الســلام عليــكم...
هـــاي القصه منقووله وحبيــت اني انقلهااا لكم..

( الفصـــــــل الاول )




الساعة السادسة والنصف صباحا يرن المنبه بقوة ليوقظ النائمين ويعلن ظهور يوم جديد على الدنيا .. ومستقبل جديد .......... تقعد مهـــا من نومها وهي مزعوجه من الخاطر وتكره نفسها كل يوم .. وتكره كل لحظة عايشتها .. قعدت تجوف غرفتها من خلال عيونها العسلية المكحلة باهدابها الطويله والكثيفه واللي يغطيهم ويحميهم حاجبان مقوسان مرتبان بعنايه .. تجوف حجرتها الليمونيه .. المخططة بخطوط خضراء وصفراء وعليها الستائر الصفر المخمليه .. وهيه تشم .. لين الحين ريحه الطلاء التي لم تجف بعد .. قامت وهي تجوف الساعه وشغلت اغنيه كلاسيكيه لموزارت وقعدت تسوي تمارين الاستراخاء
.. واللي هيه انها تحط راسها على حظنها وتخلي شعرها ينزل على ويهها وتقعد تدلك راسها .. يخليها هالتمرين تسترخي تماما وتحس بالراحه والهدوء .. تنهدت وقامت تجوف عمرها بالمنظرة .. وتحط ايدها على عيونها اللي التجاعيد بدت تطلع فيها وتشدهم وهي تتحسر على جمالها ...وشوي وتطلع لها من الباب عذابه وتجوف مها بنظرات حادة وتقول

عذابه : امايا ... اليوم مب سايرة المدرسه

مها وتجوف بنتها باستغراب وهي رافعة حياتها وتقترب منها وتقول: ليش ان شالله ؟؟!!!

عذابه وهي تروح وتقعد على فراش امها : امايا المدرسه يديدة .. مب متعودة عليها .. احس عمري غريبه فيها ...

مها وهيه تتأفف : وبعدين وياج عذابه ..وديتج مدرسه حكوميه قلتي البنات شايفات عمارهن وايد .. والحين يوم نقلت اوراقج لمدرسه خاصه تقولين بعد مالج نفس .. صدق اني عطيتج ويه وايد

عذابه وهي مغيضه على امها وتصارخ : هيه مب انتي اللي بتغيرين ربعج .. انا .. يعني طلعتينا من جميرا .. من بيتنا .. ويبتينا هالمنطقه المسكونه .. ( وهي اطالع البيت باحتقار ) ويبتيني هنيه .. تقولين بيت اشباح ..... ولله لو سمعت اصوات في الليل ... ما بقول اني اتخيل ... واع

مها : اف .. بلا دلع زايد امايا وايد دلعتج ... يلا جدامي.. بسرعه تلبسي يالله ... 7 ونص بطلع .. وراي عمليه الساعه 9 ونص .. بسرعه تحركي

عذابه وهي تير عمرها : زين زين

وتروح عذابه غرفتها عشان تبدل ... ومها سارت الحمام عشان تتسبح وتلبس ثيابها ...

مها عمرها 31سنه مطلقه .. تزوجت وهي عمرها 15 سنه من واحد يكبرها ب10 سنوات واطلقت منه بعد ما يابت عذابه يعني بعد سنه من زواجها ..... وكملت دراستها في الطب وعذابه ياهل وكانت تحطها عند امها ... واخيرا ستوت دكتورة في مجال التخدير ولها مكانها والكل يعرفها ... جميله لدرجه مذهله انخطبت من كثيرين لكن ما بغت ولا واحد منهم لانها بغت تربي عذابه وما بغت ريال يتحكم فيها او في حريتها اللي كانت فوق ما تتصورون تقدسها.. عيونها عسليه كبار ... خشمها طويل .. شفايفها مليانه وورديات . شعرها كان مدرج لين كتفها ومموج صابغته اشقر على كستنائي .. ومحد يتوقع انها ام ابدا ...

عذابه بنت مها .. عمرها 15 سنه .. بنت فري وايد على امها في اول ثانوي ما تلبس لا شيله ولا عبايه .. شعرها قاصته نفس قصه امها ولونه بني غامح مموج .. عيونها سود ونعاس خشمها طويل .. وشفايفها صغيرة تدل على البراءة ... جمالها رباني ويدل على النضوج ومدى شفافيتها .. كانت منطويه نوعا ما شاطرة تطلع الاولى دوم ... وتروح كل ويك انك عند بيت مرت ابوها الاولى تقعد عندهم .. ومرت ابوها كانت تحبها وايد وعذابه تحبها بعد ....

عذابه وهي لابسه مريولها ومسحيه شعرها وحاطه جحال وجلوس : انا جاهزة ..

وتنزل من فوق مها وكالعادة ريحه العطر تنشم من بعد ميل .. الشيله ما منها فايدة لانه الشعر كله برع .. المكياج يقول انا .. والعباه مفتوحه ... وتقول : زين .. الحين باخذ النسكافيه مالي .. ( تفر عليها سويج السيارة ) فجي السيارة وطلعيها من الكراج لين ما اشرب الكوفي

عذابه : افففففف زين

عذابه تعرف تسوق سيارة من يوم عمرها 13 سنه امها علمتها وتسوق جير عادي واوتوماتيك ... وتدخل سيارة امها الرنج واطلعها من الكراج واتم تجوف هالفريج اللي تقشعر له الابدان ... كانو توهم منتقلين من شهر لهالبيت اللي كان في منطقه المزهر .. البيوت اللي حواليه كانت قليله ... وبعيد عن الشارع العام وايد ... البيت ضخم وكبير لونه احمر صخري .. حديقته فيها حمام سباحه كبير .. الغرف في البيت اكثر عن 5 غرف .. كل غرفه غير عن الثانيه .. الصاله كبيرة ... غرفه الطعام تقولون مال رقص الصالونات .. البوابة كانت حديديه كل ما ينفتح الباب اطلع صرير حاد ... بس يسدل الليل ابوابه المنطقه كلها تغطى بالسواد ..
ويكون البيت الوحيد المنير فيها .. امها اشترت البيت بسعر زهيد بالنسبه لكبره .. وانتقلت بس عشان امها اللي كانت تزن على راسها عشان تعرس ... اخر شي ما استحملت وطلعت من البيت بعد ما حصلت ورقه بيع على مكتبها في المستشفى وما تعرف منو حطها بس شكرت ربها وعلى طول شرته ...



في السيارة عذابه قاعدة تسمع اغاني عالاف ام وامها في دربها توصلها المدرسه عقب هي بتروح الشغل .. جافت وين الدوار اللي عند السيتي حادث كبير مستوي .. وطالعت واصطنت مكانها .. كأنها جافت حد عرفته مرمي تحت .. بس ما اهتمت وكملت دربها .. عقت بنتها وسارت المستشفى وهي تقول في خاطرها : توني مخلصه علاج نفسي ... بعد ارد له .. اااااااااه .. ان شالله لاء ....


---- في المدرسه -----



دشت عذابه المدرسه وهي لايعه جبدها .. كل بنت مع ربيعتها واللي عنده شله بروحه عصوب .. حست عمرها غريبه .. اخر شي وصلت صفها واخيرا تخلصت من هالعذاب وبدت الحصه وحصلت عمرها مشدوده ويا المس وايد .. ووراها بنتين كل وحدة توشوش للثانيه ويرمسون عنها ...

امل : اقول .. الصراحة باين عليها امورة

سمر : ويييع ..جوفي كيف نظراتها خايسه باين عليها جايفه عمرها وايد ..

امل : الا شو اسمها ..

وتلتف عذابه وتجاوب بكل اشمئزاز : عذابه .. عذابه محمد طال عمرج

امل وسمر استحن وايد من هالحركه بس سمر ابتسمت لأمل يعني .. ظنونها كانت صحيحه وانه هالبنت شايفه نفسها وايد ...



بعد ما خلصت الحصه طلعت عذابه عشان تلحق الحصه الثانيه ووراها كانت سمر اللي وقفت تقول : هي هي .. انتي

وتلف عذابه بكل نفس خايسه وترد : انا قلت لج اسمي واعتقد انج تسمعين عدل .. فماله داعي اسلوب الهي هذا

سمر وهي تضحك: هههههه شكلج مشكلجيه .. وانا احب هالنوع .. تبين تنضمين للشله؟

وهني حست عذابه بالانتصار لكنها ردت : لاء ..

وتروح عنها واتم سمر مقهورة منها لانه شلتهم كانت معروفه في المدرسه وايد ونهن 9 بنات ويبون العاشرة عشان تكتمل وهالتسع بنات كانن من كل المدرسه يعني في كل وحدة صف وعمر وكل وحدة COOL اكثر من الثانيه .. ويوم حصلو العاشرة اللي هيه كانت عذابه ما وافقت .. فتموا محرجين من الخاطر ......



------ المسشتفى ---------



بعد ما ركنت مها سيارتها نزلت وسارت صوب المستشفى عشان تجوف متى موعد التخدير , وكانت في نفس الوقت طبيبه نسائيه ... فراحت عشان تجوف منو مرضاها لليوم ... والساعه 9 كانت عمليه حق شخص وبتروح تخدره ....

ماجدة : دكتورة مها.. الدكتور ماهر هلق اتصل وقال بدو يشوفك الساعه 12 في الكافتيريا

مها : شو يبى هالشيبه بعد ....انزين ...... ماجدة اتصلي في هيفا خلها تييني

ماجدة : اوكي ..

وتريح مها راسها عالكرسي وهيه تستعيد ماضي سئ وحوادث تتمنى لو تقدر تنساهم .. لو تمحيهم من التاريخ والوقت وكل شي .. ااااااه لو اقدر .. لو بس اقدر ...

بعد شوي دخلت عليها ربيعتها هيفا اللي كانت المقربه منها وربيعتها من ايام الدراسه الثانوية والجامعيه ...حتى انها شهدت زواجها وطلاقها وتربيه بنتها .. وبناتهن تربن مع بعض واستون شرات الخوات .. بس عذابه ما كانت تحب بنت هيفا ذاك الزود

هيفا : هاااي

مها وهي تسحب الخصله الي نزلت على جبينها : هلا هيفا ..

هيفا : شو بكي .. شو صاير لك هيك .. عام بقولك وقفي هالرجيم الي عام تعمليه مانك سامعه كلامي

مها وهي تضحك: يا بنت الحلال مب مسوية رجيم ولا شي .. بس تعبانه شوي .. وبعد ساعه شي عمليه ...

هيفا : بموت وبعرف ليش ما بتحبي هالشغله.. ليش ما بتحبي تخدري المرضى ...

مها وكانه حيه لسعتها وردت عليها : بس ما احب ... اقول هيفا ... اليوم تعال تعشي في بيتنا وهاتي رانيا وياج ...

هيفا : مشاكل مع عزابه ..

مها وهي تاشر براسها : اكيد .. فيه غيرها مطلعه قروني

هيفا : طيب ليش ما تخلي ابوها بيهتم فيها .. بتعرفي انه مرت ابوها بتحبها كتير متل بنتها ..

مها وكانه ما عيبها الكلام : So

هيفا : So so

مها : لاااااااااااااااااااء والف لاء .. ماراح اخلي بنت العيمي تربي بنتي انا

هيفا : لك بموت واعرف .. شو الفرق بينك وبينها .. وشو يعني عيميه .. يعني هي مانها انسانه .. وبعدين شغله التفرقه هاي ما بتعجبني بالمرة

مها : اف .. سكتي سكتي .. انتي ماتعرفين شي ..

هيفا في خاطرها : بنت العيمي .. بس مربيه ولادها احسن تربيه ..

هيفا : خلاص حبيبتي راح اجيب رانيا اليوم ولا يهمك .. يالله اورفوار

مها : باي ...

وتروح هيفا لشغلها وتدخل علي مها مريضه وتقعد تعاينها ....

----- في مكان ثاني من دبي -------



عذيجه : يا جابر يا حبيبي ... متى بتخوز عنك هالحاله هاي متى

جابر وهو يطالع اخته بنظرة حادة : انتي شو بلاج .. انتي شو من البشر شو ....

عذيجه : يا جابر بس .. مثل ما هي امك هي امي بعد ... بس خلاص هالسالفه انتهت من زمان .. ارجوك ......... بسك عاد.. لا تعذبني وتعذب عمرك .. وتعذب ...( سكتت بعد ما طالعها جابر بنظرة حادة وكملت ( .. الحين بييني مطر .. ماباه يجوفك مضايج دخيلك ..

جابر : اف .. زين زين ..

ويدخل مطر ريل عذجه البيت ويسلم على جابر ويقعد معاه شويه ..

جابر : هاه بو سالم .. مب ناوي تسافر هالسنه؟

مطر : لا ولله .. ما قدرت اخذ اجازة هالسنه مووول .. عشان جذه بني عندك العزبة .. لو ما عندك مانع طبعا ..

جابر وهو يضحك : اكيد ولو .. ماعندي مانع بالمرة ...

مطر وهو يقوم: خلاص عيل .. انا اترخص .. يالله عذيجه شلي سلوم وخته وبنرد البيت ..

عذيجه : اوكي جابر حبيبي بسويلك يوم برد البيت اوكيه

جابر : مب لازم قابلي ريلج احسن

عذبجه وهي اطالعه بحزن : اااااا ان شالله يا جابر .. ان شالله ..

وتطلع عذيحه من البيت وتم اطالعه بكل حزن وخاطرها تصيح بس مسكت دموعها وما ذرفتهم بس عشان خاطر عيالها وريلها .. وتحس كل ما شافت البيت مليون الف ذكرى تي في بالها وكانه شريط سينمائي يدور في راسها ويحكي عن قصه هالبيت وعن اللي عايش فيه ...

مطر : عذوج ... انتي بخير؟

عذيحه وهي تضبط الغشوة : هيه بخير .. مشكور

مطر وهو يطالع مرته وحاس بالعذاب النفسي الي تعيشه كل ما جافت بيتهم .. بس ما عطا الموضوع اي اهتمام لانه تعود عليه ...



اما جابر فطلع برع وين البلكونه الي اطل على الحديقه الخلفيه .. وقعد يجوف كل شي حواليه .. ويجوف البيت الزجاجي الي كانت امه تحب تقعد فيه وتكتب اشعارها ... كان سقفه مكسور ومحطم شوي .. ولا تعب عمره وراح يصلحه ... وسمع صوت رجاوي ينبعث من بعيد .. وتيله وهي جاثيه على ركبتها بعد ما طاحت من الدري

جابر : حبيبي شو بلاج

رجا : انا تعولت هني ..

جابر ويحب ركبتها : الحين زين

وتي رجا وتحبه على خشمه وتقول : هيه .. بابا .. عادي نروح اليوم ماجيك بلانيت

جابر: اكيد ولا يهمج وبعدين نروح ناكل في برغر كينج شو رايج؟

رجا وهي تناقز : لله .. لله .. لله روعه .. اوكيه يالله بلوح اتلبس وبخبر ايملي اطلع لي فستاني الولدي ..

جابر وهي يشوفها وهو مستانس : اوكيك حبيبي

ويسرح بأفكاره لبعيد وهو يشوف رجا .. او رجاوي .. وهي تبتعد .. ويتذكرها وهيه طفله ما كملت الاسبوعين في حظن امها الي كانت تصيح جدام بااب بيتهم في ليله ما فيها قمر والمطر ينزل وهي تصيح وتقول حق جابر : الله يخليك يا ولدي .. لله يخليك .. بنتي هاي .. ما عندي اكل ما عندي حليب عشان ارضعها .. عشان اخليها تعيش .. ارجوك تاخذها ..

جابر : يا حرمه انتي تخبلتي .. روحي الحين ..

الحرمه : الله يخلي لك اهلك يا ولدي .. الله يخلي لك امك

جابر وحس بطعنه وقال: امي ميته

الحرمه : عيل لله يحسن لها ويدخلها الجنه .. يا ولدي الله يخليك .. هاي بنتي .. وعندي غيرها 8 .. الله يخليك .. ربي ما راح ينسى اللي سويته ابد .. ... الله يخليك .. ( وتركع الحرمه وتحب ريول جابر ) ارجوك يا ولدي .. ابوس ريولك




جابر وهو يقوم الحرمه : يا خاله لله يخيلج قومي عن الفضايح ... شو من بنته .. شو اسويبها .. انا مب معرس .. انا يا دوب 20 سنه .. شو تبيني اسوي في هالبنت .. انا ريال عايش روحي ..

الحرمه وهي تبوس ريله وايده وتتذلل والدموع اختلطت من ماي المطر والبنت تصيح من البرد والبلل والجوع : لله يخليك .. لله يخليك .. شو تباني اعقها .. اعرف انك ريال والنعم فيك .. الله يخليك ربي بنتي .. اهتم فيها .. لو تبا راح اشتغل شغاله عندك .. بس تاخذها ..

جابر ما رد عليها وبند الباب في ويهه وهو يسمع البيبي تصيح .. ويحس قلبه يتقطع .. ويسمع الام تصيح .. حس انه قلبه قاسي .. بس شسوي .. منو بيربيها انا عزابي .. توني 20 سنه .. كيف اربي ياهل .. ليش ما توديها ملجا للايتام .. وتذكر النظرة البريئة والحزينه من عيون الطفله اللي خدودها وشفايفها استون حمر من البرد .. والي دموعها نشفن من كثر ما ذرفتهن .. وعقب 10 دقايق من الوقوف عند الباب سمع هدوء .. وقال اكيد الحرمه راحت . واخيرا خلصت عذابي .. لكن فتح الباب عشان يتأكد .. شاف البنت عند عتبه الباب ملفوفه عدل ونامت من التعب والجوع وهي تحت المطر ومبلله .. يوم جافها حس بعجز كيف امها خلتها .. كيف .. حس بعاطفه غريبه اتجاهها .. وشلها ودخلها البيت وقال باجر راح اخذها مستشفى الوصل عشان يهتمون فيها ... لكن هاليوم ما يا .. لانه تعلق بالطفله وايد .. وسماها رجــاء .. لانه امها ترجته وايد عشان ياخذها .. والحين رجا كملت عامها الرابع .. بس اسم العايله كان غير طبعا .. وكان جابر يحبها حب كبير .. عمره ما حبه لأي طفل .. حتى ولو لعيال اخته .. حس انه هالطفله صدق محتاجه له .. مثله وحيدة .. الكل تخلى عنها .. استوت رجا محبوبة جابر الاولى والاخيرة ..

جابر شاب عمره 24 سنه .. من عائله مرموقه جدا وصاحبه نفوذ .. وسيم لدرجه الكمال .. طويل .. عريض اسمر اللون .. شعره اسود ناعم طويل لين جتفه لكن يرفعه لحيته خفيفه جدا .. عيونه حادة تمتاز بالذكاء .. لونهم بني غامج رايح لسواد .. توفت امه وهو عمره 18سنه وكان مالج على بنت خالته " ميسون "ولين الحين حزنه على امه واللي راح ما انتهى .. وقلبه الجرح اللي فيه ما برى , بالعكس.. قلبه انملى بالحقد والكراهيه والانتقام ...



رجا وهي تركض من فوق الدري ووراها ايميلي : بابا .. باباتي .. انا ready

جابر: اوكيك عمري .. يالله انا بشغل السيارة تعالي ...

ويشغل جابر سيارته الجاكوار ويركب رجا في السيت الجدامي ويحط لها حزام الامان ويحط لها شريط راشد الماجد مشكلني اللي كانت تحبه وايد ... وسارو الستي ... وجابر افكاره رايحه لبعيد



--- المدرســــه الحصه الخامسه ---



امل : اقول شمول .. لازم نقنع هالبنت تكون ويانا وتنظم للشله .. صدق انها فنانة ..

شمايل : بس ماتبي .. شو تبيني اترجاها ..

ويجوفون عذابه يايه من اللاب وهي سرحانه وتجوف امل وشمايل وتبتسم لهم وتوقف وتقول في خاطرها : لازم اغير حياة الانطواء الي عايشتها

عذابه : هلا بنات

امل + شمايل يجوفون بعض بكل استغراب ويقول : هلا ولله

عذابه : انا فكرت في رمسه سمر .. وقررت اكون في شلتكم .. شكلها حلوة .. وبهالمناسبه انا عازمتكم بعد المدرسة نروح السينما .. شو رايكم

امل وشمايل مستانسات : صدقج .. وااااااااااو cool .. go girl

عذابه : خلاص عيل .. بنروح العرض الي الساعه 5 اوكيك .. اجوفكم في الستي ...

شمايل وهي تركض وتقول: اقول عذابه .. ماعرفت كم رقمج ..

عذابه وهي تبتسم وتقول لها الرقم وتروح ..

امل : وااااااااااااااو هذا رقمها .. صدق انه روعه ..

شمايل : Tell me about it يمي في شي غريب في هالبنت .. ماعرف شو هو ..

امل : شعلينا .. اقول .. يالله نخبر الشله ...

شمايل يالله بنحصلهم في كلاس مس ماريا ...

ويروحون شمايل وامل ويحصلون البنات الي هن .. سمر , نورة , ظبيه , هديل , اشواق , مريم , ريما

شمايل وهي تصفر : شييييييييييييييييت , شو هاه .. كلكن متيمعات جذا .. اذا مستر مفيد يا راح يطرش اتنشن وانتو تدرون ..

اشواق : اف .. so اقول .. وين كنتن ..

شمايل : بنات ... عندي لكم عزومة اليوم عالسينما الساعه 5 شو رايكم ..

وتضرب مريم ايد نورة كفج وتقول : وااااو .. منو الي عازم هههه خلنا نحسب .. 30 ضرب 9 = 270 .. + الناتج = باااااااااااال منو هاي الغنيه ..

امل وهي تضحك : ههههههههههه هاي عذابه .. العضوة اليديدة

سمر : حلفي.. كوول .. اقول .. بندخل فلم حق الثمنعتش وفوق .. لوول شو رايكم ..

الكل : هيييييه هيييه ..

ظبيه : انزين بنات .. عادي لو خبرت .. حسون .. اييي .. من زمان حاشرني يبى يشوفني

البنات : تخسين ..

ظبيه : ليش عاد !!

شمايل : تحيدين سالفه وافي .. يوم رقمونا عيال بوظبي .. وبعدين سوا مشكله واطرو السكيورتي يدخلون

ظبيه وهي لاويه بوزها : اذكر .. ما في داعي تذكريني ..

وبسرعه تيهم بنت من الصف ال8 وتقول : بسرعه بسرعه .. مس خوله .. مس خوله .. وبسرعه يتفرقن البنات وكل وحدة فيهم تروح كلاسها او الملعب .............................




واتم عذابه مع تفكيرها في حياتها اليديدة وتتمنى تكون احسن وافضل من حياتها في المدرسه الحكوميه .. ولان امها انجليزيتها بيرفكت واسسها انبنت على الانجليزي .. فما حصلت اي صعوبه في تواجدها في مدرسه خاصه مناهجها امريكيه ....




الظهر



في السيارة ..



مها : اقولج عذابه .. اليوم هيفا ورانيا بيون عندنا

عذابه: اف .. شو اييبهم هذيل

مها وتجوف بنتها بغضب : شو بيبهم بعد .. انا قلت لهم ايون .. وبعدين هاي طريقه اتعاملين فيها الضيوف وناس بيزورونا

عذابه : امي .. ربيعتج على عيني وراسي .. بس هاي رانيا ما احبها وايد .. يعني ما احب اختلط فيها

مها : ليش ان شالله

عذابه : بس جذا ..

مها :..............

عذابه : وعفكرة .. اليوم بروح ويا بنات السينما

مها وهي مستغربه اول مرة تبى تطلع ويا ربيعاتها وقالت : من بناته

عذابه: ربعي في المدرسه بعد منو ..

مها : المواكب !!!

عذابه : هيه .. هيه .

مها : ماشالله عليج .. مسرع ما تعرفتي على بنات .. لا وسنما مرة وحدة .. يعني اهليهم عادي

عذابه : شدراني ... بس اكيد عادي .. شكلهم متعودين .. يعني الساعه 5 بروح السينما

مها : يعني اقول حق هيفا ما تي ..

عذابه : لا ليش خلها تي .. بس روحها ..

مها وهي تنافخ : ان شالله ..

-------------------------



اليوم التالي بعد ما عذابه راحت السينما مع ربيعاتها اليدد حست انها تأقلمت وياهم وايد .. وانها هب غريبه عنهم .. وانهم يمتلكون شي اهي مفتدقته .. والي هو " الاهتمام الاسري " حست انه نص البنات يا عندهم تفكك اسري .. او اللامبالاه .. واهي عايشه الحالتين سوا ..

مها وهي توها راده من الجيم : هلا عذوبتي .. شحالج

عذابه وهي ترفع راسها من الغنفه واطالع امها : حمدلله .. انتي

مها : اذا نقصت 3 كيلو جرامات هالاسبوع .. بكون في احسن حال ... واطالع عذابه امها بنظرة حادة وتقول : امي .. جسمج حلو ورشيق .. شو تبين اكثر عن جيه بعد ...

مها وما عيبها الكلام : اقول .. شو سويتي البارحه ويا ربعج ..

عذابه : ماشي ... خسرت بيزاتي وييت

مها وهي تشرب الصودا وتقول : البيزات ماهي مشكله .. المهم انج تحصلين ربع .. والحمدلله حصلتي .. ومن شكلهن باين عليهن بنات ناس وكووول وايد .. بس غريبه .. كلهن يلبسن شيله وعباه .. الا انتي .. ليش مستعيلات جذه ؟

عذابه : حال الدنيا ... انا بعد ابا افصل شيله وعباه ممكن

مها وهي لاويه بوزها : كيفج .. ابا اعرف ليش تبين تكبرين عمرج

عذابه وهي تصارخ : انتي شو .. الحين عشاني ابا استر عمري تقولين اكبر عمري .. عادي عندج هندي يجوفني جذا .. واحد خايس ما يسوى بيزة

مها وهي فاجه عيونها : خيبه ... زين .. زين .. باخذج تفصلين لج عباه .. حشى ..



وتروح عنها عذابه وتلبس جوتي الرياضه مالها ووتييب موبايلها وتحط السماعات في اذنها وتشغل الاف ام واتم تتسمع وهي تركض حول الفريج .... تحب تمشي في فريجهم لانه وايد هادي ومخيف .. وتحس بشعر جسمها ينقز يوم تمشي وبطنها تطرب وكانت رافعه شعرها ومسويتنه جنه نافورة وهي تركض ....... في الاثناء ايميلي ورجاء كانو يتمشون برع عشان رجا تحب هالمكان وتحب تجوف الهنود الي يبنون البيوت فجافت عذابه وهي تركض ... وحست بطمأنينه ...

عذابه انتبهت للطفله وشدتها وايد حست انها تشبهه وايد .. واقتربت منها

عذابه : هاااي

رجا : هاااي

عذابه : Do u speak arabic

رجا وهي تضحك: يا غبيه هيه

عذابه وهي تضحك على عمرها : ههه السموحه الشيخه ...

رجا : هههه عادي

عذابه : انا عذابه .. وانتي

رجا: لله .. اثمج وايد حلو .. انا اثمي رجاوي

عذابه وهي تحب رجا: وااااو حلو .. كم عمرج

رجا وهي تسوي بصبوعها رقم 4 وتقول : جذيه

عذابه : هييه انتي كبيرة وايد

ايميلي تسأل عذابه : You are new here .,, right

عذابه: yeah right ...

ايميلي: which house!!

عذابه : the red 1

ايميلي : ah.. ic

عذابه : U

ايميلي وهي تأشر على الفيلا الي على ركن بعيد وتقول : That 1

عذابه وحست بقشعريرة تسري فيها وقالت : Ok gtg يالله حبيبي رجا .. اجوفج على خير

رجا: اوكي .. باااااااااااااي

عذابه وهي تلوح بأيدها : باي حبي ..

وتروح عذابه صوب بيتهم .. بس صورة البيت الاسود .. ماغاب عن بالها ... رغم جماله .. بس فيه شي .. شي غريب .. شي يسيطر عليه .. شي .. لازم تعرف شو هوه ..

وكملت عذابه دربها .. وما كانت تدري .. انه فيه عيون كانت اطالعها من بعيد .. وفيها كل انواع الكره والحقد بمجرد انها كلمت رجاء .. لكن هالعيون حست من شكل عذابه بعذاب يسكنه .. مشاعر متصارعه في داخلها .. تخليها .. تخليها تشبهه .. تشبه جابر من منظار قريب ... تنهد جابر وبند الستارة ولبس ملابسه وحصل رجاوي توها يايه من برع ويوم شافته نقزت عليه ...

رجاوي : باباتي ... تعرف منو ثفت اليوم

جابر وهو يلاعب خشمها بخشمه ويقول : لاء منو

رجاوي وهي تمسك شعر جابر وتمسح عليه وتقول : وحدة ياهل .. نفس my age اتمها عذابه

جابر بينه وبين تفسه : عذابه !!! ... صدق انه العذاب كله فيج ...

جابر : انزين .. شو كانت تبى

رجااوي وبدلع : مادلي .. بس سلمت علي ... وقالت لي انا بيتي هناك .. ولاحت

جابر وهو عاقد حياته : وين بيتها ..

رجاوي وهي تاشر من داخل بيتهم الى المكان المطلوب وتقول : هنااااااك

جابر : وين هناك رجاوي !!

رجا وهي تركض وين البلوكونه وتأشر على بيت عذابه وتقول: هذا

جابر حس بصعقه وفج عيونه وقال في بهمس مسموع : شيييييت

رجاوي وهي تضرب جابر على ايده : بابا .. عيب هالكلام ..

جابر وهو يضرب ثمه بالعماله : اوه .. اوه سوري .. اخر مرة اقول كلام مب زين .. اوكيك

رجاوي وهي تحظنه وتبوسه : اوكيك ..

وتروح رجاوي ويا ايميلي عشان تعشيها وتروح ترقد .. اما جابر فالنوم .. شرد من عيونه ... وسار السطح وتم ايطالع النجوم من فوق .. ومنها ايطالع بيت عذابه ... او .. البيت الاحمر ....




------



مها وهي تسمع حفله سيلين ديون على قناة الام تي في ... وكانت الساعه 12 الفليل .. تسمع صوت غريب ياي من فوق ... محد كان في البيت هاي الحزة .. عذابه كانت في حجرتها يالسه عالكمبيوتر .. والبشكارة راقدة ... ومال الزرع بعد راقد ... وسارت فوق وهي تمشي حافيه نست تلبس نعالها .. واطالعت يمين يسار .. الصوت كان ياي من الحجرة الرابعه .. الي بعد حجرتها وحجرة عذابه .. الصوت كان مشوش .. كان صوت حرمه تصارخ .. تترجا .. بس ماكان واضح .. كان كأنه حلم .. حلم .. بس كان حقيقه .. مها ماتت من الخوف واستعوذت من الشيطان .. وتمت تبلع ريجها وهي خايفه .. مب عارفه منو .. ومن وين يا هالصوت .. وهيه متأكدة انها سمعته عدل .. وتروح غرفه عذابه .. وتحصل عذابه يالسه عالكمبيوتر

مها وهي عرقانه وفكها متوتر وتقول: عذابه .. ما سمعتي شي توج

عذابه وهي تعق الهتفون من اذنها وتقول : لاء .. صوت شو

مها وهي معصبه : هيه .. شو بتسمعين وانتي حاطه هذا في اذنج ..

عذابه وهي تتافف : بدينا ... بدينا هالموال ............امي.. كلمتين لا غير .. البيت مسكووووووووون .. ليش مو راضيه تصدقين

مها : جب .. شو عرفج انتي .. وبعدين اخر مرة اتجوفين افلام رعب هالحزة .. بندي الكمبيوتر وبندي كل شي وروحي نامي .. باجر وراج دوام على ماعتقد

عذابه : زين زين .. شو هالحشرة هاي

مها : لا حول ولا قوة الا بالله ...

عذابه وهي اطالع امها بنص عين وتبند الكمبيوتر ... وتروح ترقد وبتبند الليتات وامها لين الحين ما طلعت يعني معناتها .. برع لوسمحتي .. وهن يطلعت مها .. لكن هالغرفه وهالصوت .. ماغاب عن بالها ابدا ... حتى يوم فتحتها لقت صعوبه كبيرة .. لكن انفتحت .. وكانت عاديه جدا .. ما يميزها شي غير ... غير الستاير السودة .. الي استغربت من وجودها وايد .. وماتذكرت اصلا انها كانت موجودة .. لكن طردت هالافكار من بالها .. وراحت ترقد .. بوقالت بالباجر .. انا راح اييب ريال عشان ايغير الستاير في هالغرفه وتحوللها في غرفه لتمارين الرياضيه ... لانها كانت وسيعه وايد ..

اما عذابه .. فعذابها كان يزيد يوم عن يوم .. ويكبر معا كل ثانيه من حياتها .. برود العلاقه بينها وبين امها .. مهما امها حاولت تكون مرحه وياها .. بس ماشي فايدة , امها حطمت هالثقه من موقف قديم استوى .. ولين الحين عذابه مب قادرة تنساه او تتناساه .. وهذا كان السبب الرئيسي الي خلاهم يتنقولن من بيت يدها .. او .. جميرا بكبرها .. ااااااه يا زمن كيف تلعب فينا الاعايبك .. عذابه ما قدرت ترقد مول وهيه تفكر في حياتهم الحاليه .. انتقالهم صار له شهر .. ولين الحين ما تعودت على الوضع اليديد ابدا .. فجت عيونها وكانت نتأكدة انه الرقاد ما رح اييها ابدا ... فجت عيونها ولفت شعرها القصير وبطلت المصباح ( taible lampe) وسارت وفجت دريشتها .. معا انه الجو كان حار والرطوبه عاليه .. لكن هالمنطقه كانت تييها هبات نسيم باردة لانها بعيدة شوي عن الطريق العام. والبيوت تقريبا معدومه الا كمن بيت .. والبيت .. الرمادي ... وتمت اطالعه كانت ليتاته كلها امبندة .. الا ليت واحد وهي الي مجايل الشارع .. كان لين الحين والع .. استغربت .. منو يا ترى يكون .



هاي نهاية الفصل الأول


اذا عيبتكم بكملها يالغلا
واذا ماعيبتكم ما بكملهااا...
بانتظار ردودكم يالغلا

مشكورة اموون على القصة
وننتظر البقية

تسلــم اخوي الوحيــد وانشا الله الحين بكملهااا...

الصبح وكالعادة .. مها في المستشفى .. وعذابه في المدرسه .. مها كانت متوترة كل ما كان عليها عمليه .. ومن يوم الـ.... وهي تكره الابرة .. تكره حياتها وتتمنى لو تقدر تغيرها كلها .. كم مرة بغت تستقيل لكن ظروف الحياة منعتها .. كيف تودر المعاش العالي والمكان الي الكل يحترمها فيه وهي الدكتورة مها .. وتشتغل شغله .. او يمكن ما تشتغل مول ... ونمط حياتها المترف ينتهي للآبد .. واتم تفكر وهي تلبس ملابسها الخضرا المخصصه للعمليات .. وتسمي بالرحمن وتدخل .





--



في المدرسه .. عذابه كانت في كلاس englishالـ مال مس شيماء وهي يالسة على الدرج الاول والبنات وراها يتصاصرن اشواق وامل ومريم كانو في نفس الكلاس .. امل اطرش رساله حق اشواق وحشرتها في القلم " Agool .. shoo balaha 3thaba alyuoom !! "

وترد عليها اشواق " walla no idea "

مريم طرشت لهم رساله ثانيه تقول " banat .. ana alyuom baroo7 burjuman ..batoon "

اشواق وامل بصوت مسموع : صدق انج متفيجه ..

وتصد عليهم المس واطالعهم بنص عين وتلتفت تكمل الكتابه والشرح وتلف عليهم عذابه تقول " Ana baroo7 "

ويوم وصلت لهم الرساله تمو يضحكون بصوت عالي واخيرا المس ماقدرت تستحمل وقالت : You .. maryam , ashwaq , amal ..براااااااااااا

اشواق ومريم وامل يتضاحكن في ويه المس ويقولون : what ever

بعد ما طلعن البنات بربع ساعه دق الجرس وطلعت عذابه وهي تبتسم ..

عذابه : بنات .. متى بنروح برجمان ..

مريم وهي عاقدة حياتها : شو عرفج ..

عذابه : لانكن يا حبايبي .. يوم تصاصرن صوتكن عالي .. وبعدين انا اليوم مافيني شي .. عال العال ...

اشواق: خلاص عيل .. بنكون هناك الساعه 6 ونص اوكيك ..

عذابه : اوكيك .. يالله سي يو .. بروح ..

وتروح عذابه عنهم وهيه تحس بالاثارة من هالطلعه .. تحس انها بتكون غير .. وانها بتجوف فيها اشياء يديدة .. وبتحس بمعنى الربع .. ياترى هل بتتغير صفحه حياتها .

اما البنات فيوم عرفن انه عذابه بتروح وياهن صدق استانسن .. لانهم حسو بان عذابه غير عن البنات وسوالف وتنحب بسرعه ... وممكن انه تسوي من شي ملل وميغث .. شي ممتع وكوول ...

مريم: كوول ولله صح !!

اشواق: هيه وايد .. تعالو .. وباقي الشله !!

امل: لا تخبرونهم ... بلييز ...

مريم وهي مستغربه : ليش مولي !!

امل : تذكرين يوم طلعنا مرة سوا .. شو ستوا ..

اشواق ومريم تمو يستعيدون ذكريات وقالو وهم يضحكون : اوكيه

مريم : ههههههه خلاص .. ما بخبرهم ولا عليج ..

امل : اشوى.. جيه اباج ..







----





بعد المدرسه عذابه ردت مع امها طبعا ... وهي تركب سيارتها

مها : الناس يوم يدشون يسلمون .. ولا انتي غير

عذابه من دون نفس : سلام عليكم

مها : شو هالنفس الخايسه .

عذابه: امي .. بلييز راسي يعورني .. ومب متفيجه حق حشرتج الزايدة

مها وهي معصبه واطول على صوت المسجل وتقول : انا حشرة .. اوكي يا بنت راشد ...

عذابه : ردينا على بنت راشد .. انتي شو بلاج كل ما غيظتي على شي رديتي على ابوي .. شتبيبه ..

مها واطالع بنتها بنص عين وتسكت وتكمل دربها ...

عذابه : اليوم بروح برجمان مع ربعي

مها بدون نفس : احسن بعد ..

عذابه : منو بيوصلني

مها بنص عين : منو غيري بعد .. ولا دريول ربيعتج بيمر عليج

عذابه : ماعرف ... ( وتكمل ) اقولج .. هالويك اند بروح عند ابوي .. وبنروح بوظبي

مها وكانه حيه لسعتها قالت : وليش بتروحون بوظبي .. شو عندكم

عذابه : بسلم على يدي ويدتي .. وبعدين بجوف عماتي ..

مها : اهااا ... وانا بتم مع منو في البيت انشالله .. تدرين انه هيلاري تاخذ اجازة الويك اند .. بتم روحي اعد الطوفه ..

عذابه وهي تهز جتوفها بحركه عدم اهتمام وتقول : So

مها وهي معصبه : صدق الني ماعرفت اربيج ..

عذابه : التربيه الصالحه مصدرها الاسرة ... انا تربيت بليا اسرة ... شتبيني اطلع

مها وهي تصارخ وكأنها مينونة: جب يا قليله الادب .. فقدتج ياربي .. فقدتج ... روحي عند ابوج مالت عليج وعليه وعلى عياله وعلى مرته زين .. مالت عليكم كلكم .. ( وتمت تدعي )

كملت مها سبها كالعادة ودعواتها الي ما تخلص موول ... اما عذابه فتمت ساكته تعرف انه يوم امها تحرج وتغيظ وتصارخ شرات المينونة انها كانت تبى سبب عشان تنفجر ... بس ماقالت لها شي .. وتمت ساكته لين ما وصلو البيت ..



ويوصلون البيت وكل حد ساكت .. عذابه سارت حجرتها لانها تغدت في المدرسه .. اما مها فعذابه سدت نفسها وسارت ترقد وتقول في خاطرها : احسن بعد .. عشان انقص كمن كيلو ... وهيه سايرة فوق لمحت مثل انعكاس ضوء قوي ايي اتجاهها .. ماعرفت من وين .. حست وكانه حد صورها .. او حد كان ايجوف بشي فيه زجاج وشي يساعد على انعكاس نور الشمس عليها .. بس سبت عمرها وماهتمت وايد وسارت ترقد.



--



في مكان ثاني .. جابر كان قاعد في البلكونة الي في الصاله وهو يطالع هالبيت الي سبب له الم كبير .. بس حمد ربه لانه راح لشخص المناسب .. ابستم ابتسامة ملتوية ساخرة .. ورد يقرا الجريدة الي كان قاعد يقراها بعد ما خلص الغدا ..

يسمع ايميلي تيه من بعيد وهي تمشي .. وفر الجريدة صوب وتم يتريا توصل عشان يعرف شسالفه ..

ايميلي : Sir.. Mr.saeed wants u in the phone .

جابر وهو عاقد حياته : Ok .. tell him 2 hold on

ايميلي: Ok sir

وتروح ايميلي عشان تخبر الريال يتريا .. اما جابر فنش بصعوبه وقال في خاطره : شعنده سعيد متصل هالحزة!!

وسار صوب التليفون وشل السماعه ..

جابر : سلام

سعيد : هلا عمي شحالك ..؟؟

جابر : بخير ونعمه .. خير !!

سعيد: عمي .. البضاعه الي طلبتها .. للاسف تأخر موعد تسلميها .. والشاري يباها الحين .. ولا قال لازم ندفع الغرامه ؟؟

جابر وهو يتافف : انزين ماعرفت سبب التاخير

سعيد: الباخرة وقفت في مينا والحين عندهم مطر ورعد هناك والبحر مب اوكيه .. عشان جذه

جابر: وهالهرم ما يروم يتريا !!! يعني التأخير مب في ايدنا

سعيد: ولله كلمته .. ماشي فايدة ..

جابر : خلاص .. الحين ياينكم انا .. وداعه الرحمن ..

اول ما بند وراه جاف ميثى وتم مصطن يطالعها وهي بكل برود كان تسمع المكالمه كلها وتترياه واخر شي قالت : سلام عليك

جابر وهو يحط ايدة في بنطلونه : عليكم السلام .. هلا ميثى

ميثى: هلا فيك يا ولد العم ... شحالك

جابر وهو يمشي صوب الدري : حمدلله ... ميثى .. سوري ولله بس لازم امشي الحين ..

ميثى وهي حاطة ايدها على خصرها بنفاد صبر: لين .. الين متى يا جابر يتتجاهلني .. ما كفوك ال6 سنين .. ما تعبت .. ما زهقت .. بس عاد .. لا وبعد ربيت لك قطوة من الشارع

يوم سمع جابر بنت من الشارع صد صوبه وملامحه كانت شرسه اول مرة ميثى تجوفها وقال : ان طريتي رجا بالشين ترا ما بجوفين الي يسرج يا ميثى .. فاهمة ولا اعيد كلامي ..

يوم سمعت ميثى هالرمسه منه خافت من الخاطر .. اهي تعرف انه جابر مب طيب ولا في قلبه أي طيبه .. بس يوم يكون مع رجا يكون غير غير .. الظاهر هالبنيه غسلت له مخه ..

ميثى : مثل ما تبى يا جابر ... مثل ما تبى ..

ويروح جابر فوق كانه يقول لها تفضلي اطلعي .. اتم شويه في الصاله .. بس اخر شي طلعت والدموع حارقه جفونها ... وهي تفكر في جابر وتركب السيارة

ميثى : روح بيت بابا جاسم

اسلم ( الدريول ): انشالله ماما

واتم اطالع ميثى الشارع وهي حاطة اغنيه عبدالكريم عبدالقادر ( ما شوف غيرك في عيوني حنين ... ماحس بهالدنيا حدا سواك ... حبك بقلبي وبحياتي سنين .. امشي على دروب المحبه خطاك ) وهي تستذكر ذكريات قديمه وايد جار عليها الزمن .. بس لين الحين مب قادرة تنسى ... او تخليه ينسى .

المغرب دريول مريم مر على اشواق وامل واخر شي عذابه .. مريم وهيه تجوف بيت قوم عذابه تقول : وااو بيتكم وايد حلو ..

عذابه وهي تجوف البيت بشمئزاز وتقول : يعني Not bad

اشواق: الا من متى انتو هني .. هالبيت من زمان محد سكن فيه .. انتو مأجرينه ولا شارينه

عذابه : لا .. امي شرته

امل : هييييييييه .. بس الصراحه البيت تحفه .. وايد حلو

عذابه : اخيييج .. ماحبه .. احب بيتنا القديم

امل : جيه وين كان بيتكم القديم ...

عذابه وهي تذكر بيتها القديم ومدرستها ويدتها وتقول : في جميرا ..

مريم + اشواق + امل: ويييييييييه .. بنت جميرا طلعتي هااا

عذابه وهي تضحك : هيه هههههه ..

امل : مريوم ... شو تبين في برجمان ..

مريم وهي منحرجه تقول : اولا .. انا مواعدة سيف .. الي تعرفت عليه من النت .. ثانيا .. ابا اشتري هديه حق ربيعتي هناء الي ساكنه في العين

الكل ما عدى عذابه قالو : اوب اوب اوب .. حلو

مريم : يعني .. زوين ...

عذابه : ماشالله عليكم .. الحين كم وحدة فيكن ترمس

ويطالعن بعض ويضحكن ويقولن : هههههههه .. الشله كلها رايحه في عينها

عذابه وهي تضحك : هيه اجوفكن ..

مريم : بس انا اول مرة ارمس واحد .. يعني يمكن اودره ..

عذابه : اها .. ولا وحدة فيكن حبت واحد

امل وهي اطلع لسانها : وين تبين .. حب اونه .. اقولج لا اطالعين افلام ابيض واسود وايد .. وقصص عبير تراها مب زينه ههههههه

عذابه وهي تبتسم وتقول في خاطرها : اعتقد اني العاقله الوحيدة بينهم ..

ويدخلون برجمان طبعا الكل كان مع شيله وعباه الا عذابه الي كانت لابسه تنورة جينز قصيرة وتحتها بوت يغطي ريولها مع بودي اسود ايده طويله وشعرها كانت مسويه كيرلي ومكياجها كان اسود والباقيات كانن مع شيل وعبي .. بس ولا كانهن لابسات شي .. يعني الشيله طايحه .. والعباه مفتوحه .. وطبعا ما سلمن من ايد الشباب واكثر وحدة لقت نصيب من الترقيم اهي عذابه .......... الحين كانن يالسات في الكوفيه وشوي ويحصلون الجرسون مطرش عصير فراوله ويحطه جدام عذابه .. عذابه : لو سمحت بس نحن ما طلبنا شي ..؟؟

الجرسون وهو ياشر على واحد قاعد في الطاولة الثانيه : He did

وكان حاط الرقم في ايد الجرسون بعد ما عطاها العصير شافت الرقم .. الولد الي كان يالس ويا ربيعه .. كان وسيم من الخاطر .. كشيخ .. كندورته كركيمه مع سفره حمرة .. وعيونه سود ذباحه مع حيات مقررنه ..

البنات : اوف .. قطعه .

عذابه وهي محرجه : صدق انه ما يستحي

امل : ههههههه ذوبتي الريال عذروبه ..

عذابه : يعل نار جهنم تذوبه عدل ..

اشواق : خيبه خيبه ههههههههه .. شو بلاج عليه .. صدق انج ما تنعطين ويه

عذابه وهي تجوفها بنص عين وتقول : جان منعطاة الويه جيه تكون .. عيل قله الادب شو تكون ..

وصخن البنات ولا قالن شي .... اما الولد الي كان يالس فعيونه كانت على عين عذابه ولا فارقهن لحظة .. حس ابها قويه .. وكان يدري مليون بالاميه انها راح ترفض الرقم .. حتى انه تراهن ويا ربيعه بعزومة ...

خالد : هاه .. محمدي ... العزيمه علي اليوم ها ههههههه

محمد وهي يضحك : هيه طال عمرك ...

خالد : بس كيف .. شكلها وحدة رايحة فيها

محمد : لا يغرك الشكل .. ولا الصحبه .. جوف داخل العيون وانت تدري

خالد : ولا اني مب فاهم شي

محمد وهو يضحك : زين زين .. قوم قوم الحين يالله ..

ويطلعون محمد وخالد و عذابه حايرة فيه .. من نظراته عرف انها ما بتقبل الرقم .. عيل ليش .. ليش عطاني اياه ؟؟

اما محمد فهو ما قدر يخوز تقكيره عن عذابه مول في لحظة تمنى لو اخذت رقمه .. وفي لحظة ثانيه فرح وشكر ربه مليون مرة لانها طلعت مثل ما كان يباها .. وانه ظنونه طلعت صح .. وانه ربيعه الي توقع انها من الي رايحات فيها طلع غلط .. بس مستغرب ليش يعني هيه بليا شيله او عباه .. وحتى شكلها ما ينبان انها من هني .. شكلها وحدة من البلاد .. وبنت عرب بعد .. كيف !!

خالد : محمدي .. شو بلاك ؟؟

محمد: ماشي .. افكر في الغزال الي شفته

خالد: شكلها من دبي

محمد: اكيد من دبي .. عيل من وين بعد ؟؟

خالد: لا بس ام شيله بنيه شكلها عيناوي ( يقصد اشواق )

محمد: ولله ما نتهبت .. انزين يالله .. وين بتعشيني اليوم

خالد: اممم .. شو رايك في فندق شيراتون ؟

محمد:اوكيك عيل .. يالله

ويركبون سيارة محمد النيسان العشبي رقم بوظبي وينطلقون يروحون الفندق عشان يتعشون ويعدين يردون بوظبي ... اما عذابه فتفكيرها في هالولد ابدا ما اختفى عن بالها .. حست انه .. غريب .. او ماعرف .. نظراته كانت تحرقها ... عيونه كانت تحكي اشياء كثيرة .. اشياء ما قدرت تفسرها .. دفعت امل الحساب وقالت : يالله امشو .. ورانا درب ... ههه الباص يتريا

عذابه وهي تبتسم : شو رايكم تتعشون عندنا اليوم

اشواق : هيه ولله فكرة

مريم : امج ما بتقول شي .. باجر ورانا مدرسه

عذابه بلهجة استهزاء : هااه .. ماعليكم .. يالله بنمر ناخذ عشا من KFC بعدين بنأجر لنا موفي .. ونروح نشوفه في البيت .. اوكيك

مريم وهي تجوف ساعتها : الحين الساعه 8 ونص .. ما يواحيلنا انظالع فلم .. لازم نرد البيت الساعه 10 ونص على الاقل ..

عذابه : اممم خلاص عيل .. بس بنتعشى يالله اجوف

مريم : اوكيك .. بس بنات اتصلو على اهاليكن

اشواق : هههه بتصل في امي ولا ابوي .. ولااقولكم .. ابوي احسن لانه يحب يقهر امي وايد .. فبقوله بروح بيت ربيعتي

امل : جيه ابوج لين الحين ما يرمس امج

اشواق: امايا تدلع وايد .. تبا ابوي يسوي الي تباه وبس

امل : احيد ابوج بغا يعرس ..

اشواق : هيه .. بس امي قالت له ان عرست بجتل عمري هههه

مريم : ولله انكم سوالف في البيت..

عذابه كانت ساكته وتقول في خاطرها .. محد مصيبته مثل مصيبتي انا .. محد .. اااااااه ابوي وينك عني ..

مشاركة متميزة ... قصه رووووعه في انتظار التكمله :)

---- في مكان ثاني ----



بعد ما رد جابر من عند سعيد ولد اخوه ياب وياه شغله البيت فقاعد في الصاله وهو يوقع شويه اوراق في ايده مالت الشغل لانه من يوم ما يت رجا وهو شغله الي في الليل يكمله في البيت عشان رجا ماتم روحها مع المربيه .. وهو قاعد يوقع الاوراق ويدرسهن .. تم يفكر في عذابه .. اسمها كان بالفعل روعه .. وفكر في جمالها البريئ ومن عيونها وميض من العذاب والقهر والحزن .. صح انها يوم لاعبت رجا كانت مبتهجه ومستانسه .. لكن يوم روحت حس الوحدة الي عايشها فيها .. حس انهم متشابهين في وايد اشياء .. بس يوم عرف انهم الساكنين اليديد .. حس بغضه والم فظيع .. تمنى لو كان هالشي غلط .. تمنى لو .. لو .. قدر يغير القدر . فكر فيها وفي كم عمرها ... وعقب طرد هلافكار وقال : يا جابر .. شو بلاك .. تفكر في بنت تصغرك بسنين .. وتم يجوف عمره بالمنظره والشعر الابيض بدا يغزي اطراف من شعره الاسود الفاحم الطويل .. وعيونه الحادة بدت التجاعيد البسيطه تطلع فيهن كل ماابتسم ... وهني اتيه رجاوي من بعيد وهي تركض مستانسه
رجاوي : باباني .. باباتي

جابر وهي يبتسم ويحب ايدها الي مررتها على لحيته بكل لطف .. كانت لابسه بجامتها بتروح ترقد الحين .. بجامتها كانت مال ويني ذا بوه .. ولونها وردي .. وشعرها كان مفتوح وكيرلي .. وضحك وايد .. وباسها على خدها وقال : هلا عيوني

رجاوي : باجر المدرسه بياخذونا الحديقه ..

