تصرفاتج اللي تسوينها في عمرج.... مب حالة منقود يابنتي عيب.... وبعدين أخوج ما قال شي غلط عسب انتي تردين عليه..... يالله اشوف تريقوا وتيسروا على مشاوريكم. تدخل عفراء (بطلة قصتنا) وكانت قمة في الذوق والحلا وكل شي وغير عن أختها هند في كل شي من الألف إلى الياء... عفراء: السلام عليكم لا خليت منكم ... الجميع يرد..وعليج السلام والرحمه... عفراء: شحالهم شوابنا.... أم سلطان وأبو سلطان: بخير يسرج الحال سلطان: أنا بعدني ههههههه عفراء بدلع: شحالك بومايد؟ سلطان :آآه فيه ناس ترفع المعنويات على الصبح يا ويل حالي بخير لا خليت منج ولا من هالويه الحلو. هند: عيل أنا محد رحب فيني تراحيبكم هذه لعفروه ولا لأنها (vip) وأنا بنت البطة السوداء مهازب من الصبح؟ أم سلطان: بدينا سوالفكم هذه.... يابوي كلكم غلاتكم وحده في قلوبنا محد أحسن عن حد عفراء تغمز لسطان: نحن الكبار معزتنا غير عن الباقين صح سلطون؟ سلطان:سلطون في عينج حشمي شو أصغر عيالج أنا أسمي سلطان ولو حصل وبغيتي دلعيني قوليلي بو مايد.. احم ... بس نحن غيرشرات ما قالت عفاري هند : ليش انولدتو وعلى راسكم ريشة؟ سلطان وعفراء يضحكون بصوت عالي ...... وأم سلطان وأبو سلطان يراقبون بصمت هند وهي زعلانه: ضحكتوا بلا ضروس ... أنا قلت نكته الحينه عشان تصاقعون انت وياها... سلطان رجعت له ملامح الجدية ورد على هند: أنتي لو تحشمين الناس وتعرفين تحترمين اللي أكبر منج كان وضعج تغير وياي وي الكل هند: لا دخل الكل أخواني وأمي وأبوي محد يعاملني جذي غيرك انته سلطان: يعني عارفه نفسج في شو غلطانه وشو الي يضايقني منج؟...خلاص عيل عدلي تصرفاتج وعقب بتتغير معاملتي لج. هند وبحزن حاولت تخفيه عن الحضور: أنا أدري انك تكرهني من زمان ولا عمرك قلت لي كلمة طيبه ومالي مكانه عندك . نشت هند وتحاول تخفي دمعه ساخنه في عيونها وخذت كتبها وظهرت تضايق سلطان لأنه ما كان يعرف شو اللي يدور في خاطر هند ولا كان يتوقع أنه ماخذه عنه هالفكرة ... أم سلطان: شوفيكم دومكم حاطين دوبكم وي هند هذه أختكم وأصغر وحده فيكم وتحبكم الله يهداكم بس ... سلطان تسمر في مكانه لأنه ما توقع ردة فعل هند واللي أول مرة يشوف هالحزن اللي أرتسم في ويها نش وأستأذن من أبوه وسلم على امه وسار الدوام عفراء حز في نفسها الكلام اللي هند قالته لسلطان لأنه علاقتها وي سلطان قوية وحست انه سلطان تضايق من رمست هند واللي محد كان يتوقعها أبداً أبو سلطان: هند تضايجت تراها من حشرتكم و تراني ما يعيبني عليها يوم بترد رمسي أختج وخبريها انه الكل في البيت يحبها وخاصة سلطان عفراء: إن شاء الله... ظهرت عفراء وسارت الدوام( إخصائية إجتماعية بمدرسة) أم سلطان: ياربي سهيل مافته اليوم يا ويل قلبي لا يكون مريض ومحد داري عنه؟ أم سلطان تركض صوب حجرة سهيل ودق الباب بقو... أم سلطان: سهيل ؟؟ سهيل!! سهيل كان الشيخ راقد في سابع نومه لأنه راد متأخر البيت وعليه دوام في الشرطة ولا عنده خبر من الدنيا في شي أم سلطان: سهيل!!!!!! بصوت عالي سهيل نقز عباله صار شي فتح الباب بسرعة سهيل: شو صار أميه حد صارله شي؟؟ أم سلطان : لا فديتك شو هالطبة عندك أنته أونك إنسان عسكري متأخر عن دوامك لين الحين ما تستحي في الشرطة لو أنا هناك وأتأخرت جذي بدبلك؟ سهيل يضحك بصوت عالي ويلوي لى امه ياويلي على اللي يدبلني سيري انتي هنام بس وبلبسج دريس عقياسج وبدوام كل يوم أم سلطان: لاتقردني ليش ما سرت الدوام للحين شو عندك تتحرة عمرك معرس نايم للساعة 8.30 بيفنشوك ؟ سهيل: شو يفنشوني اميه الله يهداج الدنيا فوضة بعدين وين سلطان أنا موصينه امس قبل لا يحدر غرفته أو ما ينش يقعدني يعني هب مني سيري اهزبي سلطان؟ أم سلطان : عن اللقافه سير اتسبح وجابل دوامك الله يهديم يا سيهل ياولد سعيد سهيل وهو يضحك: عاد هو العوق هب في سهيل في سعيد هههههههههه أم سلطان تيود سهيل من أذنه : عن المصخره الزايده وأخلص عسب ما تتأخر لا حوووول سهيل : فالج طيب من عيوني لبس سهيل وراح دوامه وطبعاً أتهزأ في شغله لأنه تأخر وايد على الدوام ... سلطان في الدوام يفكر وايد في أخته هند ويحاول ينسى السالفة بس مب قادر لأنه في قرارة نفسه يحب أخته هند وايد لأنه أكثر واحد دلعها يوم كانت صغيرة ما تحمل فكرة أنه أخته حاطه في خاطرها عليه بس لأنه في لحظة خاف عليها وحب ينصحها؟ هند في الجامعة.... سرحانه مول مالها خاطر لا في الكلاس ولا وي سوالف البنات سارت الكوفي ويلست روحها وكانت تصارع نفسها وتسأل نفسها (ليش سلطان قاسي ويايه ليش يعاملني غير وعفراء غير؟ أنا أحبه وفخورة انا عندي اخو شراته...ياترى لهدرجة أنا اسوي اشياء هب زينه عسب سلطان ياخذ مني هالموقف ويكرهني؟ يات صوبها ربيعتها الروح بالروح...موزة موزة : مرحبا هند شحالج الغالية؟ هند بنفس ضايجة: مراحب والله هلا مواز بخير يعلج الخير موزة: يالسه ادورج وأنتي يالسه هني قوليلي عسب اخاويج على الأقل؟ هند: ماعليه مواز حبيت أيلس روحي شوي؟ موزة : شو فيلم عربي تيلسين روحج خير شو فيج؟ هند: ماشي موزة: أقولج عن الإستهبال هب عليه هالحركات صدق شكلج مستهمه وايد شوفيج عاد؟ هند: تصدقين موزة عمري ما حسيت بيوم انه حد يمكن ياخذ مني موقف لأسباب تافهه موزة وهي مستغربة: منو تقصدين؟ هند: مدري أحس بغصة بقلبي ..!! ودمعت عيون هند وتحاول تكابر عسب ما تصيح؟ موزة تيلس حذال هند وتلوي عليها...هند يعلني أفداج شو صاير شو حل عليج...؟ هند ... سمحت لنفسها تصيح جدام أغلى ربيعاتها بس بهدوء موزة تمسك أيد هند... بتقولين ولا أتصل في عفراء استخبر منها شو صاير...؟ هند: لا مباها تعرف اصلا لأني متأكدة أنها حست بغلطتها... موزة: هند حرام عليج عفراء أختج ومستحيل تسوي شي يمكن يضايقج هند ترد بعصبية: لا تسوي بس عسب تفوز بقلب أخوي سلطان أنا أدري محد غيرها يشرش سلطان ضدي ولا عيل شو دراه بلبسي وسوالف الجامعة؟ موزة: ليش سلطان علق عليج في شي ؟ هند: اونه مب عايبنه شكلي ولا كشختي ولا أي شي من تصرفاتي من دخلت الجامعه؟ موزة: تعرفين الشباب وخاصة خوانا يخافون علينا هند: فيه فرق بين الخوف والكره ...بعدين لو هو يخاف عليه مابيكلمني بهالأسلوب خلاني أحس أني أبداً مب أخته ... نزلت هند راسها وغطت ويها بأيدها ويلس تصيح موزة حاولت تخفف عليها وأقنعتها تغسل ويها ويسيرون المحاضرة. ******** حلم شاعر 20-03-2005, 21:40 مشرفتنا الاخت الكريمة..عاشقة الاحزان. سلم لنا تواجدك المميز دائماً. بداية قصة مشوقه. طرحها وتنسيقها خير ددليل بأن هناك قصة بالفعل سوف تروى لنا. احداثها الاولية تجعلنا متشوقين لمعرفة اجزائها. ننتظرها جميعا. لا عدمتك. ! حــلــم شــاعــر ! عاشقة الاحزان 21-03-2005, 19:15 يسلموا حلم شاعر على المرور الكريم عاشقة الاحزان 23-03-2005, 02:15 (الفصل الثاني) منقولة مرحبا فيكم ملايين وهذه الوصله للشلة والقصيدة اللي ألهمتني أكتب لكم هالقصة أتمنى تعجبكم وقت ممتع في قصتي الأولى....... http://www.6rbtop.com/library/resou...en/16489_hi.ram حب غيره ما تمنيته * والله أني فيه هيماني ويل حالي يوم لاقيته*خزني بالعين وأرماني القلب والروح أهديتهمثل ما هو حبه أهداني الساعة 1 الظهر ترجع هند مع الدريول من الجامعة برفقة صديقتها موزة وفي الطريج موزة: هند شو الحينه أحسن؟ هند:- اوكيه طنش تعش والله يامويز لو مب سلطان أخوي بالنسبة لي أخوي الكبير كان صار شي ما تتوقعينه..... موزة: لا حووول يابنت الحلال شو بلاج ماخذه منه موقف حطي نفسج مكانه يغار عليج أنتي مهما كان أخوج يمكن هو يشوف شي أنتي ما تشوفينه!!! هند : لدرجة يفر رمسه مايفكر شو تسوي فيني لا موزوه أخوي سلطان وأعرفه زين يحب يمثل علينا دور وكيل النيابه في البيت ومب أنا بس يبا يظهر فيني كل شي مب زين جدام أمي وأبوي وانه صح ونحن غلط ما ادري اختي عفاري تحبه وايد... ليش وعشو أصلاً؟ موزه: مالج حق هند عنبو شاله في خاطرج لهدرجة خلاص انسي السالفة.. هند في خاطرها تقول نشوف ياسلطان رمسة منو اللي بتمشي هند: موزة تغدي وياي اليوم مالي خاطر أيلس عند حد في البيت دخيلج قولي هيه بتمين ويايه...؟ موزة : أقولج متفيجة أنتي شو غدى أنا يوعانه رقاد أبا أسير البيت وانخمد وراي بريزنتشين نسيتي دوري الحينه هند: أنا بساعدج شو الراي؟ موزة: شو رشوة يعني عسب أقبل العزيمة؟ هند: منو قالج عزومه شو عبالج أنا أتغدى شراتهم هذيل عيوش ولحوم ومدري شو لا فديتج سندويشات كلوب وعصير فريش؟ موزة: صدق ما عندج سنة شو سندويشات مبا عيل هند: يابوي ذليتني خلاص تعالي بس مبا أيلس روحي اليوم بس الظهر عقب بوصلج انا والدرويل بيتكم...ها شوقلتي؟ موزة: خلاص بس أخبر العيوز لا تزعل عليه مافينا بعد؟ تتصل موزة بأمها وتخبرها انه بتيلس عند هند فترة الظهر والعصر بترد البيت طبعا لأنه أم موزة تعرف أهل هند وافقت ********* عفراء في المدرسة بعدها تتريا شوية في المدرسة وكانت الساعة 1.30 الظهر وتتريا الدريول ياخذها ميثا ربيعة عفراء : عفراء شو مابتسيرين البيت ؟ عفراء : بسير بس الدريول تأخرمدري شو عنده...أحاول ادقله مايمسك وياي الخط..؟ ميثا: تعالي زين انا بوصلج ترى الدرب وحده؟ ميثا أقرب إنسانه لعفراء تعتبرها أختها وصديقتها وهم يقربون لبعض بس من بعيد من طرف أم عفراء عفراء: مبا أعبل عليج كل مرة يتأخرون انتي تتعبلين فيني والله قفطة ميثا: أونج عاد شو هالرمسه نحن خوات ونشتغل في مدرسة وحده أنا ماييني قلب أسير قبل لا أتأكد أنج سيرتي عفراء: عساني ماخلامنج يالله عيل تراني صدق تعبانه يسيرون صوب سيارة ميثا ركبوا وفي الطريج........ ميثا: عفاري مافكرتي تاخذين ليسن ؟ عفراء: لادخيلج وأخوي سلطان موجود ماظنتي؟ ميثا: عفانا الله ليش ؟ عيل زينه حالتج كل يوم والثاني متأخرين عليج ؟ مسكين هالدريول متلته بين أمج وأختج عاد أختج هند بروحها يبالها دريول من حدرت الجامعه والدريول وراها عفراء: عاد هذه القلب يا ميثوه عند الشياب ما يطيعون عليها وانا على قولتهم الكبيرة وأدبر عمري ميثا: ولو يعني أنا أحتمال أنتقل مدرسة ثانية أنتي عارفه سوالف النقل اللي دايره على المدارس هالأيام عفراء وهي مستغربه: في ذمتج اسمج موجود وياهم؟ ميثا: والله مدري بس الوكيله تلمح لي مدري شو عندها تباها من الله اذلف عن ويها عفراء نزلت راسها وسكتت من دون تعليق لأنه ميثا كان لها دور في إدارة المدرسة وشخصية قوية ومحبوبه في طاقم الهيئة التدريسية وخاصة لقلب عفراء ميثا: عفراء فديتج لا تتحرين حتى لو انتقلت لمدرسة ثانية أني مابكون وياج أنتي تعرفين نحن من متى وي بعض وأتعرفين مالي حد في هالدنيا أخت غيرج عفراء : أدري ميثا وأنتي بعد تعرفين أنج غالية عليه وبتأثر وايد إذا سرتي عني؟ ميثا: أقولج لا طولينها وهي قصيرة وتسولينا مأساة إن شاء الله ماينقلوني وبتم على قلبج أنتي وأبله بدرية ههههههههههه وتضحك عفراء وياها وصلت ميثا البيت ونزلت شوي عسب تسلم على أم عفراء لأنها وايد تحب ميثا... عفراء تحدر الصالة وتسلم على أمها وحدرت ميثا وراها وسلمت على أم عفراء وعزمتها على الغداء بس ميثا طبعا بتتأخر على البيت وتبا تروح عسب يمديها توصل البيت ميثا ظهرت وطلعت عفراء توصلها لين عند السيارة....فجأة تصفط سيارة سلطان ورى سيارة ميثا وينزل ....ويلاحظ عفراء وياها بنت أول مرة يشوفها ويلس يطالع مع انه مب من النوع اللي ييلس يتمقل في البنات ارتبكت ميثا وسلمت بسرعة على عفراء وركبت سياراتها وسلطان ما شل عينه من عليها وفي نفس الوقت ترتسم في ويهه معالم الجديه مشى سلطان لين ما وصل عند عفراء وسلم عليها سلطان: مرحبا عفراء شحالج؟ عفراء : يسرك الحال شحالك أنت ؟ سلطان : بخير دامج بخير..أتخبرج منو هذه أول مرة أشوفها بيتنا عفراء: لا والله وأنت من متى تنشد عن البنات اللي يون البيت هب عاداتك يعني! سلطان وهو يحاول يغطي: لا والله متعيب الحينه كلش كلوديا شيفر اللي شفتها مالت عليكم تضحك عفراء: سلطان حلوة صح شفت عيونك لو أنك لابس النظارة بس كنت تتطالع أول مرة؟ سلطان وشكله تضايج: عنبو مايسوى علينا يوم نسأل؟ تضحك عفراء : خلاص انزين اونه يسوي عمره عادي يالله مب مشكلة عالعموم هذه ربيعتي ميثا وأغلى وحده عندي في المدرسة سلطان بكبرياء : انزين شو يعني..الله يهنيج فيها عفراء: سلطان شورايك أسوق سيارة؟ سلطان صد صوب عفراء وهو معصب : شو ما أسمع عيدي شو قلتي؟ عفراء وهي تبتسم وزايغه تقول: ماشي خلاص قلت يعني عسب ما أيلس أعبل على البنت كل يوم والثاني يتأخر عليه الدريول قلت آخذ ليسن وأسوق؟ سلطان: أقولج أشوفكم بديتوا تسون روس في هالبيت شو لج باليسن وعوار الراس اللي يبا يسوق منه والدرب عفراء: حرام عليك سلطان ربيعاتي في المدرسة كلهم عندهم سياير شو فيها لو خذت ليسن وظهرت لي سيارة حلوة بناتيه؟ سلطان خلاص وهو مفول عليها.....عفراء تحمدي العافية واجلبي ويهج تراني ياي و160 شيطان جدام ويهي عفراء: خلاص انزين عفانا الله اضطهاد هذا... حشا؟ دخلوا البيت الجميع ودخلوا على أم سلطان وسلموا عليها دخلت هند و شافت سلطان يالس.... طالعته نظرة طويله وهو حس بنظرتها هذه بس صد صوب عفراء هند : السلام عليكم الجميع ...عليج السلام عفراء: هلا هند قربي فديتج شو الجامعة هند : بخير شرات كل يوم اسمحولي انا بسير أساعد ربيعتي يايه وياي سلطان تغيرت ملامح ويهه للضيق وعفراء نفس الشي أم سلطان: برايج وإذا بغيتوا شي خبري البشكاره هند: خلاص اوكيه أبوي وصل ولا بعده عفراء: لابعده هند تجاهلت كلام عفراء متعمده ولا كأنها ترمسها صدت صوب أمها هند: اميه فديتج إذا وصل ابوي أزجريني عسب اشوفه وأسلم عليه أم سلطان: إن شاء الله فديتج وجهت نظرة أخيرة لأخوها سلطان وكلها عتب وردت غرفتها أم سلطان: شو بلاها هند تطالعكم جذي لا تكون هذه من صدق شلت في خاطرها عليكم عسب رمست الصبح؟ سلطان: مدري اسمحولي انا بسير أتسبح وأبدل ملابسي وأخمد شوي أم سلطان: شو عكيفك والغداء؟ سلطان وهو يضحك: الغداء مجبوس ومحد غير أبويه يحب المجابيس هب لسواد عيون سلطان ويضحكون كلهم أم سلطان: هب منكم من اللي يطبخ لكم سلطان: لا فديتج أسولف وياج بس مالي خاطر تعباااان وأبا ارقد عفراء تمسك أيد سلطان : أبا أرمسك سلطان وكأنه ماصدق انه عفراء تبا ترمسه : تعالي حجرتي بنرمس هناك عفراء : اميه اسمحيلنا أم سلطان: برايكم مسوين راس وراسين مابينكم سلطان وعفراء يضحكون ظهروا وساروا حجرة سلطان دخل سلطان وحدرت عفراء عفراء: سلطان شوفيك ضايج ؟ سلطان: عفراء بسألج أنا قلت شي غلط لهند عسب هي تتضايج مني؟ عفراء: لا عادي بس انت صريح وايد بطريقة تعور شوي؟ سلطان: أقولج لا تتفلسفين عليه اونج إخصائية شجايل بعد صريح بطريقة تعور شو شال عصا انا واضرب؟ عفراء وهي تبتسم وتحاول تهدئ أعصاب سلطان : سلطان فديتك أنت اخونا الكبير ولك أحترامك وكل شي تقوله على عيني وراسي بس الأسلوب اللي تتنقد فيه دفش.... سلطان يفتح عيونه مستغرب: أنا دفش الله يسامحج عفروه؟ عفراء تيود سفرة أخوها وترتب الغرفة وتكمل كلامها: أقصد يعني هذا الجيل شرات أختي هند يفسر النصايح على كيفهم يبالهم مسايس مايبالهم الأسلوب مالك هذا مال مجرمين اللي يهداك؟ سلطان وهو ماسك نفسه يبا يضحك..الحين في ذمتج أنتي قصدج أني اتهم وانصح بطريقة شغلي ؟؟ هذا اللي تقصدينه ؟ عفراء: هيه يعني حاول تفصل اسلوب كلامك في الشغل عن البيت نحن شو ما كنا أخوانك ولنا الحق انك ترمسنا بأسلوب حلو وسلس شوي سلطان : بس أشهدعليج ربج راضية على تصرفات هند في كل شي من رمستها لين أصغر شي في تصرفاتها؟ عفراء : لا مب راضية وأنا نصحتها كذا مرة بس هي تتحراني أغار منها سلطان يضحك بصوت عالي...ضحكتي سلطان في يوم مايبا يضحك فيه بالله عليج حد يغار من هند عفراء بجدية: ... سلطان انت وايد ماسك على هند يعني حتى أنا اللي مايخصني أحسك تتريا عليها الوحده عسب تتنقدها وتظهرها وخاصة جدام أمي وأبوي انها مب اوكيه وهالشي بيخليها تتخذ موقف منك وتتصرف معاك بعدوانية وعناد سلطان: عناد!!!! والله عقالي حاضر بخليها يبب على ظهرها وبشوف العناد هذا وين بيوصلها؟ عفراء: سلطان نصيحة مني خفف السرعة شوي وي هند العناد مع البنات مب زين سلطان: عفاري؟ عفراء: عونك سلطان: بسج كلام لوعتي جبدي يا حبكم للتفاصيل انتو البنات والهذره الزايدة سيري جابلي أمج وساعديها يالله برع عفراء: افا صدق ما عندك مذهب .... عيب يالسه ارتب حجرتك يا الفوضوي سلطان: ياويلي عليج تتمنين انتي تدخلينها عفراء: لا كلش عاد أنا اللي مطيحه عند باب الحجرة وي راسك يضحك سلطان وتظهر عفراء من عنده وسارت صوب امها ويلست تسولف ويها دخل سهيل وأبو سلطان رباعه وتغدوا الجميع وعقب الغداء ظهرت أم سلطان تزجر هند عشان تسلم على أبوها شرات ما وصتها ونزلت هند وسلمت ويلست حذال أبوها اللي أكثر واحد تحبه في البيت وعقب أخوها سيهل جريب منها وايد ويلسوا سولفوا شويه وعقب كل واحد سار غرفته........ جولييت 25-03-2005, 20:16 ها حبيبتى يله نزلى الاجزاء بسرعه علشان اقرئها ما فينى احرق اعصابى مره ثانيه والله انى بتجى لى حاله نفسيه وانا اتابع القصص على المنتدى ابيك تنزليها بسرعه واوعدك لو نزلتى هذه بسرعه براسلك بالسر وبا عطيك انتى بس تكملة قصة نادنى ولبيته حلم شاعر 25-03-2005, 20:25 واوعدك لو نزلتى هذه بسرعه براسلك بالسر وبا عطيك انتى بس تكملة قصة نادنى ولبيته . اتفاااااااق فيه ظلم للقراء جووولييييييييييت. عاشقة الاحزان ... ننتظر البقيه. عاشقة الاحزان 26-03-2005, 01:32 يسلموا جولييت على المرور واتمنى انك ما تحرقين اعصابنا على قصتك نادني ولبيته. مشكور حلم شاعر على التفاعل مع القصة.. عاشقة الاحزان 26-03-2005, 01:36 (الفصل الثالث) الساعة 9 بالليل في منزل ميثا تفكر في عفراء واللي شافته في بيتهم....ان شخصية هيبه محيا صح يخوف شوي بس غرشوب ... تبتسم مع نفسها وهي تفكر وي نفسها أنا شو يالسه أقول هذا على رمسة عفراء يحليلها مستحيل بيوم يفكر بقلبه شو ها نحن الحريم مشكلة صدق إنا من ضلع أعوي...فجأة يصيح تليفون ميثا... نغمة حربي العامري ويلي ياويلي يا ويلي ...أنا ياويلي ورا اح القمر من ليلي ميثا تترقص وهي تسوي اوكي ميثا: مرحبا عفاري عفراء: هلابج الغلا ميثا: توني يالسه افكر فيج تصدقين؟ عفراء وهي تضحك: اقولج عن الواته في ذمتج فيني أنا بالضبط ولا في حد ثاني ؟ ميثا ترد وهي منحرجة وتحاول تغير السالفة: لا في أبلة بدرية اللي في المدرسة هههههههههه عفراء: بايخة لا تغطين مشكلتج أني فاهمتنج عدل ميثا: عفروه صح بسألج منو اللي كان ياي بيتكم؟ عفراء تضحك بصوت عالي: انزين ادخلي على طول في الموضوع وأسألي اونه افكر فيج ما أفكر وي ويهج يضحكون وي بعض وترد ميثا سؤالها... : لا صدق منو ؟ عفراء: هذا طويلة العمر وكيل النيابة ميثا: ايووووه الحينه هذا سلطان عفراء: انتو البنات الأستهبال عندكم ببلاش هيه سلطان اونج ما تعرفين!!! ميثا تضحك: تعرفين هب منج من اللي يسألج عفراء: ياختي السموحة أسألي ولا أقولج أنا بخبرج هذا أخوي سلطان الكبير وأقرب واحد من أخواني عندي عمره 28 يشتغل وكيل نيابة وهو من النوع اللي صعب وايد اوكيه اقولج من الحينه عقب ما تقولين ياريت اللي جرى ما كان هههههههه ميثا : خلاص مالج خص انتي شو تبين داقه عفراء: ميثا أنا متوهقه مع تقارير البنات ومصدعه وأباج تساعديني مقدر 28 تقرير مشاكل هالبنات عفانا الله؟ ميثا: أفا عليج عفاري مسافة الطريج وبيي عندج تبين شي وأنا يايه؟ عفراء وهي فرحانه: تسلمين غناتي والله انج نشمية مبا شي فديتج تعالي وساعديني بس ميثا: خلاص اوكيه باي عفراء : بباي ************** هند تسولف وي سهيل عن ربيعاتها في الجامعة اللي ما تحبهم سهيل : والعثرة حشا مب بنات في جامعة جبهة قتالية عبنو كل وحده تتربص بالثانية تضحك هند: عيل ماشفت شي شو يسون وهذه تشوف بنت حلوه تحجزها وتضارب البنات سهيل وهو مستغرب: شو يحجزونها سيارة هي عنبوكن زاد شو وين تبن؟ هند مايته من الضحك على ويه سهيل وهو مستغرب: لا يالمخ أنته يتضاربون يحجزون البنات الغاويات لأخوانهم يعني يخطوبهم سهيل نقع من الضحك: قسم بالله أنتو البنات مصخره هند تضرب سهيل على كتفه: مصخره في عينك سهيل: مصدقين عماركم وأنا أقول كل وحده تشكخ ساعة جدام المنظرة ومدري شو وحركات بس عشان البنات اللي يخطبون ايوووه .... والريال يبتلش عقب ههههههههه هند معصبة وتنش: سخيف انته محد يقولك شي... سارت وظهرت صوب حجرتها نزل سلطان ويات عينه في عين هند وهو نازل سلطان: شحالج حبوبه هند مستغربه : بخير يعلك الخير وقفت هند و طالعت سلطان لين ما غاب عن عينها وظهرت غرفتها حست في نفسها أنها غير الكلمة الطيبه لو كلمة وحده مب نثر ولا شعر ولا غيره تأثر في النفس وترفع معنوياته ويمكن تخلينا نغير فكرة ظالمة ساكنه في نفوسنا من ناحية طرف غالي علينا ونتمنى أنه يستمر في تعامله ويانا في هالطريقة .... المهم ظهرت هند بعد عسب توصل موزة بيتهم وردت البيت بسرعة لأنه تبا تذاكر ... وصلت ميثا..... دقت الباب لكن تفاجأته أنه هب عفراء اللي فتحت الباب... سلطان كان ظاهر وفتح الباب بسرعة... سلطان وقف: سلام عليج ميثا تخفي ابتسامة سعادة.... عليك السلام هلا سلطان سلطان وهو مستغرب: تعرفين أسمي... ياااااااا......ميثا على ما أعتقد صح؟ ميثا قفط ويها: هيه عفراء هني ولا ظهرت...؟ سلطان وهو يمسك نفسه لا يضحك لما لاحظ انه ميثا أنحرجت: هيه حياج قربي نور البيت ميثا انقبض قلبه يوم قال هالرمسه عفراء يات تركض : اويه ميثا اسمحيلي قربي حياج سلطان وكأنه فيه شي يديد تغير: تفضلي ميثا ترانا أهل عفراء تخزسلطان بعينها: دخلي ميثا بسرعة حدروا وسلطان تم واقف والباب مفتوح يشوفهم لين ما ظهروا فوق فجأة سلطان تغيرت ملامح ويهه وقال لنفسه أنا الحين شو يالس اسوي والله أني تخبلت من يوم شفت هالبنت وانا حالي منجلب مايسوى علينا يوم نبا هالقلب يدق بعد ماسكن الموت الف مرة ظهر سلطان وهو منشغل باله في جمال ميثا ....ومنطوقها وذوقها ورقتها وقوة شخصيتها اللي فارضه نفسها على الكل آآآه صدق عبد المجيد يوم قال الزين يفرض نفسه.... سلطان: اف شو هالحالة استغفر الله أنا أفكر هالشكل وفي منو هالبنات قسم بالله بيظهرون لي شعر أبيض في راسي وهو ماشي حط F.m http://songs.dubaimoon.com/arshef/A...hood-Momayz.ram حياتي وموتي بذيك الخدودورمشه وعينه تساوي بلاد أنا له محبا يداري العهود.....أحبه محبه بليا حدود تمكن وداده في لب الفؤاد... سلطان ريح على الكرسي ويلس روحه يفكر وأنه لازم يغير أسلوب حياته وقعد يتبسم ويسمع اف ام وكأنه الأغاني هذه يسمعها لأول مرة.... في بيت قوم عفراء....... ميثا معصبه : الله يسامحج يعني عسب سألتج عن سلطان اليوم تخليه هو يبطل الباب.... عفراء وهي ميته ضحك: والله ماخبرته شي أصلا أنا روحي مستغربه انه هو اللي فتح الباب بعدين لا يروح فكرج بعيد سلطان كان ظاهر وتمسى بويهج الحلو .. ميثا:يعني تبين تقولين انج ماقلتي شي لسلطان عني أبداً عيل ليش وقف وسلم عليه ورمس وياي ها قولي؟ عفراء فاتحة عيونه مستعيبه: فذمتج سلطان سلم عليج ورمسج اوووويه ميثا يالبايخه ضويتي رأس هالعنيد شو قلتي يالله قولي بسرعة شو قالج قولي كل شي؟ ميثا وهي تنفي: الريال سلم بس وقالي تفضلي بعدين أنا تضايقت يوم أنتي تأخرتي خليتني ناقعه عند الباب وأخوج يرمسني عفراء وهي تضحك : كذووووب أنتي متشققه ويهج كان أحمر يوم أنا واصله ومنزلة راسج فرحانه المطلوب هو اللي فتح الباب هههههههههههههه لا وبعد كاشخه بالقو يحليله أخوي ماااات ههههههههههههههه ميثا تضرب عفراء: سخيفة عن الهذرة الزايدة خلينا نبدأ شغل مبا أتأخر بسرعة ********* سلطان خلص شغله ويلس ولأول مرة يتمشى في العين ... وهو مسهم (الله يعينه) ويفكر في اللي شغل فكره وقلبه...... دق على تليفون عفراء..... عفراء: مرحبا بو مايد سلطان: هلا عفروه بتخبرج بس لا ترمسين...جدام البنيه قولي هيه ولا لأ بس عفراء وهي تضحك: قول يعلني ما خلا منك قول سلطان : جب... المهم سارت ميثا ولا بعده في البيت؟ عفراء: لأااااااااا شو عندك؟ سلطان: الله يفضحج اسكتي .... انزين أقول ماتبون أيبليكم عشاء شي في خاطركم وأنا راد البيت.... عفراء تظهر من حجرتها وتكمل رمسه....وكاتمه في نفسها تبا تضحك بصوت عالي بس عسب ميثا ما تحس.... وأول ما حست انها شوي بعيد عن الحجرة ضحكت بصوت عالي سلطان وهو معصب: ضحكتي بلا ضروس مب منج غلطان أنا داق وي راسج عفراء : فديت روحك سلطان والله ظهرت برى الحجرة سلطان: اوووف روعتيني عبالي جدام البنيه ترى تعرفين اخوج ما احب هالسوالف ولا تتحرين يعني أسألج عنها اوكيه.... عفراء بدلع : انزين يابويه لا دز على هونك ما نبا شي لا تعب نفسك يابوي مايد البنت الحين بتظهر خلاص ....فاتك ههههههههه سلطان ومعصب: أقولج اجلبي ويهج تسير ماتسير أنا شلي بااااااااي عفراء: بااااااااايات سلطان رغم عنه يضحك وهو يقول: صدق بنات ماينعطون ويه..... ******* سهيل.... ساير العزبة ويا عيال عمه وعازم ربعه الباقين يتلاقون هناك.... سهيل: أقولكم شباب شو الراي اليوم تحدي ترى بين عيال بن مترف واحد من عيال راشد بن سيف في الشلات نبا ندخل وياهم يعني مايستوي نحن عيلة وحده نبا نغسلهم شوي...؟؟ فهدولد عم سهيل: حاضرين للطيبين سهيل: شو حاضرين من زين صوتك الحينه أرمس صدق يابويه شوفيك؟ علي ولد عمه الثاني: هاسهيل شو الراي أبدأ أنا وياهم وعقب أنته؟ سهيل: ياخي مشكلة ما حضرة شي عسب اني أقوله جدامهم ...أتخبرك أسمع هذه شو رايك http://www.6rbtop.com/library/resou...en/16448_hi.ram علي وفهد : يحليله ياحافظ عليك ...صح لسانك... سهيل : احم ومن قال سالم انا أبا أعطيهم فرصة يعني حرام تعرف ضيوفنا وجذي علي وفهد وسهيل يضحكون رباعه وصلوا الشباب... وكان سهيل متميز بينهم في كل شي خفة دمه نشامته تكريمه للضيوفه واستانسوا......... وأتصل البيت وخبر أهله أنه بيبات في العزبه وبيرد بالباجر.. وعقب فترة وقبل لا يبدا التحدي أتصل سهيل بهند وخبرها شو السالفة... هند استانست لأنها تحب الشعر والشلات هند: دخيلك سهيل فديت روحك خلني أسمع شوي عشاني؟ سهيل : والله غالي والطلب رخيص بس بشرط مبا نفس واحد يعني من أخلص ببند في ويهج عسب ما يحسون بشي اوكيك؟ هند: ياويلي خلاص تم فالك طيب سهيل : عيل انطبي من الحينه .. هند بسرعة: سهيل؟ سهيل: لبيه هند : أحبك وعساني ما خلا منك سهيل وهو يتمصخر: حبتج تاوة حارة تقليج اسمعي بس وبدت السهرة وخلصوا الشباب وبند سهيل واستانست هند لأنه حست أخوها سيهيل مهتم بالأشياء اللي يمكن في نظر سلطان تافهه ومب مهمه لكن سهيل بالنسبة لها يفهمها ويقدرها أكثر رغم أنه في البيت الواحد أكثر من أخو لكن تفاوتهم لفهم الأشياء وخاصة وي خواتهم يختلف من واحد للثاني..... ************ رجع سلطان بسرعة البيت تقريبا على الساعة 9.30 بالليل ولاحظ سيارة ميثا بعدها موجودة ونزل الجامة اللي صوب البيت يطالع فيه حد واقف ويلس في السيارة وهو يفكر ... وتذكر شريط عزيز عليه ويحب يسمعه في خلوته... وشغل شريط شلات وفجأة وه وهويشغل الشريط ظهرت ميثا وعفراء وصوت التسجيل كان عالي ولاحظة عفراء وميثا أنه سلطان واقف بالمرة ورى سيارة ميثا... بس تجاهلوا وسلمت عليها وهي تنزل بتسير سيارتها تسمع من سيارة سلطان الشلة وتقول.......... وين ساري يا بعد عمري... ماقدرت ميثا تيود نفسها وابتسمت وركض على السيارة..... http://www.6rbtop.com/library/resou...en/16493_hi.ram هني سلطان تمنى الأرض تنشق وتبلعه من الإحراج... وعفراء تطالع سلطان وميوده نفسها تبا تضحك بس عارفه عمرها لو ضحكت سلطان بيقطعها.... بنفس الوقت سلطان حس نفسه مشلول مب عارف شجايل يتصرف رد سيارته ورى عسب يسوي مجال لميثا ..... وميثا توهقت ما عرفت حتى تسير جدام ولا ترد ورى من كثر ماهي مرتبكة المهم البنيه ظهرت وسلطان تم في السيارة ... يسمع الشلة اللي يات كأنه قاصد يهديها لميثا نزلت بسرعة عفراء وهي مستغربه..... عفراء : سلطان الله يهداك شو هالحركات .....وقبل لا تكمل عصب سلطان وكأنه فاهم شو أخته يايه تقول؟ سلطان: سمعي عفراء والله أني ما كنت أتريا حد وأنتو ظاهرين أنا توني واصل وبالصدفة كنت مشغل الشريط لا تتحرين يالس أسوي حركات الشباب البطالية يوم يشوفون بنيه حلوة مايصدقون... عفراء في ذاتها حست سلطان هب من النوع هذا... ومنحرج فكسر خاطرها وقالت:سلطان ماصار شي الغالي المهم احدر امي تنشد عنك سير نرمس وياها أبوي من صلى المغرب ظاهر عنها مارد سلطان وكأنه من الله بغها تغير الموضوع: يالله يعلني افداها أقولج بسير أنا وياها وسير المطبخ يبي قهوه بنسولف وياها.... وتقبلوا مني اجمل وردة لكم ؛؛؛؛؛ عاشقة الاحزان 26-03-2005, 01:36 (الفصل الرابع) أم سلطان وعفراء وسلطان سوالف لين ما رد بو سلطان وكانت هند تتريا أبوها نزلت وياهم ويلست بس من دون ما ترمس مع حد غير أبوها وأمها ... سلطان تعمد يرمس هند عشان يكسر الحواجز ما بينهم ويمكن يقربه لقلب أخته هند .... سلطان: هند شحالج شو الجامعه وياج...؟؟ هند مستغربه أنه سلطان يرمسها بأسلوب الأهتمام والحال... وكانت تباها من الله سلطان يفتح وياها أي حوار.... يمكن بعد تكون لها مكانه شرات أختها عفراء.... هند: بخير والله مشي حالنا وي الدكاترة هذيل...؟ سلطان: شو بلاهم بعد...؟ هند وهي متحمسه تبا تسولف وي سلطان عن الجامعه.... وعفراء فرحانه انهم يرمسون بعض هند: والله طالبت فينا اللي تكرف وتذاكر ليل ونهار وحالة وناخذ درجات حلوة وفي نفس الكلاس بنات ماتسوي شي غير تتضحك ودق سوالف وقردنه وي الدكتور وتاخذ نفس الدرجة؟ سلطان وهو معصب: شو قردنته بعد لا تكونين تدقين سوالف وي الأساتذة برى المقرر..؟ هند عصبت وايد من أسلوب سلطان: أنته أيه ترى هب كل طير يناكل لحمه... الحمد الله أنا أنجح بمجهودي...ولا تتحرى البنات نفس الشي؟ سلطان تلوم في نفسه انه قال هالرمسه..... سلطان: لا هب قصدي أبو سلطان: لا ماعليك يا سلطان أختك عن عشر ريايل وشاطرة من أيام المدرسة والحمد الله رافع راسي فوق وإن شاء الله دوم أم سلطان: هيه يا هند عسا يارب يوفقج دنيا وآخره ماشاء الله عليها جمال وعلم بعد شو تبين؟ عفراء دشت في النص عسب تهدي الجو: حتى أنا فخورة بهند وايد مهتمه بدراستها ولها شعبية في الجامعة .... هند بعدها حارقنها كلام سلطان ومنزلة راسها حابسه نفسها... بو سلطان لاحظ هالشي وطالع سلطان عسب أنه يرمس أخته ويطيب خاطرها بس سلطان من النوع اللي يعتبر نفسه ما قال شي ومجرد نقاش .... سلطان: بسير حجرتي شوي يوم تحطون العشاء زجروني.... عفراء بجدية: سلطان أيلس شوي لازم تعزل نفسك ما صدقت كلنا متجمعين أم سلطان: هيه فديتك أيلس سولف ويانا سلطان : لا شكلي محد عايبنه رمستي وكل حد ضارب بوز هند انفجرت: أقولك تتحرانا نترجالك تيلس سير غرفتك أبرك عسب على الأقل يتم شوية احترام بينا سلطان بعصببية: تتمنين أرمسج أنتي لأنج عارفه أنج هب كفو رمسه كبار هند والدموع في عينها: هيه صح نسيت العفو يا حضرة المقدم سلطان العين ما تعلى عن الحاجب عفراء محرجة: سلطان ماقلنا شي عسب تفر هالرمسه شو ياك سلطان : ماتسمعينها ما تحشم حد هند : أنا ماقلت شي بروحك تتحرانا نشتغل عندك لازم نقول هيه وإن شاء الله عشو ما أعرف؟؟ سلطان : الله في سماه يا هند حشمة أبوي وأمي هني ولا كان بتشوفين شي في حياتج ماشفتيه من سلطان......... بو سلطان وهو معصب: ليش أنتو خليتو فيها حشيمة صوتكم عالي ويالسين تردون على بعض ولا كأني موجود ولا أمكم عنبوه الأحترام اللي يالسين ترمسون عنه محد أحسن عن حد لا الصغيرة ولا الكبير.... ويظهر بوسلطان وأم سلطان تستغفر الله... وتطلب الهداية لعيالها.... عفراء معصبة من هند وسلطان... : على الأقل تريوا ليما نتعشى وعقب سوى اللي تبونه سلطان: اصلاً هذه ويها من أشوفه أتنكد وتستوي مشاكل هند وهي تصيح وبشكل عفراء استغربت منه: أطمن سلطان أوعدك ماتشوف ويهي إذا انته تتضايج مني وتعتبرين شي ينكد عليك وأنا آسفه يا الكبير سلطان مستغرب من أسلوب هند القوي.... والحزين بنفس الوقت ظهرت هند حجرتها وقفلت الباب على روحها ويلست تصيح بإنفعال وكأنها تبا تظهر كل شي في قلبها بس ليت الدموع أحياناً تخفف الجرح اللي يي من أغلى وأقرب الناس عندنا.... عفراء : سلطان شو ياك بصراحة الحق عند هند هالمرة أنت صدق مستقصدنها ..؟ سلطان: سمعي عفراء راسي يعورني وهب فايج لفلسفتج اوكيه؟ عفراء مستغربه: شو دوري هالمرة تفر عليه رمسه...؟؟؟؟؟؟؟؟ ظهرت عفراء من عند سلطان وسارت صوب حجرة هند ودقت عليها الباب بس من دون جواب... وقفت عند الباب لين ما سمعت هند هدت شوي وردت دقت الباب مرة ثانية عفراء بحزن: هند يعلني فداج والله دموعج غالية فتحي الباب عشان خاطري..؟ هند : الله يخليج عفاري لو أنا لي خاطر خليني روحي تعبانه أبا أيلس وي نفسي شوي؟؟ عفراء: بس بقولج شي واحد لا تنسي أنه عندج أخت تحبج أكثر من نفسها هند تحط أيدها على ثمها تحاول تخفي صوت العبرة اللي خنقتها يوم سمعت رمست عفراء ويلست تصيح من دون أي صوت وحطت راسها على مخدتها ويلست تصيح وكأنها اكتشفت اليوم مقدار غلاتها ومعزتها عند سلطان....سلطان اللي عدته قدوتها في القوة والمثابرة والسند والظهر واللي تاخذ رايه في بعض السوالف من بعد أبوها.... في النهاية وبلسانه تكتشف أنها مجرد مصدر إزعاج له وضيج...