جابر : لله وناسه ولله ... أي حديقه

رجاوي: ماعلف .. بس ..

جابر : بس شو ؟؟

رجاوي : ابا اسوي سوبرايز for my frineds

جابر وهو يضحك : هههه وشو تبين تسوين ؟؟

رجاوي: باخذ لهم حواوي

جابر وهي يحب صبوعها الصغار ويقول: اوكيه .. الي تبينه زين

رجاوي وهي تناقز : زين زين

جابر وهو يشلها على جتفه ويقول: الحين وقت الرقاد .. ممكن ولا

رجاوي وهي تضحك : هيييه ممكن .. بس ترقد وياي

جابر : ارقد وياج .. وليش مارقد وياج ولله خخخخخخ ...

وبعد ما رقد جابر بنته .. شوي وشوي طلع من الغرفه وسار تحت في الصاله ... وهو نازل من الدري .. يجوف البيت ويقول شكبر هالبيت وانا عايش فيه وحيد .. انا وهالبنت .. كل هالبيزات وهالمال والجاه وما ردت لي السعادة الي ابغيها .. ماردتها لي ولا عطتني شي بسيط من الي فقدته .. ااااااااااه يا زمن ... افقد اعز ما عندي .. وفي لحظة ينرد لي وشي بسيط منه ... جابر وهو يجوف صورة موجودة عند الطاولة الي في الصاله ويتنهد بحرارة .. ويترحم عالصورة .. ويقول : لله يرحم ترابج ......... ويرفع عيونه بكل كبرياء وغرور ويقول .... ويقدرني على الي بسويه .............. طلع جابر من البيت يبى يروح الشيشه ياخذ له حلويات حق رجاوي .. وقال بروح امشي لانه الشيشه مب بعيدة .. وهو يمشي .. الا بستيشن اسود يوقف عند البيت الابيض وينزلون بنات .. 4 بنات .. ومن بينهم .. عذابه .. الي عذبت كيانه من كثر ما يسأل من تكون .. بس يوم جاف البيت صد عنه وكمل دربه وكانه يبى يمسح ذكرى قاسيه على قلبه .. ذكرى تنهش فواده كل ما مر من صوبه .. تنهد وقال .. الوقت قريب



وهو يمر اشواق وامل تمن ايطالعونه ودخلن البيت وقالن : منو هالحلو

عذابه وهي تمد بوزها : ماعرف ولله ..

اشواق : يالله بنات يوعانه انا ...

وتنزل من فوق مها وهي مبتسمه يوم جافت ربع بناتها : هلا ولله ... حيالله من يا

البنات : لله يحيج خالوه

البنات تمن ايطالعن بعض وكلهن في نفس الفكرة ويقولن امها وايد صغيرة .. محد توقع انه امها جيه صغيرة وحلوة .. تنبان كأنها اختها هب امها ..

اشواق: اسمحيلنا خالو جان ازعجناج

مها : لا افا عليكن .. عذابه فديت روحج يلسي ربعج في الجست روم ..

عذابه : لا امي ... بنيلس في الاستديو ...

مها وكانه اتضايجت وقالت : برايج

مها وايد انقهرت من عذابه لانها كسرت كلمتها جدام ربيعاتها .. وحست كانه مالها سلطه على بناتها موول .. الله يغربل هالحاله ياربي .. وسارت مها وهي مغيضه حدها ...

امل: اقولج ( تحاول تغيير االسالفه ) استديو شو هذا الي عندج ؟

عذابه وهي مستانسه : استديو تصوير بعد شو

اشواق وهي عاقدة حياتها : هاه ؟؟ من صجج ترمسين

عذابه وهي تضحك : هيه ولله .. هذي هديه ابوي في عيد ميلادي ال15 .. يعرف اني اموت في التصوير بالفيديو والكميرا .. عشان جيه سوالي استوديو كامل .. فيه كل الاجهزة الي ممكن تتخيلنها .. يعني استديو كامل .. هههه حتى اروم اسوي مونتاج حق افلام

البنات كانن مستغربات وامل قالت : بس يا عذابه .. هلاجهزة وايد غاليه

عذابه وهي تضحك : اعرف .. بس انا اغلى .. ولا شرايكم

البنات ضحكن عليها وقالن : شو هالثقه هاي .. عيل يا مصورة زمانج ..

امل: سويلنا فلم ونحن ناكل

عذابه : All right then يالله هههه تزهبن .. وكلن عدل هههههه

اشواق: من صجها هاي ..

عذابه : هيه من صجي عيل من جذبي .. ما جفتو امي كيف انقلب حالها .. لانه الهديه من ابوي .. وانشالله باباني قالي خلصي ثالث ثاتوي بمتياز وبييب لج بي ام z3 شو رايكن

مريم : هههههه روعه . عيل انا من الحين ربيعتج للابد هههههههه

والكل ضحك على مريم الي كانت تتمسخر .. اما اشواق فحست بالحسد ... يعني ليش عندها هلاشياء وانا لاء ... وتقول في خاطرها : ياليت لو امي وابوي يتطلقون عشان استانس ...

عذابه : بلا هذرة زايدة .. ويالله ندش داخل .

مريم : اقول عذابه .. الحين ابوج وامج متى طلقين .. اممم اذا ما عندج مانع

عذابه ردت وكأنه هالشي صار من الاحاديث العادية الي تجري كل يوم في البيت وقالت بكل برود : اممم من يوم انا عمري سنه .. يعني شكلهم اطلقو اول ما انولدت

مريم + اشواق + امل : اهاااا

عذابه وهي تهز جتفها بحركه استخفاف : يالله بتدخلون ولا

البنات : اوكيك .. وراج نحن .......



كان الاستديو مكون من غرفه ارضيه في الطابق الأول .. ومصبوغ باللونين الاحمر والوردي وفيه مكان مخصص لتصوير يعني فيه خلفيات ورا .. والحجرة كانت سابقا مخزن في البيت لكن تحولت الى الاستوديو .... هالهديه كانت بمناسبه عامها ال15 ويوم عرفت مها عن هالهديه بغت تجن ... لكنها مسكت غيظها عشان تنبان قويه وباردة جدام عذابه وما تتهتم في شي اييبه لها راشد ...



اما في الحجرة الثانيه .. فمها كانت قاعدة تجوف تلفزيون وحاطه على الموفي تشنل .. كانت روحها في الحجرة .. بس كانت مشغله اليت الصغيرة الي عند الغنفه وبندة الليتات الثانيه ويالسه تجوف هالفيلم .. كان فلم رعب ... بس حست انه مثل شي يالس يتسحب .. او حد يالس يسحب عمره من تحته ... نقزت مها وصرخت : اااااااه .. شو ها ؟؟

وايين البنات يركضن على صوت الصرخه عذابه : امي .. بسم لله عليج .. شو بلاج !!!

البنات تمو ايطالعون بعض بستغراب ... بعد مها حست بالوضع الي انحطت فيه فقالت : لا ماشي .. ماشي .. بس مشهد من الفلم يغني برايكن

عذابه وهي لاويه بوزها : فلم !! هاااه .. اوكيه

ويروحن البنات واتم مها روحها وهي حاسه بقلبها مقبوض .. معقولة تكهنات عذابه تطلع حقيقه .. وهالبيت يكون مسكون ... !!!!

--الفصـــل الثاني –


( الجزء الاول )



بعد ما الافكار السودة والمشكوكة غزت عقل مها .. تمت تفكر في البيت شوي .. وتمت تلف بنظرها كل مكان .. تمنت تجوف بقعه تكون مجهولة .. او ممكن يشير الى شي .. بس للاسف .. ماشي فايدة بالمرة .




في مكان ثاني من البيت .. البنات قاعدات في الاستديو ياكلن ويسون حركات غبيه حق الكاميرا ...


اشواق وهي تفج حلجها ب360 درجه وتقول : ها ها ها .. انا الوحش المجهول


مريم بكل دلع وعيون بريئة: امي .. امي .. النجدة يامي انقذيني


وامل وعذابه يالسات يضحكن عليهن من الخاطر .. وشوي ويسمعن صوت حد يصيح .. كأنه يالس في مكان مخنوق ..


امل وهيه خايفه : عذوب .. شو ها


عذابه وهي روحها كانت خايفه بس ما بغت ربيعاتها يخافون قالت : لالا .. هذا .. هذي مؤثرات خاصه عندي


امل والبنات : صدق


عذابه وهي مرتبكه : هيه ..


وعذابه وهي ترد خصله من قصتها ( بكلتها ) ورا اذنها وتقول : اقول بنات .. شوي بس بروح فوق اجوف امايا وابند جهاز المؤثرات اوكيك


البنات : اوكيك


وتروح عذابه فوق والبنات يتمن يرمسن ..


اشواق : بتخبركم .. ترا بيتهم فيه شي .. ولله العظيم صدقوني ..


مريم وهي تسوي ببوزها حركه غباء وتقول : بلا هبل .. كيف يعني فيه شي .. شوقو .. لا تجوفين افلام رعب وايد دخيل والديج


امل : اقول .. ( وهي تجوف بقعه برع الدريشه ) شو هالشي


البنات كلهن ايواجن وترد اشواق: ماعرف ( عاقدة حيانها ) شكله بيت صغيرون .. يعني حق pets ولا شي


مريم : اهااا


امل : بنات صدق ارمسكن .. شو ها .. نطلع انجوف


مريم : وعذابه


بنطالعه وبنرد اوكيك .. يالله عاد ...


اشواق وهي تتأفف : اف ياربي بكلتي بتقفط من الحر والرطوبة ... انا شو يابني هالبلاد


مريم وهي تضحك : ماعرف ولله يالانجليزية وام السنو هههههه


اشواق وهي تضرب راس مريم : جب جب ...


ويضحكن البنات ويطلعن برع ايجوفن البيت الصغير الي رمست عنه امل .... ومن مكان ثاني عذابه سارت فوق ترمس امها ..


عذابه وهي تدق باب غرفه امها : امايا ..


مها :...........


عذابه : امايا .. انا عذابه فجي ..


مها : الباب مفتوح ...


عذابه تدخل الحجرة وتجوف باب الحمام مقفول وصوت الماي .. يعني اكيد امها تسبح ...


عذابه : امايا .. بغيت اسألج انتي توج صارختي .. او ( تقصر صوتها ) صحتي ...


ومن وراها اييها صوت امها بستغراب وتقول : شووو !!!


يوم سمعت عذابه امها وراها نقزت من الخوف وقالت : بسم لله الرحمن الرحيم .. انتي متى طلعتي


امها كانت داخله من باب الحجرة وهي اطالع عذابه بنظرات استغراب وتقول : شو بلاج .. جايفه يني جدامج حشى !!


عذابه وهي اتجوف امها بستغراب بعدين باب الحمام وتجوف انه صوت الماي اختفى .. تركض صوب الحمام ومها اطالعها بنظرات غريبه وتقول في خاطرها بلاها هاي .. عذابه فجت باب الحمام .. بس .. شكوكها كانت خاطئة .. مافي شي واحد يدل انه الحمام كان مستعمل قبل دقايق .. تمت ترتجف في مكانها ويتها مها من ورا


مها : عذابه امايا شو بلاج .. شو مستوي !!


عذابه وهي تعض على شفايفها وتقول : امم .. لالا .. ولا شي .. سلامتج امي


مها مشككه : متأكدة ؟؟


عذابه وهي معصبه على امها : هيه .. هيه اقولج هيه .. ما تفهمين


مها وهي عاقدة حياتها : خيبه تخيب العدو ... وليش يايه عندي .. عيل جلبي ويهج سيري عند ربعج يالله


عذابه وهي محرجه : Wat ever ( وتسوي حرف الـW في صبوعها


وتطلع من حجرتها وهي معصبه حدها ...


اما البنات فطلعن للحديقه يجوفن سالفه البيت الي جافته امل ... كان صوب حمام السباحه ..يعني لازم يمشون شوي لين يوصلونه ..


اشواق : بنات .. انرد بلييز .. حديقتكم حشى .. مقبرة هب حديقه


مريم : بالعكس .. حديقتهم وايد حلوة .. الا انتي الخوافه ..


اشواق :جلبي ويهج زين ..


مريم : فقدت هالويه ..


اشواق : جب زين


امل : حوه حوه انتي وياها بس عاد .. شو ها .. حشى تقولن عدايل بس ..


مريم : خل هاي تسكت عني


اشواق : جب


امل وهي محرجه عليهم : بااااااااااااااااااااااااااااااااااااااااااس .. كوااااايت .. حشى


عذابه من بعيد: بنــــــــــات


والبنات الثلاثه مرة وحدة نقزن كلهن .. وضحكت عليهم عذابه


عذابه : شو مودنكن هناك .. يالله دشن داخل .. وعلى فكرة مريوم .. دريولكم هني


مريم : اووووووووووه حلفي .. خص لله عزوه ... يالله بنات نشل قشارنا بنروح


عذابه وهي ترافقهم لين الباب وتسلم عليهم : اجوفكن باجر .. يالله باي ....


ويسرين البنات يركبن السيارة وتضحك عذابه وترمس امل بصوت عالي : امووول .. ههه راقبي عن يتجاتلن وتعق وحدة الثانيه من السيارة ههههههههههههههه خلي الدريول ينبد الباب من عنده


مريم وهي محرجه : ها ها ها .. So fUnny


ويضحكن البنات وتروح سيارة مريم .. واتم مريم فترة برع .. عقب ماتت من الحر ودشت .. قبل لا تدش جافت جابر وهو راد من الشيشه كان شايل معاه اكياس .. وتوها بتبند الباب البرع العود .. جان ايطيح كيس من ايده .. عذابه بغت تساعده بس قالت انا شلي .. بس يوم وخى يبى يشل الكيس الي طاح .. طاح تليفونه صوب عذابه لانه كان لابس قميص وبنطلون مش كندورة .. هني عذابه غصبن عنها شلت الموبايل وعطته اياه ...


جابر وهو يطالعها من فوق لين تحت بنظرة دراسيه ويقول: مشكورة


استغربت عذابه يوم اكتشفت انه مواطن .. لانه شكله هندي راقي .. او لبناني .. صح انه ملامحه ملامح عرب .. بس شعره .. والبنطلون .. والقميص .. ما تنبان انه من هني .. لانه اهل البلاد ما يحبون البناطلين .. فردت عليه : العفو ..


جابر تم ايطالعها وغمض عيونه وابتسم لها عقب روح ... يوم جافت عذابه ابتسامه جابر تخبلت عليها .. كانت ابتسامته وايد ساحرة .. اول مرة تجوف ريال عنده ابتسامه بهاي الروعه ... حست انه بس هالابتسامه كم تسوى .... اول ما فاقت من احلامها الورديه جافته يدخل البيت الرمادي .. وتمت تقول في خاطرها : الحين .. هذا .. معرس !!!!!!!!!!!!!!!


وحست بالاشمئزاز من نفسها لانها تمت تفكر فيه .. او انها حست انه اعجب فيها .. سبت عمرها ودخلت البيت تسبح وتلبس بجامتها عشان ترقد .. لانه باجر وراها دوام وكان يوم الابعا ..


عذابه رقدت .... لكن عيون مها كانت لين الحين ما غفت .. كانت تستعيد لحظات سيئة .. لحظات تتمنى تنساها مثل ما التاريخ نساها ..

"دكتورة مها .. الي صار مالج اي ذنب فيه .. مجرد حادثه .. "


" يا دكتور .. انا .. انا سويت غلطة .. انا ما كنت في حالتي "


" خلاص .. جوفي .. اهي السالفه فيها محاكم .. بس انا راح اغض البصر عنها ...... مقابل الي رمستج عنه "


" يا دكتور .. ماقدر .. ماقدر .. انا عندي بنت عمرها 9 سنين ماقدر ..."


" عيل .. الاختيار الثاني "




مها تمت تصيح وهي تذكر كل عالذكريات التعيسه تمسك راسها وتمسح على شعرها وهي تتنهد بقوة ... اااااااه .. يا ماضي .. لو اقدر امحيك بس .. بس وين ما بنتي تعرف .. بس لين هناك ..






====








في السيارة النيسان .. محمد وخالد كانو في في الدرب للبوظي .. والهدوء مخيم .. وصوت راشد الماجد الوحيد الي قاطع هالهدوء وكانو حاطين " مدخل غرامي " اخر شي كسر خالد حاجز الصمت وابتدى بالكلام ...


خالد: محمدي .. ليش حاط عمرك سايلنت !!


محمد: ولله ماعرف خالد


خالد: امممممم .. ليكون عشان البنت الي في برجمان الي رقمتها وما عطتك سالفه


محمد: هيه ... هيه ... بس .. انا مستانس انها ما عطتني سالفه .. تعرف ليش !!


خالد: لااااااااااااه!!


محمد: لاني يوم جفتها حسيت انها غير .. عيونها تحكي اشيا كثيرة .. معاني عديدة ..


خالد وهو عاقد حياته : انت شو تقول @@


محمد: اسكت اسكت .. ماتعرف لسوالف الرومانسيه


خالد: يا ويلي عليك يا بو جسيم .. رومانسيه هاه فديت روحك ولله هههههههههههه


محمد وهو محرج : بتسكت ولا افرك برع


خالد وهي حاط ايده على حلجه : خلااااااااااااااص .. سكتنا ..


محمد طالعه نظره جانبيه ورد تفكيره في عذابه .. هالمخلوقه العجيبه .. اول مرة يجوف بنت مثلها .. سحرت تفكيره وخياله وكيانه .. تمنى لو .......... بس هالو .. كانت راح تخسره اشياء كثيرة .. كان راح يندم انه خله في السالفه لو ... عشان جيه سكت .. وما كمل تفكيره .. بس عذابه كانت تفرض نفسها في تفكير محمد غصبن عنه .. تمنى لو يعرفها .. لو يعرف شو مشكلتها .. شو سبب الحزن في عيونها .. شو سبب هالعذاب هذا .... اتمنى لو اعرف بس ...


اما خالد ففكره كان سارح في مريم .. صدق عيبته .. حس انها شوي غير عن الباقيات .. لانه ابتسامتها خجولة وايد ... كل ما ربيعاتها قالن شي ابتسمت وخدودها توردن ... قال في خاطره .. معقولة في هالزمان .. حمرة الخدود ماختفت ... !!! تم يضحك على عمره . وقال في خاطره .. وانا شلي .. لله يخلي البلاشر لاعب دور في زماننا .. وشوي ورن تليفونه كانت ربيعته متصله .. رمسها ونسى مريم والي يابها .




===






الساعه العودة الي مركونة في الصاله .. تدق بأعلى صوتها عشان تقول انه منتصف الليل قد حل ... لكن جابر لين الحين مب قادر ينام .. طلع بره وين البلكونة الي اطل عالحديقه وتم يطالع الاجواء والفريج ... الفريج كان ميت .. محد كان فيه .. تم يبتسم وهو يفكر في عذابه ... بس ابتسامته انسمحت يوم تذكر من بنته .. وامها من تكون .. وكره عمره عشانه فكر فيها .. عشانه سمح لنفسه انه يفكر في بنت عدوته .... بس مسك شعره وضرب بقوه على سور البلكونه وقال : احساس قوي يعذبني .. ماقدر انساها .. ماقدر اكرهه .. انا ماحبها .. بس فيه شي يشدني لهالبنت ... ماعرف شو هو .. يالبيت لو اني اعرف .. اخ .. يالقدر .. بس لو اقدر .








* الظهر الساعه 12:30 في كافتيريا المدرسه *








شمايل: اقولكم .. ملانه


سمر: الحين حتى منه يبالهها اقولكم ..


امل وهي حاطة راسها على الطاولة : يوعااااااااااانه .. حشى مب كافتيريا هاي .. مجاعه .. جوفي كيف يضاربون هذيل الزلمات ..


وتييهم من بعيد اشواق وهي تقول : تدرون توه شو ستوا ؟؟


البنات وهن متحمسات : شووووو ..


اشواق وهي تاخذ انفاسها بعد ما كانت تربع : تعرفون حصه .. حصه بنت خليفه ...


امل : هاي ام براطم


اشواق: عليج لمبه منورة ...


امل : بلاها .. شو سوت


اشواق : متلاقيه ويا واحد من الصف ال11


البنات: هااااااااااااااااااااااه


شمايل: قولي ولله .. منو !!


اشواق: يودو نفسكم .. بقول منو


البنات كلهن يودن نفسهن وتمن ايبحلقن في اشواق واخر شي قالت لهن بكل حماس وشوي شوي ..


اشواق: حمد .. حمد بن خلفان


البنات كلهن شهقن: قوووووووولي ولله ..


امل : حمد .. حمد ماغيره


اشواق: هيه نعم عمتي ..


مريم : مب مصدقه الصراحه .. ماحيده راعي بنات


سمر: امبونه راعي بنات هالهرم .. مواعد ليلو هاكي اليوم جدام الملعب


شمايل: بس عاد حش ... هاي اخر سنه وبيتخرج صح ..


سمر: هيه هاي سنته الاخيرة ؟


مريم : انزين .. حد من المسات جافوه ؟؟


اشواق: لاء .. بس حصه خذت اتنشن .. لانها كانت في الboys section


البنات : احسن ...


وتيهم من بعيد عذابه وياها ظبيه وهديل ..


قوم عذابه : سلام عليكم


البنات: عليكم السلام ..


هديل : بنات .. يوعانه ؟؟


شمايل وتأشر على الكافتيريا : دوج .. كله اكل ولله


هديل: حد يشتريلي بلييز ..


امل: جيه بشاكيرج نحن ولا بشاكيرج ...


عذابه : خلاص .. انا باخذلج ..


هديل : دوج البيزات ..


عذابه : لا عادي علي ..


هديل وهي تيود ايد عذابه بتحط البيزات : عشان خاطري .. بلا حركات ..


عذابه وهي تشل ايدها : انتي الي حركات قومي لا ..


وتسير عذابه عشان تاخذ حقها وحق هديل .. وهي تصرخ امل وتقول : خذيلي وياج عصير


عذابه بصوت اعلى : خذيه روحج ههههههههه


البنات كلهن نقعن من الضحك على امل الي ويهه استوى احمر من الاعصاب ... اما عذابه بتكت تجوفهم من بعيد وهي تقول في خاطرها : هن طيبات .. بس جو البيت الي مخربهم جذا ...


كان بالفعل شله فاسدة .. كل يوم وحدة فيهن سايرة الادارة .. او مب حاظرة الحصه .. او ماسكيهم يغشون .. ودوم هالحاله .. يعني اشطر وحدة واكثر وحدة عاقله كانت عذابه .. الي كل ما كانت تصيب شلتها مصيبه تبتسم بكل هدوء .... وتتمنى تمر على خير ..

-- في مكان من دبي وتحديدا في الحمرية --




البيت كان فاضي الكل في الدوام .. محد موجود فيه غير البشاكير وام حامد .. يعني الهدوء كان يصم المكان ... وهني غيرت ميثى من وضعيه جلستها ومطت صبوعها وتمت تجوف السقف .. وتتهدت بصوت عالي مسموع .. عقب نشت رفعت شعرها الاسود الليلي وسوته كوبة ( كبابه ) وطلعت من حجرتها والتليفون في ايدها ....


ام حامد: صبحج الله بالخير فديتج .. شو بلاج واعيه الحين ؟؟؟ وجيه ماسرتي الدوام ؟


ميثى : مافيني امايا .. لايعه جبدي ولله


ام حامد: سلامتج يا بنتي .. الا تعالي .. متى ناوية تحددين االعرس ؟


ميثى وتضايقت من هالسالفه وقالت: مايا ... قلت لج ... يوم بكمل سنتين في الدوام عقب بفكر اسوي العرس .. واذا مب ناوي يصبر .. ماباه ..


ام حامد: بسم لله عليج يا بنيتي شو بلاج خذتيني بشراع وميداف .. شوي شوي .. حشى ما تسوى السالفه .. وبعدين الريال موافق ماقال شي ..


ميثى : انزين خلاص ...


وعقب امها تروح عنها تسير تجوف الغدا .. وتشغل ميثى التلفزيون على قناة روتانا .. وتجوف حاطين اغنيه الي نساك انساه .. والي هواك اهواه .. والي قدر على فراقك اقدر على فراقاه .. تمت اتجوف وبصمت تتجرع الالم بصمت ... جابر خدعها وهي رضخت للخديعه بكل بساطة لانه جابر كان حلمها لمدة طويلة .. بس اختها قدرت تسرقه منها بجمالها وسحرها صدق حبها بجنون .. بس اهي ما عطته غير كل غرور




" جابر .. يبلي بوظي من عند يامال الشام .. ولله في خاطري "


" انشالله ما طلبتي .. بس مب اليوم .. لانه عندي امتحان .."


" لالالا .. قلت لك اليوم يعني اليوم .. مالي خص "


" يا ميسون الولد قال عنده امتحان خليه "


" انتي مالج خص بالخسفه .. انا اكلم جابر هب انتي .. واع شو هالاشكال "


" بس عاد عيون جابر لا تزعلين ......... ميثى مالج خص ولا تدخلين بيني وبين ميسون "




كل ما تذكر هالذكرى تحس بألم يعتصر قبلها الضعيف الصغير .. لين متى بعيش في ذل .. لين متى .. متى بيعطف علي .. حتى بعد ماعرف حقيقتها مصر على حبه .. لييييييييش !!


أم حامد تدخل الصاله وهي مستغربه من بنتها الي كانت قابضة تليفونها بكل قوى وكانها ماسكة رقبه حط وتزغده بس .. ويهه ملامحه كانت باردة جامدة .. بس عيونها الي كانت مختلفه .. كانت فيها معاني واحاسيس ام حامد ما قدرت تفهمها .. بس طبطت على ميثى وقالت لها : هدي يا بنتي .. ماشي يرزى تفكرين فيه ..


جافتها ميثى وهي عاقدة حياتها : شو تعرفين ؟


ام حامد وعلى ويهه نظرات الام البريئة المتسغفله وتقول : ماعرف شي فديتج . انتي خبريني ..


ميثى تنهدت برتياح وقالت حق امها : انزين عيل فديتج .. بروح اخذ ولد حامد من المدرسه ..


ام حامد: جيه .. وين ابتسام ؟؟


ميثى : ابتسام تعبانه في دارها .. تعرفين كل ما تحمل الضغط ينزل عندها .. واعليه وايد تتعب ..


ام حامد: هيه فديتها .. ما عليه بروح اشوفها .. خذي اسلم وسيري .. ومرى هذا مال الايسكريم ماعرف شتسمونه الي لونه وردي ..


ميثى وهي تضحك : هههههههه باسكن روبنز .. شتبيه ..


ام حامد : ابتسام خاطرها فيه .


ميثى : هههههههاااي صدق انه بسوم ذويقه ما توحم الى السوالف الشهيه .. خلاص عيل يالله بروح ..


ام حامد: وداعه الرحمن ...




وتطلع ميثى من البيت مع الدريول وتمر تاخذ جاسم الصغيرون من المرسه .. طبعا حامد صغيون توه صف اول .. وفي مدرسه المواكب الي في القرهود ... وهو كان اخر العنقود .. والعودة كانت شقرا وعمرها 8 سنوات وهي مع جاسم .. بس كانت ماخذه اجازة عشان فيها جديري .....


ميثى عمرها 21 سنه ... متخرجه صار لها 5 شهور .. وحصلت شغل بواسطه من ابوها في واحد من البنوك .. كانت على قدر من الجمال .. يعني احلى مافيها عيونها .. عشان جيه كانت تتنقب لانها ما تحب اطلع باقي ويهها ... عيونها وساع وناعسات وسود .. ومجحلة طبيعيا من الرموش الي غزت عيونها بدون استاذان وهي اطالع الشارع كالعادة سرحت في عالمها الخاص .. هي زينه وسكنه احزانها والامها .






---- في المستشفى ----




هيفا قاعدة مع مها يشربون كابتشينو .. هيفا تكلم مها عن بنتا رانيا ومها سرحانه في بنتها وهي بيتهم الغريب ..


هيفا : شو بليك .. ولك انتي شو بكي هيك ؟؟


مها: مافيني شي .. ليش شو مستوي ؟


هيفا : شو مستوي !! عام حاكيكي من الصبح ولله .. انتي مابعرف وين سارحه ؟؟


مها : لا بس .. هلاسبوع عذابه بتروح عند ابوها ؟؟


هيفا : وخير يا طير ؟


مها : يا هيفا .. انا .. انا .. اخاف اتم روحي بالبيت .. بتكون اول مرة ؟؟


هيفا : طيب .. قولي لعزابه ما بتروح ؟


مها : تبين راشد ياخذها فرصه ويشتكي علي في المحكمة .. تعرفينه يكرهني موت


هيفا : انتي الي جنيتي على تفسك


مها وهي اطالع هيفا بنظرة كره هيفا كانت متعودة على هالنظرة من مها .. فبتسمت لها وقالت : خلاص .. انا راح اجي بات عندك انا ورانيا وراح خلي الصبيان عند ابوهم شو رايك


مها حست انها استانست وفرحت من خاطرها ولوت على هيفا بالقو وقالت : فديتج ولله فديت روحج .. شو كنت سوي بلياج .. ولله انج اصيله ..


هيفا : بس انتي حاكي سمير .. تعرفيه


مها : ولا عليج .. احاكيه واحاكي ابوه بعد هههه


هيفا : طيب هلق بدي خليكي .. عندي مريض بعد شي ساعه .. يالله حبيبتي .. سي يو ..


مها : باي عمري ..


وتمت مها روحها في الغرفه .. وتمت تقرأ التقارير وجدول العمليات للاسبوع الياي .. كلها كانت في الصبح .. وهذا شي كانت تحبه .. لانه عمليات اللليل تخاف منها وتييها رؤية سيئة من بعيد .. وتحس بأيدها ترتجف ومرات موضع الابرة يتغير .. يعني من حركه ايدها .. وكم مرة مدير القسم هزبها على هالسالفه .. لكنها صابرة .










مر اليوم عخير .. وردت عذابه من المدرسه وبعد ساعتين مر درويل ابوها " هشام " عشان يوصلها .. كانت صدق متولهه على ابوها لانه صار لها شهر ما شفاته عشان سالفه الانتقال وكل هذا .. كانت مسوي شنطتها وحاطة ثياب يديدة عشان تبدلها بالثياب الموحودة هناك .. كان عندها غرفتها الخاصه .. ومن خوانها من ابوها .. محمد .. احمد .. دلال اخر العنقود .. محمد كان البكر وعمره 20 سنه .. واحمد 18 سنه .. وبعدين عذابه .. وبعدها دلال 10 سنين .. والكل كان يحبها ....


عذابه : يالله امايا .. اجوفج يوم الجمعه .. بااااااااااي


مها وهي تحب بنتها على خدها : زين يالله باي


وطلعت عذابه وهي فرحانه وجافت في الدرب لين السيارة هيفا وبنتها رانيا .. سلمت عليهم وركبت السيارة ..


هشام وهو مستانس على عذابه لانها من شهر ما ركبت وياه وهو كان عند قوم ابوها من محمد سنتين .. يعني ستواله 18 سنه ..


هشام : هاه عزابه .. حطي راشد الماجد ..


عذابه وهي فرحانه موت : حطي راشد الماجد ...


وحطلها هشام " وش هالذي عيني تشوفه .. وجه البدر او مطلع الشمس .. لله يا محلا وصوفه .. بالحسن خذا ابصم بخمس " ويسويلها من ورا بصبوعه اونه يثبت هالكلام .... وطبعا في الدرب هيه والديول دق سوالف عن بناته وعيال بناته .. ومرته ما خلى حد ما حش فيه ..




اما في بيت مها فمها كانت تسولف ويا هيفا وبالها ويا بنتها .. اول مرة تتوله عليها ما انها قبل كانت تترياها تروح عشان تاخذ حريتها بس الحين .. وهيه في بيتها روحها .. تحس انه كل هذا ماله معنى .. مهما حاولت تسوي في عمرها صغيرة .. اتم في الثلاثين ولا تقدر تغيير هالشي ابد ..

تسلمييييييييييييييين امووووووووووووووووووون

القصه روعه

تحمسسسست مررررره

ننتظر الباقي على احر من الجمر


سلااااااااااااااااااااااااااااااااااااااااام

مشكــوووور اخووي خـــاالد على مروورك الكريم
وانشا الله بكملهــااا...

مجهووود روووعه يالغاليه في انتظار التكمله :)

خلصت مها من شوفت نسفها في المنظرة وسارت ويلست عند هيفا الي كانت قاعدة تحطاغراضها في الكبت .. رانيا طلعت ويا اخوها الصغير وائل .. ومها تجوفهم وتجوف هيفاوتقول في خاطرها : ياليت لو بنتي تحبني .. بنص ما عيال هيفا يحبونها .. جان ساعدنيهذا انسى الي فيني ...

وبين افكارها الحزينه تقطعها عليها هيفا وتعرف انه مها تفكر في عذابه .. وتقول : يا مها .. حبيبة البي لا تعزبي حالك كتير .. عزابه مراهقه .. وهاد تصرف اي مراهق .. او صبيه بعمرا ..

مها وهي ترمق هيفا : بس رانيا ما تعاملج جيه .. رانيا تحبج .. وائل يموتفيج

هيفا وهي تتنهد : يا مها .. انتي الي عملتي هالفجوة بينك وبينا .. انتي ..كنتي المفروض تكسبيها مش تخسريها .. بس انتي ما لعبيتها صح

مها وهي تحك راسها : بس .. بس تعبت من كل المحاظرات هذي .. ممكن توقفينها لانيتعبت .. ارهقت نفسيا ..

هيفا : اوكي حبيتي متل ما بدك ..

وتييهم من تحت رانيا وهي تركض وراها وائل الي كان يركض وهو يلهث من التعبوفرحان من الخاطر وتقول حق مها : يااااااااااااي Unty عندكو بيسين كتير حلو ..

مها تبتسم : ليش ما تستعملينه ..

رانيا وهي تناقز : ولله .. عن جد عام تحكي ..

مها : هيه .. بس خلي بالج على وائل ...

وجافت رانيا وائل بنظرة احتقار وردت تجوف مها وتقول : اممم ازا ما عندك مانع .. اااااا

وجافتها هيفا بنظرة يعني سكتي .. لكن مها جافت هيفا وضحكت وقالت حق رانيا :ارمسي ..

رانيا : بدي قول لرفقتي عنو .. ممكن

هيفا بصوت عالي : رانيا .. شو بيت ابوكي هايدا .. لاء مش ممكن .. ويالله اطلعيبرا

مها : هيفا!!!!!!!!!!!!! هيه حبيبتي ترومين تستعمليه وتزقرين ربعج من ربيعهوحدة .. اوكيك غناتي

رانيا : يااااااااااااي يااااااااااي بحبك بحبك بحبك انا .. لك تقبريني .. بديبروح خبرهون

وتركض رانيا تطلع من الغرفه وراها وائل الي مب عارف شسالفه المهم انه يسبح فيالماي البارد في هالصيف الحارق ... وتمت هيفا تهزب مها لانها خلت رانيا لكن مها فيداخلها كانت فرحانه .. انه في حد يحترمها ويقدرها مثل رانيا وهيفا .. وشكرت ربهاالف مرة على هالصديقه .. ولوت على ربيعتها بالقو .. وهيفا تمت اطالعهابستغراب..

مها : هيفا .. قومي بعشيج على حسابي اليوم وهاتي رانيا وائل .. يلا .. اوكيك ..ز

هيفا : اوكي .. متل ما بدك ..





------





في بيت جابر .. جابر كان في الحديقه يجوف الزرع والورد الي امر بزرعه اول متيت رجا البيت .. وقال انه بيخليه لين ما تكون في سن يخولها تفهم معنى الورد وحق شويرمز .. معا انه رجا كانت تحب الروز وااايد .. يعني ما كان لازم يشرح لها .. وتمتجابر ماسك الروز في ايده وهو يفكر في عذابه .. البارحه سمع صوتها الفليل .. وهو رادمن الشيشه .. صوتها فيه بحه .. ويسحر من يسمعه .. تمنى لو يقدر يمسعها على طول ..بس .. سأل عمره .. كيف افكر فيها .. هاي مجرد مراهقه .. لا اكثر ولا اقل .. وياهل .. وانا .. انا عود ... اووووووووه شو بلاك يا جابر تفكر اذا عود ولا لاء .. انتشلك فيها .. برايها .. بس ما قدر يخوز تفكيرها عن باله موليه ... قعد يفكر في شعرهاالمموج .. وجمالها الغجري البريئ .. الي فيه نوع من الشراسه والبراءة ... بس بريقعيونها كان امعذبنه موت .. اول مرة يشوف عيون تبرق جيه .. حس انه هالعيون شدته وايد .. تمنى لو يكتشف سر هالعيون .. سر العيون الي تحمل في بريقها وطياتها كل الم وعذابوقهر .. ورد في خاطره وقال .. صدق من سماها .. ولله انه صدق ..



وشوي ومن وراه تييه رجاوي وهي تركض وشعرها كان غادي كشه لانه بطلت الشباصةعشان المربيه شدت عليها وايد .. وشعر رجاوي ما كان ناعم .. كان كيرلي ولونه قمحيقامج ..

رجاوي وهي تحج شعرها : بابا .. بابا .. توف ايملي .. تشد شعلي واااااااااااايدقو ..

جابر : ماعليه حبيبتي ايملي ما قصدت ... وهاذا شعرج ابوسه ..

رجاوي وهي تضحك : ههههه .. الحين ما يعورلني

جابر وهو حتى لو كان في قمه اعصابه .. وقمه ثورته .. لكن ما يقدر يقاوم ضحكةرجاوي الي كانت بريئة .. صادقه .. تطلع من قلبها الصغير الصافي الي ما يحمل اي حقداو كره للاي مخلوق ... ورد عليها : فديت روحج انا .. حبيبي انا بروح الحين بيت عموهعذيجه .. عند سالم .. يالله بتين

رجاوي وهي تناقز : هييييييي هيييييييي yes yes ........... ايملي .. ايملي ..تعالي.. dress me بسرعه بثرعه قبل ما بابا يلوح ..

ويضحك جابر ويدخل البيت عشان يتسبح ويحلق ويطلع يروح يتعشى في بيت اخته عذيجه ... طبعا كل اربعا .. العائله تتميع في بيت عذيجه ... جابر .. بو سعيد ( سالم )واختهم الي معرسه من سنه .. منى .. بس علاقتها مع جابر كانت سيئة .. لانها تزوجتواحد جابر ما سمع عنه خير .. لكن منى تحدت الكل وتزوجته ..

بعد ما طلع جابر من الحمام وحلق ( نعيما ) راح ولبس كندورته السودة وسفرتهالبيضه .. معا انه الدنيا حر بس كان يحب اللون الاسود ويعشقه وطبعا تعطر وتدهنوتدخن ودخن رجاوي .. كان في الاجتماعات العائليه لازم يلبس كندورة ويتسفر والابيلقى نقد من اخوه العود سالم .. الي ابوه حرمه من ميراثه لانه تزوج وحدة امها هنديه .. وخلاجابر مسؤول عن كل شي ويوم مات بو سالم .. طلب جابر من سالم انه يستلم الادارة ..لكن ما وافق .. وتمنى انه وصيه ايوه اتم مثل ماهيه .. فخلى جابر سعيد ولده العودالمسؤول والمدير التنفيذي .

بعد خمس دقايق وصلت عذابه بيتهم .. او بالاحرى بيت ابوها .. تنشفت الصعداءودخلت داخل .. محد كان في الصاله .. لا ابوها ولا مرت ابوها ولا خوانها .. شويوتحصل دلال ناقزة لها .. وهي تضحك .. دلال كانت للاسف فتاة معوقة يعني منغولية ..كانت 10 سنوات لكن تنبان انه عمرها 6 او 5 سنوات .. واول ما جافت عذابه استانست منالخاطر ولوت عليها وهي تقول بعض الكلمات : ااه . اه عذبة .. انت.. انتي .. هني ..

عذابه وهي تبوسها : هيه حبيتي .. انتي شحالج ..

وترد عليها دلال بضحكة وتعرف عذابه انها مستانسه .. وشوي وتسمع صوت اخوها محمدنازل من الدري ..

عذابه : محمممممممممد .. فديت ويهك انا

محمد: اوه عذروبه هني .. حيالله من يانا ولله ...

عذابه وهي توايه اخوها : حيالله بو جسيم .. وينك يالقاطع مالت عليك ولا تتصل .. ما تقول عندك اخت تسأل عليها حيه ميته .. تحتضر هههههههه

محمد: ههه قال لله ولا فالج .. خيبه شو هالرمسه هاي ... لا بس كنت مشغول ..كلاسات ودنيا

عذابه : هيييييه اونك عاد اونك .. ( وتحط ايدها على ويهه وتدزه على ورا ) وينابوي ؟؟

محمد : ابوج في بيت يدي .. الحين بيي

عذابه : وخالوه

محمد: امايا في حجرتها سيري لها جان تبين .

عذابه اوكيك .. وتصعد الدري وتمر على حجرتها تعق شنطتها وتسير تسلم على مرتابوها امنه ..

عذابه وهي تي شوي شوي وراها وامنه كانت تصبغ صبوعها ومب حاسه بحد وتسويلهاعذابه من ورا : سوبراااااااااااااااااااااااايز

ويطير المنكير ويطيح على السيراميك وينكسر وتخيس الارضيه ...

عذابه ونظرة براءة : اوبس

امنه وهي تجوف عذابه بنظرة غضب وشوي وبتضربها وتقول بتصفعها ومرة وحدة تلويعليها : فديتج ولله تولهت عليج

عذابه : انا بعد ولله خالوه .. شحالج .. سوري ولله عالصبخ الي طاح الجين بنظفه ..

امنه : عن هالحركات برايه .. جلوريا بتنظفه الحين .. المهم انتي شحالج .شخبارج .. شحال امج؟؟

عذابه وهي لاوية بوزها : حمدلله .. بخير .. مثل ما هيه ...

امنه : فديتج لا ترمسين عن امج جيه .. خلج زينه وياها

عذابه : خالوه .. خاطري اعرف شو تبيبها .. اف .. انا ابا اعيش هني ولله

امنه : عذابه !!!!!! عيب .. انتي تحبين امج .. بس الماضي وايد مأثر عليج .. اني بعدج صغرة .. لا تخلين الحقد يملي قلبج با عذابه .. الحين روحي سلمي على ابوج .. شكله رد من بيت عمتي

عذابه وهي عاقدة ايدها : زين زين انشالله .. الحين بروح

وتروح عذابه عشان تسلم على ابوها .. واتم امنه امبحلقه في الباب بعد ما طعت عذابه .. وكل ما تجوفها تتمنى لو دلال بنتها كانت مثلها ونفس حيويتها .. بس استفرت ربها لانه هذا قدر ومكتوب .. ولله الي كاتبه .. ما نقدر نعترض عليه .. بس ااااااه لو ...



امنه مرت راشد طليق مها وبنت عمه ابوها .. كانت جميله بس مب بقدر مها .. يعني سنين العمر بانت على ويهها اخر العنقود كانت دلال الي كانت حزن خيم على العائله كلها .. محد توقع انها بتنولد معوقه او منغوليه .. الدكتور خبر راشد انها ما بتعيش اكثر عن سنين لانه عندها ثقب في القلب وهذا يسبب لها مشاكل .. لكن سو لها العمليه والحمدلله الحين اهي بخير .. لكن حالتها كانت دايما بالنازل ..

محمد اخو عذابه العود عمره 20 سنه .. قصير نوعا ما يعني طوله اوكي .. اسمراني .. ضعيف وشكله يبين انه اصغر عن عمره بوايد وكان يدرس هندسه معماريه في جامعه الامارات ... وكان نازل اليوم الويك اند ..

وجاسم .. كان الشقي والشيطان في البيت .. اكبر من عذابه بسنتين .. ودومه مشاكل وياها وعلاقتهم ما كانت وايد اوكيه لانه يعتقد انه عذابه دخيله على العائله وما لازم تكون موجودة ..



عذابه وهي تعق عمرها في حظن ابوها : فدددديت ابويا انا .. ولله متولهه عليج حياتي ولله

راشد: هلا ولله الغلا كله .. هلا بالشيخه هلا .. وينج ما تسالين ما تين

عذابه : ابوي تعرف انتقلنا بيتنا اليديد وجيه عفسه ولين ما ستقرت امورنا يتك

راشد: وامج شحالها

عذابه بنفس : بخير .......... متى بنروح بوظبي

راشد: اممم بعد ما نتريق باجر بنطلع يعني عالساعه 10 جيه

عذابه : خلاص عيل بتزهب .. ابا اروح المارينا .. وبوظبي مول .. ووو

راشد: خيبه خيبه .. لالا ما بنروح كل هلاماكن .. وين تبين .. بنسلم على خواتي واخواني وبس .. وبعدين يمكن احن عليح واخذج .. سلمتي على خالتج امنه

عذابه هيه سلمت عليها .. ابوي انا بخليك زين .. بروح ارقد تعبانه .. وعقب بسلم على يدوه اوكيك

راشد: زين بنيتي



----





في بوظبي .. محمد كان يالس في ميلسهم وخالد ياه توه وياه ربعه حسن وحمدان ...

محمد: ولله ملل اليوم مرة ..

حمدان : ملل وبس .. الا ملل وملل وملل .. قومو بنطلع شباب

حسن : لا يابوي ما فينا ولله خلنا يالسين

محمد كان سارح في افكاره لبعيد للاخص محبوبته الي جافها في برجمان .. ولينالحين مب قادر يعرف عنها شي .. الافكار تروح وتي في باله وتفكيره .. يتمنى لو يعرفشو هيه بس للاسف .. ما قدر يكتشف شو هالاحاسيس الي كانت تبني في داخله ووجدانه .. بعدين احر شيقال .. وبصوت مسموع : ويعني

والتفتو عليه الشباب مستغربين منه عقب قالهم عشان ايشل التوتر الي مخيم فيالميلس : انسير المول يالله

نشو الشباب وطلعو ركب خالد مع محمد اما حمدان ركب ويا حسن في سيارته .. وكلهمسارو المول .. طبعا سيرة المول بنسبه لمحمد يعني حق الرلاكس يقعد هناك يشرب كوبييطنز على خلق لله واذا عيبته وحدة رقمها .. اما خالد فشغلته اهي المواعد لا غير ..يعني عمره ما سار المول الا وهوه مواعد .. اما حسن فيسير عشان العطور واخر ما نزلومن العطور العربيه او الفرنسيه .. وحمدان حق الاكل وبس ..

وانتهى اليوم على خير من الكل .. اما بالنسبه لجابر .. فكان يكره الجلساتالعائليه لانه يذكرها بامه .. ويشتاق لها اكثر واكثر ... وكان يذكر كل يوم خميسيروح يقعد عند عمه وبالاخص يروح عشان ميسون .. بس كل هذا تغير بلحظة بدقايق ..بثواني .. والي سرع الحدث .. حد ما يغفرله جابر فعلته طووول حياته .. تقطع عليهعذيجه تفكيره وتقوله : جابر .. ما تبى كريم كراميل

جابر بنفس : لاء .. عطي ريل اختج

عذيجه : جابر بس عاد ... عيب .. لا تنسى انه بيكون ابو ولد اختك

جابر وهو يطالعها ورافع حياته : ها !!! منو حامل !!

عذيجه : هيه شو يعني ..

جابر بشمئزاز : ماشي .. سلامتج ..

وتسير عنه عذيجه وتيه ميثى تيلس حذاله : هلا جابر

جابر: اهلين

ميثى : بلاك ترد بنفس

جابر: سلامتج ...

ميثى: وبعدين وياك ؟؟

جابر: شو تبين مني انتي .. حشرتيني تراج .. اقول .. ليش ما تأذين خطيبج ..

ميثى : خطيبي في ميلس الريايل .. ويا الريايل .. انت شو ميلسنك وياالحريم

ورمقها جابر بنظرة خلتها تسكت على طول وقال : محد طلب قالج اسألي انسه ميثى ..وبعدين مالج خص

ميثى وهي تحس انه في داخلها تتقطع تدمر .. الدم ايل فيها بدا يحرق عروقها ..تمنت لو تموت لو الارض تنشق وتبلعها .. لو فيه مكان ممكن تنخش فيها وتبى تصارخ تقوللييييييش ليييييش يا جابر ليش .. بس الي سوته انها بلعت ريجها وقامت وعدلت جلابيتهاوقالت له : لله يعين الي بتعيش وياك .. اسمي بتموت في عز شبابها

جابر وهو يبتسم : شكرا للاعلامي .. عشان يوم تموت اعرف من شو

ميثى تمنت لو تقدر تضربه .. بس مسكت ايدها وكورتها عدل وسارت يلست عند مرتاخوها ابتسام .. .اما جابر فنش من مكانه وراح عند الدريشه الي اطل على القسم الثانيمن البيت .. كانت حجرة ميسون اطل من هالدريشه .. طلع من الباب وسار القسم الي فيهحجر البنات .. ما بغى يدخل بس غصبن عنه .. محد جافه .. او هذا الي اعتقده .. لكن فيعيون كانت تجوفه .. عيون سود واسعات متعذبات حيل من السنين .. عيون في طياتها كلحزن وعذاب وامل مقتول .. كانت اطالعه ميثى وهو يدخل حجرة ميسون والدمع في عيونهافضحها .. بغت تصيح تروح عنده تسأله .. بس مسكت نفسها ولاحظت ابتسام هالشي وسألتها :ميثوه .. بلاج

ومثت ميثى عيونها بباطن ايدها وقالت : لله ياخذ العدسات ..

ابتسام : ههههه فديت الي ماتبى تخش عيونها ..

اتبسمت ميثى للابتسام .. لكن ابتسام تعرف بالي داخل ميثى من صراح نفسي قوي ..مب قادرة تتحكم فيه او تسيطر عليه وللاسف .. راح تزوج لشخص .. ما تكن له اي مشاعر .. او مالها نيه انها تكن له

ابتسام : فديتج .. لا هنتي عيوني .. بس هاتيلي باسكن عموه شاريه اليوموايد

ميثوه : يالهباسكن هذا .. زين .. اللحين بيب لج ..

ابستام فديتج ولله ..



في غرفه ميسون .. كل شي كان مكانه كانها عمرها ما فارقت الغرفه .. صورهامحطوطة كل مكان .. في كل زاوية من الغرفه .. حجرتها كان يطغي عليها اللون البنفسجيوالاصفر الفاتح .. دفتر مذكراتها في مكتبها .. مجلات تعود لسنه 1998 مكياجاتهامكانها .. حتى انه تجرأ وفتح كبتها .. ثيابها موجودة .. زهبتها .. اااااه يا ميسون .. جفت زهبتج وانتي محد .. لله يسامحني .. ليش جفتها عشان اتعذب زيادة .. بند الكبت .. وسار صوب مكتبها يلس عليه .. جاف كتبها مالت ثالث ثانوي .. فتح الكتب وكله مكتوبجابر .. احبك جابر .. حبيبي جابر .. عيوني جابر .. M + J = LovE وتم يبستم وهو يقلبالصفحات .. لكن يوم وصل لصفحات الاخيرة .. حصل انه اسمه بدا شوي شوي ينسمح .. يعنيحد كتبه وشطب عليه .. وحصل مكتوب " S " سكر عيونه وبند الكتاب بقوة .. كانت حقيقهمرة انه يكنشف خيانتها بعد ملجتهم بأسبوع ... كيف قدرت تخونه .. بس بعد كل هذا ..كان يموت فيها .. كان يحب التراب الي تمشي عليه ... يسويلها كل شي .. ويوم عرف انهاتكلم غيره .. قالها مافي شي بيبعدني عنج .. حبه لميسون كان اعمى .. اعمى .. اعمىلدرجه كبيرة .. كان غبي .. مغفل .. بس الحين تغير الشاب المغفل وصار جدي .. مايستحمل المزاح .. ما يحب ياخذ ويعطي ويا الناس .. تنهد جابر وجاف حواليه .. بس قبللا بطلع جاف صورة امبروزة ومحطوطة عند الفراش .. كانت صورتهم في يوم المجله .. شلالصورة ويت الذكريات ونعشت من جديد .. حب الصورة وحطها ويوم لف حصل مرت عمه يالسهعند الباب وهي اطالعه والدموع في عينها

جابر وهو يحب راسها : فديتج ولله خالتي لا تصيحين

ام حامد: كيف ماصيح يا ولدي .. كيف ماصح وهي كانت مثل الوردة .. راحت .. راحتقبل لا افرح فيها .. ميسون اول فرحتي من البنات .. كيف ماصيح

جابر: خالتي .. ليش ما غيرتو الحجرة

ام حامد: حلفت على جاسم ما يغيرها .. ماله خص فيها ... بتم هالحجرة مثل ماهيه ..

جابر وهي يتمعنها للاخر مرة ويقول: لله يرحمها ويجعل من قبرها روضه من رياضالجنه يا خالتي

ام حامد: امين ياربي .. امين يا ولدي ..

جابر: خرص خالوه .. الوقت تاخر الحين 10 وشي وبعدين باجر وراي دوام .. ورجاويلازم ترقد

ام حامد: يا ولدي خليها ويانا .. تعرف حمد يموت فيها ... ههه بنيوزها اياه يومبيكبر ..

جابر وهو يضحك: ههه لا جاسم وايد شيطان وبيعلوزها ولله ..

ام حامد : فديت جسوم انا .. ههه هو شيطان على ابوه بعد على منو

جابر : وحليلك يا حامد يطرونك يغيابك .. خلاص خالتي .. اجوفكم الاسبوع الياي ..

ام حامد: مع السلامة جابر

ويسلم عليهم جابر واحد واحد وياخذ رجاوي وياه الي كانت راقده عالجتفه ودخلتسيارته ورد البيت ..



--------------







الساعه 11 الصبح .. عايله راشد كانو كلهم في السيارة الجمسي .. امنه جدام طبعامع راشد الي يسوق .. واحمد مع دلال في السيت الوراني .. اما عذابه ومحمد فكانورواحهم في سيارة محمد لانه يبى يطلع ويتكشت في بوظبي .. طبعا في سيارة راشد الهدوءكان مخيم .. يعني سوالف بين امنه وريلها .. واحمد كان يلعب في تليفونه ودلال تجوفمن الدريشه كل شي .. وتستانس وكل الوقت كانت تضحك .. اما عذابه ومحمد فكانو حاطينعيضه " راس المعزة " ومحمد يالس يسوق بأيد ويرزف بأيد ثانيه .. وعذابه تنعش .. طبعاكان مخفي شامل مرة عاميها .. يعني ماكان شي ينبان مول .. وكل ساعه يعيدونها ...

عذابه: تعرف من متى من سايرة بوظبي

محمد: من متى

عذابه: بااااااااااااااااااااال ستوالي دهر ولله تقريبا من 4 شهور

محمد: هههههه الحين اتحسب من قرون ... صدق انج

عذابه : ولله متوله على عماتي وايد ..

محمد: هيه ولله .. بس عماتج ولله انهن ها

عذابه: شو ها ؟؟ شو مستوي

محمد: تخيلي يبوني اخذ بنتهم . حليمه

عذابه: وااااااااااااااع احلف

محمد: ولله تخيلي ..

عذابه : ههه تستاهل .. هذا عقاب على شي سويته وما اعترفت فيه ههههههههه

محمد: عفكرة سخيفه.. سكتي سكتي لا بفرج من الدريشه

عذابه : هههههههااي عاش بوجسيم ..

محمد: عذبوه .. جب

عذابه وهي تحط ايدها عبوزها .. بس سكتناه ..


وصلو بوظبي الساعه 12 ونص .. وطبعا سلمو على عماتهم وعمامهم .. الي انتقلوبوظبي عشان الشغل .. استانست عذابه يوم جافت بنات عمتها وعمامها ... بس علاقتها ويابنت عمها شفى كانت الافضل .. يعني شفى تخبرها كل شي وعذابه تخبرها كل شي .. وشىتكبر عذابه بسنتين يعني عمرها 17 سنه واخر سنه لها في المدرسه ..

شفى : فديتج ولله تولهت عليج يالدبه

عذابه : انا بعد حياتي ... شو مسوية .. مب شكلج متنتي

شفى: شسوي عاد .. تدرين الحين انا ثانوية عامه اكل الكتب اكال

عذابه : ههه وشو طعمهم

شفى: واع يلوع بالجبد ..

عذابه : لله يغربل بليسج بس .. انزين شو كنت بقولج .. شو رايج نروحالمارينا

شفى وهي اطالع عذابه من فوق لين تحت : بس .. تلبسين شيله وعباه

وتضرب عذابه ايد شفى وتقول : ما طلبتي ... اقولج شو رايج نتنقب

شفى: اوكي ماشي مانع .. هههه باخذ نقاب اميه .. عندها 3 .. واحد حقي وواحد حقج .. بس منو بيطلعنا

عذابه : محمد بعد منو

شفى وويها حمر يوم قالت محمد وعذابه لاحظت هالشي بس سكتت لانه لو في شي جانشفى خبرتها مابغت تضغط عليها فقالت : يالله نروح نتلبس

شفى: اوكيه ..
----

في دبي .. تحديدا في مزهر .. مها وهيفا كانو يسولفون عن الشغل والطلعاتوعيالهم .. وطبعا البيت كان مستوي حشرة من ربع رانيا الي كانو 4 يو يتسبحون فيالحوض .. طبعا مها كانت متضايجه من الحشرة بس غصبن عنها ابتسمت لانها اهي اليطلبتهم ايون ... بس تفكير مها سرح في مكان ثاني .. سرح في سنوات 5 مضت ... كانعمرها 27 سنه .. كانت في بدايه مشوارها المهني .. يوم كلفوها بأول عمليه لها وكانترادة من المحكمة على قضيه حضانه البنت .. بس كانت كبيرة كفايه .. وفازت مها .. كانتفرحانه وتعيسه في نفس الوقت كانت مرتبكه .. ذهنها سارح ... وما كانت تدري بالي يدورحواليها .. وشوي وتزقرها هيفا وبمناداتها .. قطعت سيل الافكار والشريط المخيفللماضي ..

هيفا : بشو عام تفكري !!

مها وهي مرتبكة وعيونها يمين يسار واخر شي استقرب على كوب العصير وقالت : ماشي .. افكر في عذابه

هيفا وهي تبتسم : شو بها ؟

مها: ماعرف .. هل تربيتي لها غلط .. هل كنت لازم اعطيها للابوها

هيفا وهي عاقدة حياتها : بلا كلام فاضي .. شو هاد .. انتي اما .. وبعدين عزابهمافب متلا .. بس انتي تحسيها مش منيجه .. لانو انتي تفكيرك سلبي بكل شي حبيبتي ..ز

مها : بس بس بديتي ها .. اقولج .. ولد وينو ؟؟

هيفا: عام يلعب ؟؟

مها : اها .. اوكي .. انا بروح اتسبح .. اوكيه

هيفا : اوكيه حبيتي .. نعيما مقدما ..

مها : ينعم عليج .. يوم برد بنطلع نتغدى ..

هبفا : اوكيه منيح

ويوم سارت مها عن هيفا .. جافت البنيات وهن يتسبحن وحزت في خاطرها وايدهالسالفه .. تتمنى لو انه رانيا مثل عذابه بالضبط تحترم وتحب امها .. كانت ندمانهاشد الندم لانها خيبت ظن بنتها فيها .. بس كان هالشي لصالحها .. بغت لها الاحسن ..بس للاسف خربت العلاقه الجميله الي كانت قبل بينها وبين بنتها الوحيدة عذابه ..



اما هيفا فكانت تجوف مها وتعرف الصراع النفسي الي تمر فيه حاليا .. فترةالمراهقه صعبه جدا .. وحتى الف متعلم ومتعلم ما يقدر يفهمها الا اذا عاش السن ..ومها ما عاشت مراهقتها ابدا لانها وهي اكبر من عذابه بسنه يابتها .. اي مراهقه هايالي عاشتها بس .. يعني حتى لو حاولت انه تفكر في تفكير عذابه ما بتقدر .. بس عذابهماكانت مشكلتها السن او المراهقه .. عذابه كبرت بين يوم وليله بعد ما امها حطمتامالها .. بعد ما سحقت امالها وضيعتها .. ستوت مها بالنسبه لعذابه مجرد الحرمة الييابتها لدنيا .. وصله دم اسمها الام .. وتعيش معاها بس عشان المحكمة امرت .. ولااهي ما بغت .. تبى تعيش بين عايله .. كلها حب واحترام بين ام واخو وابو وخوات ...لكن مها خربت هالحلم الجميل ...

تنهدت هيفا وسارت صوب البنات تلاعب وائل والبنات يضحكن وياكل حلويات وجبسات ..



----





في المكتب جابر كان قاعد يدرس البضاعه الي يت من المانيا .. وسعيد ولد اخوهالعود كان يالس وياه في المكتب .. سعيد كان يخاف من جابر وايد معا انه الفرق بينهممجرد 3 سنين .. بس يحس انه جابر اكبر بوايد من سنه .. يحس انه شيبه نظراته كانتوايد حادة تخلي الواحد يقشعر بدنه يوم يكون بينهم نظرات .. اهو يعرف سالفه جابر ..بس ليش مب قادر انه ينسى الي فات ويعرف انه الحياة تستمر وانه الحي ابقى من الميت .. بس سعيد كان ساكت كان يخاف يتكلم جابر يعصب عليه ..

جابر: سعيد ... ابوك مب ناوي ايي الشغل

سعيد : عمي تعرف انه ابوي عنده شغله الخاص .. بعدين تعرف وصيه المرحوميدي

جابر وهو يرفع حياته: انت روحك قلتها المرحوم .. يعني خلاص مات .. ليش ابوكجيه عنيد

سعيد في خاطره : طالع على اخوه ..

سعيد: ماعرف ولله عمي .. ابوي عزيز النفس وايد

جابر : قاص على عمره الا .. انا اليوم بمر عليكم الفليل

سعيد: حياك عمي

جابر تم ساكت وقالت في خاطره : لازم اجهز رمسه مناسبه حق اخوي .. انا مابقدرادير كل شي بروحي .. محتاج حق اخوي .. بس وينه عني .. مخليلي ولده وهو غايب ... صدقانك جبان يا سالم ...

بعد ماخلص اهم الاشياء الي عنده قال حق سعيد اذا خلص شغله خلاص يطلع وانه هوهبيرد البيت وبيمر عليهم المغرب مع رجاوي ... مرت سالم ما كانت تحب رجاوي تحس انهادخيله .. وانها مب مرغوب فيها وعندها امتيازات اكثر عن عيالها الي هم الاحق فيبيزات يدهم .. لكن يوم تقول حق سالم يقول انه جابر حاليا اهو الامر الناهي ...

ايمان: يا سالم .. هالبنت يا يبها من الشارع .. يعني عادي تكون بنت حرام .. لاوبعدين بتاخذ حقك وحق عيالك

سالم : يا ايمان بس عاد .. الحمدلله الخير وايد ..

ايمان: لاء يا سالم ... انا مابرتاح الا يوم هالبنت بتختفي

سالم وهو يضحك بسخربه: ههه ولا بي هاليوم اصلا .. ماتجوفين جابر كيف متعلقفيها .. يموت فيها .. يته في الوقت الي كان بحاجه حق حد والكل ودره .. عذيجه مشغولةبريلها .. منى عرست وهو كان يكره ريلها .. وانا كنت بعيد عنه .. يعني رجا كانتالحبل الي يتمسك فيه ... بعدين جابر مب مقصر .. ومخلي سعيد الكل بالكل

ايمان: بس انت لازم تكون مكانه

سالم : وبعدين يعني ايمان .. فظيها سيرة .. كل يوم على هالموال

ايمان جافته بنظره تعب وملل منه وسخريه عقب طلعت من الغرفه سارت الصاله تجوفبناتها .. اما سالم فقعد بريحاته وهو يفكر في اخوانه وكيف ابتعد عنهم .. بعد موتامهم الكل ابتعد .. الكل استوى بعيد .. بس لو مب بيت عمهم ما كانو بيتيمعون .. لكنسالم ما كان يحب بروح هلاجتماعات العائله لانه تذكره بالوالد والاخص الوالدة .. امسالم .. اطيب واحن وارق امهم وحرمه اي حد عرفها .. كانت معروفه بطيبتها .. وحبهاالكبير لكل الناس .. كانت تعشق كل عيالها .. ما تفرق بين احد فيهم.. بس حبها لجابركان غير .. كان ولدها المفضل .. ودوم سالم كان ينقهر من جابر ... جابر تعلق في امهوايد .. ما قدر ينساها .. كانت له كل شي في حياته .. ويوم ماتت يته حاله عصبيه ..ماقدر يتصور انها راحت من عالمه من وجوده من مكانه ... انها ما عادت تتنفس نفسالهواء الي يتنفسه .. انها راحت لدنيا ثانيه .. بس هذا الي بعدهم اكثر .

نشت عذابه من نومها وهيه تحس بكسل وتحس بتلذذ من نومة البارحه .. صدق رقدت اول مرة وهي مستانسه او مب حاسه انها تحاتي شي .. بس في داخلها كانت متولهه على امها وايد .. ضحكت واستغربت اول مرة تفكر فيها .. بس يوم ردت تفكر كانت دوم تفكر في امها وتتوله عليها يوم تكون في بيت ابوها كم كانت امها تنقهر من امنه مرت ابوها وبنت خاله ابوها .. عذابه كانت صدق مضايقه لانها اليوم بترد دبي صح ربيعاتها ما كانن ايقصرن 24 ساعه داقات عليها .. بس تولهت على سكون وهدوء بيتهم المخيف الي لين الحين مب فاهمه سره .. يقطع عليها افكارها .. صوت الباب .. كالعادة كانت شفى الي يايه توعيها وتخبرها انه وقت الريوق

شفى: اف اف اف مب رقاد حشى .. جوفي عيونج كيف منفخات هههههه

عذابه: اقول شبريه منو هاي ههههههههه ولله انها فنانه

شفى: هههه هاي كانت شبريه خليفه قبل لا يسافر .. وبعدين امايا شرت له وحدة يديدة وحطو هاي في غرفه الضيوف عاد الحجرة الي دوم تسعملينها مسوين لها صيانه والمكيف خربان ..

عذابه : لا عادي .. الا خلوف شحاله

شفى: خلوف اصغر عيالج يالهرمه .. اسمه خليفه .. وبعدين بيرد شهر 6 وشكله امايا بتخطب له

عذابه: هههههههه وحليلك يا خلوف بيشلونك من عزوبيتك

شفى:الله يخليج عمره قريب الثلاثين .. وين تبين

عذابه: انتي الي وين تبين .. حرام عليج الريال عمره الا 25 اونه قريب الثلاثين

شفى: هههه الا ماراويت لج ..

عذابه : شو !!!

شفى: ههه مطرش لي عالايميل صورة ربيعته وحدة من لبنان بس يقول انها ماخذه الجنسيه البريطانيه

عذابه : ياويلي عليك يا خليفه .. يالله قومي بجوفها

شفى: تغسلي اول عقب براويج

عذابه وهي تشم عمرها : جيه بلاني الحين

شفى وهي تيود خشمها وتعقد حياتها وتسوي في ايدها حركه الريحه الخايسه وتقول : اف ذبحتينا بريحه ثمج

عذابه مسكت مخدة وضربت شفى عراسها : ماااااااااااااالت عليج .. الحين انا ريحتي خايسه .. اصلا يتمنووووووووووووووووووووووووووووووون فاهمه .. انتي شو معرفج يوم انه عطورج تتشرينها من الجمعيه .. هذيل الي اسمهم الريم وماشابه

شفى: جبو زين ... يالله جلبي فيسج جان تبين تجوفين الصورة

عذابه وهي تشل عمرها : زين زين ..

وسارت عذابه تتسبح وتغسل مثل ما قالت لها شفى .. اما شفى فدخلت النت عشان تفتح ايميلها واطلع الصورة .. وشوي ويرن تليفونها ..يوم جافت الرقم فز قلبها وعلى طول ردت عليه

شفى : الووه

محمد: هلا ولله بالورد والياسمين والفل والجوري والبنفسج

شفى وخدودها حمرن: هذا كله حقي .. ماخليت لي شي اقوله

محمد: يكفيني اسمع صوتج ولله

شفى: هلا ولله عمري .. تولهت عليك .. ليش مب قاعد في بيتنا لازم حركات اليهال وتروح تقعد عن بيت خالي

محمد: حبيبي تدرين انه عيالهم يبوني .... وبعدين مابروم اردهم .. وبعدين بيتكم كله بنات .. بالله عليج وين الشباب الي معرس والي ومسافر ..

شفى: اممم اليوم ما بتمرنا

محمد: اكيد .. يعني اروح دبي ولا اشوفج .. بموت ولله

شفى وهي خايفه: بسم لله عليك من الموت .. يعلني انا ولا انت

محمد توه بيقول شي وتدخل عذابه عند شفى ويسمع صوتها وهي تباغم : اف طلعتي الصورة

شفى وهي مرتبكه وويها احمر :هيه هيه الحين .. اقولج حمدة .. بكملج عقب اوكيه .. باي

محمد: انا براويها ملعونه الصير .. يالله فمان لله

شفى: ههه مع السلامة

وطلعت شفى الصورة جق عذابه الي تخبلت يوم جافت البينه .. كانت صدق رمز للجمال الانثوي الاول .. جسم متناسق .. عيون .. بياض .. بس الي مب محليها انها شقرا .. يعني جمالها مب عربي .. بس بين كل هذا حلوة ويوم جافت خليفه صدق اتغير ويهها كان متغير 180 درجه .. يعني صدق كان غير .. اخر مرة جافته يوم كان عيد ميلاد شفى ال15 وهي كان عمرها 13 سنه .. وخليفه كان 23 يعني كانت تعتبره شرات اخوها ودوم كانت تتلاسن وياه لانه دوم يعايب على شعرها الي شرات الاولاد ... ويمطه لها .. بس يوم جافته ابتسمت واوطلعت من الحجرة عشان ترتب اغراضها .





في مكان ثاني من بوظبي .. محمد كان قاعد لين الحين على شبريته وهو يفكر في بنت عمه شفى .. كان صدق يحبها موت ويهواها .. ويبى يعرسبها في اي لحظة .. بس طموح شفى الي كان ذابح محمد كانت تتبى تتخصص اخراج .. وتبى تشتغل في مجال الاخراج .. بس كيف وهو كله ريايل فيه .. حاول كم يقنعها بس اصرارها كان اقوى .. حتى انها كانت تهدد بقطع العلاقه ... ماهو حاله الا وجاسم داخل عليه وهو مغيظ

يعتدل محمد في جلسته ويتريا جاسم يقول شي ... عقب اخر شي رمس : شو هالحاله

محمد: شو بلاك ؟

جاسم: ماشي

محمد: ولله تقول

جاسم وهو مغيظ وماله بارظ قام من الحجرة وعطا اخوه احلى بولابس وقال: برايك ..

وطلع من الحجرة .. وتم محمد يجوفه وهو لاوي بوزه ويقول : ولله انك غريب ..




----




في دبي .. هيفا كانت قاعد عالــPooL تجوف وائل يسبح ورانيا تاخذ حمام شمس .. اما مها فتتيهم وهي تبتسم ابتسامه عريضه ..

مها : ولله اني يوعانه .. شو رايكم نتريق برا اليوم

هيفا وهي تنزل النظارة عن عيونها : كنت بتمنى ولله حبيبه البي .. بس حسام هلق بدو يمر علينا بعد شي ربع ساعه بتعرفي يوم الجمعه كلنا بنتجمع بيت اهلو .. وهو بيروح الصلاة

مها حست بكأبه فظيعه وحاولت تغطي عيونها بالنظارة الشمسيه وتذكرت امها وابوها الي امها كل يوم تتصل على موبايلها ومها ما ترد عليها وتحطه سايلنت .. كانت مشتاقه للامها وايد .. وللابوها لخوانها الصغار ولعيال اخوها .. لكن كرامتها اقوى من اي شي ..



" لو طلعتي من هالبيت يا مها وشليتي بنتج .. لا تفكرين تيينه مرة ثانيه "

" ابوي اكسر الشر الله يخليك .. مافي داعي لكل هذا "

" لا له داعي .. شو بيقولون عنا العرب .. انا عايش وبنتي تعيش في بيت عود روحها هيه وياهل "

" ابوي اولا انا مب ياهل انا عمري فوق الثلاثين وبنتي بعد مب ياهل .. ليش تسمم بدنيا في هالرمسه الفاضيه "

" هاي رمسه فاضيه يا بنت سهيل .. مالت عليج وهلى هالتربيه "

" ابوي عاد بس"

" جاب ولا كلمه .. اطلعي ولا تراويني ويهج مرة ثانيه "



بعد ما ردت هالذكريات الاليمه في بالها وتفكيرها وحست بالمهانه من اقرب الناس لها ابوها .. بس امها ما نستها ودوم تتخبرها عن حالها من خلال هيفا او عذابه .. لكن مها ما كلمت اهلها من شهر ونص .

هيفا رجعت مها للارض الواقع وعرفت الي يدور في راسها وقالت : اتصلي فيا

مها وهي ترد عليها وماكانت وياها عالخط وقالت : ها !!

هيفا : اتصلي في امك .. حرام عليكي

مها وهي معصبه وتنش من مكانها وتجوف هيفا بنص عين وتقول: مالج خص هيفا .. هذيل اهلي

هيفا سكتت لانها متعودة على مها وطبايعها الي ما ممكن تتغير وابتسمت وهي تقول مها حاولت تبن طيبه وقويه .. ماممكن تخبي عني انها مجرد قطوة خايفه من الزمن والعالم وتحاول تحمي نفسها وبنتها بمخالبها القويه وردت عليها: متل مابدك .. ( تنادي اليهال ) واثل .. رانيا .. يالله قومي هلق البابا بدو يجي

رانيا: ماما لهلق لوني ما صار تانج مابدي

واثل وهو يطلع من الحوض مستانس : بدنا نروح بيت جدي وااااو ..

رانيا : Ya ya yaمابعرف عشو فرحان هيك ..

ويصعدون فوق اليهال واتم هيفا ويا مها كل وحدة تفكر في شي .. والهدوء عام المكان .

بعد شوي قطعت هيفا الصمت الرهيب الي كانو عايشينه ورمست ..

هيفا : مها !!

مها وهي تلف صوب هيفا تترياها ترمس .. تكمل هيفا وتقول : البارحه الدكتور احمد اتصل فيكي على المستشفى .. قال انو كان عندك عمليه تخدير .. بس انتي اعتزرتي لانك مريضه ( وواطالعتها هيفا تترياها ترد عليها وكملت ) يعني ما بشوف فيكي شي

مها وما عجبها الكلام : مافيني شي يا هيفا .. بس مابي اخدر الحرمة وخلاص

هيفا : اوكي اوكي ليش عام بتعيطي علي .. مش انا الي حاطيتك دكتور احمد ... لك هاد انا ما بحبو ابدا سقيل الدم وكتير بيشوف الصبايا الي يدربو .. والي قاهرني اكتر انو الصبايا يموتو فيه ..

مها : هيه هيه

وبهدا الجواب انهت الحديث بينها وبين هيفا .. هيفا حست بضيج مها واستأذنت منها وراحت فوق عشان تبدل ثيابها وتساعد وائل في ترتيب شنطته .



-------




هني الكل كان متيمع عالغدا في بيت عم عذابه او بيت خميس الي كان الاخو العود الي انتقل لبوظبي عشان شغله .. وطبعا بعد الصلاة كلهم يتيمعون من اكبر شخص في العايله الى اصغر شخص وكانت عذابه تحب هالاجتماعات لانها تخليها تتقرب وتتعرف على اهلها اكثر واكثر ..

حمدان : الا منو هاي الي بليا شيله ولا شي !! اول مرة اشوفها في بيت خالتي عنود ؟؟

سالم : يالاثول ماتعرفها هاي بنت عم خليفه واخت محمد .. بس من الحرمة الثانيه

حمدان : احللللللف !!! يعني تقرب لي .. ولله انها فنانه ياريال

سالم : هيه بالنسبه لياهل !!

حمدان : هاي ياهل .. شكلها 19 او 20 بالكثير

سالم: هههههههااااااااااااي هاي 15 بالحلو

حمدان وهو فاج عيونه ومستغرب من الخاطر : صدق ولله .. ماشالله عليها .. تعرف .. تشبه عمي راشد وايد

سالم: هي ولله

في الصاله بيت خميس .. كانت وايد كبيرة يعني الطرف الاول الشباب والريايل قاعدين .. اما الطرف الثاني فكله بنات والحرمات بس البنات دوم ماخذات كورنر بعدي عنهم ايتمن ايطالعن شباب عايلتهن وكل وحدة تختار لها واحد ايبعيبها .. عاد يا الدور على محمد اخو شفى وبنت عمتهم هدى كانت وايد لئيمة وهي كبر شفى وجان تقول : محمد احلى واحد فيهم واي فديته صدق انه يخبل

شفى يوم سمعت هالرمسه ماتت من القهر والغصه وتمنت لو انها تقدر تيودها وتخنقها بس ضحكت وقالت : سمعت انه يحب وحدة

شفى يوم سمعت هالرمسه ماتت من القهر والغصه وتمنت لو انها تقدر تيودها وتخنقها بس ضحكت وقالت : سمعت انه يحب وحدة

كل البنات التفن صوب شفى حتى عذابه الي علامات الاستفهام كانت باينه في عيونها وقالت : قولي ولله !!

شفى : هيه ولله ..

البنات : منو !!!!

شفى: عاد هاي ماعرفها ... بس انا اكيدة انه يحب وحدة ..

هدى وهي مقهورة : اها ..!!

ونسن السالفه ودخلو في سالفه يديدة غير عن محمد وشفى لين الحين مقهورة من هدى .. وسمعت صوت موبايلها ياي من الحجرة وتسير عنده يوم جافت انه محمد اختفى من الحجرة ..

شفى : االوووه !

محمد: حبيبي انا في مكتب عمي .. ترومين اتيين ؟

شفى وهي متشققه : هيه اكيد .. يالله باي

وتروح شفى صوب مكتب ابوها وحصلت محمد يالس ايطالع من الدريشه ويوم دشت ما حس فيها فقالت : احم !

محمد وهو مستانس : هلا ولله

شفى وهي مستحيه ويلست على الكرسي الهزاز المحطاي : خير محمد

ومحمد يلس عالكرسي الي مجابلنها وتم يدقق في ملامح ويهها وقال: ليش زعلانه !!

شفى وهي مستغربه : منو زعلان ؟؟؟؟؟؟؟؟؟؟؟؟ انا !!!!!!!!!!!!

محمد: هيه جوفي ويهج

شفى وهي عافسه ويهه: محمد مافيني شي .. ولا تقعد تقول ويهج فيه شي

محمد وهو يطالعها يتريا كلمه منها .. اخر شي قالت : اف اف .. هاي هدو .. ماحبها .. قالت عنك انك حلو وفنان .. انا اغاااااااااااااااااااااااااار

محمد تم ايطالع شفى وعلى ويهه ابتسامه عودة عقب اخر شي ضحك ضحكه او مرة تسمعها شفى حتى انها تمت مستغربه من محمد لانه ما يضحك جيه ابدا وقال: فديت الي يغارون ياربي .. ومن منو .؟؟ من هدو هههههههه صدق انه ماعندج سالفه .. اودر القمر واسير عند البقر .. لا فديتج عيل ماعرفتيني

شفى استحت واايد وخدودها احمرن : محمد بس عاد .. ( وتحط عينها في عينه ) محمد انت لو صدق تحبني جان رمست ابوك يكلم ابوي وتخطبني ..

محمد وهو عاقد حياته: شفى انا لين الحين مااشتغلت ولا خلصت جامعه

شفى: برايه .. ابوك بيساعدك .. ماعتقد انه ابوك ناقصه شي والحمدلله ولا !!!!

محمد: ماعليه يا شفى يصير خير


شفى قامت من عند محمد وهي مغيظة وصارخت فيه وقالت : انت شو .. شو من البشر .. تعرف انه امك تبى تيوزني جاسم !!!

محمد يوم سمع هالكمله انصدم وتم امبحلق عيونه .. مب عارف شو استوى .. حبيبته تروح حق اخوه .. واخوه الصغير الي يصغره بسنتين .. لاء مب معقولة .. امه كيف ممكن تسوي فيا جيه كيف ...

شفى :........................ اذا بتقعد ساكت وايد انا بطلع .. عن اذنك

وتطلع شفى من عند محمد الي هو كان حاس انه الدنيا ومسار الارض استوى فيه شي .. معقولة .. شفى .. شفى .



المسا عائله راشد كانت في دبي وفي بيتهم .. عذابه وصلها ابوها بيت امها بس ما نزل يسلم عليها لانه يعرف انها ما بتطلع وامنه بتزعل وايد .. طبعا عذابه المفتاح كان معاها ففتحت الباب ودشت ..

عذابه وهي تعق شنطتها :Home M’I

مها وهي نازله من فوق وفرحانه لانه عذابه ردت ونزلت تحبها : هلا ولله نور البيت

عذابه بكل تكبر : اعرف ...

مها متعودة على اسلوب بنتها فما عطتها وايد سالفه وقالت : ابوج واخوانج شحالهم

عذابه وهي تصعد الدري : بخير ولله ................ أمايا بروح اتسبح

مها : انزين بخلي البشكارة تحط العشا

عذابه: اوكيه

سارت مها المطبخ وخبرت البشكارة تحط العشا .. وهيه سارت يلست في الfamily room او غرفه التلفزيون وتمت اطالع تلفزيون فلم كانت اتابعه قبل لا اتي عذابه .



----




في الحمريه ..



ميثى كانت تخلص شغل وملفات يابتهن من الشغل هني عشان اتخلصهن وموبايلها كان حذالها .. وشوي ويرن التليفون الا خطبيها متصل .. ميثى يوم جافت الرقم لاعت جبدها وحاست بوزها وحطته سايلنت .. وكملت شغلها .. ورد اتصل مرة ثانيه .. اخر شي ميثى صدق طفرت منه وردت عليه

ميثى: الووه

جمعه: سلام عليكم

ميثى: عليكم السلام

جمعه: شحال الورد !!

ميثى في خاطرها ( في الحديقه ) : تمام .. انت شحالك !!

جمعه: بخير يوم اسمع حس محبوبي

ميثى: جمعه ولله خاطري ارمسك بس .. انا عندي شوية شغل في المكتب .. يعني اكلمك بعدين

جمعه وهو معصب : اف كله شغل شغل .. هذا ونحن مالجين يه .. عيل يوم بنعرس كيف .. ميثى لوسمحتي اباج تجوفين حل حق هالمشكله هاي

ميثى: جوف يمعه انه خذتني وانت تعرف انه الشغل من اولياتي .. يعني لا تي الحين .. وتقول ما تباني اشتغل لانه الشغل وايد مهم في حياتي

جمعه: ليش عاد انا مقصر عليج بشي

ميثى ( وهي تتافف ) : لله يطولج يا طوله البال .. جمعه مع السلامه مشغولة انا باي

جمعه ما قال لها شي وسكر في ويهها التليفون وهي تمت مقهورة لانه بند في ويهها بس استانست عشانه زعل .



جمعه صدق تم مقهور من ميثى الي كانت دوم تجافيه .. دوم تحاول انها تصده بكافه الطرق والاساليب .. كل ما حاول انه يتقرب منها هي تبعده .. وللاسف بأعذار واهيه وسخيفه .. صح انهم مالجين من سنه ونص .. بس لين الحين مو محددين متى العرس .. حتى انه يخاف انها تطلب الطلاق في يوم من الايام ...



جمعه كان يموت في ميثى وترابها .. يتمنى رضاها في الكون كله .. بس في نفس الوقت كان متسلط غيور يخاف اي حد يلسب منه غناته ميثى .. يبا يحتفظ فيها تكون له وبس ما يبى حد غيره يجوفها .. تم جمعه نص دقيقه يطالع التليفون وهو في خاطره مرة .. مرة بس .. ميثى تقوله حبيبي اشتقت لك .. جمعه تولهت عليك .. جمعه متى بنعرس .. !! بس للاسف كل هذا كان مجرد نسيج من خيال جمعه .




--------------

مجهووود متميز يالغاليه في انتظار التكمله :)

يوم السبت وبدايه اسبوع يديد كل في دواماته .. وعذابه سارت المدرسه وفي جعبتها مليون والف قصه وسالفه من الي استون في بوظبي ... ومها طبعا كالعادة راحت لدوامها الملل والكئيب .



شوي وتدخل عليها ملاك دكتورة التخدير الثانيه .

ملاك : هلا مها .. شلونج

مها : بخير ربي يعافيج انتي شخبارج ؟

ملاك : انا زينه .. شبيج ما جيتي يوم الخميس كان عندج تأخير

مها: هيه اعرف .. بس كنت تعبانه شوي ( ونزلت راسها )

ملاك : ايييييه الله يساعدج .. شلونها عذابه بنتج .. شقد اشتقت الها ..

مها وهي تبتسم تحب يوم الناس يسألونها عن بنتها وتحس بالفخر لانه كل الرمسه الي كانت تسمعها منهم كلها كانت مديح وثناء على اخلاق وطيب بنتها

مها : الحمدلله بخير

ملاك: الله يخليها لج انشالله . المهم انا جيت اعزمج على عرس بنت خالي يوم الخميس الجاي . ماريدج ما تجين زين

مها وهي تبتسم : انشالله من عيوني

ملاك وهي توقف بتطلع يدخل عليهم الدكتور احمد دكتور القسم وترتبك مها وتنزل راسها وهي خايفه .. اما احمد فتم ايطالعها بكل برود

احمد: هلا دكتورة ملاك .. شخبارج ..

ملاك : الحمدلله انتا شلونك

احمد: بخير ربي يعافيج

ملاك: زين استأذن .

وتطلع ملاك ويتم احمد مع مها روحهم .. مها بغت تطلع من الحجرة .. بس احمد مسكها من ايدها بقوة ..

مها : ايه ايه .. شل ايدك

احمد وهو يطالعها من فوق لين تحت بكل انحطاط .. ويرد : ليكون مفكرة نفسج شريفه مكه اخت .. ههههههههه اقصد دكتورة مها

مها : احمد .. ااااااااقصد دكتور احمد

احمد: واااااااااااااااايد حلوة من ثمج الحلو اسم احمد ( ويحاول يمسك فكها بس مها تمسك ايده بالقو ) وييييه وستويتي قويه يا دكتورة .. ( ويرد لوقاره ويقول : مها .. بلا حركات يهال تعرفيني شو ابا بالضبط صح ولا

مها وهي تحاول تمسك باي شي عندها او جدامها عشان ما اطيح وهو تغمض عيونها العسليات الناعمات الي اي حد يجوفن يطيح تحت تأثيرهم وسحرحهم واول شخص كان احمد .. ويوم جاف هالحركه ما قدر يتسحمل وصد الصوب الثاني خاف انه يضعف .. خاف انه يرد احمد البليد والغبي المغفل .. بس رد عليها بصوت رجولي قوي : مهاااا .. اعتقد في الشغل مافي لعب .. يوم الخميس كانت عندح عمليه مهمه .. وحظرتج ماييتي عشاني انا الدكتور الي اسوي العمليه شو هالدلع هذا ..

مها : احمد .. احمد . الله يخليك خلني في حالي شو تبا مني الحين .. كنت تعبانه .. تعبانه وبس

احمد وهو يطالعها بيعونه السود الحاده ويقول : جذابه ... انتي اكبر جذابه .. طول عمرج كنتي جذابه ..

مها ماقدرت تستحمل وبدت الدموع تنزل من عيونها والمسكرة بدت تسيل ويا دموعها .. بس احمد ما هتم وطالع دموعها وطلع من الغرفه وبند الباب بالقو وراه ......................... طلع احمد وهو واقف عند الباب دقيقه ردت له ذكريات كثيرة .. ومسح دمعه وحيدة نزلت من عيونه .. وهو يتذكر كل الي فات .. بس اخر شي .. طلع وراح صوب مكتبه ..

احمد كان الدكتور ورئيس القسم الي تشتغل فيه مها .. عمره 39 سنه

بس وسامته كل يوم تزيد عن اليوم الي قبله .. ونص المدربات كانن ايموتن فيه .. ويحسونه وايد جنتلمان .. معا انه كان معرس 3 مرات بس كل مرة ما كان يتوفق ويطلق ... يعشق مها بجنون .. يموت في عيونها وفي دلعها .. تعرف عليها قبل لا تعرس .. بعدين افترقو .. وردو التقو في المستشفى وين كانت مها تدرب ..



دخل احمد مكتبه .. وتم ميود راسه من التعب الي فيه .. واتصلت فيه شمايل بنت اخته .. بس ما كان له خاطر يرد عليها لانه ملسونه ووايد ترمس وسوالفها عمرها ما خصلت .. بعين طرشت له مسج تقول : اعرف انك جفت رقمي وما تبى ترد عشاني هذروبه .. بس رد يالله : ضحك احمد من الخاطر يوم قرى المسج وسوالها تليفون

احمد: ههههههههههههههههه شحالج


شمايل: بخير يوم سمعنا هالحس ............. وينك محتفي حشا

احمد: يا بنت اختي ناس ايدوامون .. ويشتغلون ويكدون .. وناس .. يلعبون ويرقدون .. والمثل يقول . الكلام لك يا جار

شمايل : هههههههههه حلوة على اد سنك

بند احمد عيونه لا يسبها ورص على ايده وكملت هيه عاد : بس بس اعرف بتموت قهر .. انزين .. ندووو تقولك تعالي تغدى اليوم عندنا

احمد وهو يزيغها بصوتها: ندو في عينج يا جليله الحيا .. صدق انه مافيج ذرة ولا ريحه الدم .. والمذهب .. ماله اي معنى عندج

احمد: خااااااااااااااااااااااااااااااااااااااااااااااااا
ااااااااااااااااااالي .. بس عاد .. يالله بخليك انا اف .. باي

احمد: باب ايسد ما يرد

وتبند شمايل وهي مقهورة اما احمد فحس انها غيرت من مزاجه شوي .




--------------




في المدرسه البنات كلهن متيمعات حذال عذابه الي كانت تخبرهم عم بوظبي ومنو جافت ومنو سوالها حركات ومن هالكلام هذا

عذابه : اقول .. امول وشوقو وين !!

مريم : ولله مدري .. جنهم غياب ويا شمول

عذابه : شمايل ليش غايبه

مريم : محمومه شوي اونها وحليلها

عذابه : هيييييييه حليلها ولله

سمر : اقولج ... ملل

غدير : ملل وبس .. ولله لوعه جبد

عذابه : امممممم هيه .. انزين .... تعرفون منو مطرش لي روز

البنات كلهن فجو عيونهم : منوووووووووووووووووووو

عذابه : خخخخخخخخخ مطر ... مطر بن سالم .. الي في قريد 12

مريم : يا ويلي عليك .. وشو كاتب

عذابه وهي تنش بتروح : خربطان

مريم : خاطري اعرف انتي ليش ما يعيبونج شبابنا

عذابه بكل غرور وتكبر : لانهم يهاااااااااااااال ومراهقين

مريم : يالله عليج يالعودة

عذابه وهي ترفع حياتها قالت : انا اذا حبيت واحد .. ما بحب ياهل .. انا اعلمه شو الصح شو الغلط .. ابا واحد يكون عارف ودارس الدنيا عدل

البنات ما فهمن شي من الي قالته عذابه طبعا وسارن عاد يضحكن وهي سارت المكتبه عشان تحصل هدوء ومكيف وقصه حلوة تقراها قبل لا يخلص البريك .



اما مريم فكانت يالسه وامل في الصوب الثاني بعد ما روحت عنهم ودورت امل ..

امل: شو بلاج @@

مريم : امايا

امل: بلاها

مريم وهي منزله راسها وحابسه دموعها : طلبت الطلاق .. ووهالمرة هيه وايد جادة .. تبى تطلق .. ما تبى ابوي

امل انصدمت .. اول مرة تواجه مشكله مثل هاي .. ماعرفت شترد عليها او كيف تتصرف مع صديقتها الي يت تشتكيلها همها وردت : مريم .. ماعرف شرد عليج .. بس .. ابوج شو قال

مريم وهو اطالع الفراغ الي جدامها وسكتت لمدة دقيقه وردت : ماعرف ... ابوي .. ابوي عنيد

أمل: انزين يمكن ابوج وامج يبون هالشي ..

مريم وهو حاظنة ايدها بالقو ما تبى تصيح : ماعرف ماعرف

امل : ..............

مريم :................

امل : امل .. ابوج معرس صح

مريم ..................

امل : صح ..

مريم : هيه

امل: خلاص عيل .. يمكن ابوج ... اااااااااااااه ماعرف شقولج ولله

مريم ماقدرت تمسك عمرها وتمت تصيح من خاطرها ولوت عليها امل ودمعت عيونها وتمنت انها ما تنحط في هالموقف مول ..

مريم : اذا ابوي وامي اطلقو .. بنرد العين

امل : هااااااااااا شو .؟؟ ليش

مريم : عشان امايا عيناوية .. ويدي ما بيخليها ساكته في دبي .. وامي ما بتخليني ويا ابوي .. لا انا ولا اخوي خليفه .. يمكن اخوي العود بيتم بس نحن لازم بتشلنا

امل وقلبها محروق على ربيعتها : لله يعينج ولله .

مريم : لله كريم .



-----

العصر بعد ما رد جابر من المكتب .. جاف غناته رجاوي يالسه روحها في الصاله تجوف رسوم على ديزني تشانل .. وهي ولا تحس بعمرها ولا الي حواليها ومعليه عالصوت وحذالها كان كله اكل وحلويات وغراطيس مفرورة كل مكان مني ومناك .. وكانت بس لابسه الفانيله الي تلبسها تحت الملابس .. وضحك يوم جافها جيه لابسها ومخليه شعرها الكيرلي مفتوح ..

جابر وهو اييها من ورا ويشلها ويحبها على خدودها : فديت جوجو انا

رجاوي : ها ها اها بابا .. انتا هني ..I mith u احبك واااااااايد ( تفتح ايدها )

جابر : هيه ييت انا جوجي .. ليش جيه لابسه ماشي ملابس تلبسينها ..

رجاوي وضايقت من الرمسه وعقدت حياتها : ماليد .. حر

جابر: زين مب زين .. عقب بتمرضين

رجاوي وتحرك شعرها بقوة يمين ويسار: ماليد ماليد ماليد .. مــــــــــــاليد ( وتباغم في ويهه ) ويبعد جابر راسه ورا لانه شوي وبتعضه

جابر: هههههههههه خيبه خيبه .. زين خلاص هههههههههههه تغديتي

رجاوي: اممممممممممم هيه

بس يتها ايميلي من ورا وقالت: No she did not

جابر وهو عاقد حياتها : why !!

ايميلي : I dont know sir .. shes not hangry .. every time she eat halwah

جابر : OK .. خلاص go ( ويصد على رجاوي ) اممم .. شو رايج نسير ناكل انا بموت من اليوع

رجاوي ونقزت في حظنه : انا بعد ... يالله .

حبها جابر على يبهتها وسارو المطبخ يدورن شي ياكلونه وما حصلو غير كورن فليكس وتونه .. سوا الكورن فليكس حق رجاوي .. وهو اكل التونه وحط وياها مايونيز وسلطة .. وسواها ساندويتش وكلاها .
بعد الغدا .. راح وحط راسه عشان اينام .. لكن النوم جافاه كالعادة .. من وفاه ميسون وعمره ما اشتهى النوم ولا الاحلام .. بس كان ينام عشان صحته .. لكن لو كانت بيده ما نام ولا عرف طعم النوم اصلا .. ميسون كانت شاغله كل خليه في باله .. كل خليه كانت تنطق باسمها .. وحتى خيانتها له ما مسحت اسمها من خلاياه .. كلم وايد من بعدها بس محد قدر يسكن باله وتفكيره .. بس وحدة .. وحدة بس سكنته الي هيه عذابه .. الي لين الحين مب عارف شو هالشي الي جذبه فيها ... بس الهدوء ما استمر لانه تليفونه رن والمتصل كان ميثى .... جاف الرقم واستعوذ من الشيطان وبند تليفونها واغلقه ... بعد ماغلق جابر تليفونه .. تم يفكر في هالمخلوقه ميثى .. لين الحين تدق له معا انها معرسه .. وين احترامها لزوجها .. وين وفائها له .. ضحك بمرارة وهو يفكر في اختها ومرته ميسون المتوفيه .. تم يتذكرها ويتذكر ايامه معاها كيف كانت .. ويوم كانو يروحون البحر سوا ويرشون ماي البحر البارد وهي تصارخ وتواجعه .. بس هو ما كان يهتم وكان مستانس .. يوم يجوف ميثى يجوف ميسون نفس الشبه .. نفس العيون .. بس الفرق بين ميثى وميسون .. انه يوم كان يجوف في عين ميسون كان يجوف حب وعشق وهيام .. وحب متبادل .. وعيون حالمه ذايبه من الخب لمعشوقه .. بس للاسف سر خيانتها له لين الحين مب قادر يفهم سببه او ليـــــــــش !! بس خاطره يعرف ميثى ليش مصرة عليه .. ليش مصره انها تكون معاه رغم انها مالجه .. وعلى ذمه ريال .. يعني مب حرة عشان تسوي الي تباه .. يعني معقولة كل هذا حب .. وين استوت هاي بعد .. تأفف جابر وحط راسه بينام .. لكن ماهو حاله لانه اذان العصر اذن .. ونش عشان يروح المسيد يصلي .



----

في بيت قوم مها .. عذابه كانت في غرفتها تكتب واجباتها ومها لين الحين في المستشفى والي ردها بيتهم ربيعتها مريم .. عذابه كانت تتسمع اغاني وترقص وياهن وحاطة " Britney spears " اوفر بروتكتد ويالسه تترقص عليها وتحرك شعرها بالقو مني مناك .. وشوي تسمع صوت حد صرخ .. بس الصرخه كانت حااااااااااااادة .. التفت عذابه صوب الباب وطلعت تركض برع ادور من وين الصوت ما حصلت .. نزلت بسرعه ووتسمع حد يصيح ما تعرف من وين .. سارت وين حجرة امها الحجرة الي حذالها الباب فيها كان نص مفتوح .. و ضوء الشمس باين .. شوي شوي قاعد تقترب .. تحاول تسمع شي بس الغرفه كانت مجرد خشايش اصوات .. ماعرفت تبين هويتهم .. ويوم فتحت الباب ...................... ما حصلت شي .. كان مجرد اوراق روز مجففه مرميه على الارض .. وايد استغربت منها .. يعني منو يابها .. منو حطها .. ماعتقد امايا لانه امي ما تدخل هالغرفه وقافلتها اصلا .. حتى انها يوم جافت القفل كان المفروض الباب يكون امبند هب مفتوح .. عقدت حياتها عذابه وصدق استغربت من هالشي الغريب .. بس ماهتمت وايد وقالت اكيد امايا حطت هالورق عشان ريحه الحجرة الخايسه .. وطلعت من الحجرة وقفلت الباب وراها وردت حجرتها ..



يوم جافت الساعه كانت مستويه 5 ونص .. وجافت دريشتها الجو برع كان شكله حلو والشمس نصها نازلة تحت .. فققرت تنزل تتمشى في فريجهم هالبارد والكئيب .. فلبست تراكسود بنطلون اسود والبودي ابيض ولفت شعرها وسوته نافورة وحطت تليفونها في مخباها وقالت حق بشاكرتهم انا طلعت تتحوط ... اول شي كانت تمشي بكل هدوء بعدين حطت الهتفون وقعدت تمشي بسرعه اكثر ... في نفس الوقت جابر كان مطلع رجاوي يتمشون شوي في الفريج عشانها حشرته تبى تطلع .. ووبالصدفه جابر جاف عذابه اول وهي تمشي واستغرب من وجودها .. لكن رجاوي اول ما جافت عذابه ركضت صوبها تسلم عليها .

عذابه كانت سرحانه ومول مب في الدنيا وهي تسمع اغنيه راشد الماجد " تأخرتي " وتييها رجاوي وهي تركض وتيود ريولها ووتعلق فيها

رجاوي: عذاب .. عذاب ...

عذابه اول شي خافت عقب يوم نزلت عيونها وجافت رجاوي ابتمست بس مب من خاطرها .. بس يوك جافت انه خدود رجاوي استون حمر من الحمر ابتسمت لها وشلتها : هلا ولله عيوني

رجاوي: هااااااااايين

عذابه: شحالج رجاوي

رجاوي وهي تتضحك : ذينه .. انتي شحالج

عذابه وهي تلعب بشعر رجاوي الكيرلي : انا بعد زينه ... شو مطلعنج روحج

عذابه مانتبهت لجابر الي كان واقف بعيد شوي ويطالع عذابه ويتفحصها من فوق لين تحت .. يطالع عيونها الي ما كانت تبتسم .. الابتسامه كانت مجرد من شفايفها وحتى ما كانت حقيقيه .. عيونها كانت تقول شي .. وشفايفها شي ثاني ..

رجاوي وتأشر على جابر : بابا

عذابه صدت ويوم جافت جابر استحت وايد ونزلت رجاوي وقالت لها تروح عنده لكن جابر كان اسرع منها ويا صوبهم عشان اول شي يجوف عذابه من قرب .. وثاني شي يشل رجاوي ..

عذابه : اوكي حبوبة روحي عند ابوج الحين يالله

عذابه كانت مستغربه من جابر من يوم جافته في الليل وهو لين الحين ساكن تفكيرها .. شكله صح عود .. بس شكله مب معرس .. وبعدين ماشي تشابه بين الاثنين ..

جابر وهو يبتسم حق رجاوي وحق عذابه الي كانت توصل لين جتفه بشوي : السموحه ولله .. بس رجاوي وايد شيطانه تحب تروح عند كل حد

عذابه استحت ورد تقول : لا عادي ولله .. بالعكس اهي وايد حبوبه وانا وايد احبها .. صح رجاوي

رجاوي وهي تضرب ايدها من الفرح : صححححح

جابر سألها : انتو وين ساكنين

عذابه وهي ترمش بعيونها : هناك في بيت الاحمر

جابر يوم سمع اسم البيت كأنه يته صعقه وقال : اها ..

عذابه وهي مشمئزة : ماحبه

جابر وهو يصد بسرعه صوبها : شوووووو

عذابه انتبهت لنفسها وقالت : ماشي ماشي .. السموحه احوي انا بروح الحين الحين امايا بتي .. يالله بالاذن .

جابر تم يدرس ويجلب كل كلمه قالتها عقب قال : بالسلامه

وسارت عنه عذابه وهي تفكر في جابر ورجاوي .. معا انه تفيكرها كان منصوب فقط على جابر .. حستبه غامض .. اول شي شدتها وسامته الي كانت طاغيه .. بس بعدين تمت تفكر في رجاوي وفيه .. وتقول في خاطرها كيف تفكر في حد معرس .. بعدين نست السالفه يوم جافت سيارة امها في البيت .





-----------




في بيت بو حامد .. ميثى كانت قاعد في الصاله اطالع التلفزيون وشوي وتييها مرت اخوها حامد ..

ابتسام : هلا بالرود

ميثى تبتسم في ويهها : هلا بتسام .. شحالج

ابتسام وهي حاطة ايدها على بطنها : متى ما شرف اللاخ .. بكون بأحسن حال

ميثى : هانت الا شهرين هن .. وتفتكين .. فديته حمادي مستانس

ابتسام وهي تحمر : اصلا كل ما بييب بيبي يديد يستانس ..

ميثى وهي تنغزها : اصلا اخوي ما بيرتاح الا اذا ياب دزينه يهال

ابستام وهي تفتح عيونها وتحط ايدها على ظهرها : وابويا انا .. بموت .. وين يبى اخوج .. هيه مب هو الي يتعب ويشل .. انا الي اتعب

ميثى : عيل لو اخذ وحدة ثانيه لا تلوميه

ابستام وهي مغيضه : هيييييييييييييه قصوره ولله .. ولله لاذبحه واذبحها في نفس الوقت

ويدخل حامد بعد ما سمع الرمسه الي انقالت وبيموت من الضحك على ابستام وعلى ميثى الي تعرف كيف تخليها تنقهر عدل وهو داخل اونه ما يعرف شي: منو هذا الي بتذبحيه مسجين ..