حست وقتها أنه الدنيا في عيونها صغيرة كانت تفكر وي نفسها وتتفاخر جدام ربيعاتها أنها دلوعة أخوها الكبير دلوعة سلطان لكن اليوم بالنسبة له وحده تنكد عليه...... سحبت دفترها الجامعي وتذكرت أبيات شعر كتبتهم.... ما انشلغت بغير جرحي وزحمة همـوم الدفاتـر وحس ضايع بين صمتي ينتظر تفريج ضيقه ما انشغلـت بغيـر دمـع محتبـس بيـن المحاجــر والقصيده شخـص فينـي تايـه ضيع طريقه قـصـتـي رحـلـه طويلـه ما تـلمـلمهـا المشـاعــر مسكت قلمها وكملت القصيدة وقررت تهديها لأخوها سلطان.... هدني ظلم الليالي خاننــي ماضــي وحاضــــر شابـت أطـراف الجدايـل والعمر ولـى بريقــه رجعتي كانت حزينه في خطاها الجـرح ثايـــر والأماني حلـم عابر فـي بحـر عينـي غريقــه انحبس حرفي واحس كن بي صمـــت المقــابـر وش جديـدي دام همـي ينتظـر تفـريـج ضـيقــه.... ************** الساعة 3 فجراً الكل راقد إلا هند اللي كانت تصارع جرح كلام سلطان نشت وحست بإرهاق وصداع تذكرت سهيل أخوها .... ورجعت الدموع في عيونها لما الشخص فينا تمر عليه لحظة حزينه ويتذكر شخص قريب منه وعزيز عليه يتمنى وجوده لكن في عز حاجتنا لهم يكونون محد وتزداد الضيجة علينا...من دون وعي مسكت التليفون تبا دق لسهيل بس تسمع صوته خافت تحرجه جدام ربعه أو يمكن راقد...طرشت مسج (سهيل أبا أرمسك..؟) سهيل كان وقته توه بيحط راسه وصله المسج أول ماشافه خاف سهيل لاحظ ولد عمه الخوف فهد:شوفيك سهيل ما من شر المسج فيه شي...؟ سهيل: الرضيعة تبا ترمسني الحينه؟ فهد انزين سير السيارة ودقلها وأرمس براحتك؟؟ سهيل هند بالنسبة له أغلى وحده في البيت يحبها وايد ويخاف عليها من الهواء الطاير... عطول سارالسيارة ودق ...... عيون هند تتطالع التليفون متى سهيل بيدق ما مداها تفكر إلا سهيل داق.... سهيل: الوووو هند شو صاير....؟ هند ما قدرت تيود نفسها تحاول تحبس دموعها بس جدام سهيل ماتقدر وأنفجرت صياح سهيل زاغ: هند فديت روحج ليش تصيحين أبويه ولا أمي فيهم شي؟ هند بصوت تعبان: لا سهيل كلهم بخير..... أنا اللي فيني..... سهيل متروع: يعلني أفداج شو فيج ..... لا تروعيني......!!!!!!! هند: تعال البيت أنا متضايجة وايد أحس نفسي بموت مخنوقه.... سهيل معصب:بسم الله عليج.... انزين ارمسي شو بلاج.... هند: فكرت فيك عطول قلت أبا ارمسك لأني أرتاح يوم اسمع صوتك سهيل يحاول يهدي أخته: هند حبيبي مسحي دموعج وتعوذي من الشيطان ....!!! هند تسمع كلام اخوها وتتعوذ من الشيطان سهيل: خذي نفس حطي راسج على المخده يالله بسرعة....؟؟ هند نفس الشي ومن دون أي أعتراض تسمع كلام سهيل سهيل: أنا مبا اعرف شي الحينه أنتي باجر وراج جامعه أباج تحطين الرحمن في صدرج وترقدين ومبا العيون الحلوة هذه تذرف دمعه وحده دام راسي يشم الهوى هند تبتسم وتتنهد تنهيده طويله كأنه ما صار شي: سهيل متى بترد سهيل : والله يا الغالية تبين أرد الحينه عادي تراني يالس في السيارة بس لا تتضايجين..؟ هند بخوف على اخوها: لا فديتك أنت أرقد ورد باجر .... سهيل يحاول ينسي هند ضيجها: وي راسج روعتيني عبالي الشيبه استوابه شي؟ هند: آسفه سهيل خوفتك.... سهيل: اوف الله يعيني عليج بس تصدقين بعد أختي وأحبج هند تدمع عيونها وفي خاطرها تقول ياريت سلطان يقول هالرمسه لي؟ سهيل: حوووووووو...رقدتي هند : الحينه برقد تصبح على خير وربي يرجعك بالسلامة سهيل: وأنتي من أهله يعل ربي يحفظج باي ********** سلطان كان قاتلنه اللوم في الرمسه اللي فرها على هند وحس نفسه أنه مستعد الوقت يرجع ورى ويعتذر لهند بس مشكلة سلطان انه من النوع اللي يكابر على مشاعره ي كل شي وي الكل ويعتبر أنه هند صغيرة ومب لازم يتصرف معاها تصرفاتا ناضجة وكبيرة شرات تصرفه وي عفراء..... سلطان في حجرته بس مب راقد ويالس يحاتي هند ومب عارف شجايل باجر إذا شافها يقابلها بأي ويه.....؟؟ أذن الفير وهند مضبطه تليفونها عسب الصلاة أول مانشت حست بألم في راسها بس سوت طاف وتمسحت للصلاة وظهرت ودقت الباب على عفراء وكانت أول مرة هند تسير اتقعد أختها للصلاة... هند: عفاري.....؟ سلطان يسمع صوت هند وخاف عباله أنه هند فيها شي...فتح الباب ولقاها لابسه شيلة الصلاة وكان ويها نوور بند الباب دون ما تحس هند وهو ذابحنه الندم.... هند: عفروه نشي صلاة....؟ عفراء تفتح الباب: تبتسم لهند : إن شاء الله وي ويهج عبالي مطوع المسيد يدق بابي هههههههه تضحك هند من قلبها وترد حجرتها عسب تصلي..... أبو سلطان توه راد من المسيد وأم سلطان تسوي الشاي والقهوة........ عفراء تسير غرفة هند وتطالع هند تقرئ قرآن وتبتسم وهي فرحانه بأختها.... عفراء: هند تصدقين أنا وايد استانس يوم أشوفج تحافظين على الصلاة والقرآن بس لي طلب صغير من أختي الحبوبه...؟ هند وهي يالسه على السياده تبتسم لعفراء وتقول: عيوني لج عفروه آمري ؟ عفراء: هند سوالف الكشخه الزايده هذه مالها داعي بالجامعة لا يغرج البنات واللي يسونه... والله ماتبين مني يمين أنج أحلى بووووايد من دون ميكب ومب مجامله مني عسب اخليج ما تحطين شي على ويهج....بس والله احلى هند تفرح لكلام أختها هند: أنزين شوي جحال داخل عيوني... شويه بس ...؟ عفراء ترفع حياتها: بس جحال؟؟؟ هند وعفراء يضحكون وي بعض وقعدوا يسولفون للساعة 7... عفراء توها لاحظة أنها تأخرت على المدرسة وسارت تبدل ملابسها وسارت عطول.... هند يالسه تلبس وحست نفسها فعلا أنها شي نظيف من دون أي أضافات ناعمه وطفولية من دون ميكب.... هند تحس بنفس الألم في راسها شكل الصداع هذا مابيسير اليوم؟؟ نزلت هند شافت أبوها وتذكرت سالفة البارح.... لوت على أبوها وحبته على راسه وسلمت على شوابها .... وأستسمحت من ابوها.... أبو سلطان مايزعل من هند لأنه يعزها وايد أم سلطان: هند أميه ويهج تعبان اليوم شكلج مارقدتي البارح..؟ هند تحاول تخبي: لا أميه راقده بس أحس مصدعه شوي...؟ سلطان توه داخل ويسلم ويردون عليه الجميع.... أم سلطان تكمل رمستها: بسم الله عليج أنزين إذا تعبانه لا تسيرين الجامعه اليوم؟ سلطان يات عينه في عين هند وكان يبين أنه خايف عليها.... هند تنزل راسها : لا أميه عادي عندي كلاس مهم اليوم ولازم أحضره.... بو سلطان : هند شجايل بتركزين في المحاضرة وأنتي مصدعه ما بتضيع الجامعة إذا ماسرتي يوم واحد...؟ هند متضايجة وتبا تظهر من المكان اللي يالس فيه سلطان لأعتقادها فعلا انه سلطان يتنكد ويتضايج من وجودها...... هند: يابويه... خلاص عاد قلت مافيني شي بتأخر اسمحولي وأشوفكم الظهر لا يتأخر الدريول عليه.... وهي ناشه حست الدنيا دور فيها تبا تتماسك بس ماقدرت ماحست إلا بأيد سلطان تلوي عليها وهي تتمسك بكندورة سلطان وبعدها ماسمعت أي شي وغابت عنها الحاسية..... ؟؟؟ ياترى شو اللي بيصير عقب ...........والسموحة منكم يمكن هالبارت ضيج عليكم شوي لكن فيه أشياء وايد... وأحداث بتصير وأشوفكم على خير في الجزء الخامس من قصتي..... ((لي حبيب حيل حبيتهوصار عمري وسيد خلاني)) nuor 31-03-2005, 23:13 الله شكلها حلو بس بقرأها بعد الإمتحانات تحياتي عاشقة الاحزان 02-04-2005, 16:20 الجزء الخامس وجيت أمسح من أيامي جروح العاصفة والنار وجيت أكتب على سطح الجليد أجمل عباراتي وجيت أجفف الدمعه وأواسي حرفي المنهار واقول: اصمد .. ترى وحي القصيده حي ما ماتِ وجيت الملم الماضي بقلبي .. واحمله تذكار وأنادي ع الزمان انظر أنا هذي معاناتي عقب ما طاحت هند... سلطان وأبو سلطان وأم سلطان على طول على المستشفى أتصل أبو سلطان في سهيل أبو سلطان: مرحبا سهيل سهيل: هلا أبويه يا مراحب والله بو سلطان: وينك؟ سهيل: في الدرب أبويه باقي لي ربع ساعة وأوصل البيت ليش؟ بوسلطان: لا تسير البيت تعال المستشفى عطول سهيل: ليش أبويه خير ما من شر شو فيك أميه يها شي؟ بو سلطان: أختك هند طاحت علينا الصبح مدري شو بلاها والحينه يسولها فحوصات سهيل وهو معصب: شو ياها ؟ بوسلطان: والله ياولديه قالت مصدعه ويالسه الصبح ويانا يوم نشت طاحت وعطول اخوك شلها ودينها المستشفى؟ سهيل وهو خايف على أخته: خلاص ياي الحينه ........... سهيل حس الدنيا سوداء جدامه ولام نفسه لأنه أمس ما رجع من العزبه عشان أخته حط في باله أنه في شي صاير وي هند.... وشي كبير يخليها تنهار هالشكل عطول سهيل حط على 170 عسب يوصل بسرعة ولا كان يهمه ولا يفكر في شي غير يوصل ويطمن على أخته اللي يعدها أغلى شي في دنياه.... سلطان ما تحرك من عند هند مول ...أم سلطان تصيح ... أم سلطان: ياريتني أنا يابنتي يعلني افداج ياهند... سلطان قلبه يتقطع: ياأميه شو ياج وحدي الله البنيه مافيها إلا العافية إن شاء الله يرجع سلطان يلس حذال هند ...ومسك أيدها وباسها وقال لها بصوت هادي : سامحيني فديتج يالتني مت ولا شفتج في هالحالة.... هند كان ويها شاحب وشكلها بالقو مرهق .... بوسلطان يدخل الحجرة ويزجر سلطان.. ظهر سلطان... : آمر الوالد ؟ بو سلطان: يابوك كلم هذيل الدكاترة ماعرفت شو يرمسون... سلطان: إنشاء الله يوبه...تعال معايه سار سلطان وبوسلطان صوب الدكاترة عسب يسألهم عن حالة هند وشو فيها بالضبط سلطان : خير دكتور طمنا على المريضة هند سعيد اللي وصلت من ساعتين ؟ الدكتور: والله أنا مش عارف دلوقتي أديك تحليل لحالتها إلا لما تطلع نتائج التحاليل كلها؟ بوسلطان معصب: البنت من ساعتين وياكم تقولي ماتقدر تعطيني تحليل شو تسون أنتو من الصبح؟ الدكتور: معليش ياحج الصبر طيب بس عشان نطمنكم على البنت كويس؟ سلطان يمسك اعصابه وياخذ أبوه ويرجعون الغرفه..... أم سلطان: بشر سلطان بو سلطان شو قالوا؟ سلطان: بعدهم اميه بنتريا شوي أم سلطان: عنبو تحاليل ساعتين لين ما تظهر نتيجتها شو هالحاله هذه.... أخاف بنتيه فيها شي ونحن ما ندري عنها ..... سلطان يعصب: بسم الله عليها يا اميه عيني من الله خير شو هالرمسه هذه......... بوسلطان: بنتي بخير ومافيها شي.... بوسلطان يسير حذال بنته ويمسح على راسها ويقرئ عليها قرآن وعيونه كلها حزن وهو يسأل نفسه ...شوصار ياهند.... شو حل عليج وخلاج جذي؟ هند تفتح عيونها بس بتعب وتلاحظ أبوها حذالها ...بصوت كله إرهاق هند: وين أنا... سلطان ماصدق هند نشت من الإغماء وسار حذالها ومسك أيديها سلطان: ماتشوفين شر فديتج هند: شو صار .....؟ سلطان عسب يخفف عليها : شوية دلع تبين تشوفين غلاتج عندنا هند: أبا سهيل وين سهيل؟؟ سلطان حز في خاطره لكن استمر يخفف عليها: الحين بي اتصلنا فيه وياي أم سلطان: طار الشر عنج إن شاء الله أجر وعافية فديتج أم سلطان تلوي على بنتها وتصيح وبوسلطان تدمع عيونه سلطان ظهربرى الغرفة لأنه يمكن يضعف جدام اخته وتلاحظ عيونه .... سار سلطان صوب الأطباء يراجعهم في هاللحظة وصل سهيل ونشد الرسبيشن عن المريضة هند سعيد وعطول دخل الغرفة.... هند أول ماشافت سهيل صاحت ومدت ايديها صوبه.... سهيل سلم على أمه وأبوه وعطول حب اخته على راسها وبعصبية حط عينه في عينها ويلس فترة يطالعها ..... هند حطت أيدها على خد سهيل تعاتبه: بطيت وايد.... سهيل يحاول يمزح وياها: جب ...حسابج عقب بو سلطان: شو حسابه سهيل يبتسم: حساب محبه وغلا عشان تهتم في نفسها أكثر هند تبتسم لسهيل: منو قالك؟ سهيل: الشيبه والله على جناح طير اسرع 170 عشانج هند بعتب: سهيل حرام عليك ليش ها كله سهيل يضحك: حوه أنتي تتحرين عمرج شوي عندنا لا يابوي أنتي هند الغلا والحلا كله هند حست الدنيا غير وسهيل حذالها ....دخل سلطان وهو يبتسم ويات عينه في هند اللي تضحك مع سهيل سلم على أخوه ويلس حذال هند.... طبعا هند كانت للحين متضايجة من سلطان ...بس تصرفه وياها في هالحزة كان غير وخلها في حيرة ...من دون ما تحس صدت صوب سلطان اللي كان قريب منها.... وتهمس: سلطان...؟ سلطان: عيونه.....؟؟ هند حست انها تبا تطير يوم لاحظة الحنان اللي يرمسها فيه سلطان حتى صوته كان غير هند : ليش ما سرت الدوام ....؟ سلطان : أنتي أهم عندي من الدوام ومن الدنيا كلها......... هند غمضت عيونها وكأنها كانت تعبااااانه وشي جاثم على صدرها وأرتاحت وتنهدت وبمزاح سهيل يعلق سهيل: شعليج واحد عن يمينج والثاني عن يسارج والشيبه فوق راسج... والوالده....ياويل حالي عليج وينج يا عفروه تعالى عسب تموتين غيره.... يضحكون الجميع...... سلطان: أبويه ترى نشدت الدكاترة مرة ثانية وقالوا شوية إرهاق وتعب بس وتقدر تظهر اليوم العصر من المستشفى..... سهيل : والله محد يشلها غيري محجوزه هند تفتح عيونها وتضحك.... سلطان يرفع حاجبه ويرد على سهيل: أقولك أنا اللي يبتها وأنا للي بظهرها شو عكيفيك هند تمسك أيد سلطان مب مصدقه: أنت يبتني المستشفى ..... سلطان: هيه فديتج أختي وأخاف عليها عندج مانع؟ هند والدمعه في عيونها: يالتني أمرض عطول عسب تحبني جذي سلطان يكابر على نفسه عسب اخته ماتشوف الدمعه اللي في عينه.... سهيل : جب لا أخليج عقب باجر تظهرين تفاولين على عمرج ليش... سلطان: لا يا هند مب وأنا عايش الله يعطيج الصحة والعافية وأشوفج عروس حلوة هند: نفرح فيك انته قبل.... سهيل: يابوي بسكم لاتسون لنا دراما.... سلطان بتيلس أنته صح؟ سلطان : هيه شو عندك؟ سهيل وهو قافط: بتسبح ريحتي وهف أخاف حد من البنات يشوفني من بعيد شو هالغرشوب يمرون حذالي يموتون من الريحة... الجميع يضحك سلطان: سير سير لا تخرب علينا بعد سهيل بمزاح: هنودتي ممكن يعني بعد أذنج أخوج شوي يسير يتسبح ويكشخ ويرجعلج مرة ثانيه هند تبتسم: هيه بس بشرط؟ سهيل يمزج: عطينها ويه قامت تتشرط هند: بلا سرعة دخيلك سهيل؟ سهيل: يالله بس ها....عبالي شي إن شاء الله... ظهر سهيل...سلطان ينشد أبوه عن عفراء بوسلطان: لا تخبروها مابقى شي عن الساعة 1.30 عقب أنت سير ييب أختك سلطان: إن شاء الله هند تمسك أيد سلطان : سلطان أبا أرقد... سلطان يبتسم لها ويمسح على شعرها: رقدي فديتج تبين تاكلين شوي قبل لا ترقدين؟ هند بتعب : لأ بس أحس عمري مب راقده من زمان سلطان يطالعها كأنه يقول لنفسه أنا السبب....هند فهمت نظرة أخوها وحست فيه انه ندمان هند تجاهد نفسها على التعب: سلطان أنا آسفه اني طولت....قبل لا تكمل سلطان يحط صبوعه الثنتين.. على شفايفها عسب ما تكمل سلطان بندم: أنا اللي غلطان يا هند هب أنتي ... سامحيني والله العالم فيني أني أحبج وايد حالج حال عفراء....وأخاف عليكم وايد هند يرت أيد سلطان وحطتها تحت خدها ورقدت... وكأنها تتريا الجواب عن غلاتها في قلب اخوها ....وبالذات في قلب سلطان......... رجع سهيل ما تأخر....ويلس عند أخته ونشد سلطان عن رمسة الدكاترة سلطان بهدوء يسولف وي أهله عسب مايضايج اخته وهي راقده سلطان: أول مرة أعرف أنه أختي هند عندها فقر دم وهبوط في الضغط؟ سهيل وهو خايف: في ذمتك ؟ سلطان : هيه والله الدكتور قالي فوق هذا إرهاق ومدري شو ياخي قفط ويهي الدكتور يقولي أنتو ما تأكلون بنتكم دمها 9.... أم سلطان : الله يهديها كله مبا آكل وترقد وهالكه نفسها في الدراسه بوسلطان: انزين سلطان شو قالوا ؟ سلطان : ماشي قالي لازم تاكل فواكه وخضروات وايد وشوية أملاح عسب الضغط... وبيعطونها شوية فيتمينات.... سهيل: ماعليه هند قومي بس بالسلامة شوفي الهزاب اللي ييج .... سلطان: يابوي خلها لا ترمسها مول.... أنا برمسها سهيل: هذه عنيدة ماتسمع الكلام الله يعين بعد تاكل في الجامعه ولا لأ...؟؟ سلطان يطالع الساعة ويستأذن بيسير ييب أخته عفراء قبل لا تسير البيت وتخاف إذا ما حصلت حد.... وهو في الدرب يتصل في عفراء ... سلطان: مرحبا عفاري عفراء مستغربه: هلا سلطان؟ سلطان : أقولج خلصتي ولا بعدج ....؟ عفراء: لا مخلصه ليش...؟ سلطان : بمر آخذج فيها شي؟ عفراء وهي تضحك: لا والله عادي تعال كل يوم ههههههه سلطان يبتسم: وي راسج انا برى يالله أظهري عفراء تظهر وركبت السيارة... عفراء: الله شو هالبزى اليوم حضرة المقدم سلطان شخصياً ياي ياخذني يا ويل حالي انا لحد يكلمني اليوم.... سلطان يطالعها ويبتسم: لااااا فرحانه بعمرج لا فديتج هب كل يوم عفراء: بس زين لو مرة في العمر ههههههه سلطان يضحك : أنتي أم لسانين عفراء : ليش ياي من وقت اليوم ماشي قضايا عندكم عطوك افراج؟ سلطان يتكلم بجديه: أختج هند طاحت الصبح علينا والكل بالمستشفى وياها عفراء متروعه : أنت شو تقووووول؟ سلطان يحاول يهديها: لا تخافين مافيها شي الحمد الله بخير طمنونا عليها عفراء والدمعه في عيونها: وليش ما دقيتوا.... ومريت عليه المدرسه أسير وياكم؟ سلطان بعصبية: شو مسيرة هيه عسب تين ويانا يكفي الكل وياها وأنا ما هديتها دقيقة وحده عيني من الله خير عفراء تكمل رمستها: انزين شو قالوا؟ سلطان: فقر دم وهبوط في الضغط بس يعني كل المسألة تاكل زين ولا ترهق نفسها عفراء بعتب: انت بعد ماقصرت عليها اليومين اللي طافوا... سلطان : عفراء أنا استسمحت من هند ولا تزيدين عليه دخليج روحي تعبان واللي فيني يكفيني أنا بغيت أموت يوم طاحت جدامي.... عفراء: فديتج يا هند .... سلطان: مشكلة هند وايد حساسه عفراء: وأنت الصادق وايد تحبك وتتمنى تعاملها عدل سلطان: والله يا عفاري ...عاهدت نفسي تقوم هند بالسلامة شوفي شجايل بعاملها... وصلت عفراء وسلطان المستشفى ويدخلون على هند ويحصلونها راقده وسهيل يالس يغلس على امه شوي عسب يخفف عليها ومايخليها تستهم على هند أم سلطان: سلطان فديتك شل عني أخوك ترى طفرني مالي بارض .... سلطان يضحك : شو تباها أم سلطان خلها يعل الروح تفداها سهيل : هيه طبعا طاح كرتي وصل حبيب القلب مزولا ههههههه أم سلطان تضحك : الله يهديك... كلكم أحبكم لا خليت منكم... سلطان يطالع هند اللي راقده جنها ملاك... عفراء تسير حذال هند وتيلس وتحبها على راسها عفراء: بسم الله عليج يا الغالية.... ما قدرت عفراء تيود نفسها ويلست تصيح.... عصب سلطان يوم شافها يود أخته وظهرها برى الغرفة .... سلطان: شوفيج تبين تقعدينها مافيها شي البنت تيلسين تصيحين فوق راسها؟ عفراء: سلطان هند ما تتحمل والله أختي وأعرفها...وأول مرة أشوفها جذي..؟ سهيل يظهر: شو بلاج عفروه... قوي أعصابج شوي مافيها شي بس أكلوها جت وسبوس وهالسوالف.......... سلطان: بهفك كف راشدي عويهك شو جت وسبوس عفراء تضحك وتمسح دموعها... سهيل: أنت قلت لا زم تاكل سلطات وخضروات ومدري شو؟ سلطان : أقول شكلك ياي من العزبه متأثر بالدبش انته؟ سهيل يضحك: أسولف بس عسب عفاري تضحك..... ردوا الجميع الغرفة وعلى الساعة 3 الظهر... نشت هند ويلست وي الأهل وستانست وسلطان كله وي هند يحاول يصلح اللي انكسر ...هند فرحانه وبو سلطان مستانس لأنه بنته بخير والحمد الله مافيها شي .... عفراء تتصل بميثا جدام أهلها ... ميثا: هلا عفاري وينج اليوم ادور عليج..يلست مستهمه عليج وموبيالج مغلق؟ عفراء: في المستشفى؟ ميثا: ياويل حالي عليج شو ياج؟ عفراء: لاهب أنا هذه دلوعتنا هند شوية تعبت ونتريا الدكتور يكتب الرخصة الحينه وبنظهر ميثا: شو ياها...؟ عفراء: عقب بخبرج بالتفاصيل اوكيه أشوفج باجر على خير ميثا: إن شاء الله سلمي على هند والأهل عفراء بغلاسه: كلهم...؟ سلطان يسمع الرمسه ويبتسم..... ميثا: هيه بعد شو صدق متفيجة....يالله باي سلطان: منو عفاري؟ عفراء تبطل عيونها مستغربه: شو وكيل نيابة وتستهبل هههههههههه سلطان ينش ويمسك عفراء من رقبتها : أنتي بذبحج وطولة لسانج هذه.......... وصل الدكتور ورخص هند وردوا الجميع البيت ويلسوا رباعه تفاجأة هند أنه أبوها مزهب لها كل شي على العشاء خضروات وهو يعرف انها تحب التبوله ومسوي لها صحن كامل وحكم عليها تاكله كله وخوانها يضحكون عليها وعاد سهيل أستلمها .... سهيل يغلس على أخته: صح نسيت أخبركم الياعده الصغيرة اللي بالعزبه شكلها ميهود فهد ولد عمي يقول ما تاكل خضروات.... أووه سوري اقصد ماتاكل جت وايد كله سندويشات وعصير بس ههههههههه هند تعصب وماسكه نفسها فيها ضحكه: ها ها ها بايخه عفراء وسلطان ميتين ضحك.... وأم سلطان تضحك وياهم.... بو سلطان: حل عن سماء أختك توها ظاهرة خف عليها شوي سهيل: تستاهل هند كلي ...لا مبا كليت سندويش ؟ مدري كيف عايشه أنتي؟ نحن إذا ما كلنا عيوش ولحوم لا حياة صراحة يضحكون كلهم..... عفراء وهند يظهرون حجرت هند....وسلطان بعد سار غرفته يرتاح وأم سلطان وبو سلطان يلسوا يسولفون باللي صار وعن صحة هند.... عفراء : سلامتج هند حبيبتي ما تشوفين شر... هند كانت تفكر وهي تبتسم وترد على اختها: ياريت مرضت من زمان ؟ عفراء: بسم الله شو هالرمسه هند والله ما تعرفين شكثر خفنا عليج؟ هند: والله ياعفروه لو بعرف مكانتي عند سلطان تمنيت أمرض من زمان عفراء تبتسم: شو تصالحتوا أنتي وسلطان...؟؟ هند: هيه عفاري لو شفيتي شجايل سلطان مسكني يوم اول ما طحت وكان حذالي طول الوقت بالمستشفى وأعتذر مني مع أني ما كنت أعتقد سلطان أخوي يعتذر لحد بس تفاجأة بحنانه ورقته وياي الحمد الله أني غاليه في قلبه هالشكل.... تذكرت هند من الشعر اللي تكتبه... أريدك مثل ما انته اصيلٍ وافي الذمـــه أريدك حتى لو قلبي بدنيا الحب بعثرني فقير الحال والا مغتني اهدافيه شمّا تسابق حلم من حلم السنين الحالمه مني اريدك والذي أوفى قياس الـنــــور والظلمه اريدك لو ذبحني الشوق من بعدك وحطمني عفراء وهي تضحك: لا والله فيه أمل أخوي زين يعني يصلح نيوزه جريب؟ هند تضحك وتيود عفراء: في ذمتج سلطان يبا يعرس عفراء: لا بس أخطط شكله معجب ههههههههه هند متحمسه: والله تقولين... في منو حد نعرفه؟؟ عفراء : هيه يابوج ميثا من يوم شافها وهو يتنشد عنها ضوت راسه هالقوية..... هند تضحك: الله كشخه وسلطان شو وضعه...؟ عفراء تضحك : حاليا ميثوه تسويه على نار هاديه ههههههههههه يضحكون وقررت عفراء ترقد وي هند الليلة عسب ما تحتاج شي ..... عاشقة الاحزان 02-04-2005, 16:29 أعزائي رواد قصتي الأولى : (( لي حبيب حيل حبيته..وصار عمري وسيد خلاني)) ....القصة منقولة للعلم فقط أن هذه القصة 80% من الواقع وأغلب المواقف اللي صارت حقيقية وليست وهمية.... والسموحة منكم لأني نسيت أخبركم هالشي طبعاً الحبكة اللي أنا أسويها مشتقة من مواقف صارت وجمعتها في قصة وحده ومع أبطال موحدين من مخيلتي وشاكرة لكم حسن المتابعة وتربقوا الجزء السادس والذي يحمل الكثير من المفاجأة السارة .... ...ودمتم بحفظ الرحمن... حلم شاعر 03-04-2005, 02:57 عاشقة الاحزان. خيال يستحق الاحترام. روعه فكرة الدمج. لنا عوووده. لا عدمتك. ! حــلــم شــاعــر ! مجنونة طعمية 04-04-2005, 13:26 ]الف الف الف الف شكرا اتمنى انك تكلمين القصه باسرع وقت [/align][/color] عاشقة الاحزان 07-04-2005, 01:55 يسلموا حلم شاعر على المرور و مشكور.. يعطيك العافية مجنونة طعميه وتسلمين .. عاشقة الاحزان 07-04-2005, 01:57 (الجــــزء الـــســـادس) أنا من دمعة اليائس تعلمت الحياة اصرار أنا من ضحكة الحالم عرفت اش قد مأساتي أنا أدري ما قدرت ألحق .. وصلت بآخر المشوار ولكني قدرت أوقف بدرب الشوق خطواتي وألاقي ضحكتي بعد الفراق وغربة الأسفار والبس معصمك حزني وعنقك عقد آهاتي *************** الصبح الساعة 6 الكل كان ناش وسوالف وضحك خاصة سلطان وهند طلع سلطان وتبرع طبعاً هو يشل أخته عفراء للدوام... وسهيل بعد ظهر وتمت هند بالبيت تكمل إجازتها المرضية... في الطريج وي عفراء وسلطان..... سلطان: أقولج عفراء أدري الوقت هب مناسب بس بغيتج في موضوع ولازم اتناقش وياج....... عفراء تحاول تبتسم بس جدية سلطان اجبرتها على أنها تسكت وتسمع لسطان بهدوء سلطان: أنتي تعرفين هذه ربيعتج من زمان صح؟؟ عفراء مستنكرة أسلوب سلطان : أسمها ميثا مب هذه ...؟ سلطان يبتسم لأنه منحرج يكلم عفراء: ولا تزعلين الآنسه ميثا عفراء تبتسم: كمل رمستك شو عندك؟ سلطان كان يمشي على الراحات: عفراء أعتقد أنتي فاهمه شو أبا أقول ومابطولها وهي قصيرة عفراء: ياويل حالي كمل كمل دخيلك أبا اسمعها منك بسرعة سلطان يضحك: والله ياعفراء يا الوقت اللي أجابل فيه نفسي لأني تعبت طول هاالسنين وانا قضايا وجرائم كنت أحس انه جزء من الإنسان اللي فيني هب موجود لكن بظهور ميثا وسالفة هند حسيت انه فيه بقايا فيني لازم تعيش وتظهر من يديد ولا شو الراي...؟ عفراء: اوووووووف مابغيت من زمان انا وامي يحلينا نحن فوق راسك بس انت ما تسمع الكلام؟ سلطان : لا دخيلج بسمع الكلام بس أبا أعرف راي ميثا فيني وبصراحة ومبا إحراجات لو سرت وتقدمت وأنا ما أعرف يمكن مرتبطه أو حد في بالها؟ عفراء تحاول ترفع ضغط سلطان: هيه تعال صدق....؟ سلطان تروع: شو لا تقولين مخطوبه...؟ عفراء بغلاسه: لا بس عيال عمها وشباب عائلتها يتخبلون عليها يبون من الله بس تشاور على واحد منهم سلطان معصب: مب وراس سلطان يشم الهوى عفراء تضحك: يا ريااااال هدي ....ههههههههه سلطان وهو جاد: عفاري الله يخليج مواضيع حساسه شرات هذه مافيها لعب أعصاب لا توتريني أكثر من اللي أنا فيه...سألي البنت وعن اللقافه الزايده..... عفراء: أنزين لا تعصب عفانا الله سلطان وهو متضيج من رمسة عفاري سلطان : يعني تشوفين من الصبح يالس أرتب رمسه عسب افتح وياج الموضوع وانتي توترين أعصااابي حرام عليج؟ عفراء مستغربه : فديتك كل هذا متوتر لا حووول يابوي خلاص بنشدها اليوم وبخبرك بالتفصيل الملل سلطان : أبا حتى ردات فعل ويها ويدينها... عفراء تضحكك : ايوه شعليك وكيل نيابه تحب التفاصيل... ههههههههه سلطان يبتسم : صدق بايخه عفراء: أونك عاد... بعدين شو تبا في ردت فعلها مجرمه هيه تبا تعرف شو تسوي وشو ماتسوي سلطان يهز راسه: لا حوووول... شو فيج والله تراني بنزلج في أقرب دوار اخليج تحيسين هناك.... عفراء: خلااااص ...الله كشخه سلطان وميثا أعنف اثنين عرفتهم في حياتي ههههههههههههه سلطان: عنبوكن تذلون الواحد مايرزا علينا يوم نبا نعيش اوف لا تخليني أغير راي؟ عفراء : والله براحتك إذا تقدر ههههههههه وصلوا المدرسة ونزلت عفراء وهي فرحانه وسلطان يوصي عفراء على الموضوع وسار الدوام ..... *********** سهيل رد البيت على الساعة 10الصبح يطمن على هند ويسولف وياها ويرد الدوام.... وغير ملابسه... هند : على وين ماشاء الله؟ سهيل: موااااعد خخخخخخخ هند : عن المصخرة..الزايدة... سهيل:بظهر وي فهد ولد عمي يبا قطعة للسيارته وبنسير صوب الصناعية ليش تبين شي؟ هند : لا عبالي ياي عشاني ... سهيل يطالعها بود: والله ياي أطمن عليج كنت أقدر أبدل دريسي بالدوام بس قلت بمر البيت أشوفج..... هند : فديت روحك سهيل بس بغيت شي منك وأنت ياي؟ سهيل: آمري فديتج مايغلا عليج شي.... هند: خاطري بجلاكسي وشيبس حار.... سهيل : وعقب قولي فيني فقر دم لا يابوي مافيني على سلطان موصيني ما أشتري هالسوالف لج لين ما يستوي دمج مثل الأوادم هند بدلع تيود كندروة سهيل وتعدله الطربوش: الله يخلييييييييييك سهيل عشاني؟ سهيل: آآآآه منج ياهند بقولج شي. ومسك أيدها وخلها على صدره وقام سهيل يعد قصيدة لأخته هند ..... ما دِمتْ غالي وقلبي صــــار بيدينــــك راضـي حبيبي تدلَّـــع بس بالراحـــــه ماقـدر أواجه دلـــــع همساتك وعينـــــك يكفي عيــــــونك بلا تغنيج ذبَّاحــــــــــه خف الدلع لا تّـثنى شـد من لينــــــــــــك في مشيتك يكفي انّـك تقلب الساحــه المشكله هالدلــع ذايب بتكوينــــــــــك ذايب مثل سكِّـرٍ ذايب بتفَّـاحَــــــــــــه زيد الدلع خلّ يقتل كل معادينـــــــــــك يَا عَـلْ يفدى وطاتك ليــــل بصباحــــه خلاص بادلّـعك لو مِتْ في عينــــــــــك راضي حبيبي تدلّـــع .. بس بالراحــــه وسلامتج يالغلا.......... وحبها على راسها هند كانت مستحية وايد.... هند: لا عاد مب جي جان استحي هههههههههههههه سهيل : يالله مانروم عليج هههههههه هند : أوف ياربي شكثر أعاني ...... يضحك سهيل: شو معاناته بعد؟ هند : يارب ريلي يظهر شراتك يعرف يعد قصيد عشان استانس عليه فديته سهيل يغار على أخته: منو قالج بتعرسين وأنا حي؟ هند تصقع من الضحك: ليش يعني بتم وياك دوم؟ سهيل: لا بتيلسين تخدميني وتربين عيالي يوم بعرس؟ هند: سير لاه متفيج انت تعرس وأنا لااااااا؟ سهيل : صدقتي ويا راسج المهم تأخرت فهد برى يترياني ... ظهر سهيل وي ولد عمه... وقفت سيارة موزة برى البيت ونزلت ودقت تليفون لهند هند: مرحبا موزوه يعلني افداج شحالج....؟ موزة: عن اللقافه انا برى تعالي فجي الباب... هند: قولي والله ....وتوايج هند من الدريشة وركض على الباب وتحضن موزة موزة: تستاهلين السلامة الغالية ماتشوفين شر هند: الشر ماييج قربي... شو ماشي جامعة اليوم...؟ موزة: لا خلصت من وقتج عسب اشوفج ... هند فرحانه : الله كشخه يكونون ربيعاتج دوم حذالج موزة: دوووووم يارب يلسوا تقريبا للساعة 12 وعقب ظهرت موزة وسهيل راد بنفس الوقت .... وقريب من بيت هند دريولهم قوم موزة كان بيدعم سهيل وسواله طاف وروح عن سهيل.... سهيل: والله اليوم لو اني مب لابس دريس... لا اسحب الليسن من هالخام اللي يسوق ... وسار ورى الستيشن ..وقعد يبيم له لين ما وقف..... ينزل سهيل وفهد يترياه بالسيارة ويدق عدريشة بالقو عسب الدريول يفتح الجامه وعفكرة الدريول شوي كبير في السن..... فتح الجامه... سهيل: شوفيك انته ماتشوف بتدعمني بعدين تتجاوز وتروح ولا كأنك مسوي شي.... موزة كانت في السيارة وخافت تستوي ضرابة وساكته .... وسهيل ما لاحظ انه في حد بالسيارة ... الدريول : باباه انا مايشوف سوري مرة ثانية مايسوي هذا حركة... سهيل: جب جب عطني الليسن والملكية بسرعة...؟ الدريول: ماما موزة يعطي هذا نفر ليسن ملكية..؟ سهيل قفط ويهه يوم شاف بنيه تشل غشاتها وترمس.... تتدخل موزة هني عشان ما تكبر السالفة موزة: السموحة أخوي نحن غلطانين وياريت ما تعطلنا أكثر عن جذي.... سهيل حط أيده على صدره ونزل راسه وأبتسم ماحس بالدنيا موووول أول ماطاحت عينه على البنيه وهي تتكلم بكل أدب وذوق .... سهيل في خاطره...عنبوهن عيون ....قلبي نشل من مكانه رد سهيل: أنتي اسمحيلي الشيخة والرب لج حافظ ....وروح سهيل وسارت موزة وهي تقول بخاطرها يا ويل حالي عليه.... ركب سهيل السيارة وطالع فهد وتنهد ...تنهيده طويله سهيل: آآآه فهد فهد: لبيه شو صار؟ سهيل: قلبي أحسه بيطير من مكانه ياخي أنا ما أتحمل.... فهد ناقع من الضحك: لا تقولي حبيت الدريول سهيل شكله بيضرب فهد: ها ها ها سخيف ما عندي سالفة يالس ارمسك فهد: أسولف وياك شو استوى خذت ليسنه سهيل وهو مسهم : لا ياخوك خذوا قلبي.... فهد بغلاسه : منو الدريول هذا سوباك جي ..هههههههههه سهيل : لا شيخة البنات اللي كانت في السيارة.... وقال سهيل هالبيتن... ميّزك ربي وأفتن بك عيون * ميّزك كلّك ومن نوره كساك عن غروب الشمس متميِّز بلون * وعن مشارقها تِميَّز بك حلاك الليالي تعلَّمت مِنْكْ السكون * مثلما النسمه خذت همسة شفاك فهد: ياحافظ عليك صح لسانك كم وحده في السيارة سهيل : أول مرة أشوف بنت عيونها هالشكل رمستها...تها كل شي فيها يقول أنا احلى... فهد: اقولك تأخرت على البيت وسير أنته أحلم في حجرتك..... وصل سهيل البيت وركب فهد سيارته اللي كان مخلنها في بيت عمه وروح ظهر سهيل عطول حجرة هند يبا يخبرها شو السالفة هند كانت يالسه تكتب محاضرتها اللي عطتها موزة .... يدق الباب.... هند: منوووو....؟ سهيل: منو يعني ريلج ياي خخخخخخخخ هند تضحك: قرب سهيل تعال... سهيل : شحالهم الحلوين هند: ترتيب أنت شحالك.... سهيل: بخير يعلج الخير... هند تمد أيدها: هات سهيل: شو ما عندي كسر؟؟؟ هند تضرب سهيل على ظهره : ييب الجلاكسي سهيل : والله نسيت بس لا تلوميني هب من شوي آآآه من اللي شفته... هند : مب قطعة سيارة هذه اللي خلتك تنسى هب عاداتك تنسى شي أنا أبيه منك سهيل: وغلاتج لو تعرفين شو صار بتعذريني صدق موقف محرج وأحترق ويهي؟ هند بفضول: يالله قول شو صار؟؟ سهيل: ونحن جريب من البيت على اللفه الثانية من بيتنا ستيشن عنابي مخفي كان ظاهر من منطقتنا وكان بيدعمني داش رونسيد ...أقولج شو فتنت عليه وعطول وراه أنا وفهد..... ويوم سرت ابا اسحب الليسن ماله تفاجأت بنيه تقول للقمر خوز أنا بيلس مكانك شو ملكة جمااال شتتتتت أقولج رخصتهم عقب ما البنيه تعذرت شو صوت شو عذااااب هند ويها تغير: شجايل شكلها البنيه؟؟ سهيل: حلوة بيضاء آآآخ أحلى شي ذبحني فيها عيونها العسلية ولا حاطه هذا شو تسمونها انتو ...؟ هند : أي لينر وشدو سهيل: اوف اسكتي اقولج سارو من هني ركبت وي فهد وعديت قصيد ماقدرت بغيت اموووت...... هند تسحب المخده اللي كانت حذالها وطيح ضرب بسهيل ... وهو مستغرب شو السالفة......... سهيل: عفانا الله شو ياج تغارين يعني ههههههههههه هند: لا مب غيرة يا غبي هذه موزة ربيعتي كانت توها ظاهره من بيتنا فشلتنا جدام البنيه ..... سهيل يود أيد أخته بقول: في ذمتج ربيعتج هذه...؟ هند : هيه عندك مانع..؟ سهيل: لا حشا أبداً هذه الساعة المباركة والله يا حيها خليها تي كل يوم بيتنا هند : أقولك لقط ويهك انزين سهيل: بالعكس أنا هاليوم أعتبره احلى يوم بحياتي هند: سهيل صدق لا تيلس تسوي جي يوم تشوفون حد تتطالعون وتقوفون سياير العرب...مب حلوة سهيل: لا خلاص فديتج عرفت سيارتهم بسويلها موكب...مسيرة وحياتج أول ما أشوفها هند طالع سهيل ويضحكون رباعه.... ************* الساعة 2 الظهر سلطان يدق لعفراء ..... عفراء ما ترد وسار لين المدرسة يترياها وظهرت عفراء وركبت السيارة سلطان معصب: وين تليفونج؟ عفاري تضحك: موجود طولي بعمرك ليش؟ سلطان: شوفي كم مس كول ومسج؟ عفراء: كنا مشغولين فما مداني اشوف موبيالي إلا الحينه سلطان مستحمل بس عسب الأخبار..... سلطان وهو يتحرك بالسيارة: وين ميثا سارت عفراء: من زمان ...من نص ساعة اوه صح تسلم عليك سلطان: صدق؟ عفراء: يالله نسير البيت بصراحة تعبانه وأبا أرقد سلطان من العصبية وقف السيارة في صوب وصد صوب عفراء سلطان: الحينه أنا على اعصابي وأنتي يالسه تتدلعين أنتي ما تعرفين أنا جم ساعة يالس فيهم كأني أتريا تخرج أو إنجاز مستقبلي كلها أنتوا تحبون بس تتغلون من تعرفون شي ...