ابتسام وتجوفه بنص عين : واااااااااااااحد ربي يستر عليه .. بس .. اذا اخذ على مرته بتذبحه وتذبح مرته وراه

حامد وهو حاط ايده على راسه : واااااااااااااااااااااااال طلعتي مجرمه بسوم .. اسمحيلي انا ابا حرمه رقيقه كلها انوثه تخاف من الدم .. هب انتي .. حشى ماخذ وحش ولا امنا الغوله

ميثى ما قدرت تيود عمرها وفطست من الضحك وحامد وراها لانه ابتسام معروفه في البيت تغار على ريلها من الهوا الطاير حتى من ميثى ساعات وكانت تغار من ميسون وايد عشانها وايد تتلصق فيه .. بس الحين ما تغار الى من ميثى .. بس كانت تحب ميثى وايد وكل اسرارها عندها ودوم تقول حق ميثى خلج بعيدة عن اخوج .. اما حامد فكان يموت في وحدة اسمها ابتسام حتى انه اخذها عن حب .. كانت ابستام قبل ربيعه ميثى في المدرسه .. ودوم حامد كان يحط رسايل في شنطه ميثى في مكان اتفقو عليه .. وميثى ترد تحطهن وجذا .. وميثى كانت مثل الاطرش بالزفه .. بعدين يوم من الايام اكتشفت السالفه وخبروها وجيه .. ويوم خلصت مدرسه خطبها حامد وعرسو .. ابتسام كانت كبر ميثى 21 سنه .. وجميلة لدرجه كبيرة .. اقصر من حامد طبعا كانت توصل لين خصره وشوي اطول .. حاليا هي دبوبه عشان الحمال .. بس هي دومها رشيقه ومليانه شوي .. شعرها بني غامج ياي عالكستنائي وعيونها بني فاتح يايات عالرمادي والبني .. اما حامد فعمره 28 كان زير النساء في مراهقته وصدق ما كان مخلي بنت في حالها .. .بس يت ابتسام وصلبته .. لكن لين الحين عنده تأثير كبير على البنات لوسامته وطوله الفارع وجتوفه العريضه .. رغم الحب الكبير لحامد .. ابتسام لين الحين مب قادرة تثق في حامد عشان ماضيه الحافل بالبنات .. وهذا كان سبب مشاكلهم في البيت ..

ابتسام : حاااااااااامد .. اصتلب .. ترا اليوم ماشي نوم فاهم

حامد + ميثى : هههههههههههههههههههه

حامد: ميثى اسكتي بتروغني مافيني

ميثى : احسن خلها تروغك عشان تبات في حجرة الضيوف وبعدين انا وانت نسهر عكيف كيفنا الفليل .. وبخلي بنت عموه رقيه تيينا تسهر ويانا شو رايك

ابتسام :..............

حامد: هييييييييييييه ولله .. جيه رقيه بتي .. فديت روحها ولله تولهت عليها .. ايقولون احلوت

ميثى : شو ما حلوت يا حافظ .. تف تف بعين الحسود ( تجوف ابتسام ) تقول للقمر قووووووم ( وتسوي حركه اونها تدز حد ثجيل ) وانا ايلس مكانك

حامد: يـــــا ويـ...

ابتسام وهي معصبه ونشت بتقوم : يا ويل حالي زين .. استانست .. روح عند رقيه وشبيهاتها تنفعك ياولد جاسم

وتروح ابتسام وهي معصبه من الخاطر وخاطرها تصيح وسارت قسمها وميثى وحامد يضحكون عليها

ميثى : لاااااااااااااااااااااااا حامد كله ولا بسوم ولله مارضى عليها .. روح راضيها

حامد: فديتها ياربي .. مستوية لي شرات جميل وهناء ... ههههههههه بروح ارضايها عيل شو .. هاي القلب...

ميثى : يا ويل حالي انا .. هههههههههه

ونش حامد بيروح قسمهم يراضي مرته اما ميثى فتمت اطالع تلفزيون وشوي وادقت لها ربيعتها غصون في الدوام وتمت تسولف وياها .
حامد دش الغرفه وجاف ابتسام يالسه تلاعب شقرا الي كانت تصيح .. اما جاسم فكانت يلعب بالعاب معقوقه مني ومناك .. وهي كانت عاقه شيلتها البيضه وفاله شعرها الطويل الي حامد يموت فيه ..

حامد: حبيبي ..

ابتسام :..................

شقرا : ماما ( وتشد ايد امها عشان تجوف حامد )

ابتسام وهي معصبه : شقرا جب .. ويالله ارقدي مب متفيجه لج

حامد : خيبه خيبه ذبحتي البنت شوي شوي عليها .. تعالي حبيبي ( ويشل شقرا ويحبها على خدودها وخشمها وابتسام تجوفه وهي مغيظة )

حامد : هههههههه شو غيرانه من بنتج بعد

ابتسام وهي وحاطه ايدها على خصرها : حامد يالسه ارقد البنت ممكن تخليني اكمل شغلي

حامد وهو يجوف ساعته : يا حرمه الساعه توها سبع ونص .. خافي ربج الحين ترقدينها

ابتسام : هيه ابا ارقدها وافتك

حامد وهو رافع حاجب واحد : ليش يعني

ابتسام : كيفي

حامد: هههههههه هيييييييييه عرفت شو تبين .. تبيني احبج مثل ما حبيت شقور .. خلاص من عيوني وعلى هالخشم .. و ( يوم يا بيحبها على خشمها دفرته بالقو )

حامد استغرب اول مرة ابتسام جيه تدفره حتى انه وايد حط في خاطره وطالعه بقهر وطلع من الحجرة .. ابتسام وايد تلومت فيه وقالت حق عمرها : اوهووووووو الحين زعل .. اف ياربي شو بلاني ..

ياها جاسم من وراها : ماما ليث ترمثين املج !!

ابتسام وهني بدت تصيح ويلست عالارض ويا جاسم ولوى عليها وشقرا بعد ومحد عارف ليش قاعدة عالارض وتصيح .




---------

يسلموووووووو أموون على هالإبداع

ننتظر البقية ...

في بيت شمايل .. احمد كان قاعد في الصاله من الغدا ما طلع من بيتهم تم يالس ويا اخته وعيالها ..

عذاري : خالي .. تعرف انه ودنا نروح خورفكان .. اف عاد متى

أحمد: صدق انج متفيجه وايد .. متفيج انا اخذج خورفكان

شمايل : خالي ما عليك منها .. خذنا اللذيد ولله متوله عالعزبه مول

أحمد : هيه ولله يا بنت اختي .. انا بعد خاطري اروح اللذيد صدق تولهت عليها

شمايل : فديتك ولله .. متى عاد

احمد تم يفكر في مها .. وقرر انه يقهرها وياخذ اجازة بس من دون ما يخبرها .. يبى يعلمها هو منو ومب من النوع الي ينقص عليه .

احمد: اوكي تم

عذاري وهي حاطة ايدها على خصرها : لاااااا ولله .. شو ها الارف

احمد وهو يقهرها : كيفي ... شمول .. متى نسير

وتيهم اخته ام عذاري وشمايل وتواجعه : حمود .. مالت عليك .. اونك ريال طول وعرض وكمن مفعصوه يقصون عليك ..

عذاري + شمايل : امااايااااااااااااااااااااااا

احمد: ههههههههههههههههههههههههههههههه بموت من الضحك ولله ... المهم .. الحين بتروحون يوم الاثنين .. شو رايكم

ام غيث : شسالفه ؟؟

احمد : البنات بيروحون اللذيد .. عند عزبه مهير .. شو رايج !!

ام غيث: لالالالالالا ماشي سيرة بعدين مدارس يالله ماشي .. ايه انتو يالمفاعيص ندفع لكم كل سنه كمن الف والحين تغيبون يالله ماشي جلبن ويوهكن

عذاري : احسن

شمايل : لاااااااااااااااااااااااااا خالي قول شي عاد

احمد: مالي خص هذي امج وتفاهمي وياها

شمايل : امااااااااااااااااااااااااااااااااااااااايا

ام غيث: وحطبه .. شو

شمايل : الله يخليج حبي

ام غيث: اف اف .. زين برايكن جان بتروحون .. بس ايردن في نفس اليوم حمود

احمد وهو يغمز لهم : من عيوني

وتروح ام غيث ووراها عذاري .. واتم شمايل ويا خالها وتتخبره اذا عادي تيب ربايعها

احمد: لااااااااااااء

شمايل : ليش خالي .. حرام عليك

احمد: جوفي .. اذا قلتي مرة ثانيه بهون زين

شمايل : خالي لله يخيلك

احمد وهو يتأفف خلاص مب قادر يستحمل : اف اف اف اف الله ياخذ بليسج زين .. سوي الي تبينه

شمايل وهي تحب خدوده وبالعماله رطبت شفايفها عشان يغيظ وخيست خده تفال ..

احمد وهو يسمح : للله يغربل بليسج يا انتيييييييييييييييي .. اييييييييييه الله يلوع جبدج . جلبي ويهج لا اسوي فيج جريمه

وتربع شمايل وهي تركض تتصل في ربيعاتها مرييم وامل وسمر وعذابه .. بس محد قال بيروح غير عذابه الي استغلتها فرصه تطلع من بيتهم .


بعد ما كلمت شمايل عذابه في التليفون دار بينهم هالحوار :

شمايل : هلا بالحب

عذابه : هههههههه هلا ولله بالقلب


شمايل : شحالج !!

عذابه : تمام ربي يعافيج .. انتي شحالج

شمايل : ماشي حالي .. اممممممممم مرقووه ( النيك نيم )

عذابه : عيونها

شمايل : شو رايج تيين عزبه خالي بعد باجر العسر بعد ما نرد من المدرسه ..

عذابه : بااااجر !!! شو هاليوم الكئيب

شمايل : ادري .. بس خالي جيه قال

عذابه : ماروم باجر عندي امتحان كميستري .. سوري ولله

شمايل : دوووووج نسييته ولله .. هيه صح ولله ... اممم بكلم عيل حمووود يغير الموعد

عذابه بستغراب : منو حمود بعد ؟؟

شمايل : لو سمعني جان جتلني لوووووول هذا خالي المحترم الي بياخذنا

عذابه وهي عاقدة حياتج : خالج !!! اممم كم عمره ؟

شمايل : قد ابوج

عذابه : هاااا

شمايل : يعني عود هب صغير .. اممممممممممم قريب الاربعين .. بس هو حاليا في الثلاثين .. بس هب معرس وفري .. يعجبج

عذابه : ههههه شميل احسها سيرة عائليه شلي ارز بويهي واي

شمايل : سيري انقعي في قوطي لاااا .. شو عائليه .. انا وعذور وامايا وخالي بنروح بس .. عن الزلال ( الحركات )

عذابه : ولله ماعرف .. عرضج وايد مغري .. بس بسأل امايا وبرد لج خبر .. بس يوم الاثنين ترا ما ينفع

شمايل : ادريبه .. ماعليج بخليه ياخذنا في الويكند ..

عذابه : اذا الويكند .. بجوف ولله .. لاني اكون عند ابوي .. فبستئذن منه هو ..

شمايل : خلاص عيل تم .. يالله اجوفج باجر مرقوووه

عذابه : هههه يالله سي يو ملولش

بعد ما بندت عذابه عن شمايل ودرست فكرة السيرة .. وايد عجبتها .. وخصوصا انها بتكون وناسه وضحك ومن هالسوالف الي تعجبها ومافي شي بيكدر عليها صفاء جوهم .. وشوي تبتعد عن اهلها وامها وابوها حتى ولو ليوم واحد بالكثير .. وغصبن عنها سرحت افكارها في جابر الي سكن كل ذرة وخليه في بالها وخيالها .. صورته ما كانت تفارق خيالها .. تفكيرها فيه ما كان ابدا طبيعي .. حست بقهر .. ليش تفكر فيه وعلى أي اساس اصلا تفكر فيه .. بالعكس حسته وقح ولسانه طويل وما يحترم حد .. وهذا اكتشفته من طريقه لبسه وتصفيفه لشعره الطويل الي كان مهمل ومنكوش بخقه .. لكن عيونه كانت الوقحه .. كانت تجوف كل شي .. تدرس كل الي حواليها .. ما حبت نظرته لها وهو يطالعها من فوق لين تحت .. حست انه نظرته استفزازيه اكثر منها استطلاعيه .. وكرهت هالنظرة وايد .... قطع عليها حبل افكارها وتخيلاتها صوت امها وهي تنادي عليها من تحت .. وتأففت كالعادة عذابه لانها اكره ما عنده يوم امها تناديها .. تحس انه تقليل من شأنها ومكانها .. بس شلت عمرها وطلعت وسارت وين الدري وزاعجت : هاااااااااااااااااااااا

مها : تعالي تحت اباج

عذابه : شو تبين انا يالسه اذاكر

مها وهي تجوف ظفورها وتعرف انها تجذب : مافي داعي تجذبين .. انزلي تحت بغيتج

عذابه : انشالله انشالله الحين بنزل

وهي تنزل الدري تنزل بضيقه نفس ومالها خاطر بالمرة .. وتحس انها بترجع من الملل ... وتنزل تدور امها وحصلتها في غرفه المكتب ..

مها : عليكم

عذابه : Whatever

مها : اقولج .. انتي اليوم وين كنتي طالعه العسر

عذابه : اتحوط في الفريج

مها وهي رافعه حاجب واحد : يا كثر طلعاتج في الفريج

عذابه ما قدرت تمسك عمرها وضحكت : صدق انج متفيجه .. اونج تسوين عليا دور الام الي تخاف على بنتها من الشباب ههههههههههه المفروض اني انا اخاف على عمري منج انتي

يوم سمعت مها هالكلمه ماقدرت وغصبن عنها نشت وصفعت عذابه كف خلتها تنسدح على اقرب قنفه موجودة في غرفه المكتب .. اول شي عذابه ما استوعبت الي صار لانه هاي اول مرة مها تمد ايدها على عذابه .. مها روحها استغربت من الي سوته وتمت تتنافض بكبرها وتتنفس بسرعه .. اما عذابه فكانت حاطه ايدها على مكان الضربه وجافتها بتطرة حقيرة وغدة

وقالت : انتي قد هالحركه الي سويتها .. انا بعلمج من هي عذابه بنت راشد ..

وتطلع عذابه من المكتب وهي تركض والدموع تنزل من عيونها .. اما مها فهوت على اول كرسي جدامها .. وماحست الا بعمرها تصيح ومن الخاطر وتقول في خاطرها : انا شو سويت .. شو سويت .. قطعت اخر خيط يربطني في بنتي .. اخر خيط من اهلي .. اخر شخص كان يحبني وتم وياي .. فقدت ظناي .. الي طلعت فيه من الدنيا .. فقدت عذابه .. ااااااااااااه يا مها ااااااااااااااه ... وتمت تصيح مها من خاطرها وكل دمعها تذرفها كانت تنزل على خدها مثل السيف يقطعها .. تمت افكار وايده تدور في عقلها .. ماحصلت عمرها الا شاله سويجها ولابسه عباتها وراكبه سيارتها وطالعه من البيت .. ما كانت تعرف وين تروح او حق منو تروح .. تمت تمشي في الشوارع من غير هدى .. من غير تفكير .. ما حصلت عمرها الا وهيه قريبه من مردف .. دخلت داخل .. وكأنه السيارة تعرف دربها ومتعودة عليه .. وققفت عند بيت بيج كبير ضخم .. شكله مريح للعيان .. حديقته واسعه وكبيرة .. الجلاب كانت برع تنبح .. ابتسمت مها يوم جافتهم .. بركنت سيارتها ويوم جافت الساعه كانت 9 ونص الفليل .. والكزس مركونه في الكراج .. ليتين بس مشغلين في البيت .. ليت الصاله .. وليت الحجرة .. تنفست مها الصعداء ونزلت من سيارتها .. جافت الجلاب تنبح بس يوم اقتربت منها وشمت ريحتها صخو تماما وتمو يتمسحون فيها .. مها ابتسمت وطلعت من شنطتها سنكرز وقسمته اثنين وعطت حق كل واحد منهم .. الجلاب كانن اسدين مبلسين جدام الباب .. لضخامه وكبر حجمهم .. حتى انهم كانو يوصلون لخصر مها .. كل حد يمر من صوب البيت يموت خوف منهم .. لكنهم بالاساس صوت وشكل بدون أي فايدة مثل ما تقول مها دوم .. مرت الممر الرئيسي وهي تجوفه وتدقق النظر فيه .. واخر شي وصلت لباب الرئيسي .. قالت افتح الباب او ادق الجرس .. لكن اخر شي قالت بفتحه بالباب .
في البيت .. عذابه كانت منهارة كليا .. كانت مقهورة ومغيظة اكثر منها حزينه .. كيف أمها تتجرأ وتضربها .. ماتت من القهر .. بغت تسوي بعمرها شي .. بس فرحت يوم حسست امها بالوم شوي .. حتى انها طلعت من البيت .. بعد شوي هدت عذابه من الحاله الهستريه الي يتها .. وتمت صاخه شوي .. بغت تطلع من البيت .. بس امها ما هانت عليها اتم روحها .. كانت عادي تطلع وتروح بيت ابوها .. بس كيف تخلي امها روحها في هالمنطقه المقطوعه .. فنست السالفه .. وقالت بتتصل في ابوها عشان الويكند ..

.......: ترررررررررررن .. ترررررررررررن

دلال : الوه

عذابه : هلا ولله دلولة .. شحالج حبيبي

دلال : اه اه خير .. تي خبار

عذابه : انا زينه .. بابا وين !!

دلال: با با

وتعق السماعه وتركض عشان تزقر ابوها ... اما عذابه فكل ما تسمع دلال اختها واخر العنقود .. صدق قلبها يتقطع .. لانه الدكاترة قالو انه مالها امل في العيش .. سنتين بالكثير وتموت .. بس بو عذابه ما يأس وخذها كل مكان .. لكن الثقب الي في قلبها كان كل مرة يوسع ويوسع ويدخل هوا في القلب .. فالدم ما كان يوصل الي كل مكان في جسمها وهذا بسبب قله خفقات القلب .. غمضت عيونها وقالت الي يجوف مصايب الناس صدق تهون عليه مصيبته ..

بو محمد : هلا ولله

عذابه : هلا بابا .. شحالك فديتك

بو محمد : حمدلله غناتي .. انتي شحالج .. شحالها امج ..

عذابه وهني تكدرت وتغير صوتها بس حاولت تسويه عادي : الحمدلله كلنا بخير

بو محمد وحس في بنته : عذابه فديت روحج .. شو بلاج

عذابه : ابوي مافيني شي

بو محمد : عذابه هب علي انا .. شو بلاج

عذابه : ولله ماشي ابويا .. لا تحاتي

بو محمد : جيه ما حاتي .. انتي نظر عيوني وبنتي .. وما تبيني احاتي وين استوت هاي بعد

عذابه : ابويا ابويا ابويا عااااااااااااااااد بس استحيت .. وبعدين دلول تغار

بو محمد وهو يجوف بنته دلال بنظرة كلها اشفاق وحنان وحب .. وهي تجوفه وجان يقول

: فديت روح دلولي انا . اصلا تعرف اني اموت فيها ومااستغني عنها .. صح دلول

دلال تمت تضحك مستانسه .. وكمل بو محمد رمسه ويا بنته : ها بنتي .. شو خير .. ناقصج شي .. تبين فلوس

عذابه : لا بوويا .. مابي شي مشكور عندي كل شي ولله ( في خاطرها كل شي مادي نعم .. شي معنوي لاء ) اممم بغيت اطلب شي .. بس اباك تقولي اول تم

بومحمد : ههههههههه كيف جذا بعد اقولج تم ومدري شسالفه

عذابه : افااااااااا افااااااااا يا بو محمد ما هقيتها منك .. الحين انا ممكن اوهقك في شي .. هااااااااااااااااااااااا .. معقوله يعني .. لا الغالي .. ابا شي معنوي خخخخخ

بو محمد : خلاص تم .. خير

عذابه : ابوي ربيعتي عزمتني يوم الخميس في عزبتهم في اللذيد .. عادي اروح

بو محمد : لااا فديتج .. منقووود وين تبين سايرة اللذيد روحج ومع ناس اغراب لالالالا ماقدر

عذابه : ابوووووووياااااااااااااااااااااااااااا الله يخيلك .. دخيلك ..

بو محمد : عذابه ماروم فديتج .. ماعرفهم هالناس .. ولا جد سمعت عنهم .. وبعدين .. لالالالالالالالالا .. ماروم

عذابه : ابوي .. الي بيروحون خالها وامها واختها .. بس .. يعني ماشي شباب

بو محمد : وخالها شو !!

عذابه : خالها كبرك ابوي ..

بو محمد :.......................... لالالالالالالالالا ماشي سيرة

عذابه : خلاص ابوي مشكور .. واخر مرة في حياتي اطلب منك أي طلب .. حتى هالوينكند والي ياي بروح بيت يدي

بو محمد وايد تلوم في بنته بعدين قال: اف .. صدق انج لوتيه على امج .. برايج سيري وين ما تبين .. بس هم من قوم منو

عذابه : عبيد بن سلطن

بو محمد : هيييه لا فديتج ما عرفهم .. خلاص عيل .. برايج بنتي بروج ارقد باجر وراي دوام

عذابه وهي تحب ابوها عالتليفون : باي فديتك ...

وبتند عذابه عن ابوها وهي مستانسه . وتفكر يعني الي بياخذها عيل بيت شمايل يوم الخميس دريولهم .. اف وكيف باجر بتروح المدرسه .. وامها !!!



-----------

في مكان ثاني من دلوتنا الحبيبه .. وتحديدا في اللذيد .. محمد كان هناك في عزبتهم ويا ربعه .. ربعه كانو ياين عشان العزبه وهو عشان اهله لانه اصله من اللذيد بس دوامه في ابوظبي .. وهو يالس في الصاله يطالع تلفزيون .. يته اخته عاشه ويلست حذاله ... بس هو ما حس فيها لانه حاط ميلودي يجوف فيديو كليبات .. عقب جان تدقه وين خصره وهو وايد يغار فنقز نقزة طيحت الريموت من ايده .. وضحكت عليه العاش

محمد وهو معصب : لله يغربل بليسج زين

العاش: هههههههه في شو سارح

محمد : اجوف تلفزيون جانج ما تعرفين

العاش: هييييييييييييييييييييييه .. انزييييييييييين حموديييييييي

محمد : ياكرهي وانتي تمطين الرمسه جيه .. يوم تمطينها اعرف انج تبين شي .. اف قولي شو عندج

العاش: هههههههههههههههاااااااااي .. هييييييييييييييييه صحح ... اممممممممم اماايااااااااااااااااااااااا تــــــــــــــــبى تخطببببب لك

محمد وهو وكانه مل وتعب من هالرمسه : من بنته

العاش: بنت يراننا

محمد: امج هاي بالله عليج ما تتعب .. حشى ... كل ما ييت اجازة ويت عندكم طلعت لي وحدة .. مب حاله هاي .. اتم في الدوام احسن

واتم العاش اتجوفه وتضحك على شكله الي كان صدق متنرفز من اهله ومن امه تحديدا .







شو ممكن يستوي من احداث ..


مها وين راحت !! هل ممكن رجعت للاهلها بلحظة ضعف @@


عذاري شو موقفها من الصفعه هل ممكن تغفر حق امها ؟؟



جابر
رجاوي
مها
احمد
جمعه
ميثى
محمد
شفى
حامد
ابتسام



عذابه



شو ممكن يصير لهم ؟؟




انتظروووووووا الباااقي تشــاااوو

شنو راح يصير بسرعه كلنا في الانتظار :eek:

(الفـــصل الخامس )




بعد مرور الايام بسرعه وصولا ليوم الاربعاء ونهايه الاسبوع ... طبعا عذابه كانت صدق مستانسه لانه ساعات الروحه للعزبه استوت وايد جريبه .. بس كانت خايفه يستوي شي وماتقدر تروح .. لانه من يوم الاحد وهي ما رمست امها مول .. كله مريم كانت تمر عليها الصبح وكانت ما تتغدى وتطلبه من بشكارتها ومها كانت مخلتها على هواها .. وعلاقتها مع شمايل كانت كل يوم والثاني تزيد بينهم .. حتى انه اليوم شمايل بعد المدرسه ردت ويا عذابه بيتهم ..


شمايل وهي طايحه على شبريه عذابه وناقعه على عمرها من الضحك على صور عذابه وهي في صف اول وثاني : هههههههههههههههههههههه شكلج انتيــــكه .. هههه ليش جيه كشه حشى


عذابه : ايه انتي .. الحين هذا ويه الي يرايوج صور .. صدق انه ما عندي سالفه ولله .. استحي على ويهج وقولي اني حلوة


شمايل : هههههههههههههه اسمحيلي يالغرام .. امي ما علمتني اجذب .. ولا بجذب فاهمه هههههههههه ..


عذابه : هههه زين برايج


عقب عذابه سارت الحمام بتغسل ويهها وسارت شمايل تتعبث في اغراض عذابه وحصلت صورة واحد وسيم وحلو .. متعصم بعصامه سودة وابتسامته خفيفه .. استغربت من عذابه لانها ما كانت متوقعه انها ترمس مول .. بس على طول دشت عذابه ويوم شافت عذابه ويه شمايل متغير عرفت السالفه


وابتسمت عذابه ابتسامه باهته : شو رايج فيه


شمايل : الصراحه جميل ؟؟ منو ؟؟


عذابه : ههههههااااااااي .. بعد ربج


شمايل : اخ عليج .. اقولج منو ؟


عذابه وهي تسوي عمرها مستحيه : حبيب


شمايل وهي معصبه : انتي ايييييييه .. مب علينا .. منو ؟؟


عذابه : هههههههههههههههههههههههههههه بلاج هذا حمادي اخوي


شمايل وهي تفج عيونها على الاخر : قولي ولله العظيم


عذابه : ههههههه ولله العظيم .. شو رايج فيه .. حلو


شمايل: الا مب حلو .. عجيب ولله .. بس .. مول ما يشبهج تصدقين


عذابه وهي لاويه بوزها : يشبه ابوي .......... وانا اشبه امي


شمايل : الصراحه الطرفين احلى من الثاني ولله ..... امممم عذابه


عذابه : عيونها ؟؟


شمايل : امج صغيرة ماشالله عليها .. وحلوة وايد .. ليش ما عرست بعد ابوج


عذابه : ولله ماعرف .. حتى انا اسأل عمري دوم .. معا انها يوم اطلقت كان عمرها 17 سنه .. يعني بعد سنه من زواجهم تطلقت هيه


شمايل : غريبه ولله


عذابه وهي تهز جتوفها وكانه مو هامها وايد الموضوع ... بعدين يكملون سوالف وضحك .




-------------




في بيت احمد مها كانت تتغدى وياه .. الكل كان ساكت .. مها كانت تتريا احمد يقول شي لانه السكوت صار وايد محرج نوعا ما .. عقب رمست


مها : احمد .. شو بلاك ؟


احمد : لا ماشي ..


مها : لا فيك شي ؟؟ خير شو مستوي


احمد : ولله مب مستوي شي ؟؟ شو بلاج


مها : متأكد


احمد وهو يعق الشوكه بالقو على الطاولة مالت الاكل وينش وهو محرج ويقول : انتي كيف ترضين حق هذا الي اسمه دكتور فريد ايود ايدج ويقول عنهن حلوات وانتي تضحكين ها


مها : احمد .. ماباك ترد على هالسالفه مرة ثانيه ممكن ..


احمد : لو انج حاشمه عمرج محد بيقدر يقولج شي .. جوفي هيفا ربيعتج صح انها مب متحجبه ولا تلبس عباه بس الكل يحترمها ويحسب لها الف حساب .. وانتي فارطة


نشت مها من مكانها بعصبيه : احمد لو سمحت مالك حق اوكي .. هيفا لانها معرسه على سنه لله ورسوله .. والكل يدري .. انا شو مجرد مطلقه بنظر القانون اوكي .. يعني فريسه سهله لكل حد


احمد : لا تبررين وتقولين انتي مطلقه اوكي .. ما تقدرين تدخلين قصتج داخل .. تخففين المكياج شوي . تبندين عباتج .. شو بيستويبج ها


مها وهي تمشي من المكان الي هيه فيه وتشل سويجها وتحاول تطلع برع بس احمد مسكها من ايدها بالقو ...


مها : ااااااااااااااي انته ايه .. خل ايدي


احمد : يوم اكملج تسمعين شو اقول .. انا هب بنتج قالت لج كم كلمه ضربتيها وروحتي عنها


مها : اف .. لله ياخذني انشالله زين احمد .. وتتهنى .. انت ليش ما طلقني وتفتك ها


احمد : تدرين اني افكر في الموضوع .. بس مابا .. كيفي عندي حرمه وحلوة بعد .. اطلق ليش


يوم سمعت مها هالرمسه بغت تصيح حست انها رخيصه وانها ولا شي في هالدنيا .. تمنت لو الارض انشقت وبلعتها .. اما احمد فتهم متلوم وايد فيها .. وكره عمره لانه قال لها هالكلام .. مها بالنسبه للاحمد حياته وقلبه وكل شي .. من دونها هو ماله غرض من دنياه او حياته ..


بس احمد تم ساكت وصد عنها وطلع هو قبل من غرفه الطعام وتمت مها روحها مقهورة من رمسته .. لكنها بس طلعت بعده وركبت سيارتها وهي معصبه .




احمد تفكيره رد لقبل .. ل16 سنه قبل .. وهو يغمض عيونه ويتذكر مها وهي توها 15 سنه .. كانت صدق بنوته ودلوعه .. كانت عيونها خجوله وايد .. على اي حركه تحمر خدودها ..حبها احمد من كل جوارحه ومن خاطره .. وتم يتذكر ايامه معاها


" انزين ما خبرتيني كم عمرج انتي "


" لو سمحت لا تكملني .. ابوي الحين بيجوفني .. لله يخليك روح "


" انزين ليش .. انتي مب حرمه .. ليش تخافين من ابوج"


" لاااء .. هذا ابوي ولازم اخاف منه ... انت روح "


"امممممممممم انزين .. هذا رقمي اوكي .. واتريا اتصالج "


مها تمت اطالعه مب عارفه شسالفه .. كانت مرتبكه اول مرة حد يعطيها ورقه فيها رقم .. ما تعرف شو تسوي في الورقه ولا صاحبها .. حست بالخوف لو اخوها سهيل يجوفها بيقطعها بيضربها وابوها ما بيخليها تروح بيت عمها نادر .. وعقب يوم التفتت يمين يسار تدور عن الخيال الي زارها ما حصلته لكن حصلت ذكرى منه وهي رقمه .. او الورقه المعطرة الي عطاها اياه .. تمت اطالعها بخوف مب عارفه شو تسوي فيها .. لكن اخر شي دستها في مريولها بكل خوف عشان سمعت صوت اخوها حسن وهو يركض وراها عشان ايود مريولها ويلعوز فيها ... مها وهي صغيرة كانت وايد حلوة .. معا انه تفكيرها كان وايد صغير وتفكير يهال .. وعمرها ما عرفت شو يعني حب .. او انها تنحب .. حتى انها ما كانت تهتم في عمرها مول .. شعرها كان اللهم عقص او ذيل حصان ويالله سيري المدرسه .. ولكنها فتحت عيونها على احمد .. او هو الي فتح لها عيونها .. في ليله في مافيها قمر .. كانت امها سايرة المستشفى عشان موعد ولادتها .. وابوها كان معاها وسهيل اخوها .. محد كان غيرها وغير حسن والبشاكير واخوها سيف العود كان مسافر يعني محد غيرها في البيت .. كانت في هالليله وحيدة .. وتصيح عشان ابوها ما خلاها تروح المستشفى وتمت تدعي انه امها تقوم بالسلامه .. وهي تدعي جافت الورقه المعطرة فوق دفتر من دفاترها .. وفتحته وحصلته مكانه .. اترددت قبل لا تتصل .. بس قالت يالله بجرب .. ودقت له مها وهي مرتكبه وايد .. ماتعرف ليش .. بس حست عشان اول مرة تكلم شخص غريب عنها .. ... الساعه كانت فوق الوحدة ونص الفليل .. واحمد كان يذاكر حق امتحان في الاسعافات الاوليه .. ويوم رن تليفون الحجرة ... قال اكيد ربيعه خاطر هالحشرة .. ورد عليه


احمد: هلااااااااااااااااا بالدكتور ولله


مها وهي مرتبكه قالت اكيد مغلطه في العنوان .. بس يوم بغت تسكر طلع منها صوت دون ما تدري وقالت : الوووه


احمد سكت يوم سمع صوت انثوي .. كان مسحوت وهادي وايد .. وشكله الي يكلمه كان يصيح .. ورد : مرحبا


مها : سلام عليكم


احمد: عليكم السلام .. هلا .. منو معاي


مها بصوت ابح : انتا منو


احمد وهو عاقد حياته : انتي الي متصله ... خير ؟؟


مها وهي تقول بصوت واطي : انت عطيتني رقمك .. شو تبى تقول لي


احمد قاعد يعيد كلامها ويقول " انت عطيتني رقمك .. شو تبى تقول لي " استغرب وايد .. عقب عرف منو هيه .. وابتسم : هييييييييه عرفتج .. انتي ام علعولين صح


مها : شو


احمد: ام شباصتين حمر صح ؟؟


مها وهي خدودها استوت حمر من المستحى : هيه


احمد : هههههههههههههههههه ما توقعت انج تتصلين ولله


مها : ليش ؟


احمد وهي مستغرب شكلها يا تستهبل او هبله : شو ليش


مها : ليش ما توقعت اني اتصل ؟


احمد :....... انتي من صجج ترمسين


مها : انت قلت ابا اقولج شي .. وانا ابا اعرف شو تبى تخبرني وبعين ببند عنك


احمد وايد استغرب منها حس انها عبيطة ... وسألها : انتي كم عمرج ؟


مها وهي مستحيه : 15


احمد وهومستغرب وايد لانه شكلها عودة وايد عقب حس بتأنيب الضمير لانه عطاها رقمه وقال : خلاص فديتج .. بخليج عيل انا اوكيه


مها وهي مستغربه منه : والشي الي بغيت تخبرني اياه


احمد وهو حاس بلاحراج : عقب بخبرج شو هو اوكي .. يالله مع السلامه الحين ..


مها وهي : خلاص مع السلامه




وتوقف ذكرياته لين هالمكان .. حس انه متوله لطفله البريئه الساذجه الي حبته .. الي كلمته مع انه كان يلعب عليها .. لين الحين متوله على صوتها .. بس للاسف الزمن غيرها .. الزمن اكل وشرب عليها .. خلالها شبه انسان .. مجرد صورة تتحرك .. لكن في قلبها وداخلها مها انتهت من زمان .



------------

بعدها في بيت جاسم عم جابر ..ميثى كانت قاعدة تلاعب جاسم الصغير ولد حامد اخوها .. وابستام يالله تسحي شعر شقرا الي مستوي كشه متحركه شقرا طبعا كالعادة تصارخ على امها عشان ابتسام تسحيه وترتبه لها وهي ما تحب حد يلم شعرها مول ..
ميثى : بسوم حرام عليج .. خليه مفتوح ليش تربطينه ؟؟
ابستام : اف ميثوه عان تسمعج الحين .. بتصدق ويهها وبتروح عني .. شو ها اخليه مفتوح جنها ام الدويس
ميثى وهي تبتسم : شو بلاها ام الدويس غاوية هههههههه
ابتسام وهي تلوي على بنتها وتحبها : فديت بنيتي من ام الدويس شو ها بعد
ميثى : انتي روحج الي قلتي هههههههه
ابتسام : وانتي عاد ما صدقتي خبر .. اف .. منج .. شقور حبيبي تعالي بنروح الحجرة
شقرا: ماليد . لوحي لوحج
ميثى : هههههههههههههههههههههههههههههههههههههههه
ابتسام ماقدرت تيود عمرها ونقعت من الضحك عليها : هههههه اوكي يا بنت حامد انا اروايج .
ميثى : فديته ولله .. تعالي انتي لين الحين اونج زعلانه منه
ابتسام انجلب ويهها وردت على ميثى : مالج خص فيني او في حامد ميثى .. هذا ريلي
ميثى رفعت ايدها اونها بريئه وقالت : مالي خص فيج بس بقولج نصيحه .. حامد صج هادي وحبوب وماشي احسن عنه .. بس يوم يعصب صدق يعصب .. ومحد يقدر يهديه مرة ثانيه .
ابتسام ماهتمت لرمسه ميثى وطلعت من الصاله وشلت عيالها وسارت قسمها ... اما ميثى فقالت : كيفج ولله .. يوم بيطير منج لا اتمين تصيحين .. يوم جافت الساعه كانت 10 ونص .. فحست بتعب وبغت ترقد لكن جمعه اتصل فيها .. اول شي ما بغت ترد عليه .. بس غصبن عنها ردت ..
ميثى : الو
جمعه : سلام عليكم
ميثى : عليكم السلام هلا
جمعه : شحالج ميثى
ميثى : حمدلله .. انت شحالك
جمعه الحمدلله ... اممم ميثى اقولج
ميثى حست انه جمعه متغير فيه شي .. ماعرفت شو بالضبط .. بس استغربت منه صدق ..
ميثى : خير
جمعه : ميثى انتي تبين الطلاق
ميثى انصدمت من الخاطر .. ماعرفت شو ترد عليه بس سكتت الصدمه كانت صدق قويه عليها ما توقعتها : ها
جمعه : تبين الطلاق ولا لاء يا ميثى .. اذا تبيه انا باجر بروح المحكمه وبطلقج .. بس انتي امري
ميثى وهي عاقدةحياتها ووتنافض بكبرها : ليش جمعه شو مستوي ؟؟
جمعه وماقدر يمسك عمره وتم ايصارخ : يعني شو تبيني اسوي ها .. تكلميني وجنج لايعه جبدج . لو تكلمين دريولكم مب جيه .. وحاقرتني جني ماخذ حلال ابوج .. شو تبني اسوي فيج ميثى ها .. شو خبريني .. اقولج اني احبج واباج وانتي ولا عليج .. ويوم اقولج نتطلق مب عايبنج شو تبني اسوي اشق هدومي ها .. انتحر عشان ترتاحين مني ..
ميثى وهي فاجه عيونها : جمعه .. جمعه .. دخليك شوي شوي .. خلنا نتفاهم
جمعه وبدت دمعته تنزل بس حبسها عشان ميثى ما تحس فيها : شو نتفاهم خلاص ميثى .. انا تعبت .. خلاص خلاص ماقدر اتحمل اكثر ..
ميثى : خلاص جمعه الي يريحك مابا اغصبك على شي انت ما تباه
جمعه : بحفظ الرحمن
ويبند جمعه في ويه ميثى ويتم مقهور وعيونه حمره حس انه غبي ليش سوا هالحركه الغبيه ليش .. وتم يقول في خاطره انه يحبها .. يبحبها .. ليش ..


اما ميثى فيوم سمعت هالرمسه ومن جمعه خصوصا تمت امبهته دقيقه في اليدار .. ماعرفت شو ترد على عمرها او شو تقول .. حست انها خسرته .. خسرت انسان كان يحبها من خاطره .. ودفنت عمرها مع شخص ما يحبها ولا يفكر اصلا فيها .. ليش ياربي انا جيه غبيه ليش .. بغت تصيح لكنها يودت عمرها .. ما ذرفت دموعها .. خلت عمرها قويه .. جمعه اهو الي بيندم .


----------


في بوظبي .. شفى كانت تسمع اغنيه ( أسافر عنك مالت راشد الماجد ) وهي فيها صيحه .. وتجوف رقم محمد على تليفونها كل دقيقه بس ما كانت ترد عليه من اسبوع كامل ... لانها تحس انه ما يباها من خاطره .. وهي منسدحه .. جان تسمع حد يدق عليها الباب .. عدلت بجامتها وقالت : تفضل
رحاب : هلا ولله
ابتسمت شفى يوم جافت انه بنت خالتها رحاب يتها وتعنت : هلا ولله رحاب
رحاب : ها شحالج اليوم ؟؟
شفى : يعني .. مثل الارف
رحاب وهي تجوف تليفون شفى : محمد ما يتصل
شفى : شو ما يتصل حرق تليفوني .. بس رحاب .. محمد .. محمد ما يبى يقول حق خالوه اني يباني .. تخيلي عادي عنده اني اخذ اخوه جاسم
رحاب : شفى عاد انتي بعد قدري ظروفه .. يمكن جاسم يباج .. ما يقدر حق اخوه ترا انا اباها .. شو ها وين تبين .. تبين تستوي سالفه بيت العايله الوحدة
شفى وبدت تدمع عيونها : ماعرف ماعرف ولله يارحاب ماعرف ... بس خالوه هاي قاهرتني ما حصلت غيري عشان تخبطها حق جاسم .. اولا انا بعديني صغيرة .. بعدين محمد الاكبر .. يعني المفروض هو الي تخطب له ..
رحاب وهي تغمض عيونها وتنزلها تحت ... وحست شفى انه في خاطرها رمسه ما تروم تقولها ..
شفى : قوليها .. رحاب .. شو مستوي .. شي مستوي .. دخيلج قولي .
رحاب وهي ترفع عيونها غصب وتقول : شفى .. خالوه .. خالوه تبى هدى حق محمد
شفى يوم سمعت هالرمسه كانت واقفه بس يوم سمعتها يلست من غير اي احساس .. حست انه الدنيا خانتها .. شلت عنها كل شي غالي .. كل شي تحبه .. أول شي اخوها خليفه الي من سافر وعلاقتهم صابها برود شديد .. وعقبها عذابه الي تغيرت فجاة من قبل سنه وستوت انسانه غير .. والحين محمد الي هدى بتاخذه .. هدى ابغض بنيه في العايله .. حست انها تبى تصيح من خاطرها لكن عبرتها كانت محبوسه ماقدرت تذرفها .. تمت امبهته دقيقه .. ماعرفت شو ترد شو تقول ..
رحاب : شفى ما عليج .. انتي احلى عن هدى بمليون مرة .. ماعليج منها
شفى : رحاب .. رحاب محمد خلاص راح .. ماقدر .. ماقدر رحاب .. وبعدين حلاتي هاي ما بغيتها حق شخص غير محمد .. ماروم يا رحاب .. ولا تقصين علي او على عمرج .. منو قالج انه هدى مب حلوة .. هدى وايد حلوة .. صح اني اكرهها بس كلمه الحق تنقال .. بس لسانها متبري منها .. وبعدين هدى اكبر عني بسنتين .. يمكن عشان جيه ..
رحاب : اممممممممم شفى حبيبتي انتي بسج عاد ( ويرن تليفون شفى محمد المتصل ) بتردين عليه ..
شفى: لااااااء .. مابي
رحاب : كيفج ولله .. شي راجع لج .. بس بقولج لين الحين مافي شي استوى .. يعني يمكن محمد ياخذج انتي .. ويمكن جاسم يقول ما يباج .. ماتدرين
شفى :اوكي اذا جاسم قال ما يبني .. تتوقعين خالوه بتخلين محمد ياخذ وحدة اخوه قال مابيها .. ها
رحاب سكتت ماعرفت شو تقول .. بس هزت جتوفها وتمت تلعب بتليفونها .. وكأن المحادثه انتهت خلاص .


---------------


جمعه بعد ما كلم ميثى طلع الصاله يكلم امه ويقول لها عن الي بيسويه .. بس حصلها راقدة .. وماهانت عليه يوعيها ويقول لها عن هالخبر .. فقال بأجل روحه المحكمة لين بعد باجر .. ودخل داخل يروح يرقد .. معا انه يدري انه الرقاد ما بييه بس يالله لازم يحاول .



--------------


في قسم ابستام وحامد .. ابتسام كانت توها مرقدة اليهال خلاص .. فقالت بتسبح بعدين بروح ارقد .. وعرفت انها اذا تريت حامد ما بيي من وقت .. وبتستوي ظرابه ما بينهم شي اكيد لانه متأخر .. بس اول ما دخلت بتتسبح .. جافت انه حامد دخل البيت .
حامد : سلام عليكم
ابتسام : عليكم السلام
حامد : حيالله ام جاسم
ابتسام وهي لاويه بوزها : هلا
حامد وهو يقترب منها : شو بلاج حبيبي .. ليش الحين انتي جيه زعلانه مني .. حرام عليج ولله ماقوى عليه صدقيني ..
ابتسام : حامد .. وين كنت لين الحين .. ممكن اعرف
حامد وهي تأفف : كنت عند نادر .. بعد شي ثاني
ابتسام : ونادر شيبى فيك .. ماعنده حرمه يسير لها
حامد : ابتساااااااام .. وانا شلي بسأله وين حرمتك روح لها .. شو ها .. بسج عاد .. ما بتبطلين هالسالفه انتي ..
ابتسام : لا يا حامد ما ببطلها انزين .. كيفي مابا .. شي ثاني بعد ..
حامد وهو يطالعها بنص عين : لاء .. سلامتج .. تصبحين على خير
ويطلع عنها يرد بيتهم اما ابتسام كالعادة اتم ندمانه عشانها زعلته وهو راح زعلان منها .

جناااان في انتظار التكمله

والله يوفقج

ندى

مشكوورة نــــدى وتسلميـــــن.....

أمووون وين الباقي عاد يالغالية لا تطولين علينا

بانتظااااااااااااااااااااااااااااااااار ...

تكمله الفصل الخـــامس





الصبح الساعه 8 ونص .. عذابه كانتمتلبسه ومسويه شنطتها ومتعدله .. كانت مطلعه شنطتها الحمرا الي يابتها من لندن قبلسنه وما لبستها مول .. وحطت فيها مستلزمات بتحتاج لها مثل مشط و حلويات وجبسات ومايوجحالها وجلوساتها وحطت T-shirt قالت يمكن يستوي شي وأكون محتاجه حق تبديل .. ولبستنظارتها الشمسيه .. بس يوم جافت صورتها منعكسه في المنظرة .. حست انها غريبه .. صحانها دوم تلبس جنزات وبودي .. بس هالمرة غير لانه خال شمايل بيكون معاهم .. يعني مبحلوة لا في حقها ولا في حق الشمايل الي خالها بيقول لها شو من ربع انتي مرابعه ..فتذكرت انه مرة كانت سايرة بوظبي وكان شي عزا هناك ومرت عمها عطتها عباه وشيله ..ويوم سارت تدور في الكبت حصلت العباه بس كانت ريحتها خايسه لانها محفوظة في صندقوالشبله كانت حالتها وايد صعبه .. ويوم جربت العباه اصلا كانت قصيرة عليها لانهاوايد طولت .. فما عرفت شو تسوي .. قالت تقول حق شمايل تسلفها عباه بس استحت .. اخرشي قالت نطلب من القريب احسن من البعيد .. وسارت عند امها الي كانت ماخذه اجازةاليوم .. وحصلتها راقدة وحجرتها باااردة والستاير لين الحين امبنده يعني اللهم ضوءخفيف بس طالع من الستارة .. دشت وتمت تدق امها ... وتحاول تصحيها .. بس رقاد مهاوايد ثجيل عشانها ليله البارحه يوم رقدت رقدت من اثر حبوب منومه لانها مصابه بالارقمن قترة مب قصيرة .. والدكتور وصف لها حبوب منومة .. بس مها ليله البارحه اخذتحبتين مع انها دكتورة وتعرف مضارها بس ما كانت تهتم ..

عذابه : اميييييييييه .. امايا ..امايا نشي


مها :اممممممممممممم


عذابه : امي فجي عيونج .. ابااقول شي بسرعه عاد بتستوي الساعه 9


مها وهي مبندة عيونها : ها .. شوبلاج


عذابه : اميه ابا شيله وعباه منج .. بسرعه


مها وهي تحط ايدها عيونها : حق شوتبينهم


عذابه: امايا بطلع الحين .. ياللهابا


مها فجت عيونها وين بتروحين؟؟


عذابه في خاطرها " وليييييييه هايما تعرف اني بروح العزبه .. اممم احسن شي ماقول لها لانها بتنغص علي " : امي بروحبيت ابوي .. يالله ابا شيله وعباه


مها يوم تذكرت راشد حست بوهنوقالت حق عذابه : بتحصلينهنم في الكبت


عذابه وهي سايرة بتفتحه طاح منالكبت مفتاح مها الي هو مفتاح بيتها الي منقوش فيه A-M عذابه اطالعته بستغراب وضحكتوالي يا في يالها مها وعذابه .. بس ضحكت سرها ودخلته وقالت : اي عباهاخذ


مها : كيفج


عذابه طلعت لها عباه سادة مافيهاشي وشيله لى اطرافها نقش بسيط لونه احمر .. استانست عشانه يمشي مع البودي والشنطه .. بس ما حصلت غير هالشيله لانها اخف وحدة واقل شيله عليها نقوش وحركات .. طلعت منالحجرة بدون ما تودع امها الي ردت ترقد ولا على بالها ..


عذابه وهي تقيس العباه: الحمدللهيوم انه عطولي .. صح شوي طويله بس يالله ..


لبست عذابه عباتها وشيلتها اليكانت بس عالجتف وكل ساعه تطيح .. ولبست نظارتها الشمسيه .. وسمعت صوت هرن سيارةوتليفونها كان يرن شمايل المتصله .. على طول نزلت تحت وهي تركب سيارتهم .



--------------------



الصبح كان كئيب في بيت ابتسام ..حامد رقد الليله في حجرته الجديمه في قسم ابوه .. وابتسامتمت طول الليل وهي تدمعبصمت .. حست انها وايد تجرحه .. وايد تستفزه وتقهره .. تمت لو تروم تغير هالطبعالخايس بس ماقدرت .. لانه خلاص تأسس فيها من اول يوم زواج .. وسواسها انه حامد يعرفوحدة او يكلم وحدة او يفكر يتزوج كان ذابحنها .. دوم تحاول انها تكسب رضاه بس برمشهعين يتغير ويستوي العكس .. يوم جافت الساعه كانت 9 وربع .. وجاسم ناش من صباح للهخير وساير بيت يده يتريق ومع يدته .. اما شقرا فتوها بس نشت من رقادها وتمت تصيح مناليوع


ابتسام : اصبحنا واصبح الملك لله .. انتي كل يوم على هالموال تنشين وتصيحين .. عفكرة تقهرين


شقرا : اججج


ابتسام وهي تضحك غصبن عنها :ههههه انزين انزين ...


وشلتها ابتسام وسارت غست لهاويهها واسنانها .. وهي بعد سوت نفس الشي .. عقب تلبست وسارت بيت عمها ..


ابتسام وهي تدش الصاله : سلامعليكم


الكل : عليكم السلام


ام حامد : حيالله ام جاسم ..تعالي فديتج يلسي


ابتسام وهي تبتسم : عموه جسومتريوق


ام حامد : هيه فديت روحه تريقوسار عند يلعب


ميثى : ولدج ما يتذكرنا اى يومايوع .. جيه تيوعينه


ابتسام : ميثووووه .. اصلا ولدييحب ريوق عموه انزين ... يالله مناك هههههههه


ميثى : هيه دهان سير حق امايا ..انا اراويج ... اقولج .. بتطلعين اليوم .. بنتشرى حق كرشتج


ام حامد : ويه بسم لله عليها ..شو كرشتج بعد .. اصلا تتمنيها انتي .. وبعدين شحلاتها ولله


ابتسام وهي تحب عمتها على خشمها :فديتها ياربي .. محد فاهمني غيرها


ميثى معا انها ما ردقت البارحهوتفكر في رمسه جمعه وكانت صدق خايفه تخبر امها .. بس ما حاولت تبين شي ابدا ..وقالت بترمسه بعدين وتحاول تتفاهم وياه .. صح انها ما تطيقه .. بس تاخذ ريال يموتفيها احسن من تاخذ واحد ما يحبها وهي تموت فيه .. فقالت يصير خير ..


ابتسام : بلاج ميثوه بهتتي؟؟


ميثى : ما بلاني شي يا مرت اخوي ... الا تعالي اخوي وين ..


ابتسام جافت ميثى في نظرة يعنيسكتي بس ميثى حست انه شي مستوي وانه ما تبى ترمس جدام امها ..


ميثى وهي تكمل عبارتها : ليكونبعده راقد ..


ابتسام : اايه اايه هيه بعده راقد .. الا امي خلنا نسير المطبخ شوي ..


ام حامد : يالله فديتج ...


ويوم سارت ابتسام وام حامد ..ميثى سارت صوب حجرة اخوها الجديمه وحصلته ليما الحين راقد .. لوت بوزها وعرفت شيجايد استوى .. بس تريته ينش عشان ترمسه .. وخلتها فرصه عشان تفكر في مشكلتها بكل هدوء .

في السيارة يوم دشت .. كان دريولل قوم شمايل يسوق .. ويالسه حذاله البشكارة .. وورا ام شمايل وشمايل وعذاري يالسه في الدبه مع اخوهم فهد وعذابه يلست مع ام شمايل وشمايل ..
ام شمايل : عذابه شحالج فديتج ..
عذابه : حمدلله خالوه, أنتي شحالج ؟
ام شمايل : بخير يعلج الخير .. شخبار امج ؟
عذابه من ورا خاطرها : زينه حمدلله ..
شمايل : عذوب .. من متى تلبسين شيله وعباه ..
عذابه : ههههه بس عشانج لبست جفتي عاد
شمايل : شكلها عباه امج
عذابه : بالفعل هههههههههه
عذاري : امايا .. الحين بنسير بيت خالي
ام شمايل : هيه .. ترانا بنركب في سيارته ..
عذاري : انزين سيارته صغيرة ما تسد
شمايل : لا خالي قالي بياخذ الجمس
فهد : اللله .. احب هالموتر .. فنان .. كبير وخالي يسوق بسرعه
عذاري وهي تضربه عراسه : اسكت لا ويا راسك
فهد : جب انتي زين
ام شمايل : فهد اسكت عن اختك العودة
فهد : انا الريال لازم تسمع رمستي
عذاري : ريال على مرتك يالهرم
ام شمايل : ايه جب انتي وياه ..
عذاري + فهد : سوري
شمايل : انزين عذروب ..
عذابه : هلا
شمايل : يايبه لبان ماكل .. ولله خاطري فيه
عذابه : عشون عيل .. هيه اكيد يايبه .. تبين
شمايل : لاااااا حلفي انتي بس .. اقولج عندج .. وخاطري فيه .. واونه تبين
عذابه : ههههههههههههههههههههههههه نسيت ..
بعد 7 دقايق وصلو بيت احمد عشان يغيرون السيايير .. واحمد كان زاهب ولابس كندورته البيج ومتعصم ولابس نظارته السودة ..
ام شمايل : حيالله بو شهاب .. يالله يالله شغل الموتر .. الحين بننزل
احمد : يالله بسرعه
احمد كان يكملهم من بلكونه حجرته .. وحط دهن عود وتعطر ونزل تحت ... كل الويوه كانت مألوفه له الا ويه واحد بس .. حس انه غريب وعرف انها ربيعه شمايل .. عذابه كانت وايد مستحيه منه بس قالت طز لا بعتبره بابا .. لكن شكله ما كان يساعد انه يكون اب .. لانه لين الحين محتفظ على وسامته وكان بالفعل وسيم ..
احمد وهو يأشر على عذابه : اكيد ربيعه شمول
شمايل : هيه عيل شو .. خالي عذابه .. عذابه خالي
احمد وهي يبتسم ويقول : Nice 2 meet u
عذابه حست انه ماصخ وطفس وقالت اوكي وانا بعد بكون شراته : me 2
احمد استلم السكان .. ويت هدى ويلست حذاله .. عذابه وعذاري وشمايل وفهد يلسو ورا .. والبشاكرة عقوها في الدبه ويا الاغراض .. وشغل لهم احمد شريط راشد الماجد مشكلني والكل كان مرتبش عليه حتى عذابه حست عمرها بين اهلها حتى بوجود احمد الي حست انها تعرفه بس ما تدري من وين .. فهد كان مرتبش وكل ساعه يقول حق احمد جاوز هذا .. لا تخلي هذا يسبققك .. افا واحد هندي كحيان وسيارته قربعه يفوز عليك .. وطبعا احمد يوس قوهدى من صوب تقول خفف .. وشمايل وعذاري يهزون في مكانهم .. وعذابه تصفق من صوب ثاني .. السيارة كانت تهتز من داخل من شدة الحشرة والوناسه .. بس الحمدلله يوم انها مخفي بالكامل جان قالو هذبل خبايل ..
احمد يكلم هدى بصوت واطي : هدو .. تراني تصالحت وياها
هدى : هااااا .. قول ولله .. متى
احمد : من اسبوع جيه
هدى : ليش شو ستوا
احمد : امممم ماشي ..
هدى : زين زين .. بس ياحمد . صح اني وافقتك .. وقلت سوي الي تباه .. بس تعرف انه غلط ..
أحمد : ياهدى ...
هدى : هلا
أحمد : ماعرف شو اقولج .. تدرين انه البارحه تضاربت وياها
هدى : احمد .. الحرمه بعد ما تبى يكون زواجكم بالسر .. يعني تبى تعلنه .. ليش ما تطلب ايدها من ابوها
احمد : هدى تستهبلين لله يهداج .. كيف اطلب ايدها وانا وهيه معرسين ..
هدى : ولله انك حيرتني .. اف سوي الي تباه .. مليت منك ..
شمايل وهي تصارخ : شو بلاكم تتصاصرون انت وياها هاااااااااااااااااااااااااع
احمد : هاع في عينج .. خلج شرات ربيعتج هاديه جيه .. حشى
عذابه : احم احم
شمايل : عيش ولحم اختي
عذاري : اقول خالي ما عليك منهم هذيل الهمج .. شغل لي ميحد ..
احمد : عاشت بنت اختي البدويه
فهد : لا خالي .. شغل شاقي لا
هدى : وابويه عليك .. هذا الي ناقص نسمع خوال ..
احمد : ويه هدو .. ما حيدج متعصبه عرقيا
هدى : ههههههههههههههه لا بس هذا الشاجي مالهم وايد طفس
فهد : امييييه اسمه شاقي هب شاجي ههههههههههههههههه
وكملو سوالفهم كلها ضحك وسوالف .. وعذابه نست انها بين اغراب .. بالعكس حست انه ساعات الغرب احسن عن القرب ..

---------------------

في منطقه ثانيه من دبي .. وتحديدا في جميرا .. محمد كان يالس في حجرته .. وكان يالس عالنت .. اول شي يدور معلومات حق البروجكت ماله .. وثاني شي يتريا لو غناته تدخل النت عشان يكلمها .. بس للاسف دخلت محمد ما كان لها اي معنى .. اول شي شفى كانت مسويه له بلوك وتجوفه اون لاين وقلبها يتقطع تبى تكمله ونكه كان " يا دنيا فهميه انه حياتي بعد غيابه صعيبه " بس يوم تفكر تشل البلوك عنه تذكرانها ممكن يوم من الايام تكون زوجه جاسم اخوه .. كيف تكلم وتحب اخو زوجها .. لازم تنساه .. ولو كان صدق يحبها بيسوي المستحيل عشانها .. بيكلم امه .. بيكلم ابوه .. بس للاسف محمد كان وايد يحترم امه حتى اكثر عن جاسم .. وبعدين حتى لو فصخوا كل شي .. ابوي ما بيرضى اني اخذ محمد .. بس على كلام محمد جاسم ما يباني .. اااااااااه .. ماعرف شو اسوي .. احسني بموت من القهر .. عذابه وينج يوم انا بحاجه لج ..
وتمت شفى تفكر بصمت وهي تحس انها تتقطع شوي شوي .. وخصوصا انه اليوم الخميس ... يعني بيت عمها بيون بيتهم .. يا اليوم او يوم الجمعه بس بيون .. ومحمد بعد بيكون موجود وجاسم .. يا ترى كيف بيكون موقفها من الاثنين .. حبيبها قاعد في صوب .. وزوجها المستقلبي في صوب ثاني .

--------------------------


قوم عذابه وصلو العزبه .. طبعا اول ما احمد وقف السيارة اهواج نزلت من السيارة .. البشكارة من ورا .. فهد وعذاري من باب وعذابه شمايل من باب ثاني
أحمد : حشى تقولون بوش كان محبوس في زريبه شو ها ...
شمايل : ههههههه خالي .. هيه ميلسين 4 ورا شو تبا عيل .. كنا مرصوصين وحليلنا
أحمد : عيل عذابه ما شتكت
عذابه ابتسمت بتهكم وردت : لاني ضعيفونه .. يعني شي مكان حقي
أحمد ويدز شمايل عليها : دخييييييل والديج عليها هالدبه ..
عذابه ابتسمت بصمت .. بس حست انه احمد وايد مصدق ويه ياخذ ويعطي وياها كانها تعرفه من زمان .. او شي ضايقها هالشي بس عقب قالت شو يعني .. يالله نستانس ...
طول هالمدة وأحمد ما دقق في ويه عذابه عدل .. يعني ما جاف عيونها الي كانت ام غطيتها في نظارة سودة .. بس حس براحه وكانها شمايل او عذاري ... وهو من النوع الاجتماعي الي عادي عنده يسولف مع اي شخص ...
عذاري : فهد .. النقازيه وينها ؟؟
أحمد : النقازيه اختربت وعقيناها بحر
فهد + عذاري : افااااااا .. ليش
أحمد : ولله انا روحي مادري جيه خبروني
شمايل : احسن .. عذاري انتي ياهل اتمين اتانقزين شرات المخبل .. فهد عادي ياهل .. انتي شو كبر الفقعه
فهد : ايه انتي شو ياهل جب زين انا ريال البيت ..
عذاري وشمايل : Shhhhhhhhh
عذابه : ههههههههه حرام عليكم سكتتو الريال شو ها ههههههه
أحمد : انزين .. عذاري .. شلي الربع وسيرو دخلو قشاركم عقب تعالو هني انزين ..
عذاري : انشالله عمي
بعد ما سارو البنات تم احمد ويا هدى وسارو ودخلو البول هاوس .. عشان الشمس كانت حلوة وماي الحوض كان بارد .. فأحمد كان في خاطره ينزل يسبح ..
هدى : بتسبح ..
أحمد : هيه .. يالله انتي بعد
هدى : لا مافيني ... انزين احمد
احمد : عيونه
هدى : احمد .. شو ستوا عى سالفه مها
احمد تغيرته نظرته وجاف اخته بكل حدة ورد عليها : ممكن ابند هالسالفه لاني مابا ارمس فيها اوكي
هدى : يعني لين متى احمد .. قلت لك اذا تبى تعرس انا بدور لك حرمه وتعرس ابها على سنه الله ورسوله .. والله من يتمونك ..
احمد :..................
هدى : احمد .. مها صدق حرمه وحلوة .. بس هي بعد كانت في البدايه مطلقه .. يعني عندها بنت كبر شمايل يمكن الحين على حد كلامك صح
ااحمد : هيه صح
هدى : عيل
احمد وهو بدى يزاعج : هدى وبعدين وياج ... خلاص قلت لج مابى .. مها حرمتي بالسر بالعلن حرمتي .. ومابا اطلقها ... انا احبها يا هدى ما تفهمين احبها ..
شمايل وهي تدخل البول هاوس : منو هاي الي تحبها خالي
احمد وهدى بسرعه لفو صوب شمايل : شووو
شمايل : خالي بلاك قلت لك منو تحب .. قلت توك احبها يا هدى احبها منا تفهمين
هدى وتتقرب من بنتها : انتي من متى واقفه
شمايل وهي رافعه حاجب واحد : توني
احمد : ماشي رمسه بيني وبيني وبين امج انتي شلج ترزين بويهج ..
شمايل : زين زين حشى .. بروح
وطلعت شمايل من عندهم .. اما يوم هدى بغت تستكمل الحديث .. طلع احمد وهو لابس ثوب السباحه وشال العدة كلها وياه .. وحطهم على اول طاولة على المسبح وعقب عمره في الماي .. اما هدى فتمت اطالعه وهي ساكته ...

امممممممممممم قصه اللي يعجبني فيها ان احداثها غريبه ومشوقه في انتظار

التكمله يا عيوني |4|

مشكووورة نـــــــدى على مروورج الكريــمــ...
وتسلميــــــــــــــن..

اموووووووووووووووووون ووووين الباقي !!!!!!؟؟؟؟
ننتظر منك بقية الابداع

تشكرااااااااااتي....

( الفصل الســــــــــادس )






بعد دقايق يت البنات وعذابه عقب عباتها وشيلتها والنظارة بعد الشمسيه بعد لانه المكان الي قعدو فيه كانت فيه ظله ... اما فهد فبدل ملابسه وعق عمره مع احمد يتسبحون سوا ..

عذاري : امايا .. يوعانه انا


شمايل : حشى توج ماكله

عذابه : عذاري انا بعد يوعانه تصدقين

ام عذاري : بنات شو بلاكن جيه اتريين الغدا

شمايل : اميه .. هذيل ياين من مجاعه حشى .. شوي شوي .. الغدا مب الحين قالولكم الساعه 2 ونص .. الحين الساعه توها 10

عذاري : هاااا

هدى : اقول عذاري .. سيري ويا شمايل وهاتو ثلاجه العصاير

عذاري وهي تنش : قومي شمول

شمايل : انزين

ويسيرن كل من عذاري شمايل ايبون الي طلبته امهن منهن .. اما هدى فتدخل داخل وتسوي سندويتشات حق احمد تعرفه يوم يسبح ايوع ... وتمت عذابه روحها .. فيوم نشت بتروح اتييب موبايلها من الطاوله الثانيه ... ريولها دقت شي بارد يوم رفعته شهقت من الخاطر ..

احمد سمع شهقتها : شو ستوا

عذابه وهي تجوف هالشي وهي تتنفس بصوت عالي وترد عليه وهي مركزة على الشي الي في ايدها : ماشي

احمد وهو يحالو يدقق في الشي الي في ايدها : شو ميودة ؟؟

عذابه وهي تخشه ورا ظهرها : ماشي ماشي

احمد : انزين عذابه لوسمحتي ممكن تخبرين هدى تييب لي النسكرز

عذابه وهي اطالع هالشي وترد : انشالله

بس عقلها ما كان وياها مول ... تحس انها ماتعرف شو تقول ... هالشي كيف وصل هني .. منو يابه .. اخر مرة جافته كان في حجرة امها وهي ردته بأيدها فوق الكبت ...

عذابه : عمي احمد .. هالشي مالك ( وترفع الميداليه )

احمد واستغرب ورد : هيه ..

عذابه وهي تبلع ريجها : من منو

احمد وهو عاقد حياته : صديق

عذابه والعيون بدت تجمع في عيونها : ريال ولا حرمه

احمد صدق تم مذهول وقال بغباء: ها

عذابه وهي تكرر السؤال وهي مغيظة : ريال ولا حرمه

فهد: انيت حوه بلاج تزاعجين على خالي

احمد صدق خاف وقال شسالفه .. وطلع من المسبح والماي يتصبصب من شعره وجسمه ولف الفودة وقال: عذابه بلاج

عذابه وهي تصيح : عمي من وين يبت هالميداليه ..

احمد وهو يتنهد : شو بلاج عذابه .. هاي ميداليتي .. ودكتورة عطتني اياها

عذابه يوم سمعت دكتورة .. عرفت السالفه وعرفت انه شكها كان في محله .. كانت تدري من سنه انه امها على علاقه مع واحد .. وهذا كان سبب الفجوة الي حصلت بينهم .. درت انه شكها ما ظلم حق امها .. عرفت انه امها خاينه وخايسه وحقيرة .. وكل كلمه خايسه تنقال عليها

احمد ويلس حذال عذابه بعد ما جاف شحوبها .. : عذابه

عذابه : انت تكلم امي

احمد من قالت كلمه امي لا اراديا دقق في ملامح ويهها واكتشف الي انخش عنه طول الرحله .. عذابه كانت نسخه مصغرة عن مها .. عرفت وين جاف هالويه كانت عذابه مها يوم كانت بمثل عمرها ... عرف ليش حس بالارتياح من هالبنيه .. معا انه مايحب البنات الي يرمسن ويا ناس غرب عادي .. واسمها عذابه .. اكتشف انها بنت مها .. بس لسانه انعقد ماعرف شيرد ..

وفي هاللحظة هدى وبناتها يو وجافو فهد واحمد عند عذابه وعذابه منزله راسها .. احمد كان مرتبك مب عارف شو يقول .. يدري انه مها قالت له انه عذابه شاكه فيها وهالكلام من سنه تقريبا وستوت سالفه عودة بينهم .. بس الحين صدق شكها كان في محله ....

احمد : اممممممممم .. هدى .. ممكن تاخذين عذابه .. تعبانه شوي

شمايل وتلوي على ربيعتها : سلامات .. سلامات .. شو بلاج حبيبتي

عذابه وبعيون كلها قهر ولؤم تجوف احمد : ماشي .. وتنش وتسير ويا هدى الي لين الحين مب عارفه شسالفه



------------




في دبي .. يرن تليفون مها رنين متواصل .. كل ما تسكته يرد يرن ... ويوم شلته تجوف الرقم كان احمد استغربت وايد لانهم ما يرمسون بعض .. او بالاحرى هو زعلان منها .. فردت عليه

مها : الو

احمد : مها .. انتي راقدة .. قومي نشي .. مستويه مصيبه

مها وهي تنش بسرعه : هاااااااا .. احمد ... شو مستوي

احمد : عذابه ..

مها وهي تصارخ : بنتي استوابها شي ... احمد الحين بي المستشفى

احمد: أي مستشفى الله يهداج .. بنتج في اللذيد عندي

مها : اللذيد .. عندك .. احمد انت شو يالس تخورط

احمد وهو رافع حياته : يعني انتي ما تعرفين انها سايرة العزبه ويا ربيعتها

مها وهي ميودة راسها : احمد شو تقول

احمد : يعني بنتج طالعه من دوم ما تدرين

مها : مادري احمد .. ايام الويكند .. تستئذن من ابوها .. مادريبها انا

احمد : عالعموم اسمعي .. ترا بنتج عرفت عني

مها : هاااااااااااااااااااااااااااااااااااااااااا .. شو تقول

احمد : الي سمعتيه

مها : كيف ؟

ويقول لها احمد كل السالفه .. طبعا مها كانت تصيح لانها بالحرج .. كيف بتجابل بنتها .. كيف بيكون موقف عذابه من مها بعد اليوم .. يوم عرفت انه ربيعها وجيه .. عيل لو عرفت انه ريلها شو بتسوي .. بتودر البيت وبتخبر راشد وراشد بيخبر ابوها .. واخوانها بيذبحونها ... صح انها ما كانت مهتمه حق هالسالفه وايد .. بس الي كان شاغلنها عذابه .. عذابه ام ال15 سنه .. شو راح يكون موقفها من امها مع الايام .. هل راح تسمع عذابه كلام مها .. مها .. مها شو بتكون بالنسبه لعذابه .. مها خلاص شوهت صورة الام الي كانت عند عذابه وشوهتها خلاص ..

احمد وهو يسمع صوت مها : حبيبي الله يخليج .. الله يخليج مها بس .. بس لا تصيحين ..

مها : احمد .. احمد انا خلاص انتهيت .. بنتي راحت

احمد : مها لا تقولين جيه .. هدى بتفهمها كل شي ...

مها : احمد انت شو تقول .. عذابه .. عذابه مب ياهل .. عذابه تفكيرها ويا كبير واكبر عن سنها .. بتشمئز مني ... بتحس اني عار بالنسبه لها .. انت ما تعرفها .. بتلجأ حق مرة ابوها امنه .. وانا .. انا امها .. تباني انحرق واجوف مرة ابوها تحظن بنتي وانا عايشه .. احمد انت السبب .. انت سبب عذابي .. انت سبب الي انا فيه .. انا اكرهك .. اكرهك ياحمد اكرهك .. انت هدمت حياتي من اول يوم عرفتك فيه .. اانا بنتي اهم منك .. واهم عن مليون ريال ..

وتبند مها التليفون وقلبها ينعصر في صدرها .. وتمت تصيح من خاطرها .. وتضرب الشبريه الي يالسه عليها بكل قوتها وكان الي جدامها احمد .. احمد تضربه وتقطع ويهه في اظافرها .. وهي تضرب شبريتها سمعت صوت صرخه وكأنه صدى صوتها قاعد يتردد .. بس ماتحيد انه شي صدى في البيت .. وقفت ضرب وسكتت والدموع بس تنزل وريجها ينبلع ..

نشت من شبريتها وشعرها كان لاصق في ويهها الي ملاه الدموع .. وشوي تمشي وهي حافيه عالكاشي .. تحاول تسمع الصوت الي بدا يخف شوي شوي .. وحصلت الغرفه الي دوم تنتفح روحها مفتوحه ... كانت الدريشه مبطله والهوا يدخل ويلعب في الستاير ... الستاير كانت بيضا بلون الثلج .. وحست ببرودة شديدة داخل الحجرة .. حتى انها تمت اطلع البخار من شفايفها .. معا انه الجو كان حر والشمس كانت شمس قويه .. بس تمت بردانه وبندت الدريشه وشوي شوي هبطت الستاير تحت .. ومسحت الغرفه بعيونها ورموشها الطويله السودة .. وحست انها تبى ترقد .. ما حصلت عمرها الا وهيه سايرة على زاويه الحجرة وحطت راسها ونامت .. مع ان الغرفه بس كانت فرش بدون أي شي ثاني وبوجود منظرة كبيرة معلقه عاليدار.. حطت مها ايدها تحت راسها وبندت عيونها العسليه ... حست باحساس غريب وهي في هالحجرة ما قدرت تفسير سببه .. لاول مرة تحس انه هالغرفه ما تتيب في نفسها الرعب بعدها ماقدرت تقاوم النوم ونامت .



------------------------

في البيت الي مجاور بيت مها .. البيت الرمادي .. جابر كان قاعد في بلكونه الصاله الي اطل على الشارع والحديقه .. وهو كان مركز عيونه على بيت مها .. صار له فترة من جاف عذابه واختفت فجاة .. يمكن لانه هو كان مختفي هاليومين .. بعد المصيبه الي سواها سعيد ولد سالم .. والي شل وياه 8 من اكبر واحسن التجار الي كانو يتعاملون مع جابر .. وسار سعيد وسحب اسهمه في الشركه وباعها حق شخص ثاني .. صح انه اسهم جابر الي الاكثر بس بعد ماستحمل جابر فكرة شخص غريب تدخل الشركه .. لكن بفلوس الاسهم قد سعيد انه يسويله شركه خدمات صغيرة على قد بيزاته ... وهذا قهر جابر بس من صوب ثاني استانس لانه سعيد ما طلع ضعيف مثل ابوه .... جابر لين الحين ذكريات الحادث مب قادرة تنشال من مخه ..

يوم وصله خبر الحادث حس بشرايينه تتقطع ... وانه خلاص انتهى ..

" .........: الاستاز جابر سعيد "

جابر : هيه نعم اختي ... منو "

" .........: انا من بحاكيك من مستشفى راشد ... فيك تتفضل لعندنا لو سمحت "

" جابر وهي خايف : خير اختي .. شو مستوي "

" ........: السيدة حرابه محمد بتقربك شي "

" جابر والعرق بدا يتصبب : هيه امي .. شو بلاها "

" ..... : لو سمحت اخوي فيك تتفضل لعندنا "

مرت عالذكريات الاليمه في ذاكرة جابر بصورة خاطفه .. كل ما يذكرها شعر جسمه يوقف ويتمنى او بس العداله اخذت مجراها .. على الاقل روح امه بترقد وهي مرتاحه في قبرها ... الي قطع عليه حبل افكاره صوت التليفون ... جافه بصمت عقب سار بكل بطئ عشان يرد عليه

جابر : الوه

منى : هلا ولله

جابر : هلا منى

منى : هلا حبيبي .. شحالك

جابر في خاطره " اكيد ريلها يبى شي " : بخير و سهاله منى .. انتي شحالج

منى : تمام ....... اممممممممممممم جابر .. شو رايك اليوم تي تتعشى عندنا انت ورجاوي .. من زمان ما سهرنا سوا

جابر : نتعشى .. رجاوي .. سهرنا .؟؟؟ منو حبيبتي شو يايينج .. انا اتعشى ويا ريلج المحترم .. ولا واسهر .. لا وايب رجاوي بعد .. شو ياينج ........ ولا ريلج يبى بيزات

منى بصوت عالي وقهر : جابر وبعدين وياك .. انا كل ما كلمتك عن ريلي سبيته وذميته .. لين متى يعني .. خلاص اتقبل الي صار انا حرمته وهو ريلي واشل في بطني ولده .. رضيت ولا مارضيت .. فاهم

جابر : فاهم يا بنت سعيد .. عيل ليش متصله

منى : اليوم خميس وما بغيتك ما تتم في البيت

جابر : مشكورة منى .. ما بتم في البيت بروح بوظبي ... شي ثاني

منى وهي لاويه بوزها : سلامتك ... باي

جابر على طول بند السماعه وتم يفكر في منى .. صح انها ما عدت ال23 بس بعدها عقل عقل يهال وينقص عليها بالكلام المعسول الي تحصله من ريلها اللعاب .. جابر يعرف عن ريلها انه يلعب بذيله ويرمس بنات .. وياخذ بيزات من منى . بس ياكت شو ممكن يقول .. بتاكله في الكلام وبتقطعه .. يسكت احسن شي .. ورد حق صمته .. وقرر انه بالفعل يروح بوظبي عند ربيعه منذر وبيشل رجاوي معاه لانه منذر وايد يحبها ...

---------------

* ا ممممممم عبد الرحمن جوف .. هذي الماستر روم ... واممممم هاي الغرفه الـ............. عبد الرحمن .. شو تخبلت *

* لا ما تخبلت .. بس يا حياتي .. عادي انا احبج وانتي تحبيني *

* عبدالرحمن اقولك ودر أيدي *

* هههه يا ميسون يا ميسون ... منو تتوقعين بيسمعج . . نحن في بقعه فاضيه .. بيوت ماشي .. واذا سمعو صوت بيتحسبونه صوت اشباح هههههههههههه *

* عبد الرحن .. نسيت اني على ذمه ريال .. دخلك ودرني *

* وانتي نسيتي انج تخونينه ويايبتني بيته الي بيسكنج فيه .. هذا شو يعتبر اخت ميسون .. يعني يايبتي بيت هااااااا *

* عبدالرحمن قوم عني .. ما توقعت انك خسيس وحقير *

* ادريبج بيبي وتوج مراهقه هههههههههههههههههههه يالله الله يعين جابر عليج *

* لا تطري اسمه على لسانك .. هالشخص اشرف منك ومن اهلك *

عبد الرحمن وهو ميود سكين صغير في أيده * جااااااااااااااااااااب ولا كلمه يالكلبه يالحيوانه ... انا بعلمج منو هو عبالرحمن *



" اااااااااااااااااااااااااااااه " كانت كلمه اول ما نشت مها قالتها ... قلبها تم يضرب بكل قوة ... في صدرها ماعرفت شو كان سببه .. المشاهد كانت حقيقيه .. وكأنها تستوي جدام عيونها .. مشهد اعتداء وقتل .. ودم .. تمت مها تتنفس بكل صعوبه مب قادرة تلحق انفاسها .. حاسه انه قلبها مقبوض ... كانت منزلة راسها في الارض .. وشعرها خاش ويهها .. بس يوم رفعته وجابلت المنظرة العودة الي جدامها حست بخوف .. منظر الدم كان كل مكان في الحجرة القتيله كانت حذالها طايحه والدم يخر من ايدها ... بس يوم اطالعت على طول صوبها ما حصلت شي .. ويوم ردت اطالع المنظرة كان كل شي سراب وانتهى .. حست بقشعريرة وعلى طول طلعت من الغرفه .. وهي تركض ... وزقرت البشكارة

مها : رووووووووووووووز .. روووووووووووووز

روز وهي تركض : yesyes mama

مها وهي تلهث : whereis salime

روز : سليم في حديقه

مها : قوليله يدخل هالغرفه ويشل هالمنظرة الموجودة .. فاهمه

روز وهي مب عارفه شو بلاها مها : Ok mama i`ll tell him

مها : سوي لي حليب حار وهاتيه بسرعه

روز : OK mama

وتسير مها الغرفه ويوم جافت الساعه الا هي راقدة نص ساعه ... بس الحلم الي حملته كان غريب .. غريب .. غريب وايد .. معقولة مثل ما عذابه تقول البيت مسكون ... عذابه .. توني اذكرتها ماعرفت شو ستوى معاها .. واحمد .. كيف تجرات وكلمته جيه ... اااااااااااه يا راسي .. كم برقع اليوم



---------------



في اللذيد .. عذابه كانت مصدموه بالي ستوى .. لين الحين مب مستوعبه شي من الي صار او انقال .. معقولة كل هذا يطلع من امها .. متزوجه .. ومن منو من خال ربيعتي .. تبى تفضحني هاي ..

هدى : عذابه حبيبتي انتي هب صغيرة الحين .. وبعدين امج هاي حياتها

عذابه وتجوف هدى بحتقار : أي حياتها أي خرابيط .. هاي مضيعه المذهب .. هاي .. هاي لو يدي عرف بيذبحها .. بيجتلها ..

هدى : حرام عليج لا تقسين على امج .. خلج رحيمه وياها ..

عذابه : خالوه .. خلاص امي .. او مها .. ماعادت تهمني في شي خلاص .. احس انها خايسه ..

هدى : عذابه امج ماسارت وغازلت امج كانت معرسه .

عذابه : معرسه شو في حد يعرف .. شي شهود

هدى : هي شي شهود .. انا وربيع احمد

عذابه : وانتي خالوه .. كيف سمحتي للاخوج انه يعرس بالخش ها

هدى وهي تنزل عيونها : عذابه لا ترمسين في شي اكبر عنج .. انتي ما تدرين الي عانته امج .. ماتدرين امج شو ستوابها لا تقعدين تحكمين عليها

عذابه : وبعد ادافعين عنها .. خالوه .. شو ياج

هدى : عذابه انا رمستج وقلت لج خلاص .. بس دخيلج لا تخبرين بناتي .. واذا قالو لج شسالفه .. خبريهم انه رمسه حريم .. ظهري أي شي من عندي

عذابه بستهزاء : اكيد ................. ابا ارد دبي .. بتصل في دريول ابوي بخليه يمرني

هدى : عذابه .. دخيلج تمي عشان ما يحسون فيج شي

عذابه : مابا

هدى : انزين خلي احمد يوصلج

عذابه : هااه .. مشكورة خالوه

وتطلع عذابه من الحجرة وكان في ويهه احمد .. جافته عذابه بنظرة اشمئزاز اقرب منها كره وحقد .. وتظرتها هاي ذكرته في مها نفس النظرة .. نفس الكره .. نفس النفس الخايسه يوم يكرهون حد ..

احمد : عذابه ابا اكلمج

عذابه : هااه .. شو لازم ازقرك عمي ولا بابا

احمد : عذابه .. انا جاد وياج .. لا تتمسخرين وياي

عذابه : جب .. مالت عليك وعليها .. صدق اني مشمئزة منكم

احمد : عذابه احترمي عمرج انا عاذرنج عشانج مصدومه

عذابه : انا بعملها الادب هالخايسه .. ما يكون اسمي عذابه بنت راشد جان ما راويتها

قبل لا يكمل احمد طلعت عذابه واتصلت في دريول ابوها وقالت له ايي ياخذها ووصفت له وين المكان .. وعقب سارت عند شمايل وعذاري في الصاله طبعا سألوها شو ستوا بس هيه ما خبرتهم ولفت ودارت ..

عذابه تمت الافكار تاخذها وتوديها . معقولة امها تسوي جيه .. تعرس ويالسر .. معقول .. وين اودي ويهي .. ابوي لو درى .. يدي لو عرف شو بيسوي .. خالي سهيل .. خالي حسن .. شو بيكون موقفهم .. ااااااااااااه الله يستر .. يدتي الي فيها القلب شو بتسوي وحليلها .. حرام ..

تمت عذابه تفكر وتفكر .. وتحس انه حياتها كل يوم والثاني قاعدة تتعقد شوي شوي وانه خبر سكنها عند ابوها صار شيمحتوم وانغلق بالشمع الاحمر .مرت الايام وايد بطيئه عند مها ..الي مواجهتها كانت وايد صعبه وقويه مع عذابه .. ما توقعت الامور راح تؤال حقهالمسار .. احتكاكها الاخير مع عذابه كانت اخر شعرة تربطها وانقصت .. ما خلت عذابهكلمه جارحه ما قالتها في حق مها .. حتى انه مها خذت اجازة من دون راتب لمده شهرينبسبب الارهاق النفسي الي نتجه ابتعاد بنتها عنها .. حاولت مها انها تزيح هلافكار منبالها حتى مع زايارات هيفا المتكررة والدايمه لها .. لين الحين مها مزاج الانطواءوالوحدة ما فارقها ..

هيفا : مها .. حبيبة البي .. لحداميتا هيك راح تبقي ؟؟

مها :................

هيفا : مها وبعدين معك هالشي مراحيصلح ايل انكسر .. بتعرفي انك غلطانه صح ولا لاء ؟؟

مها : يا هيفا .. هيفا .. انا ..ااانا خسرت بنتي الي طلعت ابها من الدنيا .. خسرت حسي الي كان ممكن يكون بعد مماتي .. انا استهنت فيها .. وخسرتها يا هيفا ..

هيفا تحاول تهدي مها بس ماتقدر .. كيف تهدي انسانه وهي نفسها مب هاديه .. كل ساعه تفكر في مها كل حد تخلىعنها في الدنيا .. علاقتها مع اهلها شبه مقطوعه .. احمد .. خلاص الطلاق بـيستو منبينهم .. اذا مب الحين باجر .. اذا مب باجر ال عقبه بسراح يستوي .. وهالشي كان وايد محزن هيفا .. صح انها توها اكشتفت انه مها كانت معرسه ... بس كانت حاسه انه مها تحبه ..

هيفا : طيب شو رايك شو سافرتيوغيرتي جو ؟؟ ها

مها واطالعها بنص عين : وين اروح

هيفا : اممم روحي لبنان عند امي .. ولله راح تنبسط كثير

مها : شو تخبلتي هيفا .. اسيرلبنان شسوي .. لالا بتم هني .. تدرين .. افكر اني ابيع البيت .. بسكن في شقه .. شوعندي رازة ويهي وساكنه في فله كبر راسي .. مع منو مع اشباحي ..

هيفا : الله يكون في عونك ..


--------------------------------------------------------------------------------

في بيت راشد .. عذابه كانت توها تحط اخر غرض من اغراضها في الكبت ... وبقا لها بس تحط العطور على التسريحه وينتهي ترتيب غرفتها اليديده .. ابتسمت وهي تجوف شبريتها اليديدة .. الي كانت من معدن اسود مرتفعه عن الارض وايد .. و المفرش كان بلون زاهي وردي حلو .. اما لون الغرفه فكان اصفر مع ورود فوشيه في كل صوب .. وايد عيبها تصميم الغرفه الي ابوها تعنى وفرشلها اياه .. والي فرحها اكثر انه الغرفه هاي وايد تختلف عن غرفتها في بيت امها الي لازم تنساه خلاص .. تمت تجوف عمرها شوي في المنظرة .. بعدين تأكدت ان شكلها اوكي ..وتوها كانت بتطلع بس جافت انه الباب انفتح وطلعت منه يد صغيرة .. كانت ايد اختهادلال .. عذابه جافتها وشلتها ..


عذابه : فديت روحج دلول .. وين ماما


دلول وهي تبتسم : هناك


عذابه : انزين قومي بنسير عندها ..


بعد ما نزلتها عذابه .. دلال كانت تمشي جدامها .. وهي تحس بالشقفه عليها .. على اختها الصغيرة .. لكن الواحد لازم يرضى بالمكتوب مهما كان ..


امنه كانت في الصاله مع جاسم الي كان يلعب في تليفونه .. ويوم جافت امنه دلال نازلة وراها عذابه ابتسمت


امنه : حيالله دلوله وعذوبه


دلال ابتمست بخجل اما عذابه :الله يحييج خالوه


امنه : ها شو الحجرة .. حبيتيها


عذابه : حمدلله خالوه .. الاا بابا وين ؟؟


امنه : مادريبه .. الا راقد جنه .... اقول جاسم ودر عنك هالتليفون .. من الصبج وانت مجابلنه .. خاطري اعرف شو تسوي فيه


عذابه وهي تغمز بعيونها .. بينما جاسم رد : امايا ماشي العب سنيك .. حرام


عذابه : سنييييييييييك ولاااااااااا ؟؟


جاسم : نعم انسه عذابه شو عندج ..هيه سنيك عندج مانع


عذابه : لا جاسم هههههااااااااااي .. لا فديتك اتمسخر وياك .. حشى جبريت ما ينمزح وياه ..


جاسم : ههههه هيه تصدقين


امنه : بس جاسم عن اختك ... اخوك وينه .. من الصبح مب جايفتنه


جاسم : مادريبه .. كان في حجرته اخر مرة


عذبه : خلاص خالوه انا بروح اجوفه الحين لج


امنه : هيه فديتج يزاج لله الف خير .. وأخيرااحس انه لي حدفي هالبيت ..


جاسم : اماياونحن شو


امنه : لاهاي عذابه مب حيالله اي حد .. وبعدين انت اجلب ويهك يالله .. ابااكلم بنتي


ابتسمت عذابه ابتسامه متصنعه حق مرت ابوهاالي حنانها كان مالي عليها الفراغ العاطفي الي كانت عايشته .. بس بعدهاماقدرت تسده .. وامنه حست انه عذابه تخش شي خطير .. تتمنىلوتقدرتكشفه عشان تريح فضولها الي ذبحها وهو يبايعرف شسالفه ..

فيبيت جاسم عم جابر وأبو ميثى .. ميثىوابستام في الصاله .. اما امها فكانت في بيت الجيران ..


ميثى وهي تلعب في تليفونها لين الحين ماياها اي خبر على جمعه او ورقه طلاق او اي شي من هالقبيل ومر عالسالفه فترة .. وايد استغربت ومرة وحدة صرخت .. : جسووووووووووووم جتلت الصوص فجه غرب الله بليسك


ابتسام : شو .. شو بلاج تغربلين ولدي


ميثى : ماغربلته هو .. غربلت بليسه .. بغايجتل ميمي .. صوص شقرووه


ابتسام : تعالي حبيبي هني .. خلك من هالصوص الي مامنه فايده تعال


جاسم : ماما مابا .. هالصوص اكل الحلزون مالي


ميثى : جذاب يالهرم .. حلزونك مات روحه من الحر .. مخليه في الشمس لازم


جاسم :ابي حلزوني


ابتسام قامت بتروح عنده ويوم وخت بتشله ياها الم في ظهرها شديد .. وماقدرت توقف اكثر ويلست عالارض ..


ميثى : بسم لله عليج بسوم .. شوبلاج


ابتسام : ماعرف ولله ميثى .. ماعتقد انه الطلق .. توه باقيلي شهرين


ميثى : انزين قومي بنسير الدختر


ابتسام : لاميثوه مايباله .. عوار بسيط ويروح


ميثى : بسوم .. اقولج قومي .. يايه تشلين جسوم هالدب وانتي بطنج هالكبرشو ينيتي


ابتسام يودت ايدها علىظهرها وبندت عيونها من الالم .. ماقدرت تتحمل تحس انهاسجاجين تقطع ظهرها وبطنها ماعرفت شسالفه .. تمنت لوانه حامد معاها .. بس حامدكان مسافر من يومين عند هدورة ..


ميثى : وبعدين وياج حوه قومي ..


ابتسام : ااااااه ميثى .. ماروم انش .. الالم الالم ذبحي


ميثىكانت خايفه محد عندها في البيت لاامها لاابوها ولا اخوها .. محد غيرابتسام وعيالها الي خافو وسكتو بكل هدوء .. علىطول اتصلت في الاسعاف عشان اتيي وتشلها ..


ابتسام : انتي خبله شو اسعافه ..


ميثى : جب جب .. 5دقايق وهم هني


طبعا ميثىكانت وايدخايفه علىمرت اخوها وربيعتها صدق ماعرفت شو تسوي .. اخر شي قررت انها تتصل في جابر .. كانت مترددة وخايفه وايد .. بس قالت ماعندي حد وبتصل فيه ..


يوم ميثى كانت بتتصل فيه كان توه طالع منا لشركه .. ورايح البيت ومعاه رجاوي .. ويوم جاف رقم ميثى مابغى يرد ..


رجاوي: باباه .. ليس ماترد


جابر: بس


رجاوي: زين بابا الصوت وايد حشرة


جابر : اف محد غيرج ... بردخلاص


وابتسمت رجا بفرح ورد جابر عالتليفون


جابر: نعم


ميثى : هلاجابرشحالك


جابر: بخير ونعمه .. انتي شحالج


ميثى : تمام .. جابراعرف اني مضايقتك .. بس؟


جابر: زين يوم عرفتي هالشي .. بس خيرشوعندج


ميثى : جابرابتسام مرت حامدماعرف شو بلاها .. مرةوحدة طاحت علي .. محدعندي في البيت وريلها مسافر .. شو اسوي


عقد جابرحياته ورد : انزين .. اناالحين يايينكم ..


وقبل لاترد ميثىبكلمه كان جابر مبند التليفون .. واستانست لانه بيكون موجود بعدشوي ..


ابتسام : انتي مينونه .. مينونه .. ولله مينونه


ميثى : اعرف ياابتسام ولله اعرف .. اعرف اني مينونه فيه


سكتت ابتسام وطالعت ميثى بكل صمت ... وهي تتالم .. وهم يتريون الاسعاف وجابر .

في بيت ســـالم .. ليالي بنته كانت عندالمدرسه مالت الفيزياء .. وسعيد يالس في الصاله يراجع ملفات تخص شركته .. والهدوء مخيم في الصاله ..


ايمان وهي تدخل من بعيد : عنبو يا سعيد .. من يت وانت ما شليت عيونك عن هالغبر شو ها


سعيد : امايا يالس اجابل شغلي وحلالي .. اذا ماجابلته انا منو بيجابله


ايمان : ايواااا .. انزين اقولك .. ربيعك محمد .. محمد راعي اللذيد اتصل فيك هاك اليوم على تليفون الحجرة وانا رديت عليه


سعيد و هو عاقد حياته : امايا .. كم مرةقلت لج لاتردين على تليفون الحجرة .. ربعي يتصلون هناك


ايمان : ويدي ياسعيد .. شو بغازل ربعك انا ..


سعيد : محشومه يامي .. بس


ايمان : لا بس ولاشياته .. اناالغلط انه الي اعتربهم شرات عيالي هذيل .. المهم.. قالك اتصلبه عشان مايعرف رقمك


سعيد وكانه يتذكر : هيه صح مغيرنها انا تيلفوني .. بتصلبه عقب


ايمان : شعنه مغير رقمك


سعيد : بس جيه اميه ..


وينش سعيد من مكانه ..


ايمان : وين ساير


سعيد : بروح اميه .. مواعدالربع في الستي .. تامريني بشي


ايمان : لاسلامتك فديتك .. بحفظالله .


وتييلس ايمان روحها ماعندها شي .. وقالت بتتصل حق اختها تسولف معاها من الملل .



في بيت عذابه .. عذابه كانت سايرة فوق حجرة محمد تتخبره عن احواله .. ومنه تسولف ويا حد .. بس قلبها كان يقولها اخوها فيه شي مب طبيعي ؟؟
* طق طق * محمد : منوو ؟؟؟
عذابه : اناااااااااااااااه
محمد : دخلي يا اناه
عذابه وهي تفج الباب .. وتدخل ونجوف محمد يالس يقرا في ديوان شعر ..اول مرة تحس انه محمد يخب القرايه معا انه متهور وما يحب القرابه وايد وخصوصا بالعربي ..
عذابه : شو نازل عليك الوحي اجوفك ؟؟ تقرا .. لا وشعر بعد؟؟
محمد : جب ويا هالراس .. والله ماشي شغله .. يالس اقرا .. عندج مانع عذابه : اممم لا عندي عتيبه هههههههههه
محمد: اف ياربي دمج وايد ثقيل
عذابه وتسوي عمرها مسكينه : محمدحرام عليك .. يعني أرد بيت امي محمد : لا فديتج اتمسخر .. وهاي بوسه على راسج ..
عذابه : اع حلجك كله تفال
محمد وهو معصب: تمنينه انتي
عذابه : اعععععععععععععععععععععع .. المهم . شو بلاك انت محمد وهو يجوف عمره : شو بلاني .. زي الحصان ..
عذابه : شكلك مب عاجبني .. مستو تلوع بالجبد مرة
محمد: ليش يعني
عذابه : ماعرف ولله .. فيك شي
محمد : اااااااه . يا ويل يا من زاد بالهم يبات ليله بحسراتي .. بايت سهير والليل خيم و العين تذرف بعبراتي ..
.عذابه وهي تيود راسها :وااااااااااااااااااااااااااااااااااااااااابوووووو
و ووووووووويه عليك انا .. حمود .. طحت ولا حد سمى عليك
محمد نش من الي كان فيه وضرب عذابه بمخده عرساها وهزبها : بره .. بره اقولج .. خسالله هالشيفه .. يالله بره
عذابه وهي تطلع تقول : my bro is in love ....my bro is in love
ويسمعها محمد من الغرفه ويضحك عليها .. صدق من يت وهي عطت حياه للبيت .. صح البيت حلو مع اخته دلال .. بس وجود عذابه فيه زاده حلاه .. محمد كان وده يكلم حد من الي فيه وعن شفى وجاسم .. بس ما كان يقدر .. الشخص الوحيد الي كان قدر يفتحله قلبه كانت شفى .. وهي الوحيدة الي يكون معاها صريح لدرجه ما يتخيلها ..


اما شفى فكانت هيه الثانيه تتعذب كل يوم .. الدراسه ما تقدر تجابلهاوهي ثانويه عامه .. قسم العلمي .. تجس انه امالها في النسبه العاليه راح تخييب لويابت اقل .. اذا يابت اقل عن التسعين راد تودر الدراسه لانه مارح تثير اهتمامها ... تبى تتصل فيه بس كبريائها اقوى من اي شي .
--------



عند قوم ميثى .. ميثى كانت تحاتي جابر .. وينه ما يه .. وايد ابطى عليهم .. وهي خايقه لا تي الاسعاف قبل لا يي هو هل انه اذا يت الاسعاف لازم بتركب ويا ابتسام .. ووصلت الاسعاف .. وجاسم وشقرا ماوقفو حشرة وصياح .. ابتسام من شدة الالم اغمى عليها .. وواخذوها في الاسعاف .. ميثى توها كانت بتركب .. بس حصلت انه سيارة يت صوب بيتهم ووقفت عند الباب .. ويوم دققت النظر كان جابر .. وايد فرحت وحست انها تبتسم غصبا عنها من الفرح .. جافته ينزل من السيارة بكل تكبر وخقه .. كانت دومها تنبهر فيه .. في وسامته .. في جرأته .. في قسوته الي مالها حدود .. دوم حقدت على اختها ميسون الي كانت سالبه قلبه وروحه وفواده .. شو الي كان يميز ميسون عن ميثى شو .. الجمال .. انا كنت احلى واجمل عنها .. الطول .. انا اطول عنها .. الجسم .. انا جسمي احلى عن ميسون الميته الي كانت جلد على عظم .. خاطري اعرف شو السبب شو .. كانت مدهوشه من طوله .. كان لابس كندورة سودة برزت جمال عيونه الي بلون الفحم .. وشعره الي كان متغطي بكاب .. نزل من السيارة وهي مب واعيه هو وين .. وهي وين .. الي تعرفه انها تحبه بجنون .


قطع عليه جابر حبل افكارها بصوته الرجولي الخشن : هلا ميثى


ميثى وهي بس مطلعه عيونها : هلاجابر .. شحالك


جابر: بخير ونعمه .. عمي وخالوه وين .. معقولة محد في البيت


ميثى حست انه يعتبرها جذابه وردت عليه : هيه محد هني غيري انا والعيال وام جاسم ... والحين اليهال عند البشكارة ..


جابر: ام جاسم دخلوها السيارة


ميثى : هيه جابر وانا بعد بلحقها


جابر : لا ميثى خلج رياييل هناك .. تعالي معاي ونحن بنكون وراهم في سيارتي ..


ميثى : بس


جابر : شو يمعه .. امممم انا مابخطفج .. وبعدين اذا يمعه انا بتصلبه الحين وبخبره


ميثى : لالالالالالالا مب يمعه ..بس ماعرف


جابر وجافها بنص عين : يالله بتصل في عمي .. اركبي


ميثى وهي بتطير من الفرح .. هيه وجابر سوا .. معقوله .. كيف بستحمل اكون في مكان مع جابر .. ااااه قلبي .. اعرف انك بتموت بس تحمل ..


لكن اول ما فتحت الباب .. انصدمت من وجود رجاوي الي جافتها بكل من معاني الاشمئزاز والقرق والكره .. بينما رجا قابلتها بكل معاني الحب والود


رجا : هلا خالو ميثى


ميثى : هلا


جابر وهو يقعد زرا السكان وتيلس ميثى في صمت محرج .. لكن جابر ورجا ما وقفو رمسه .

يسلموووووووووووو أموووون....

تشكرااااااااااااتي ...

( الفصـــــل الســــــابع )
في دربهم للمستشفى ..الهدوء كان مخيم ميثى الي ما نطقت بأي كلمه .. بس مجرد نظرات خفيه على جابر الي كانيرمس رجاوي بكل مرح .. ورجا تسولف وياه سوالف اليهال في مدرستهم .. بعدين فجأةسألها جابر .. : الا حامد وين ساير

ميثى وايد ارتكبتلانها ما كانت وياه كانت مشغولة اطالعه وتتأمل حبيبها جابر .. بعدين ردت عليه : اممرايح امريكا .. عنده كمن شغله يخلصها

جابر :هيه لله يردهبالسلامه ..

ويمسك موبايلها ..ويودر بين الارقام بعدين يسأل : الا رقم عمي كم

ميثى : 65******

جابر وهو يدقعالارقام يبتسم لانه كان قريب من رقم المرحومه ميسون .. وابتسم بكل مرارة ... اماميثى فعرفت ليش ابتسم .. عشانه نفس رقم ميسون لكن اخر رقم يختلف كليا ..

جابر : الووه .. هلاعمي

جاسم وهو مستغرب :منو .. جابر

جابر: هيه عمي شوبلاك جيه مصدوم هههه .. انا ولد اخوك يابر .. شحالك

جاسم : بخير ونعمه ..انت شحالك فديتك .. وينك ما نشوفك .. خلاص قطعت ريلك من عند بيتنا .. ما نجوفك الافي الشهر مرة .. شو هالمنكر بعد تعرف مرت عمك شو تقول .. انت شرات القطاو ما تسيرالا وين يعطوك اكل

جابر ماقدر ايود عمرهونقع من الضحك : ههههههههههههههههههههههههه عمي شو ها الله يهداك بس ههههههه الحينانا قطاو .. هههه الله يسامح عموه .. ما عليه انا اراويها

ميثى كانت تسمع ضحكتجابر وهي مستانسه تحس انه الدنيا كلها مب سايعتها .. من زمان ما سمعته يضحك جيه ..وحست انها متولهه عليه وايد

جابر: خلاص عميانجوفك في المستشفى انشالله .. بعد تامرني بشي ثاني

جاسم : لا فديتكسلامتك .. مسافه السكه ونحن عندكم

جابر: بحفظ لله ..

ويوم بند جابر عن بوحامد .. توها بتفتح حجلها تقول شي بس سكتتها كلماتها الي كانت موجهه حق رجاوي ..وسكتت .. وتمت تسمع رمستهم الي في عينها كانت فاضيه وتافهه .. اما بالنسبه لجابرفكانت من اجمل السوالف الي ممكن تنقال .



وصلو المستشفى بعد 10دقايق .. وعلى طول نقلو ابتسام لطواري لانه حالتها كانت وايد صعبه .. ميثى فيالسيارة نست ابتسام تماما .. ولا يت على بالها الا الحين يوم دشت المستشفى وجافتهاجدامها .. جابر طلب من ميثى تحط الغشوة الا كله رياييل هني .. وطبعا هيه وايداستانست .. الساعه كانت وايد متأخرة .. وجابر صدق اتلعوز مع رجا الي بدت ترقد شويشوي .. حاول يخليها في السيارة بس قلبه ما طاوعاه .. اذا نشت وما حصلته بتين منالزياغ .. وقال حق ميثى بيروح يدور وين مكان الحضانه ... طبعا ميثى في سرها كانتتسب الي اسمها رجاوي لانها بعدتها عن جابر حتى وهيه فيها رقاد ..

ميثى : الووه .. هلاامايا ..... خيبه خيبه شوي شوي اميه .. هيه .. هيه .. لا دخلوها داخل .. ياللهوينج

ام حامد : نحن هنابرع .. بس مانعرف وين نسير

ميثى : خلاص اماياانا بطلع لكم الحين ..

طلعت ميثى .. وهيسايرة لفت انتباهها الا وحدة من الغرف .. كان فيها شخص .. ماجد جافت في حلاته ..حست انها تعرفه ومن زمان .. واقتربت منه شوي شوي .. بس حست انه صدها وعطاها ظهره ..ميثى نست كل شي .. نست جابر .. نست جمعه .. نست امها الي تترياها برع ودخلت داخل ..

ميثى : سلامعليكم

.........: عليكمالسلام .. نعم اختي

ميثى برتباك : اخوي .. وين البوابه الرئيسيه

طالعها الدكتور بنظرةمستفسرة ورد عليها : عفوا .. بس انتي من وين دشيتي

ميثى : من حجرةالطواري

.........: هيه ..عيل تعالي بوصلج للبوابه لانج بتوهين

ميثى وهي قافطه وعقبتذكرت الي قاعد تسويه وردت : لالا خلاص بحصل لي الباب روحي

وفجأة تدخل حرمه بكلعصبيه ممكن انها تحتل تفكيرها .. وتصرخ عالدكتور بدون ما تهتم لودو شخص ثاني فيالغرفه : انت باي اساس تقطع علي اجازتي يا دكتور يا محترم وتيبني هالحزةهااا

الدكتور: دكتورة مها .. اعتقد انه نحن في مستشفى هب مصح عقلي تصارخين غيه

مها : انتا خليت فينياعصاب انت .. انت شو تبى مني بالضبط ها

ميثى كانت تجوفالمشهد وهي مستغربه شسالفه منو هاي .. وليش جيه تصارخ عليه .. بس الي جذب ميثى جمالمها المبهر الي كانت فاجه عيونها وتجوفها .. كانت بالفعل جميله فوق ما الواحد يتصور .. مكياجها كان وايد دقيق .. عباتها وشيلتها من افخم الانواع .. كعبها الي كان يطلعصوت كل ما تحركت .. ملابسها الي كانت تنبان من تحت العباه .. كانت لابسه جلابيهعاديه لكن وايد حلوة وايد جذبت ميثى لها .. وفجأة التفت مها حق ميثى الي كانت عاقهغشوتها وانتهبت مها حق عيون ميثى الفضوليه الي كانت اتجوفها بكل فضول ..