أقولج خلاص مبا أعرس ارتحتي لأني قلت لج مائة مرة يوم أرمسج جد رمسيني شرات ما ارمسج ولا بلاه الموضوع من الأساس عفراء خافت يوم شافت سلطان محتشر: سلطان أسولف وياك بس عسب اهدي الجو شو فيك استلمتني؟ سلطان : تسمعين ولا ماتسمعين الرمسه أنسي الموضوع... تحرك سلطان بالسيارة بسرعة وكان صدق محرج عفراء تحاول تهدي أخوها وتتكلم بجديه: أنا آسفه سلطان حقك عليه وغلاتي عندك لا تهون عن الموضوع أنا ماصدقت أنك تبا تعرس سلطان..................... عفراء تكمل بفرح: على العموم ميثا كانت متجاوبه ويايه وحسيتها فرحانه لأنه معجبه فيك من زمان.... بس بغيت اجيس نبضها اليوم دام انك ناوي تعرس سلطان يبتسم: وبعدين؟ عفراء : ولا شي موافقة مبروك سلطان فرحان: عفروه في ذمتج قولي والله عطول جي؟ عفراء: والله ...تبا ترمس أمي وأبوي والأسرة الكريمة بنسوي اجتماع اليوم وبساعدك سلطان : ويهي يعورني شجايل اقولهم أبا اعرس عفراء ما جدرت تيود عمرها ويلست تضحك...: سلطان والله انتو الريايل ما يغلبكم شي ويوم تيون على بنيه تبونها والموضوع فيه عرس ترتبكون ولا كأنكم مناصب ومتعودين على أصعب من هالمواقف لا حووول مب مشكلة أختك حاضرة سلطان: أقولج لا تذليني برمس وي أمي وأبوي بس وعقب تبين تخبرين سهيل وهند خبريهم.... طبعاً تجمع الكل عقب الغداء .... سلطان: أميه بغيتكم سالفة أنتي والوالد لو سمحتوا.... طبعا سهيل وهند مايعرفون شي ومستغربين سلطان أنه يرمس كأنه في إجتماع عفراء تبتسم لأنه تعرف شو اللي بيرمس فيه سلطان أم سلطان : قول فديتك شو عندك؟ بو سلطان ساكت يتريا سلطان يرمس... سلطان منحرج: بصراحة أميه أنا أباأعرس ..... أم سلطان بفرح مب مصدقه: سلطان صدق أميه تبا تعرس ولا تمزح ويايه؟ سلطان يبتسم : أميه هالسوالف ما فيها مزاح أم سلطان تنش وتلوي على ولدها وتصيح وسلطان حاضن أمه ويحاول يسكتها وهند وعفراء دمعت عيونهم من الفرح هند: اخيراً بيتنا بيستوي فيه عرس ياسلااااام.. سلطان يغمز لهند: عقبالكم إن شاء الله... ينش سهيل ويخاشم أخوه ويباركله أم سلطان: يالله ياسلطان مابغيت من متى وأنا أتريا تي وتقولي هالرمسه... سلطان : خلاص قلتها انزين ولا تصيحين أنا روحي متوتر وهب عارف شجايل افتح معاكم الموضوع... بو سلطان: بالبركة يا بو مايد ومنو تبانا نختارلك؟ سلطان هني تغير ويهه وعلى طول يات عينه على عفراء ...عفراء هني فهمت شو يبا سلطان... عفراء: أبويه سلطان فيه وحده باله مايبا من بنات عمي.... بو سلطان : منو أنزين نعرفها نحن... عفراء: هيه ميثا بنت ولد خال أمي تعرفونها ربيعتي في الدوام... أم سلطان: والنعم والله اسميها بنت يا حافظ عليها.... بو سلطان: انزين يمكن البنت مخطوبه حد من عيال عمها ولا خالها حد نشدها قبل لا نسير نخطب؟ عفراء: هيه ابويه انا نشدتها وقالت محد رمس عليها للحين يعني شاغر هند وسهيل يضحكون على تعليق عفراء بو سلطان: صدق أنه لسانج طويل شو شاغر وظيفة المهم شوف يوم يا سلطان تكون فاضي عسب أمك تتصل فيهم وتخبرهم عن الموضوع ونسير نخطب رسمي سلطان وهو فرحان: إن شاء الله أبويه أنا صراحة ابا يوم الخميس هذا شو رايج أم سلطان... أم سلطان تنزل راسها وتكمل صياح من الفرحة..... أم سلطان: اللي تشوفه جان تبى اليوم من عيوني يعلني أفداك... سهيل : خيبه جي باجر الخميس مسرعك حاربحار بوالشباب ....ههههههههه يضحكون الجميع ويلسوا يسولفون وظهروا البنات فوق يتفوقون ومن حجرة عفراء وهند حذالها دقت لميثا وحطت سبيكر عسب هند تسمع..... ميثا: هلا عفروه ... عفراء بدلع: هلا وغلا بالعروس هلا والله بحرمة أخوي أنا هههههههه ميثا وهي مستحيه: ها ها ها بايخه.... عفراء: يالله تعرفين تستحين بعد زين زين ههههههه هند تضحك وي عفراء.... ميثا: شو فيج مستانسه وبطيرين من الفرحة... عفراء: والله اتصلت فيج عسب أهيأج نفسياً باجر بيون الأهل عندكم يخطبون ... ميثا مب مصدقه وسكتت هند وعفراء ينقعون ضحك............... عفراء: ألووووو شو صدمه صح ههههههه صدق ميثاني باجر بني نخطب والصبح امي بتتصل في أمج وبتخبرهم... ميثا مب عارفه شو ترمس: شو جي بسرعة عفراء: مافيه نحن ناس ندق الحديد وهو ساخن ميثا: لا صبر خليني اتنفس أحس الدنيا دور أنا في حلم ولا بعلم عفراء: المهم بغيت أخبرج عسب تتجهزين باجر اوكيك ونتشاوف يوم السبت إن شاء الله..... ميثا: لا تبندين الحينه أرفعني معنوياي وي ويهج والله انه قلبي بيظهر من مكانه من الخوف... عفراء: أقولج باجر عندنا نشاط في المدرسة وبسير مافيني أنتي مب مشاركة ويانا وراي شغل لأنه في طالبات أبا أجتمع مع أولياء أمورهم عسب الدراسة وطولة لسانهم فخليني أخمد وانتي زهبي نفسج هههههههه ميثا: ليش ما قلتي بسجل عسب احضر وياج عفراء : لا مايحتاي مبا أتعب حرمة أخوي... ميثا: سخيفة انتي ويضحكون الجميع ويلسو يسولفون..................... وأنتظرو الجزء الأهم في حياة عفراء والأحداث اللي بتصير في خطوبة سلطان والسموحة منكم على التأخير بس النت ما طاع يفتح اليوم والحمد الله فرجت واتريا ردودكم الغاوية.................... وتقبلوا مني أرق وردة عاشقة الاحزان 07-04-2005, 01:58 (الفصل السابع) اليوم الخميس الصبح أتصلت أم سلطان لأم ميثا تخبرها بالسالفة ورحبوا فيهم وأتفقوا عقب المغرب يسيرون ... يلست أم سلطان وي هند تخبرها انهم بيسرون وي أهل ميثا شرات ما اتفقت مع أهل البنيه طبعا سلطان مب راقد وناش من الغبشة يعرف شو السالفة وشاف امه وهند يسولفون ومستانسين وسلم عليهم ويلس يسولف وياهم وهو فرحان أنه أهل ميثا يتريونهم اليوم طبعا اكتملت الشلة وي سهيل نزل وياهم وتجمعوا ..... سهيل يسلم وعطول يخاشم أخوه.... سهيل : حي الله معرسنا شحالك شو الأعصاب اليوم.... أم سلطان وهند يضحكون على رمسة سهيل لأنه أكثر واحد يعرف يرفع الضغط وخاصة وي سلطان... سلطان: اسكت من البارح هب راقد يالس اخطط شو برمس... شو بقول... حتى اللبس مب عارف شجايل بكشخ.... أم سلطان: فديت بو مايد أنا شو ماتلبس ماشاء الله عليك تعق الطير من السماء سلطان: اميه ما تعرفين سوالف البنات شو يحبون شوما يحبون سهيل: اقولك تعال غرفتك بنسوي برفوة قبل لا تسير تفضحنا تظهر خسف جدام العرب ههههههههه سلطان : أنا خسف يالخام ما عليه هب منك... من اللي يبا شورك في شي هند: سلطان تعال فديتك أنا بي وياك جي ذليته عفانا الله .... سهيل: لا والله أسولف وياه حاضرين للطيبين أم سلطان تقاطع الحشرة هذه بسؤال غريب.... لسطان أم سلطان: إلا بنشدك سلطان أنت وين شفتها ميثا أشوفك وايد متخبل جذا عليها؟ سلطان: كنت ظاهر من البيت... وهي يايه البيت مع عفروه وشفتها صراحة دخلت راسي عطول..... سهيل يدق على ظهر أخوه ويرمسه بمكر: راسك ولااااااااا... قلبك..... والله وكلاء النيابة يتلاعبون بالألفاظ ههههههههههههه يضحكون كلهم وتتمنى أم سلطان الله يوفقهم في هالروحة يظهر سهيل وي أخوه يشوفون البروفوه هند طبعا تبرعت عليها الدخون ودهن العود وقالت تبا تشوفه عقب ما يكون خالص مول ... ظهر سلطان وكان صدق كاشخ بالقوووووو ....فتحت هند عيونها هند: الله سلطااااااان فديت روحك شو ها أخوي عذاااااب وأنا مدري وين داسه الزين كله.... سلطان: مبا مجاملات صدق والله شو رايج..... هند: ماتبا مني يمين إذا شافتك ميثا بتموووت ياو يل حالي على اخويه انا.... فديت شيخ الشباب سلطان وهو مستحي: أقولج شوي شوي عليه رمستج عوده تراها خفي عليه اليوم بس سهيل يمزح: اتخبرك باجر ميثا بتقول هالرمسه شو بتسوي خخخخخخخ سلطان: وايد مستظرف دمك اليوم انته.... هند: سلطان طلبتك قول تم..... سلطان: عيوني لج آمري.... هند : أنا بدخنك وبعطرك قبل لا تظهر الله يخليك .... سلطان يضحك: بس جي خلااااااص تم ... سهيل : هند أشوف طاح كرتي أنا..... ترى بسير وياهم ما قلت يعني بتسويلي شي هيييييه يالدنيا هند: أقولك لا تسويلي فيها فيلم قديم أنت تعرف تكشخ روحك... بعدين سلطان معرس لازم معاملة خاصة سهيل: بس انزين لا تنفخونه بتتبطل براغيه علينا ههههههههههه ************* الظهر الساعة 12.30 ردت عفراء تعبانه استقبلها سلطان وخذاها على الغرفة مالته قبل الغداء عفراء : خلني افسخ عباتي خذيتني بشراع وميداف شو فيك؟ سلطان: عفاري خبريني مرة ثانية شو قالت لج ميثوه؟ عفراء تضحك: يالله استوت ميثوه قبل الآنسه ميثا.... سلطان: لا حووول الحينه انتي متأكده انها معجبه فيني وتباني وموافقة؟ عفراء: هيه متأكدة مليون بالمائة تباني أتصل فيها الحينه عسب تسمع... سلطان : هيه عفروه دخليج عسب قلبي يرتاح بس عفراء دق لميثاء... وتحط سبيكر... ميثا: هلا عفاري ... عفراء: هلا والله هلا بالعروس شحالج؟ ميثا وايد مستحية ومرتبكه: عفروووووه بس عاد اوف... سلطان يضحك بصوت واطي عفراء: اقولج كيف معنوياتج..؟ ميثا: وايد خايفةعفراء والله احس قلبي بيظهر من مكانه.. سلطان يحط أيده على صدره ويهمس في أذن عفراء : ليته قلبي عفراء تضحك: أحلفي أنتي بس...شو منه ؟؟ ميثا: مدري عفراء خايفة من أختياري لسلطان عفراء قفط ويها من سلطان واللي سمعه... أشر سلطان لعفراءتسأل ميثا ليش؟ عفراء: ليش انزين ميثا سمعتي شي ولا شو بالضبط...؟ ميثا: لا حشا والله بس أحس شخصية سلطان غامضة ومافيها وضوح مدري.... مدري بس متروعه وايد..... عفراء: أقولج ميثوه اسمعي لا تكسرين قلب سلطان والله انه من خاطره يباج وماتعرفين شكثر يحسب الأيام عسب يي هاليوم ميثا فرحانه: قولي والله ولا بس تقولين جي عشان ما أخاف سلطان كان خاطره يرمس ميثا ويطمن قلبها اللي يالس يتفداه من الصبح ويتفدى صوتها الحلو عفراء: لا والله ميثا مب لأنه سلطان أخوي وأمدحه تعرفين مافيه إنسان كامل لكن أخوي على الأقل عاقل هب طايش وبيصونج وبيدلعج وكل شي تبينه بيسويه لأنه شاريج ميثا: ويييييه سلطان يعرف يدلع زين زين يعني فيه أمل..... عفراء تنقع من الضحك وطالع سلطان ويهه قافط وميود نفسه لا يرمس ميثا: ليش تضحكين ؟ عفراء: اقولج بخليج الحينه ابا ارتاح يوعانه وفيني رقاد ونشوف حرمة أخوي يوم السبت ميثا: برايج عيل أنا بعد وراي شغل أبا اكشخ عشان أمج يوم بتي ... عفراء: اوكيه الغلا يالله فمان الله ميثا: اقولج سلمي اوكيه وتعرفين على منو لا تستهبلين عفراء تضحك : خلاص وصل يالله عاد اجلبي ويهج ميثا تضحك: فمان الكريم سلطان ويهه متغير وعفراء تضحك : والله مسوي رعب للبنيه يحليلها سلطان يبتسم: الحين في ذمتج أنا ما أعرف أدلع عفراء ميته ضحك: صراحة ماقد مرة شفتك دلع ههههههههههه سلطان: ما عليه دواج أنتي وياه بتشوفين.... بخليها تندم أنها فكرت بيوم أني إنسان جاسي عفراء: يا ويل حالي أنا ....المهم يالله نسير نتغدى تلاقي ابوي وامي يتريونا سلطان: عفروه ميثا صوتها حلو.... ضحكتها تخبل بغيت اطيح يوم ضحكت عفراء: عداااال طيح الله يخليك.... ابا اشوفكم يوم بترومسون وي بعض انت وياها مالت عليكم ********** نزلوا وتجمعوا على الغداء سوالف وضحك يلس سلطان وي أبوه عشان يتفوقون شو بيرمسون وي العرب مر الوقت وكشخ سلطان وسهيل وساروا وي ابوهم وأم سلطان وياهم في ميلس الريايل كانوا أهل ميثا يتريون أهل سلطان ...... بو سلطان: بو ميثا ترى اليوم ياين نخطب بنتك ميثا حق ولدنا سلطان ونحن أهل ومالنا عذر عن بعض ولا أنته شو تشوف؟ بو ميثا: والله ما عندنا مانع يا بو سلطان وسلطان ولدنا ونعرفه لكن البنت عندها عيال عم وعيال خال ونبا نشاور أهلها إذا محد عنده مانع ومحد منهم يباها فميثا لسلطان بوسلطان: حقكم يا بو ميثا بس مانباك تبطى علينا بوميثا: فالك طيب الأسبوع الياي الرد بيكون عندكم إن شاء الله سلطان تضايج وايد وحس انه أسبوع وايد بالنسبة له وبعد سالفة عيال عمها وخالها هذه خوفته لأنه فيه احتمال ميثا تطير من أيده .... ردوا الجماعة من بيتهم قوم ميثا.... وسلطان معتفس ويهه من سالفة الأسبوع الياي... والبنات كانوا يتريوا النتيجة عفراء وهند لاحظوا انه سلطان متضيج وايد وما كان يتوقع انه السالفة فيها مشاور ..... تجمعوا كلهم ويلسوا بعد صلاة العشاء عفراء: هاأبويه شو سويتوا ... بو سلطان: ماشي رمسنا أبو ميثا وقال يبا يشاور أهله سلطان معصب: يعني الحينه مايعرفون انه عندهم بنيه في سن زواج وبيحل عليهم يوم انا تقدمت يعرفهم انه بنته نبتخطب؟ هند تمسك أيد سلطان: ما عليه فديتك يمكن محد بيرمس عليها..... سلطان: لا أدري أنا نحس عشان انا حطيت بالي بنيه عن خاطري اباها بيظهر لي عظم في البلعوم.... عفراء تحاول تغير السالفة: ها اميه شو رايج في ميثوه..... أم سلطان: يا حافظ عليها شو جمال شو متعدله..... سلمت عليه عيني عليها بارده شو هذا الشعر والعيووون... سلطان معصب: اميه دخيلج لا تزيدين عليه تتوصفينها جدامي ارحموني شوي يضحكون كلهم لأنه سلطان صدق واصل حده للأخير.... وكان خاطره ليوم يتم كل شي ويشوف ميثا ويحط عينه بعينها ويحسسها انه إنسان فيه مشاعر ...مب مشاعر عاديه كل المشاعر اللي تحلم فيها أي بنت..... بوسلطان: ماعليك وأنا أبوك بتصل في الريال قبل الموعد وبستعيله وأنا متفائل حسيت الريال شارنك.... سهيل: والله هب بشوره وين بيحصلون شرات أخوي سلطان .... هند: صدقه سهيل يحمدون ربهم أخوي سلطان بياخذ بنتهم.... عفراء ما عيبها أسلوب هند وسهيل: مشكلة اليهال يوم يرمسون يابوي عيب حشموا هذيل أهل ميثا وناس طيبين هب زين وهالشي من حقهم.... هند: دافعين عن ربيعتج يعني فرحانه عفروه ربيعتها وحرمت اخوها ترتيب ههههههه سهيل يضحك وي هند ....أم سلطان تبا تهدي ولدها أم سلطان: سلطان؟ سلطان: عونج اميه؟؟ أم سلطان: أقولك ميثا لك إن شاء الله ومابياخذها حد غيرك سلطان: الله يسمع منج اميه دعيلي .... بوسلطان: دق عمك راشد اليوم يباني الساعة9.30 مدري شو عنده سلطان :برايك ابويه سير شوفه..... عفراء فاتحه عيونها مستغربه من الحاله اللي وصل فيها سلطان معقولة سلطان يحب ميثا ويخاف يخسرها ......... هني يدق تليفون عفراء وكانت ميثا هي اللي داقه.... عفراء: اسمحولي ميثوه داقه اكيد تبا تعرف شو صار.... سلطان نقز قلبه من عرف انه ميثا اللي داقه .......... وطالع عفراء وفهمت شو يبا سلطان يبا يسمع صوت ميثا وشو سالفتها وي الأسبوع هذا..... عفراء: الو ميثا ارمسج عقب يالسين نشوف سالفتج ..... باي ميثا: اوكيه باي أم سلطان: شعنه ما رمستي البنيه..... يعلني افداها وافدى منطوقها عفراء : ابا أرمس سلطان شوي روحنا سلطان يرفع حاجبه من القهر ويتأفف وسهيل وهند طايحين تعليق على حالته...عفراء تسحب سلطان من ايده ويظهرون فوق في حجرة عفراء..... سلطان يالله دقي بسرعة.... عفراء من دون أعتراض دقت لميثا......... ميثا: مرحبا عفاري عفراء: سوري ميثوه ترى كلهم كانوا ويايه يوم انتي داقه ميثا: لاعادي شو استوى وياكم شو قال سلطان سلطان يهمس في أذن عفراء: أول مرة أعرف انه اسمي حلو عفراء تبتسم ودز سلطان عسب البنيه ماتسمع عفراء: ماشي أبوج موافق مبدئياً بس يبا يشاور أهلج قوم عمج وخوالج وسلطان محتشر يقول أسبوع وايد ويخاف انه حد من عيال عمج ولا عيال خالج يدخلون في السالفة ويخربون ميثا تضحك : لا تخافين عيال عمي كلهم صغار مافيه منافس لسطان بس تعرفين الوالد من باب الأحترام لأخوانه يبا يشاورهم والبقية من عيال خالي معرسين سلطان استانس وطاح على شبريت عفراء .... عفراء: في ذمتج صدق يعني ماشي بيعطل الخطوبة ميثا: لا ماظنتي وأبوي يا وسألني وقلت له موافقة وين بحصل شرات سلطان ماشاء الله عليه سلطان يهمس: لا دخليج شوي شوي عليه بمووووت عفراء تبند السبيكر بسرعة.... ميثا: عفروووووه حد وياج عفراء ارتبكت : لا محد ليش مشغله المسجل فرحانه خاطري ارقص ادرب على العرس ههههههه ميثا: خلينا نملج قبل عقب يسير خير عفراء : المهم مبروك مقدماً... وناس يسلمون عليج ووووايد ميثا وهي مستحية: ربي يسلمه من الشر ويخليه لي إن شاء الله عفراء تضحك تشوف سلطان يسوي حركات....... عفراء: آمين وربج يتمم بخير..... ميثا: خليني ارقد صدق احس نفسي جني في امتحانات الجامعه ولا الثانويه هههههههه عفراء وسلطان يضحكون رباعه وتبند عفراء سلطان: ياويل حالي عليها آآآآه يحرم عليه الرقاد الليله من سمعت صوتها ورمستها الحمد الله يعني خلاص عفروه ميثا بتكون حليلتي جريب صح عفراء تبتسم لسلطان: هيه فديتك بأذن الله المهم ظهر سلطان وماقدر يرقد وفكر انه يكتب قصيدة أهداء لميثا ويعطيها عفراء يوم السبت عسب تقرها ميثا.... أفضى وكلمني سمعني بس صوتكلو هي دقيقة وبس من وقتك الغالي عطني مساحة حب أتعبني سكوتكخلي أعتبريني شي يعنيك بالتالي ضيعتني بصمتك ...توهتني بصمتيمدري متى الفرصة اتحقق آمالي يكفي غيابك طال وأنا أنتظر وقتيليتك تخليني أشكي لك أحوالي قول لي متى بسمع صوتك يداعبنييملا علي الكون...ياحالي ومالي أرجوك أوعدني وأعكس لي الحاصلواللي بدينا به خليه بالتالي أفضى وكلمني..خلينا نتواصللو مره في يومك من وقتك الغالي (كلمات الشاعر عبدالله بن شماء) ****************** صباح الجمعه الساعة 9.30 الكل ناش ويالسين يتريقون ويسولفون عن سالفة سلطان أبو سلطان: بغيت أخبركم عمكم راشد يوم الأحد بيون عندنا سلطان: غريبه العاده مايون إلا في المناسبات أبتسم بفرح بوسلطان: ترى بمناسبه بيون.... الكل سكت ويتريون يعرفون شو عندهم..... أم سلطان: ها بوسلطان شومناسبته بعد هذه..... بو سلطان: بيون يخطبون عفراء.... الكل هدوء وكل واحد يطالع الثاني وعفراء فاجه عيونها مستغربه.... أم سلطان : منو من عيالها.....؟ بوسلطان: خليفة كبر ولدج سلطان توه راد من الخارج خلص دكتوراه وتوظف في الجيش من شهرين بس راجع البلاد وخبر أبوه بالأسم يبا عفراء عفراء ويها منجلب فوق تحت وتذكرت خليفة يوم كانوا صغار يلعبون وكان دوم يلعب وياها انه ريلها ومحد بياخذها غيره....وتذكرت شكثر هو يخاف عليها من يوم صغار بس هي تحرت هذه لعبة وانتهت بمجرد كل واحد شاف مستقبله ورجع وهو حاط في باله عفراء وبس .. سلطان مستغرب: ليش عفراء مب هند يعني؟ بوسلطان: والله على رمسة أبوه يقول هو يباعفراء لأنه يباها من يوم صغار عفراء: أنزين أبويه هالرمسه من زمان يعني كان عمرنا تقريبا 10 سنوات بوسلطان ما يحب حد يكسر كلمته: عفراء ولد عمج ألزم فيج وبيصونج وبيحافظ عليج وأنا عطيت عمج كلمة ومبا فضايح جدام أخوي وعياله أم سلطان: شو فيه خليفة ماشاء الله عليه ما قد مرة سمعنا عنه شي عفراء كانت متضايجة بس ما تعرف من شو ولا تبي تحكم على خليفة قبل لا تشوفه وتسمع منه ياترى خليفة تغير وغيرته الدارسة والغربة ولا شرات ما هو .....؟ سهيل وهند مادخلوا بس هند حست انه عفراء متضايجة فدخلت عشان تريح اختها شوي هند: الله يعين خطوبتين في أسبوع واحد كشخه محد تجاوب وي رمسة هند بو سلطان ظهر حجرته وتمت أم سلطان والشباب يرمسون عادي كأنه هالشي من حق ولد عمهم بس عفراء كانت حاسه بنغزه في قلبها وخايفة من خليفة هند خذت عفراء وساروا حجرتها...... هند: شو بلاج عفاري ليش متضايجة المفروض تستانسين الكل يعرف منو خليفة والكل يمدحه من زمان وانتي أكثر وحده احتكيتي فيه؟ عفراء: اوكيه ما قلنا شي....بس قلبي ناغزني ما أعرف ليش... أدري أنه ولد عمي ستري وغطاي بس هل هو فعلا خليفة اللي عرفته هند تبتسم : شدراج يمكن السنين غيرته وبتشوفينه غير وأحلى من قبل عفراء: هزرج جي......؟ هند مابا أحساسي وخوفي وتوقعاتي تسبق اللي بشوفه بعيني هند: مافهمت شو قصدج؟ عفراء: تعرفين الشباب إذا سافروا يدرسون برى شجايل يردون لا مذهب لا سنة لا قبايل ينسون كل شي لا غيرة وماخذين كل شي عادي وفري وتحضر بس من زوايتهم الصعبه ويردون ناس مايعرفونهم لا اهلم ولا ناسهم... هند: شودراج يمكن خليفة تمسك بشخصيته وماخلا شي يدخل ويمحي عاداتنا وتقاليدنا هب شوي عفروه صعب ترى الإنسان يتخلى عن جلده وبلاده عكس يمكن يشتاق للبلاد عفراء: يارب هند الله يسمع منج والله يستر وما يخيب ظني فيه .... مر اليوم ببطئ وبال عفراء مشغول في خليفة ولد عمها إلا شاله عنه ذكريات حلوه مع خليفةلما كانوا صغار بوظبي... وتخاف انه سفره يشوه الصورة اللي هي راسمتها له طول هالسنين بس بنفس الوقت فرحانه انه خليفة حاط في باله الإنسانه اللي عرفها من يوم صغير.......... يلست روحها في غرفتها مستانسه أنه ميثا وسلطان الله بيجمعهم وخليفة وهي بنفس الأسبوع سبحان الله .... يلست وشغلت F.m أغنية ميحد ( لاتذكرني بحبك ياغناتي ...ولا تذكرني بماضيك الجميل..في صدى ذكراك بقزر حياتي ...مستحيل أحب غيرك مستحيل..أنت عمري وأنت أغلى ذكرياتي...أنت في قلبي ولا غيرك خليل...أنتي عيني اللي بها شفت البهاتي وأنتي لي في مقلة عيوني نزيه...) والسموحة منكم وأشوفكم على خير مع الجزء الثامن بأذنه وأتريا تعليقاتكم وآرائكم وتوقعاتكم مصرقع بس عاقل 07-04-2005, 04:35 مشكورة اختي فعلا مجهود تقومين فيه تشكرين عليه بس ودي اعرف وش قصه سلطان بكل القصص يعني لهدرجه انا مشهوووووووووور هههههههههههههههه يعطيك العافيه بايوووووووووووووووووووو nuor 07-04-2005, 11:12 أشكرك أختي على الأجزاء الجديدة وانتظر الباقي تحياتي عاشقة الاحزان 09-04-2005, 21:52 ( الجزء الثامن) يوم السبت الكل نشيط وفرحان وخاصة سلطان لأنه خلاص صار متوثق من موضوعه وي ميثا سهيل يسولف وي هند لأنها بداوم الجامعه.... سهيل: هند عاد هالله هالله في عمرج الغالية ترى بنشد موزة عنج خخخخخخخ هند: مايخصك في البنت شلها من راسك عفانا الله سهيل: والله ماأشلها أبا أشذ عن القاعدة وآخذ وحده من برى العائلة ذبحتونا نبا نحسن الإنتاج شوي ههههههههههه سهيل وهند يضحكون سلطان: اووه أخوي سهيل يفكر ياخذ وحده من برى العايله زين زين سهيل: أكيييييد لاعة جبدونا هذه بنت عمك ويطيحون يمدحونها والمفروض انها ما تظهر برى ومدري شو آخر شي تطيح في جبدك يا عمي خلنا بعيد هند: حتى أنا صراحة وي سهيل في كلامه الله قال وجعلناكم شعوباً وقبائل ..هب حصرياً وعلى البنت ولا الريال ياخذون من نفسه العائلة ولا بتحل عليهم لعنة الآباء الأبديه ههههههههههه يضحكون كلهم تنزل عفراء مسهمه وتفكر في موضوع خليفة ولد عمها عفراء: السلام عليكم الجميع: عليج السلام هند: عفراء أنا عن نفسي صراحة باخذ من برى العايلة مبا من شباب عائلتنا الفاشلين ههههههه سهيل: شو قصدج فهد فاشل هند: أقولك يوم تطري حد أطرح واحد صح مب هذا الغبي سلطان: هند عيب فديتج مهما كان ولد عمج هندتكمل كلامها: أقولك سهيل ... لا تخليه ينسى نفسه ويفكر فيني ها سهيل من صدق عصب لأنه فهد قريب وايد منه: أقولج تحمدي ربج لو فكر فيج اصلا بعدين ما خليتي شي في الريال صاحي وهو من الأساس ماقال ولا رمس لأنه يحب وحده ثانية وبياخذها أرتحتي هند تضحك: وي يحليله يعرف يحب الله يهنيه... سهيل: أقول...مب حلوة منج يالجامعية يالمثقفة ياأم مشاعر حساسه تستحقرين أي شخص أو تتمصخرين عليه وخاصة في مشاعره مهما كان إنسان حاله حالج اسمحولي انا بظهر قبل لا أغلط ..... هند: ربي يحفظك يا المتنبي سلطان : هند شو فيج سهيل ماقال شي عشان ترمسينه بهالأسلوب هند: أنا أرمس عن فهد ما رمست عنه عفراء: ظنتي تعرفين علاقة سهيل بولد عمي فهد بعدين أقولج أياً كان الفارق اللي مبينج وبين أي إنسان المفروض ما تتطالعينه من فوق لأنه له مشاعر وأنتي لج مشاعر فحرام الرمسه اللي قلتيها عن فهد والله مايستاهل سلطان: اتصلي في سهيل قبل لا يوصل الدوام وأعتذرليه يالله عفاري قوم بوصلج عفراء: أحلف أنته بس ...ياااااسلااااااام كله هذا عشان عيوني سلطان: دخيلج لوعتي بجبدي قومي انزين يالله بتأخر على الدوام ظهروا عفراء وسلطان ويلست هند تفكر في الرمسه اللي قالتها وأن هذا رايها في ولد عمها اللي سهيل نفسه مرات يتمصخر عليه وهي من خلال هالشي رسمت صورة عنه..بس هل فعلا هالشي يعطيها الحق أنها تستخف بشخصية أي إنسان وتعتبره انه مايعرف بأصول المشاعر والحب؟ أتصلت هند بسهيل ...... سهيل: خيررررررررر...نعم فيه شي نسيتي تقولينه عسب اخبره راي بنت عمه فيه هند : أفا عليك ما يطيع زينك .... سهيل حبيبي والله آسفه بس هذه وجهة نظري؟؟؟ سهيل: طاع هذه مصدقه عمرها أقولج يوم تحسين نفسج غلطانه وتبين صدق تعتذرين دقي اوكيه ..صح نسيت أقولج من تواضع لله رفعه بااااااي هند استغربت ردة فعل سهيل القوية..... سوت طاف وسارت الجامعه في الطريق وي سلطان وعفراء.... وصلوا المدرسة... وقبل لا تنزل عطاها الورقه عفراء: اووويه شو ها براشيم خخخخخخخخخخ سلطان: ها ها بايخه ...عطيها ميثا ولا تفتحينها اوكيه يعني عن اللقافه عفراء: لا اسمحلي انتو بعدكم مخطوبين ما ملجتوا عسب تسوي هالحركات سلطان: بتعطينها ولا أنزل روحي اعطيها عفراء: خيييييييييييبه مقوووووواك سلطان : خيبه تخيب العدو اسمعي الكلام يالله أخرتيني يعلج العافية عفراء تضحك : إن شاء الله دير بالك سلطان : وانتي بعد وسلمي روح سلطان دخلت عفراء المدرسة..... شافت ميثا سلمت عليها ....ويلسوا في الإدارة عفراء: شحالج ميثوه مبروك حبيبتي ويارب اخوي سلطان يحدد العرس عطول ميثا: الله يبارك فيج والفال لج عفراء: تغير ويها.... آمين ميثا: عفراء شو بلاج تغير ويهج عاد أنتي يبين فيج بسرعة من تستهمين؟ عفراء: مابتصدقين لو قلت لج؟ ميثا: لا ورفجة أصدق قولي عفراء: أنا بنخطب يوم الأحد ميثا تفتح عيونها: لا هب صحيح تمزحين صح؟ عفراء تبستم: لا والله ياميثا صدق ولد عمي خليفة ميثا تحضن عفراء: مبرووووك الله روعه عفاري أنا وأنتي صدق ولا في الأحلام..وليش أنتي متضايجة؟ عفراء: خايفة يكون متغير مب خليفة ولد عمي اللي عرفته يوم كنا صغار ميثا تضحك: عفاري والله أنتي تفكيرج مال أول خلاص الحينه كم سنة مرت.... الريال كبر وصار له شخصية غير ويمكن تغير للأحسن يعني لا تصيحين قبل لا طيحين عفراء تضحك: صدقج والله...اوه صح نسيت أقولج ميثا: خير عفراء: الخير بويهج فديتج...فيه شي من عند سلطان لج مدري تبينه ولا أرده ميثا فرحانه: قولي والله وين بسرعة يبي؟ عفراء: أول شي يسلم عليج وقالي أعطيج هالورقة عاد شو فيها مدري يحليله أخوي من شافج ما يدري وين الله حاطنه ههههههههه ميثا تاخذ الورقه: حرام عليح عفروه سلطان غير عفراء: هيه صح غير.... أنا بعد أقول جي هههههههه تدخل الوكيله : أبله عفراء فيه واحد يبا يشوفج في مكتبج عفراء: إن شاء الله يايه مشكورة ميثا: منو هذه بعد من صباح الله خير شكله ما عنده شغل؟ عفراء تنقع من الضحك: اسكتي أنتي اقري وخبريني شو كاتب الشاعر يضحكون وتظهر عفراء من مكتب ميثا وتسيرمكتبها.... عفراء: السلام عليكم .... الريال الغريب: عليج السلام أنتي عفراء سعيد الإخصائية الإجتماعية هني صح عفراء مستغربه: هيه نعم أخوي أقدر أخدمك في شي؟ الريال يتأمل ملامح عفراء لدرجة انها لاحظة وزاد ارتباكها -: أخوي مرة وحده ليش عاد هالتكلفة ؟ عفراء بدت تعصب: للمرة الثانية وما بعيد رمستي بشو أقدر أخدمك الريال الغريب: أفا فيه وحده ترمس ولي أمرها هالشكل عفراء بعصبية: نعم الظاهر نسيت نفسك تفضل أطلع برى الريال: عفراء في ذمتج ما عرفتيني منو أنا....؟؟ أيلسي لا تفضحينا يلست عفراء وحاولت تمسك أعصابها: لا ما عرفتك ولو فيه شي أقدر اسويه لك تفضل أما تنسى نفسك وأنت ترمسني فأقولك اسمحلي وما عندي وقت أضيعه في الرمسه الفاضية الريال معجب بأسلوب عفراء القوي: مستويه قوية من يوم يومج وأنتي جي اسميني انضربت منج يوم كنا صغار.... عفراء أنقبض قلبها: صغااار؟ أنت منو؟ الريال وبكل ثقة: خليفة ولد عمج يا عفراء عفراء ويها يعورها من كثر القفطة ومب عارفه شو ترد خليفة: بصراحة ماخيبتي ظني فيج شحالج عفراء: خليفة الله يهداك هذا وقته ياي الدوام بس عسب تقولي هالرمسه خليفة: باجر بكون خطيبج مافيها شي عفراء: خليفة الله يخليك هب هني لو سمحت خليفة وهو يمزح: شو بتضريبني بعد شرات قبل عفراء تحاول تخفي إبتسامتها: لا محشوم خليفة: هب بشورج المهم نتشاوف باجر والسموحة منج بس شوقي وقلبي ما خلوني بحالي والحينه ارتحت شوي عفراء: الحين ضارب خط من بوظبي للعين بس عسب تقولي ولي أمرج ومدري شو؟ صدق متفيج؟ خليفة يحاول يكتم الضحكة: وماشاء الله استوى لسانج أطول شو مستويه لبوة ؟ عفراء: خليفة عطيتك وايد من وقتي ترى أحسن تروح قبل لحد يرمس عليه من المعلمات مب ناقصة خليفة: ماعاش اللي يرمس على حرمة خليفة... بعدين عفكرة مب وقتج بس اللي بتعطيني إياه عمرج كله لا تنسنين هالشي عفراء: أستوالك راس والله وصرت تآمر خليفة هو معصب: شكلي غلط يوم ييت لكن هالعناد وطولة اللسان يبالج ترويض وعلى أيدي إنشا الله يابنت سعيد عفراء: والله مشكلة سرت برى وعلموك ترمس خليفة : أشوفج باجر ولج حساب ثاااني عفراء : خوفتني دخيلك صدق مابرقد اليوم خليفة: عفراء أنا من الصبح أرمسج بأحترم ولا الغرب أولياء أمور الطالبات تعاملينهم غير عني؟ عفراء بغياض: تبا الصراحة هيه لأنهم مايتجروأن ينسون نفسهم يون المدرسة بس عسب يدقون سوالف ومتفيجين؟ خليفة نش معصب : أسلم عليج سلمي على عمي عفراء: يوصل يا ولد راشد خليفة ظهر وعيونه كلها شراروكان في نفسه ناوي يسوي شي لكن بتعرفه عفراء عقب يوم بي خليفة يخطبها بالباجر دخلت ميثا بسرعة ولقت عفراء مستشيطة للآخر ...... ميثا: شو بلاكم منو ها المزيون صراحة ماشاء الله عليه عفراء: دخليج شو فايدة الأشكال دام النفس خايسه والخشم فوق ميثا: منو انزين؟ عفراء: تخيلي خليفة ياي من بوظبي للعين وفي دوامي بس عشان يقولي انه ماقدر يصبر لين باجر ...صدق ناس فايجة ميثا ناقعه من الضحك: صراحة هالريال قوووووووي أثره في حد أقوى عن سلطان عفراء: إنشالله ميثوه منقولة الرمسه شوفي سلطان شو بيسوي فيج إذا عرف انج تتغزلين في واحد غيره ولا تمدحينه بعد ميثا: والله هب غريب خطيب ربيعتي ولا نسيتي موعدج باجرههههههه عفراء تضحك: أقولج شو كاتب سلطان في ذمتج والله ما دسين شي عني؟ ميثا: كاتب قصيدة وحاط آخر شي رقمه عفراء: وووويييييه صدق أخوي مايستحي يرقمج يتريا إنزين لين ما تملجون عقب رمسوا بعض ميثا بثقة: أقولج سلمي على سلطان وقوليله مشكور على القصيدة الحلوة لكن لا يحلم أنه يرمسني قبل لا تم الخطوبه ونملج وأحسن شي لا ياكل قرصه ني عفراء تضحك: يحليله... لا صدق ميثوه القوية ترد وترفض طلب أخويه سلطان.... لا صدق أحسن عسب يكون شكلكم صح على الأقل جدامنا كلنا ميثا: اللي يسمع الحينه أنا بوافق أرمسه ويييه عفراء: المهم يالله ورانا شغل وايد ميثا: هيه والله صدق الله يعين شجايل بنخلص اليوم *************** الساعة 10 الصبح بنفس اليوم في بريك عند هند في الجامعه يالسه هي وموزة في الكافتريا هند: أتخبرج موزوه شو استوالكم يوم ظهروتوا من بيتنا موزة مستغربه: ليش تنشدين؟ هند: بس جاوبي أنتي؟ موزة طبعاً خبرت هند بكل شي وإعجابها بالريال رغم انه دفش كان في تعامله وي الدريول هند تضحك : تعرفين منو هالريال؟ موزة: وأنا شودراني فيه؟ هند: أخوي سهيل موزة فتحت عيونها: في ذمتج هذا سهيل ؟ هند: هيه هب عايبنج ؟ موزة مستحية: لا ماقلت ربي يخليه لكم هند: محتشر ما خلا شي ما وصفج فيه موزة: والله ما عنده سالفة هند: صدقج والله ولا منو بيحتشرعليج يالخسفه ههههههه موزة: وييييه الحمد الله والشكر هند: تعالي ذكرتيني سهيل زعلان عليه اليوم خل ادقله أشوفه موزة: شو منه زعلان هند: ماشي سألني عن فهد وقلت فيه رأي بس وزعل موزة: أعرفهن آرائج أنتي أكيد نتفتي الريال هند: اسكتي بس خليني ادقله دقت هند للسهيل ومارد عليها ...ردت دقت مرة ثانية وبعد ما رد عليها هند: غريبه سهيل بالعادة لو شو كان مشغول يرد عليه صدق سوالي طاف بالقو سهيل في هاللحظة كان يشوف أتصال هند بس كعقاب لها مارد عليها عسب تتعلم تحترم الناس ولا تفر رمسه مالها داعي هند: اووويه موزوه مارد عليه أول مرة والله؟؟؟؟؟ موزة: تستاهلين أكيد شي عود في نظر سهيل ولا بيرد عليج هند : أقولج عندج مسج حلو أطرشه له بس يكوون في الصميم موزة : صبري شوي أشوف؟ هند: يكون مسج فيه عتب لأني متأكده أنه مايبا يرد علي موزة : شو رايج فيه ها.. ( واضح إني على الرف مركون...وواضح إني من قلبهم إمسحوني...آه يادنيا لو بمعزتهم يدرون...مافكروا في ساعتن ينتسوني..) هند مستانسه: عجيب صراحة طرشيه بسرعة طرشت موزة المسج لهند وطرشته للسهيل وتريوا النتيجة خمس دقايق وسهيل مطرش مسج.... ( ماعاد تفرق معاي لو تجي صدمتي فيك.."صدمات عمري" --(زودتني مناعة) – متساوية عندي وإذا قلت ما أخفيك.... كل شي أحبه (أتوقع ضياعه) هند فتحت عيونها وموزة تضحك عليها: صراحة تستاهلين شكله مستغيض عليج وايد هند: يالله ياسهيل أهون عليك طرش هالمسج؟ موزة : صبري أسمعي كلامي وطرشي هالمسج فضييع ( أجرح...مدام الجرح فيني يسليك..أجرح عساك تكون السبب في وفااااااتي) هند: لا أخاف حرام والله بيتروع عليه؟ موزة: طرشي أنتي بتشوفين طرشت هند المسج ....قرى سهيل المسج وعصب على طول دق هند شافت رقم سهيل خافت : اوووويه موزوه كله منج موزة: ردي انزين وشوفي... هند: مرحبا سهيل سهيل : شو هالمسج؟ هند: شو فيه؟ سهيل: والله يا هند لو طرشتي مسجات شرات هذه مرة ثانية بترفس في بطنج هند: وأهون عليك ؟ سهيل: هيه عشان تتأدبين هند: والله مايخصني موزوه قالت اطرش لك هالمسج سهيل راحت العصبية عنه وأبتسم: موزوه أيووووه قوليلها تحتفظ مسجاتها النكد لنفسها طبعاً موزة تسمع وترد: الله يخليك من زين مسجاتك الحينه هند تضحك: بس انتو الأثنين المهم سهيل خلاص والله آسفه سهيل يضحك: عشان موزة بسامحج بس ولا أنتي يبالج ضرب هند تبتسم: مب مشكلة.... لنا الله ياخي سهيل: فديت روحج كليتي ولا بعدج؟ هند: لا يالسين تونا بناكل سهيل: خلاص بخليج كلي ولحقوا على المحاضرات اوكيك هند: اوكيه ************ الظهر الكل في البيت طبعا عفراء وصلتها ميثا لأنه سلطان تأخر عليها ... الكل بعد الغداء مشغول في حجرته... دخلت هند على عفراء وقعدوا يسولفون عن خليفة وشو بتلبس وبما أن هند أخت عفراء الوحيدة طبعا حكت لها سالفة زيارة خليفة الجرئية والمفاجأة في المدرسة هند: ياووووويلي مقوووواه صح أتخبرج عفروه شجايل شكله ؟ عفراء مستحية: صراحة ....صراحة؟؟؟ هند: يالله عاد عن الدلع وجاوبي بأمانه عفروه .... عفراء: متغير 180 درجة مب خليفة الخسف الصغير اللي عرفته هند تضحك: والله ما عندج سالفة الريال سافر برى وكبر الحين اللي يسمع من زينج مسويه عقصين ومسمره وسلاسيل نازله شو تتنقدين بعد هو أرحم ويا شعره اللي كان واقف والله صوركم أدله عليكم أنكم بالقو كنتم خسفين عفراء: هب منج انزين من اللي عطاج ويه ويخبرج اصلا قومي فارجي هند: لا والله سوالف يعني حرام أكشف الملفات السرية لا صدق قولي كيف شكله الحينه؟ عفراء: للأمانه شكله وسييييييييم ويطير العقل شو عريض شو كشخه شو عطر يشق الخشم غير غير صدق هند: والله صدق خلاص عيل مبروك عفراء: مبروك في عينج عقب رمسته يحلم ياخذني هند: عفروه نصيحة مني لا تسوين حق عمرج مشاكل اصلا رايج مب مهم عفراء: الله في سماه ياهند لو أبوي يذبحني ما باخذه إلا يعتذرمني على الرمسه اللي قالها هند: أنتي استفزيته تراج.....هب بشوره لو مكانه كان لعنتج مب اللي فريت رمسه عفراء معصبة: هند فيه أشياء أنتي ماتفهمينها هو كان يرمس أني على أساس الجارية مالته أو أنه ملكية أو صك بأسمه ... ورجع عسب ياخذني شو يتحراني أترياه هند: عفروه لا تاخذين الموضوع بحساسية لأنج في النهاية أنتي اللي بتتعبين عفراء: الله يخليج أنا من الحين تعبانه هند: المهم حاولي تكسبين خليفة لأنه في النهاية بيكون ريلج وأبو عيالج عفراء: والله هب لازم عليه هو اللي محتاي هب أنا هند: عفاري صراحة أنتي شايفة عمرج عليه ليش جي.... هو مهما كان ولد عمج ويحبج عفراء: الله يخليج شكله مايعرف شو معنى الحب هذيل بس يتأمرون كأنه السلطان هند: سمعي عفروه يمكن أنا صغيرة لكن من رمستج عن خليفة وزيارته لج في المدرسه أنه متحمس للموضوع وشارنج عفراء: والله زيارته هذه عطتني فكرة كافية عنه... الله الغني عنه وعن الزواج هذا هند : المهم شو بتكخشين باجر تعرفين أنه لازم يشوفج عفراء: شورايج عاد أني بظهر لهم مبهدله وبلبس شي أقل عن العادي عاد تعرفين الشباب وشرات خليفة مسافر برى أول مايشوفني لابسه جي بيغير رايه هند: تسوينها عفروه أنتي وأخوي سلطان عنادكم غير شكل يخوف... عفراء: سيري ارتاحي أبا أرقد لأني صدق اليوم مواجهتي وي خليفة حسستني كأني راكضه ستين كيلوا هند تضحك وتكمل: بس لا تاخذين الموضوع من هالناحية لأني متأكده فيه شوية إعجاب من صوبج للخليفة .... عفراء: اجلبي ويهج ماعندي سالفة أعجب في واحد مايعرف يرمس وشايف عمره تظهر هند وسلطان توه كان ياي يدق الباب على عفراء سلطان: بسم الله الرحمن الرحيم...شو تبادلتوا الغرف أنتي وعفروه هند: لا كنا يالسين نسولف عن باجر سلطان: أعوذ بالله منكن بنات... مسكين خليفة أكيد قطعتوا الريال هند تضحك: لا بس نحط توقعات جي تعرف سوالف بنات سلطان: عفراء داخل هند: هيه ... سارت هند ودق الباب سلطان مع انه الباب مفتوح سلطان: هود هود... عفراء تضحك: قرب سلطان: سلاااااام عليهم عفراء: عليك السلام سلطان: شوفي أنا تعبان بأختصار شو مافيه شي حقي من عند ميثاني عفراء: لا ماشي وتسلم عليك وتقولك لا تحط ببالك ترمسها قبل الملجه سلطان: خيبه مقواها وأنا فرحان قلت بفتح تليفوني عقب الدوام بحصل مس كول ولا مسج؟ عفراء: سلطان أثقل شوي عاااد عفانا الله شو فيك سلطان: إن شاء الله بنشوف منو اللي بيتراقل باجر ... سلااام ههههههه عفراء: خذ الباب في أيدك *********************** يلست عفراء تفكر طول اليوم في الليل وبالصالة الكل يجهز للزيارة العم راشد وخطوبة عفراء والعروس كأنه ما يخصها في شي ...... أم سلطان: عفراااااء ...عفروووووه عفراء : عونج أميه أم سلطان: شو... أشوفج ما تساعدينا في شي ولا جنه اللي بيون باجر قوم عمج يخطبونج عفراء بعدم أهتمام: أنزين شو يعني أم سلطان: عفروووووه شو تحت راسج؟ عفراء: ماشي شو مثلا بسوي مهمه أنتحارية وبفجر نفسي يوم بيون سهيل نقع من الضحك لأنه كان يالسه يساعد أمه أم سلطان: ياخفة دمج سيري ميلس الحريم وشيكي عليه شو فيه شو ناقص ودخنيه عفراء: الناس باجر بيون أدخنه من الليل ليش؟ أم سلطان: تراني ما أحب حد يراددني في الرمسه ...عسب الريحة تمسك في الميلس وتسوي خنه حلوه تراج شيبتي راسي عفراء: مالي خاطر لا اشيك ولا غيره تعبون نفسكم وفي الأخير برفض شحجه سهيل معصب: شووووه تبين تفضحينا ليش ترفضينه وأنتي بعدج حتى ما شفتيه أو سمعتي عنه شي؟ عفراء: عايفته مباه لايعه جبدي منه سهيل: عفراء أنتي الكبيرة ...وللحين ماسك أعصابي وتعوذي من الشيطان وحشمي الناس اللي بيون باجر وإذا شفتيه وما عيبج محد بيغصبج عليه بس تعطينا سبب مقنع مب منا والدرب أم سلطان: أنتي شوفيج اليوم متخبله ... الشور هب وياج أبوج موافق وأنا وأخوانج عفراء: بتخبركم أنتو بتعيشون وياه ولا أنا؟ الشور شوري وإذا أنا هب موافقة مافيه زواج ولو أنتو موافقين ... شو رايكم في الرمسه سهيل: أنتي دواج وي أبوي وسلطان أم سلطان: والله ما توقعت العاقل تسوي جي ... لكن أبوج اللي بيرمسج هب أنا ظهرت عفراء حجرتها وهي متضايجة وسألت نفسها هي ليش رمست جي دخلت هند هند: عفروه شو السالفة أمي صوتها واصل لين فوق عندي ؟ عفراء: عطيتهم كاش في الويه أني هب موافقة على خليفة هند: والله أنتي دورين حق عمرج الرمسه هذه أمي جي الله يعين أبوي وسلطان لأنه الكل معجب بخليفة ويتمنونه عفراء بعصبية: هيه يتمنونه إلا أنا ما أتمناه ولا يشرفني أصلا آخذ شخص في نظره مب تارسه عينه هند : والله كيفج عورتي راسي *********** سهيل ينادي هند تساعده في ترتيب ميلس الريايل: هند بقولج شي بس لا تخبرين حد هند: خير شو فيه سهيل: الشباب الأربعاء بيسيرون دبي وانا بسير وياهم عرس واحد من ربعنا هناك بس.... أنا بقول لأبوي أنه عندي زام شورايج هند: اويه مالي خص تعرف أبوي لو عرف أنك جذبت عليه بيقطعك سهيل متضيج: المشكلة يبوني أتم وياهم 3 أيام هند: بعععععععععععد لا رحت فيها انته أحسنلك قول لأبوي عشان ما يحس انه نحن نخبي عليه شي بعدين الموضوع عادي وماظنتي بيرفض إذا قلت له عرس واحد من ربعك ويباكم وياه من الأربعاء؟ سهيل: شورج أخبره؟ هند : هيه؟ ******************************** تجمعوا الكل على العشاء واستوت السالفة كبيرة ما بين عفراء وأبوها وسلطان وكانوا يدورون في حلقة مفرغة مب عارفين سبب رفض عفراء القاطع للخليفة رغم انها ما احتكت فيه وماشافته لكن عفراء خافت تقول لهم عن زيارة خليفة والأسلوب اللي رمسها فيه سلطان بطريقته رمس أخته وأقنعها أنه تم بس خطوبه وإذا شافوا عليه شي محد بيجبرها عليه وافقت على راي سلطان وأبوها بس شرط عليها انها تعامل خليفة بأسلوب طيب ولا تحسسه أنه أقل منها في شي... وافقت وظهرت حجرتها وظهر سلطان يرتاح ويلست ام سلطان وأبو سلطان يتفقون على رمسه وحده اللي بتكون وي الريايل ومع الحريم .... أول ما خلصوا سهيل أستأذن أبوه عسب سالفة عرس ربيعه ...طبعا وافق أبو سلطان ورحب بهالشي لكن لو كان فيه ملجه لواحد من خوانه مايسير...سهيل وافق عدت الليله على خير........... ************************ اليوم الموعود الأحد بعد مارجع الكل من دوامه يلسوا مشغولين في الترتيب والطبخ المقبلات وهالسوالف لأنه عمهم راشد بيتعشون وياهم .... عفراء كانت وايد مرتبكة من المواجهه اللي بتصير بينها وبين خليفة.... هند كانت وي أختها طول اليوم وسلطان وسهيل مع أبوهم عقب المغرب وصلوا أهل خليفة وأستقبلوهم بالتراحب والسوالف والضحك وأبو سلطان فرحان بأخوه رغم انهم مايشوفون بعض إلا في المناسبات لكن هالزيارة والمناسبة هذه بالذات تعنيله الشي الكبير.... بدت السوالف مع خليفة وسلطان وسهيل واكتشفوا انه خليفة من النوع اللي دمه خفيف بس بنفس الوقت جاد ورزين في ميلس الحريم أم سلطان ترحب بأم خليفة وأخته نزلت عفراء وكانت كاشخه بأمر من أخوها سلطان لأنها ما تحب تكسر رمسته....سلمت عليهم ويلست تسولف وياهم بعد العشاء فتح الموضوع بو خليفة وي بو سلطان.... بو خليفة: بو سلطان أنت عارف زيارتنا هذه شو حجه وعفراء بنتنا ومنا وفينا وما بنحصل شراتها في الدنيا كلها... بوسلطان: ماعليك زود ياخوي راشد واصله من دون ما تطلبونها بو خليفة: بس بغيت أنا أسمعها من عفراء بأذني لأني مبا ألوم نفسي أني خيرت خليفة عنها ورايها يهمني خليفة عصب من الرمسه بس كتم غيضة وسكت...... بوسلطان ما توقع هالطلب من أخوه: والله من حقك يا بو خليفة ....سلطان سير قول لأختك أن عمها راشد يبا يسلم عليها ويسمع رايها سلطان: إن شاء الله يوبه سار سلطان وقال لأخته الرمسه وكانت جاهزة ..... وفرحانه لأنه عمها عقليته متفتحه شوي وبتكون صريحة وياه خليفة في هالوقت كان يرمس عمه عسب يكسبه: عمي سعيد أنا من زمان أبا عفراء والشاهد الله اني ما شلتها من راسي حتى وأنا مسافر برى البلاد ...ومابقصر عليها شي وبحطها على راسي وتراني اخترتها من زود بنات العائلة كلهن لأني اعرف قيمتها والحمد الله ما قاصرني شي الخير وايد واللي تباه عفراء مني أنا حاضر بس تراني مستعيل لأني بملج عطول... بو سلطان: لا تقول جذي يا ولدي خليفة أعرفك بتحافظ عليها ولو تبا اليوم تملج تراني ما عندي مانع....... سهيل تضايج من أسلوب خليفة المتكابر والمغرور وكان يفكر وي نفسه يقول هذا توه زين سوالف وضحك وطيب أنجلب جذي مرة وحده ليش.... وكان متضايج بعد من كلام أبوه مبين وايد أنه عفراء تحت امرهم وهالشي مايرضاه على اخته..... المهم دخل سلطان وقال لعمه يدخل وأصر خليفة بعد انه يبا يسمعها من عفراء دخلوا الجميع وعفراء كانت روحها خايفة...... اول ما طاحت عينها بعين خليفة رفعت راسها فوق كأنه تحدي في الرفض وخليفة كان متوثق من عمره انه عفراء ما تقدر تقول... لأ بوجود الكل وخاصة جدام أبوه وأبوها وخوانها... بس عفراء في خاطرها أول مرة تشوف كشخه جذي واستغربت انه خليفة مستوي حليوووو لدرجة ماكانت تتصورها .... أما خليفة كان ميت في عيون عفراء وجمالها وخاصة اليوم كانت غير عن المدرسه ... وماقدر يقاوم ابتسامة فرح لما شافها وسعادة غمرت قلبه اللي كان مجروح من أسلوب عفراء في المدرسه وياه....أبو خليفة حب عفراء على راسها ونشد عن أخبرها.... بو خليفة: عفراء أنتي غالية عليه حالج حال خليفة وما أفضل حد عن الثاني ... بس خاطري أسمع الكلمة منج وأباج تقولين اللي بخاطرج عفراء: كلامك على العين والراس عمي..... خليفة كان صدره نار وهو خاطره يرمسها وييلس معاها ويستسمح منها على اللي صارفي المدرسه بس أبوه داش عرض ومستفرد بحبيبته روحه.... بوخليفه: موافقة على ولد عمج خليفة ...لأنه مستعيل ويبا يملج هالأسبوع عفراء طالعت خليفة بخوف لأنه حست انه خليفة باله شي ويبا يسويه لكن مستحيل هالشي على جثتها......... عفراء بذكاء عشان تكسب عمها: هيه عمي بس بشرط والسموحة أنت طلبت أقول كل اللي بخاطري بو سلطان وسلطان كانوا خايفين من رمسة عفراء بو خليفة : آمري يا بنتي حقج شو بغيتي خليفة معصب وفهم شو اللي تباه عفراء وكانت عيونه تبا تحرق عفراء من العصبية عفراء: عمي أنا ما اعرف خليفة زين وخليفة نفس الشي وكلام الكل على عيني وراسي لكن خليفة سافر برى البلاد خمس سنوات ويمكن غيرته وغيرت تفكيره ياريت سالفة الملجه هذه تتأجل لين ما كل واحد يعرف الثاني وعقب أنا اللي بتصل فيك وبقولك عمي انا موافقة على خليفة........ بس عسب قلبي يطمن وماعندي شرط غيره يكون بينا خطوبه وبس بوخليفة يبتسم ومعجب بأسلوب عفراء الذكي: حقج واللي تبينه بيصير.... آمري شي في خاطرج بعد..... عفراء: مايامر عليك عدو ولا ظالم عمي وعساني ماخلا منك .... بوخليفة حب عفراء على راسها وردوا الميلس بس خليفة أستأذن من عمه عسب ييلس شوي وي عفراء (خطيبته) وافقوا وخلوهم روحهم ... سهيل وسلطان كانوا مستانسين من أسلوب عفراء المحترم في الرمسه وي عمها العود لكن بو سلطان تضايج لأنه عفراء المفروض توافق على طول... وخليفة حس كأنه فأر تجارب في مختبر عفراء وهالشي جرحه وايد وماتوقعه تحرى انه بيحصل اللهفة والشوق شراته وي عفراء لكن أنصدم من شرط عفراء اللي خلاه يغير رايه فوراً في عفراء... يلس خليفة بهدوء...عفراء كانت فرحانه لأنه حست أنها انتصرت على خليفة ولا نولته اللي باله خليفة: شحالج عفراء؟ عفراء: والله شرات اليوم ماشي انا بخير والحمد الله خليفة : شي أكيد عفراء حست انه خليفة معصب.... بس سوت طاف خليفة: عفراء تعرفين شي؟ عفراء: لا ما اعرف شو؟ خليفة سوى طاف على اسلوب عفراء وكمل رمسته: أنتي كنتي بالنسبة لي حلم بلادي والهدف اللي كنت أحلم فيه طول السنين اللي تغربت فيها عن ربعي وناسي وأرضي... كنتي الشي الوحيد اللي أدافع عنه وكنت مستعد أضحي بحياتي كلها ودراستي فيه عشان بس أشوف نظرة من عيونج اللي مافارقتني دقيقة....ما أنكر تعرضت لمواقف بس حبي لبنت عمي اللي أتمناها كان يخليني ما أشوف غيرها........... بس الحين وعقب رمستج هذه ورفضج المبدأي ولو كان أبوي يشوف غير جذي .... شوهت صورة عفراء في نظري عفراء في هاللحظة بغت الأرض تنشق وتبلعها( معقولة أنا بالنسبة لخليفة كل هذا وأنا ظلمته) يكمل خليفة رمسته بحزن: ما أنكر مشاعري لكن اليوم بالنسبة لي مشاعري اللي يلست اتريا هاللحظة عشان أقولها لج وعيني بعينج ....أسمحيلي أقولج ماتت ودفنتها عفراء تحاول تغطي على اللي سوته: خليفة ظنتي من حقي أعرفك قبل لا تكون ريلي؟ خليفة يبتسم ومارفع عينه من الأرض لأنه حس بالدنيا غير مالها أي طعم .... خليفة: حقج بس مب بهالأسلوب ياعفراء أنتي اليوم ذبحتي كل شي حلو يخصج في قلبي عفراء ميته من الندم ومن دون ماتحس: خليفة؟؟؟ أنا خايفة وايد ومدري ليش خليفة هني حس بعفراء شوي ......: ممكن أعرف شو منه...؟ عفراء والدموع في عينها لأنها ماتحملت فكرة أنها ظلمت شخص عزيز عليها وحكمت عليها وأجرجته خليفة يرد كلامه: ردي عليه ؟؟ رفعت عيونها وهي نفسها عقب كلام خليفة اللي كان مثل السوط .... وبعد ماعرفت مشاعر خليفة تجاهها بس تجاهلتها وداست عليها من دون رحمه وحتى في آخر لحظة خليفة يحاول يفهم عفراء عن سبب خوفها منه....؟ عفراء: مدري أحسك ......... خليفة: بس عفراء دخيلج والله أحس نفسي تعبان خيبتي ظني فيج خذي راحتج وإذا حبيتي أنا بخبر عمي أني غيرت راي لأني بكمل دراستي مبا أسويلج مشاكل كان أسلوب خليفة الراقي يحرج عفراء أكثر وأكثر..... دخل سلطان وزجر خليفة عشان خلاص بيسيرون....وقف خليفة وقفت عفراء وتموا يطالعون بعض نظرات خليفة كلها حزن وأسى...ونظرات عفراء له تغيرت وصارت ندم انها تسرعت بالحكم على خليفة قبل لا تعرفه.... خليفة: تآمريني بشي .... عفراء تحاول تتقرب من خليفة: هيه خليفة مستغرب: آمري عفراء بكل رقه وحنان: دير بالك على نفسك خليفة يبتسم : إن شاء الله ...بس شكلي كسرت خاطرج ..عالعموم وأنتي بعد ديري بالج سلطان: بسكم خليفة وعفراء يبتسمون وظهروا الجماعة وسارو وقلب خليفة حسه ميت ليش يا عفراء تحملت سنوات وأنتي بعيدة عني وأتريا اليوم الي بيجمعنا فيه ربي عسب اسولفج باللي شفته واللي عانيته في غيابج..... ***************** بعد مرور يوم وفي مدرسة عفراء دق تليفون المكتب.... عفراء: مرحبا خليفة: صباح الخير.... عفراء عطول عرفت صوت خليفة اللي مافارفها ثواني......... عفراء بفرح: صباح الورد خليفة شحالك؟ خليفة: بخير دامج بخير عفراء: آمر خليفة بغيت شي خليفة: مايامر عليج عدو ولا ظالم...بس طلب بسيط وأتمنى ماترديني طبعا طلبي بناء على رغبتج وماينفع ونحن مخطوبين نيلس مع بعض أو نشوف بعض ولا أنا غلطان عفراء: هيه صح خليفة: عفراء أنا أستأذنت من عمي أني أرمسج بالتليفون لين على قولتج تعرفيني أكثر وصدقيني مابكون إنسان ثقيل بس عشان اوصل للنقطة اللي حيرتني وخوفج مني عفراء: وأبوي شو قال؟ خليفة: قال عيال عم ومايشوف فيها شي عقب شرطج عفراء: خلاص اوكيه..... طبعا عفراء عطت خليفة رقم موبيالها وهي بعد خزنت رقمه عل وعسى يتقربون من بعض خليفة لما لاحظ تغير عفراء هالشي عطاه أمل أنه يقدر يغير تفكير عفراء فيه ويقربها منه خليفة: خلاص أول ما أخلص دوام بسويلج ديري بالج عفراء: إنشالله خليفة وأنت بعد.... ركضت عفراء على مكتب ميثا...... تخبرها بالسالفة.... ميثا: يالله شمعنا سلطان ما تبيني أتصل فيه هو بعد خاطبني؟ عفراء بثقة: فديتج أول شي خطوبتي أنا وخليفة تمت يعني موافقتي مبدأيه وثانيا ولد عمي وانتي أبوج للحين ما رد على سلطان يعني بعدكم وصلة القرابة مابينكم من بعيد ميثا: ماشاء الله تصفين الكلام تعرفين ترمسين يالله على العموم أبوي بيرد على سلطان اليوم عفراء بفرح: قولي والله بيموت سلطان هههههههههه ميثا: بسم الله عليه بيموت فيني قصدج.... عفراء: خلاص المهم بخليج بسير مكتبي قبل لا تمر الوكيله وتحصل محد في المكتب وتتحرانا يالسين ندق سوالف.... ردت ... عفراء مكتبها وسمعت صوت مسج.... وصل تقرى المسج... (قلبي أصيل وماضي الحب ماأنساه...والصاحب الغالي تشيله عيوني <اشتاق له> وأشفق لصوته وطرياه وأقول هو: دنياي وشموع كوني (رفيق الدرب) ماتناسيت ذكراه لو العرب في رفقته يعذلوني.....) عفراء احمر ويها ويلست تتفدى خليفة عرفت شكثر هو يحبها ويتمنى رضاها ... ويلست تفكر شو بيرمسون هي وخليفة الظهر خلص الدوام....المهم ردت البيت ويلست تتريا تليفون خليفة اللي بعده ما دق.... وفي هالوقت نادت أم سلطان الكل عسب الغداء تجمعوا ويلسوا يسولفون ونست عفراء سالفة الموبيال عقب ما سمعت الخبر الحلو من سلطان أن أبو ميثا دقله وافقوا واتفقوا على الملجة الأسبوع الياي يوم الخميس... سهيل فرح لأنه يقدريسير عرس ربيعه تذكرت عفراء الموبيال وركض على غرفتها طالعت موبيالها وحصلت 4 مسيد كول ورسالة من خليفة تقول..( وينج عفراء) عطول طرشت مسج: ( السموحة خليفة كنت تحت أتغدى ماسمعت الموبيال) وطرشت المسج....يمكن ما كملت دقيقة إلا خليفة داق عفراء: مرحبا خليفة: السلام عليكم عفراء: عليك السلام خليفة معصب: وينج عن التليفون؟ عفراء: كنت اتغدى والله ويلس سلطان يسولف لأنه بيملج الأسبوع الياي خليفة: بالبركة يتساهل سلطان عفراء: الله يبارك في حياتك خليفة: شحالج أنتي؟ عفراء: تماااام الحمد الله شحالك ؟ خليفة: بخيرررر يسرج الحال... عفراء: دوم هب يوم خليفة: وياج يالغالية عفراء: ساكته ماترمس خليفة يكسر السكوت: عفراء إذا تضايقج سالفة التليفون هذه بالها بس أعتقد الطريقة الوحيدة عسب نعرف بعض عفراء: لا أبداً بالعكس خليفة فرح: أبا افهم العكس هذه ممكن ولا بتتغلين عفراء مستحية وايد: يعني أقصد انه بالعكس زين عشان نتعرف على بعض لا أكثر ولا أقل خليفة: مسرعج تكسرين بالخاطر الواحد عفراء تضحك: حرام عليك خليفة بغزل: فديت هالضحكة إن شاء الله دوم عفراء:وياك خليفة : يالله المهم مابطول عليج لأني ياي تعبان وأبا ارقد عفراء: شو بلاك؟ خليفة متشقق بس مايبين لعفراء: ماشي إرهاق مب متعود على العسكرية عفراء: ربي يعطيك العافية خليفة: يعافيج يارب عفراء: تغديت؟؟ خليفة: لا فديتج بعدني عفراء تحس نفسها بتموت يوم خليفة يتفداها عفراء تحاول تجمع نفسها: ليش؟ خليفة: والله مالي خاطر ماشي وقت عن العصر عفراء: خلاص برايك حط راسك وأرتاح خليفة: وأنتي؟ عفراء: أنا بعد برقد خليفة: تآمريني بشي عفراء: سلامت راسك وقلبك خليفة: .................... عفراء: الووووو خليفة: مبا أبند بس مجبور وأبا ارتاح عفراء تضحك: يالله ارقد ماشي وقت سلم على الأهل خليفة: يوصل إن شاء الله برمسج عقب يالله فمان الله عفراء: فمان الكريم........ ياترى بينكسر الحاجز اللي مابين عفراء وخليفة من خوف..... وشو راح يصير في الجزء التاسع من القصة...... العذر والسموحة منكم على التأخير... ولا تحرومني أرائكم وتوقعاتكم....... جولييت 15-04-2005, 05:55 اشكرك عاشقه تري ببدء قراتتها الان وارجو لاتطولين علينا nuor 15-04-2005, 12:30 مشكورة عاشقه بس أنا خلصت الأجزاء إلي نزلت فياريت لا تطولي علينا تحياتي جولييت 15-04-2005, 12:58 عاشقه تري والله انتى ابداع ياريتك اختى .... ههههههههههه ما شاء الله عليك والله تجنن القصه حلم شاعر 15-04-2005, 23:03 يسلموو عاشقة الاحزان على المجهود. وعن الاحداث اكثرها غير متقوعه والجاي احلى. ^ ^ لنا عووده. لا عدمتك. ! حــلــم شــاعــر ! عاشقة الاحزان 16-04-2005, 23:22 (الفصل التاسع) تمر الأيام وعلاقة خليفة بعفراء سطحية وعفراء ترمس خليفة من باب تبا تعرف منو هالشخص اللي بيشاركها حياتها... في الطرف الثاني خليفة حب عفراء يكبر في قلبه يوم عن يوم بس عفراء حاطه ببالها أنها مستحيل تكن لخليفة أية مشاعر قبل لا تتأكد أو بالأصح عقب العرس يعني لما يكون ريلها وهالشي كان يضايق خليفة لأنه لما يحاول يفتح معها موضوع المشاعر تتجاهل السالفة أو تغير الرمسه ... أما سلطان فرحان وأتصل بعمه عسب يقوله يملجون والحفلة بالخميس وافق أبو ميثا وأبو سلطان بعد ورحبوا بالفكرة وتمت التجهيزات للحفلة طبعا ساروا المحكمة وملجوا وردوا البيت طبعا سلطان ماقدر يصبر للين تم الحفلة ... وباقي أسبوع وخاطره يرمس ميثا...رجعوا سلطان وأبوه وسهيل وأم سلطان وهند يتريون....باركوله وسلموا عليه وأم سلطان تصيح من الفرحة وعفراء توها حادره البيت وباركت لسلطان .... عفراء: مبروك سلطون تستاهل فديتك سلطان فرحان: الله يبارك فيج الفال لج ولخليفة حمرت عفراء: إن شاء الله سهيل: وأنا ؟ هند: يارب أفرح فيكم كلكم أبو سلطان يضحك: آمين يارب سهيل يترخص مواعد ربعه يسيرون العصر عرس ربيعهم إللي في دبي وسلم على أهله وهو طالع من البيت سلطان يوصيه يكون موجود الجمعه عسب بيساعده في شغل الملجه اللي بتكون يوم الخميس الأسبوع الياي.... عفراء وهند يسولفون عن تفصيل فساتينهم عند المصمم وأتصلوا بميثا عسب ينسقون كلهم وي بعض وحجزوا بالصالون الساعة 7 المغرب علشان يسووون بروفوا لميثا ... هند: عفروه بسير أحط راسي تعبانه قبل لا نسير الصالون.... عفراء: حتى أنا يابوج هلاك اليوم بالدوام هند: أقول عفروه شو خليفة وياج..؟ عفراء: اوكيه زين هند مستغربه من أسلوب عفراء: شو اوكيه زين...والله لو خليفة خطيبي ما أروم اصبر عنه دقيقة تبين الصراحة أنتي ما عندج سالفة حرام عفاري بيموت عسب يسمع رمسه حلوة منج عفراء : أقولج أنتي ما تعرفين الشباب بعدين عندي قاعدة خذي واحد يحبج أكثر من أنج تحبينه أو حتى مب مهم تحبينه هند معصبة: والله حرام اللي تسوينه في نفسج وفي الريال ...بسير أخمد أحسن... عفراء تحدر غرفتها وهي تفكر في رمسة هند..... (معقولة أنا جاسيه على خيلفة هالشكل بس أنا أعزه وأحب أسلوبه وأهتمامه فيني مبا أتعلق فيه عقب تتغير مشاعره تجاهي وللحين ما تأكدت من أسلوب حياته وطريقته اوووف شو هالحاله مبا أظلم نفسي ولا أظلمه معايه بس يعيبني في كل شي) قطع حبل تفكيرها الباب... سلطان: عفراء راقده؟ عفراء: لا سلطان حياك ادخل سلطان: السلام ...شحالهم عفراء تبتسم: بخير طاع الويه منور ومشتقق يالله استويت معرس سلطان: عفروه شو كثره تعزين أخوج سلطان؟ عفراء: فديت روحك سلطان أنت تعرف معزتك عندي شو كبرها مايحتاي أقولك؟ سلطان: طلبتج قولي تم؟ عفراء تضحك : تم طولي بعمرك؟ سلطان: دقي لميثوه الحينه قولي لها شو استوى في المحكمه دخليج؟ عفراء: اوكيه....... دق عفراء لميثا.... وحطت سبيكر ميثا: مرحبا والله عفراء: مراحب ملايين هلا بج ميثا: شحالج وشحال الأهل عفراء: بخيرربي يسلمج..أقولج شو سويتي في المحكمة شجايل قلتي للقاضي هيه موافقه على أخوي سلطان القصاب.... ميثا: هههههههههههه ايه ماأسمحلج ريلي اوكيه عفراء: يا ويلي حالي شعليج دافع عنه ميثا: هيه يعلني أفداه ... بس كنت متروعه يوم شفت سلطان خاز كل شي سلطان يضحك ويتفدى ميثا عفراء: آه منج أنتي ...أقولج صبري شوي اوكيه ميثامستغربه: اوكيه يمسك سلطان السماعة: مرحبا ميثا ميثا ماعرفت شو تسوي تلقط ويها تبند تذبح عفراء عالمقلب هذا؟ ميثاترد وهي ويها منشق بموس: هلا سلطان سلطان ميت من الضحك: لا تزعلين من عفراء أنا قلتلها دقلج ميثا: وليش أنته ما عندك الجرأة دق روحك..... سلطان مستانس على ميثا يوم تحرج: لا عندي الجرأة بس أعرف لو دقيت ما تردين على الأرقام الغريبة ميثا: عيل شو رايك أن رقمك وياي بس ما برد عليك إلآ عقب الحفلة وخلي المقلب ينفعك سلطان انقلب جد وخاف صدق ميثا تسويها: افا عليج أهون؟ ميثا: أقولك بعدك ماتعرف ميثا يوم تقول رمسه... عفراء تسمعهم وميته من الضحك على المناقر سلطان: عيل سويها وشوفي إذا ماوصلت بيتكم وأترفس بطنج ميثا بقوة عين: أقوووووول عورة راسي أنت قد الرمسه اللي تقولها؟ سلطان معصب: حشا حشا هب حرمه متنمرة لا تخليني أجلب عليج الحينه ميثا تضحك : المهم أشوفك في الحفلة ودق وشوف شو بيستوي باااااااي وتبند ميثا في ويه سلطان ...سلطان مبطل عيونه ويطالع عفراء اللي ميته من الضحك عليه عفراء: ما عليه سلطان هذه ميثا اللي متخبل عليها شو تتحرى روحك اللي عصبي ويعرف يرد خذ تستاهل مبروك هههههههههه سلطان: والله بتشوف شو بسويبها... ما عليه عفراء: سلطان خلاص عاد البنيه قفط ويها صدق حرام خلها لين ما تهدأ سلطان معصب: لا مابطوفها هذه جي تسويبي عيل يوم أعرس عليها وتكون معايه شو بتسوي ؟ عفراء: طاف والله ميثا حنونه وايد وحبوبه سلطان: ولاطاف صوبها الحنان هذه ... أقولج هي تعرف رقمي صح؟ عفراء: هيه أنا عطيتها قبل موعد المحكمه بيوم سلطان بخبث يبتسم: اوكيه ميثوه عفراء: سلطان شو ناوي عليه؟ سلطان: تتحديني إذا أنا أروم أصبر ما أرمس ميثا عفراء: حرام يعني من صدقك ما بترمسها لين يوم الحفلة...؟ لا ماظنتي سلطان هي من أمس تقولي متأكدة أنك بدق ... سلطان: هونت مبا ارمسها يوم تعرف تحترم ريلها هذيج الساعة برمسها.... لأنه انتو الحريم تركبون فوق راس الواحد من يعطيكم ويه لكن ما عليه أنا بعلمها ....وطولة اللسان هذه بتخوزها مع سلطان عفراء: ايوووه عاش أخويه والله تخوف سلطان هههههههه سلطان : يالله بسير ارتاح الحينه ثورة دمي لكن والله ماأطوفها بالساهل ************ ظهر سلطان ..غيرت عفراء ملابسها بترقد....حطت راسها بترقد وسمعت مسج ظهرت التليفون وشافت 8 مس كول وثلاث مسجات من خليفة... خافت طالعت المسجات كله خليفة ينشدها ليش ما ترد عليه ونست انها حاطه الموبيال سايلنت في المدرسة لأنه عندهم زوار...عطول دقت لخليفة بس ما رد عليها ردت ودقت مرة ثانيه بس بعد مارد عليها..... طرشت مسج....( آسفه خليفة كنت مشغولة شوي) يلس بالها مشغول على خليفة....عقب ربع ساعة دق..... عفراء ردت بسرعة: هلا خليفة خليفةمعصب: أنا أبا أفهم شو خانت التليفون وياج ليش اساساً فاتحة تليفون؟ عفراء: انزين اسمع عقب ارمس؟ خليفة: لا تعلميني متى أرمس وأسمع بالله عليج ثمان مكالمات ماشيكتي على موبيالج؟؟؟ شوشغله هذا اللي ماسمح لج تشوفين تليفونج؟ عفراء معصبه: زوار عندنا بالمدرسة وحطيت تليفوني سايلنت شو صار يعني كفرت؟ خليفة: غلطانه وتردين عليه؟ عفراء: لا ترفع صوتك روحي تعبانه أنا يالسه اخبرك شو صار وياي وإذا بتحتشر بند وفكنا اوف خليفة: ....................................... عفراء : بخليك اوكيه؟؟؟ خليفة: تعرفين اصلا أنتي خسارة الواحد يكلمج لأنج ماعلموج في المدرسة كيف تكلمين اللي أكبر منج وخاصة خطيبج عفراء: وييييه اللي يخليك داش عليه بالعرض والطول وتعلي صوتك وأنا ساكته ؟؟؟؟ خليفة بصوت عالي خوف عفراء فيه: غصبن عليج هب بشورج أسألج وأنشد ليش ما تردين عليه سمعتي............ والأسلوب هذا هب على خليفة الله في سماه ياعفروه إذا ما عدلتي أسلوبج وياي لا أخلي حياتج جهنم الحمراء ...وظنتي أنتي عارفه زين أنا شو أقدر أسوي اوكيه؟ عفراء خافت من كلام خليفة وماردت عليه وكانت الدموع في عيونها وفهمت مغزى كلام خليفة انه يقدر ياخذها غصب عنها ويخليها تشوف الويل ومابيكون لها أي راي.... خليفة وهو بعده معصب: ظنتي الرمسه وصلت ... عفراء حست نفسها مخنوقه والعبرة في صوتها: بخليك اوكيه خليفة: لا تقولين بتخليني أرمسي عدل عفراء ردت تصارخ على خليفة: شو تباني يعني أقولك شبيك لبيك آمر يا حضرة صاحب السمو؟ خليفة: جب قلت لج لا تصارخين ........... عفراء تنفجر وتصيح لأنها ما تعودت هالأسلوب من خليفة وتفاجأت وبدت تتأكد شكوكها من ناحية أسلوبه اللي بدى لها اليوم........... خليفة تلوم لأنه صارخ عليها بس في نفسه تستاهل لأنه هو ريال والمفروض تحترمه...وبنفس الوقت ما هان عليه وحس بخوفها منه... وهذه حبيبته وقلبه وكان خايف عليها ومع هذا تصارخ عليه.......... خليفة: عفراء عفراء وهي تصيح: خليفة الله يخليك أبا أبند صدق أحس نفسي تعبانه من كل صوب واللي اليوم شفته منك أكد لي شكوكي .... خليفة: أنتي تخليني أعاملج جي...... من يوم خطبتج وتعامليني كأني أنا محتاي منج شي وتحسسيني أني ولا شي عفراء:............... خليفة: آسف ماقصدت بس كنت خايفة عليج وايد عبالي استوالج شي لا تلوميني الله الشاهد من حبي لج أخاف عليج من الهوى اللي يلمسج عفراء بأسلوب جاد وحاد: ياريت كان استوالي شي عشان ارتاح قبل لا تحاول تحطم حياتي وانا معاك.... أرجوك مافيه داعي للكلام هذا أبا احط راسي تعبانه لو سمحت؟ خليفة يهز راسه وكأنه يقول ما فيه فايدة: براااايج عفراء: بااااي *********************** بندت ويلست تصيح مب مصدقه انه خليفة الهادي واللي أسلوبه راقي في التعامل معاها يظهر لها وحش بهالطريقة ....مستحيل أعيش وياه ما أقدر .... خليفة ندم بس في نفس الوقت مأيد نفسه لأنه أسلوب عفراء وياه جاف وحتى الأحترام اللي ماطلب منه أكثر عنه ماتقدرتسويه............ الساعة6.30 دقت هند على عفراء ولقتها راقده بس عيونها غير عفراء تنش وترفع شعرها اللي كان طايح على ويها ..... هند بخوف: عفراء شو بلاج أنتي كنتي تصيحين؟ عفراء تهز راسه تنفي: جم الساعة الحينه هند: 6.30 عفراء: اويه بنتأخر عاد لين ما نوصل الصالون اوف يات ميثا؟ هند مستغربه: لأ ليش تي ؟ عفراء: شو ليش تي بتمر علينا وبنسير شو هالسؤال الغبي؟ هند: سلطان توه نشدني عن موعد الصالون وقال هو بيودينا عفراء تنقع من الضحك: اويه صدق حطها في راسه ياويل حالي عليك يا بو مايد هند: عيل والله تخبريني شو السالفة؟ عفراء قالت لهند كل شي صار وي سلطان وميثا وتمو يضحكون بسرعة نشت عفراء وتسبحت ونزلوا تحت ولقوا سلطان كاشخ ويترياهم .......... عفراء: سلطان وين ماشاء الله سلطان: بوديكم الصالون؟ هند : كل ها عسب بس تشوف ميثوه؟ سلطان: عفراء دقيلها قوليلها خمس دقايق وبنمر عليها؟ عفراء وهي خايفة: سلطان ميثا في الطريج قالت هي بتشلنا وبنسير سلطان معصب: ما عندي حريم يطلعون روحهم ومن اليوم تنسى انها عندها سيارة من الأساس عفراء وهند يضحكون ويتروين وصول ميثا..... سبع إلا خمس وصلت ميثا البيت ودقت لعفراء عفراء: ميثا تعالي سلمي على أمي ميثا: انشاء الله دخلت ميثا وانصدمت يوم شافت سلطان جدامها ؟ سلطان بتحدي: وين ما شاء الله ميثا: السلام عليكم سلطان حاط عينه في عين ميثا: وعليج السلام ميثا تبتسم: شحالك؟ سلطان يحاول انه مايبتسم لها ويقاوم سحر عيونها الحلوة وجمالها بخير يسرج الحال انتي شحالج ميثا: بخير دامك بخير سلطان : دخلي تدخل ميثا وتسلم على أم سلطان اللي تحب ميثا موت وسلطان يالس يطالع أمه تحضن ميثا بالحيل وهي مستحية جدام سلطان..... سلطان: شوي شوي عليها ميثا تتطالع سلطان: مايخصك سلطان محرج: والله ابتلشنا صدق أم سلطان: يعلني أفداج يالله سلطان بيوديكم عسب لا تتأخرون ميثا مستحية من عمتها وحرجت من أسلوب سلطان: لا عموه بنسير روحنا انا يايبه سيارتي سلطان : أنا بوديكم ومابعيد رمستي مرتين وأساساً ما عندي حريم يسوقون... ميثا خافت من سلطان : إن شاء الله بس هالمرة وعقب ما بظهر سلطان نظراته نارعلى ميثا: ميثا قلت لأاااااااااااا عفراء: ميثوه طوفيها على خير الله يخليج هند تتضحك ومستانسه على سلطان وميثا يتناقرون ميثا تروعت يوم شافت عيون سلطان: خلاص اوكيه يالله لأنه تأخرنا وايد سلطان وهو مستانس: تفضلي أم سلطان: سلطان هالله هالله على حرمتك وخواتك ميثا منحرجه لأنه سلطان ما شل عينه من عليها ظهروا وعفراء وهند متفقين يخسسون في ميثا وبسرعة ركبوا ورى وخلوا سلطان يفتح الباب اللي جدام سلطان: ميثا اركبي حذالي ميثا من دون ما تواجع سلطان تسمع الكلام وركبت وبند الباب ميثا صدق معصبه وسار سلطان بند سيارة ميثا وصفطها في المظلية وهو راجع ........ ميثا ترمس عفراء وهند يضحكون عليها........ ركب سلطان وهو حاس بالفرحة أنه ميثا حرمته ومب مصدق انها يالسه حذاله..... وهم في الطريج........ سلطان: شو بلاكم صخيتوا مرة وحده ........... ميثا ماترد لأنها منحرجه صدق عفراء: ماشي خلينا الرمسه لكم هند تضحك : ميثا منورة الغالية ميثا: بوجودكم سلطان: ميثا ميثا: عونك سلطان: زعلتي لأني ماخليتج تظهرين بالسيارة؟ هندتضحك: ياويلي بدا العتب ... تضحك عفراء ميثا تبتسم وهي مستحية وايد ومب عارفه شو تسوي...........حس سلطان أنه ميثا منحرجه وايد ومرتبكة ومتوتره..........وحاول يغير الموضوع سلطان: ميثا لا تتعدلين جي وأنتي ظاهرة عقب حد يشوفج ويضربج عين وتغشي لأني مبا حد يطالع حرمتي .... ميثاخلاص حست نفسها بتموت من رمسة سلطان ولا عارفه شو تقول ميثا تبا تحرج سلطان عسب يسكت: إن شاء الله حبيبي........ سلطان صد صوب ميثا بس ميثا كانت تتطالع برى السيارة........ سلطان: شو قلتي؟ ميثا: ماشي قلت إن شاء الله سلطان ابتسم ومابغا يحرجها.......وصلوا الصالون وخبروا سلطان يكون جاهز أول مايخلصون يمر ياخذهم....... سهيل في اللحظة كان مستانس وي ربعه ويالسين يدورن في دبي ويحاومون فيها .... **************** خليفة كان ظاهر يتمشى روحه ويفكر في عفراء اللي سمح لنفسه ينزل دموعها اللي يعتبرها أغلى شي عنده ...ويلس مايلوم نفسه لأنها كانت تستحق الرمسه بعد ماصارخت عليه وقرر انه يدقلها عفراء ظهرت موبيالها وشافت خليفة داق وهند وميثا يطالعونها ؟ عفراء اصلا ما كانت ناويه ترد بس انحرجت جدام ميثا وردت...... عفراء بلا نفس: مرحبااا خليفة: السلام عليكم.... عفراء: عليكم السلام.... خليفة: شحالج عفراء؟ عفراء: بعدنا عايشين في العز قبل لا نسير الجهنم اللي وعدتني فيها خليفة: عفراء وبعدين وياج الحين شو ياب رمسة الظهر ؟ عفراء: عبالك انا نسيت شو تفر رمسه وتباني ما أفكر فيها ولا أفكر بحياتي اللي بتكون وياك خليفة يحاول يطيب خاطرها: بتكون حياتج كلها سعادة وفرح بأذن الله عفراء لاحظة أنه هند وميثا مستغربين ولا بعارفين شو السالفة...... خليفة: شو هالحشرة وياج....... وين؟ عفراء: انا واختي هند وحرمة أخوي سلطان بالصالون نسوي بروفه لحفلة الخميس الياي خليفة: ايووووه عيل اسمحيلي عطلتج عفراء بغتها من الله: خلاص عيل ببند الحينه اوكيه دورنا ميثا وهند معصبين من أسلوب عفراء خليفة وخاطره مكسور: عفراء عفراء: نعم خليفة: ماشي ديري بالج والسموحة على اللي صار اليوم الظهر بس لا تلوميني انتي السبب عفراء: أقولك بخليك اوكيه خليفة وهو صدق حس بغصة تخنقه وتخنق قلبه: ربي يحفظج عفراء بدون أي مبالاه تبند من دون ما ترد على خليفة..... ميثا: أنتي بتخبرج ولا كأنج دارسه ولا كأنه أهلج عمي سعيد ولا أخوج سلطان شو هالقلب اللي عليج ليش ترمسين الريال جي........ هند بأستهزاء: احسن عسب انتي يا ميثا ما تعرفين الشباب لازم ماتعطينهم ويه ميثامستغربه: عفراء صدق جي تفكيرج؟ عفراء محرجه: اصلا انتو الثنتين ما تعرفون شو صار وشو سوى خليفة اوكيه لا تحكمون من طرف واحد.... ميثا وهند يلسوا يسمعون سالفة عفراء وي خليفة اللي صارت ..... هند : وأنتي صارختي عليه صدق ولا هو يبالغ؟ عفراء: هو استفزني صراحة ميثا: سمعي عفراء الريايل اذبيحهم ولا تصارخين عليهم أو تقللين من أحترامهم وأنتي جي تسوين وياه من الأول مب بس هالموقف... لأنج ماتبينه مع انج متأكده انه يحبج ويموت في هواج؟ هند: والله صادقه ميثوه قولي ماتبين الريال مافيه داعي تعورين أعصابج ولا تغلطين عليه... عفراء تجاهلت رمست البنات ودخلوا وسوى البروفوا وظهرت ميثا تخبل لأنها مكياجها مال عرايس وحلفوا عليها هند وعفراء ما تشله عسب سلطان يشوفها....خلصوا واتصلوا في سلطان....نزلوا وكانن كلهن متغشيات حتى ميثا اللي كانت ما تتغشى.... ركبوا ويلسوا فترة ساكتين سلطان: عاد ابا أفهم شو سويتوا كل هالوقت؟ عفراء : دخيلك سلطان شوف ميثا مسويه ميكب يخبل والله خفت عليها كلهم تخبلوا عليها في الصالون.... ميثا منحرجه: عفاري... بنات وايد احلى عني بس عاد لا تتمدحين وايد هند: والله صدق ماشاء الله كلهم يلسوا يطالعونج خفت عليج.... سلطان فيه شوق يبا يطالع ميثا: شلي أشوف يالله ..... ميثا: لا مايستوي تتطالعني قبل الملجه سلطان: حووووه نحن مالجين تراها إلا حفلة بعدين يمكن ما يعيبني المكياج بخليج تغيرينه هند وعفراءيضحكون ويحاول سلطان يشل الغشاه من على ميثا بس ميثا مسكت ايده عاد سلطان استغل الفرصة ويود ايدها ويلس يسوق بأيد وحده وعفراء وهند مستانسين على الحشرة المستويه..............وصلوا البيت وسلطان ماخلا ميثا تنزل .... سلطان: عفاري هند انزلوا بوصل ميثا البيت......... عفراء: لا آسفين البنت تشل سيارتها وتروح بسك عاد.... سلطان محرج: عفراء مابخليها تسوق وهي متعدله وخلصونا ذبحوتني ترى ميثا تحاول تسحب اصابعها من أيد سلطان بس مسكته كانت قوية .... ينزلون عفراء وهند وهم يضحكون ويسلمون على ميثا ويسيرون صوب البيت وتمو ميثا وسلطان في السيارة وميثا ميته من المستحا والخوف.... ميثا: سلطان أبوي بيحرج لو شافك موصلني خلني اسير احسن؟ سلطان يرفع أيد ميثا ويبوسها ويبتسم لها: أول شي أنتي حرمتي ومحد له كلمه عليج غيري...ثانياً أشوف ويهج عقب يصير خير..... ميثا مستحية وايد من سلطان: لا سلطان الله يخليك عشان خاطري هب اليوم تأخرت الساعة 9.30 سلطان : ميثا المفروض أحاسبج حساب عسير على الرمسه الي فريتيها الظهروحالف أني مابدق لين ما تخلص الحفلة لكن بما أنج اليوم مستويه مطيعه خلاص عفيت عنج.... ميثا تضحك: تستاهل عسب مرة ثانية دق مثل العالم مب تخلي عفروه دق؟ سلطان يود أيد ميثا بالقو: شو رايج اكسرها وأعلقها في رقبتج..... ميثاخافت: سلطان أيدي تعورني صدق شو عبالك ماسك واحد من ربعك؟ سلطان يضحك ويبوس أيدها ويحطها على صدره: يالله بسرعة عسب أوصلج أبا اشوف ويهج ميثا: لأ سلطان وإذا بتوصلني تحرك بسرعة بتأخر؟ سلطان : اوف شكلج انتي ماتسمعين الكلام يعني لازم عنف تضطرين تخليني أسوي شي مبا أسويه......... رفع سلطان غشوة ميثا بسرعة ويلس يطالعها ومسك راسها وحبها ..... سلطان: ربي يحفظج لي ولا يحرمني هالجمال اللي ما أتحمله.... ميثاتضحك: ولا منك حبيبي ....يالله سلطان والله أمي بتحشرني سلطان: من عيوني فديتج... ميثا: سلطان ممكن طلب؟ سلطان: آمري غناتي شو بغيتي؟ ميثا تدلع على سلطان لأنها كاشخه بالقو: سلطان الله يخليك كلم عفراء سلطان: شو دخل عفراء الحينه أصفعج...؟ ميثا: اصبر زين ..رمسها لأنه اسلوبها وي خليفة ابداً مب حلو وأحس الريال بيطفش منها ومن سواياها...فدخيلك كلمها سلطان وهو يرفع خصلة من خدها : بعد شو تبين.... ميثا: اباك توصلني البيت بسرعة سلطان يضحك ويظهرون ويوصل ميثا بيتهم وهو فرحاااان وووووووايد لأنه ميثا بالنسبة له خلاص صارة أميرة حياته وقلبه وكل شي ...... رجع البيت ويلس يسولف وي عفراء وهند ويسألونه سوالهم طاف ويلس يسولف وي شيبته ويتفقون على الأشياء اللي بتصير في الملجه الضيوف والترتيبات ظهرت عفراء وهند وساروا غرفهم.. دق خليفة بس عفراء ما ردت عليه ويلست تفكر مع نفسها ...(ياريت خليفة يعاملني شرات ما يعامل سلطان ميثا خاطري أحب شرات ميثا وسلطان وأحس بالأمان مع الريال اللي يحبني مب الخوف) سمعت صوت مسج.... خليفة مطرش... (تقول الناس عينك وش بلاها...على خدك تنثر كل ماها صحيح الناس مايدرون عني ولا حسوا دموعي وش وراها...ولا يدرون حالي وش بلاها...ولا عاشوا دقيقة في عذابي لأن "< حــبـــيـــبي >" غايب عن نظرها) دمعت عيون عفراء وحارت في مشاعرخليفة ويلست تفكر (إذا يحبني ليش يعاملني جي وليش انا بعد اعامله جي شو هالحاجز اللي احسه فيني ويخلينا انا وخليفة بعاد عن بعض .... ياربي شو أسوي) قررت طرش مسج حلو يمكن الجو مابينهم يهدى وخاصة بعد سالفة الهوشه الكبيرة اللي صارت الظهر مابينهم ويمكن هالمسج يكون اعتذراها لخليفة لأنها ما أعتذرت له... طرشت عفراء مسجها .. خليفة كان سرحان ويفكر في قلبه اللي خذته عفراء ويالسه تعذبه شرات ما تبا من دون مايحاسبها وكأنه يقول حلال عليها قطع تفكيره صوت المسج.... وهو يبطل المسج يقول في نفسه (معقولة عفراء مطرشه) تفاجئ بالمسج اللي قلب عنده كل الموزايين..... (توك قبل لحظة على البال مريت,,, توي أسولف عن غلاك لعيوني،،، أقسم لك إني عنك لا ما تخليت... يهون عمري وأنت لا ماتهون؛؛؛ مثلك عزيز لا حشا ما تناسيت....ولو كان وقتي والمشاغل حدوني) خليفة مب مصدق و من دون مايحس دق على طول لعفراء ...طالعت عفراء ويلست تسأل نفسها أرد ولا ما أرد لأنها ضايجة وتعبانه وتبا تحط راسها وترقد من وقت.... قررت ترد على الأقل تحط راسها وهي مرتاحة انها عاملت خليفة بشكل حلو خاصة عقب رمست هند وميثا واللي وقفوا في صف خليفة........ عفراء: مرحبا خليفة وهو يحس نفسه بيطير من الفرحة : هلا عفاري ابتسمت عفراء لأنها حست نفسها قريبه من خليفة: هلابك زود شحالك خليفة: بخير وسهالة ربي يسلمج أنتي شحالج عفراء تتكلم بعفوية: تعبااااااانه من المشاوير وي سلطان خليفة يضحك: يستاهل بو مايد عقبال مشاوريج عفراء مستحية وساكته: ............. خليفة: عفروه وياي؟ عفراء: هيه خليفة: قولي آمين انزين عفراء تضحك: آمين خليفة: أخليج ترتاحين شوي؟ عفراء لأول مرة تحس انها ما تبا تبند بعد ماسمعت صوت خليفة اللي كله خوف عليها وحنان عفراء: لأ خليفة وهو مستانس: مـتأكده ولا تجامليني؟ عفراء: لا خليفة متأكده بس ممكن طلب صغنون ؟ خليفة يبتسم وهو حاس انه عفراء يالسه تتدلع عليه: إذا صغنون مب مشكلة آمري؟ عفراء: أبا بس أغير ملابسي أول ما أخلص بسويلك؟ممكن؟ خليفة أول مرة يحس انه عفراء تكلمه بأهتمام وانها تبا ترمسه: وعد؟ عفراء: وعد خليفة : لا تتأخرين عليه تراني مشتاق؟ عفراء: إن شاء الله باي سارت عفراء وبدلت وتعطرت ولأنه عفراء تموت في الشموع ولعت كل الشموع في غرفتها ودخلت فراشها...وحطت الشرش في الموبيال عسب كان بيموت هههههههه دقت لخليفة بس مارد عليها عصبت تحرت انه مايبا يرد؟ شوي ودق خليفة عطول وراها عفراء: ليش ما ترد يوم أدق؟ خليفة يضحك: مبا أخسرج..؟ عفراء: تعرف لو سويتها مرة ثانية مابرد عليك خليفة: خلاص ولا تزعلين بس أحب انا اللي ادقلج أحسج صدق حرمتي عفراء حست الجو هادي ودافئ ويلسوا يسولفون عن سفر خليفة برى واللي شافه وكانت عفراء تضحك على السوالف وهي كانت تخبره عن مشاكل الطالبات ويوم شافت الساعة شهقت ماتوقعت الرمسه تاخذهم كل هالوقت..... عفراء: اوووويه خليفة؟؟؟ خليفة تروع عباله صار شي لعفراء: شو بلاج حبيبي شي يعورج؟ عفراء قفط ويها يوم قال جي: لا بس تأخرالوقت الساعة 1.30 خليفة: الحين قوليلي شو أسوي فيج عبالي ياج شي وي ويهج تبين ترقدين؟ ميثا يالسه تضحك: لا مبا أرقد نسيت عبالي باجر السبت اثره باجرالخميس اجازة خليفة: لا والله توه الناس ... شو رايج تكسرين القاعدة وتمين وياي للصبح عفراء: لا ما أقدر ابا أرقد لأني صدق مرهقه اليوم من المشاوير وبعد انت ماقصرت خليتني اصيح لين ما حسيت روحي بتطلع..... خليفة: فديت روحج آسف والله لا تلوميبي اكثر؟ عفراء بدلع: خلاص سامحتك خليفة: انتي هيه شو سامحتك لا تنسين انتي بعد صارختي عليه؟ عفراء: خليفة عشان خاطري مبا ارمس في الموضوع ممكن؟ خليفة: إن شاء الله أبله عفراء عفراء: خليفة؟ خليفة: عيون وقلب خليفة؟ عفراء وهي فرحانه تحس بأحساس غريب في قلبها تجاهه: أنت........ خليفة يبتسم وكأنه عارف شو بتنشدعنه: أنا شو؟ عفراء: خليفة أنت صدق تحبني ؟ خليفةحط ايد على قلبه: يعلني الموت لو ما كنت احبج وشاريج عفراء: والله خليفة تقول هالرمسه مرة ثانية بزعل صدق وبرفضك خليفة نقع من الضحك: حلوة هذه برفضك عفراء: انا قلت لك؟ خليفة: عفراء والله أحبج موت يشهد عليه ربي أني ما نسيتج دقيقة ولا تفارقين روحي ولا عقلي عفراء مستحية وايد: بس انزين ويهي يعورني خليفة يضحك: بعد ويهج يعورج إلا اعرفه ويهج لوح كله تهازبين وما يعبيج شي عفراء: ها ها ماسخ خليفة: منو ماسخ عفراء تسحب كلامها: اسولف خليفة: احم عبالي بعد عفراءفيها رقاد بس تكمل رمستها وي خليفة لين ماأستوت الساعة3 عفراء وصوتها كله رقاد بس ماتبا تفارق خليفة: خليفة توعدني ماتسوي فيني شي يضايقني؟ خليفة: تعرفين قبل لا أجاوب على سؤالج صوتج عذااااب وأنتي تبين ترقدين ... عفراء تبتسم:............. خليفة: الله الشاهد اني مابقصر فيج وبحطج في عيوني ...سمعتي في حياتج حد يضايق ولايأذي روحه وعمره..... عفراء: أحس اني صدق أرمس خليفة ولد عمي اللي أعرفه من زمان ياريت تم جي خليفة: وأنا عمري ماتغيرت أنتي اللي تسوين حواجز مابيني وبينج عفراء: خليفة لا تبند يوم أرقد بند عشاني؟ خليفة يضحك: لا فديتج أرقدي لو لي خاطر أرقدي اباج ترتاحين عفراءتتدلع: ماببند خليفة : والله ذكرتيني بشلة حلوة وايد عفراء: يالله سمعنا شاعر وأنا ما أدري خليفة صوته يخبل يشل: تكلمني ونومك غالبنكوأنا مبا السهر يتعب عيونك دخيلك..سد خطك راجينك رجيتك باللي غلاك بونك غضيضن بالهوى وصغير سنك من النسمة تتمايل غصونك أداريلك ومن قلبي أحنكوأخاف عليك من خافي شجونك تقول القلب كيف انهيها عنكيعاندني ولا يرتاح دونك قتيل الحب وأشواقي دعنكوأموت أن صار مغلق تليفونك تكلمني ونولمك غالبنكوأنا مبا السهر يتعب عيونك... (حمد سالم العامري) http://www.6rbtop.com/library/resou...en/16492_hi.ram عفراء: صح لسانك وصوتك الحلو خليفة: صح بدنج... شو رايج حبيتيني ولا بعدج ههههههههه عفراء تضحك: فديت روحك خليفة: قوليها مرة ثانية عفراء : مبا..شو أهداء الشلة لأني مبا أرقد يعني؟ خليفة: اممممممممم تقريباً عفراء: خلاص حبيبي بخليك الحينه لأني صدق مدوخه خليفة: حبيبي تلحفي عدل وأول ما تنشين سويلي اوكيه عفراء: خلاص...تصبح على خير خليفة: وأنتي من أهله ************** مر يوم الخميس على كلن من خليفة وعفراء كأنهم عايشين في دنيا غير وخليفة كل وقت وثاني يدق يطمن عليها وهي نفس الشي هند وميثا وايد مع بعض ويالسين يسولفون عن الملجه وطريقة تقديم الشبكة ويبون يسون حركات ومفاجات للمعازيم اللي بيحضرون ورتبوا كل شي وساروا عند المصمم وخبرهم يوم الأثنين يون عسب فستان الملجه مال ميثا وافقوا يوم الجمعه الكل متجمع إلاعفراء اللي كانت راقده لأنها سهرانه وي خليفة يرمسون بعض... تحت وفي الصالة يدق تليفون سلطان على الصبح استغرب سلطان رقم دبي سلطان : منو ها بعد؟ هند: رد انزين يمكن سهيل فديته اليوم قال بيرد سلطان خاف لأنه سهيل لو يبي يتصل بيدق من تليفونه بو سلطان: رد سلطان الله يستر سلطان: الو السلام عليكم سلطان: عليك السلام والرحمه أنت سلطان سعيد أخو سهيل سعيد سلطان : هيه نعم أنا أخوه هند تروعت ونشت حذال سلطان أم سلطان: يالله سترك سلطان: آمر أخوي أخوك سهيل وربعه سوى حادث هم ثلاث سياير وكلهم منجلبين ولا نعرف أخوك بس واحد متعور شوي قال هذا موبيال سهيل لكن البقية كلهم حالتهم خطيرة واربع منهم توفوا فورا سلطان مب عارف شو يقول جدام أبوه: ممكن أعرف أي مستشفى تعالوا مستشفى راشد شوفوا منو ولدكم؟ سلطان وكله حزن: إن شاء الله هند تصيح: شو فيه سهيل سلطان مب عارف شو يقول والخوف ذابحه: ابوي قوم بنسير أم سلطان تيود سلطان وهي تصيح: دخيلك ما تظهر قبل لا تقولي شو بلاه أخوك سلطان والدموع في عينه: سهيل وربعه كلهم ثلاث سيارات انجلبوا وماأعرف حي ولا ميت يقولون اربع منهم متوفين والبقية حالتهم خطيرة واحد منهم خبر الشرطة انه هاتليفون سهيل وقالوا نسير مستشفى راشد هند تنهار وتيلس تصيح وتصارخ لأنها تموت في سهيل وأم سلطان تلوي على سلطان وتصيح وأبو سلطان سمح لنفسه دموعه تنزل وما أستحمل.... سلطان: أبويه دخيلك بسرعة نسير أم سلطان تبون تذبحوني تخلوني اتريا عسب اسمع موت ولدي شلوني وياكم تمسك أم سلطان رقبة بو سلطان وتحلف عليه بعشرتهم انه يشلها وياهم وافق هند بغت تتخبل نزلت عفراء على صراخ الكل... هند رمت نفسها في حضن عفراء ويلست تصيح ... عفراء: هند شو فيج شو بلاكم شو صاير؟ سلطان خبر عفراء السالفة أنفجرت عفراء ويلست تصيح سلطان أتصل بميثا وخبرها بالسالفة وخلها تي تيلس عند خواته لين ما يردون من دبي ......... ساروا سلطان وأهله عسب يشوفون سهيل وهم يدعون طول الطريج انه سهيل وإن كانت خطيرة بس يكون حي في هاللحظة عفراء تحاول تهدي هند اللي كانت منهارة بشكل نهائي سهيل اخوها وصديقها والوحيد اللي يهتم فيها ويحس فيها عفراء تحاول تتماسك لكن سهيل بعد كان أخوها الصغير اللي يما كان يغلس عليها ويلجأ لها ويشاورها في أموره ويلست تحضن هند وتحاول تسكتها لأنها كانت عارفه أنه هند وسهيل وايد وي بعض.... هند: سهيل ليش سهيل...فديت أخوي ياريتني مكانه ياربي بموت ما أتحمل أخوي حبيبي عفراء تصيح: هند قولي لا إله إلا الله وحطي أمل عند ربج انه سهيل يكون حي هند ودموعها تغسل ويها: فديته فديت روحه قالي بيرجع وعدني انه بيرجع عفراء تصيح : خلاص هند ارحميني شوي دقت ميثا الباب ودخلت عفراء وهند شافوا ميثا حضنتهم وانهاروا أثنينتهم ويلسوا عند ميثا وهي تحاول تخفف عليهم مصيبتهم ..... عفراء من دون ما تحس ركضت غرفتها ومسكت الموبيال ودقت لخليفة..... خليفة: هلا بالحلوين عفراء كانت منهارة تصيح ولا قادرة ترمس خليفة بس حست انها محتاجه لأغلى الناس عندها يوقف وياها خليفة خاف وايد: عفراء شو بلاج ليش تصيحين عفراء: سهيل أخوي ...سهيل سوى حادث ومايعرفونه حي ولا ميت في مستشفى راشد وأمي وأبوي وسلطان راحوا أنا خايفة خليفة ما أتحمل حد من خواني يستويله شي وأنا حيه ماأقدر خليفة: عفراء حبيبي قولي لا إله إلا الله ...هند محتايه لج أنتي تعرفين شكثر تحب سهيل وأمج وأخوج .....فديتج عشاني حاولي تتماسكين وأنا الحينه بسير دبي بكون قبلهم هناك اوكيه؟ عفراء تصيح بقو: خليفة مبا شي يستوي لأخوي ....هذا الغالي سهيل ... هو اللي مخلي بيتنا فيه حياة وضحك هو وردة بيتنا مبا أفكر بلحظة أنه مابيدخل علينا ولا بيسولف ويانا.... خليفة: عفراء غناتي إن شاء الله مابيستوي شي وبيكون حي يدخل عليكم ويفرح فيكم وتفرحون فيه خلاص انزلي عند أختج وحاولي تهدينها بخليج الحينه عسب ألحق عليهم وبطمنج عليه خلي تليفونج عندج... عفراء: إن شاء الله عفراء تنزل وتحصل ميثا حاضنه هند ويلست تحاول تخفف عليها وأنه سهيل بيرجع أخوها الحبوب بيرجع وبيمسح دموعنا وبترد الضحكة اللي عودنا دوم عليها.... ************* فعلا وصل خليفة قبل أبو سلطان وأهله وفي المستشفى شاف خليفة الشرطة والجثث وتجرأ وسأل الجهات المختصة المحقق: منو حضرتك خليفة: وياك الرائد خليفة راشد من بوظبي ولد عمي من ضمن اللي مسوين حادث المحقق : شو أسمه؟ خليفة:سهيل سعيد المحقق : هذا داخل العناية المركزة حالته خطيرة وايد في هاللحظة دخل بوسلطان وسلطان وأم سلطان شافهم خليفة وسارصوبهم وسلم عليهم وخبرهم انه عفراء خبرته وطمنهم أنه سهيل بعده حي بس حالته صعبة وفي العنايه المركزة.....بوسلطان من سمع الخبر أنه ولد حي تم يصيح ويلس على الأرض لأنه ريلوه ماشالته وأم سلطان لوت على خليفة وتمت تصيح الشباب خذوا شوابهم ودوهم صوب الأستراحة لين ما يخلص التحقيق وتسمح لهم إدارة المستشفى أنهم يشوفون سهيل سلطان سار هو وخليفة صوب الدكاترة اللي في (ICU) ونشدوا عن حالة سهيل والدكتورخبرهم انه نزف وايد ولو عدت 24 ساعة من دون نقل دم يمكن مابيعيش سلطان مب عارف شو يسوي لأنه عارف فصيلة دمه مب مطابقة وي فصيلة دم سهيل لكن الصدفة انه خليفة طلعت الفصيلة نفس الشي وفورا تم نقل الدم .... في هاللحظة كان بيت أبو سلطان كله حزن من خوف سماع خبر موت سهيل....سهيل اللي عمره مابخل لا بوقته ولا حرصه واهتمامه عن أهله وخاصة هند اللي طلعت فوق صوب غرفة سهيل ودخلت ويلست تحضن كندروته وتصيح ....وميثا وعفراء من سمعوها ركضوا صوبها ويلست تتطالعهم وهم يصيحون...... هند: كندروته بعدها ...ريحة عطره موجودة فديتك ياسهيل حبيبي والله كنت أغلس عليه الأيام الأخير...ياربي مبا أشوف هاليوم يارب.... يلست على تسريحة سهيل تصيح وطالع مشط سهيل وتشوف شوية شعرمن راس سهيل على المشط هني انهارت عفراء من شمت ريحة عطر سهيل ويلست تصيح طلعتهم ميثا وحاولت تهدي الوضع .... هند حاضنه كندروة اخوها ما هدتها......... وتدعي انه الله يخلي لها اخوها............ دق تليفون عفراء وكان خليفة المتصل عفراء: هلا خليفة بشر؟ خليفة : سهيل حي الحمد الله بس حالته خطيرة وفي العناية المركزة ومحتاج نقل دم لأنه نزف وايد.... عفراء: سهيل حي أحلف؟ خليفة : والله بس أدعوله الحين بيسحبون مني دم وبيكون ما بينا اتصال لازم 24 ساعة هذه تعدي على خير أدعوله بالشفاء عفراء خبرت ميثا وهند بس تمت هند على حالتها وخوفها على أخوها وتوضت ويلست تقرئ قرآن وتدعيله.......... السموحة منكم أدري يمكن نهاية الجزء التاسع تكون كئيبه شوي وأتمنى بعد لا تحرموني أرائكم وتوقعاتكم اللي أتراياها دوم........ وألقاكم مع الجزء العاشر وآخر التطورات من قصتي المتواضعه ... (( لي حبيب حيل حبيته..وصار عمري وسيد خلاني)) عاشقة الاحزان 16-04-2005, 23:33 الجزء العاشر) في المستشفى عقب أربع ساعات من تبرع خليفة بالدم كانوا كلهم يالسين وي بعض أم سلطان تدعي وأبو سلطان يكلم سلطان وخليفة عن سالفة الحادث وكانوا الشباب أثرهم يتسابقون وانفجر تاير ورد على السيارة اللي ورى والسيارة انجلبت ويات على الثالثه لما صار هالحادث المأساوي.... خليفة وسلطان ساروا صوب العناية عسب يشوفون حالة سهيل المستقرة واللي مافيها إي تجاوب وخاصة بعد نقل الدم... سلطان: ها دكتور بشر.... الدكتور: تمام بس فيه شوي كسر صعب داخل رجله سلطان: وشو الحل....؟ الدكتور: لازم يدخل العملية عشان نصلحها قبل لا تجبرغلط وبدأ الدكتور يتكلم مع الممرضة عبالة أنه الشباب مايفهمون انجليزي الدكتور: we will take son of my friend first to (O.T) and then we will take this patient الممرضة: but sorry doctor it will not affect this patients leg ? الدكتور: don’t worry my friend will give us anice gift for this thing but don’t tell anybody خليفة وهو معصب: excuseme are you adoctor? والدكتور خاف يوم سمع خليفة: sorry?! خليفة غسل شراع الدكتور: you will know who is important tomorrow هني عرف الدكتور انه خليفة بيشتكي عليه واستغرب لأنه عباله مابيعرفون رمستهم وقعد يترجاه وعد خليفة انه بيسوي عمليه سهيل ممتازة لريله وبيدخله أول شي بس خليفة تغاضي عن الموضوع مؤقتاً عسب الوضع ما يسمح للمشاكل وفوراً وقع بو سلطان على العملية وخليفة وسلطان متابعين للي صاير أول بأول بس الدكتور قال لخليفة انه العملية بطول ثلاث ساعات لأنه ريل سهيل مافيها أمل تتصلح مول ولازم بسرعة يزرعون له مادة من البلاتين عشان تكون مكان العظم... في هالأثناء سلطان كان تعبان وايد من كل شي أخوه اللي حالته الله العالم فيها .. وأمه وأبوه اللي يشوفهم مرهقين والحزن في عيونهم ولسانهم ماوقف من ذكر الله سبحانه...كان يحس بالعجز رغم صلابته لكن الموقف اكثر من أنه يقدر يتحمله... حس أنه مخنوق والحمد الله انه خليفة كان وياه واللي سواه خليفة محد يسويه إلا اللي فعلا عاد هالعائلة في مثابة أهله ... الواحد منا في مثل هالحزات يحتاي أعز إنسان عليه يكون حذاله ...حس الدنيا كلها على راسه والحمل كبير ظهر برى ... وسار صوب السيارة... وخذ تليفونه ودق لميثا ميثا : مرحبا سلطان: ميثا ميثا بخوف سمعت صوت سلطان منتهي: حبيبي شحالك سلطان ارتاح يوم سمع صوت حرمته: حالي لا تتخبرين ياميثا تعبان والله مب سالفة تعب جسمي... لا والله أعصابي احسها تعبانه أخوي في العمليات واخافه مايتحمل توه خليفة مسكين متبرع ميثا: ماعليه حبيبي تحمل عشان عمي وعمتي سلطان: ميثا ميثا: عيونها سلطان: فديت عيونها...تعرفين انه الحفلة بتتأجل فأعذريني ميثا : سلطان تعرف لو قلت هالرمسه مرة ثانية بزعل سلطان: الحمد الله أني ملجت قبل ولا كنت صدق بنهار وانتي بعيدة عني ميثا: سلطان اكره اشوفك ضعيف جي سلطان: هب بشوري يا ميثا تشوفين الجثث اللي في المستشفى وأهلهم شجايل يصيحون عليهم والله لو ما حدر علينا خليفة وخبرنا انه سهيل حي كنت خلاص اتريا المحقق يقولنا اخوك ميت بس ربج ستر ميثا: مبين على خليفة طيب وايد سلطان: والله عمامي الباقين ولا شفنا ظفر واحد منهم لكن خليفة أصيل وعمي راشد تعبان مسكين ولا كان وي ولده معانا ميثا: فيهم الخير سلطان: المهم غناتي حبيت اسمع صوتج بسير اشوفهم ميثا: سلطان حبيبي دير بالك على نفسك وشوف عمي وعمتي لا تخليهم حاول تصبرهم لين مايظهر سهيل بالسلامة سلطان: إن شاء الله حبيبي...شو حال البنات؟ ميثا: عفراء متصبره لكن هند وايد تعبانه ما هدت كندورت سهيل والحينه يالسه تدعيله سلطان: فديتها والله ماعليه ميثا عبلت عليج ميثا: بتسكت ولا بزعل سلطان: زاهبه انتي للزعل ميثا: يالله حبيبي سير صوبهم شوفهم وطمني عليك وعليهم سلطان: إن شاء الله فديتج دير بالكم ميثا: إن شاء الله ************************** يرجع سلطان مالقى خليفة أستغرب ...... سلطان: يوبه وين خليفة عنكم؟ بوسلطان : يابوك ظهرا لدكتور مستعيل من غرفة العمليات ومدريبهم شو قالوا لخليفة ...يوم نشدت خليفة قالي يبون دم مرة ثانية سلطان معصب: شو ها مينون يتبرع مرة ثانية بيطيحوا علينا اثنينه بدل واحد بوسلطان: لا بعيد الشرعنهم يقوموا بالسلامة... أم سلطان حطت أيدها على صدرها ويالسه تدعي... حضنها سلطان ويلست تصيح أم سلطان: ربي يحفظكم من كل شر يالله ياربي ردلي ولديه راس مالي أثنين عيوني الثنتين ولو وحده تداعت شكته الثانية يالله رحمتك ياربي سلطان : دخيلج أميه وغلاتي عندج ارحمي عمرج شوي سهيل بيقوم بعافية أم سلطان تصيح: نظر عيني مافيه دم ليش ماخذوا دمي يبا دمي كله بعطيه بس أشوفه فتح عينه يعلني افدااه سلطان: اميه دمج مايتسوي تتبرعين فيه مب مطابق ولا أنا كنت اول واحد أتبرعله . سار سلطان صوب غرفة خليفة اللي تبرع فيها وحصل خليفة شكله تعبان وأصفر سلطان: خليفة شو فيك جنك هب متعلم شجايل تتبرع بالدم مرة ثانية شو تخلبت ما تعرف انك بتتعب خليفة: ماعليك جسم اخوك يتحمل سلطان: والله اني ياخليفة مستحي منك ومب عارف شو أقولك خليفة: لا تقول ولا شي الممرضة خذت الدم وسارت ربك يسهل الأمور إن شاء الله سلطان: الله يسمع منك خلك مرتاح بسير أيبلك شي تشربه خليفة فعلا تعب وحس الدنيا دور عسب جي ماقدريقوم ويحاول يكابر جدام سلطان وما طاع يخبره انه وقع ورقة انه هو مسؤل عن نفسه لو تبرع مرة ثانية ... بعد فترة رجع سلطان واشترى شوية عصائر لخليفة عسب يرجع دمه خليفة أصر على سلطان يروح صوب عمه وعمته ويشوف شو صار بالعلمية سار سلطان ويلس وياهم يتريون في هالوقت وصلوا أهل ميثا ويلسوا وي أهل بو سلطان ظهر سهيل من العملية اللي تمت بنجاح والحمد الله بس تم سهيل فاقد لوعيه ... والدكتور طمنهم على حالته.... بس 24 ساعة بعدها ما خلصت رجع سهيل في العناية المركزة.... وخليفة بعد راقد لأنه حس نفسه مافيه حيل عسب يوقف على ريوله .... سلطان طمن خليفة على حال سهيل وبنجاح العملية خليفة طلب من سلطان ياخذ أهله وأهل ميثا يرتاحون ويحجز لهم في مكان قريب من المستشفى وطبعا وبعد إصرار من سلطان خذ الجماعة وتموا أم ميثا وأبو مياث وي أهل بو سلطان على الساعة 12 رجعوا أهل ميثا العين يلس سلطان يصر على اهله يرتاحون شوي وخلاهم يرقدون لأنه مابقى شي عن صلاة الفجر .... وهم من الظهر وي سهيل على وقفة وحده لا أكل ولا شي ساروا وارتاحوا وأذن الفجر وصلوا جميع أتصلت هند بسلطان اللي بعد كان شكله مرهق من التعب .... هند بصوت تعبان: سلطان شو صار ليش ما دقيت سلطان: هند حبيبتي ليش سهرانه للحين هند: ليش سهرانه؟؟؟ أتريا حد يطمني على أخوي ليش تأخرتوا وايد سلطان: والله الغالية توني بس واصل وحجزت لأمي وأبوي عسب يرتاحون والعملية نجحت وسهيل بخير بس يبا وقت عسب يرتاح هند ودموعها مافارقت عينها: سلطان متى بتي تاخذني عشان اشوفه الله يخليك بموت من أمس وانتو هناك حرام سلطان عشان خاطر أختك سلطان عيونه دمعة يوم سمع هند بهالحالة: هند والله بس أرجع المستشفى أشوف سهيل وأطمن عليه وعلى خليفة...وخبري عفراء خليكم جاهزين بي بشلكم بعد آمري شوتبين؟ هند: سلطان أحلف بتي تاخذنا انت ماتقص عليه عسب اسكت صح؟ سلطان وقلبي يعوره على اخته: لا حشا والله انا بعد أحاتيكم من صوب فقلت بي آخذكم هني تيلسون عند امي وتطمنون على سهيل هند وهي تصيح: تعال يالله بسرعة أترياك سلطان: خبري عفراء وخبري ميثا ترجع البيت هند: سلطان ميثا ما خلتني دقيقة صدق بنت أياويد سلطان: لازم حرمة سلطان سعيد هند : هيه والله خلاص بخبرهم سلطان : يالله برايج فمان الله هند: فمان الكريم ********************** هند خبرت عفراء برمسه سلطان وطمنتهم على حالة سهيل ...وخبرت ميثا ترجع البيت بس ميثا مارضت واتصلت بسلطان ميثامعصبه: سلطان انا بي وياكم شو تخليني هني على أعصابي؟؟ سلطان: ميثا اسمعي الكلام مب وقته العناد الحينه...بعدين أباج تاخذين إجازة لعفراء لأني اباها تيلس وي أمي لأني عارف أمي ما بترضى ترد العين وسهيل هني ميثا: وأنا؟ سلطان: ميثا اباج ترتاحين وانا بين الوقت والثاني بسويلج والله يخليج ترى يكفيني اللي فيني مافيني اتناقش وياج في شي ميثا حز في نفسها لأنها بغت توقف وي عفراء وسلطان شرات هالموقف ميثا: اللي تشوفه سلطان سلطان: ميثا لا تزعلين عمري أنتي ماقصرتي ويوم بيون أهلج مرة ثانية دبي تعالي وياهم ميثا بزعل: مب مشكلةخير إ نشاء الله سلطان: يالله ديري بالج ميثا: إن شاء الله وأنت بعد ********************** رجع سلطان الساعة 8 على خليفة وقاله لازم يروح يرتاح في المكان اللي حجز فيه ...وسار خليفة لأنه فعلا محتاي يرقد... وحط أمي وأبوه وي سهيل اللي فيه مؤشرات على تحسن حالته.... رغم انه في غيبوبه بس الحمد الله أنه مافيه أي نزيف داخلي بعد الأشعه المقطعية اللي سوها له...... سلطان الوحيد ما أرتاح وكان يحس بأرهاق وهو ماسك خط دبي العين وكان يسرع لين ما وصل البيت لقى هند وعفراء يتريونه ... سلطان حدر وسلم على خواته : شو جاهزين عفراء : سلطان ويهك متغير وايد إذا تعبان أرتاح سلطان: لا مب مشكلة يالله عسب ما نتأخر على أمي وأبوي هندمسكت ايد سلطان: سلطان الله يخليك عندي طلب قبل لانسير سلطان: آمري حبيبي عيوني لج؟ هند: اباك تظهر فوق حجرتك وتاخذ لك حمام وتيلس تاكل شي ولا والله ما اظهر وياك أنت الوحيد اللي ما أرتحت فينا.... سلطان: تبون الصراحة من ناحية السبوح يبالي اتسبح عفراء: يالله عيل أنا بسويلك شاي وريوق لين ما تخلص متسبح ومتلبس... سلطان مسكين كأنه ما صدق سار على طول حجرته وتسبح وغير ملابسه نزل وحصل خواته يتريونه ويلس وتريق ويلس يخبرهم عن خليفة وشهامته وكيف انه عرض صحته عشان خاطر سهيل هند تحاول تغير الجو: هيه هذا هب لسهيل لعيون بعض الناس عفراء: هب وقتها الرمسه يالله سلطان سلطان: أدري الوقت مب مناسب عفراء لكن والله ولا شفت غير اهل ميثا يزاهم الله خير اللي وصلوا وخليفة ما هدنا دقيقة وحده عفراء: والله انه ريال يعتمد عليه خليفة: عفراء ما بتحصلين شراته صدقيني خليفة ريال والنعم فيه وما عليه كلام هند: اووووف متفيجين انتو يالله بسرعة أبا اطمن على اخويه عفراء وسلطان يبتسمون ويظهرون وصلوا على الساعة 12 الظهر وطمنوا عليه هند يلست تصيح تبا تدخل عند سهيل بس الدكتور يقول مايستوي الكل يحدر لازم شخص واحد كل مرة أم سلطان أكثر وحده تمت عند ولدها وهي تحضن ايده وتسمي عليه وتصيح سلطان حدر وظهر امه عشان ما تتعب عليهم... بس تفاجئ يوم شاف سهيل كان ويهه غير كله جروح وندوب من الخياطة ما توقع بيشوف اخوه هالشكل وظهر أمه ودخلت عفراء ويلست حذاله شافت ويه سهيل عفراء ودموعها تنزل بهدوء: سهيل حبيبي ...ماتشوف شر الغالي .. ويلست تمسح على شعره وتشوف ريله اللي مجبربطريقة تخوف عقب العملية يلست تمسح عليها بحنان وهي تتفدى اخوها..... سهيل كان بعده في غيبوبته وإن شاء الله 24 ساعة تمر على خير باقي ساعة على الموعد اللي يتريونه عسب حالة سهيل تستقر ويطمنون عليه....ظهرت عفراء وهي تصيح هند كانت مترددة يوم شافت امها واختها يصيحون ..... هند بخوف: سلطان تعاال ويايه أخاف روحي ما أقدر اشوفه روحي سلطان من دون تردد أستأذن من الدكتور وسمح لهم دخل سلطان وخته ومشوا بهدوء لين ما وصلوا صوت الأجهزة وشكل سهيل الصعب على قلب هند ماقدرت تتحمل سلطان كان لاوي على اخته هند حطت أيدها على ثمها يوم شافت ويه سهيل سارت لين وصلت فوق راسه...... هند وهي تصيح ودموعها غاسله ويها: سهيل أنا هند أختك سلطان كان ميود نفسه بالغصب عشان مايزود عليها هند تهمس في أذن سهيل : أباك أول ماتنش تسويلي قصيدة حلوة سلطان ينزل راسه ويحز في نفسه كلام أخته هند وظهر عنها وخلها روحها هند: فديت روحك سهيل ...وباسته على يبهته وخده وكانت تمسح الدم اللي ينزل من شفايفه وهي تصيح .... هندترمس أخوها بهدوء وكأنه يسمعها: أباك ترد العين مرة ثانية لا تسير مكان بعيد أنا ادري أنت ما تحب حد يحدر حجرتك وأنت محد... بس أنا حدرت لأني كنت متوله عليك وايد شليت كندروتك ويلست على تسريحتك تريتك تحدر عليه وتهزبني بس أنت كنت هني روحك تتويع ومحد وياك..... وحطت راسها على أيد سهيل وحضنتها وتمت تصيح بقو ......فجأة حست أيد سهيل تتحرك ماصدقت بعد هالوقت كله يمكن سهيل يتحرك شوي ظهرت عطول وقالت لأهلها سلطان زقر الدكتور ودخلوا فريق طبي يتأكدون من صحة كلام هند وفعلا سهيل كان يشوي يحرك جفونه مع انه هب قادر يبطل عيونه وأطرافه تتحرك ظهر الدكتور وعلامات الرضى في ويهه وبشر بو سلطان الدكتور: الحمد الله عدت مرحلة الخطر بس الحين كل اللي لازمه الراحة التامه بوسلطان ودموعه تنزل ويرفع أيده: الف شكر وحمد لك يارب الحمد الله رب العالمين لطفت بولدي الحمد الله أم سلطان تصيح وتلوي على سلطان: الحمد الله ربي استجابلي دعايه اللي من أمس أدعيه لك الحمد والشكر يارب..... عفراء تحضن أبوها اللي كان يصيح ويحمدون الله بسلامة سهيل هند فرحانه رجع الدكتور يكمل رمسته ويوصيهم الدكتور: بس هو محتاج إذا رد وعيه لرفع معنوياته يعني لو سمحتوا الدموع هذه والخوف ماأتمنى يشوفها عليكم بس عشان تتحسن نفسيته سلطان: ليش أعصابه فيها شي...؟؟ الدكتور: لا بس تعرف شخص شايف الموت ويعتقد نفسه في عداد الموتى لا قدر الله محتاج أول مايصحى انه يحس انه كل اللي حواليه موجودين ونفسيتهم أحسن لا تحسسوه أنه هو مثلاً تعبان وايد أو متعور وايد بوسلطان: لا يهمك دكتور ومشكور ويزاك الله خير الدكتور يسأل سلطان: إلا وين ولد عمك كان تعبان البارح؟ عفراء خافت وصدت صوب سلطان تتريا الإجابه على سؤال الدكتور سلطان: لا الحمد الله هو بخير اليوم الصبح خليته يروح ينام لأنه شكله البارح تعب تبرع مرتين بالدم عفراء: عنبو مستشفى شو كبره مافيه نفس الفصيله سلطان: ياعفراء فصيلة دم سهيل نادرة وماطابقت وي حد منا غير خليفة وفي العلميات أخوج تعب وخليفة ماقصر هو بخير انا روحي وصلته وراقد وقال بي العصر عفراء كانت خايفة وايد على خليفة ومب عارفه شو تسوي عسب تتطمن عليه سلطان حس بخوف عفراء الدكتور : لا طمنوا ماشاء الله صحته كويسه دمه ممتاز بس شوية سوائل وبيرجع مثل ما كان هو سحب الدم مرتين صعبه لكن جسمه يتحمل ماتخفوش بوسلطان: مشكور يا دكتور وماقصرت ...بس متى نقدر نطمن على ولدنا؟ الدكتور : إن شاء الله بعد ساعة عايزين نطمن على ردة الفعل واتمنى أنها تتكرر عشان هيكون دليل على تحسن حالته واستجابته للعلاج بوسلطان: الله يسمع منك دكتور أم سلطان: بو سلطان قول للدكتور أبا احدر عنده هند: لا أنا اللي دخلت اصلا سهيل حس فيني انا يوبه الله يخليك بوسلطان كان حازم وياهم: أقولكم خلو الريال يرتاح شوي ساعة وعقب حدروا شو ماسمعتوا كلام الدكتور..... هند وأم سلطان سمعوا الكلام وتريوا هالساعة في هالوقت سلطان خذ عفراء وظهروا في الإستراحة وعفراء معصبه من خليفة وليش سلطان ما منع اللي صار سلطان: عفراء والله انا ما كنت موجود يوم تبرع مرة ثانية يوم سرت لقيته حتى مب قادر ينش عفراء: حرام عليك سلطان الحين الريال شو بيقول عنا سلطان يبتسم ويغمز لعفراء: يالله كل ها خوف عليه يعني افهم من رمستج انه علاقتج وي خليفة طيبه؟ عفراء: مهما كان خليفة ولد عمي وبيكون ريلي إن شاء الله ليش ما أخاف عليه سلطان: الله يطمنج والله كنت خايف تختلفون وي بعض وخليفة ريال ما يتعوض عفراء: من يومين بس بديت أحس شكثر خليفة قريب مني وخاصة عقب اللي سواه وي سهيل كبر وايد في عيني وتباني ما أخاف عليه يا سلطان سلطان: انزين شو رايج دقيله هالمكالمه بتريحه وايد مع انه قال بي العصربس أشوفه ما بين عفراء: مبا اضايجه اباه يرتاح سلطان: لو تحبينه صدق دقيله وخلي هني يي عندج وأعزميه على شي ياكله الريال ما كل شي من البارح والدكتور قال لازم يشرب سوائل وايد عسب يعوض عفراء مستحية من سلطان: خلاص الحينه بدقله سلطان: بخليج تاخذين راحتج بسير صوب هند تلاقيها مصدعه ابويه تحن فوق راسه تبا تحدر عند سهيل عفراء: خلاص انا بلحقك الحينه ******* دقت عفراء لخليفة ...خليفة في هالوقت كان توه ناش وحاس راسه بينفجر شاف رقم عفراء ورد عليها ........... عفراء: خليفة؟ خليفةفرحان وايد عفراء داقه: آآآه ياقلب خليفة وينج أنتي ؟ عفراء خانقتها العبرة تبا تصيح: ليش سويت جي خليفة يبتسم: شو سويت عفراء بعصبية: لا تستهبل خليفة يبطل عيونه: أستهبل مقبولةبس صوتج حياتي.... مافينا اتواجع وياج أوكيه؟ عفراء: آسفه بس انت ما تسمع الكلام خليفة: يعني تبين أشوف ولد عمي يموت جدامي ولا أسوي شي...؟؟ عفراء: ماقلنا شي بس مب جي تذبح عمرك....... خليفة حس الدنياغير : تخافين عليه؟ عفراء: أنت شو رايك...؟ خليفة: عفاري سألتج ردي عليه؟ عفراء: أكثر عن نفسي خليفة: فديت روحج والله عفراء: خليفة انا هني في دبي ترى خليفة عدل يلسته وفتح عيونه معصب: وليش ما قلتي انج يايه عفراء: اخوي سلطان يا الصبح وشلنا ومن 3 ساعات بس واصلين خليفة: بندي الله الحين ياي عفراء: خليفة؟ خليفة معصب: شو تبين؟ عفراء: شوبلاك عصبت؟ خليفة: ماشي بس نسيت اني حي الله خطيبج المفروض دقين تخبريني انج هني مب تخلوني راقد عفراء: كنت أباك ترتاح ما يكفي اللي سويته مع سهيل خليفة هدى شوي: لا تسوينها مرة ثانية عفراء: إن شاء الله من عيوني يالله اترياك انزين خليفة: عشر دقايق وبكون عندج عفراء: خليفة دخيلك شوي شوي المستشفى جريب مابيطير خليفة: ادري بس قلبي هب بشوري يالله باي عفراء: ربي يحفظك. رجعت عفراء عند أهلها ويلست وياهم وصل خليفة عقب ربع ساعة وسلم عليهم وعلى عفراء ...وبدى التعب واضح على ويه خليفة ويلس حذال بو سلطان ينشدهم عن حالت سهيل وطمن عليه لف الدكتور مرة ثانية وأستأذن بو سلطان يحدر على ولده سهيل ودخل وياه أم سلطان ويلسوا وهند تتحرقص تتريا دورها وخليفة عفراء يطالعون بعض ....بس عفراء كان يبين شكلها متضايج من اللي شافته على ويه خليفة..... وخليفة فهم نظرات العتب اللي في عيون عفراء سلطان أستغل الفرصة وعزم خليفة على الغداء لأنه ما كل شي من البارح وخذ عفراء وياه وقال لهند تخبر أبوه انهم ساروا يبيون غداء للكل ساروا وطلبوا أكل سلطان شل الأكل وخلاهم براحتهم ....خليفة يطالع عفراء كأنه يشوفها لأول مرة عفراء مستحية وما تقدر تحط عينها بعين خليفة..... عفراء وهي يالسه تفتح السندويش لخليفة: شفت ويهك شجايل مصفر؟ خليفة: .................. عفراء: خليفة ؟ خليفة: اوف ماتعرفين تسكتين شوي هدوء عفراء تبستم مستحية: يود كل شكلك بتعبني انته... انتو الريايل جنكم أطفال صغار لازم كل شي بطلب خليفة يضحك: هيه عن نفسي طفل بس حجم كبير برتبة رائد تضحك عفراء: متفيج والله خليفة: أحلى ضحكة شفتها وسمعتها في حياتي عفراء: بتاكل ولا أكلك بأيدي بعد خليفة ماصدق: يالله يودي السندويش أكليني عفراء فقط ويها: شو تخبلت الناس تتطالعنا يالله كل بسرعة واشرب عصير وغرشة ماي خليفة: خيبببببه وين تبين شو قالوج عني محرقة عفراء: يالله بسرعة خليفة خلص عسب مايعصبون علينا خليفة: محد يعصب عليج وانا موجود بعدين مايقدروا يقولون شي عاطينهم دمي خخخخخخخخخ عفراء تضحك: هههههههه صدق انك بايخ بنرده هالدم جان بيستوي فيه معاير خليفة يرمس بحنان: لا مايحتاي عفراء بترده لي عقب ما آخذها صح عفراء تحاول تتجاهل نظرات خليفة عفراء نشت وهي تقول خليفة : يالله قوم بنسير خليفة: يلسي لا أصفعج الحينه بعدني ماخلصت عفراء: شو ها عبالك جندية عندك خليفة نقع من الضحك: فديت روحج خلصت يالله زري جدامي عفراء وخليفة يظهرون ويسيرون لقوا بو سلطان وأم سلطان فرحانين لأنه سهيل يتحرك عادي بس ريله اللي شوي متعبته وهند وسلطان داخل يتريون اليوم اللي بينش فيه سهيل ومرت الساعات وكل مرة حد يدخل خليفة طبعاً أستأذن ورد بوظبي وخبرهم انها بيترخص من الدوام........ وبيرجع لهم وصى عفراء طمنه عليها كل فترة والثانية وهي نفس الشي ..... وصولوا أهل بوسلطان وجماعتهم يتحمدون بالسلامة لسهيل مع انه سلطان معصب منهم بس أستقبلهم عدل... الساعة 9 السماء الحمد الله استقرت حالة سهيل اكثر عن قبل بس بعده ما نش ورجوا الشقة اللي حجزها سلطان لهم وأول ماوصل طلب أكل للجميع أم سلطان كانت تاكل شوي مالها خاطر تاكل لين ما تشوف ولدها قام بالسلامة هند فرحانه أنه اخوه بعده حي وبدى يتجاوب ولقت في تليفونها 12 مس كول ومسجات شيكت لقت ربيعاتها لأنها ماسارت الجامعه واتصلت لموزة وخبرتها اللي صار وطمنتها أنه سهيل بخير ظهر سلطان يارته شاف 2 مس كول ميثا ومطرشه مسج ... ( أنا الحبيب اللي على دربك إرتاد... ولا يردني عنك إلا وفاتي ,, عمر الحبيب في العز ماراح ينعاد... وشي حيلتي لا غبت عني عيني وذاتي!,, لا تقول تايه وأنا لك عضد وسناد,, وشلون أتجاهل ورد ظهر في حياتي) سلطان متلوم في ميثا لأنه رمسها بأسلوب مب حلو مع انها كانت خايفة عليه وتبا بس تكون قريبه منه في محنته عقب دق لميثا بس ماردت عليه لأنها تعبت كله مغلق تليفونه كل هالوقت ولا فكر يطمنها عليه ولا عن حالة سهيل ويوم دقت مرتين بعد ما رد عليها فحز في خاطرها لأنها حست سلطان بعيد عنها.... بس هوكان مستهم على حالة اخوه .... طرش لها مسج (أقول بكره ينتهي الهم وألقاك..يطلع علي الصبح وأقول باجر...ضايع بدونك بين همي وذكراك..أنا أعترف بالضعف ما أقدر أكابر....الصمت بيت........ و.......دمعتي ألف شباك....... و.....الهم باب........ وشوفك ألف زاير...) ميثا قرت المسج قلبها عورها وحست شكثر سلطان الوحيد اللي للحين ما أرتاح يلست تتريا شوي ودق سلطان... وردت عليه سلطان: سلام عليكم ميثا: عليك السلام سلطان: شحالج ميثا ميثا: بخير يعلك الخير أنت شحالك شو سهيل الحينه؟ سلطان: الحمد الله عدت مرحلة الخطر وهو بخير ويتحرك ميثا: الله يشافيه إن شاء الله ويرده لكم بالسلامة...... سلطان: آمين ميثا:........ سلطان: ميثاني أدري زعلانه بس والله العظيم تعبان وأهلي محتاين لي ميثاتقاطعه: ومنو قالك أني زعلانه عادي سلطان فاهم أسلوب ميثا وقلبها الطيب: ميثا اعذريني والله أنه عيني ما غمضت للحين وأحس راسي بينفجر ميثا: سلامتك سير حط راسك وأرتاح سلطان معصب: ليش ترمسين برسميه جي ... أنا روحي تعبان وأسمع منج هالأسلوب الجاف ميثا بهدوء: مب غلط اني طلبت منك ترتاح سلطان: ولو مب بهاالطريقة؟ ميثا تصيح لأنها معصبة بس ماتبا تضيج عليه زيادة سلطان : الحينه ليش تصيحين ناقص انا عوار راس ميثا: الله يسامحك سلطان مابرد عليك سير أرتاح وآسفه إذا صار كلامي مايناسبك ويعورراسك سلطان وهو خلاص ضايجه عليه الدنيا: أحسن بيلس أترياج سيري تعلمي شجايل ترمسين ريلج عدل وهو في هالظروف ميثا مستغربه سلطان فجأة انقلب جي: سلطان بند أحسن سلطان بدون مبالاة: باي ميثا يلست تصيح من الخاطر وعطول اتصلت في عفراءوخبرتها بأسلوب سلطان وكلامه الجارح لها طمنتها عفراء وخبرتها أنه سلطان وايد مضغوط معاهم ومع سهيل ويلست تفهمها انه سلطان شو ماقال بس قلبه ابيض ويحبها ومايقدر يصبر عنها ....رغم ها ميثا تمت حاطه في خاطرها وفي نفس الوقت عفراء تحب ميثا ولا هانت عليها وطيبت خاطرها ...بس ميثا قالت لعفراء انها مابدق لسلطان يكفي اللي سمعته...وأتفقت وياها عسب تتصل فيها وتطمن على سهيل وسلطان من عند عفراء رد سلطان الشقة ورمى نفسه كأنه جتيل من التعب ورقد لين ما الصبح الساعة 7 أتصلوا فيه المستشفى وخبروه انه أخوه قعد ويباهم بسرعة عطول نش وخبر أبوه وأمه وساروا بسرعة على المستشفى حدرت أم سلطان ويلست تلوي عليه عقب ماحدروا الكل .... حدرت هند وطلبت منهم انها تدخل روحها..... أول ما دخلت كانت تمسك نفسها عسب نصيحة الدكتور... سهيل يصد صوب أخته أول ماشافها دمعه عينه سهيل بصوت ضعيف: تعالي حذالي هندتلوي عليه وتبوسه على راسه: أجر وعافية إن شاء الله ماتشوف شر سهيل: الله يسلمج ويعافيج شحالج هندتصيح: دام أنته بخير انا بخير سهيل: أنا ما أصدق أني حي ماأصدق هند يلس سهيل حاضن أخته هند ويصيح من الخاطر وحس بويهه وآثار العملية سهيل ماسك أيد أخته ويطالع في ويها: هند ويهي وايد متشوه شكلي يخوف وايد؟ هند تمسح بأيده بكل رقة وحنان على ويه أخوها: لا فديتك بعدك غرشوب البيت مافيه منافس سهيل يحاول يبتسم بس مايقدر يحس بألم هند: شو صار سهيل كيف استوى الحادث؟ سهيل : هذيل المخبل انا قلت لهم لا تتسابقون قلبي قبضني والله يا هند أول مابنشر التاير ... هند تتطالع الحزن والخوف اللي بعيون سهيل وتمسح على شعره وهو يخبرها السالفة.... سهيل: والله يا هند ونحن ننجلب شفت ربعي يموتون جدامي انا ما حسيت بعمري لأني الوحيد اللي كنت رابط الحزام سيهل يصيح من خاطره وهند تمسح دموعه هند: بس فديتك لا ترمس وايد سهيل: دخيلج انا أبا ارمس ...يلست أطالعهم يوم وقفت السيارة واحد تم ينادي ولده يبا يشوف ولده ومات جدامي أنا هذيج الساعة بغيت اشوف أبوي وأمي واستسمح منهم بس حسيت بألم في راسي وصدري وماذكر شو صار هند تصيح وتحضن اخوها بحنان: خطاك السو حبيبي الله يرحمهم ويصبر أهلهم عليهم...سهيل بقولك شي بس لا تزعل مني سهيل : شو خير؟ هند تبا تنسي سهيل: أنا حدرت غرفتك من دون أذنك سهيل يسايرها: وليش شو هفتي من داخل هند ودموعها في عينها: شليت كندوتك ويلست الوي عليها وأصيح لأني ما توقعت عقب اللي سمعناه اني بشوفك مرة ثانية سهيل هني ماقدر وحضن أخته حيل ويلس يصيح حدر سلطان وشل هند وقال لسيهل يرتاح لأنه الدكتور وصاه جي...دخلت الممرضة وعطت سهيل دواه وراح في سابع نومه ....شل سلطان أهله ورجعوا الشقة اللي حاجزنها وكان مرتاح لأنه أهله كلهم فرحانين بسهيل وتحسنه اللي الكل ملاحظة وطلب غداء تغدو وقال لهم يرتاحون...وسارت عفراء بغرفة روحها.....واتصلت بخليفة خليفة: الوووو عفراء: السلام عليكم خليفة: عليكم السلام والرحمه هلا والله بغلا القلب عفراء: شحالك حبيبي خليفة : بخير ربي يسلمج عفراء: دوم وينك اليوم؟ خليفة: موجود الغالية.... فيه شي عفراء: اخوي سهيل نش وسلمنا عليه ويلس وي هند أقولك شو طلع كل شي لهند سوالف الحادث والي صار خليفة: شو تغارين يعني ههههههه عفراء: لا ما أغار شرات ما علاقتي بسلطان قوية أتفهم حب سهيل وراحته لهند خليفة: وعلاقتي وياج وين موقعها من الإعراب عفراء بغلاسه: على أي صعيد العاطفي السطحي؟ خليفة: من كل النواحي عفراء: لا ناجح لا تخاف خليفة : غصبن عنج ناجح عفراء تضحك: لا تخليني أغير رائي خليفة: شو على كيفج يالسين نعلب...الزبدة يوم بيطيب سهيل بخبر عمي نملج شو رايج....؟ عفراء متسحية: مدري براحتك خليفة: اونه حركات البنات ....مدري براحتك....راحتي في قربج عفراء: خلاص على خير إن شاء الله خليفة: يالله المهم ...عقب المغرب بكون عندكم إن شاء الله عفراء: أنت حلتلك سالفة الخطوط رايح ياي؟ خليفة: مايخصج عفراء: اوف أنت ليش ماتسمع الكلام خليفة: لا تتأففين لا أي اترفس في بطنج... مابعيد رمستي سلمي على الأهل يالله فمان الله عفراء تضحك: ربي يحفظك دير بالك وشوي شوي بالدرب خليفة: إن شاء الله عفراء: مع السلامة خليفة: ربي يسلمج سلطان في هالأثناء يحاول يتصل في ميثا بس ميثا ما ترد حس انه هو وايد مصخها في اسلوبه وي ميثا ومن حقها انها تزعل...ميثا كانت تشوف المكالمات وحاز في نفسها الأسلوب اللي رمسها سلطان فيه طرشت له مسج ( أنا بخير وأتمنى بعد أنت تكون بخير ومرتاح الحينه مبا أضايجك لأنه رمستي ماتعيبك ..فيالسه أتعلم الحينه شجايل أعامل ريلي ويوم اتعلم برمسك) سلطان تضايق وايد يوم شاف المسج حسسه هالمسج أنه فعلا ميثا مجروحه من رمسته سار صوب عفراء ودخل يرمسها ويخبرها باللي صار؟ عفراء: سلطان نحن كلنا نقدر الشي اللي سويته والظرف اللي كلنا مرينا فيه بس ميثا صارحه ما عليها زود وقفت وقفة يمكن أي بنيه ماتسويها مكانه أنت لو شفتها شكثر تهتم فينا لين ما انت قلت لها تسير آخر شي تي أنت تفر رمسها مالها داعي سلطان: المفروض هي تقدر أني مضغوط ومب بشوري الرمسه اللي طلعت عفراء: انزين بس مب جي سلطان بنيه توها مالجه وحفلة ملجتها تأجلت ومع ذلك ما ترددت لحظة وحده انها توقف وياك وي خواتك وأهلك وهذا جزاها سلطان: عفراء أنا كنت متضايج وتعبان ماقدرت اضبط اعصابي وهي اسلوبها ما عيبني وهي ترمسني عفراء بعتب: لدرجة تقول لها سيري تعلمي شجايل تعاملي ريلج في مثل هالظروف.؟ مب عذر سلطان ولا نقعتها وتفيجت الحين بس دقلها؟ سلطان: انزين شو اسوي الحينه مب راضية ترد على مكالمتي؟ عفراء: تبا الصراحة سلطان لوخليفة مسوي معاي هالموقف ونحن في جي ظروف وبعد وقفتي وياه بسويله طاف لين مايحس أني بالنسبة له نعمه من الله سلطان: يالله دخيلج طاع منو يرمس الحينه عفراء تبتسم: هيه بعد شو تتحرون ماخذين أي حد ولا من هذيل المراهقات اللي لسانها اطول من الثانية..... سلطان: لا تلوعين عليه الزبدة شو اسوي الحينه عشان الشيخة ميثا ترضى عليه؟ عفراء: والله أنت الغلطان والريال شوف شو تحب حرمتك حسسها انك ندمان مثلا دقلها وايد طرش مسجات اعتذار.... سلطان: اييييه أنتي وياها أقولج بعدج ماعرفتي سلطان سعيد أنا ما أحب أذل نفسي وايد اوكيه تبا ترد ... ترد..... مابتصل فيها اكثر عن جي دقيت 3 مرات ظنتي هي تعرف شو اللي لها وشو اللي عليها عفراء معصبه: سلطان البنيه ما غلطت أنت اللي غلطت عليها عقب اللي سوته سلطان: واجب أي بنت توقف مع ريلها في أزماته عفراء: وهذا الرد منك على اللي سوته...سمع سلطان ميثا هب مثلي تراها اقوى مني في كل شي لا تتحراها بطوف الموضوع بالساهل لأنه الرمسه لو وصلت لأبوها عادي يطلقونها منك بس هي ماطلع الرمسه هذه برى سلطان: عيل لا طوفها لا هي ولا اكبر عنها يطلقني منها إلا يوم أنا أبا وغلطان أني اصلا عطيتها وعطيتج ويه..... ظهر سلطان معصب وعفراء مستغربه من أسلوب سلطان اللي صدق متغير وصاير عصبي لدرجة ماتنطاق ..... هند يات على صريخ سلطان ... ورمست عفراء وخبرتها شو السالفة اتصلت عفراء بميثا وخبرتها انه فعلا سلطان متغير ميثا خافت انه يكون فيه شرخ في علاقتها وي سلطان بس بعد عزة نفسها وكبريائها ما سمح لها انها ترد على سلطان عقب الكلام اللي قاله لها..... ومع ذلك تحملت وكانت تتصل في شخص شخص من أهل بيتهم عمها وعمتها وهند وعفراء بس سلطان الوحيد اللي تجاهلته وها شي طبيعي بعد الموقف اللي صارمابينهم وأسلوب ميثا والمديح اللي يسمعه من أبوه وأمه يعور قلبه ويسأل نفسه ليش تعاملهم كلهم زين وتتجاهلني أنا لهدرجة شلت في قلبها.........؟؟؟ مرت الأيام وسهيل تحسنت حالته وايد وانتقل للقسم وريله كانت الشي الوحيد اللي مضايجنه... في هالفترة رجعت عفراء وهند العين عسب مايستوي يطولون الفترة هذه كله وي سهيل والحمد الله هو بخير وعافية وكانوا ينزلون كل ويكند عسب يطمنون عليه ..... هند تعودت الفترة اللي طافت تمر على عفراءالدوام وي الدريول ويسيرون البيت رباعه وعلاقتهم بميثا كانت قوية لأنه ميثا ما خلتهم محتايين شي ابداً وقفت وياهم كأنها ختهم الكبيرة ويمكن اقرب من أخت....وهالشي اللي كان يسمعه سلطان عن أخبار ميثا من بعيد لبعيد رغم محاولاته في مصالحة ميثا بس ميثا كانت تتعذب لأنها تعامل سلطان جي بس بغب تعلمه انه شو ماكان الإنسان عنده ظروفه المفروض مايفر رمسه جي وخاصة بعد اللي سوته وياه.. كان سلطان كل يوم يحاول يتصل بميثا ويطرش مسجات عاديه مافيه أي شي يديد وبعيدة وايد عن الأعتذاراللي كانت ميثا تباه...بغت بس تعطيه درس انه مايكرر هالشي في المستقبل يوم تكون وياه....... الفترة هذه بعد علاقة عفراء بخليفة كانت تقوى يوم عن يوم ........ وفي يوم رجع سهيل البيت من دون مايقول لخواته عسب يسونها مفاجأة .... هند وعفراء وميثا حدروا حصلوا سهيل يالس في الصالة يترياهم وركضوا خواته يسلمون عليه ودموع الفرح في عيونهم سلطان كان موجود ويلس يطالع ميثا وفائها وحبها لسلطان وأهله كان يبين في تصرفاتها سلطان نظرات الإعجاب والحب والشوق كلها في عيونه....... وكان الكل متجمع سلمت ميثا على الجميع حتى سلطان وتحمدت بالسلامة لسهيل ويلسوا جميع......... سهيل: شوي شوي... لا دزون عفانا الله شو اول مرة تشوفوني؟ عفراء: نورالعين سهيل يالله محلاتك وانت في البيت هند: ليش ماخبرتنا انك بتي سهيل: عسب أصيدج وأنتي تحدرين غرفتي خخخخخخخخ هند: لا الحمد الله ماحدرت بس أتأكد نظيفة كل يوم وأدخنها وأظهر مدري ياني احساس انك بتسوي غارة علينا هههههههههه سهيل: والله طلعتي هب هينه يالله قومي ساعديني بصعد غرفتي مشتاق لها هند تسند أيد أخوها ويظهرون فوق والضحك والسوالف من غرفة سهيل واصله تحت ....عفراء أستأذنت من ميثا بتظهر تبدل ملابسها عشان يجهزون الغداء ميثا بعد كانت مستعيله بترد البيت عمتها حضنتها وسلطان يتحرقص وميثا كأنها تغايض سلطان بأسلوب الدلع والدلال اللي يعاملها فيها عمتها وعمها بس أصرت انها تسير وعيونها على سلطان ..... ميثا: لا ما عليه عموه صدق صارلي يومين إرهاق لأنه الشخص في المدرسه علينا فالسموحة منج وتستاهلون سلامة سهيل بو سلطان: ما تهونين عليه يا ميثا والشي اللي سويتيه يدل على انج بنت أصل واياويد ميثا منزله راسها ومستحية : تسلم عمي بس ارخصوني سلطان: أوصلج ميثا: لا الدريول بيوصلني سلطان : لا ما عليه أنا بوصلج ميثا ما حبت تكسر كلام سلطان جدام أهله أستأذنت منهم وترخصت وظهروا سلطان كان فرحان انه ميثا ترمسه عادي وبكل تقدير وأحترام وبكل ذكاء قدرت تخليه يحس بغلطته من دون أي كلام أو تطاول من ميثا ...فتح الباب يلست ميثا بأتزان ركب سلطان السيارة وكان قاصد انه يمشي على الخفيف عسب يلحق يرمس وي ميثا........ سلطان: ميثا ماتخيلت في يوم تصبرين عني كل هالمدة حتى لو كنت أنا غلطان ميثا بكل هدوء: صبرت لأني أعزك ولك تقديرك وأحترامك ...صبرت لأنه عزة نفسي وكرامتي ماسمحت لي أني أرد عليك لأني لو رديت باجر بتقول رمسه اكبر عني جي .. اهتمامي فيك حطيته في أهلك لأنك فعلا جرحتني ياسلطان وهالشي ما توقعته منك ..... سلطان: بس انا كنت مضغوط وايد ومرهق من كل شي وكلامج نرفزني فطلع كل شي فيج المفروض تتحمليني شوي؟ ميثا والدموع في عينها: أتحمل أنك تهيني وأسكت؟ سلطان وقف السيارة في مكان هادي ومسك أيد ميثا .... سلطان: آسف أدري يمكن أعتذاري متأخر ...بس اللي أعرفه بعد انه قلبج حنون على سلطان والله العالم فيني وفي حالتي بدونج...... ميثا ودموعها تنزل: وأنت على بالك انا كنت بخير ومستانسه وانت بعيد عني وما أكلمك لا أنا كنت أتعذب في اليوم ألف مرة سلطان يمسح دموع ميثا ويبوس أيدها ويعتذرلها لين مارضت......وصلها البيت رجع سلطان ومرت الأيام وسهيل حالته بخير وهند واقفه وي أخوها في كل شي عشان محد يحسسه بالعجز ... بس المشكلة في ريل سهيل اللي يوم عن يوم بدى مايحس فيها احياناً وهالشي خوفه وايد أم سلطان تحاتي ولدها وخوانه واقفين وياه ويساندوه في الصغيره والكبيره..........عفراء وخليفة متحمسين لسالفة الملجه واللي رفضها أبو سلطان بسبب حالة سهيل وقال لازم سهيل يوقف على ريوله حتى حفلة سلطان مؤجله لوقت محد يعرفه ياترى شو بيصير وي سهيل وشو الأحداث اللي بتطرأ على حياة سهيل وهند.........؟ والسموحة منكم على التأخير وأتمنى البارت مايكون ثقيل عليكم....وانتظر ردودكم اللي تسعدني وتحمسني دوم........ وإلى اللقاء في الجزء 11 عاشقة الاحزان 16-04-2005, 23:41 يسلموا مصرقع و nuor وحلم شاعر على المورو ومنورين القصة ويعطيكم العافية... عاشقة الاحزان 16-04-2005, 23:43 تسلمين جولييت على المرور واسعدني ولاتحرمنا منك ومن اطلالتك .. بقايا خفوق 21-04-2005, 18:35 يسلموو عاشقة الاحزان على الاجزااء وبنتظاار البارت اليديد..... nuor 22-04-2005, 12:42 مشكوه عاشقة في انتظار الباقي تحياتي عاشقة الاحزان 23-04-2005, 01:39 يسلموا اموون ونور على المرور الكريم ولا عدمناكم.. عاشقة الاحزان 23-04-2005, 01:40 ( الــــجــــزء الحادي عشر) الصبح في البيت هند تيلس وي سهيل قبل لا تسير الجامعه والكل من حول سهيل يضحك ويهتمون فيه وهالشي كان يضايج سهيل من دون مايحسون ومع ذلك سهيل كان يقدر هالمعامله الطيبه ... سلطان اقترح على اخوه شي يقطع عليه الملل اللي حاصل في الفترة الأخيرة في حياة سهيل سلطان: سهيل عندي لك شور بس اخاف تردني؟ سهيل : أفا عليك يا بومايد قول مايردك إلا لسانك؟ سلطان: شو رايك تسير عند العلاج الطبيعي يعني عشان تخف بسرعة؟ سهيل : والله مدري شو راي الشيبه....؟ بو سلطان: اقولك انت وأخوك حاطين عليه الشيبه والشيبه تراني أشب عنكم؟ يضحكون كلهم سهيل: يالله عليك انته منو قدك يابوي لا تزعل نحن شواب ههههههه بو سلطان: انا أقول إذا هالعلاج اللي قاله أخوك بيخلي ريلك تتحسن ماعندي مانع سهيل: خلاص سلطان شوف أي يوم وبخلي الدريول يوديني مب مشكلة سلطان: لاخلاص أنا موصي واحد من الشباب يعرف مجموعة ممتازة في مستشفى خاص هني في العين يمدحونه وايد...... سهيل: خلاص تم سلطان: تسير اليوم العصر تشوفهم وتنسق وياهم الأوقات اللي تناسبك عشان بيحطون لك برنامج تتدرب عليه ويبون يشوفون تحملك لتمارين هذه؟ سهيل: خلاص سلطان اليوم بسير إن شاء الله... هند: يالله سيهل سير وطمني عليك أول بأول اوكيه سهيل يغمز لهند: اوكيه حبوبه ظهروا الكل وساروا شغلهم وتم سهيل وي أمه يسولفون أم سلطان: يعلني أشوفك بخير وعافية واقف على ريولك شرات قبل يا سهيل سهيل: آمين أميه الله يسمع منج أم سلطان: أتصل عمك راشد من أسبوع يبون يملجون على عفراء؟ سهيل: بالله عليج بالبركة الحمد الله عفراء وافقت أنا كنت حاس أنه خليفة بيضوي راس أختي عفروووه خخخخخخ أم سلطان: والنعم فيه ريال اسميه ينشد فيه الظهر سهيل: هيه والله يا أميه ومابنخلص منه ومن الوقفه اللي سواها وياي بس أتمنى عفراء ما تملل بالريال أم سلطان: لا عفراء الحينه تمدحه وتشكر عليه سهيل مستغرب: هذه عيل أكيد حبته صدق هههههههه قبل الحشرة اللي سوتها الحين عادي مبونهن البنات لالالا مباه مدري شو..... عقب أحبه..... مالت عليهم أم سلطان تضحك : نعم أنك صادق يسون ذيك الحشرة ويصيحن قبل لا يطيحن بس أبوك ما طاع قال لازم سهيل يخف عقب بنفرح في سلطان وعفراء سهيل معصب: شو هالرمسه موقفين فرحة خواني عشاني أنا..... ليش تشوفني مسجى على كفنيه عسب توقفون كل شي أم سلطان تلوي على ولدها: بسم الله عليك خطاك السو ياولديه هب جي بس ابوك يبا يطمن عليك سهيل معصب: أنتو ليش تحسسوني أني خلاص ما مني فايدة وحياة بيتنا كلها وقفت من سويت الحادث ... حرام عليكم أم سلطان: والله لو أعرف الرمسه هذه بتضايجك جي ما بقولك؟ سهيل: أميه شو فيج حتى الأشياء الخاصة واللي صارت من وراي ماتبيني اعرفها حتى هالشي مستكثرينه عليه؟ أم سلطان: لا حووول يا ولديه لا تسويها عوده خلاص انت الحينه بخير بس يبالك شوية علاج شرات ماقال أخوك سهيل واصل حده: أبوي اليوم بكلمه وبتافهم معاه وسلطان وميثا أكثر أثنين انظلموا معايه وملجتهم بتم الأسبوع الياي أم سلطان تحاول تهدي سهيل: خلاص فديتك ولا تزعل عمرك شرات أنته ماتقول بيستوي سهيل: السموحة أميه زاعجت عليج بس مباكم تحسسوني أنه كل شي واقف والسبه انا والحمد الله مافيني إلا العافية ... ماتعرفين اميه شكثر عورتني رمسة أبوي يومه كسر فرحة خواني وأنا السبب والله حرام. أم سلطان عيونها دمع: سامحني يا ولدي مدريبك انك بتزعل جي سهيل يا صوب أمه ولوى عليها: ما عليه اميه حصل خير أنا شوي مستوي عصبي تحملوني شوي أم سلطان : أنته ولدنا نتحملك شو ماكان فيك انت عيني الثانية لا تقول جي يمه ظهرت أم سلطان عن سهيل...ويلس سهيل روحه يفكر وعن اللي عرفه وقرر يرمس أبوه ويخلي ملجة عفراء وسلطان بنفس الأسبوع .... مر الوقت على سهيل بصعوبة بسبب الملل نسى أنه تليفونه مب وياه أتصل في سلطان ... وخبره أنه موبياله وياه من يوم الحادث ويوم بيرد البيت بيعطيه اياه..... سهيل كان حاس بعده نفسيته تعبانه من سالفة الحادث واللي شافه وريله اللي شال همها يوم بعد يوم ويمكن تسبب له مشاكل في شغله وخاصة الناس اللي تشتغل في الشرطة أو الجيش *** في الجامعه الكل يسلم على هند ويتحمدون لها على سلامة أخوها من الحادث وموزة مول ما هدت هند طول الفترة اللي دوامت الجامعه فيها وعطتها كل المساقات اللي طافتها ... في الكافتريا في وقت البريك. هند: موزة والله تعبتج وياي كله ماخذه منج دفتر محاضرتج وتنسخين لي المسودات مب عارفه شو أسوي وياج؟ موزة: والله متفيجة انتي ذاكري ولحقي على الكورس ويانا هههههههه هند: هيه والله صدقج طافني وايد يالله ربج كريم موزة بفرح: هند بخبرج شي بس لا تقولين للبنات بعدنا ماقلنا لحد..... هند مستغربة: خير شو استوى من وراي في الجامعه وأنا مدري؟ موزة: لا هب في الجامعه وأنتي الصادقة صار وياي أنا.... هند : يالله قولي عاد عن الغلاسة؟ موزة وهي مستانسه: أنا أنخطبت وبعد أسبوعين ملجتي؟ هند انصدمت من كلام موزة قطع صوت موزة تفكير هند موزة: ها هند ماشي مبروك ؟ هند: مبروك موزة بس في خاطري شي ؟ موزة: شو بخاطرج قولي؟ هند: موزة خلينا نتكلم بصراحة.... أنا كنت أحس انج مياله دوم لأخوي سهيل طبعا هالشي من خلال سؤالج الدائم عنه وعن أحواله مدري كنت تكنين مشاعر لأخوي سهيل ولا أنا غلطانه؟ موزة : لاااااااا هند حرام عليج صح انا كنت أسأل عنه وجي بس لا تحطين في بالج أني احبه اصلا أنا من زمان احب ولد عمي خالد وانا خبرتج عنه كذا مرة وماصدقت تقدم لي وافقت ؟ موزة: لا حوووول هند أخوج سهيل أعده شرات أخويه صدقيني؟ هند: أقولج هالرمسه مب على هند اللي عاشرتج من زمان بس شرات ماقلتي كل شي قسمة ونصيب موزة منحرجة: هند الله يخليج لا تخربين فرحتي انا ماصدقت انه رجعلي مرة ثانية هند: مبروك عليج يا موزة واسمحيلي برد البيت الحينه طلعت هند من عند موزة ودموعها في عينها ولا عارف شو تسوي ( ياويل حالي عليك ياسهيل الدنيا قامت على راسك مرة وحده) اتصلت هند بالدريول ويا وخذاها البيت وصلت حدرت الصالة ولقت سهيل متملل ماصدق شافها سهيل: هنودتي فديتج زين فيه حد بغا يرد البيت من وقت هند تتطالع أخوها بحنان وتسير صوبه وتسلم وتيلس حذاله سهيل: والله الحينه حسيت في البنات اللي يتمون في البيت يلسه تخنق الواحد هند: هيه والله أنا على طول من أتخرج بقدم وظيفة؟ سهيل: صدقج بس عاد انا بدورلج مب في أي مكان تشتغلين.... هند: خلاااااص تم شورايك بعد دوام معايه ههههههههه سهيل طالع ريله : لا ظنتي بيشغولني معاج ولا بيردوني الدوام شرات قبل هند: لا تفاول على عمرك أنت تعرف انه الجبس ياخذ وقت أقل شي 6 شهور سهيل: ربج كريم ويسهل عليه لأني طفرت صراحة هند: ألا تعال بغيت أسألك عن فهد ولد عمي ماله حس ولا خبر ولا حتى نشد عنك يوم سويت الحادث صدق مخوة بوش مافيه خير؟ سهيل : هند حشمي ... الريال مسافر قبل الحادث بأسبوع دورة برى البلاد ولا يعرف شو صاير اصلاً هند: لا والله يعني هو ما يتصل في أهله ما خبروه قوم عمي انك مسوي حادث سهيل: هند لا تعورين راسي انتو البنات صعب تفهمون انه الشخص العسكري خاصة يوم يسافر برى وخاصة بلاد فيها قرى ومناطق نائية صعب الشخص فينا يتصل حتى في أهله؟ هند : يالله ربي يرده بالسلامة عشان انته تستانس سهيل: هيه والله ياهند مشتاقله وايد لو كان هني ما خلاني دقيقة صدقيني فهد ريال في وقت الحزات هذه هند: انزين بسير أبدل ملابسي وبرد نكمل سوالف حلوة وي أخوي الشاعر سهيل: شاعر مرة وحده هيه وينك يا فهد لو يسمعج بيضحك هند: الله يخليك هو آخر واحد يتكلم عن القصايد والشعر مالت...ت محد شراتك عطول بيت بيت تعد فديت روحك سهيل: مسكين حالج انتي ماسمعتي القصيدة اللي شلها والله فيه شباب يوم سمعوها دمعت عيونهم قصيدة عذااااااب هند: شجايل عذااااب شو مغزاها يعني؟ سهيل: حزينه وايد واصلا عسب جي هج من البلاد وسافر؟ هند: خير ليش شو صاير وي فهد؟ سهيل: تذكرين قلت لج مرة أنه هو يحب وبياخذ البنيه اللي يباها ؟ هند: هيه ؟ سهيل: البنيه انخطبت لولد عمها ... وما عرف فهد إلا عقب الخطوبة بأسبوع ولا حتى كلفت على نفسه تقوله ولا تخبره ... ومنو مخبرنه أخوها لو تشوفين ويه فهد هذيج الساعة تعرفين شو قال؟ هند تأثرت وايد بسالفة فهد: شو ؟ سهيل: قال ياريتني مت ولا سمعت هالخبر...وياريت على جي وأخوها يالس يقول أختي من زمان تباه وهي فرحاااانه وايد الحينه....بالله عليج هذه شو يزاتها عن الله جتلت ريال وهو حي؟ هند دمعت عيونها وفكرت في أخوها: انزين ابا اسمع القصيد مالت فهد بس عقب ما ابدل ملابسي ؟ سهيل: سيري انزين يالله اترياج ظهرت هند غرفتها وتمت مرتبكة مب عارفه شجايل تفتح الموضوع وي سهيل الله يسامحج يا موزة تبيني أذبح أخوي بعد وهو حي لا حووول ...بدلت هند ونزلت وي سهيل سهيل: شو تسوين انتي عنبو كل ها تبدلين ملابسج هند: اوف بدينا يالله الزبدة خبرني القصيد سهيل: عفكرة القصيدة كلها عن الخيانه مع انه فهد عمره مافكر من عرفها انه يوم يخونها وهو متأكد انه اخوها بينقل القصيد هي تحب القصايد وتعمد يقول قصيدة قوية عشان يقهرها هند متحمسه: يالله انزين عد القصيد خلنا نسمع الأخ فهد شو من القصايد عنده سهيل: عنوان القصيد أنا حطيتها لأنه من خلص القصيد شلني وطلعنا وشرت عليه يحط هالعنوان .. ( وشوله أزعل) هند: ههههههه لايقه على فهد شوله ازعل اونه بعد مب سهل سهيل: تبين تسمعين من دون تعليقات.... ما تبين سيري صوب المطبخ يبي شي نشربه هند : لا خلاص والله تقول سهيل: حتى أنا كذاب ما هو بس إنتي * وشوله أزعل لا كذبتي عليه ! خنتج كثير أشفيه لو يوم خنتي؟*لاني وفيا لج ولا أنتي وفيه لا اليوم لي صرتي ولا أمس كنتيأنتي خطية مثل أية خطيه!؟ مانتي حبيبة في خفوقي سكنتيمثلج ترى يابنت مثل البقية بينت لك نفسي ترى يوم بنتيويمكنها خيره لنفسج وليه أنتي طعنتيني ومثلي أنطعتني على الذكي لا ..لاتستوي ذكيه هذا زمن ماينضمن لو ضمنتيهذا زمن مافيه أبد حسن نية آسف لنفسك منك وآسف لج إنتيوأدري اعترفاتي شويه قويه! ( السموحة مايحضرني أسم الشاعر) هند : ياوووووووويلي صدق قووووية سهيل: تصدقين هند ؟ هند: شو سهيل: فهد أول مرة أشوفه يصيح تحصلين الواحد منا فرحان ويحب وخلاص مكلم أهله عن البنيه يباها آخر شي تنخطب وينجرح ويقفط ويهه جدام نفسه وأهله هند: مسكين الله يعينه؟ سهيل : يعينا جميع ..تعالي صح شخبار موزة ربيعتج حيه ميته شو؟ هند تغير ويها: الحمد الله تمام سهيل: ماشي سلام من عندها ولا شي مني مناك هند : لا ما تبا منها عذر ... سهيل: لا تقولين جي عن ربيعتج؟ هند: على قولتك البنات ما تضمنهم سهيل: شو قصدج؟ هند: ماعليه سهيل حبيبي موزة بالذات شلها من راسك سهيل مستغرب: بعد ما فهمت؟ هند: اقصد أنه البنت انخطبت لولد عمها؟ سهيل نقع من الضحك: والله مبروك هندمستغربه: ليش تضحك؟ سهيل: ومنو قالج اني شال مشاعر اللي يسمعج اني مسوي ويها قصة حب أربع سنين ولا ثمان سنين يالله يا هند ما تعرفين اخوج بعده هند كأنه حمل وانزاح: عيل ليش دوم تسأل عنها وتسولف عنها ومدري شو هند: سهيل مباك تتضايج كل شي قسمة ونصيب سهيل: لا والله مب متضايج اصلا منو بتاخذ واحد معاق شراتي هند: اولا انته مب معاق ومن اليوم بتبدا العلاج الطبيعي وأي بنيه تاخذها المفروض تحمد ربها سهيل: وايد مغتره بأخوج وتجاملين.. صدقيني هند الوقت والصبر كفيل ينسيني موزة والحادث وكل شي هند: الحمد الله طمنتني المهم شو تبا تشرب الحينه سهيل: وي راسج تشوفين اتصرط من الصبح وأسويلج قصيد ومدري شو وسوالف يبيلي ماي نشف ريجي؟ هند: هههههه لا والله بس انسجمت في سالفة فهد ونسيت بيبلك عصير وبزجر أمي عسب تيلس ويانا سهيل: أمج هذه حتى لو شي بشاكير لازم تشيك على الغداء بنفسها سبحان الله تبا تشقي عمرها بأي طريقة هند: هههههههه حرام عليك ** ظهرت هند وكانت الساعة تقريباً 12.30 الظهر وزجرت امها ويلسوا رباعه مع سهيل ضحك وسوالف...دخلت عفراء ويلست حذال سهيل سهيل: يا سلااااااااااااااام شو هالدلع هذا وحده عن يميني والثانية عن شمالي صراحة تحس نفسك شيخ هند وعفراء يضحكون على سهيل وروحه الحلوة اللي بدت ترجع مع الوقت أم سلطان: وأنت شيخ الشباب فديتك سهيل: لا أميه قوووية هذا لأني ولدج بس تقولين جي يوم تشوفين سلطان حادر عليج بيطيح كرتي هههههههه أم سلطان: لاحووول تراني تعبت من كثر ما أقولكم كلكم محبتكم وحده أنت وسلطان كل واحد ماخذعين سهيل: شو عين وريول حصة أحياء هذه هههههههه هند: ههههههه لا وأنت الصادق الراس عسب محد مسوي راس لأمي غيرك أم سلطان : الله يسامحكم هب منكم من اللي يخبركم أمحق عيال عفراء: أميه سوالف فديت روحج تعرفين سوالف سهيل أم سلطان : ماتشوفينه مب عايبنه شي سهيل: لا عايبني خلاص بتزعلين علينا بتخبر بو سلطان عقب مافينا أم سلطان: هيه تراني فايجة اخبر حد انا ما صدقت اشوفك راد بالسلامة علينا وتضحك معانا ونسمع صوتك تصيح أم سلطان ويلوي عليها سهيل وعفراء ويهدونها.....يحدر بو سلطان ويسلم عليهم بوسلطان : شو مسوين بأمكم تصيحونها عاد هي زاهبه للصياح سهيل والبنات يضحكون وأم سلطان تضحك وياهم سهيل: بو سلطان؟ بوسلطان: لبيه يا سهيل آمر سهيل : شوفوا كلكم موجودين الحينه لأني صدق زعلان عليك يا الوالد بوسلطان: افا ليش يا ولديه قصرت في شي؟ سهيل: قصرت في أشياء وايد يابوي وماهقيتها منك صراحة؟ بوسلطان مستغرب: قول انزين خلنا نسمع؟ سهيل: أنا بعدني حي يا بوي ما مت ولا أنت شورايك؟ بوسلطان: عساك الخير والعافية وطولة العمر ياسهيل محد قال شي والحمد الله انك رديت لنا بالسلامة سهيل: عيل ليش مأجلين كل هالوقت ملجة سلطان وعفراء ليش تظلمونهم وياي ؟ على أي اساس وأنا بعدني حي وراسي يشم الهوى بوسلطان يبتسم: لا إله إلا الله ...أنا أترياك تقوم بالسلامة سهيل: اسمعني أبويه الله في سماه لو ماسويتوا ملجة عفراء وسلطان الأسبوع الياي لا ألحق فهد ولد عمي وأخليكم البلاد باللي فيها هند تضحك: المهاجرون ههههههههه عفراء : شو السالفة هند؟ سهيل يضحك وي هند: ماعليج عفراء عقب بخبرج شو السالفة ها شي بيني وبين هند شفرات بوسلطان: والله يوم بي أخوك شاوره ومايصير خاطرك إلا طيب سهيل: أبوي تعرف سلطان عنيد وإذا عرف أني مدخل في السالفة مابيوافق خبره انه هذا قرارك ... لأنك انت اللي رمست من البداية وما بنسى حرمة أخوي وقفت ويانا كلنا وخاصة وي خواتي ولازم نفرح فيهم بوسلطان: استويت انا القاضي عيل ؟ سهيل يضحك: هيه بعد شو ... دخيلك أبويه لا تردني بوسلطان: فالك طيب يا سهيل الشي اللي بيخليك فرحان ومستانس انا حاضر فيه سهيل يحب راس أبوه: ربي يخليك لنا سد وذخر يارب يلسوا الجميع سوالف يتريون سلطان يوصل طلعت عفراء فوق غرفتها وعطول دقت لخليفة عسب تبشره بالخبر الحلو خليفة: مرحبا عفراء: مراحب ملايين خليفة: شحالها وردتيه عفراء: بخير يعلك الخير انت شحالك؟ خليفة:بخير دامج بخير وعافية عفراء: خليفة اخوي سهيل كلم ابوي عن سالفة الملجه وأبوي وافق خليفة فرحان: في ذمتج؟ عفراء: والله خليفة: اقولج بندي بتصل في عمي اونه صدفه ما اعرف بأقترح عليه هالأسبوع عفراء:هههههههه شو صدفه والله أبوي بالذات فاهم سوالفكم انتو الشباب خل عنك خليفة: طاع هذه الحينه منو أولى انا ولا سلطان؟ على الأقل سلطان مالج انا يحليلني خاطب بس عفراء: لا خليفة يوم يتصل فيك أبوي قوله خليفة: ما بتري عمي لين يدق ماصدقت عطاني الجرين لايت عفراء: خليفة اثقل شوي اول شي سلطان صراحة وايد تعب ويا الوقت عسب يفرح يحليله خليفة: ياسلام وأنا ماتعبت بعدين أنا متبرع بدمي لسهيل عندي واسطه عند سهيل وعمي بيقدوني على سلطان ههههههه عفراء: ههههههههه والله أنت سوالف... ذليتني والدم مالك مايسوى خليفة: جب دمي وصحتي وكل شي حلالج عفراء: المهم خبرتك وإذا صدق تحبني عشان خاطري خل سلطان يسوي حفلته قبل عقب نحن....؟ خليفة: اوف تمسكيني من أيدي اللي تعورني عفراء: ههههههههه لا والله بس سلطان مقصر من ناحية ميثا بعد ولازم يتحرك شوي عسب ما تتضايق البنيه حرام...؟ خليفة: ومب حرام انا تردوني؟ عفراءتضحك: خليفة بس عاد أسمع الكلام؟ خليفة يتمصخر: عفوا من وياي اللواء عفراء سعيد....؟ شو مصدقه عمرج تعطيني أوامر أخبرج اليوم بتصل في عمي وبقوله أبا أملج عقب أسبوعين وعقب شهرين العرس.... أعتقد هذه فرصة سلطان يخلص أموره صح؟ عفراء: جي ترتيب خليفة: ماعليه عفروه بسيطه عفراء تضحك: شو انزين خليفة : ماشي عقب بتعرفين سيري يالله انزلي اطقسي الأوضاع عند عمي وخبريني وتغدي بالمرة عفراء: لا دام السالفة فيها ملجة وعرس لازم ما آكل خليفة: أقولج مبا حرمتي معصويه يلده على عظم تلوع الجبد كلي وأسمعي الكلام عفراء: خلاص انزين المهم بخليك لا يستبطوني بعد خليفة: خلاص ديري بالج وخلينا على اتصال وهذا اليوم أعتبره أحلى يوم صراحة عفراء: إن شاء الله أيامك دوم حلوة يارب خليفة: وياج يارب عفراء: يالله فمان الله خليفة: فمان الكريم *** نزلت عفراء ويلست وي الأهل لقت سلطان يالس وياهم وسهيل مشغول في تليفونه اللي ماشافه من يوم سوى الحادث سهيل: سلطان ياخي حق شو متعبل وشارلي تليفون يديد؟ سلطان: من زين تليفونك عقب الحادث مايتشاهد مسكين هند: ههههههه مسكين حتى التليفون شكله متكسر سهيل: اشوفكم حلتلكم السالفة تتطنزون؟؟ سلطان: لا والله حشا بس صدق لو تشوف تليفونك يوم سلمني اياها الشرطي مايبين مسكين لا رقم والشاشه منكسره ماتعرف ويهه من مقفاههههههههه هند: بس سلطان حرام .... يحليلني ماقلت بشتري تليفون يديد لأختك يعني؟ سلطان: ما يغلي عليج فديتج تبين تليفون يديد اليوم المغرب بيكون عندج هند: ياربي كشخه يكون عندي أخو حاضر شراتك جي سهيل: وأنا وين سرت يالخامه منو كان يدلعج ويتشريلج قبل؟ هند: كلكم احبكم استويت شرات امي هههههههه يضحكون كلهم وخبروا طبعا سلطان بالموضوع ...مع انه ما كان موافق بس أبوه دخل وقاله انه الموضوع تأجل زيادة عن اللزوم استانس سلطان وسهيل بعد لأنه ما يبا أخوانه يتمون متعلقين لا فرحة ولا شي بس عسب يتريونه.... حطوا الغداء ويلسوا يخططون لملجة سلطان وفرحانين وأم سلطان تدعيلهم الله لا يحرمها هالجمعه وتم دوم جي....... ساروا كل واحد على غرفته ويلست هند وي عفراء وخبرتها شو صار وي موزة وتضايقت عفراء لأنها من الأول ما ترتاح لموزة ربيعة هند وفاهمه هي من أي نوع رغم انه موزة من النوع النشمي بس مشكلتها ما تعرف تحدد شو تبا بالضبط؟سهيل يالس في حجرته يفكر في نفسه شوي ويصيح موبيال يطالع موبياله ماشي رقم يعني مكالمه دولية ورد سهيل: الوووو فهد: سهيل؟ سهيل: يا مرحباااااااا ملايين والله فهد شحالك؟ فهد : بخير سلامات اليوم بس وصلنا العاصمة في(......) وماصدقت لقيت تليفون ودقيت وخبروني الأهل باللي صار...ماتشوف شر الغالي مأجور سهيل: الحق على ولد عمك طاح كرته خلاااااص هههههههه فهد: عيل مايصير تعال الحقني عني عسب نتجمع هههههه سهيل: ها ومتى إن شاء الله بتردون البلاد؟ تراني والله متشاقلك وايد ياريال أحس أني روحي في هالزحمة؟ فهد: اليوم إن شاء الله بتوقيتنا وبتوقيتكم باجر الصبح على مطار العين وعطول بي عندك سهيل: فيك الخير والله خلاص عيل ما بطول عليك نتريال وتوصل بالسلامة إن شاء الله فهد: ربي يسلمك ويعافيك سلم على عمي ومن نشد عنك سهيل: بالله عليك منو بينشد عنك غيري هههههه فهد يضحك: وانت كله تحبطني ياخي ارفع معنوياتي شوي هههههه سهيل: يالله مب مشكلة يوصل إن شاء الله دير بالك على عمرك فهد : إن شاء الله يالله وداعة الله سهيل: ربي يحفظك *** العصر البنات يتصلون في ميثا ويخبرونها بالفرحة الحلوة ويلسوا مرة ثانية يخططون للحفلة والصالوا والحجز والفساتين جاهزة من قبل مر الوقت الساعة 4.30 سهيل جاهز عشان يروح المستشفى للعلاج الطبيعي وطلب من سلطان اخوه يسير وياه..... وساروا رباعه وصلوا للقسم ويلس سهيل متضيج لأنه ما يحب حد يعامله كأنه عاجز دخل المشرف العام على القسم وشرح للسهيل كل شي والتمارين وعن الآلم اللي يمكن راح يحس فيها وطلب منها يتحمل ....سلطان أستأذن من سهيل لأنه عارف اخوه مايحب حد يشوفه وهو بهالحالة وقاله بيسير عند حرمته شوي يزروها ويخبره نسيبه عن موعد الملجه رخصه سهيل ويلس روحه مع الطبيب وشخص حالته وفتحوا الجبس لأنه لو تمت ريله في الجبس ما راح تتحسن ريله ويمكن الجبس يسبب له إعاقة .... تألم طبعا سهيل وايد في أول جلسة ... وأنصدم سهيل يوم خبره الدكتور انه العلاج راح تشرفه عليه دكتورة مختصه يديده في القسم سهيل: دكتور أنت تعرف اني أبا دكتور مب دكتورة اللي تشرف على حالتي؟ دكتور: معليش التخصص نادر والدكاترة طلعين إجازات سهيل يتحرطم: ما حل عليهم يطلعون إلا يوم انا بي الله ينطبهم؟ دكتور: الدكتورة وصلت يوم صد سهيل يشوف بنت حبوبه ناعم شكلها لابسه شيله والبلاطو ومتحجبه ملكة جمال ماشاء الله سهيل في نفسه : توهقنا دكتورة ومواطنه بعد صدق قفطه؟ سار الدكتور وخلاهم روحهم في القسم الدكتورة تبتسم لسهيل: مرحبا أنا الدكتوره ميره إخصائية علاج طبيعي سهيل منجذب وايد للأسلوب الحلو: يامرحبابج دكتورة د.ميرة تحاول تخفف ارتباكه: أخوي سهيل أنا أدري انه الموقف محرج بالنسبة لي أكثر منه انه يكون لك يعني متعادلين.... أنا طبعا قريت ملفك وشفنا فحوصاتك وصور الأشعه وبأذن الله راح ترجع شرات ماكنت والحمد الله قدرنا نشل الجبس قبل لا يسويلك أي مضاعفات سهيل: بس انا حسيت بألم فضيع يوم شلوا الجبس؟ د.ميرة: أحسن .... هادليل على انه ريلك بعدها فيها حاسية سهيل: الحمد الله يعني مابيكون عندي عرج أو شي بعد التمارين د.ميرة: لو عندك إرداة إن شاء الله مابيكون فيك أي شي بس يباله صبر وقت سهيل: مشكورة الشيخة بصراحة أنا كنت متضايج لأني ما حصلت دكتور يعني ريال شراتي...بس معاملتج الطيبه خلتني انسى الموضوع د.ميرة منحرجة: لا ماعليه هذا واجبنا وفي تخصصنا أحنا أربعه واحد عنده إجازة مرضية والأثنين الباقين عندهم سنوية سهيل: يالله مب مشكلة وإن شاء الله ما أثجل عليج د.ميرة تبتسم برقة: بس انت تسمع كلامي أول بأول وفالك طيب سهيل وهو في خاطره يبا يعرف منو هذه ومن أي عرب...؟ بدت التمارين وقبلها طبعا كان مساعد الدكتورة موجود لازم يسوي تدليك وهذا في حد ذاته يذبح من الألم بس سوالف الدكتورة ميرة وي سهيل نسته هالشي وابتسامتها اللي كانت تخلي سهيل مرتاح شوي رغم كل شي يعوره مر الوقت وسهيل مب حاس الساعة 7 المغرب وهو في خاطره مايبا يروح لأنه فعلا ارتاح وايد مع الدكتورة اللي كانت تشجعه وتسولفه عن شباب حالتهم كانت أسوأ من حالته بس الإرادة تسوي المستحيلات وخلتهم يرجعون احسن من قبل يلست الدكتورة على المكتب تكتب التقرير وسهيل عينه عليها سرحان في هالجمال الرباني ويفكر في نفسه ... معانا بنات بلادنا ماشاء الله عليهم أدب وذوق وأخلاق وكلام طيب صدق شي يرفع النفس وينسيها ألمها؟؟؟ قطع تفكيره صوتها د.ميرة: سهيل اباك تسوي تمارين الصبح وأنت في البيت لو قدرت.... وإذا ماتروم بيكون هني في القسم شرات وقت اليوم سهيل: إن شاء الله د.ميرة: اباك تتحمل لأنه المرحلة اليايه بتكون صعبه عليك سهيل: لا ولا يهمج بس ابا أخف بسرعة ملجة أخوي قريبه؟ د.ميرة: بالبركة... الفال لك يارب سهيل: آمين والفال لج أنتي بعد.... ولا متزوجة؟ سهيل بغا يتأكد في نفسه ولاحظ الدكتورة مرتبكة د.ميرة منحرجة: لا مب متزوجة .... سهيل وعيونه مثبته على د.ميرة: ربج كريم ***** ظهر سهيل وي سلطان وخبره باللي صار ويلس سلطان يضحك على سهيل ومع الصدفة اللي ماتوقعها في حياته وفي نفس هالموقف الصعب ......مرت الأيام وفهد من رجع وكان وي ولد عمه ما هده لحظة .... ويسير معاه التمارين مع انها كانت صعبة وايد على سهيل بس تحمل وكانت عنده القوة وهو يشوف د0ميرة كل يوم جدامه والتحسن ملحوظ عليه ومحد كان يعرف سبب سرعة تحسنه إلا سهيل نفسه لأنه الهدف جدامه ويالس يتحدى كل وخزه وكل شعور بالألم ولا يهمه دام الإنسانه اللي تساعده يوقف على ريله مرة ثانية وياه خطوة بخطوه ***** في يوم بعد التمارين ....رجعوا البيت وحصلوا خليفة يالس وي بو سلطان وخبرهم انه خليفة يبا يملج وفرح سهيل انه موضوع اخته عفراء اللي كانت غالية عليهم وبعد صراع طويل وي خليفة رسى على خير والنهاية بتكون شرات ما بغها خليفة ...... نزلت عفراء وسلمت على خطيبها ولد عمها وخبروها بالموضوع وخذاو رايها وخبرتهم انه الموضوع لازم يتم بعد موضوع سلطان وهذا شرطها الوحيد...... وافقوا أهلها حفلة سلطان كانت حلوة وايد وميثا كانت كاشخه وايد وأحلى وحده بما انها العروس واستانسوا وايد وستمرت الحفلة للساعة 1.30 بالليل رغم تحسن سهيل بس كان على عصا عادية يعني مايبين وكان فهد مايخليه دوم يسنده ويساعده وسلطان نفس الشي بس عشان مايحسسونه بشي من كثر فرحة سهيل بأخوه قاموا الشباب يووولون ويرزفون حتى المعرس وياهم وبوسلطان وخليفة كان غيررررر ... كاشخ بالقو ويرزف مع الشباب وكل شوي يدق على عفراء وظهرت شوي برى صالة الحريم شافها خليفة تخبل عليها وعلى اللي شافه خليفة: أقولج سيري داخل لحد يشوفج ويهزبونج بعد ترانا مخطوبين بعدنا عفراء: لا والله توك دريت يعني ... خليفة: خلاص مبا ملجة عفراء: ليش صار شي؟ خليفة: هيه اليوم بالذات صار شي أبا عرس وملجه بيوم واحد ما أروم اصبر شو تبين تذبيحني اليوم؟ عفراء مستحية من رمست خليفة: هذا بعده ولا شي عيل يوم بتشوفني في عرسنا شو بتسوي؟ أقولك أحسن سير تعرف أخوي سلطان وايد يعتمد عليك من يوم سالفة سهيل يالله لا تتأخر عليهم خليفة: اونه حرقت ويهج صح هههههههه .... هيه يوم عرسنا والله علوم بتستوي طولي بعمرج هههههه عفراء محترق ويها من المستحى: ما عندك سالفة سير بايخ يالله سير خليفة : جب يالله داخل عفراء: انزين سي السيد خليفة: منو هذا بعد تعرفين واحد من وراي؟ عفراء تضحك :لااااااااا وي ويهك هذا يضربون فيه المثل بالسيد المطاع خليفة: غصبن عنج هب بشورج يالله سيري اخوج يدقلي خلصت الحفلة واستانسوا الكل وحددوا العرس عقب شهر من الحفلة وتم سلطان طول الليل يرمس ميثا ويخططون للعرس وشهر العسل ومن صوب خليفة وعفراء يرمسون عن اللي صار بملجة سلطان وخبرها انه خبر عمه بو سلطان في تغير رايه في سالفة الملجة وخلى الملجة والعرس بيوم واحد يعني عقب شهرين من هالوقت ..... الموضوع كله زحمه في زحمه يعني عرس سلطان قريب عقب شهر ومنها شهر وعقب عرسها وحاولت عفراء تقنع خليفة بهالشي بس شوق خليفة كان اكبر من أي شي ... * سهيل ومشاعره تكبر يوم عن يوم صوب د.ميرة .... وميرة بعد كانت حاسه بهالشي من صوب سهيل بس ما بغت دخل هالشي في مكان شغلها .... سهيل كان كل يوم يسير التمارين يلمح للدكتورة ميرة بمشاعره وكان في كل ليلة يدعي انه الله مايرده في مراده بس بعد مايتحسن ويقوم بالسلامة ماكان يخبي شي على هند وخبرها باللي صار وياه بس هو في حيرة هو مشاعره من ناحية الدكتورة بس لأنها تساعده ولا مشاعر حب حقيقة .... هند أقترحت على سهيل يخبر عفراء لأنها اكثر تفهم منها في هالسوالف .... وفعلا سهيل خبر عفراء اللي كان ياخذ رايها في أصعب الأمور .... وأقترحت عليه انه مايستعيل في مشاعره ومايكون مندفع عشان مايتعب عقب وخاصة بعد موقفه وي موزه........... ويخلي الوقت هو يحدد مشاعرهم سواء من ناحيته أو من ناحية د.ميرة .... بس سهيل كان فيه شي كبير في قلبه أول مرة يحس فيه كان شعوره صادق وما يتخلله أي نوع من أية مصالح أو شكر تجاه ميرة لأنه حب فيها ميرة الإنسانه اللي تحب الخير وقلبها الصافي لكل الناس وبنت البلاد اللي تكافح عشان تساعد الناس اللي محتايين لها ** قرر سهيل انه ياخذ عفراء وياه واللي كانت متابعة للي يصير وياه مع د.ميرة أول بأول وقف وياها خليفة اللي كانت تشاوره دوم.... وسارت عفراء مرة وي سهيل عشان تشوف التمارين اللي والمراحل اللي وصل بفضل الله وبفضل د.ميرة وتحسنت حال سهيل وايد تعرفت عليها عن قرب بس عفراء من خلال يلستها وي د.ميرة روحهم وهم يطالعون سهيل يدرب على الآت ..... عرفت شي عن د.ميرة سهيل ما يعرفه وهم راجعين في الدرب عفراء: تصدق سهيل البنيه وايد حبوبه وماشاء الله عليها عاقل سهيل: ادري عسب بس تعرفين ذوق أخوج عفراء: بس فيه شي انت ما تعرفه من خلال كلامي وياها؟ سهيل خاف وامتقع لونه: شو؟ عفراء: البنيه أكبر عنك تقريبا في سن سلطان؟ سهيل : وي راسج روعتيني عبالي شي الحينه..... وشو يعني العمر مب مهم ثلاث سنوات؟ عفراء: والله مدري سهيل إذا أنته شايف عادي وهي وافقت صراحة هالبنت تصلح لك وايد سهيل: هيه فديتها والله ترد فيني الروح يوم أدخل القسم وأشوفها تستقبنلي ....فدددددديت ابتسامتها أحس ريلي روحها تمشي صوبها ههههههههه عفراء تضحك: والله انتو الشباب عليكم طلعات غير شكليوم تبون شي؟ سهيل: عفروه هزرج بتوافق عليه بعد اللي شافته؟ عفراء طمن اخوها: أنا عن نفسي حسيتها مياله لك وتشكر فيك سهيل: والله ياعفراء أقوم في الليل أصلي واطلب ربي يوفج بيني ومبينها بالحلال وتكون حليلتي عفراء: آمين بس يمكن البنت مستلزمه وي أهلها؟ سهيل مستغرب: كيف يعني؟ عفراء: من رمستها تخبرني انها الوحيدة في البيت تشتغل يعني حسيت تبا تقول انها هي تكد على أهلها ...؟ سهيل: والله حرام بنت شراتها جي ما عليه إن شاء الله يوم بخف وبطلب أيده بخلي أخوي سلطان ينشد عنهم زين وعن حالتهم؟ عفراء: تعال صح خليفة يقول يعرفهم بس مب وايد يعني معرفه سطحية تباني اخليه يستخبر عنهم...؟ سهيل : لا عفراء تعبتج ويايه انتي وخليفة أدريبكم ماتقصرون بس خليها احسن يوم اخف؟ عفراء: خلاص فديتك براحتك ***** في يوم يات ميثا تزور أهل سلطان ويشوفون ألبوم الملجه اللي يخبل وي البنات ... هند لاحظة في صور الشباب واحد مزيون واقف حذال أبو ميثا ونشدت ميثا عنه ...وطلع ولد خال ميثا وعمره يقارب سن هند يلست تتنشد عنه واستلموها عفراء وميثا ويضحكون عليها ميثا: عيل تصدقين هند تعرفين شو يخبرني أخوي يقولي ولد خالي من كثر إعجابه بعمي بو سلطان وبسلطان وسهيل ينشد عنكم يقول إذا عندهم بنات يشرفني آخذ وحده ؟ هند بفرح : قولي والله ... خلاص أنا موافقه عفراءوميثا نقعوا من الضحك على لهفة هند وفرحتها ..... عفراء: عنبوكم بنات الحينه ماتستحن خلي الريال يرمس صدق عقب قولي موافقه ميثا: لا عفروه صدق تراني أرمس الريال يبا يناسبكم وخلاص انتي طاح كرتج وي خليفة يعني مابقت غير الغاوية شيخة البنات هند.... هند: فديت حرمت أخوي انا ترفع المعنويات ...أنزين بتخبرج شو رد عليه اخوج؟ عفراء: شو ها كل شي مرة وحده عوار راس صدق خلوني أعرس عقب هندوه الهبله هند: الله يعينك ياخليفة يا ولد عمي على أختي عفراء الخبال يضحكون رباعه تكمل ميثا رمستها: لا صدق والله ترى اخوي رد عليه قاله بس بناتهم مخطوبين هند معصبه: هذا أخوج كله يخرب مايسوي شي فيه خير عافنا الله ميثا ناقعه من الضحك : لا فديتج أنا خبرت أخوي يقوله وحده مخطوبه والثانية في الجامعه تدرس وتبا تكمل دراستها هند: لا بستقيل مبا اكمل دراسه هههههه عفراء: هند شو ياج عنبو هب صورة هذه وفيديوا سوى فيج جي...؟ هند: انتو شو دراكم في المزايين هذه أخوي سلطان مصدقه عمرها فيه إرهابي والثانية خليفة بو راس خخخخخخخ يطيحون يضربون هند والضحك واصل لين تحت ....سمعوا دقة خفيفة على الباب فتحت هند لقت سهيل شكله تعبان ومرهق ويبا عفراء ....سارت عفراء وي سهيل حجرته ويلسوا يرمسون وخبرها أنه الدكتورة ميرة ما حضرت اليوم وياه وهومستهم عليها ؟ طمنته عفراء وهدى شوي نش ومشى عادي ولاحظة عفراء مشية سهيل عفراء مب مصدقه: سهييييييييل فديتك؟ سهيل مستغرب: شو فيج زيغتيني؟ عفراء: مشيتك غير عن قبل... نشت عفراء ولوت على سهيل وتصيح وهو فرحان أنه فيه حد لاحظ تحسنه وهذا كله والسبب الحب اليديد اللي دخل حياة سهيل وخايفة من انه يضيع بس وقفت عفراء وياه كانت بحد ذاتها كفيلة انها تصبره وتعطيه الأمل اللي يترياه بس لما يكون في عافيته..... ركضت عفراء وزجرت أم سلطان وهند وبو سلطان عشان يشوفون سهيل وهو يمشي من دون أي مساعدات مع عرج بسيط بس مع الأيام والتمارين راح يتسحن تم سهيل يمشي جدامهم وأن سلطان تصيح ويحضنها سهيل سهيل وهو متأثر بفرحة أهله فيه بس يكابر: عيل باجر تبشوفيني أمشي على معرس على الكوشه أبو سلطان عيونه دمع : الحمد لك والشكر يارب والله انك تستاهل كل خير وهالدكتورة مجهودها وثوابها وي ربها أم سلطان: خاطريه أسير وأحب عراسها هالبنت يعلني أفداها سهيل بغلاسه: حتى انا اميه أباج اليوم قبل باجر تسيرين وتشوفينا وتحبين على راسه ويوم تخلصين خليني بعد أحب راسها... خخخخخخ هند وعفراء ينغزون سهيل على خصره ويمسكهم ثنينتهم ويحط ايدينه على هند وعفروه ومحد فهم شو تلميح سهيل غير البنات وخاصة عفراء أم سلطان : يابوي استح انت ما تيوز عن سوالفك هذه بنت البلاد عيب تقول جي يا ولديه الله يهديك سهيل يضحك ويلوي على أمه : والله أسولف لا حووول استلمتني عيل الله يعين على المستخبي هههههههه أم سلطان تيود سلطان من أذنه : شو مخبي عليه لا تكون مغلس على البنيه ومطفربها شرات ماتسوي ويانا سهيل : لا والله أميه حشا اصلاً روحي اقفط من أشوفها افا عليج ما يسويها ولدج أم سلطان: والله تسويها يا ولد سعيد بوسلطان: ها ها شو فيه سعيد أم سلطان تظهر وتتحرطم : هذا بالذات طالع عليك بترفعون ضغطي انت ولدك بو سلطان وسهيل والبنات يضحكون.... ظهرت أم سلطان ويلست وي ميثا يشوفون الصور وفيلم الملجه ومستانسين الجميع ... وحدر فهد في حجرة ولد عمه وتموا سوالف وضحك وي بو سلطان .......... دخل سلطان وخذ منهم حرمته وساروا الصالة عسب يرمسون براحتهم تتطالعم عفراء وتسأل نفسها متى بي اليوم اللي أكون فيه وي خليفة ويفرح قلبي وأعوضه على الأيام اللي يما كسرت قلبه فيها والسموحة منكم على التأخير... تراني والله تعبت اثره البارت وايد طويل وكل مرة أحذف جزء عشان بس تنزل القصة لأنهايات زيادة وتريوني مع الجزء الأخير وياريت لا تحرموني من تعليقاتكم وخاصة على نهاية القصة .... وأعتذر مرة ثانية على تأخيري وأتمنى يعيبكم البارت nuor 23-04-2005, 14:07 مشكورة عاشقة على الجزء الجديد تحياتي جولييت 25-04-2005, 17:42 جنااااان والله بصراحه قصتك شئ خيالى ما شاء الله هذا رأي بس ما تطولين علينا بالجزء الاخير بقايا خفوق 25-04-2005, 22:52 يسلمووووو عاشقــــة الاحــزان على الجــــزء.... عاشقة الاحزان 26-04-2005, 21:09 هذا الجزء الاخير http://www.alamuae.com/vb/images/smilies/icon26.gif الأيام الأخيرة كانت صعبة على البنات وخاصة في زهبة ميثا اللي كانوا يتسابقون فيه على عرس سلطان وميثا صدق كانت مرهقة وايد بس ما قصرت عفراء ساعدت حرمة أخواها وهند وياهم . مستانسين أيام الزهبه تكون فيه مغامرات تضحك وايد ... وفي يوم وهم طالعين طبعاً الأخ سلطان معرسنا الأغر ... مايشلهم لأنه مشغول يجهز أثاث الجناح اللي خذه فوق في الفيلا للعروس لأنه خلاص ماباقي شي عن العرس والمفروض المعرس مايشوف العروس قبلها بأسبوعين وعند بعض الناس شهر بس يالله ميثا وسلطان مايرمون يصبرون عن بعض فخلتهم ميثا أسبوعين وقبل الموعد طلب سلطان أنه يشوف ... ميثا النظرة الأخيره قبل الحرمان اللي بيشوفه أسبوعين بس عسب اليوم الكبير........ وفي حجرة سلطان تدخل عفراء.... عفراء: اوووه أخوي كاشخ بالقو وين ما شاء الله؟ سلطان: بسير عند ميثا عفراء: قبل الحرمان هههههههههه سلطان: شو يالس في الجامعه انا؟ عفراء: لا بس حلو عسب تشتاقلها شوي يوم بتشوفها بتكون غير يعني مفاجأة سلطان: أونكم عاد حركات عفراء: صدق والله بتشوف بذكرك بتحس يوم بتشوفها على الكوشه كأنك أول مرة تشوفها سلطان: بس انزين شو تبين؟ عفراء: لا بس شميت رحيت الدخون عجيب بعده فديتك العرس ههههههههههه سلطان: وي راسج بدل ما تشجعيني ... أقولج أبا آخذ هدية حلوة لميثاني قبل لا أسير يعني بمناسبة زواجنا عفراء: متفيج والله شكلك عندك بيزات وايد هههههههه سلطان: هههههههههه حسد عفانا الله عفراء: سلم عليها إنشاء الله عقبال ما حد يفكر يبلي شي سلطان: اونج عاد تستهبلين شو والهدايا والورد اللي يبيهم لج خليفة مب مازره عينج؟ عفراء: فديته فديت طاريه احم سلطان: جب جب وايد مغتره فيه عفراء: هيه بعد شو يكفي عطا من دمه لسهيل سلطان: ههههههه عنالتج ذليتني أنت وريلج ها بنعطيكم بداله..... بعدين لا تتفدين حد جدامي لا أكسر راسج عفراء: ياسلام!!!!! .... عيل أنت تتفدا ميثوه دوم ؟ سلطان: قلتي أنا أتفداها.... عيل خلي ميثا تتفدى حد غيري حتى لو خوانها شوفي شو بخدم فيها؟ عفراء: خيبه ؟؟ صدق أنتوا الريايل أنانيين من تحبون وتملجون خلاص حقوق الطبع محفوظة ومحكورة لكم حشا مايسوى علينا سلطان: يالله اجلبي ويهج أخرتيني عن قمريه عفراء: مالت عليك أنت وقمرك سلطان: هههههههه ما عليج يالبايخة مقبولة يالله سلاااام طلع سلطان وهو في أبهى حلة عشان يخلي ذكرى حلوة في عيون ميثا لين موعد العرس... عفراء تتطالع سلطان وهو يغيب عن عينها وفرحانه تفكر ويقطع حبل تفكيرها صوت موبيالها خليفة متصل....... عفراء: سبحان الله الطيب عند ذكره خليفة: شو كنتي تحشين من وراي..؟؟ عفراء: ماشي يالسه اقول لأخوي سلطان انتو الريايل من تحبون وحده وتملجون عليها تصير حكر عليكم بس ممنوع تتفدى حد ولا تستانس مع حد؟ خليفة: صح شجايل عرفتي ؟ خطيرة والله انتي؟ عفراء: صح في عينك بتفدى اللي يعيبني شو ها؟ خليفة: أقولج لا تسويلي راس من الحينه عشان ما أكسره عفراء: افا خليفة حبيبي أهون عليك؟ خليفة: لو المسألة فيها تكسير أوامر تهونين ليش لأ...؟ عفراء: عنبو الدفاشه شو ها ههههههههههه خليفة: عيل شو نلعب نحن هههههههههه عفراء: المهم شحالك خليفة: توه الناس بخير عفراء: دوم خليفة: أقولج ...؟ عفراء: شو تبا؟ خليفة: حوووو أنتي.... شو شو تبا؟ أشحت منج؟ عفراء: هههههههه يالله عاد خليفة شو... بسير عند المصمم عشان نسوي برفوا لفساتينا انا وهند خليفة: والله حريم آخر زمن قبل مب محصلين خياط هندي تفصلون عنده الحين يتشرطن مصمم وعاد حطله قطعتين وقال خلاص هنا الدنيا؟ عفراء: والله انتو شو يعيبكم ؟؟ ما يعيبكم شي؟ خليفة: المهم ... اسمعي نسقت وي الدوام عقب شهرين ونص بيكون عرسنا وبيعطوني إجازة ثلاث شهور.... أعتقد فترة كافية تتزهبين فيها ولا؟ عفراء: هيه عادي خليفة : خلاص عيل بتصل بعمي عسب أعطيه بيزات الزهبه والمهر شو رايج؟ عفراء: لا خليفة بعده وقت وايد عن العرس الزهبه مايبالها غير شهر خليفة: والله ظهرتي مستعيله اكثر عني خخخخخخخخخخ عفراء مستحية: خلاص هونت خل العرس عقب ثلاث شهور ارتحت الحينه خليفة: والله اسولف ؟ عفراء: عقاب لك عقب ثلاث شهور خليفة: حشا عفروه سوووالف لا تسوين جي خلاص آسف وهذه بوسه على راسج ....امووووه عفراء تضحك: حشا هب بوسه بريك سيارة ههههههههههه خليفة: هههههههه ماعليه مقبوله بسكت الحين بتصل في عمي سعيد بيكم آخر الأسبوع عفراء: لا خليفة أحسن وقت أبدأ اتزهب فيه عقب عرس سلطان على طول خليفة: خلاص غناتي إذا ريحج يالله سلمي على الأهل عفراء: يبلغ وأنت بعد خليفة: باي عفراء: بااايات ظهرت عفراء وسارت غرفة سهيل اللي كان في دنيا ثانية وعفراء يمكن الوحيدة اللي كانت حاسه فيه وبمشكلته الغلجه نوعا ما دقت الباب سهيل: منو؟ عفراء: انا عفراء سهيل: حياج عفاري تعالي عفراء: القلب شو فيه يالس روحه في الحجرة؟ سهيل: قلبج خليفة هب سهيل الفقير ههههههه عفراء: لا سهيل حبيبي لا تقول جي شو فيك أحسك كله متضيج سهيل: تعبت عفراء أبا أخف بسرعة؟ عفراء: أفا عليك الغالي صبرت وايد مابقى شي ولا كل هذا عشان القلب ميرة سهيل: لا تطرينه جداني تيني رقله هههههههههههه عفراء تضحك: حتى في الحب تسولف؟ سهيل: إلا ميرة غير عن كل البنات اف ما طاعت تي الساعة 4 أبا أسير؟ عفراء: خيبة سهيل شو ها أثقل شوي خواني غير شكل من يحبون؟ سهيل: آآآآه ياعفراء لو تعرفين بالنار اللي بقلبي يوم أشوفها جدامي يكفيج صوتها منطوقها أسلوبها حتى حركاتها كل شي فيها رقيق وناعم أحسه والله حد يصارخ عليها عادي تنكسر هههههههههه فديتها والله عفراء: حرام عليك لا تيلس تتطنز عليه والله انها عسل صح هي رقيقة وووايد بس أحس هذا اللي محليها سهيل: هيه والله ماذابحني إلا رقتها عيل شرات أختي هند واللي شرواها دفاشه في كل شي ما يعيبني البنات هالشكل ؟ هند : سهيل أنا جي ؟ طبعا يحقلك من حطيت براسك الآنسه ميرة خلاص هي الملاك ونحن اللي كلنا عيووووب ماتنلام القلب اللي يرمس هب عقلك سهيل: اوووويه الحينه منو يفكني منها بعدين ليش حدرتي الغرفة قبل لا دقين الباب هند: الضحك وياكم واصل للدري فقلت اوايق اشوف شو عندكم وسبحان الله شو لقيت اثركم تحشون فيني ويالسون تضحكون عليه؟ سهيل: لا بس يالس اشرح لعفروه العينة اللي عندنا يعني نحن نقول أنتي قوية محد يقدر يقول عنج شي يبوج خخخخخخخخخخ عفراء تضحك على قفطة سهيل .... هند: عيل اليوم مابسير البروفوا أبا اشوف هالميرة كلكم شفتوها إلا أنا سهيل: لازم حد يدش في النص يخرب لا ماتين اليوم ماقلت للبنيه أنه في حد بي هند: لا خلني اسير عسب اطلع سوالفك البايته عندها سهيل: انتي فضايح مينون اوديج عندي هههههههههه هند: سهيل؟ سهيل: عصبت تراها خلاص بشلج بس عن الهذره الزايدة جدام النبيه تفضحينا عفراء: شو يعني هند أسير روحي عند المصمم؟ هند: لا خليه يتريا لين ما نرد من عند الحسناء مالت سهيل ونسير عقب عفراء: خلاص اترياكم انا بسير أجهز شوية تقارير للدوام باجر؟ ************************************* في هالوقت سلطان كان بيتهم قوم ميثا ويلس وي أبوها وخوانها وسولفوا وعقب خلوه روحه لأنه ميثا بتدخل تسلم عليه عاد سلطان يتحرا ميثا بتكشخ عادي شرات كل مرة بس أنصدم يوم شافها دخلت كانت تخبل لابسه مغربية أحمر وأسود والأكسسورات سوداء وشيلة خفيفة ومكياج أحمر والعطر والدخون يفوح....... ميثا: السلام عليكم سلطان: علييييكم السلام ميثا تمد ايدها تسلم: شحالك سلطان سلطان يسلم: بخير فديتج شحالج أنتي ميثا مستحية لأنه نظرات سلطان كلها إعجاب : بخير ربي يسلمك سلطان: خفي عليه شو مسويه في عمرج...؟ ميثا: والله ريلي ياي لازم اكشخ عاد ما بنشوف بعض إلا عقب أسبوعين سلطان: يعني لازم تذكريني أني مابشوفج ميثا تحط أيدها تعدل سفرت سلطان: عاد حبيبي قلنا أسبوعين مب سنتين بعدين خلاص بكون مقابلتنك العمر كله بتمل مني سلطان: حد يمل من روحه وعمره وقلبه ميثا: هيه انتو الشباب جي لين ما تحصلون اللي تبونه سلطان يضحك: شو قصدج؟ ميثا: يعني أول الأيام البنت عروس والريال دلع وحب وصباح الورد والهدايا عقب ست شهور ينش من الرقاد يطالعها بلا نفس صباح الخير؟ عقب سنة أول مايشوف ويها يقول..أوف هذه انتي وخري؟ سلطان ناقع من الضحك ميثا: اضحك أضحك عارف سوالفكم سلطان يسحب ايد ميثا ويخليها في أيده في ذمتج يالمينونه أنا من هالشباب...؟ ميثا: مدري سلطان : عيني في عينج ...؟ ميثا تنزل عيونها وتبتسم: سلطان أنا هب قد حركاتك سلطان يرفع راس ميثا: ليش هب قدي ماتعرفين ميثا أحس هالأسبوعين أطول أسبوعين في حياتي ميثا: ماعليه عمري مابقا شي باجر بتقول شو هالورطة اللي عقيت عمري فيها سلطان: عيل هاللحية مب عريال لو خليتج بيوم تحسين أني متلل منج أو ندمان على زواج منج ميثا: ههههههههههه زين عسب أحلقها بنفسي سلطان: حشا حشا شو ها باخذ وحده شريرة شو رايج تشتغلين في الجيش تحلقين روس الجنود هناك هههههههههههه ميثا: وايد مستظرف دمك ... تعال قولي خلصت مفرش المكان سلطان: هيه مفاجأة لج الحجرة والصالة الصغيرة والمطبخ التحضيري عسب مايكون لج حجة تنزلين أو تفكرين تظهرين برى؟ ميثا: سلطان حرام عليك شو السجن المركزي سلطان: هههههههههههه تروعتي صح هيه بعد شو سجن سلطان المؤبد مع الشغل والنفاذ يلسوا ميثا وسلطان سوالف وضحك ...في الطرف الثاني كان سهيل يجهز نفسه عسب بيسير التمارين الأخيرة له من العلاج مع الدكتورة ميرة واللي يدعي ربه دوم تكون هالأنسانه من نصيبه لأنها صارت تمشي في دمه وشاغله تفكيره دوم وشفائه السريع بفضل من الله قبل عقب بمساعدتها .... سهيل تأكد الحينه من مشاعره تجاه الدكتورة ميرة واللي كان يتحرها قبل مجرد يمكن شكر وعرفان لها على المجهود الكبير والتشجيع في علاجه لكن مع الأيام والفترة اللي تمر ما بين رجوعه من التمارين والبيت واليوم الثاني كان يحس في ذاته وقلبه انه يشتاق لها مب عشان التدريب لأ عشان يسمع صوتها إبتسامتها كلامها الطيب وأسلوبها اللي يغري أي إنسان أنه مايفوت هالبنت لو على جثته...... سهيل يظهر متكي على العصا مالته: هند يالله بسرعة هب سايرة عرس أنتي بنتأخر.... هند ظهرت من حجرتها: شو يعني تبا البنت تشوفني وأنا مبهدله...؟ سهيل: يالله زري جدامي اشوف تأخرنا الدريول من متى يتريا مسكين ظهروا وفي الطريق وقفوا عند الباركانات وشوي ويشوفون سيارة فهد اللي كان متعود يكون موجود عند تمارين سهيل.... نزولوا ويسمعون صوت واحد يالس يصارخ يوم صدوا كلهم شافوا واحد مب مخلي وحده تنزل من سيارتها ويالس يهدد ويتوعد شوي وسهيل يحمر ويهه وعرف أنه اللي يساله في السيارة هي الدكتورة ميرة وكان شكلها خايف وايد ومب راضية تفتج الجامه ولا الباب للريال اللي يالس يهازب ومسوي حفلة ويستعرض عضلاته على البنت سهيل يسير صوب الريال وهو معصب يوده فهد...... فهد: شوفيك مالنا خص سهيل لا تسوي مشاكل لعمرك...؟ هند كانت مب فاهمه شو السالفة ومتغشية: شو السالفة سهيل منو الريال؟ سهيل: هذه الكتورة ميرة وهذا شكله يبا أدب عسب مايتعرض لبنات الناس شة يتحرى البلاد مافيها ريايل فالتوه الدنيا؟ هند: مالك خص شو درانا منو ها يمكن أخوها؟ سهيل يتجاهل كلام فهد وهند وبكل قوته يدفر الريال اللي يالس يضارب باب السيارة ويطيح عند السيارة ويركض فهد عسب يساعد سهيل لأنه بعده ....... سهيل: حووو شو تتحرى الدينا فوضة تتعرض لبنات الناس الريال: وأنت شو لك من بقية أهلك فهد: لا بس مايحقلك تسوي جي شو ماكان الريال : بنت عمي واباها ترد البيت الحينه سهيل: ولد عمها خير ياطير مب من حقك تعاملها هالشكل شو سايبه تنزل دكتورة ميرة وتحاول تهدي الموضوع ما بين الشباب د.ميرة: خلاص جاسم انتهينا من الموضوع شغلي ما بودره ولو لك رمسه سير خبرها لأمي لا تجبرني اطلب لك الأمن الريال يحاول يمد أيده على ميرة بس أيد سهيل كانت أسرع ويلويها ويضرب فيه على السيارة سهيل: لا تمد أيدك على حرمة تبا تضارب ريايل أثنين جدامك ضارب .... بس مسكت سهيل ما خلت الريال يقدر يتحرك..... فهد: يابوي استهدوا بالله سهيل خلاص ياخي خل الريال يتيسر لا يكسر ريلك الثانية أحنا ما صدقنا ريلك هذه تخف لا تسونا سالفة العالم يالسه تتطالع سهيل بعصبية خافت منها حتى أخته هند: د.ميرة خذي أختي هند وسيروا داخل نحن بنلحقكم فيه كلام ريايل هني ميرة بدون تردد تسلم على هند وتاخذها ويسيرون داخل القسم العلاج الطبيعي فهد: خلي الريال سهيل الريال: والله لا أكسرك بس هدني لو تقول تبا تضارب ريايل فهد: لا هذا شكله يبا ضرب ريايل غصبن عنك يالياهل شكله ياهل والله أقولك صف كم انته؟ سهيل: شكلي بدخلك المستشفى الحينه شو رايك؟ الريال: مالكم خص هدوني اقولكم سهيل دز الريال وطاح على الأرض وركض خايف ركب سيارته وقحص عليهم ويل وشرد سهيل كان واصل حده يبا يعرف شو سالفة ولد عم ميرة هذا وياها وشو اللي يخليه يتصرف هالشكل الغجري معاها؟؟؟ فهد: ماشاء الله عليك هب هين الله يعين هذا وأنت ريلك جي عيل لو صاحي شو بتسوي فيه تحصلك دفنته هههههههههه سهيل: متفيج أنت تنكت والله حشمة المكان ولا كان سحبته بالسيارة لين بيت أهله وبخبرهم يربونه من أول ويديد فهد: بس صغير شكله ياخي شو يبا في البنت عيب عليه بنت عمه وجي يفضحها؟ سهيل: طبه الهرم والله أشوفه أهني ياويله .... شكلي من بابجر ببركن هني قبل الموعد فهد: ايه انته تتحرى معسكر تبركن هني شو الناس بترمس على البنت عيب عليك؟ سهيل: ايه أقولك أنا أصلاً ناوي أخطبها ومايعيبني حد يتحرش جدامي في الإنسانه اللي أحبها فهد: شو منو ياي معاك؟ سهيل : الرضيعة تبا تشوف د.ميرة فهد: جم مرة تشوفها هذيج اليوم شافتها حلاوة كل يوم؟ سهيل : وي راسك هذه هند أم لسانين كلتني يوم قلت لها د.ميرة رقيقة غير عنها سوت علي غارة في الغرفة تقولي إلا أشوفها وأتعرف عليها؟؟؟ فهد: ههههههههههه عيل توهقت خلاص برايك أنا بسير زين لحقت عليك قبل لا يقصبونك سهيل: يخسي مابقى إلا اليهال يسون راس عليه ************************************** سار سهيل وحدر القسم ولقى ويه الدكتورة ميرة أصفر من الخوف والإحراج بس حصل هند مسويه جو وتحاول تنسيها الموقف وبدوا التمارين وسهيل خاطره يسألها عن سالفة ولد عمها الخام هذا بس ...بيسألها بصفته شو ؟ يلس يطالعهم وهو محتار وخايف وقلبه وعقله أسئلة كثيرة مالها جواب إلا مع ميرة وبس؟ هند استانست وايد مع ميرة اللي تسرعت في الحكم عليها .... ومع نهاية التمارين يلسوا جميع والدكتورة تكتب التقرير اليومي عن حالة سهيل في ملفه هند تتطالع سهيل وحاسه فيه وفي تساؤلته وفجأة الدكتورة بكلامها........ هند: السموحة د.ميرة بس بغيت أسألج منو الريال اللي مسوي يوله عند سيارتج؟ د.ميرة: هذا ولد عمي من يوم أشتغلت وهو وعمي مصممين انهم يطلعوني من دوامي وأنا مستحيل أقبل هالشي بعد هالتعب كله ... وكل يوم والثاني ياين البيت ويسون نفس الحركات آخر شي عمي عصب قالي بتتزوجين ولدي جاسم عشان بس ما أسير الدوام؟ وهو أصغر مني بوااااايد سهيل : شو الدنيا فوضة ؟ مب من حقهم هند تخز عينها في أخوها عسب يسكت..... د.ميرة تكمل: كل شي في الدنيا قسمة ونصيب تعودت أي شي أحبه وأباه الدنيا تاخذه مني ولا استانس فيه هند: تسمحيلي أقولج ميرة بس ؟ د.ميرة تبتسم: هيه عادي هند: بصراحة أخوي سهيل يباج وبس يخلص علاجه ويكون بخير بيتقدملج شو رايج سهيل عصب من أخته: هند قومي بنسير اسمحلينا دكتورة ترى اختي هذه شويه دفشه هند: لا صدق دام المسألة جي وأنت تباها ودوم حاشرنا في البيت عن الويه الطيب هذا ليش لأ سهيل ير أخته والدكتورة ميرة انحرجت وايد من كلام هند ....... أستأذن سهيل وتقدم أخته هند وظهر عنهم.... د.ميرة: أعتقد يا أختي هند هذا مب الزمان ولا المكان المناسب عسب تسأليني هالسؤال بس بتقبلها عشان أنتي بنيه حبوبه وصريحة هند: انزين ممكن رقم موبيالج لو سمحتي عشان بس يكون فيه وقت مناسب لنا د.ميرة: انشالله انتهى كل شي وسارت هند أول ما حدرت السيارة هزبها أخوها على الأسلوب اللي مب حلو اللي رمست فيه وحطت كل من سهيل وميرة في موقف محرج بس هند شرحت لأخوها السبب في تصرفه هو أنه لو تم جي ساكت وما يبين مشاعره ونيته جدام البنت بتضيع منه وخاصة بعد ما عرفوا عن سالفة ولد عمها جاسم اللي ناوي يظهرها من الدوام ويتزوجها وفارق السن ما بينهم الكبير ...ففضلت أنها تفاتح الموضوع وي ميرة... وإن كان الأسلوب مب لايق والمكان ما يساعد انه تنفتح فيه مواضيع حساسة شرات هذه .... بس عسب تضرب الحديد وهو حار تقبل سهيل فكرة أخته هند بس قال لها أنه يبا عفراء هي تتصل في ميرة وتستفر منها شو السالفة وضع البنيه في عائلتها عسب ما تستوي مشاكل من أولها ... طبعا وصلوا البيت وعقب سارت هند وعفراء عند المصمم عشان يخلصون البروفوا.... ومن عقبها ردوا البيت لقوا سلطان راجع يلسوا يغلسون عليه ويشجعونه خلاص ما بقى شي على العرس ويلسوا مع بعض ومعاهم أبو سلطان وأم سلطان بعد ما تأكدوا من أنه كل جماعاتهم وناسهم وجيرانهم وزعوا البطاقات ومانسوا أحد ويلسوا يسولفون ويضحكون بعد العشاء كلن سار غرفته إلا سهيل سار صوب حجرة هند وصاروا صوب غرفة عفراء وطلب منها تتصل في د.ميرة قبل لا يتأخر الوقت وتفهم منها سالفة ولد عمها ولأنه عفراء من النوع اللي يرتاح له الشخص وكانت الدكتورة من بين هالأشخاص أتصلت فيها ........ والكل يسمع ..... عفراء: الو مرحبا د.ميرة ميرة: مرحبتين ؟ عفراء: طبعاً ما عرفتيني ؟؟ أنا عفراء أخت سهيل سعيد اللي يتعالج وياكم في المستشفى بقسم العلاج الطبيعي سهيل يصرر هند : لا حووول لازم يذكروني أني مريض ويالس اتعالج هند تضحك: يالله يدلعوه بعد سهيل: مالت عليكم هذا تسميه دلع عفراء تشاور عليهم يسكتون عسب تعرف ترمس البنيه.... ميرة: هلا والله عفراء شحالج الغالية شحال الأهل؟ عفراء: بخير والله يسرج الحال أنتي شحالج؟ ميرة: بخير وسهالة ربي يسلمج عفراء: بصراحة أنا داقه اليوم أطمن عليج عقب السالفة اللي خبروني فيها سهيل وهند ؟ خير ما من شر شو صار؟ ميرة: ماشي عفراء بس عمي من يوم صغار وتوفي الوالد يتحرى أنه نحن ملك له حتى من الأول يحال يتزوج أمي بس عشان ياخذ البيت وكل شي عندنا مع انه اصلا ما حيلتنا غير هالبيت والبناية اللي عمي ياخذ إيجار شقق منها له ولعياله ومن نشوفه منهم غير يمكن 1500 درهم كل شهر ....؟؟ عفراء: الله يهديه انزين ليش ما حاولتي أنتي وأمج بما أنكم الكبار تتفاهمون وياه؟ ميرة: والله وايد حاولنا بس هو دائماً يبا يحسسنا محتاين له ومايباني أشتغل وأعتمد على نفسي وأسد عمري وأهلي عفراء: والله ما أعرف شو أقولج ميرة بس أنتي عارفه نية أخوي سهيل تجاهج وأنا أقولج إياها أنتي بنت والنعم فيج ويشرفني تكونين من أهل بيتنا ميرة مستحية: ماظنتي عمي بيوافق سهيل بصوت واطي: الله ينطبه هذا عمها شو يتحرى عمره جنكيز خان مسويلهم رعب هند: اصبر خلهم يكلمون؟ ميرة: اسمعي عفراء سهيل إنسان جداً طموح وريال يا حيه وأي بنت تتمناه لكن أنا مقدر أهد أهلي وهم مالهم غيري وحالتنا شوي مب لين هناك عفراء: انتي ما عليج هذا عمج بسيطة ولد عمج هذا شو يبا مسوي يوله روحه ومكبر راسه ؟ ميرة: والله يا عفراء تقولين بسيطة لأنج ما تعرفين عمي ... ولد عمي هذا أونه يبا ياخذني مب حباً فيني بس عشان يعذبني ويعاقبوني لأني فكرت أكمل دراستي الجامعية وأشتغل؟ عفراء: عفانا الله شو هذيل ... أنا أقولج إياها ميرة أنتي الحينه في مثابة أخت عزيزة وغالية علينا ... وأخوي سهيل صح أصغر عنج بثلاث سنوات بس مع ذلك هو مايشوف هالشي عائق في زواجه منج على سنة الله ورسوله؟ ميرة: صحيح عفراء: نحن عشان لا عمج يدخل ويسويلنا حفلة يوم بنتقدم بغييت أسألج أنتي موافقة على اخوي سهيل لو قدرنا نحن المسألة ما بينكم وبين عمج؟ ميرة : والله سهيل ريال ماشاء الله عليه ولا بحصل مثله والموقف اللي صار اليوم خلاه يكبر في عيني اكثر سهيل يصرصر أخته هند: شوفي الناس اللي تعرف قيمتي أسمعي تعلمي الرقه منها هند: مالت عليك مغتره فيك وايد ما تعرفك ملسون خخخخخخخخخ سهيل: جب عفراء: خلاص عيل انا بتصرف وبرد عليج لا تخافين ميرة ترى الدنيا بعدها بخير ميرة: مشكورة عفراء بس ماقلتلي شو بتسوين؟ عفراء: لا ماعليج فيه واحد يعرفكم بس من بعيد لبعيد ويعرف يتصرف زين وي عمج ويوقفه عند حده ميرة: والله بتسوين فينا خير يا عفراء خلاص لأني تعبت من كابوس عمي وعياله سهيل: فديت روحه إنشالله كابوس ياخذ عمج ونتفك منه هند: آمين ههههههه عفراء: تسلم عليج هند ميرة تضحك: فديت روحها سلمي عليه أختج وايد قوية جرئية ماشاء الله عليها سهيل : والله الكل يعرف انج دفشة تحريت روحي بس خخخخخخخ هند: سخيف انت وياها اصلا انت ما تشوف اللي يشوفنه عفراء: على خير بيكون بينا اتصال باجر اوكيه الغلا ولا تستهمين ولا تحاتين باس ميرة: سد وذخر يا عفراء وسلمي على الأهل ما أخص حد عفراء : احم مول مول يعني هههههههههه سهيل : آآآآخ ريلي تعورني محد يسلم عليه ولا يدزلي ويه شو هالقراده اللي أنا فيها ميرة: هههههههه صح أقولج سلمي عل سهيل وقوليله مافيه داعي خلاص يحضر جلسات العلاج هو الحينه بخير سهيل بصوت خفيف: منو قال انا بعدها ريلي تعورني ما اروم امشي عليها زين هند وعفراء يضحكون هند: عنبو غاسل شراع الريال ماسكنه بأيد وحده وتقولي بعده ريلك تعورك ماظنتي صدقها ميرة بسك خلاص عفراء: انشاء الله بخبره وربي يطمنج ومشكورة على البشارة ميرة : وخبريه يبطل دلع لأنه حالته متحسنه بس هو مصر على سالفة العصا هذه اللي مكبرتنه عفراء تتطالع سهيل وتضحك: هيه والله صدقج مستوي شايب ههههههههههه ميرة: لا حرام عليج مب جي عاد ههههههههه سهيل: هند جنهم يسبوني وأنا موجود؟ هند ناقعه من الضحك : تستاهل ههههههههه عفراء: يالله الغالية خاطرج بشي توصيني بشي؟ ميرة: سلامتج عفراء ربي يحفظج عفراء: ويحفظج الكل طايحين ضحك لأنه سهيل كان من فترة أصلاً بخير ومع ذلك كان يسير العلاج ودمه على العصا ركضت هند وزجرت أبوها وأمها سهيل انصدم يوم شاف أمه وأبوه داخلين وكان خاطره يمصع هند .... بس ( To late) حدر بو سلطان وأم سلطان يضحكون من ضحكة سهيل ويهه المنور والمستانس... وكان خاطره يسأله عفراء عن الطريقة اللي بتخلي عم ميرة يغير رايه ويرجع حقوق أهل ميرة ويبتعد عنهم... بس هند خربت لما سارت وخبرت أهلها عن حالة سهيل اللي تحسنت وخلاص مب بحاية أنه يسير من عقب اليوم للعلاج الطبيعي بو سلطان: خير شو هالبشارة الحلوة اللي سمعنها هند؟ أم سلطان: يالله قوم أشوف امشي جدامنا سهيل مستحي: يعني اضرب اخط اسير واغدي جدامكم شو تتحروني عارض أزياء كلهم ينقعون من الضحك هند: لا تتهرب يالله قوم محد كشفت أوراقك غير ميرة هههههههههههه سهيل: اسكتي اللي ياخذ عدوج ما عليه مردود أم لسانين نش سهيل ومشى عادي مع عرج بسيط لأنه كان يعتمد على عصاه وايد طلب منه أبوه يحاول وساعدته عفراء وهند... وتم سهيل يسير ويمشي لين ما مشى عدل وفرحو كلهم أم سلطان فرحت وايد بولدها وتمت تدعيله بالصحة والعافية... أم سلطان : خطاك السو يا ولدي ويعلني ما ذوق حزنك بو سلطان: عاد أنتي زاهبه الدموع تتريا بس متى تنزل منج هند: ههههههههه والله أبوي يعرف سوالف أمي بوسلطان: الحمد الله ياسهيل اللي شفتك واقف على ريولك مرة ثانية ... من كان يصدق اللي شايف حالتك قبل وأنت في المستشفى بهذيج الغرفة اللي يكفينا شرها عفراء: هيه والله .. عقبال ماتشوفنه يمشي في عرسه قريب إن شاء الله سهيل: والله أنتو البنات فضايح محد يقولكم شي عفانا الله ماتكملون الجميل لازم (CNN) الأخبارية تذيعون أم سلطان : شو داسين عنا أنت وياهن؟ بو سلطان يضحك: ها سهيل بتخاوي خوانك وتبا تعرس؟ سهيل: لا بعدنا في أمور شوي نبا نصفيهن وي العروس عفراء وهند يتضحكون على سهيل لأنه شكله صدق منحرج وقافط أم سلطان: لا تسويلنا أنته ... منو هالعروس ؟ هند: أقووول ممكن يعني اخبرها سهيل: الله لا بلاء ريال فيج يا هند بو سلطان: هههههههههه شو مسويه في أخوج لا تضغطون عليه خلوه براحته يوم بيحس انه وقته بيعلمنا سهيل ما بيسوي شي من ورانا عفراء: محشوم سهيل بس شرات ما قال نبا نتأكد من شغله بسيطه عقب بنخبركم شو السالفة ومنو العروس أم سلطان: لا أبا أعرف الحينه منو؟ بو سلطان: إنا لله ... مشكلة الحريم خلاص حطتك في راسها سهيل وخواته يضحكون على تعليق أبوهم القوي شوي أم سلطان: شو قصدك سعيد...؟ إذا عندك شي قوله الحينه بو سلطان: لا قصدي ولا فصلي ... بس أقول خلي الريال براحته سهيل: لا برايه أبويه من حقها ... حرمه تعرفينها وتحبيها بعد أم سلطان: منو انزين دورتلي براسي؟ سهيل يضحك: دكتورة ميرة أم سلطان: هييييييييييه أثرك مستعوق من الدكتورة ما تبا طيب بسرعة وأنا أقول العلاج طول ؟ بو سلطان : ههههههههه والله طالعين على أبوكم في العيارة ههههه أم سلطان : ما تاخذونه من بعيد يا عيال سعيد سهيل : أحم شو بلاكم استلموتني بدال لا تقولن مبروك؟ بو سلطان: هههههههههه اثره سهيل عوقه في الدختر وريله مافيه شي ومسولنا عصا ودنيا طلعت أضعف عني سهيل يضحك: افا عليك تلاميذك ههههههههههههه أم سلطان : ما تستحون حشموا أنزين موجوده أنا بعدني ما مت سهيل: عمر طويل الغالية سوالف أنا والوالد أم سلطان: عاد يوم تتولفون منو يسكتم أحسنلي أسير من هني يضحكون كلهم وتم سهيل يشرح لأبوه سالفة زواجه والمشاكل اللي لازم تنحل مع أهل وخاصة وي عم الدكتورة والأشياء اللي يبون ينشدون عنها رغم أنه أبو سلطان كان متخوف من هالموضوع لأنه من اولها فيه مشاكل وشاف أنه عمها أولى فيها من الغريب وما ظنته بيوافق على زواجه من سهيل بس عفراء شرحتلهم ومن بينهم سهيل أنه خليفة يعرف قوم عمها ويعرف البنيه وهو بيتصرف بس لازم تحطه في الصورة... أتصلت عفراء بخليفة وخبرته بالموضوع وعن سهيل وموضوع وي ميرة وقصة أسرتها المتلعوزة وي عمها ... وقدر خليفة يحصل حل في سالفة حقهم ورثهم اللي ما خذه عم ميرة لكن أنه يدخل في سالفة الزواج هذه يبالها وقت شويه عشان يفكر فيها ويحاول يظهر البنت من الأزمه اللي عايشين فيها..... مرت الأيام وصل يوم عرس ميثا وسلطان اللي مسكين لعوزته العروس في آخر أسبوعين حتى مكالمات نادر ترد عليه بس هانت واليوم عرسهم والكل مرتبش البيت مرتب وكل شي جاهز البنات في الفندق من الظهر يتريون الكوافيرة وراعية المكياج توصل عشان تسويلهم التسريحة والمكياج على قولتهم مكياج سبيشل ومن ضمن الحضور طبعا الدكتورة ميرة حاضرة وأهلها الساعة 3.30 الظهر ميثا معصبه ومتوترة ( حال أي عروس طبعا) عفراء وهند يحاولون يهدونها ........ عفراء: ميثا شو فيج الحينه كل هذا عشان هذه بعده ما وصلت؟ ميثا: نحن حاجزين على أساس الساعة 3 بالضبط تكون موجودة شو تستهبل شوفي الساعة جم؟ هند: ما عليه ميثا الحين بدقلها بشوفها وين واصله يمكن مضيعة ميثا: ياسلام فندق شو كبره تضيعه ليش الكوافيرات أول مرة يسون تسريحات ومكياج فنادق؟ عفراء: ميثا بس خلاص لا تيلسين توترين عمرج على الفاضي شو ياج؟ ميثا الدموع في عيونها: أبا كل شي مرتب ومضبوط وأكره حد يتأخر على موعده وخاصة في سالفة عرس عفراء تلوي على ميثا: هههههههههه والله مشكله العرايس المزاج يخترب في العرس ومنو قالج انه فيه شي بيخترب إن شاء الله عرسج بيكون أحلى عرس هند: ميثا فديتج كل ها عشان راعية الصالون ما وصلت خلاص الحين من شوي دقيت وقالت انه عند الفندق عفراء: سيري غسلي ويهج بسرعة وحاولي تضبطين عمرج شوي ميثا: صح تعالوا المسكه ما وصلت للحين؟ عفراء: ياااااررررررربي يا ميثا خلاص متفقين وي الريال يعطيها سلطان وهو بيبها لين فوق الساعة 6 صح هند؟ ميثا معصبة: شو 6 إذا 6 وربع توصل المصورة شجايل أصور بلا مسكه؟ هند : الله يخليكم مبا أعرس إذا بتسوي جي معصبة وحالتي لله؟ عفراء تضحك: هههههههه أنا بعد أقول شي يابنت الحلال عيني من الله خير كل شي في أوانه بيصير لا تحشرين عمرج؟؟ ميثا: اوف متى بيخلص العرس والله كله خوف بخوف مايسوى علينا؟ عفراء وهند يضحكون وصلت الكوافيرة وراعية المكياج ويلسوا أول شي هند وعفراء وآخر شي على الساعة 6 بدت العروس وطلعت مثل القمر التسريحة والمكياج غيرررر وغريب بس بنفس الوقت وايد حلو وصلت المسكه على 6 وربع واللي يباها سلطان شخصياً ومن دون ميثا ما تدري حدر سلطان بمقلب من عفراء داخل الجناح بس يشوف ميثا من بعيد وشكل سلطان متلعوز بعده مب لابس ولا كاشخ ولا شي ......... بس كان خاطره يشوف ميثاني وهي مخلصه المكياج والتسريحة لأنه يتخبل عليها وهي كاشخه ..... بس بعده ما لبست فستانها بعدها بالبيجاما بس شكلها يضحك وهي بيجاما وحاطه الطرحه مع التسريحة شافها سلطان ونقع من الضحك ويلست ميثا تصارخ وتفر عليه المخاد يظهر برى هند وعفراء طايحين من الضحك ميثا عصبت بس بنفس الوقت شوفة سلطان ريحتها وايد ويلست تضحك وياهم.......... اتصلت عفراء بميرة وخلتها تطلع فوق عندهم ويلسوا رباعه ياخذون رايها مع أنه ميرة كانت بعد شوي وتصك على ميثا من الكشخه لبست ميثا فستانها اللي كان بمعنى الكلمة فخم وثقيل شوي وساعدوها عفراء وهند وحطت الذهب الأبيض الناعم واللي كان يجنن مع الفستان ..... يلست تتطالع نفسها على المنظرة الكبيرة وعفراء يطالعونها لأنها صراحة كأنها أميرة أو ملكة تلمع من فوق لين تحت وكانت المسكه نفس تشكيلة الفستان ...... طبعا البنات كلهم لبسوا ويالسين يصورون وقبل لا تنزل ميثا؟ ميثا: أقولج عفراء مب جنه الفستان شوي فتحت الظهر كبيرة لو شافه سلطان بيهزبني؟ عفراء: ليش هو قالج شي عن فستان العرس؟ ميثا: هيه قالي يا ويلج لو شفت الفستان عريان وايد؟ عفراء وهند نقعوا من الضحك .... ميثا تبتسم وطالعهم بنص عين: شو فيكم ؟ هند: ميثا فديتج صح أنتي اليوم عروس وماعليج كلام الله يهداج الحينه ترمسين؟ ليش ما قلتي من قبل ظنتي اليوم مابيهزبج بس بتنضربين لأنه الفستان كله عريان هههههههههههه ميثا: صدق هند اويه عفراء والله سلطان صدق يسويها؟ عفراء: ميثا شوفي فتحة الظهر بنقول بتسدها الطرحة الطويله رغم انها شفافه بس المشكلة أيدينج هو قايل مايبا ايدج وعليها حناء تظهر ؟ بس ماعليه وصدرج يا بوي شو بتغطين لا تغطين هههههههههههههههه ميرة: لا بس ماشاء الله عليج وايد حلوة وبعدين يوم إلا عرسج أنتي حرة وصدقيني ما بتهونين عليه يقولج شي في هاليوم ميثا: لا هو بس يشوفني ما بيروم يرمس هههههههههههه يلسوا يضحكون بس ميثا عارفه انها بنتهزب بس يوم انه يوم واحد وأهم ليلة خلها تستانس نزلت ميثا على الموسيقا الهاديه والتصوير والكل انبهر بجمال ميثا وأناقتها وكانت الساعة 10 يلسوا البنات يرقصون ومستانسين وعقب ساعة ونص حدر سلطان بعد التعديل ههههههههه وكان بو الشباب يا أرض أنهدي ما عليكي أدي طبعا كل الحريم تغشن ولبسوا عبايتهم وتغشوا لأنه اللي حدر أبو سلطان أبو ميثا وصل سلطان فوق الكوشه ورفع الطرحه وباس ميثا على راسها وهند وعفراء يتريون تعليق سلطان بس سلطان كان قافط من الحريم الشباب بشكل عام مايحبون سالفة انهم يحدرون بس عاد مساكين مستلزمين يبا عروسه خخخخخخخخخخخ سلطان يهمس في أذن ميثا: شو مسويه في عمرج أنا شو قايل كل شي ظاهر من جمسج وين تبين ؟ ميثا مستحية من رمسة سلطان: شو أسوي قلهم عايبنهم إلا أنت سلطان يمسك أيدها : بس أخاف عليج من عيون الحريم عفانا الله هههههه ميثا تضحك: لا عادي أصلا ما يهمني حد غيرك انته وهاكله مب عشان الناس عشان أنا اظهر في عيونك أحلى وحده بس ميثا ترمس بس عيونها مايات مول في عين سلطان يرمسون ويطالعون الحضور.... سلطان : عيل نفاذ يالله قومي نسير بسنا لاعة جبدي الحريم ينطون يسلمون ليش ما سلموا من قبل عليج شكلهم يبون يتأكدون ريلج حلو ولا لأ هههههههههههه ميثا: سلطان لا تستوي سخيف بعدنا لا شربنا العصير وماقصينا الكيك سلطان: ما احب هالسوالف استانسوا العرسان وخلص العرس الساعة 1 وظهروا فوق والتصوير سالفة وحركات ماتخلص وسلطان من النوع الجاد شوي ومب متعود وكان متوتر طبعا عفراء ما خلت ربيعتها ميثا دقيقة وحده وساعدتها وطردوا سلطان مرة ثانية برى عشان تبدل يوم خلصت نادوا سلطان وأم سلطان كله تحضن ميثا وسلطان وتدعيلهم بالتوفيج وطلعوا ... اليوم الثاني سافروا ميثا وسلطان برى البلاد أسبوعين خلال هالأسبوعين علاقة أهل أم سلطان وأهل ميرة صارت أقوى وكان اتصال دائم بين البنات والدكتورة ميرة في يوم اتصلوا أهل خليفة عسب يون يعطون عفراء بيزات الزهبه وفعلا وصلوا عفراء كانت مرتبكة وايد وهي تسلم على خليفة لأنها صار لها فترة ما شافته حتى بيوم عرس سلطان مالحقت تشوفه من كثر ما هي مشغوله..... خليفة: شحالج عفراء عفراء : بخير وسهالة ربي يسلمك أنت شحالك؟ خليفة: بخير يعلني أفداج عفراء تخزه عين لأنه هند وسهيل واقفين خليفة فهم : شو تتطالعين باقي شهرين عن العرس يعني ما أروم أقول شي جدام أخوانج عفراء: لا حشم على الأقل موجودين خليفة: سهيل أسمع أختك ياخي لسانها طويل من الحينه يعني مب من حقي أرمس الحينه؟ سهيل واقف وي عفراء يغلسون على خليفة: لا يالله بسك سلمت عليها جدامي على الميلس عمي راشد وأبوي يتريونا خليفة: صدق ماتستحي لا تخليني أترفس بطنك وأكسر راسك وأظهر الدم اللي عطيتك أياه يضحكون أم سلطان وعفراء وهند سهيل يضحك: عنبوووو من دم ذليتنا بتاخذ بداله أختي وي ويهك أمحق ولد عم معايير في كل شي مايسوى خليفة يضحك: أفا عليك يالغالي والله دمي كله فداك سهيل : فداني أنا ولا عفاري خليفة: والله اللي يخص عفراء حلال عليه كل شي مني عفراء نزلت راسها مستحية من خليفة عينه على عفراء ويضحك........... هند: يالله ربي يتمم بخير ويوفجكم سهيل: وأختي إن شاء الله تسعدك عفراء تراها غير والله دمك ولحمك خليفة يبا يغير الموضوع لأنه لاحظ عفراء صدق ارتبكت وايد وما طايعه ترمس وياهم خليفة: أقولك ترى وايد مغتر بأختك اللي يسمع ذبيحة الحينه؟ كلها عظمتين وكم شعرة نخوف فيهم الطيور في العزبه ههههههههههههههههههههههههه سهيل ما قدر يستحمل انطر من الضحك والكل يضحك وعفراء رافعه حاجبه عفراء: ما عليه خلوف خير داشه قصاب ذابيح مالت اسمحولي بسير أسلم على عمري ما سلمت سهيل : يالله خليفة خل الحريم يتقهون سارت عفراء وي خليفة وسهيل سلموا ورجعت عفراء عند الحريم وساروا أهل خليفة والمسجات شغاله ما بين عفراء وخليفة لين ما يوصل بوظبي وهو يتحرقص متى بيوصل عسب يدقلها .... طرشلها مسج.... ( أن عاش راسي وأسعدتني سنيني..لروي ظما قلبي بقربك وأهنيك،، ولو يزرعون ألغام بيني وبينك نذرً على لأمشي لك الدرب وأوطيه،، وأشيل روحي فوق راحة يميني وأبيع عمري لأجل شوفتك وأشريه) قرت عفراء المسج ويلست تضحك ..... هند: شو ياج تضحكين عفراء: صدق مشكلة تحبين واحد عسكري حتى المسجات تكون عنيفة وكلها عسكرية؟ هند: حرام عليج ليش انزين شو مطرش؟ عفراء قرت المسج ويلست هند تضحك عليه عقب طرشت... عفراء مسج لخليفة... ( عنبو ألغام وقنابل شو وين تبا ياررربي مشكلة العسكريين) خليفة قرى المسج ونقع من الضحك ونسى وجود أبوه في السيارة واستحى منه بس أبوه يلس يضحك عليه وفاهم شو اللي يدورما بين خليفة وعفراء من مسجات عقب الريال قال أحسن اجابل الطريق لين ما أوصل فضحت عمري جدام الوالد.... هند: حرام عفروه طرشيله مسج حلو جي قوووي خليه يحس انج أرق منه شوي ههههههه هذا راعي الألغام..... عفراء: اصبري بطرشله هالمسج ...... (صعب جداً تلاقيني أنا جوهر بحر مكنون...أنا لو تقلب الدنيا صعب جداً تلاقيني ... جمالي من حلا روحي وكل الزين من زيني تصدق عاد ياروحي أنا كلي بكل وصفي بكل زيني عجزت أوصل < ربع زينك > ) هند: اوووي عفراء بيمووووت بيرد الحينه العين ههههههههههههههههه عفراء: لا بس هو يحب مسجاتي ...... هند: الله ياعفراء لو تعرفين شكثر فرحانه عشانج وعشان خلوف يحليله اسميه عانا وصبر لين ما حنيتي ورضيتي فيه بس هو خطير عفكرة ياب راسج خخخخخخخخخخخ عفراء: لا تخليني اغير راي الحينه اسكتي وخليني راضيه عليكم هند: شو عقبه يوم عمي راشد ياب البيزات وخذيتيهم تعالي صح متى بتبدين الزهبه ماشي وقت؟ لا حووول ماشي راحه من عرس سلطان لعرسج أنتي؟ عفراء: شو اللي يسمعج الحين تراكضين كله أنا أشرف عليه حتى زهبة ميثا أغلب شي انا ساعدتها فيها... هند: اوووه صح قوم سلطان بيردون باجر ياسلام حلو تكون عندج حرمة أخو طيبه شرا ت ميثا بس إن شاء الله ما تتغير شرات بعض البنات قبل شو يذلون نفسهم لين ما ياخذون أخوج عقب ينكشف القناع هههههههههههههه عفراء: هند عيب هب ميثا بتشوفين شجايل بتتعلقين فيها وايد حبوبه بنت أصل ما تتغير **************************** مرت الأيام ورجع سلطان وميثا وبرجوعهم البيت صار له حس أكثر واللمة صارت أحلى مع ميثا اللي كانت تفرض حبها على الجميع بطيبتها وخاصة وي أم سلطان اللي تحب حرمة ولدها وايد وكانوا اللي في البيت يشوفون التقدير والأحترام والحب اللي مابين سلطان وميثا وكانت عفراء دوم وي سهيل واقفه وياه لين ما رجع دوامه عادي وساروا وخطبوا ميرة وافقوا طبعا بعد عرفوا انه ولد عمها جاسم تحت السن القانوني للزواج وارتاحت ميرة وانتهى كابوس عمها للأبد مع معرفتها وي سهيل .............. بعد شهر ونص خلصت عفراء زهبتها ويالسه هي وميثا يشوفون الملابس ويعدلونها في الشبط ويدخونها لأنه مابقة غير 15 يوم عن عرس ميثا اللي طايره من الفرحه بس مب كثر خليفة اللي صار مب قادر يصبر عنها لو يوم واحد وهند يالس تتطالع وياهم الدخون والعطور والأشياء الحلوة ... فجأة ميثا طاحت من طولها خافت عفراء وهند يلست تصارخ وركضت تنادي سلطان من الحجرة وأمها ... سلطان يركض كانه مينون سلطان: ميثا ... ميثا حبيبي شو فيج بس ميثا ما تحركت كأنها قتيله وعفراء ترش عليها ماي بارد وأم سلطان تصيح سلطان شلها الغرفة ويلس حذالها وهو يرش عليها ماي بارد فتحت ميثا عيونها حصلت نفسها في حضن سلطان الكل مستغرب من خوف سلطان على ميثا هالشكل ولوى عليها وعيونها كلها دموع حضنته ميثا .... عفراء: الله يغربل عدوج خوفتينا بغيت أموت مباج تين حجرتي طيحين هناك ريلج بيقول نحن مسوين فيج شي بعد.............. أم سلطان تمسح على شعر ميثا وتبوسها على راسها: بسم الله عليج يعلني أفداج ماتاكلين عدل هند تصيح: ميثا شو فيج كنتي بخير مافيج شي؟ سلطان حاضن ميثا: شو حاسه؟ ميثاحاطه راسه على كتف سلطان ولا قادرة ترفع راسها .... ميثا تهمس في أذن سلطان: مدري من يومين وأنا كله أحس دوخه كل ما أنش سلطان يبتسم ويهمس في أذنها : يمكن حامل بس ماتعرفين؟ أم سلطان: الله يسمع منك ياااااااااارب عفراء: شو هالياهل يروع هذا وما يا يسويلنا حركات ميثا استحت منهم ودست راسه في صدر سلطان : مدري يمكن يلسوا كلهم في حجرة سلطان وسوالف وضحك فرحانين رغم انهم مب متأكدين تعشت ميثا بس التعب واضح عليها وسلطان بنفسه أشرف على عشاها .... في اليوم الثاني أم سلطان خذت ميثا وشلهم سلطان وساروا المستشفى وسوت فحوصات وطلعت حامل شهر ونص ردوا البيت وخبروا أبو سلطان واستانس الشيبه.... وعفراء طاحت في ميثا تعليقات ....... عفراء: ميثا أنتي حامل أنتي صراحة دلوعة وايد ما تتحملين سوالف حمل؟ سلطان: لا تتحمل دامه ولد سلطان هند: شعليك ههههههههههههه ميثا: يالله ربي يعدي هالأشهر على خير انا بطلع فوق بسير أرتاح ظهر سلطان وي حرمته والكل متجمعين يبون يتغدون بس يتريون سهيل ********************************** رجع سهيل من الدوام وشاف الكل متجمع ضحك وسوالف..... سهيل: خير أشوف الضحك زايد اليوم كل هذا عشان انا محد؟ هند تركض تصرصر سهيل في أذنه: ميثا حامل سهيل فرحان: في ذمتج ... الله كشخه بستوي عم أخيراً بيكون عندنا سنافر في البيت بو سلطان يضحك : عقبال ما أشوف سنافرك ههههههههههههه سهيل: بتشوفهم إن شاء الله ههههههههه بس قبل نتري عروسنا الحلوة عفروه تخلص وتفكنا عفراء: افكم؟ شو قصدك ولا ناسي انه موضوع ميرة عندي؟ سهيل: حشا تمسكني من أيدي اللي تعورني خلاص نموت فيج بس خليفة يموت فيج أكثر ههههههههه عفراء: هههههههههه ما يخصك هند: خلاص خلصنا ماباقي غير أسبوع واحد كشخه...بس عطونا بريك شوي من عرس لعرس شو ها..؟ سهيل يضحك: لا طمني أنا وميرة بعدنا لأنه عندها دورة ست شهور ولازم تاخذها... هند: الحمد الله ذبحوتنا أم سلطان: يعله هالبيت دوم فرح وسرور الجميع: آمين ********************************* اليوم الموعود لعرس عفراء ...... الكل محتشر وربشه من الصبح إلا عفراء.... مندسه في فراشها وفرحانه.... ويالسه ترمس خليفة..... عفراء: خليفة قلبي مقبوض أنا خايفة......... خليفة: ليش حياتي المفروض اتكونين فرحانه هذا عرسج وأنتي بتكونين نجمة السهره اليوم عفراء: مدري أحس قلبي ناغزني خليفة: دلوع قلبج عفراء: حرام عليك خليفة خليفة: قلب وحياة وعمر خليفة عفراء: أحلف أنك تحبني... وبتم تحبني لآخر العمر؟ خليفة: آآآآه يا عفراء بعدج تسألين عقب هالحب كله والتقدير شو تبين أحلف؟ العمر اللي يبدأ معاج اليوم بتعرفين شكثر أحبج وبقولج اياها يوم نكون روحنا وعيني في عينج عفراء: الله يقدرني وأسعدك ... بس أباك تسامحني خليفة: شو عنه فديتج أسامحج؟ عفراء: لأني كنت قاسية وياك وايد ويما جرحتك خليفة: لا غناتي لا تقولين جي أنا بعد قسيت عليج بس من ورى قلبي وصدقيني عمري ما شليت في قلبي عليج لو تقسين عليه عفراء: فديت روحك والله خليفة: يالله عن الدلع نشي وسيري خذيلج حمام عرايس وعطول خلي سهيل يوصلكم الفندق عشان تلحقون عاد أنت البنات 160 شغله عفراء : هههههههههه إن شاء الله بابا خليفة خليفة: يعلها دوم هالضحكة عفراء: وياك حبيبي ********************************** طلعوا الكل وأم سلطان أول وحده تودع الغالية اللي كانت العاقل في البيت ودموعها مافارقت عينها الكل على كثر ما كانوا فرحانين على كثر ما قلوبهم تتقطع لأنه عفراء تركت بصمة كبيرة في حياة الكل وما توانت ساعة وحده في توفير السعادة لأخوانها وأهلها عرست عفراء واللي خطفت كل الأنظار بعيون الحضور نعومتها رقتها وجمالها وهي تبهر الكل بأبتسامتها الصافية واللي تملها سعادة وفرح باليوم اللي أخيراً راج يجعها بحب قلبها وبدت مشوارها مع خليفة في حلم وردي ما ينتهي تأثرت عائلة بو سلطان بسبب رحيل عفراء بس عمرهم ما نسوها خاصة بعد ما ربت ميثا ويابت بنت قمر سمتها عفراء الصغيرة اللي ملت جو البيت فرح وسرور وعفراء عمرها ما نست أهلها ..... كانت تزورهم وهي حامل وخليفة شايلها على كفوف الراحة هند .... أنخطبت للريال اللي صوبهم أهل ميثا..... سهيل ... ملج على ميرة وعرسهم قريب..... فهد.... عرس قبل سهيل وأخذ بنت عم ميرة .......... عفراء وخليفة.... عايشين بحب وأحترام وعندهم ولد............... أنتهت قصتي لــــــي حبيب حيل حبيتهوصار عمري وسيد خلانـــــي أنســـــى همي لو انا يتهوفــــــــــز قلبي لو تلاقانــي كــــم أنا من الحب عطيتهوكـــــــم ياهو كم تفدانــــي وكــــــم أنا بالشوق خصيتهذابحني بسود العــــــياني حـــــــــــب غيره ما تمنيته * والله أني فيه هيمانــــي ويــــــــل حالي يوم لاقيته*خزني بالعين وأرمانـــــــي القلب والروح أهديتــــــــه*مثل ما هو حبه أهدانــــــي اللي أتمنى نالت على إعجاب الجميع و اشوف التفاعل معها .. جولييت 28-04-2005, 08:29 مشكوره عاشقه نهايتها رائعه الله يسعد كل حبيب مع حبيبته ونبي نشوف القصص الجديده اللى مثل ايديك الحلوة nuor 28-04-2005, 10:05 يسلمووووووووو عاشقة القصة جنااااااااااااااااااااااااااااااااان تحياتي عاشقة الاحزان 04-05-2005, 01:26 يسلموا جولييت على المرور واشراقت الانوار بوجودك.. عاشقة الاحزان 04-05-2005, 01:26 مشكور نور لوجودك بقصتي منور وتسلم ويعطيك العافية .. دلع البنات 06-08-2005, 18:47 يعطيك العافيه القصة مررررره حلوه