مها ردت لها وقارها :دكتور احمد .. انا في اجازة .. مب اسلوب هذا انك تستديعني ..

احمد وهو يحط ايدهعلى ظهره : دكتورة مها .. انتي دكتورة التخدير هنا ..

مها : وملاك شو ..نجلا شو .. شنا شو .. ولا هذيل هم دكاترة بس انا

احمد وهو يطالع ميثىويرد : تعرفين انه ملاك مسافرة .. نجلا الشفت مالها الصبح .. شنا عندها عمليه حاليا .. ونحن عندنا عمليه قيصريه لازم نجريها

ميثى شهقت والتفتولها احمد ومها وقالت ميثى : يعني ابتسام ممكن تموت .. ها دكتور

احمد : ايابتسام

ميثى : انت تقصدالحرمه الي توها يابوها في الاسعاف

احمد وهو عاقد حياته : هيه هي هاي

ميثى : دكتور في خطرعلى حياه الجنين ..

مها وهي اطالع احمدوتترجاه بعيونها انه يعفيها كافي العذاب الي عايشه فيه من ماضي قديم .. و بعد يبىيعيده مرة ثانيه بضحيه يديدة ..

احمد : انشالله ماعليه شر اختي .. انزين قلتي تبين تسيرين البوابه الرئيسيه صــ..

ويرن تليفون ميثىقاطع كلام احمد وترد عليه والدموع تنزل من عيونها : الووه

جابر: انتي وين؟؟

ميثى : انا عندالدكتور جابر

جابر: انزين عميوعمتي هني .. تعالي صوب الطواري يالله

ميثى وهي تلتفت صوبمها : دخيلج .. خدري مرت اخوي .. دخيل والديج

مها جافتها بنظرةماقدرت انها ترد عليها وطلعت من الغرفه بعصبيه وكل انواع السب راح تنهال على احمدبعد شوي ...



---------------------



في بيت راشد .. الكلكان متيمع في الصاله .. الا دلال الي كانت راقدة من زمان .. اما عذابه ومرت ابوهاوجاسم ومحمد وراشد في الصاله ..

راشد : انزين عذابه .. الحين شو بتمين في مدرستج ولا تتحولين

عذابه : اممم لا بويابتم .. ربيعاتي مابا اودرهن

امنه : هيه صدقج ولله .. بعدين مب شي تغيرين مدرسه كل مرة

عذابه تهز راسهابأيجاب

محمد : انزين انابستأذن عنكم بسير ارقد انا

امنه : وين وين ..وين ساير

محمد: بروح ارقدامايا .. ولله تعبان

امنه : زين ماقعدتويانا

عذابه وهي تغمز له :امايا خليه يسير .. هههه برايه ..

جاسم : اموت واعرفبلاه اخوي

عذابه : ما بلاه شي .. دواه عندي حمودي

محمد وهي يطالعها بنصعين : حمودي في عينج ..

راشد : بس عاد ..محمد ودر أختك

عذابه : ابويا عادي .. حمادي يهون .. صح ( وتغمز له )

ويسير محمد فوق ..وهو ساير فوق .. تم يفكر انه صار له فوق الشهر ما كلم شفى .. وهو تعب من كثر مايتصلبها .. والحين هيه لابسته .. عيل انا بشلها من بالي خلاص .. وقرر محمد انه يسنىشفى للابد .



عذابه بعد ما روحمحمد قررت انها تسير حجرتها .. ترمس شمايل الي من اسبوع تتصل فيها وعذابه مول مالهاخاطر ترمسها بعد السالفه السخيفه الي ستوت في عزبتهم .. وحست اذا رمستها لازم شمايلبتكون تبى تعرف .. وهي ما تبى تخبر حد .. بس اخر شي اتصلت فيها ..



اما راشد وامنه تمويرمسون عن عمليه دلال الي موعدها بعد شهر من الحين .. امنه كل ما تذكر السالفه اتمتصيح

جاسم : امايا بس عادانشالله دلول ما عليها شر

امنه : يا جاسم ..احتمال نجاح العمليه 40% بس .. والباقي

جاسم : امايا سكتيعاد .. ابويه ( يوم التفت الي ابوه حصل عيونه تدمع ) احلف انت بس .. انتو ايه شو ها .. امايا .. ابويا .. بسكم البنت بعدها ما ستوابها شي .. لا تفاولون عليها حرامعليكم

امنه: خلاص يا جاسم .. احس انه دلال وقتها اقترب ..

راشد: لا يصيبنا الاما كتب الله لنا يا امنه .. وانشالله بنتنا ماعليها شر ..

جاسم + امنه :انشالله ..



--------------------

في المسشتفى .. مهاكانت في غرفتها الي يت الممرضه وفتحتها لها .. عشان تبدل ملابسها .. وتلبس ملابسالشغل .. كانت تحس بتعب ووهن .. مافيها ابدا انها تسير وتخدر شخص بعد الحادثالمشؤوم ... بندت مها عيونها وغصبن عنها يت لها الذكريات ..

" دكتورة مها .. لازمتسوين العمليه "

" دكتور اشرف ..ماقدر اسوي العمليه الله يخليك انا تعبانه "

" بطلي هالدلع هاد ..انتي دكتورة .. ولازم تكونين جاهزة في كل الاوقات .. وانتي مافيج شي.. انتي مجردتعبانه نفسيا صح ولا .."

" بس يا دكتور "

" انتهى النقاش يامها .... يالله روحي غيري ثيابك بسرعه "

استعادت مها ذكرياتهاوكأنها تتجرع السم .. وحقيقه مب ممكن ابدا انها تمحيها .. للابد ..

اخر شي حاولت انهاتهدي عمرها وقرت المعوذتين .. وطلعت من الغرفه ..



في هالاثناء .. جابركان ويا عمته وميثى كانت تصيح لانها عارفه بالوضع تمام .. بس ماحبت تخبر امها ..الدكتور قال لها انها وايد اتعبت نفسها في الفترة الاخيرة .. وهذا وايد اثر عليهاوعلى الجنين .. ميثى من سمعت كلامه وحست انه الدنيا اظملت في ويهها .. معقولة تخسرربيعتها وحبيبتها !!؟؟



في سكون وهدوء سمعوصوت قدوم حد .. ويوم اقتربو الا جابر فج عيونه عشانه جاف مها .. معقولة مها .. مهابتسوي العمليه .. لكن دخلت بسرعه بدون لا تعطي اي شخص اي اهتمام .. وجابر تم ساكتوحلف لو استوى شي ما بيسكت .




اليوم الثانيفي بوظبي .. اليوم الكل كان مستانس .. وسعيد ..الا انسانه وحدة الي حست انه تعاستها خلت هالفرحه تخرب عليها فرحه رجوع اخوها خليفهللبلاد .. كانت صدق مفاجأة للكل .. انه ما خبر حد .. بس في نفس اليوم اتصل وقاللهم اني برد اليوم خل الدريول يترياني في المطار .. لكن اي دريول الي يرمس عنه ..البيت كله كان في المطار .. اخونه كلهم .. امه بغت تسير لكن ولدها بطي ما خلاها قاللها تمي وين تسيرين ..

ام خليفه : ويدي ولديراد من السفر .. كيف ماسير اجوفه

بطي : امايا تمي انتي .. بيرد وبتجوفينه في بيتج

ام خليفه : اف منك يابطي .. اجلب ويهك وسر هات لي اخوك

بطي وهو يرفع حاجبواحد : لا حول .. الحين بيرد ولدها المدلل .. ونحن وين نسير نعق عمارنابحر

ام خليفه : هيه عقعمرك بحر .. هذا خليفه الغايب .. ياويلي عليه .. ولله متولهه عليه

بطي : امي شوي شويعان يستويبج شي بس من خليفه هذا ..

بعد حشرة امهم ..طلعو عيال بوخليفه .. بطي .. وهاشم .. وشاهين وطبعا ابوهم بو خليفه وياهم .. والكلكان محتشر ومستانس .. والعايله كلها تيمعت في بيت بو خليفه ..

مياسه : شفى .. شخبارحمود

شفى : ماعرف

مياسه : امممممممممم ... يعني ماشي اخبار عنه

شفى: يتصل بس ماردعليه

مياسه : معقولة ماتولهتي عليه

شفى : ااااااااه شوما تولهت عليه .. قلبي ياكلني ابا اكلمه .. بس هب قادرة .. كرامتي اقوى من اي شي .

مياسه : اف منج انتي .. خلي هدى تاخذه عنج .. وارقصي عقب في عرسه

شفى طالعت مياسه بكلحزن وسكتت عنها ..



ام خليفه : فديتهولدي .. ولله تولهت عليه وايد ..

ناعمه : ويدي عليج ..مابقى شي وبيوصل لا تحاتينه ..

ام خليفه : ماعرف ليشقلبي مقبوض يا ناعمه

ناعمه : ويدي .. ليش ..

ام خليفه : لو اعرفجان خبرتج ..

عقبها سكتت ام خليفهيوم جافت انها البنات كلهن يو عندهن وتمو يسولفون هن عاد ..

مياسه : خالوه .. منو قدج .. وولدج بيرد اليوم ..

ام خليفه وهي مستحيه : ويه مياسه سكتي عني .. امبوني محتشره عبطي .. ما يبى يشلني وياهم

شفى : امايا بس عاد .. قالوج ما بيحطوبه .. على طول بيبونه هني .. شو ستوابج

ناعمه: شفى فديتج امج مب مطمنه تقول حاسه بشي غلط

ام خليفه وتضرب ناعمه عجتفها: وابويا عليج انتي يالعيوز صدق انج مشخله .. ماهو حالي قلت لج شي وسرتي خبرتي شو ها

شفى + مياسه : هههههههههههههههه

شفى : العياييز بعد لهم اسرار يقولج

مياسه: هيه جفتي عاد ههههههههههههههه

وكلهم يتمون يضحكون .. ويجوفون حد دخل عليهم .. يوم لفو الا هدى وامها خديجه .. الي كانت ناعمه ما طيقها مول ...

خديجه + هدى : سلام عليكم

الباجين : هلا عليكم السلام

ناعمه وهي لاويه بوزها: انا بستأذن عيل

ام خليفه : وين وين .. يالسين .. وين تبين سايرة .. وخليفه

خديجه وهي تحط ايدها على ايدها الثانيه : ولا ما تبين تقعدين وياي يام حميد

ناعمه : انا قلت شي الحين .. بس ابا اروح تعبانه

شفى: خالوه لا تروحين .. اذا سرتي انا بعد بسير

وهدى كانت تشوف شفى بنظرات من تحت لين تحت كلها حقد وكره وبغض .. حتى شفى كانت مول مب مستحمله وجود هدى الي تحسه قجيل وما تروم تستحمله مول ...

مياسه : انتي حو وين تبين

خديجه : شو ام خليفه .. باين لا اختج ولا بنتج يبونا هنا

ام خليفه: ويييه يا حافظ .. شو هالرمسه بعد يام سامي .. عيب

خديجه : جوفي اختج وبنتج

شفى: عموه انا الحين قلت شي .. بس قلت حق خالوتي اذا طلعت بطلع وياها .. يعني عشان اتم

خديجه: كيفج .. المهم انا بس ييت اسوي الواجب واسلم على خليفه .. الا متى بيي

مياسه: بعد شوي خالوه

خديجه وهي اطالع مياسه : انتي مياسه صح .. ويه ماشالله كبرتي وغديتي حرمه .. شو ما انخطبتي ؟؟

ناعمه وهي تفج عيونها : الله واكبر عليج شو تبيبها الحين .. بعدها بنتي ما كملت الثمنتعش سنه

مياسه وشفى ماسكات الضحكه الي شوي وبتنقع وتكمل خالتها

خديجه : زين ما قلت شي .. بس اسأل البنات الحين كلهن انخطبن .. ( واطالع شفى ) وهدى انخطبت ماشالله عليها

شفى وقفت الضحك وحست انه احساس الفرح كله تبخر من طرت سالفه خطوبه هدى يعني كل شي استوى رسمي خلاص ..

ام خليفه : لاااا هيه ماشالله .. هدى حرمه وينشد بها الظهر .. بس منو خطبها

خديجه وهي اطالع شفى وتقول : محمد .. محمد ولد اخو ريلج

شفى شهقت بصوت مسموع والكل اطالعها بنظرات فضوليه الا هدى الي نظراتها كانت كلها استفزازيه وتشمت ..

خديجه بمكر : بسم لله عليج شو بلاج بنيتي ..

مياسه وتحاول تغطي الموضوع : ماشي ماشي خالوه .. بس توها القطوة مرت من وراج

ام خليفه : انحق قطوة .. كم مرة قلت لج مياسه ما تبين قطوتج وياج .. كلها جراثيم

مياسه : حرام خالوه .. " زلوخ " نظيف ولله

وهين ضاعت السالفه . سالفه خطبه هدى .. وهذا الي كانت تباه مياسه ... بس هدى انقهرت لانها حست بالي ستوا وانه مياسه تحاول تنسي الحضور الموضوع .. بس ردت هدى وقالت

هدى : بس تدرين خالوه .. ابويا قاله يتريا لين ما خلص كليه .. وباقيلي سنتين ...

ناعمه : عيل قولي حق الريال السلام .. منو بيترياج سنتين .. ها

خديجه : ويه ناعمه .. بنتي كل من يباها .. وبعدين محمد قال لو تبى 10 سنين بترياها .. بس تامر

شفى ما قدرت تتحمل اكثر وقالت حقهم بتروح فوق .. اما مياسه فلحقت وراها على طول .. وهي عند الدري انفتح الباب الرئيسي ..

بو خليفه دخل وهو مفول ومعصب وواصل للاعلى درجات الغضب .. شفى ومياسه مب عارفين شسالفه

شفى : ابويا بلاك ..

بس بو خليفه لبسها وسار فوق وهو يتحرطم .. بعدها دش شاهين وهو نفس الشي .. بس كان اهدى عن ابوها وسلم على مياسه

شفى : شاهين شو مستوي

شاهين : عقب بتعرفين .. لا تسألين وايد

مياسه : شاهين قول عاد

بس شاهين لبسهم وسار يخبر امه بس يوم جاف مرت عمه سكت وسلم عليه بس ..

شفى : اموت واعرف شو مستوي .. بس خليفه وهاشم وين ..

مياسه وهي تشهق : اوووييييييييييييييييييييييييييه

شفى : شوووووووووووووو ( وتوايج من الباب بس ايل جافته خلتها تفج الباب ) هييييييييييييييي دوكم هالخبل ..

مياسه : الي اجوفه حقيقه ولا خيال

شفى لبستها وتجدمت .. خليفه كان ينزل من سيارة هاشم وهاشم ينزل الاغراض .. ونزلت ورا خليفه بنيه .. شفى تعرفها عدل .. جافتها في الايميلات .. لاه معقولة اخوي ياييب ربيعته وياه

خليفه : معقولة الي اجوفها شفى اختي ..

هاشم : هههههههههههه هيه شفى الفقعه جفت عاد

شفى كانت مصدومه من اخوها وايد .. كانت تجوفه ولا كأن حد واقف .. حست انه مب اخوها .. والانسانه الي واقفه حذاله مكانها مب هني .. قالت في نفسها شو مستوي في العالم .. معقولة خليفه .. خليفه العاقل يسوي جذيه يوم لفت ما حصلت ربيعتها حذاله .. حصلت فراغ .. مياسه كانت صوب خليفه وسلمت عليه

مياسه : حمدلله عسلامتك خليفه .. ولله وتولهنا عليك وايد .. بس ماعرفتنا

خليفه وهو يبتسم ويجوف الحرمه الي واقفه حذاله بكل حب : نسرين .. مرتي

مياسه فجت عيونها وردت : Hi nsreen

نسرين : هلا فيكي حبيبتي

مياسه وهي تفج عيونها :وين ترطن شراتنا

خليفه وهو يبتسم : نسرين هاي مياسه بنت خالتي ناعمه الي كملتج عنها

نسرين : ايه ايه بذكر .. اهلين مياسه .. بس عفكرة اسمك كتير حلو وبيجنن .. غريب

مياسه : عيونج الاحلى

خليفه وهو يطالع شفى وبيتسم : شفى ما بتسلمين علي

شفى بدت تقترب من اخوها بكل بطئ وكأنه حد يسحبها .. ومدت يدها حق خليفه بكل برود ..

شفى : حمدلله عالسلامه خليفه

خليفه وهو رافع حياته : الله يسلمج شفى .. امممم عرفتي اكيد منو هاي

شفى وتجوف نسرين من فوق لين تحت .. نسرين كانت لابسه قميص وبنطلون والشمس تضرب في شعرها المايل عالقمحي وفيه خصلات حمرا .. وتجوف المكياج الي حاطته في ويهها .. كانت جميله ومبهرة .. بس حست انه اختيار اخوه وايد تغير وايد .. وقالت : هيه عرفت .. عن اذنك خليفه .. مياسه قومي بنسير

خليفه عصب ومسك ايد شفى بالقو : ما بتسلمين على مرتي شفى

نسرين كانت وايد منحرجه من الموقف الي انحطت فيه .. ما بغت تكون في موقف مثل هذا.. بس حست انه شفى وايد احرجتها وكأنها مب موجودة ..

هاشم : انزين شو رايكم تدشون داخل

شفى تخلصت من يد خليفه ودشت داخل وهي معصبه من الخاطر ومياسه وراها .. الحين عرفت سبب غضب ابوها وشاهين .. بس هاشم شكله عادي عنده يعني مب مهتم وايد .. بس بطي وينه ؟



----------------------------

في المستشفى .. خبر موت الجنين كان صدمه عالكل .. ابتسام كانت لين الحين ما تعرف .. البنج مخليها نايمه .. بس للاسف الجنين كان ميت من قبل وماعرفو هالشي لان ابتسام اهملت المواعيد من قبل شهرين وما كانت تروح .. البارحه جابر اتصل في حامد وخبراه .. وعرفو انه الجنين كان ذكر .. طبعا حامد وايد زعل بس مسك عمره وقال هاي مشيئة ربه وشي وستوا ..

ميثى كانت في غرفه الانتظار روحها لان جابر رد رجا وعمه ومرت عمه البيت ورد يشل ميثى ..

جابر: ميثى .. ليش ما رديتي البيت يا ميثى

ميثى وشكلها كان وايد تعبان : جابر .. انا خسرت ولد اخو .. وما تباني ازعل .. وكنت بخسر مرت اخو واخت وربيعه .. وبعد ما تباني احزن

جابر : كاهو اخوجخبرته انه خسر ظناه وما سوا الي سويتيه انتي.. يعني انتي كنتي بتحبيه اكثر عنه

ميثى وهي تصيح : جابر انت مستحيلتفهمني .. كل واحد من عيال حامد اعتبرهم عيالي .. الي ماعتقد فيوم انيبيبهم

جابر: ميثى شو هالرمسه.. انتيمالجه وعرسج جريب انشالله

ميثى: جمعه يبى يطلقني

جابر: شووووووووووووووووووو؟؟

ميثى : الي سمعته يا جابر ..ماعرف .. قال انه تعب من مجافاتي له يا جابر ... وقال انه احسن اختيار هو الطلاق ..وانا قلت له برياك

جابر وهو عاقد حياته : ليش ياميثى .. احيد انه يحبج ؟؟

ميثى : انت الي قلته .. هو الييحبني ... مش انا .. انت تعرف انا منو احب جابر

جابر نش من مكانه وجابل ميثىبعيون ثابته قاسيه ورد : ميثى .. كم مرة بنعيد السالفه .. وبعدين يعني ..

ميثى مسكت ايد جابر وقالت : جابرانت ليش مب قادر تشيلها من بالك .. انت ما تفهم .. خانتك اختي .. اختي خاينه خاينه

جابر شل ايده بقوة وقسوة وردعليها : مالج الحق انج تتهمينها بالخيانه . . ما تجوفين عمرج .. عذمه ريال وتغازلينوايد غيره ..

ما حصلت ميثى عمرها الا وايدهاانطبعت في كف جابر بكل قوة ممكنه عند ميثى .. جابر ما استغرب من الكف الي ووصلهلانه كان متوقع .. وخصوصا من انسانه شرسه مثل ميثى .. سكت وطالعها بهدوء .. اماميثى فبدت عيونها تخر وعلى طول طلعت من الغرفه راحت تتحوط في الممرات ونزلت الغشوةعراسها .. توه جابر ياي بيطلع .. ما حصل الا ومها داخله الغرفه ... جابر تم يطالعهابنظرات كلها حقد وهي تسأله : عفوا اخوي .. الاخت الي كانت هني وينها

جابر وهو يطالعها بأرف: طلعت

مها وايد تضايجت من نظراته وقالتله : في شي اخوي

جابر تفاجأ من جرأتها ورد : لاسلامتج ..

مها : متأكد .. ويهك يقول فيني شيغلط

جابر: ما تحسين انج حاطه وايدمكياج وانتي دكتورة وفي مكان عمل ورسمي

مها حست مثل الي عق عليها مايبارد .. وخدودها استون حمر اولا من القفطة بعدين تحولن حمر من كثر ما حرجت عليهوقالت : نعم .. وانت بأي حق تقولي شو اسوي ها .. اخر مرة تسمح حق عمرك انك تعطيملاحظات بايخه مثلك ..

جابر: بس نصيحه لوجهالله

مها : مب محتاجه حق نصايحك ..

احمد كان مار من الغرفه وسمع صوتمها وهي تصارخ على حد ودخل

احمد : شسالفه ؟؟

جابر وهو رافع حاجب واحد: ماشيسلامتك

اما مها فجافت احمد بنظرة خايسهوقالت له : دكتور مسأله خاصه بيبني وبين هالاخ مالك خص فيها ممكن ...

احمد ويه قفط ماعرف شيرد .. اماجابر فبتسم وطلع من الغرفه بكل برود وطلعت وراه مها الي كانت معصبه من الخاطر وسارتتغير ثيباها عشان تروح البيت .



-------------------------------



في بيت قوم عذابه .. محمد كانفوق في حجرته .. وكان يفكر ينتقم من شفى ..بس ما كان عارف كيفينتقم منها .. هل يلبسها هوالثاني .. بس قال لاء .. حخلاص بحرق قلب شفى مثل ما حرقت

قلبي .. واخر شي قرر خطوبته علىهدى تكون اسرع ما يمكن ... بس في قرارة نفسه ما كان مستعد ولا يبى هالشي يستوي ..بس خلاص ما عدت اهتم ...

نزل

محمد تحت عشان يخبر امهبالقرار الي توصل له .. وحصلها تجوف تلفزيون على Mbc تجوف دمعه عمر ..

محمد: امايا

امنه : عيوني .. هلا بوجاسم

محمد ويبتسم غصبن عنه : هلا امايا .. اممم اميه

امنه : خير فديتك .. شي صاير

محمد : اميه .. شو ستوا على سالفهخطوبتي

امنه وهي مستغربه :شوووووووووووووووووووووووو .. من صجك انت

محمد: هيه امايا .. جوفي بتخطبينلي البنيه ولا خلاص اغير رايي

امنه : لا فديتك شو تغير رايك ..الحين اكلم مرت عمك خديجه اخبرها

محمد : خلاص امايا عيل .. انادوري خلص وعطيتكم موافقتي صج .. بترخص عنج

امنه : وين ساير فديتك

محمد: بروح عند ربعي .. معالسلامه

امنه : فداعه الله غناتي .

امنه ما صدقت الي سمعته وعلى طولشلت التليفون بتتصل في خديجه تبشرها انه محمد وافق وانهم بيونهم رسمي الاسبوع الياي .



-------------------------



في بيت سعيد .. او سالم اخو جابر .. سعيد كان توه داخل البيت ومعاه ربيعه محمد الي ما شافه من سنين .... وعتد الباببرع

سعيد: حيالله ولد اللذيد ولله ..ولله تولهنا عليك .. خالد والربع وين

محمد: ههه يعني ما تعرف خالد ..مشغول بالمغازل من هني وهناك هههههههه

سعيد: اف هذا ما بيتأذب الا يومبيحطون صورته في الجريدة

محمد : هههه قريب انشالله ..

ويت سيارة وقفت صوبهم كانت نيسانذهبي رقم دبي .. مخفي شامل .. تم سعيد يطالع السيارة .. وتجدم سعيد عشان يسأل منويبون

في السيارة .. منال كانت تهزبدريولهم : مالت عليك يالخبل .. لازم توقف هني .. هذيل خوانها .. اف منك

الدريول : ماما انا اجل وين وقف .. مافي مكان تاني

منال: جب جب اف حشرتنا

الدريول : هازا ارباب في يجي هني

منال : وليه ... اف افتح لهالدريشه من صوبك ..

بس منال تلثمت بالشيله وبس طلعتعيونها .. وتريت سعيد يي صوبهم .. وقف سعيد عند الدريشه بعد ما نزلها الدريول ..

سعيد : بغيت حد ..

بس ياه صوت انثوي رقيق من ورا ...ويقول

منال : هيه اخوي .. بغيت لياليانا ربيعتها .. بنسير المعهد رباعه

سعيد ارتبك يوم يت عيونه فيعيونها وقا ل: انشالله الحين ازقرها لج ..

ليالي في طبيعتها وايد خبله ..وصوب بيتهم مخشوش يعني مب عالشارع ومنال حشرتها وتقول هيه برع .. فطلعت والعباه منصوب والشيله من صوب والكتب اول ما طلعت طاحن من ايدها وما نتبهت لوجود محمد ......محمد الي غصبن عنه تم ايطالعها وهو مبهور ابها .. حس انه نسى عذابه والي يابها وكلشي فيها خلاص .. قال في خاطره هاذي هيه ... بس على طول لف الصوب الثاني عشان سعيدما ينحرج

سعيد وهو قافط من ربيعه هزب ليالي : انتي حو .. الشيله وين ..

ليالي: اف اف اف سعيد زين .. محدهني

بس سعيد اشر وين ربيعه واقفوليالي شهقت وعلى طول حطت الشيله على ويهه وركبت السيارة .. وهي تسب عمرها فيالسيارة من القفطه ..

ليالي: اخيييييييييييج منال ماتعرفين شو ستوا

منال وهي تضحك : ههه اعرف شو ستوا .. بغيتي اطيحين جدام ربيع سعيد .. بس عفكرة الخبيث جافج

ليالي: اخيييييييج قولي ولله ..اف شو ياربي

منال: لا حليله عقب صد الصوبالثاني .. امممم عيل ماعرفتي شو ستوابي .. اخوج سألني ليش يايه

ليالي: هااااااااااااا

منال: هههه لا يعني سأل الدريول .. اممم ليالي .. ما قلتي لي انه اخوج غاوي يا ويهج

ليالي : صدق انج متفيجه تعرفينولا لاء

منال: خخخخخخخخخخخ

ليالي: انزين يالله نلحق على حصهالكيميا عند استاذ صخر مالج

منال : هههه ولله شرحهه حلوبتجوفين ..

ليالي: انشالله ..



سعيد وايد قفط من ليالي .. بس عقبقال شي استوى غصبن عني .. لكن الي حمد ربه انه محمد عقب لف بويهه الصوب الثاني وماجافها ... بس تفكيره كان خاطئ .. لان ليالي سكنت في بال محمد وصورتها انرسمت فيباله رسم .





نهـــــــــــــايه الفصل السابع


يا ترى شو بتكون ردة فعل ام خليفه شو بتعرف انه ولدها عرس ؟


ابتسام كيف بتتقبل خبر وفاه الجنين ؟؟


ميثى بعد الطراق الي عطته حق جابر .. شو رايح يكون موفقها منه ؟؟؟


شفى يوم بتعرف بخبر خطوبه هدى رسمي .. هل بتكست ؟؟؟؟


كل هــــــــــذا واكثر في الفصل الثامن ..

ننتظر البقية في الفصل الثامن ....

ولك كل الشكر على القصة الرائعة.....

يسلمووووووووو....

تسلميـــــــــــن هاجس حزن ومشكوورة على مرورج الكريمــ...

( الفصـــــل الثــــــامن - الجزء الاول )


في العاصمه .. وتحديدا في أحد البيوت في منطقه المرور .. الكل كان مستانس برجوع خليفه لكن هالفرح بسرعه ما انمسح وأختفى يوم عرفو بخبر زواجه من ربيعته الي محد رحب فيها غير هاشم ... شفى وايد زعلت على خليفه ما توقعت انه بيسوي شي وما يخبرها .. واعتبرت السالفه جنها أهانه بحقها ... اما ام خليفه فصدق تعبت عليهم والضغط ارتفع عندها .. وخديجه الي تمت تبتسم بكل خبث بس في نفس الوقت تمت مقهورة عشانها بغت خليفه حق بنتها العودة
خليفه وهو يكلم خالته عشان يدخل عند امه داخل الحجرة : خالوه دخيلج عاد خليني ادش


ناعمه : يا خليفه يا ولدي .. نورة الحين تعبانه وما تبى تجوف حد ... خلاص خلها .. يعني فديتك الي سويته شويه


خليفه : خالوه .. لاني اول واحد ولا اخر واحد تزوج .. يعني تبيني اييها بالحرام


ناعمه عصبت عليه : امحق تربيه هاي يا خليفه عيب عليك .. حشمني علاقل .. الحين هاي انت تعرف شو تربيتها .. من بنته .. منو ابوها .. شو ديانتها .. اذا تعرف رياييل ولا لاء .. ها .. سألت عمرك .. يعني انت روحك كنت تعرفها قبل ما عرستبها .. يعني اكيد كانت تعرف غيرك .. جيه ما خذت وحدة من الدار .. على الاقل تعرف شو اصلها


خليفه اطالع خالته بكبرياء ورد : خالوه .. انا اعرف نسرين عدل اكثر ما اعرف عمري واعرف ابوها وامها وكل عايلتها .. صح انه نسرين لبنانيه وجنسيه بريطانيه بس ابوها سفير سابق ومركزهم الاجتماعي وايد كبير .. وبعد بقولج شي تراها تعرف شباب غيري مثل ما عرفت بنات غيرها ( وتفج ناعمه عيونها ) هيه هيه خالوه انا كنت اعرف بنات وبنات البلاد بعد .. بس بقولج شي .. انا تميت ويا نسرين 3 سنين اعرفها .. ليش استوي نذل واخليها وأرد واخذ بنيه ماعرفها .. ليش .. نسرين انا اعرف كل شي عنها .. ليش اخذ وحدة ماعرف شو ماضيها ليش


ناعمه ومب فاهمه خليفه حق شو يبى يوصل ردت عليه : وييه شو هالرمسه الماصخه يا خليفه .. بنات العايله ما فيهن شي .. وبعدين لو خذت وحدة منهن شو كان بيستوي .. بيطيح نصك


خليفه وهي أيود شعره : الله يطولج يا طوله الباب .. خالوه .. انا مابا بنات العايله .. مابا اي بنت غير نسرين خلاص هاي مرتي على سنه الله ورسوله


ناعمه بكل اشمئزاز : الحين بتقنعني انها مسلمه هالهرمه


خليفه بصوت عالي: خالوه .. شو ها هرمه ومب هرمه عيب .. خلاص هاي ستوت حرمتي وباجر ام عيالي .. خلاص شي وستوا ملموس .. مافي داعي تكبرون السالفه وطولونها .. ونسرين هيه نعم مسلمه .. خلاص مابا ارمس في هالسالفه بعد اليوم خلاص ..


ناعمه توها كانت بتقول شي .. بس خليفه لبسها وطلع وسار حجرته القديمه .. حصل نسرين اترياه وهي حزينه بس ما حبت اتبين له هالشي عشان ما ييزعل او ما يتكدر .. اسلوب اهله كانت متوقعته بس ما توقعت انهم يعاملونها بالحقارة .. توقعت انه خليفه كان يضخم الامور .. بس للاسف كل كلمه قالها خليفه كانت صحيحه .. والي صدق صدمها كيف شفى جافتها .. نظرة شفى كانت تحمل الحقد والقسوة كلها .. انقهرت نسرين وايد .. بس لازم تتعود من اليوم ورايح على هالنظرات ...


نسرين وهي تمد ايدها عشان خليفه ايي ويقعد حذالها : خليفه .. تعا حبيبي .. كرمال الله لا تكشر


خليفه وهو يحط راسه في حظن نسرين وشوي وبينهار : نسرين شو ها .. ما توقعت انه اهلي بيعاملوني جيه .. بيعاملوني بكل حقارة .. انا ولدهم البجر .. ما يفرحون بزواجه .. امحق اهل


نسرين : حبيبي .. أهلك بدو مش متعودين ابنون ياخد وحدا اجنبيه وبالسر كمانا .. يعني كمان انتا راعي ظروفهون .. وامك اكيد كانت بدا تجوزك وحدة من الاهل


خليفه وهو يحط عينه في عين نسرين ويقول : نسرين اباج توعديني انه لو شو ما ستوا ما تودريني .. دخيلج .. لو شو سوو اهلي لج


نسرين وهي تبتسم وتحب ايده : لك بوعدك وبعيونك بدي نفز الوعد .. لك انا كم خليفه عندي واحد بس ..


خليفه وهو يبتسم حس انه شي حلو ستو اليوم وهو نسرين وقال: انا من باجر بروح ادور لنا شقه .. شرايج


نسرين وهي تقول: As u likehoney


خليفه : I will .. 2moroInshalla


نسرين : انشالله



-----------------------



في المستشفى .. ابتسام كانت لين الحين تحط أثــار التعب .. ما فتحت عيونها غير 4 مرات وبندتهم ... ميثى طول الوقت كانت عندها .. وحامد رد من السفر عشان ايتم وياها .. ما هانت عليه مرته يخليها ..


حامد: ميثى .. جاسم وشقرا شحالهم


ميثى : تمام .. مع امايا في البيت


حامد: هيه الحمدلله .. يعني .. ابتسام لين الحين ما تعرف عن الجنين


ميثى وهي تبند عيونها وتهز راسها بعلامه نفي


حامد : لا حول ولا قوة الا بالله ... انا السبب


ميثى وهي تلوي على اخوها : لا حبيبي مب انت السبب ولا حد السبب .. خلاص لا تم جيه حاس بالذنب


حامد: بس لو ما خليتها يا ميثى ماصار الي صار


ميثى : يا حامد يا حبيبي الجنين كان ميت من شهرين في بطنها .. يعني محد له خص .. اهي الي اهملت الزيارات لطبيب .. وبعدين هذا شي الله كاتبه .. لا انا او اي حد يقدر يغيره ..


حامد تم ساكت وهو يجوف ابتسام راقدة بكل هدوء على فراشها الابيض .. وهو يتمنى لو تصحى عشان يواسيها .



بعد خمس دقايق رن تليفون ميثى يوم جافت الرقم حصلته جمعه .. فجت عيونها وشهقت ..


حامد: شو بلاج


ميثى : لا ماشي ماشي . عن اذنك بطلع


وتطلع ميثى بسرعه وتشل التليفون ..


ميثى : الووه ..


جمعه بصوت تعبان: هلا ميثى


ميثى وهي عاقدة حياتها : هلا جمعه .. شحالك


جمعه : حمدلله بخير وسهاله .. انت علومج


ميثى : الحمدلله .. خير


جمعه وهو يتنهد : ميثى انا حبيت اقولج اني خلاص طلقتج


ميثى وهي تشهق : شووووووو .. سويتها يا جمعه .. طز .. احسن بعد .. اصلا مابا واحد بارد مثلك ودمه ثقيل


جمعه وهو ساكت ورد يقول : الله يوفقج ويا الي تحبينه .. بس بقولج شي .. جابر ما بيكون يوم لج .. واذا ستوا عرسج وعرسه .. صدقيني اني بيب حربيه على حسابي .. وانا بيول اب هم ..


ميثى بكل كبرياء : عيل جهز عمرك من الحين ... مع السلامه


وبتند في ويهه واتم تصيح مقهورة منه .. كيف تجرأ يكلمها بالهطريقه كيف ..


ميثى بكل عصبيه : انا لازم .. لازم اخذ جابر ولو كان الثمن كبريائي وغروري لازم ..



في حجرة ابتسام .. حامد كان ميود ايد ابتسام بكل حنان ويمسح عليها بحب .. وهو يتمنى و انها تصحى الحين هالساعه عشان تكلمه .. وكأن الله سمع كلامه وفتحت عيونها ابتسام ..


حامد بكل فرح : هلا .. هلا ولله هلا بحبيبي انا


ابتسام بتعب : هلا حامد .. انت هني .. متى ييت


حامد: من زمان حبيبي .. انتي شحالج


ابتسام وهي تغمظ عيونها : الله العالم بحالتي .. بس .. ولدي شحاله


حامد انعقد لسانه ماعرف شيرد عليها وقال : تمام ..


ابتسم : ولد صح


حامد وحاس انه قاعد يخدعها : هيه ولد ..


ابتسام : شو سميته


حامد: ماعرف .. عقب نسميه .. خلاص بسومه انتي ارقدي الحين ولا تعبين روحج عشان خاطري


ابتسام وهي تبتسم وترد : انشالله ..


وتبند عيونها وتغط في نوم عميق .




----------------------------

عذابه وأمنه كانو في الصاله مع دلال الي تلعب في العرايس الي عندها .. اما عذابه فترمس ويا امنه عن زواج خليفه الي انتشر في كل العايله ...


عذابه : تصدقين خالوه .. ما توقعت انه خليفه يسويها .. الصراحه صج قويه ..


امنه : ويه يا عذابه .. بالعكس توقعت .. اصلا خليفه هذا مب ولد الدار مادري من وين يايبنه ..


عذابه : ههه فديته ولله ولد عمي .. خالوه لازم هالاسبوع نسير لهم بوظبي


امنه وهي شاقه الحلج : هيه لازم بنروح .. بروح اخطب حق بو جاسم


عذابه وهي مستانسه : ولله بالذمه خالوه .. منو بتاخذين له


امنه : باخذ له هدى بنت عمج خلفان


عذابه وهي مشمئزة : اخيج خالوه ما حصلتي غير هالخسفه


امنه : ويه ياحافظ يا عذابه .. شو بلاها هدى ولله غاويه ومزيونه ماعليها قصور ..


عذابه : يعني خالوه بس ملسونه ..


امنه : هههه ما عليج متعلمه من امها .. بس مع الايام بترد عاديه


عذابه: يصير خير انشالله .. يصير خير


ويسمعون صوت الجرس يرن .. ويرن .. شوي وتوصل البشكارة ..


البشكارة : ماما اذابه انتي في فريند بره


عذابه وهي رافعه حاجب واحد : ها ؟؟


البشكارة : في واحد يقول سمايل


عذابه وتسمع صوت موبايلها وترد عليه الا ربيعاتها كلهن : انتي حوه بطلي الباب شو من مذهبه هذا ..


عذابه ضحكت من الخاطر .. وامنه تمت مستغربه لانها سمعتم من التليفون صوتها كان وايد عالي .. وعلى طول سارت صوب الباب وفجته الا الشله الكريمه كلها .. شمايل .. مريم .. امل .. سمر .. غدير .. عذاري ..


عذابه وهي تجوفهم ببتسامه شاقه الحلج : فديتكم ولله .. حياكم


ويوم دخلو الصاله امنه خافت من العدد الي دش بس عقب سارت وسلمت عليهم وصعدت حجرتها ..


شمايل : انتي وينج يالخايسه .. ولله تولهنا عليح


مريم : هيه ما تقول عندها ربع وينشدون .. يايبتنا من برد ديرة بس عشانج .. امحق مذهب هذا


عذاري: ههه شوي شوي خذيتوها بشراع وميداف .. حشى ما يسوا عليها


امل : هههههههه بلاج صاخه


سمر : خايفه منكم حشى


غدير : ههههههههههههههه ولله انها خايفه جوفو ويهها كيف غدى


عذابه وهي تجوفهم ببتسامه شاقه الحلج وتقول : فديت شلتيا يارب .. ولله انه محد يسواكن في الدنيا كلها .. ولله ولله ولله ولهت عليكم واحبكم كلكم ولله


البنات : ههههههههههههههههههههه


شمايل وتسوي عمرها تصيح : بس عاد .. هئ هئ .. صيحتينا


البنات : هههههههههههههههه


عذابه : عفكرة سخيفه ولله سخيفه


عذاري: الا حضرتج متى بداومين


عذابه : انشالله يوم السبت .. كنت تعبانه شوي .. والحين انا احسن حاليا .. بس


مريم : ليش عذابه شو ياج


عذابه تغير ويهها وردت : تعبانه كنت


سمر : انزين ليش هديتي بيت امج .. سرنا هناك .. والبشكارة طرشتنا هني


شمايل : اف عاد خلو البنت في حالها ..


عذابه كانت تجوف شمايل وتقول في خاطرها : الحين هاي تستوي بنت اخو ريل امايا .. اخ يالزمن ..
سمر : حو شو بلاج سرحتي .. انتي اييه .. وينج


مريم : بنات شو رايكم نطلع مكان


عذابه وهي تقول انه ااحسن فكرة وقالت : هيه فكرة .. يالله بنات ..


مريم : انزين .. دريولنا ولا دريولكم


عذابه : لا مالنا .. سيارتنا اكبر وبتسع هالجمهور الكبير هههه


مريم : يالله عيل .. عذروبه .. نبى حجرة نتعدل فيها


عذابه وهي تنش : من عيوني الثنتين .. يالله تعالو فوق حجرتي .. وبنتعدل هناك عكيف كيفنا


وكلهن سارن فوق حجرة عذابه والحجرة كانت زحمه الي تتعدل والي تسشور قصتها عشان اطلعها .. والي تجوف


سمر : اففففففففف امول .. لا ترمشين ولا الاي لاينر بيدخل في عينج

امل: يحرق سمر


سمر : جب عيل


مريم : اقولج غدير .. هاتي لي الجل


غدير : عذابه وين الجل


عذابه وهي تضحك هالمسخرة الي مسوينها البنات : هههه الي يجوفكم يقول بنسير عرس .. الا مطعم كل واشرب


البنات : شوووووووووووو


عذابه : هههههههههههه لالا اقص عليكم .. يالله خلصونا بسرعه


عذاري : اف شو هالحشرة .. يعني معقولة انا الوحيدة العاقله الي بينكم


عذابه : هههههههههههههه هيه جفتي عاد .. اقولكم .. وين نسير


شمايل وامل : وافي


غدير ومريم و سمر : الستييي


عذاري : ههه ولله انكم ما تدرون وين الله حاطكم .. حسبي الله عليكن .. بس تبن المغازل .. عذابه احسن شي انتم في البيت ..


البنــــــات : جااااااااااااااااااااااااااااااااب.. شمايل سكتي اختج


شمايل : عذاري بس عاد جب .. انتهينا .. بنسير وافي ... حوه سيري هاتي الجل يالله .. جلدي كريجا


وطلعت عذابه عشان تيب الجل من حجرة امنه



في الممر جاسم كان يمر بيطلع من البيت .. و سمع صوت حشرة ماليه البيت بكبره .. ومن وين يايه من حجرة الانسه عذابه .. قال شسالفه .. يوم دش الحجرة الا الحجرة ممزورة بنات وعذابه مختفيه بينهم .. مب حس بعمره الا وهو يهزب


جاسم وهو مفول وواصل حده: انتوو اييييييييه .. انتو منو .. وشو يايبنكم


البنات كلهن زاغن ومب عارفين شسالفه وعذابه محد ..


شمايل : انت الي منوه ها .. وبعدين ما تخيل على روحك داخل حجرة كلها بنات اطلع بره


جاسم عصب عليها وقال : جب ... يالله بره


عذابه وهي طالعه من حجرة امنه سمعت صوت شمايل وجاسم .. قالت شسالفه وركضت ويوم وصلت الا جاسم في الحجرة يهزب شمايل ..


عذابه : جاسم انت شو تسوي هذيل ربعي اطلع بره


جاسم وهو قافط : شوووو


شمايل فقطت من الخاطر يوم عرفت انه اخوها والبنات كلهن نزلت ويهن وانخشن تحت الشبريه .. اما جاسم فستحي وتمنى لو الارض تنشق وتبلعه على هالموقف السخيف الي انحط فيه .. ما كان متوقع انه ربيعات خواته بيكونون هني .. معقولة لين الحين جاسم مب مستوعب فكرة انه عذابه انتقلت بيتهم .. بس تأكد يوم عرف انه خلاص هي وحدة من البيت ووجودها صار شي اساسي ومحتم ومب قابل لتغيير .



---------------



في اللذيد .. العاش اخت محمد كانت ترمس ربيعتها الروح بالروح رفيعه عن اخوها محمد الي كان محور حديثهم دوم وسوالفهم الي ما تخلص .. رفيعه كانت مقهورة من محمد الي مب معطيها سالفه بالمرة .. وهالسالفه وايد خلتها تحزن ...


رفيعه : عويش .. محمد ليش مب حاس فيني .. حرام عليه


العاش: رفوع حبيبي تعرفين اخوي محمد مغازلجي وراعي بنات .. يعني ماشي بنت لين الحين طيجت راسه


رفيعه : اف يا عوشه .. احسني في خاطره اذبح هالانسان الي هو اخوج واقوله اني اموت فيه ولله ولله ولله اموت فيه


العاش: اف عاد بس ذبحتيني هب انا تقولين لي هالرمسه قولي عن بدر الدجى .. محمد اخوي


رفيعه : كلام الي انا قلته وهالورد الي ارسلته ولا حسيت ابد انتا .. تشطر عاد وافهمها .. احبك يعني مو داري ولا حسيت في ناري .. كفايه تشغل افكاري تشطر عاد وافهمها .. احبك .. احبك .. احبك يالله افهمها


العاش : فددددددددديت هالصوت انا ياربي .. بس تدرين .. هلاغنيه اوحت لي بفكرة ..


رفيعه : شو


العاش: حمادي بيكمل 23 سنه الشهر الياي .. شو رايج تسوين له مفاجأة وتيبين له هديه .. هاااااااااااا


رفيعه : ماعرف عويش


العاش: جوفي .. انتي شيريله الي تبينه وانا بوصلها لحجرتها .. اوكي


رفيعه وهي يائسه : خلاص الي تبينه حبيبتي ..


بعدين العاش سمعت امها تزقرها قالت حق رفيعه خلاص بتبند عنها .. بعد ما بنتدت العاش عن رفيعه .. سارت رفيعه البلكونه وتمت اطالع الشارع .. الشارع في هالحزة من منطقتهم وايد هادي .. وظلام .. وكانو شباب الفريج يلعبون بالشلق هناك .. تذكرت مرة يوم حرقت ايدها بالشلق ومحمد على طول يود ايدها وركض فيها للاقرب ماي بارد .. كانت مب مستوعبه الي يستوي .. ما حست الا وأيد تيرها بكل قوة .. وهي تركض ومب حاسه بريولها .. عقب ما هو حالها الا وومحمد يحط ايدها في ماي بارد ويقول لها : اخر مرة اجوف هالايدين الحلوة تلعب بالشلق انتي فاهمه


رفيعه من كثر ما كاانت مصدومه ما كانت تحس بأي الم في ايدها من اثارا الحرق .. بس يوم شل محمد ايده عن ايدها حست بالالم وانه ايدها تحرقها .. بس حمدت ربها انه الحرق ماياب اثر ..


تنهدت رفيعه وهي تعيد الذكريات للاحلى حب واكثر انسان صاحت عشانه وتعذبت فيه .. اخر شي قررت انها تبند الدريشه لانه ما تيب لها سوا الالم ونزلت تحت عند مرت اخوها .




--------------------------------




في حجرة مها .. في بيتها .. مها كانت يالسه تقرا كتاب عن القرون الوسطي القديمه .. ولفت انباهها وجود في الكتاب صورة لحرمه فقيرة .. فستانها كان وايد قديم ومقطع ووصخ .. وويهها بقع سودة .. بس الي لفت انتباهها انه هالحرمه تشبهها وايد .. نسخه عن مها .. نفس العيون .. نفس الابتسامه الحزينه .. نفس البشرة .. نفس الننظرة الحاده الحزينه .. وايد استغربت انه كان في انسانه في العصور الوسطى تشبهها وكانت من الطبقه الكادحه المظلومه ... بس اخر شي بندت الكتاب لانه ياب لها اكتئاب وهي تقرا عنه ... ما حست الا والذكريات تجرفها لبـــعيد .. للاحمد .. لحب العمر كله .. للانسان الي دمر حياتها وخلاها تعاني .. ودمر حياتها وشرد بنتها .. احمد بالرغم الحب الي تكنه له .. بس لين الحين مب قادرة تكرهه تحس انه كل يوم تموت فيه اكثر واكثر واكثر .. وغمضت عيونها وخلت رموشها تنفرش وتغطي بصرها



" مها كانت لين الحين مب عارفه هيه ليش اتصلت فيه .. هل معقولة سحرها بوسامته او عشانه قال انها حلوة .. بس ليش يوم اتصلت فيه كان عادي عنده .... بس وقفت تفكيرها يوم جافت انه ابوها دش البيت وركضت عنده ..


مها : بابا .. وين اميه


بو سهيل : امج في المستشفى مها .. انتي ليش مب رقادة لين الحين ها ..


مها وهي تنزل راسها : انا خايفه


سهيل: وابوي عليج مها .. حسن وينه


مها : حسن راقد من الساعه 7


سهيل : وجيه انتي ما رقدتي


مها تمت ساكته .. عقب يا بو سهيل ولوا عليها وقال : خلاص سهيل برايها .. خلها برقدها عندي ..


سهيل: ابوي .. مها حرمه ماشالله عليها هب ياهل


بو سهيل: خلاص سهيل روح انت الجين .. مها حبيبتي يالله قومي بدلي ثيابج وتعالي ارقدي عندي


مها وايد استانست قامت وحبت خشم ابوها وعلى طول بدلت ثيبانها ويت حجرة امها وابوها ورقدت في حضن ابوها ..


الي تم يمسد شعرها لين ما رقدت ورقد وياها .. "



يوم ردت مها للواقع .. حست انها متولهه حق الطفله الصغيرة الي ابوها كان يموت فيها وتمنى رضاها .. وكيف انها خانت ثقه ابوها .. كيف قدرت تخليه يشعر بالعار منها ... لين الحين مها فاقدة الحنان الابوي الي عاشته لمدة 15 سنه قبل 17 سنه .. هل ممكن يرد هالحنان مرة ثانيه .



الفليل في بيت شفى .. شفى كانت خلاص مستعدة ومهيئه نفسها جسديا ونفسيها حق عرس محمد .. الرمسه الي قالتها مرت عمها خديجه خلتها أكيدة من هالشي .. معقولة .. هدى بتكون حرم محمد راشد .. لين الحين مب متقبله وقلبها يتقطع وهي تفكر في هالشخصين .. انسانه تكرهها كره العمى .. وشخص تموت هيه ويعيش هو .. يتزوجون مستحيل .. بس القدر خلاص اصدر حكمه علي .. الي قهر شفى اكثر زواج خليفه من نسرين الي كرهتها اول ما جافتها حست انه مكانها غلط في العايله .. لاء المفروض ما تكون موجدة هاي دخيله علينا .. اخر شي لبست جلابيه ونزلت تحت تجوف امها ..


وهي في دربها تنزل الدري في ويهها طلع خليفه الي كان لابس وزار وفانيله .. حست انها من زمان جافته كان صدق غير هالانسان وايد تغيير .. خليفه الضعيف تغيير وايد .. ستوى عريض ووسيم اكثر عن قبل بوايد .. طلع ويوم جاف شفى صدت عنه الصوب الثاني زقرها


خليفه : شفاااااااااااا


شفى وهي نازلة ردت من ورا جتفها : هلا


خليفه : جيه يكلمون اخوهم العود ..حشمي علاقل


شفى : نعم اخوي العود خليفه .. خير ..


خليفه : شفى .. انا ماحيدج جاسيه جيه شو ستوابج


شفى وصوتها بدا يعلى : خليفه الي سويته ماله خص اني جاسيه ولا لاء .. انت بغيت تجتل امايا .. شو ها .. ماعرفت تتريا ويوم تي البلاد تخبرنا ها .. انت تحط من عيني خليفه خلاص .. انت مب اخوي .. اخوي الي اعرفه كان يحترم كل حد حواليه .. كان يقدر امه وابوه .. بس انت .. انت انسان غريب عني يا خليفه .. غريب ..


وتكمل شفى دربها وهي تصيح من الام الي سبباه اخوها خليفه الي كان دومه مميز عن باقي اخوانها ..



خليفه يوم روحت عنه شفى حس انه بالفعل خذل أخته الصغيرة وانه كان قاسي معاهم ... بس وقف شوي وطلعت له نسرين ودخلته داخل ... وتمت تواسيه وتقوله مرحله وتعدي .. لكن يندق باب حجرتهم بكل قوة وصريخ تحت ..

نسرين : بسم الله الرحمن الرحيم .. لك شو صاير??


خليفه وهو خايف: ماعرف ولله يا نسرين .. بطلع اشوف شسالفه ..



نسرين : انتا بعدك تفكر لك شو هاد البرود الي فيك روح شوف شو القصه ..



وطلع خليفه ووراه نسرين وجافو انه شفى طايحه من فوق الدري وام خليفه قاعدة تصارخ ما تعرف شو تسوي ... خليفه يوم جاف اخته ين ما عرف شيسوي على طول نزل تحت وين هي طايحه وشلها ..



ام خليفه وهي معصبه : انت ايه .. نزلها اقولك .. انت بأي حق تشلها نزلها اقولك



خليفه وهو معصب: امايا بلا حركات بوديها المستشفى ما تجوفين ويهها ينزف ..



ام خليفه وهي تجوف نسرين بطرف عينها : ما عليك من بنيتي خوانها وايد .. رد حق الغبر الي عندك



نسرين من سمعت هالرمسه على طول دخلت حجرتها وهي منهارة .. معقولة يكرهونها لهدرجه .. لهدرجه محد مرحب فيها ..



خليفه وهو معصب وواصل صدق حده : امايا عيب عليج



ام خليفه :جب .. انت الي بتعلمني العيب يا مضيع المذهب .. مالت عليك وعلى جيه تربيه يا خليفه يالي ماعتبرك ولدي .. انت ستويت واحد غريب ماعرفه ...



هاشم وهو ينزل من فوق بسرعه ومعاه شاهين .. ويجوفون الي صاير .. شاهين على طول شل شفى من أيدين خليفه ونزل ابها تحت وركبها السيارة ..



خليفه وهو مقهور من الي سواه شاهين وقال حق امه : ما عليه يا أم خليفه .. الله يسامحج ويسامح ولدج ..



لكن قبل لا يكمل جملته شاف نورة خلته يرمس روحه وسارت ورا شاهين تركب وياه السيارة .. اما هاشم فهو الوحيد الي تم معا خليفه



هاشم : يا خليفه يا خوي .. ماعليه استحملها .. تعرفها بدويه .. ما تنلام



خليفه وكبرياءه انجرح : بس يا هاشم ها مب اسلوب .. مب عيشه .. توها امايا اهانت نسرين .. انا شو بيكون ويهي جدامها



هاشم وهو يلوي بوزه : خبزا خبزته اكله روحك يا خليفه .. انت تعرف اهلك كيف متشددين ..



خليفه جاف هاشم بنظرة ولبسه ورد حجرته يراضي نسرين الي انجرحت وايد .. أما هاشم فركض يركب سيارته عشان يلحق شاهين وامه



---------------



الصبح .. ميثى كانت في حجرتها اطالع الشمس .. والحديقه والشير والطبيعه .. كل شي كان جدامها يبتسم وفرحان .. كل شي عارف انه باليوم الثاني راح يكون بعد فرحان ومستانس .. ما يهمه شي ولا غدر الزمن .. تمنت لو كانت وردة في حديقه .. تعيش أجمل ايام سنينها بسعاده .. وتنتهي بسعاده .. على الاقل كل حد يقدر وجودها ..



تنهدت ميثى وجافت الساعه .. كانت الساعه صدق وايد مبكرة .. قالت بتبدل ثيابها وتروح الدوام من وقت ..



في الصاله ام حامد كانت يالسه وهي ميودة الراديو وتسمع قراءن على قناة القراءن ... وجاسم وشقرا حواليها يلعبون ... وطلعت لها ميثى



ميثى : سلام عليكم



ام حامد : هلا ولله يا بنيتي .. صباح النور .. شو بلاج ناشه من وقت جذا



ميثى عضت على شفايفها السفلى وقالت : ماشي امايا .. نشيت وشبعت رقاد .. وقلت أتلبس وأسير الشغل من وقت .. وأوصل جسوم المدرسه .. الا تعالي هو ليش ناش من وقت



ام حامد : هههه مادريبه .. الا تبين الصدق معجزة هههه مب من عوايده فديت روحه .. لا ومصحي اخته وياه



ميثى وهي تبتسم : ههه فديت روحهم ياربي ... ( ويتغير ويه ميثى وتقول ) امايا ..



ام حامد : لبيه



ميثى : تدرين انه ابتسام لين الحين ماتدري شي عن سالفه الجنين



ام حامد : وعليه يا بنيتي .. فديتها ولله ما تستاهل الي ياها .. الله يعوضها بغيره



ميثى : امين يارب .. ( وتي على بالها سالفه طلاقها ) اممم امايا



ام حامد وهي مشغولة بشقرا الي ما تبى تلبس ملابسها : هلا



ميثى اترددت وقالت : لالا ماشي سلامتج



ام حامد : برايج يا بنتي .. يالله يا جاسم .. بتروح المدرسه .. يالله عاد



جاسم : اف يدوه مابي اسير المدرسه .. اميه محد



ميثى : يالله حبيبي قوم ..



جاسم : اف منكم .. انا يوم بكبر وبستوي وزير محد بيروم يأمرني .. انتو فاهمين



ام حامد + ميثى : هههههههههههه



ميثى : انشالله يا سعاده الوزير .. الله طوف



وتطلع ميثى مع جاسم .. واتم حامدمع شقرا في البيت ..



في السيارة جاسم ما سكت لحظه وهو يسولف .. وخلاص ميثى طفرت منه ومن اسئلته الغبيه على قولتها ..



ميثى : اف يا جاسم بس عاد جب اسكتت



جاسم: انتي ليش تسكتيني.. وين ابتسام



ميثى : ابتسام في بيت يدك



جاسم : وليش ماخذتني وياها .. انتي لفيحه



ميثى وهي فاجه عيونها : ايه اااانت منو معلمنك هالرمسه الماصخه .. امحق لسان .. جب عاد جسوم اسكت عني روحه راسي يعورني ..



عذابه كانت توها واصله المدرسه مع درويلهم أسلم .. وحست انها من زمان ما سايرة المدرسه .. او لابسه لبس المدرسه الي هو التنورة والقميص الابيض .. كانت مخليه شعرها مفتوح لانه خرسان ماي ومجحله عيونها بجحال كحلي .. وهي توها بتقطع الشارع .. جافت سيارة على طول مرت وعلى طول كأنها شايفه عذابه .. ووقفت جدامها ... عذابه تمت تجوف السايق الي شكله ما كان امبين من خلال المخفي بس حست انها تعرفه .. يوم مشت شوي جدام .. انفتح الباب ونزل منها شخص اول ما جافته عذابه تم قلبها يدق بكل قوة وفرح .. وايد استغربت من وجوده ..

مشكووووووووووورة امووووون .. بس لا تطولين بالباقي يالغالية...

تشكراااااااااااااتي ...

|16| أمووووووووووووووووووووووووون بسرعة عجلي علينا الله يرضى عليك |16|

أموووووووووووووووووون مرة متحمسين مع القصة
مرة حلوة
بس تكفين لا تعلقينا .........كل يوم أمر انتظر النهاية

تسلميــن هاجس حزن... ومشكوورة على مرورج...

مشكوور منوة الروح على مروورك الكريمــ ...
وانشا الله رااح اكملهاا...

وهـــاااي التكمله...

جابر وهو يبتسم : معقولة اكون سعيد لهدرجه عشان اصطبح بويه سموح



عذابه بكل غرور: جفت ربك عاد ..ببس بسألك انت شو يايبك هني



وتطلع من السيارة رجا وهي ميوده شنطتها مالت ويني ذا بوه ومعاها نفس الانج بوكس وهي يطالع رجا وهو يبتسم ويرد يطالع عذابه الي كانت مبتسمه يوم جافت رجا ..



رجا : Good morning



عذابهgood morning 2 u



رجا : انا I know u انتي your house عند My house صح



عذابه وهي تضحك : هيه انا .. بس انا الحين مب هناك



جابر وهو عاقد حياته :ليش



عذابه جافته بنظرة وقالت : مب شغلك .. شي شخصي ما حب حد يعرفه اوكيه



جابر : as u like



جابر وايد تم يفكر كيف ما تكون ساكنه يعني معقولة طلعو من البيت .. بس مها لين الحين هناك .. وهو كل يوم يجوفها ..



وصلت سيارة قوم ميثى ويوم جافت جابر قلبها وقف مكانه .. بس جافته يكلم وحده .. صدق ماتت من القهر ونزلت عشان تودي جاسم معا انها اول مرة تسويها ..



جاسم: الحين ابا افهم ليش تبين تنزلين .. ماعرف انزل روحي ؟.. خلج هني ..



ميثى وهي تنزل:جب جاسم ..



ونزل جاسم وهو يتأفف من ميثى الي دزته بالقو عشان يمسك ايدها ... جابر ما نتبه حق ميثى مول ... لانه كان يكلم عذاب هالي كانت خلاص تبى تروح ..



ميثى وهي ادق جابر: سلام عليكم



عذابه وجابر يصدون مرة وحدة وجابر مستغرب من ميثى ويرد : عليكم السلام ..



اما عذابه فتمت اطالعها بنظرات ما تعرف تفسرها وميثى كانت ترد لها النظرات بتظرة اخس واحقر كلها اشمئزاز ...



ميثى وهي تبتسم بكره : ما عرفتنا جابر



جابر بدون اي معالم حق اي شي يدور في باله رد : ما قلت لج تعرفي



عذابه بغت تضحك بس غصبن عنها سكتت وابتسمت حق رجاوي ويودت ايدينها ودخلتها داخل .. اما جابر فترك ميثى وهي مقهورة من الرمسه الي قالها وتموت وتعرف منو هاي الصايعه الضايعه الي اهلها ما عرفو يربونها تكلم واحد غريب .. ما يوعيها من احلامها الا صوت هرن سيارة عشان توخر من دربها ..ويوم وخرت الا الدريول يطلع راسها



ويقول : انتي في نوم ..



وتمت ميثى تتحرطم عليه وركبت سيارتهم وتمت مقهورة من الموقف كله الي صار توه جدام عيونها .. كيف قدر جابر انه يقفطها جدام وحدة غريبه كيف ..



في المدرسه .. عذابه وهي تودي رجاوي صوب الصفوف مالت اليهال وعقب سارت صوب صفوفهم .. وجافت شمايل يالسه تذاكر عربي وتحفظ القصيدة ... وما كانت متبهه حق وجود عذابه في الجو .. بس يوم جافتها صرخت



: ااااااااااااااااااااااااااااااااااااه حبيبتي ولله انتي فديت هالويه الي يرد الروح يا ربي عليج .. ولله ولله ولله ثم ولله هالمدرسه كلها والي فيها وانا ما تسوا من دونج ولله حياتي



عذابه : بس بس خيبه .. شو بيقولون علينا البنات .. سكتي فضحتيني ههههه .. تعالي شو يالسه نحفظين انتي ؟؟



شمايل : القصيدة مالت هريرة والدلع



عذابه : هيييييييييه مالت غراء فرعاء مصقول عوارضها .. تمشي الهيونى كما يمشي الوجي الوحل .. شي جيه



شمايل : ول عثرة .. انا من الصبح احاول احفظ هالبيت ومب قادرة وانتي من وين حفظتيه



عذابه : هههه لانه البيت هذا غزلي من الدرجه الاولى وفيه غزل فاحش وصريح .. يعني قاعد يرسمها لنا



شمايل : ماشالله عليج انتي ..المهم .. ليش ما خبرتينا انج بداومين



عذابه : ولله ما كنت ادري اني بداوم ...بس الا جيه .. ههه شو مب حلوة المفاجأة



شمايل : لا حلوة .. اصلا كل شي منج حلو يا حلو انتا يا لزيز



عذابه وهي تبتسم : مسودة الويه تهزبين اخويه في بيته ها



شمايل وييها غدى احمر : اخييييييج عذابه ولله ويهي لين الحين يعورني علي استوى ولله ولله اني قااااااااااااااااافطة .. يختي اخوج دخل مرة وحدة لا احم ولا دستور . شدراني انا .. بعدين ردي كان لاارادي ..



عذابه : امممممممم ههه حتى اخوي قفط من الخاطر ولله .. حليله مسكين .. عالعموم .. وين الشله



شمايل : مريوم ويا سمر وامل ..والباجيات غياب .. هذيل يوم ما يذاكرن حق الامتحان يغيبن عشان يعيد لهم الاستاذ الامتحان ..



عذابه : امممم .. خلاص عيل بخليج تذاكرين .. واانا بروح اطلع دفتري من اللوكر اوكي



شمايل وهي تهز راسها بايجاب وتروح عن شمايل .. وتحصل في لوكرها داخل ورده وعليها اهداء .. بس الباعث مجهول .. لكن عرفت خطه كان واحد من شباب الصف ال11 وسخافاتهم المعتادة .. وايد انقهرت وعقت الرساله بعد ما قرتها في الزباله وكالعادة مضمونها غبي ومال يهال ...



مريوم من ورا عذابه : هلا ولله هلا .. متى يتي .. ؟؟



عذابه : توني قبل شو .. كنت اتخبر عنكم ؟؟ وين كنتو ومخلين شمول روحها



مريم : ولله ربيعتج هاي مستويه دحيحه .. خليناها تذاكر وروحت عنها .. بس



عذابه : هيه خلاص عيل برايج بروح اكلم استاذ حمدي عشان يأجل امتحاني .. اوكي .. يالله باي



---------------------

في المستشفى بعد ما وصلو البارحه ويابو شفى الي كانت شبه ميته من شكلها ولونها .. قالو انها عندها هبوط حاد وسوء في التغذيه .. وقالو انها بتم عندهم يومين وبتطلع وما عليها شر .. بس ام خليفه قررت انها اتم وياها ...



ام خليفه : يا بوي قلت لك بتم ..شلك فيني



هاشم : امايا مب زين جيه .. انا بتم وياها



ام خليفه : اسكت انت وراك مدرسه .. بالعماله ما تبى تسير يالكسلان .. منالله عايد السنه مليون مرة وبعد تبى تغيب ..يالله انجلع اجوف



هاشم : هههه كشفتيني عيل ها ..المهم .. تبين شي ..



ام خليفه : سلامتك حبيبي .. بس سلم على ابوك .. وخبره بلي استوه .. تعرف من يابها البيت الي ما تنطرى هاي وابوك صحته تعبانه حسبي الله عليه



هاشم : امايا .. حرام لا تدعين على خليفه ..



ام خليفه : امحق اخو .. سر اذلف .. يالله فديتك وينو شاهين يوصلك البيت .. تحملو على عماركم انزين ..



شاهين وهو يطلع من ورا الباب : من عيوني .. كم نواري عندنا نحن .. الا هيه وحدة .. فديتها ياربي


وجان تحمر ام خليفه وتقول : وييه يا شاهين بسك .. يالله شل اخوك وروحو .. واجوفكم باجر .. تصبحون على خير



هاشم + خليفه : وانتي من اهل الخير امايا ..



واتم ام خليفه ريحاتها وتجوف شفى بنتها .. الي وراها ثانويه عامه و هي في المستشفى وحالتها ما تسرلا عدو ولا صديق .. وتمت تدعي على خليفه ومرته الهرمه الي يابها .. بس ما كانت تدري ام خليفه انه كل الي ستوا زائد خطبه هدى لمحمد زاد الم والاسى والعذاب وستوا دبل على قلب شفى الرقيق .
في بيت قوم خليفه .. خليفه كان توه راد من برع وهو يبتسم بتعب ومب متعود على حرارة الشمس بعد جو لندن الكئيب الي الفصول الاربعه تتجمع في يوم واحد ..



نسرين وهي تبتسم له : هلا ولله حبيبي .. شو من وين جايي وهيأتك كللا عرق ..



خليفه : كنت ساير ادور على شقه ..وحصلتها



نسرين مثل الحيه الي اقرصتها :شقه ؟؟ ليش ؟؟ وهوني



خليفه : الحين عايبنج حيبتي .. ماستوالنا 2 من يينا وهم مرة لابسين وجودنا عندهم .. ماقدر اتحمل هالتجاهل اكثرمن جذيه



نسرين : خلاص حبيبي روق ..وانشالله خير .. عالعموم انا بدي روج جيب لك ماي ..



خليفه : لا قعدي وين سايرة مافيني ابوي يجوفج ويقط عليج كمن كلمه



نسرين : ابوك هلق بحسبه بابا ومالازم ازعل منو لو شو ما قال .. خلاص حبيبي يالله بدي روح واجيب لك الماي ..



خليفه وهو يبتسم : لا سلامتج ..



نسرين : دخيل هالعيون شو بتعذبني ياربي ..



ويضحك خليفه وتطلع نسرين تيب له الماي



ونسرين نازلة تحت محد كان في البيت للانه الضحى وابو خليفه كان راقد تعبان .. اما بطي فكان في الدوام ومحد غيرها وخليفه الي صاحين ... وهي نازلة سمعت صوت التليفون يرن .. ايدها حجتها لازم تروح وترد عليه ..



نسرين بمياعه : الوه



وضحى : الوه .. من انتي



نسرين بضيج : يا مدام انتي الي عامله call مين بدك



وضحى : وشو كول .. انتي منو ..وينها ام خليفه ؟؟



نسرين في صوت واطي : لك الختاتير بعد يحكو في التيلفون



ووضحى بصوت عالي: انتي ايه ..انتي منو ها .. بشكارتهم اليديد



نسرين وهي معصبه : بشكارة بعينك .. انا مرتو لخليفه .. وبعدين ام خليفه مانها هون .. باي



وتبند في ويه وضحى عمة خليفه..وتقول في خاطرها : لك شو هالختيارة الي عامله نفسا صبيه .. ولله الي بيعيش بيشوف ..



وضحى بعد ما سكرت نسرين في ويهها قالت : امحق تربيه هاي .. انا بعلمها الهرمه اونها مرت خليفه .. فقدتها يا ربي ..



نسرين سارت غرفتها بكل هدوء ولا كأنها سوت شي ويايت له الماي ..



خليفه ببتسامه عريضه : لك دخيل الله عليكي



نسرين وهي تضحك : هههه لك شو حلو عليك الحكي االلبناني .. فديتك ولله



خليفه : انزين حبيبي .. شو رايج نطلع مكان ؟؟



نسرين وهي تناقز : ايه ايه ايه احلى فكرة .. وين بدنا نروح



خليفه : اممممممممم تعالي باحذج المارينا مول وبنتغدى هناك .. شو رايج ؟؟



نسرين وهي تبتسم : اوكي يالله .. 10 دقايق وانا جاهزة ..



خليفه خلاص انا بسير اتسبح وانتي تلبسي انزين ..



نسرين : اوكيه مان ..



وأطلع نسرين تنورة سودة قصيرةيايبتها من لندن وبتلبس معاها بوت .. بس ريولها كات شوي تنبان .. ولبست معاهم بودي احمر غامج كان طالع عليها جنان عشانها بيضه ورفعت شعرها الاشقر فوق وحطت مكياج احمر وروج احمر مغري وايد وخلاص جهزت هيه وتمت تتريا خليفه جدام المنظرة ..



خليفه وهو طالع من الحمام تم امبحلق فيها وايد وهي ضحكت قالت اكيد حب شكلها .. بس خليفه فاجأها .. : انتي شولابسه .. حلفي تبين تطلعين جيه .. يالله روحي بدلي اجوف



نسرين : شو ؟؟ بدك ياني بدل ؟؟ليش انشالله .. لبسي مو حلو



خليفه : لاء .. اقولج روحي بدلي يالله وبدون مناقشات مالها داعي .. وين تبين جي لابسه اذا حد من ربعي جافج جيه لابسه .. شو بيقول عني ..



نسرين : عيل ما كان لازم تتجوزني .. وكنت تاخد وحدة من اهلك مش احسن ..



خليفه : نسرين بلا ارف روحي بدلي احسن لج ولي يالله



نسرين : لك يخرب هالعيشه شو سودة ومؤرفه .. خلاص ما بدي روح مكان بدي شوف هالحيطان .. مابدي اطلع خلاص ..



خليفه : حبيبتي انا اغار عليج ومابي حد يجوفج غيري ..يالله عشان خاطري روحي بدلي .. عشاني



نسرين وهي تتافف : خلاص ..انشالله .. على امرك .. بعد شي تاني



خليفه : لا سلامتج .



---------------------

يعطيك العافيه عزيزتي اموون

القصه مررره حلوه ومحمسه

بليززز لا تتاخري علينا بالباقي

تحياتي

عوافي ننتظر الباقي على أحر من الجمر...

عفيا أمون لا تطولين علينــــــــــــــــــــــــــــــــــــــــــــــ ـــــــا؟؟؟؟؟؟؟؟؟؟؟؟؟؟

أمــــــــــــــــــــــــــــــــــــــــــــــــ ــون ؟؟؟؟

أمون اشتقنا نعرف النهاية كل ساعة اشيك نزلت الباقي أو لا....
الله يقويك.......

الله يعافيج اميرة الورد وتسلميـــــــن...

تسلمــ منوة الروح على مرورك الكريمـ...

بعد ما الناس ردو من الدوامات .. مها كالعادة ردت حق بيتها الي قبل كانت وايد تعتز فيه .. بس الحين تحسه خالي وملل وموحش وقامت تخاف تقعد فيه روحها .. بس غصبن عنها .. ما قدرت تسوي شي ثاني ... وهي توها بتقعد في الصاله رن التيلفون بشكل متواصل .. ما عرفت شو تسوي لانها مب في بالها ترمس حد .. بس اخر شي شلت عمرها وردت عالتليفون ..


........: الووه
مها : هلا .. منو معاي؟؟
........: معقولة ما عرفتيني .. صدق انج قاطعه؟
مها وهي عاقدةحياتها : منو
........: انا حصه .. ام مانع
مها وهي فاجه عيونها : حصوه ما غيرها .. حرمه اخوي سهيل .. مب معقوله لاء .. وييييييينج
حصه : ههه فديت روحج ولله .. هيه انا مرت سهيل اخوج .. الي انتي تستوين اخته وقاطعه العايله كلها ... تدرين زين يوم اني عرفت رقمج مها : هيه صح شوعرفج في رقميا .. انا مغيرة رقمي ورقم البيت عشان السالفه القبليه
حصه: فديتج ولله يا مهاوي شومتوله عليج .. وينج خلاص نسيتي انه لج ربيعه اسمها حصة
..مها : حصه ولله اني متوله عليج بعد .. بس تدرين ..
حصه : اممم .. شو مسويه في دنياج .. عذابه شحالها؟؟
مها : حمدلله عذابه بخير .. بس
حصه : شو بسه ..بلاها بعد
مها وهي قافطة : سارت بيت ابوها .. بتيلس عنده خلاص
حصه : شووو .. ليش .. شعنه سايرة هناك؟؟
مها : بعد ظروف .. وسوالف ..
حصه : واعليا عليج يا مها .. خلاص انا بييج البيت تتخبريني كل شي .. بس خبريني وين بيتج ؟؟
مها : هاا ..امم لالا .. انا باييكم بس مابا سهيل يكون في البيت دخيلج يام مانع ..
حصه : لا ماعليج .. سهيل سايرالعين عند اخوي مسوين عزيمه وما بيرد غير ويه الفير .. انتي تعالي ..
مها : خلاص عيل بييكم الساعه 6ونص . وبعد اجوف عيال اخوي ولله متولهه عليهم موت .. خلاص عيل حبيبتي تسلمين ولله وفيج الخير ولله يوم انج تذكرتيني ..
حصه : يا مها .. لو حنا هب اهل .. لا تنسين اني كنت بنت يرانكم واقرب انسانه لج.. كيف ما تبيني اتذكرج دوم وتيين على بالي واتوله عليج .. حبيبتي ولله ...
مها : خلاص حبيبتي .. بكون عندكم عالموعد .. يالله عيل فمان لله ..
حصه : بحفظ الله غناتي ..
وتبند مها عن حصه وهي وايد مستغربه اتصال حصه .. صح انها قالت انها متولهه عليها .. بس لين الحين حاسه انه من ورا تصالها شي .. مب عارفته شو .. يا ترى ليش متصله فيه .. اخر شي قالت انها بتروح وبتعرف كل السالفه .


------------------------------------


بعد الغدى يلست عذابه ويا اقوم ابوها وهم يسولفون .. باجر كانو بيروحون يخطبون هدى رسمي حق محمد .. معا انه محمد ما بغا الامور توصل لين هني .. بس شفى اهي الي اجبرته على هالخطوة الي هو نفسه ما يبى يخطيها .... اما جاسم من الصوب الثاني .. فكان لين الحين يفكر في ربيعة اخته الملسونه الي لين الحين ماعرف شسمها .. ما عرف ليش تم يفكر فيها معا انها ملسونه ولسانها طويل .. بس حس انه في شي غريب يجذبه لها .. بس اخر شي طرد هاللافكار من باله عشانه يعرف انه امه خطبت له بنت عمه شفى ... أما عذابه .. فلين الحين تموت وتعرف منو هي الحرمه الي كانت الصبح في المدرسه وسلمت على جابر وبغت تتعرف علي .. بس لين الحين سؤالها كان مثل الحلقه المفرغه مب قادرة تلقى اي جواب لسؤالها؟




راشد : اقولج امنه .. باجر انشالله بنسير بوظبي الساعه 9الصبح انزين يا شباب

الشباب كلهن : انشالله بويا

عذابه : تدرون اني صدق متولهه على سيرة بوظبي ستوالي شهر مب سايرة

..محمد فيخاطره : اسير عند منو الحين .. عشان هدى مثلا واع

محمد : بويا .. ماعتقد اني بقدر اسير وياكم .. الربع عازميني عالغداوجذا

راشد : لا عيب يا بوك.. سر تغدى عقب خاوينا .. مب حلوة في حق اعمامك وبعدين ما بتسلم على ولد عمك خليفه اليراد من الخارج .. مب حلوة

محمد : انشالله انشالله يا بومحمد .. بس يوم برد من عند ربعي بسير لكم بوظبي ..

عذابه : انزين بويا .. اليوم عادي اطلع؟

راشد : وين بتروحين؟

عذابه وهي عاقدة حياتها : بروح عندامايا

عذابهيوم رمست تمت روحها مستغربه .. معقولة هيه توها الي رمست .. الي تبى تروح عند امها .. شو ستوا ..وليش

.راشد : هيه اكيد .. يوم انه سايرة حقامج ليش امنعج .. وسلميلي عليها

امنه من ورا خاطرها : وانا بعد .. بس لاتتأخرين فديتج

عذابه : انشالله .. خلاص يالله بروح انسدح لي شوي وبعدين بروح اتلبس ..

جاسم : خذيني وياج فوق ..

عذابه : يالله امش اشوف

محمد : اقول امايا .. متى عمليهدلال

امنه : الشهر الياي .. الله يكون فيعوننا

..الكل : امين يارب

.-------------------

بعد ما ستوت الساعه 5 ونص .. تلبست عذابه وقالت بتروح تسلم على امها على الاقل تاخذ فيها اجر معا ان امها ما تستاهل حد يعطيها ويه .. وركبت السيارة ويا دريولهم وقالت له روح بيت امي .


في هالوقت احمد قال بيروح يجوف مها ويتفاهم معاها على علاقتهم وشو رايح يكون مصيرها .. وفي نفس اللحظة مها كانت توها طالعه من الحمام ولابسه روب الحمام ولانها ما غسلت شعرها فخلته مفتوح ويوم سمعت الباب قالت حق البشكارة تروح تفتحه ..
البشكارة : ماما مها .. هزا واهد برا اسمو احمد يريد انتي
مها وهي لايوه شفايفها : احمد .. شو ياينها ...
وبدون لا بتبدل نزلت تحت تشوف شو يبى .....


يا ترى شو موقف عذابه يوم بتدخل البيت .. تابعو احداث الفصل التــــــــــــاسع ..

بعد ما نزلت مهـا تحت عشان تجوف احمد ليش ياي ومليون الف سؤال يدور في بالها وتفيكرها .. اول شي حصه مرت سهيل متصله .. وبعدين احمد ياي بياها معا انه اول مرة يسويها فصدق وايد استغربت من هالتصرف الغريب .. وحتى انها نست تبدل الروب وتلبس جلابيه بيت .. فنزلت بالروب وشعرها مبطل ..

احمد روحه ما كان عارف ليش ياي .. هل معقولة السبب هو ايجاد حل حق علاقتهم .. ام انه يبي يجوف مها ومتوله عليها وايد قطع عليه افكاره صوت النعال البيتي مال مهـا ويوم وايج عليه جاف انه هو نفسه النعال الفوشي الي فيه ورود صفرة منقوشه بكل رقه على جوانبه .. وانه هاي كانت مع طقم كامل من اكسسوارات الحمام وهالسوالف يباها لها من لتدت في سفرته الاخيرة .. وصدق استانس يوم جافها لابسته ..

مها بكل كبرياء : خير ؟؟ قالت لي البشكارة واحد اسمه أحمد يبيني

احمد وهو يوقف ويعدل غترته : هيه انا احمد .. ريلج يا هانم .. وبعدين كنت اباج في موضوع .. ممكن

مها وهي حاطه ايدها على راسها : ارجوك يا احمد .. ماشي شي بيني ويينك عشان نرمس عنه ارجوك ... الله يخيلك .. خلاص يا احمد شو تبى مني .. انا ستويت بقايا انسان لا اكثر ولا اقل .. انا ما عندي حد في دنياي .. خلاص خلاص يااحمد حياتي ما عاد لها اي معنى ..

احمد وهو يقترب منها : مها ليش تقولين جيه .. تدرين اني احبج واموت فيح واحب التراب الي تمشين عليه .. مها ولله ولله احبج ليش مب راضيه تصدقين

مها وهي تصارخ : يا احمد الحب ماهو كل شي .. خلاص .. احس عمري بايعه الدنيا وما فيها .. ما عدت اهتم حق حد .. احس انه الناس كلهم عادي عندي يرمسون عني وعن انا منو وعن حركاتي .. ما تم ريال في المستشفى ما تم يتحرش فيني .. ليش هذا كله .. لهدرجه المطلقه حرمه رخيصه وكل حد يتحسب انها سهله

احمد : حدج عاد ووقفي .. مافي حرمه تسمح حق ريال انه يتحرش فيها الا اذا بان عليها القبول .. وانتي ماشالله عليج مبتسمه في ويه الرايح والراد .. وشاقه الحلج ماعرف شو عندج .. وتقولين انج مظلومه

مها : اف بس احمد .. انت ياي عشان ترمس عني ولا عن شو بالضبط

احمد وهو يقعد : مها .. ليش ما نعلن زواجنا

مها وهي تشهق : هاااااااااااااااا .. انت ينيت .. تباني انذبح واندفن في الحياه .. ها يا احمد .. ماقدر ماقدر .. اذا مو عشاني انا عشان اهلي ماقدر .. ماقدر احملهم فضيحتي ابدا

احمد وهي معصب : ابوج هذا لا يرحم ولا يخلي رحمه ربه تنزل .. وانتي صغيرة منعج من الدراسه ويوزج ريال اكبر عنج ب20 سنه وبعدين يوم تطلقتي اذبحج من الضرب وما بغاج تكلمين تعليمج .. وحتى ماقام يصرف عليج .. لو مب راشد ونفقاته جان ما كملتي دراسه ولا اخذتي الشهاده ولا ستويتي شي يا مها .. ابوج هذا ظالم ظالم ظالم

مها وهي تصرخ وتحط ايدها على اذنها : بس احمد بس الله يخيلك اسكت .. ابوي ما سوى هذا الا خوفا وحرصا علي .. ابوي يحبني يا احمد

احمد وهو يود ايدها عشان تسمعه : يحبج طل .. ابوج ما يحبج .. ابوج اناني يحب فلوسه ونفسه بس .. تذكرين يوم ييت طلبت ايدج من قبل 7 سنين شو قالي .. قال اذا طلعت من بيتي راح اطلب لك الشرطه .. أبوج راغني من بيتكم وراغ اختي وعمي وياي .. يرضيج يامها يرضيج .

مها يلست عالكرسي منهارة وهي تستجمع هالذكريات الاليمه الي محفورة ومرسومه في ذاكرتها ومب سهل تنمحي لانها ستوت جزء من حياتها ومستحيل تنساه .

احمد يوم جاف انه مها بدت تصيح بكل هدوء وبس دموع غمضته وايد وتمنى لو ما قال لها اي شي .. فصخ احمد غترته وعقاله وحطهن على الكرسي ويا ويلس حذالها ولوى عليها ومها حست واخيرا شي صدر حنون تقدر تلقي عليه كل همومها واحزانها .. وتمت تصيح على وهي لاويه عليه ..



--------------

في الحجرة .. ميثى كانت متلعوزة كيف تخبر اهلها خبر طلاقها من جمعه .. امها وايد تحب جمعه وايد .. وتحسه مثل حامد واكثر وما تحب يوم ميثى تهزبه ... بس شو ممكن تسوي .. هالشي صار وانتهى .. وطلعت ميثى من الحجرة عشان ترمس امها وأبوها وعشان حامد محد استغلت الفرصه ..

ميثى وهي تييلس هالغنفه : امايا , ابويا

بو حامد : خير يا بنيتي ؟؟

ام حامد وهي عاقدة حياتها : خير ميثى .. شو بلاج ؟؟

ميثى بسرعه : يمعه طلقني

ام حامد حست مثل الي عق عليها ماي بارد مثلج وقالت وهي مب واعيه ومستوعبه للي قالته ميثى : ها ؟؟

ميثى وهي منفعله : الي سمعتوه اميوابوي

بو حامد وهو عاقد حياته : انتي منصدقج ترمسين .. شو هالخريط شو طلاق ما طلاق .. يا ميثى انتي توج صغيرة وتوج مابديتي حياتج عشان تفكيرين بالطلاق عشان زعله بسيطه .. شو بيقولون عناالغرب

ميثى وهي خلاص مب قادرة تستحملاكثر وتقوم وتصارخ لدرجه انه شقرا من سمعت زعيقها تمت تصيح : انتو ما تفهمون الريالطلقني .. يمعه .. يمعه زوجي صاااار طليقي بس .. بس مافي داعي تزيدون علي .. وباجربتوصل لكم ورقه طلاقي ..

وتخليهم وتحدر حجرتها بسرعه وتماتصيح بصورة هستيريا ..

ام حامد وهي تضرب ايدها فيالثانيه : لا حول ولا قوة الا بالله .. لا حول ولا قوة الا بالله .. شو بيقولونالعرب .. شو بيقولون بنتنا توها مالجه ما ستوالها 9 اشهر .. وتطلق حتى ما دخل عليها .. واعليه عليج يا بنيتي واعليه عليج .. ويمعه لا بارك الله فيه وانا الي اعتبرهشرات ولدي وشرات حامد واكثر يسوي فيها جذيه ..

بو حامد : يا ام حامد حنا لينالحين مب عارفين الاسباب .. لا تخلينا نشك ونقول في يمعه يمكن العيب فيبنتنا

ام حامد : يا جاسم شو تقول .. شوتقول الله يخليك بس .. ميثى ما فيها شي .. ميثى مثل الوردة .. ميثى ( وتنزل راسها )على الاقل احسن من ميسون ورفعت راسنا فوقنا بعد ما نزلته ميسون للطين ..

بو حامد سكت ماعرف شيرد لى مرته ... بس حس انهم هم السبب .. انهم هم الي خلوها تخترب وتستوي منحطه وخايسه من خلالالدلع الي كانت تحصله من امها وابوها خصوصا ... تم يترحم عليها ويطلب لها المغفرة .. لان خلاص الميت راح وما نقدر نقول كان وكان .. بس ندعي له ونصلي عسالله يغفر لهذنوبه وخطاياه .



----------------------



في هلاثناء .. عذابه كانت توها بتدخل البيت .. وهي برع في السكه .. تمت تجوف الفريج والهنود الي يبنون والقطاو الي تحطون مني مناك .. حست انها وايد تولهت على الفريج والناس الي فيه .. ووجهت نظرها على صوب بيت قوم جابر .. وبيتهم وقالت : يا ترى شو سالفه هالبيتين .. فيهن شي متشابه بس ماعرف شو هو ؟

بس عقب قالت مافي شي ودخلت داخل .. ومن حظ احمد انها ما نتبهت حق سيارته المركونه برع .. ودخلت على طول وقالت حق دريولهم يترياها .... عذابه كانت تملك مفتاح البيت .. ففتحت الباب ودخلت ومها مانتهبت لانها كانت وايد مضايقه من كلام احمد الي كله كان حقيقه ..

يوم دشت عذابه الصاله بغت تسويها مفاجاه حق امها فدخلت شوي شوي .. بس يوم وقفت عند الباب انصدمت .. معقولة هاي الي يت عشان اراضيها .. تسوي فيني جذيه وما حست الا وهي هيه تصارخ

عذابه : انتي شو .. شو من البشر .. شو جنسج انتي .. انتي مافيج احساس .. مافيج ذوق .. مافيج ادب .. مول ما تحشمين حد مول .. تلوعين بجبدي وتخليني احس بالاشمئزاز منج ومن تصرفاتج الغبيه المراهقه .. وانت يالي

مها واحمد كانو صدق منصدمين .. احمد تم يقول هاي شو يابها الحين .. اما مها فهمها زاد اكثر وحست انها مخنوقه .. عذابه ما حصلت تي وقت الا الحين وانا حاطه راسي على جتف احمد ..

احمد : عذابه . عذابه هدي اعصابج .. وبعدين مها حلالي ومرتي

عذابه وهي تصارخ : بس جب .. خلاص احسني بزوع منكم انتو الاثنين .. انتو شو ما تستحي .. ريال وشايب وشيبتك في كل مكان من راسك وبعد مخلي هرموناتك تتحكم فيك ها

مها وهني صدق عصبت : عذاااااابه .. جب .. خليتج تتكلمين وايد .. اسكتي ولا بتجوفين شي ما يعجبج .. اخر وحدة ترمسين عن الادب والاخلاق انتي جب تعبت منج ومن كلامج الي يجرح مثل الموس بس .. اخر انسان تغلطين عليه هو احمد .. انتي ما تعرفينه وما تعرفين شو يعني لي هالريال .. انتي مب حاسه الي فيني .. يا عذابه انا الي جدامج مجرد جسم بدون روح .. انا ولاشي .. انا انتهيت من اول من ولدتج .. وانتي يتي وكملتي علي .. بس شو تبين مني اكثر من جيه خلاااااص مب كافي ابوي واخواني شو تبين مني .. انا تعبت منكم ومن ارفكم كل واحد يبى يمشيني على كيفه .. كل واحد يتحسبني ملاك امشي في صورة حرمه .. انا مب ملاك يا عذابه مب ملاك انا بشر والبشر يخطون .. الله يخليكم بس بس خلاص ...

وتطلع مها غرفتها وهي تركض حاسه انها خلاص ما عاد فيها حيل .. ماقدرت تستمر اذا وقفت بطيح او بيستوي فيها شي .. فقررت الهروب ..

احمد تم يطالع عذابه وقال لها : عذابه اعرف انج كارهتني عشان تزوجت امج بالسر وما سرت وخطبتها مثل الناس . الي ما تعرفينه يا بنت راشد اني انا احب امج من هيه في عمرج .. انا احبها وهي تحبني .. كنت بتزوجها بعد ما اخذ الشهادة بس يدج منعني منها لانه اكتشف انها تكلمني .. ويوم عرفت وسرت وقلت له اباها .. جافني وضحك وقال هذا الي ناقص ازوج بنتي حق واحد مغازلجي .. وراح ويوزها ابوج .. الي كاننت بمثابه بنته ولين الحين .. يا عذابه لو ما يدج جان انتي الحين بنتي انا وانا ابوج .. اانتي فاهمه .. لا تقعدين تطلعين احكام وانتي ما تعرفين شو الموضوع

عذابه كانت منصدمه ويهها صاير اصفر مب عارفه شترد

وقالت بصوت مبحوح : وليش ما رديت تخطبها

ضحك احمد وقال : ليش مارديت اخطبها .. ومن قال اني ما رديت اخطبها .. بس يدج الكريم رد وطردني من البيت .. من بيته .. كيف تبيني احط ايدي في ايد شخص طردني من بيته .. كرامتي فوق كل شي ... عذابه امج وايد عانت عشانج .. ودرست واجتهدت عشانج .. عشان تفتخرين فيها .. عشان تقولين اميه دكتورة منو يتحدى .. بس انتي للاسف ..

عذابه قال : بس بعد هذا مب مبرر انها تزوج بالسر

احمد : كيفج .. لا تسوينه مبرر .. بس امج مرتي .. بغيتي ولا ما بغيتي .. ووهي تحبني وانا اموت فيها .. ولا انتي ولا عشرة منج يقدرون يوقفون في طريقنا يا عذابه .. محد ..

عذابه تمت مذهولة من كل الرمسه الي انقالت وانعقد لسانها ماعرفت شترد .. حست انه الدنيا تلف والدور فيها مب عارفه شتقول ولا بشو تفكر .. كل شي توقف ..كل شي .



------------------------
والسمووحه منكمــ...

الحماس بادي من أول القصة .................... الله يعطيك العافية؟؟؟؟؟؟؟؟؟؟

|4| الحماس بادي من أول القصة .................... الله يعطيك العافية؟؟؟؟؟؟؟؟؟؟

يسلموووووو امووون على الاجزاء الجديده

يعطيك العافيه على هذا المجهود الرائع

تحياتي ياحياتي :)

تســلم منوة الروح على مرورك...

اللع يعــافيج اميرة الورد..
وتسلمــين يالغــاليــه..

يسلمووووووووووو أمووووووووون بس يالغالية لا بطول الباقي.....

ننتظر بقية الأجزاء يالغالية....

تشكراااااااااااااااااااااااااااااااااااااتي....

الله يسلمـــج هاجس حزن...
وانشاا الله ما بتأخر عليج يالغاليـــة...

اموووون لاتتاخرين علينا بليزززززز

ننتظرك على احر من الجمر

تحياتي

هـــــــــــــــــــــــــــــاي أمون
ننتظر الباقي على أحر من الجمر!!!!!!!!!!!!!

ووووووووووووووووين الباقي أمووووووووووووون ؟؟؟؟؟

طولت غيبتك سلامات يالغالية.....

تشكراااااااااااااااااااااااتي .........

تســلميـــــــن اميـــــرة الـــورد...

تسلــــم منــوة الـــــروح..
ومشكوور على مرورك الكريــمــ..

تسلميـــــــن هــاجس حزن..
وانشــــا الله عــن جــريـــب رااح اكملهـــاا..

يسلموووووووو اموووووووووون

يعطيك العافيه على الجهد الرائع

تحياتي

وينك يالغالية ....موعادتك تطولين الغيبة والله فقدناك..

في بوظبي .. بعد ما خلصو خليفه ونسرين غداهم تمو يتمشون في الاسواق .. وطبعا نسرين كان عايبها كل شي .. ولانها عاشتحياتها تقريبا كلها في لندن فهي كانت تتحسب انه الامارات قريه صغيرة مكونه من خياموكمن بيت ما يسكنه الا وجهاء البلد .. لكنها انصدمت من التطور العمراني الكبيروالمذهل الي عايشين فيه .. وتمت اطالع كل شي بنبهار وكانه شي لازم ينحفظ في ذاكرتهاوللابد ..

خليفه : شو حبيبي ؟؟ وين سرحتي؟

نسرين وهي تعود للارض الواقع وترد : ايه .. لا مافي شي حبيبي .. بس كل شي حلو هوني

خليفه وهو يبتسم : وباقي الاماراتاحلى واحلى .. انشالله باخذج العين الاسبوع الياي ونسير جبل حفيت

نسرين وهي تصفق : يااااااااااييعني بدنا نركب الجبل متل الافلام

خليفه وهو يضحك : ههههههههه لاحبيبتي .. بنركبه بالسيارة .. واحسن وقت انسير له الفليل عشان تشوفين مدينه العينوهي منورة من فوق .. صدقيني المنظر وايد حلو ويرد الروح

نسرين وهي تخش ايدها في ايد خليفهمثل الشخص البردان وتقول : لك تقبرني ما فيني انتظر اكثر



في مكان ثاني من المول .. حمدانوربعه كانو يتمشون هني وهناك .. وفجأة لاحظو شخص مب غريب عليهم بالمرة ...

حمدان : شباب شباب .. هذا مبخليفه بن محمد

سلطان : هييييييييه هو ولله ..متى رد من السفر ...... اقوول .. منو هالمزيونه الي وياه

حمدان : تصدق ماعرف .. معقولةربيعته ويابها وياه من لندن .. ولله يسويها خلفوه , قوم بنسلم عليه

سلطان : هيه هيه ... يالله وفرصهنتعرف على ربيعته .. هههه تراها مب شينه .. تحيد القبليات محلاهن .. ولله يعقنالطبر من السما .. يلعن يومه يعرف يصطاد عدل الهرم ..

حمدان : انزين بس بس وايد ترمس ..طوف طوف بنسلم وبنلقي التحيه .. وبنقدم خدماتنا هههههههههههههه

خليفه مب كان منتبه لوجود اي شخصفي المول غيره وغير نسرين .. فماكان منتبه انه في حد قاعد يقترب منه .. وفجأة يجوفأيد امتدت وحطت على أيده بقوة وصوت عالي عقب عرف منو صاحبه

حمدان : خلفوووووووووووو .. لالاصدق انت خلفو الي أعرفه .. معقولة .. متى يت البلاد وكيف

خليفه كان منحرج من حمدان وايدوخصوصا انه نسرين وياه .. بس للاسف حمدان ما فهم هالشي مول .. وقال له : ولله اناييت البلاد من يومين جذا وانشغلت وما قدرت اتصل في حد

سلطان وهي يطالع نسرين ويغمز :شغل هااا

خليفه خلاص ماقدر ستحمل وسحب ربعهبعيد وقال لهم : شباب ترا هاي حرمتي .. هب ربيعتي لو سمحتو حشمو

سلطان + حمدان :هاااااااااااااااااااااااااااااااااااااااااااااااا

سلطان وهو فاج حلجه : شو ترمس؟؟

خليفه بتأفف وضيج : الي سمعته ياسلطان .. ولو سمحتو اذا شفتوها مرة ثانيه لا عاد تتعرضون لنا .. وانا انشاللهبكلمكم في اقرب فرصه .. مع السلامه

نسرين كانت تجوف الوضع ومشتغربهكيف خليفه ماعرفها على اصدقاءه لهدرجه اهي مو من مستواه عشان يسوي فيهاجذي ... بسسكتت وقالت بتفاهم معاه يوم برد البيت ..

خليفه وهو يبتسم : سوري حبيبيهذيل ربعي الجدام .. ماعليه تعرفين حركات الشباب

نسرين بحاجب واحد : اي بعرف ..بعرف كتير منيح ..

خليفه طالع نسرين وهو مب فاهم هيشو تقصد او تقول .. بس قال بيرد البيت ويصير خير .

خليفه : خلاص حبيبتي انرد البيت؟؟

نسرين : مو مشكله .. يالله ..



-------------------------



عند قوم عذابه .. لين الحين الوضعكان وايد متأزم .. أحمد كان وايد حازم مع عذابه .. وهي لين الحين مب قادرة تتحملفكرة انه امها كانت تحبه وابوها يا وخرب عليهم هالحب .. ويدها خرب حياة امها بسببتعصبه وطيشه .. اخر شي عذابه لبست أحمد وسارت تحت وين الاستديو مالها الي مصورة فيهوايد اشياء وذكريات جميله محتفظه فيها .. ذكريات تعود بها سنين قبل .. صح ما كانتسعيدة .. بس كانت تتشبه بالسعادة الي اهي الحين محرمه عليها وتحس انها بعيدة عنهاوما تقدر توصل لها لانها مب عشانها ولا عشان تعيشها .. عادت بها الذكريات على أيامماهي كانت في المدرسه الي في جميرا .. بين صديقاتها وابلواتها الي تحبهم وايد ..وفجأة استوى الشي الي قلب كل الموازيين عليها وكره العالم فيها .. الكل قام يكرههاويقول عنها بنت شوارع ومش مربايه .. اخر شي استسلمت للامر الواقع وطلعت من المدرسهالي كانت تعتبرها مثال سئ لطالبه تنوجد في مدرسه حكوميه محترمه ...

" عليا : بقولج شي .. انتي ااصلاتسوين روحج شريفه مكه .. بس انتي الخياس كله تحتج يالخايسه .. "

" عذابه : انتي ايه .. شو بلاجعلي شو شايفه علي عشان تقولين هالرمسه "

" عليا : شو شايفه عليج .. قوليشو الي مب شايفته عليج .. انتي وخربانه .. وأم وفلتانه ما يندرى شو تسوي..

قبل لا تكمل عليا جملتها ما حصلتالا طراق وضرب واصل لها من عذابه الي بدت تضربها بظفورها وريولها وكل شي فيها حاد .. حست عذابه عمرها وكأنها قطوة تحاول حمايه عيالها او اسرتها من الخطر .. بسمعقولة تدافع هي عن امها معا انه العكس صحيح .. بعد الضرابه تجمعو البنات وستوتحفله في الفسحه ويت المديرة والوكيله ودخلو عذابه وعليا الغرفه ..

" المديرة : شو مستوي بنات .. ليشهالضرابه .. انتو وين من الشارع ولا مب مربايين ؟ "

عليا بستهزاء : اسأليها يا أبلهاهي الي مجعت شعري لا بارك الله فيها الخايسه .. ابله تخيلي امها تسوي سواتها واناانضرب "

عذابه كانت بتضربها لكن الوكيلهمسكتها : " شو هالهمجيه هاي .. انتي وين في شارع .. نبى تعرف شسالفه اول شي .. وليشضربتيها .. وانتي ليش ترمسين عن امها مب عيب "

عليا وهي ارفع حواجبها : " ياأبله الساكت عن الحق شيطان أخرس .. والي يشوف الغلط لازم ما يسكت عنه .. اول شي اذاماقدر فبقلبه يطلب له الهدايه .. واذا قدر فلسانه .. واذا قدر بايده .. صح ولا .. "

الوكيله وهي تبتسم : " ماشاللهعليج .. هيه صح يا بنتي "

عليا " انزين يا أبله انا شفتالغلط وماقدر اسكت عنه .. ترضين في مدرستج المحترمه بنيه تكون خايسه لا وأمها بعدقدوة سيئه "

عذابه بنفعال :جاااااااااااااااااااااب الله ياخذج يالحيوانه الوصخه الله لا يبارك لج ولا يوقفجيالعينه الله يعلنج الله يعلنج .. "

المديرة بنفعال وهي ترمس عليا : "خلاص يا بنتي بروح الحين .. "

عليا " اوكي ابله .. "



وتصحي عذابه من كابوس كلامالمديرة والوكيله وهي تحصل الدموع ملت عيونها الناعسه وويها الصافي .. وهي تجوفحواليها ظلام في كل مكان .. ما حصلت الا باب الحديقه الموجود في الاستديو مفتوحوقررت تطلع تشم هواء منعش ورباني .. وهي تتمشى في الحديقه كانت الافكار تاخذهاوتوديها ما تعرف وين ترسي فيها بالضبط كانت صدق محتارة .. واخر شي وصلت بها الافكارلين مثل حجرة او حجيرة صغيرة في الحديقه يحط فيها الزراع أدواته .. بس الحجيرة هاذيوايد شدتها فدخلت داخلها وما حصلت غير سماد وشويل وهالسوالف .. ويوم بغت تطله حصلتتحت مرمي بصورة الي ما يجوف هالبقعه ما يقدر يجوف الي هيه جافته يعني البقعه ماتنشاف الا بالصفه .. كان عقد او أسوارة بسيطه جدا من الذهب الابيض وعليها صورتين ..من جدام صورة بنيه ايه من الجمال .. ويوم جلبت الويه جافت انه الصورة الي موجودة نصويه .. يعني الصورة مكسورة او انكسرت او حد كسرها .. او يمكن الزراع بدون قصد عقعليها ثقل كسرها .. بس العيون ما كانت ابدا غريبه عليها .. بس للاسف ما قدرت تعرفمنو .. وهالبنت تموت وتعرف شو سالفه اسوارتها ولبش اهي هني .. اخر شي دستهاللاسوارة وطلعت من الحديقه عشان تركب سيارتهم .



-----------------------

في المستشفى .. أبتسام وعت منزمان وهي مستاتسه بوجود حامد معاها الي تولهت عليه وحاسه انه استوى لها دهر منشافته اخر مرة ..

حامد وهو يوكلها الشوربه : ياللهحبيبي فجي فجي لازم تاكلين انتي اسبوع وبس هالمغذي هذا ما ينفع .. يالله فجي حلجج

ابتسام : حامد

حامد : عيونه .. وقلبه .. وروحهوفواده .. انت بس امري

ابتسام : تسلم لي حبيبي .. اقولحياتي .. ابا اجوف البيبي هاتوه لي

حامد بغى يجب الشوربه ولوى انهابتسام لحقت ومسكته .. : هااا ..

ابتسام وقلبها مش مطمن : حامد فيكشي حبيبي .. قلت لك ابا اجوف البيبي الي لين الحين ماله اسم

حامد : اااااااااه ل.. ل.. ليش

ابتسام وهي مستغربه : حامد .. شوبعد ليش .. مب هذا ولدي ابا اجوفه يالله عاد هاته لي

حامد طلع من الحجرة بدون لا يقولها اي شي وهالشي وايد خلالها تستغرب ... ......... حامد كان هايم على ويهه فيالمسشتفى .. كيف يقول لها اننه الولد ماااااااااااااات .. مات وهو قص عليها وقاللها انه بصحه وعافيه .. تم متولم فيها وزعلان من الخاطر ... ويته الممرضه الي هيهالمشرفه على ابتسام وهي سودانيه: خير يا ياابني ايش فيك

حامد وهو يجوفها بنظرة حزينه :دكتورة .. مب صح ولدي مات ؟؟

الممرضه بستغراب : استفغر ربكياابني هذي مشيئه لله ..

حامد : ومو يا دكتورة انا متفهمبس ..

الممرضه : ها

حامد : انا قصيت على مرتي وقلتلها انه الولد بصحه وعافيه

الممرضه وهي معصبه : ايييييييه .. انت صار لعقلك شي .. كيف تسوي شي مثل هذا .. ما تعرف كيف بيكون تأثير الصدمه لما تعرف انك كدبت عليها

حامد وهو خلاص منهار : ولله لوكنت اعرف ما كنت سويت ولا قلت .. بس .. بس ماعرفت شو اقول .. لساني انعقد مرة وحدة

الممرضه وهي زعلانه: ما بقول الابالفعل الله يعينها على سماع الخبر وهي متأكدة انه ابنها بخير .. بس حاول توصل لهاالخبر بكل هدوء

حامد وهو مثل الياهل الي خاف منالمسئووليه وقال : لالا لا الله يخليج ممرضه .. خلي الدكتور .. او انتي خبريها ااناماقدر .. ماقدر .. الله يخيلج

الممرضه : يا أخ حامد انا ما بقدرصدقني .. راح أحاول .. بس مش اكيد .. أعذرني .. والحين انا استأذن عندي ورديه ..

وتروح الممرضه .. وتخلي حامد حاير .. مب عارف شيسوي مع المصيبه الي بلش عمره فيها .. كيف يخبر ابتسام عن هالخبر الييجلط الواحد .. كيف ؟؟ أخر شي تشجع ودخل عندها .. هي كانت قاعدة ترتب اغراضها لانهاخلاص رخصوها .. وبترجع البيت .. مع انها لين الحين تعبانه .. بس يوم جافت حامدابتسمت بتعب

ابتسام : ها حامد .. وين ولدي

حامد وهي ينزل عيونه بخجل مب عارفشو يقول .. ورد عليها : ابتسام .. انتي مؤمنه بقدر الله والي كاتبه و

ابتسام قبل لا يكمل حامد كلامهقالت بصوت هادي مبحوح وهي تتنفس بسرعه كبيرة : ولدي .. ولدي .. مات .. صح؟؟!!

حامد تم فاح عيونه ما يعرف شيردعليها .. حس انه مستحي منها وايد .. وهي كانت هاديه لدرجه تخوف .. وتم خايف لايستويلها شي جايد وقال : ابتسام .. صلي عالنبي و..

ابتسام وهي تبتسم : بالعكس لازماستانس .. لانه ولدي هذا راح مكان احسن من هني .. ما توصخ من وصخ الدنيا .. بالعكسانولد نظيف .. ومات نظيف ..

حامد ما عرف شيرد عليها .. انصدممنها وايد .. حس انها غلبته في الكلام .. ما كان متوقع كل هذا يطلع من ابتسام ..الي كانت النسمه الطايرة ممكن تكسرها .. ما قدر غير انه يقعد حذاها ويحب راسها وهويقول : فديتج يا أبتسام .. يعلني ما خلا منج يارب

ابتسام بادلته الابتسامه .. بسالي ما يعرفه حامد .. انها كانت لين الحين تحت تأثير الصدمه .. وقلبها وعقلها مبمستوعب انه ولدها مات .. بس مب عارفه كيف اطله قهرها .. فحست انها مثل الشمعه قاعدةتذوب شوي شوي .



------------------



في حجرتها .. كانت تجوف اليداروهي دايخه مب عارفه في شو تفكر ولا في شو .. كانت محبطه .. خلاص ماعاد فيها منالقوة شي ينذكر .. الموقف الي انحطت فيه كان سخيف جدا وما ينذكر .. كيف قدرت .. ليشالقدر دوم معاندها وواقف في طريجها ليش .. لين الحين مب قادرة تعرف ايجابه حقسؤالها الي من كثر ما يتكرر في تفكيرها قامت تكرهه .. وقفت عند الدريشه وشافت انهاعذابه ركبت سيارة درويلهم راحت .. وهي تشوف عذابه تروح حست وكأن قطعه من قلبها تروحمعاها .. حتى ما قدرت تحبها او تضمها او تمسح على شعرها .. والي شدها انها كانتتلبس شيله وعباه وشكلها كان وايد حلو ومرتب عليها .. وباين عليها الرزانه وكبرالعقل .. حست انها بخسارة عذابه .. ممكن تخسر الدنيا كلها وخصوصا وانها يت بنفسهاوزارتها .. قطع عليها حبل افكارها صوت دق الباب .. ولفتت

مها : منو ؟؟

احمد : انا مها

مها وهي تمث دموعها وروح صوبالباب وتفتحه : سوري احمد حطيتك في هالموقف السخيف

احمد وهي يدخل الحجرة : لا عاديحبيبي .. تعودت .. ( ويبتسم ) وكل شي للاجل مهاوي يهون

مها وهي مستحيه : مشكور حبيبي

احمد وهي متسانس :يــــــــــــــا ويلي حااااااااااااااااااااالي ولله ولله ولله انه الكلمه منشفايفج تسوى مليون الف كلمه طيبه اسمعها باليوم .. فديتج ولله

مها بس اكتفت بالابتسام .. ماقالت شي ثاني ........ أما احمد فتم يطالع الصور الموجوده على التسريحه وهي كلهاتضم صور مها .. في كل صورة رغم ابتسامتها بس الحزن واضح في عيونها وضوح الشمس ..الا صورة وحدة .. يجوف انه الابتسامه والفرح ناطرة من عيونها .. ومن شكلها عرف انهاكانت 15 سنه .. يعني هالصورة من قل 16 سنه .. وابتسم وقلبه انكسر على خاطر مها ..الي شكلها عمرها ما بتشوف الفرح .



في السيارة .. عذابه كانت لين الحين تجلب في الاسوارة الي حصلتها في الحديقه .. وتموت وتعرف من وين يت .. وشو يابها حديقتنا .. ومليون الف فكرة وفكرة تغزوتفكيرها .. ما يقطع تفكيرها غير مرور رجأء هي والمربيه جدام سيارة قوم عذابه ..وتقول حق الدريول يوقف

عذابه وهي مطلعه راسها من الدريشه :رجااااااااااااااااااااااااااااااااااااااااااااااا ا وي

رجا وهي تلتفت ادور مصدر الصوت ويوم جافت عذابه ابتسمت وركضت عندها :هاااااااي .. شحالج عذبه

عذابه وهي تضجك : حمدلله بخير .. انت شخبارج

رجاوي : Am fine انتي وين .. I miss u so much

عذابه قبل لا تكمل كلامها جافت جابر وهو طالع من البيت لابس وكاشخ .. واولمرة تجوفه لابس كندورة ومتغتر بغترة حمرة .. صدق شكله كان جنان .. ما قدرت تشلعيونها من عليه .. حتى انه استغرب من نظراتها ومن تواجدها في الفريج .. وسار عشانيسلم عليها .. بس اهي يوم جافته ياي .. ابتسمت له .. وقالت حق رجاوي باي .. وبندتالدريشه وقالت حق الدريول يمشي .. جابر يوم وصل نص المسافه وحاف انها روجت ويهه قفطوحس انه يحترق .. وقال في خاطرها : ما عليه انا اراويج ..

تمت عذابه تضحك على ويهه الي اعتفس وتغيير 360 درجه .. وهي تقول حق دريولهايروح الجمعيه ...



اما جابر .. فتم مقهور من الحركه يعني تبتسم له .. وتقوله تعالي .. وبعدينتروح .. وحق منو تسوي هالحركه فيني انا .. ما عليج انا اراويج يا بنت مهووو

رجا : بابا .. انت وين رايح

جابر : بروح بيت اخوي .. بتين

رجا : هيه هيه

جابر : تالي بوديج عند ليالي وانا بييلس ويا سعيد

رجا : هي هي انا احب لالي .. يالله ودني عندها ..

جابر : اعرف بوديج عندها .. يالله اركبي السيارة .. ايميلي .. انتي رديالبيت وسوي عشا حق رجا زين

ايميلي : Ok sir

جابر يرمس رجاوي : اف .. الحين بجوف هالدقسه ايمان . اف ولله اكرهها هالحرمه

رجا : ههههههه Me 2

جابر يبتسم حق رجا وكل ما يوقف حديث وياها .. يتخيلها وهي مراهقه .. او عروس .. اكيد بتكون أيه من الجمال ... بس ياليت او لله يعطيني العمر عشان اشوفها عروس ...

تكمله الفصل التاسع )


بعد ما خلص جابر من تفيكراته ..تم محتار .. وهو يفكر عمره وقال اذا يت امها الي خلتها في يوم من الايام .. وشلتهاعني .. انا شو ييكون موقفي .. ويوم تم يطالعها مرة ثانيه .. ابتسم وقال مستحيل فييوم من الايام يقدر يجرحها او يخليها تزعل في يوم ... لو كان الثمن سعادته .



بعد ربع ساعه .. وصلو بيت اخوهسالم .. لين الحين جابر كان معصب على سعيد الي لبسه وسار وفتح له شركه بروحه .. وتممقهور صدق منه .. وقال بيروح عشان ايكلمه ويشوف شو بيرد عليه هالمرة .. والي سمعهجابر انه شركه سعيد ماشيه في السوق عدل .. ووايد تجار قامون يروحون عنده .. وهالشيخلاه يستانس وايد .. وقال اذا قدرت اتصالح وياه بدمج شركته ويا شركتي والفايدةبتكبر ... وقف سيل افكاره يوم وصل البيت .. وتنهد يوم جاف سيارة سعيد وسيارة ثانيهووقف سيارته ورا سيارة سعيد ونزل ..

رجاوي : بابا .. انا ابا اسيريلالاي ..

جاابر وهو يعدل غترته ويرفعه :صبري الحين بتروحين ..

دخل جابر الحوي وجافه فاضي بسميلس الريايل فيه نور ونعل برع قال اكيد حد عندهم .. وراح صوب الصاله اول ما دخلقال : هود ياهل البيت

ليالي : هدى هدى .. حياك عمي ..

جابر : هلا ليالي ..شحالج

ليالي وهي توايه جابر : حمدللهبخير عمي .. انت شحالك .. واخبارك .. وينك ياخي لا تسأل ولا شي

جابر وهو يبتسم : تعرفين عاد ..ابوج وين

ليالي وهي تشل رجاوي وياها : فيالحجرة ... الحين ازقره لك ولا يهمك ..

جابر : اقول ليالي .. منو فيالميلس ؟

ليالي وهي قافطه : هذا ربيع جابر..

جابر وهو رافع حاجب واحد : وليشجيه غاديه حمرة ؟؟

ليالي وهي ترد قصتها ورا اذنها :لااا عمي .. اي حمرة الله يهداك بس .. هههه .. بروح ازقر ابوي لحظة ..

وتروح ليالي وهي مب عارفه اصلاليش يوم جابر سألها عن هويه الضيف استحت .. خاطرها تعرف .. بس سارت اول شي عندابوها عشان تزقره ... وهي ادق الباب

ايمان : هاا

ليالي وهي تدخل .. ومن جافتهاايمان قالت : اعوذ بالله من الشيطان الرجيم .. شيايب الشيااطين بيتنا .

ايمان وهي معصبه : امايا .. بسعاد

سالم : ليالي جابر وين يالس

ايمان : وين بعد بيكون .. يا فيالميلس او في الصاله .. جيه من كبر بيتنا بس .. وي يا حافظ .. هو ماخذ الحلال كلهولا مخلي لك شي انت .. تقول صبي عنده

سالم : لا حول ولا قوة الا بالله .. اف منج .. انتي متى بتيوزين عن هالبطر الي فيج ها .. متى .. عنبو مول ما تشكرينالنعمه

ايمان وبالعماله تعلي صوتها : ليشاهو فيه نعمه عشان نشكرها .. ماخذ الجمل بما حمل .. وبيت يرمح فيه الخيل مع بنتحرام ما يندرى بنته ويقول بنت ناس غيره

ليالي وهي تحط ايدها على راسها :الله واكبر عليج .. انتي فضيحه فضيحه .. الله يعينك يابوي عليها .. الله يعينك

سالم سكت وما رد عليها .. بس كانصابر عليها .. شيسوي مهما كانت هاي مرته وام عياله وماله غيرها وهي مالها غيره ..وطلع عشان يجوف جابر شو يبى .. معا انه زيارته غريبه .. وتكررت مرتين في الشهر .



----------------------



مها كانت قاعدة تتعدل وهي جدامالمنظرة .. وكأن الي صار قبل ساعات نسته كله وهي تفكر في عيال اخوها .. خلود ..وخالد .. ومانع .. ريمان .. وماشالله كانو توم كلهم .. تمت تفكر في

مانع و ريمان و مول ما كانو يتشابهون مانع اسمراني .. و ريمان بيضه بياض الثلج مثل امها حصه ..وعيون مانع عسليه مثل ابوه ومها وعيون ريمان سود .. اما خلود وخالد اخر العنقود ..فكانو كوبي بيست عكس مانع وريمان .. وخلود مستويه مثل خالد ولد شراته .. وتمت مهاوهي تحط المسكرة تفكر فيهم .. صار لها سنه من اخر مرة جافتهم .. وصدق متوله عليهم .. وحتى متولهه على اخوها سهيل وايد .. خلصت مها اخر شي من تعديلها وتلبست وكشخت ..وركبت سيارتها ومرت المحمصه وباتشي وشلت وياها حلويات ومكسرات ومن هالسوالف .. وهيفي الدرب قاعدة تدور الف فكرة وفكرة في راسها .. اذا سهيل دخل عليهم وهي يالسه شوممكن يستوي .. تحس انها خايفه .. وخوفها الاكبر .. انه بيت سهيل لاصق في بيتهم ..بيت امها وأبوها .. كيف تقدر تمر من حذاله بدون ما تسلم على امها .؟؟



وصلت مها البيت ووقفت سيارتهاونزلت من السيارة وهي اطالع كل شي حواليها .. نزلت عيونها يوم لفت على بيت قومابوها .. وكانت بتضعف وبتمر عليهم .. بس اخر شي وقفت حدها .. ودخلت بيت اخوها ودقتالجرس ..

حصه وهي يالسه ادخن البيت : سوما .. يا سوما .. بطلي الباب

سوما : جين ماما ...

وتسير سوما تبطل الباب وتتفاجأبوجود مها عالباب ..

مها وهي تبتسم : هلا سوما ..شخبارخ

سوما : ماما مها .. انتي في صدق .. ولله انا من زمان ما يشوف وجه انتي .. فديتج ماما

مها : هههههههه .. حصهوينها

سوما : ماما حصه داخل .. تعاليماما .. تفزل

وتدخل مها البيت الي عمرها مانسته .. كان مثل ما هو .. اول شي الحوي بعدين ميلس .. بعدين ممر عشان تدخلين فيهالفيلا .. والشير كان كل مكان والفل والجوري .. واستانست يوم ما جافت سيارة سهيلودخلت الصاله وجافت في ويهها حصه

حصه : هلاااا هلا ولله هلا .. توهما نور البيت .. هلا ولله

مها : بالمهلي فديتج .. البيتمنور بصحابه وحرمه البيت .. وعياله

حصه : هلا بمهاني .. ولله ولهناعليج .. ما بغيتي تزورينا ..

مها : يعني تعرفينظروف

حصه : ولله ولله سهيل دومهينشد عنج

مها بنظرة مشككه : ها؟

حصه : ليش ما تصدقين؟؟

مها وبحاجب واحد : لان سهيل اخويقبل لا يكون ريلج .. وانا اعرفه احسن عنه وعنج

حصه : المهم ..

مها : حصه انتي ليش دوم تحبينتكبرين من شان سهيل وتحسسيني انه ريال عظيم وطيب .. ها .. سهيل جاسيلاكبر درجه

حصه : مها عاد .. لا تنسينانه ريلي .. وبعدين مابا ارمس في هالسالفه ممكن .. انا يالسه اتخبر عنج وينج ..ولله ولهنا عليج .. وينج عاد .. كل هاي قطيعه

مها وهي تبتسم : ويناليهال

حصه : ههههههه اي يهال الله يخليجكل واحد كبر راسي .. مانع الي اتحسبه بيبي غدى ريال ويقول لي امايا لا عاد تزقرينيمنوعي .. تخيلي عاد

مها : هههههههههههه .. انزينازقريهم

قبل لا تكمل مها جملتها نزل ريالمن فوق الدري .. طول وعرض وهيبه وكشخه .. وحالته لله محد قده .. اول شي مها ماعرفته بس قال بصوت عالي

مها : مااانع ؟؟

مانع وهو يتلفت صوب الصوت ويقول :اوه عموه هني

مها وهي تنش عشان تحبه : واي فديتورحك ولله تولهت عليك حبيبي .. الحين انت منو سهيل ولا مانع ولله العظيم مب قادرةافرق بينهم .. كلكم خلاص شبه بعض ..

مانع وهي مستانس ويغلظ صوته :عموه ولله فديت روحج .. قولي حق امايا مب راضيه تقتنع .. اوني ريال

حصه : الله يقول عمرك 20 .. توممكمل 14 سنه .. بس عاد مكبر راسك ماعرف عشو

مانع : امايا

حصه : هههههههههههه

مها : ههههههههه زين جيه يا حصهاحرجتي الولد .. يالله حبيبي توكل عالله .. واشوفك مرة ثانيه انشالله

مانع : انشالله عموه .. وحتى انتيلا عاد تقطعين مرة ثانيه .. ترا ولله نوله عليج

مها : منو عيوني حبيبي ..

حصه : ولله يا مها تربيه اليهالتعب تعب .. تعرفين هاي الي اسمها ريمان صدق متعبتني وايد .. اف خاطري اخليها تعرسوافتك منها ..

مها : حصه حصه .. شو تعرس ما تعرسانتي ينيتي .. حرام عليج توها ياهل امفهمها لزواج

حصه بصوت واطي : ولله بيني وبينج .. أبوها شكله يبى يزوجها

مها : شووووووووو .. ريلج هذاظالم .. ولله البنت وردة حرام عليكم ..

حصه وهي تحيس بوزها : هيه باين ..جوفيها الحين كيف غاديه عقب ارمسي ..

مها: انزين ازقريها ..

حصه : ريماني .. يا ريمان .. يا ريمان تعالي

وتنزل وحدة من فوق طويله وضعيفهوايد .. مع شعر بوي مع خصل سودة وصفره وعدسات زرقه .. وتنزل تحت ..

مها يوم جافتها فتحت عيونها شوهاي .. معقولة هاي تكون بنت من بنات سهيل

ريمان : هلا هلا ولله عموه ..شحالج

مها : هلا رميله .. شحالج حبيبتي ..

ريمان : بخير وسهاله انتي شحالج

مها : تمام .. انتي شو مسويه فيروحج

ريمان وهي تيود شعرها : ماشي عموهليش .. الا عموه .. ( تيود شعر مها ) الله صبغتج وايد حلوة .. من وين سويتيها؟؟

مها : ها ..

وقالت في خاطرها .. هاي عي بنتكيا سهيل يالي كنت تقولي ابعدي عن بناتي بتخربيهم .. والله بناتنك خربانات وانابريئه منهم .. بس هاي حوابتي يا سهيل .. حوبات كل شي سويته فيني ..



-------------------

في السيارة .. وصلت عذابه بيتهم .. وهي لين الحين قاعدة تجوف الاسوارة .. ومب فاهمه شو سببها .. وحق منو بالضبط ..وصورة منو هاي .. بس من دخلت الصاله عقتها ويلست مع ابوها ..

عذابه : حيالله بو محمد

راشد : حيالله بنيتي .. ها بنيتيسلمتي على امج

عذابه ويتغير ويهها : ها .. هيهسلمت عليها .. ابوي

راشد : عونه

عذابه : عانك الله .. الا متىبنروح بيت عمي

راشد : باجر الصبح ..

امنه وهي تيلس : الا ما دريت يابو محمد شو ستوا .. واعليه عليج يا شفى .. طاحت عليهم ذاك اليوم ودخلوها المسشتفىورقدوها هناك ..

عذابه : هااا ا؟؟ من صجج خالوه ..متى صار هالكلام ؟؟

امنه : توها ناعمه تخبرني ..واعليه عليج ..

راشد : فديتها ولله ما تستاهل بنتاخوي .. شو رايكم نسير بوظبي اليوم هب احسن ؟؟

عذابه : هيه هيه ابوي هيه ..يالله نسير .. بسير ازهب قشاري

امنه : يالله نروح عاد كله ولابوظبي الا هيه سكه ونعبرها .. خلنا نسير عندهم احسن ... تعال والشباب؟؟

راشد : كيفهم جان بيون باجر ..انتي خبريهم

امنه : خلاص بتصلبهم وبخبرهم ولاعليك ..



-------------



في بيت سالم .. جابر كان يالس وياسالم وسوالف عاديه .. حتى سالم ما كان عارف لين الحين جابر شو يبى ياي بيتهم ..

سالم : جابر .. مب من عوايدك تيعندنا .. خير .. شي مستوي

جابر : ليش ؟؟

سالم : لا بس اسأل ..

جابر : ولدك وينو

سالم : هيه ولدي ؟؟ ولدي عندربيعه في الميلس

جابر وهو ينش : خلاص بسير عندهم .. عن اذنك

سالم وهو يوقف جابر : جابر .. اذا عن سالفه الشركه .. فأحسن ما تكلمه .. قال ما يبى يدمجها معاك .. وأتمنى انك تحترم قراره

جابر وهو يطالع سالم بحتقار : الحين حد طلب رايك .. انا بروح اكلم سعيد .. مالك خص ..

ايمان وهي تزاعج من بعيد : انت ايه .. ليش التكلم ريلي جيه .. ( وتجوف سالم ) وانت يا حظي .. شو طول وجسم وهيبه عالفاضي .. بس علينا .. ما تجوف اخوك .. ما تستكته .. مالك عليك من ريال .. امحق ريال

جابر وهو معصب صدق عليها وقال بصوت عالي وهو محرج : سالم وبعدين ويا مرتك هاي .. انا حاشمها عشانك بس .. بس ولله لو هيه علي جان دستها بريولي هالزباله

سالم وهو أول مرة يرفع صوته ويقول : جابر !! حدك عاد .. لا تنسى هاي مرتي .. لا تغلط لو سمحت

ايمان ما سكتت بس زادت الطين بله : بس .. هذا الي قدرت عليه انت .. بس هذا هو .. صدق انك ........ استغفر الله الله .. الله ياخذني من هالدنيا وافتك منك

جابر بصوت عالي : اّمين .. صدقيني بتسوين خير في حياتج وحق البشريه

ايمان جافته بكل حقد وتمنت لو تقدر تقطع ويهه في اظافرها وتنهش لحمه بأسنانها .. وجافت سالم وتمنت لو تقدر تفتك منه وللابد لانه وجوده كعدمه ..

سالم وهو معصب : اخر مرة يا جابر اسمح لك تقول هالرمسه .. فاهم

جابر رد لطبيعته وقال : أنشالله ياخوي .. الحين ممكن أروح حق سعيد قبل لا تستوي حرب ثانيه

سالم : تفضل .. تعرف الدرب

طلع جابر وهو كان خايف بقلبه اكثر منه متردد .. مب عارف كيف يبتدي الموضوع مع سعيد مرة ثانيه .. خايف انه سعيد يرده ويقوله مابا .. أو يطلب رد اعتبار وهالشي مستحيل جابر يسويه لو حق منو .. ودخل الميلس

جابر : سلام عليكم

سعيد استغرب من وجود جابر وايد ورد : عليكم السلام

محمد : عليكم السلام

جابر وهو يوايه سعيد ومحمد : شحالك سعيد ؟؟

سعيد : حمدلله .. بخير وسهاله

جابر وهو يلتفت صوب محمد : أنت محمد صح .. شحالك

محمد : الحمدلله بخير .. انت علومك

جابر : تمام .. ( يصد صوب سعيد ) شو ما بتتخبر عن احوالي يا سعيد

سعيد بكل تكبر : اخبارك امبينه من ويهك .. وشكلها زينه .. فليش أسألك واتعب روحي ..

محمد حس انه الجو مكهرب وانه جابر يبى يقول شي حق سعيد بس مب عارف بوجود محمد فقال : خلاص انا أستأذن ..

سعيد : وين وين ساير بو جاسم .. بعدنا قاعدين

محمد : لا خلاص .. بروح انا عندي شغل ..

سعيد : برايك

محمد وهو يسير صوب الباب ويلتفب و يقول : فمان لله ..

جابر وسعيد : الله وياك

سعيد هني التفت صوب جابر وقال : نعم .. قول ليش ياي .. وخلصني وراي اشغال

جابر وهو رافع حاجب واحد : الحين جيه يرمسون العم .. الي بحسبه ابوهم

سعيد : العم يكون بحسبه الابو .. يوم يكون يستاهل الكلمه .. ويكون قد اعمارنا .. هب .. اكبر عنا بسنتين يبانا نزجره عمي

جابر تنهد وابتسم وهو يجوف سعيد ..




بعد ما طلع محمد من الميلس .. طلعت في ويهه ليالي .. كانت يالسه في الحوي على الدجه ترمس ياهل .. وتلاعب وياها .. وحاطه الشيله البيضه عراسها والبنت تلعب فيها لين ما طاحت .. يوم طاحت الشيله تم محمد يطالعها وهو ناسي عمره تماما .. قصتها الطويله نزلت على ويهها بكل نعومه ... بس يوم رفعت راسها .. جافته يالس ايطالعها هي وايد خافت وشهقت وركضت تدخل داخل .. أما محمد فحس انه غلط وكأنه خان ربيعه بهالحركه الغبيه وتمنى لو ما سواها .. بس كان غصبن عنه .. فبسرعه طلع من البيت وركب سيارته .



----------




في بوظبي .. قوم عذابه وصلو أول شي بيت عمهم عشان يسلمون على مرت عمهم وعمهم .. وناعمه بعد كانت في البيت ومعاها مياسه لانهم كانو بيسيرون رباعه المستشفى ..

ناعمه : حيالله امنه .. ولله ولهنا عليج يا حرمه .. وينج ما تنشافين الا في الشهر مرة .. أول يوم عذابه تبا تي

عذابه : جفتي خالوه انا الي اييبها لكم .. يعني انا الطيبه وهي الشريرة

امنه + ناعمه : هههههههههههههههه

امنه : فديت الطيبه انا .. هيه جفتي عاد .. الا تعالي .. نورة وينها

ناعمه : واي علي خويتي فديتها .. تعبانه من طاحت شفى واعليه في المستشفى .. وكله من هالغبيه مرته هالغبر خليفه

عذابه : خالوه .. حرام عليج .. لا تقولين عن خليفه غبر .. وبعدين هو وين ابا اسلم عليه

ناعمه وهي تسوي حركه لا مباله في أيدها : أكيد في حجرته ويا عروس الدجى

امنه : هههههههههه احسها رافعه لكم الضغط عدل .. ودي اجوفها

ناعمه : وييع منها .. الله لا يراويج .. ترفع الضفط والسكر والدم

عذابه : هههههههههه .. بروح أسلم عليه و اتحمد له بالسلامه .. الا تعالي خالوه .. مياسه وين ؟؟؟

ناعمه : مياسه عند هاشم تباه يسولها شي في الكمبيوتر مادريبه

عذابه وهي رافعه حاجب واحد : كمبيوتر ها .. انا اراويج يا مياسه .

وتبتسم عذابه وتصعد الدري .. قالت بتمر على خليفه أول عشان مياسه تاخذ راحتها .. بعدين بتروح عند مياسه وهاشم ..



عند باب قوم خليفه تمت عذابه أدق الباب .. وادق .. وتوها كانت بتطلع .. طلعت لها حرمه .. بس عذابه وايد استغربت منها كانت لابسه شورت وفانيله بدون أكمام ورافعه شعرها فوق وتاكل لبان .. وهي تقول وتجوف عذابه من فوق لين تحت : انتي مين ؟؟

عذابه : اممممممم انتي نسرين ؟؟

نسرين وهي تجوفها من فوق لين تحت وترد : ايه .. انتي مين ؟؟

عذابه وهي تبتسم : انا عذابه .. بنت عم خليفه

نسرين : خير .. شو بمعليك ؟؟

عذابه جافتها بكل استغراب وسكتت عنها .. بس خليفه يا وكان بيهزب نسرين عشانها فتحت الباب وجيه لابسه ويوم جاف عذابه تيبس وقال : معقولة .. عذابي

عذابه وهي بتموت من الوناسه كانت تحب هالاسم والدلع هذا وايد .. فقالت وهي شاقه الحلج : هيه خليفه .. شحالك .. شخبارك .. ولله ولهت عليك وايد ..

خليفه وهو يطلع برا الحجرة ويقول : انا الحمدلله بخير وسهاله .. انتي شحالج

عذابه : حمدلله بخير ..

توها كانت نسرين بتطلع بس خليفه هزبها وقال : نسرين البسي شي طويل وطلعي .. ولا اقولج خلج دخل بسلم على هليا وبرد ..

طبعا نسرين ماتت من القهر من هاي الي اسمها عذابه ماعرف من وين طالعه .. وخصوصا أنه خليفه عمره ما رمسها عنها .. من وين يت بعد ..

اما عذابه فما أرتاحت حق الي اسمها نسرين ابدا .. ومفروض انه خليفه يعلمها شو تبلس وشو ما تبلس مو جيه عاد .. فاصخه الحياه

خليفه : تدرين انج تغيريتي وايد .. انا يوم سافرت كنتي كتكوته بعدج

عذابه وهي مستحيه منه : احم .. والحين شو ستويت

خليفه : لا ماشالله عليج .. غديتي حرمه كبيرة وعروس

عذابه : ههههههههه مشكور ما تقصر

خليفه : محمد وجاسم هني ولا

عذابه : لالا ما يو .. باجر الصبح بيون .. نحن يينا عشان شفى , بعد شوي بنروح المستشفى عندها

خليفه وكأنها حد ضربه بس رد عادي وقال : هيه .. عمي راشد تحت

عذابه : هيه عندي عمي يالس

خليفه : اممممممم .. خلاص عيل غناتي بروح اسلم على خالوه أم محمد ... وانتي سيري عند مياسه ..

عذابه : اوكي خلاص مو مشكله .. يالله باي ..

وتروح عن خليفه وهي صدق مستانسه منه .. اول شي ستوا وايد حلو وثاني شي قال لها غدت حرمه وعروس بعد .. ياااي صدق مستانسه انا .. ما يوعيها من رقادها واحلامها الا صوت التليفون .. ويوم جافت الرقم الا الانسه الفاضيه الي ماعندها شغله شمايل متصله

عذابه : هاي حبي

شمايل : هلا هلا .. هلا ولله .. شحالج

عذابه : حمدلله .. انتي شخبارج يالفاضيه

شمايل : هيه ولله فاضيه .. وفكرت امر عليج ..

عذابه : وين تمرين علي .. الغاليه انا في دار الظبي .. اصطاد الظبي طال عمرج وعمر الشيوخ

شمايل : ها .. شو .. من متى ويا ويهج .. وليش انشالله .. وليش ما تقولين

عذابه : شو اقولج بعد .. انا هني عند عمي وعماتي .. يايه ازوهم .. تدرين شفى بنت عمي في المستشفى مسكينه مرقدة .. وانا يايه ازورها ..

شمايل: أفا ولله .. شو بلاها

عذابه : مادري .. يقولون ارهاق وما ارهاق هالخرابيط .. بس

شمايل : هيه الله يعينها عيل .. اقولج لحظه اسمع امايا ترمس عذاري ويت ..

عذابه : وانتي لازم تسمعين الي يقولونه

شمايل : ششششششششش

عذابه : هههههههههههه

شمايل : أقولج برايج عيل .. نحن بنطلع بنسير الستي .. تامريني بشي ..

عذابه : لا سلامتج .. مع السلامه

وتبند شمايل عن عذابه .. وترد تسير عند مياسه وهاشم الي خاطرها تعرف شو بينهم.



----------------------

يعطيك العافيه اموووووون

عجلي متشوقين للنهايه

تحياتي

اموووووووووووووووووون وينك والله تعبت

ابي اكملها بسرررررعه

لا تتاخرين

تسلميــــن اميـــرة الــــورد على مــــرورج.....

وهااي تكمــــلــة الفصل التاســع..


مها طلعت من بيت سهيل وراسها بينفجر من رمسه ريمان الي ما تخلص صدق صدعت راسها .. وتمت تقول في خاطرها هالبنت سوالفها بس ربيعتي شو لبست وربيعتي شو سوت .. هاي سهيل كيف جيه مخليها عذابه بنتي ما سوت سواتها .. الله عليكم يا بنات هالزمن .. ولله عليك يا خوي .. بنتك ما قدرت عليها .. قدرت على اختك .. ولله زمن .. بس يالله .. بس الي صدق مب متوقعتنه كيف سهيل يخليها جيه ..

بس مها نست موضوع بنت اخوها ريمان .. وتفكر في المشكله الي هيه فيها .. بين عذابه وأحمد .. الموقف الي انحطت فيه كان وايد محرج وسخيف .. وقالت بتتصل في أحمد تجوفه شو قال حق عذابه .. بس اخر شي قالت بتمر عليه احسن تكمله وتعرف منه شسالفه ..



أحمد كانت عنده في البيت هدىوالعيال .. وتوهم واصلين عنده .. وهدى اهي الي ساقت وخلت سيارتها برع طبعا أحمد وايد تفاجا منهم .. لانهم ما يسون هالمغامراتوالمفاجأت الا وتحت راسهم شي من الاشياء ..

هدى : هاا حمودي .. شو رايك فيالفكرة الحلوة

احمد وهو يضحك : الصراحه حلوةوايد .. بس خير شو العزم يايبه عيالج ويايه ؟؟ ريلج وينه عنج

هدى : ريلي مسافر شعليك منه انت .. المهم .. انت شخبارك .. شو ما وراك شفت اليوم

احمد : لا حول ولا قوة الا باللهان يلسنا في المستشفى وعندنا شغل .. قالت ما نجوفك .. واذا يلست في البيت قالت ليشيالس في البيت .. ولله انج حفله ..

شمايل : خالي .. انت ليش جيع لابس .. تقول هندي ويا شكلك

احمد : حوه .. هندي في عينج وياهالراس هذا .. طالعه على منو انتي جيه راسج عود .. اختي فديتها كامله والكامل اللهشراتي .. بس انتي ماعرف على منو طالعه

شمايل وهي معصبه : امايا سكتيخوج

احمد وهو اير شعر شمايل : خوج فيعينج .. هدو ما تعرفين تقصين لسانها هاي مسودة الويه .. يا ويهها

عذاري : خالي اسكت عنها .. اذاقالك السفيه شي لا تعطيه ويه

شمايل : انتي ايه ... جب جب زينسكتي لو سمحتي

فهد : اف وبعدين وياكم .. خالي ..لو سمحت وين الكمبيوتر ابا اقعد عالنت ؟؟

احمد : هلا ولله هلا .. هالي ناقص ..

والكل يتم يضحك على أحمد الي صدقكان متلعوز ويا بنات أخته



مها اول ما وصلت بيت أحمد ..وجافت السيارة برع عرفت على طول انها سيارة هدى .. وتمت مقهورة صكت درب عالفاضي ..أخر شي قالت بترد .. وبتجوفه باجر في المستشفى احسن .



-----------



في بوظبي .. عذابه وأمنه وناعمهومياسه كانو في المسشتفى عند شفى وطبعا نورة مرت عمهم بعد هناك .. وشفى كانت واعيهوتجوف الي حواليها .. بس تتكلم بتعب

عذابه : حبيبتي ولله .. تولهتعليج حياتي .. صدق صدق زعلت يوم دريت انج في المستشفى

شفى : فديتج ولله .. اييييه ..منو يا فيكم

مياسه بسرعه قالت : بس عذابه وعميودلال

شفى بيأس : بس

عذابه : هيييييييه تبى عريسالغفله خخخخخخخخخخخخ .. لا فديتج جسوم مايا ويانا

شفى بحزن : جسوم .. هيه صح ..

مياسه وهي تحاول تخفف على شفى :ما عليه فديتج باجر تخفين وتستوين أحسن ..

عذابه : شفى بصراحه هاي مرت خليفهما حبيتها احسها غبيه

مياسه وتجوف عذابه بنظرة يعنيسكتي .. بس شفى كانت أسرع منها وقالت : اعرف .. اكرهها . ماحبها .. الله يلعنهاالحيوانه شلت عني اخويا .. الله ياخذها ويردها الحيوانه من وين ما يت

مياسه : هدي هدي شفى ولله ما يسوىعليج ..

ويسمعون الباب ينفتح الا بو عذابهوهاشم وشاهين وبطي دشو ...

بو عذابه : السلامعليكم

الكل : وعليكم السلام والرحمه ..

شفى وهي تبتسم : هلا وللهعمي

بو عذابه ويجب راس شفى : سلاماتبنيتي ما تشوفين شر

شفى : الشر ما ييك عمي ..

هاشم : فديت ختيا انا .. سلاماتحبيبي

شفى : الله يسلمك هشوم

بطي : واانا ..

شفى وهي تبتسم : الله يسلمكبطوي

شاهين : وانا ؟؟

شفى : بس عاد .. الله يسلمك شاهين ..

والكل يضحك على شاهين لانه الاسمالوحيد الي ماله دلع ولا يمكن يدلع ..

مياسه وهي تجوف هاشم بنظرات خفيهمن تحت لين تحت .. عقب قالت : خلاص شفى حبيبي .. انا بترخص الحين بروح البيت عنديامتحان يوم السبت وأبا أذاكر .. تامريني عشي فديتج

شفى : لا سلامتج عيوني .. بستعالي بعد باجر اوكي

مياسه : اكيد .. تامرين أمر أنتي .. يالله عيوني مع السلامه

وتطلع مياسه من الحجرة .. ويتمونالباقين سوالف وضحك .. وشوي ويرن تليفون عذابه يوم جافته الا رقم محمد وظربت علىيبهتها وقالت بصوت عالي : ويييييييييييه نسينا نخبر محمد انه نحن ينا بوظبي ..

شفى على طول قلبها تم يدق بسرعهوقالت في خاطرها " يعني هو ما يعرف أني هني .أو اني في المسشتفى .. فديته ولله "

عذابه : محمد نحن في بوظبي الحين .. انت وين

محمد : شو تسون في بوظبي .. احيدبتسيرون باجر؟؟

عذابه : لا بس شفى في المسشتفى

محمد وهي منصدم :شوووووووووووووووووووووو




ترقبو الفصل العاشر ...

تسلمين اموووووون على التكمله بس كانها شوي على طول الانتظار

يعطيك العافيه

تحياتووو

بالانتظار

على أحر من الجمر.....ننتظر؟؟؟؟؟؟؟؟

تسلميــــــــــن اميــرة الـــورد...

مشكــــــــــور loverman على مرورك الكريـــم..

تســـــــــلــمـ منـــــــوة الــــــرووح ومشكـــــــــوور..

يسلمووووووووووووو .... لكن ....
وووووووووووووين الباقي...

يللا ياهو كل شوي يسلمو مابدنا يسلمو بدنا الكمالة

الفصـــل العاشر - الجزء الاول




عذابه وهي مستغربه وتطلع من الحجرة وترد ترمس : هيه في المستشفى .. شو بلاك






محمد وهو خايف : من متى .. وليش .. وكيف ؟


عذابه وهي مستغربه من قلق محمد وترد : امم من يومين جذا .. ليش محمد .. شو هالاهتمام


محمد وهو مرتبك : ها .. لا ماشي .. لا اهتمام ولا شي بس هذي بنت عمي .. ومرت اخوي في المستقبل


عذابه وهي تضحك : هيه قول جذي .. هههه شحال عروس الغفله


محمد وهو عاقد حياته : منو ؟


عذابه : منو بعد .. بدر الدجى .. هدى هانم


محمد : هيه .. ماعرف.. عالعموم يالله بخليج انا الحين .. مع السلامه وسلمي علاهل


عذابه : انشالله .. شي ثاني بعد


محمد : لا سلامتج .. باي


ويبند محمد عن عذابه وهي تدخل الحجرة وهي مستغربه منه وايد .. أول شي هو ما كان يطيق هدى .. عيل كيف بيتزوجها .. يالله الله كريم



عذابه دخلت حجرتها وحصلت شفى تكلم مياسه بس اول ما دخلت عذابه جافتها وعيونها تحكي الف سؤال وسؤال .. عيونها كانت تبين شي بس عذابه مب قادرة تفهمه شو هو وايد استغربت من نظرات شفى واخر شي قالت : منو متصل


عذابه : هذا محمد ..


شفى وهي تنتظر منها شي ثاني لكن هي قالت : الا بابا .. ابا اسير المول باجر


شفى بعد ما سمعت اخر كلمتين من عذابه عرفت انه محمد ولا تعب عمره وقال لها تسلم عليها ولا قال حق اخته تقول لها سلامات .. ايييه يا محمد لهدرجه يعني ستويت ولا شي بالنسبه لك .. الله يستر


بو محمد : يالله عاد شفا روحنا .. متى بتستوين زينه عشان نخطبج رسمي حق جاسم .. تراه يتحرقص


شفى وهي تبتسم بتعب : انشالله عمي ( وتنزل راسها عشان عمها ما يجوف الدموع الي تجمعت في عيونها )


بو محمد : شعنه نزلتي راسج يا بنيتي


مياسه وعرفت السالفه على طول قالت : عمي .. وبعدين وياك .. البنت استحت يا بوي


الكل : هههههههههههههههه


الا شفى الي تمت ساكته وهي تحاول تيود دموعها قدر الامكان ما تذرفها . ومحد كان حااس فيها الا مياسه الي كانت تسيارهم وتضحك عشان ما يشكون في شي .



------------



في بيت سهيل .. ريمان كان في حجرتها يالسه تتسمع أغاني وفارة الكتب الصوب الثاني ... ولا هامنها حد .. يكفي أنه ابوها هب في البيت فهي ماخذه راحتها تمام .. معا انها ما كملت ال16 سنه الا انها تنبان في العشرين من عمرها وانها بنت ناضجه وكانت متهورة بشكل كبير .. حتى أنها تاخذ سيارة امها وتطلع الفليل فيها ولا حد يدري عنها الا الدريول الي كانت ترشيه بالبيزات عشان يسكت ; على أنغام صوت السندباد راشد الماجد واغنيه غرشوب .. كانت ريمان يالسه تلعب في شعرها وترقص مع الاغنيه .. ويرن تليفونها على نغمه الشاكي الباكي ..


ريمان بصوت دلع : الوووه


......: فديتها انا .. هلا ولله


ريمان : هلا هلا .. شحالهم


......: يسرج حالهم .. انتي شحالج ..


ريمان : انا الحمدلله زينه .. انت شخبارك


حمدان : انا بخير وسهاله .. شحال قلبي اليوم


ريمان وأونها مستحيه : هههه انا استحي لا تقول هالكلام حمداني ..


حمدان : فديت الي تقول حمداني انا .. هههه وينج عني انتي .. البارحه ادق عليج وانتي محد .. وينج


ريمان : هه .. انا كنت في بيت ربيعتي وناسيه التليفون في البيت ..


حمدان : هيه جيه عيل .. حبيبتي .. انا بسير السينما باجر .. ها بتخاويني


ريمان : امممم أي موفي


حمدان وهي يضحك: ريماني عاد .. نحن شلنا في الموفي .. انتي احلى موفي وحياتج


ريمان : ههههههههههههههه فديت روحك ولله .. خلاص عيل اجوفك باجر في سينما ميركاتو اوكي .. خلاص عيل حبيبي انا بخليك الحين امايا متصله فيني اوكيه .. يالله باي باي


حمدان : مع السلامه فديتج


عالخط الثاني كان عبدلله متصل .. وعبدلله كان حبيب ريمان الثاني والي تحس انه تحبه اكثر عن حمدان .. بس حمدان تعبتره مجرد تسليه في ايدها لي ملت وردت على عبدلله بكل شوق لانه كان غايب فترى طويله


ريمان : هلا ولله حبيبي


عبدلله بصوت رجولي خشن : هلا ريماني .. شحالج


ريمان : هلا عبادي .. انا بخير ولله .. انت شحالك


عبدلله : حمدلله تمام .. شو علومج


ريمان : ماشي حالي ولله ... شو مسوي في دنياك


عبدلله : يعني من الدوام للبيت ومن البيت لدوام


ريمان بتشكك : معقوله يعني ما تطلع مني مناك


عبدلله وهو يتنهد : جوفي عيوني .. اذا بطلع .. اطلع عكيفي مافي داعي حق هلاسئله اوكي .. ولا اعيد مرة ثانيه


ريمان وهي تترجاه : لا لا خلاص خلاص حبيبي ..


عبدلله : خلاص انا بخليج الحين .. امايا تزقرني


ريمان وهي معصبه : امك .. ولا عندك خط ثاني


عبدلله : لو حد ثاني جان قلت لج ربيعتي متصله جلبي ويهج ابا ارمسها .. اوكي


ريمان وهي زعلانه وشوي بتصبح : اوكي سوري .. يالله باي


عبدلله وهو متندم : حبيبتي .. حبيبي .. عشان خاطري لا تزعلين .. يالله عاد .. وهاي بوسه مني لج " امووواح "


ريمان وهي فرحانه : فديتك ولله .. خلاص انا هب زعلانه


عبدلله وهو يضحك : ههههههه خلاص عيل .. يالله مع السلامه


ريمان : باي ..


وبتند ريمان عن عبدلله وهي ميته من السعاده .. صدق مستانسه منه وايد تحس انه الدنيا مب سايعتها مول .. تحبه هالريال تحبه تحبه تموت فيه حتى لو قسى عليها بتم تموت فيه وتغليه وتتمنى رضاه دوم ... وتوقف ريمان تخيلاتها وتسير تقعد على التسريحه وهي تسوي وتبتكر تسريحات يديدة حق شعرها وتقليعات يديده حق ويهها والميكب .



------------

اليوم الثاني في بوظبي .. محمد و جاسم وصلو بوظبي وهم في بيت بو خليفه .. طبعا محمد سار وسلم على خليفه وجاسم بعد .. وعقب ام محمد فاتحت ام خليفه عن سالفه شفى


ام محمد : ها يام خليفه .. شو قلتي


أم خليفه : ولله يا امنه الود ودي اليوم قبل باجر .. بس البنت .. تعرفينها .. تبى تكمل دراستها


ام محمد : خلاص رسميها وجوفي شو بترد عليج .. عشان نعلنها خطبه رسمي عاد الولد يتريا


يدخل بو خليفه عليهم هو وبو محمد ويسمعون السالفه وعلى طول بو خليفه قال : هيه نعم بنتنا لكم شلوها وقت ما تبون وانا حاظر


نورة وهي مرتبكه : بس يا محمد


بو محمد : أصلا بدون لا تقولين ولا تزقرين محمد .. ولا تخزينه بعين .. أنا روحي بسأل شفى اصلا هاي بنتي قبل لا تكون بنتكم واذا هي موافقه خلاص .. واذا لاء .. ولا كأنا فجينا السالفه


ام خليفه وهي مستانسه : هيه خير ما تسوي يا خوي ..


وبتسمت أمنه ونورة الي قلبها صدق ارتاح وايد ..


نورة : فديت جاسم عيل يوم بيكون معرسنا .. ولله من قدنا عاد


امنه : الله يتمم عخير خويتي ..



عذابه وهي في الصاله وكل حد من الشباب يالس .. وهاليوم رخصو فيه شفى لكنها كانت فوق وما نزلت تحت .. وكل حد كان يالس محمد وجاسم و شاهين وبطي وهاشم ومياسه ورحاب


عذابه : محمد عاد يالله نباك تسمعنا شي من صوتك .. ولله خاطري في اغنيه مشكلتك


هاشم : وع صوته أرف


عذابه : هاشم عاد اسكت


مياسه : هيه محمد يالله عاد


محمد : ههه فديت روحي ولله محبوب الجماهير .. اممم خلاص .. بطوي يدق عالعود و انا اغني


بطي : فالك طيب


جاسم : اف منكم .. فالك ما يخيب يا خوي .. يالله عاد


ويضحكون كلهم على جاسم المشتط كان وحالته لله ..


بطي وهي ييب العود ويدق عليه ومحمد يغني .. لكن اول ما بدى يغني دشت شفى وهي لابسه الشيله وكندورة مخورة .. وشكلها وايد تعبان وهالات سودة تحت عيونها ..


شفى بصوت واطي : سلام عليكم


الكل بصوت واحد الا محمد : عليكم السلام ..


عذابه وتقول تحب شفى هي ومياسه ورحاب : سلامات حبيبتي ما تشوفين شر


شفى بصوت مبحوح : الشر ما ييج .. شحالكم شباب


الكل : حمدلله تمام


جاسم : سلامات شفى ما تشوفين شر


شفى وتصد ناحيه الصوت وتحصل انه صدر عن جاسم وترد عليه ببتسامه هاديه وباهته : الله يسلمك جاسم .. ما تشوف شر


بس محمد ما عطاها ويه وهالشي وايد جرحها .. ويسلت عند هاشم وشاهين .. ومحمد قال حق بطي بنغير الاغنيه


عذابه : لاااااااااا مابا


محمد : عيل ما بغني


رحاب : اف عاد منكم .. خلاص يا بو حاسم غني الي تباه


محمد : خلاص علي .. يالله بطوي .. " يــا عذابي سبت جروحي .. يا مصابي يا شقى حالي .. ليش عني تصد وتروحي .. وانت قلبي حبك الغالي .. أنت عمري وانت مربوحي .. خذ حياتي دوم تحلالي .. في بعادك بت مجروحي .. و انت عني لا ولا نساني .. لا تخلي الشك يا روحي .. يهدم الاشواق وامالي .. في الهوا...


قبل لا يكمل محمد الاغنيه نشت شفى من مكانها وهي عاقدة حياتها ومعصبه من الخاطر ومجروحه وقالت بصوت عالي : انا بترخص بروح عند خالوه


محمد ابتسم بكل خبث بس ماهتم لها وكمل الدندنه ..


عذابه : ليش عاد شفو شو هالحركات يعني يوم اقنعنا الريال انتي سرتي ..


مياسه وهي تحاول تخبي الموضوع : ماعليه ما عليه برايها ..


ماهو حالها مياسه كملت جملتها الا سمعو سوت مألوف وهي تقول : منو هي الي برايها .. او شفى انتي هني .. سلامات ما تشوفين شر


شفى وهي حاسه انها خلاص بتنفجر وقالت : الله يسلم ( وتجوف محمد ) غاليج ..


هدى وهي فرحانه وخدودها محمرة : هههههههههههه الله يقطع سوالفج ...


رحاب وهي تجوف هدى من فوق لين تحت : صدق انج متفيجه ..


هدى : ههههه .. شحالكم عيال العم


الكل : تمام


عذابه : ههههههههههه يالله شفى بوصلج الحجرة


شفى ومعاها مياسه وعذابه : يالله


رحاب : وانا ؟؟


شفى بحقد : انتي يلسي ويا الضيوف ( وهي اطالع هدى )


هدى : الحين انا ضيوف يا بنت العم .. الله يسامحج .. عالعموم حلوة على قد سنك هههههه

محمد كان يشوف هدى وهو مشمئز منها .. كيف هاي الانسانه الي احبها اودرها واخذ هاي الي انا ما طيجها الحين كيف عيل بعد العرس .. مستحيــــل .


شفى وهي سايرة فوق مع عذابه ومياسه .. جافو في الصاله الي فوق الي سايرة صوب قسم خليفه .. جافو انه نسرين يالسه تجوف تليفزيون .. وقسم خليفه داخل في قسم شفى ..


نسرين وهي تجوف شفى وتنش من مكانها على طول وتسير صوب شفى وتقول : الف الف سلامات حبيبتي ولله ما تشوفي شر ..


شفى وهي تجوف نسرين من فوق لين تحت وتلبسها .. لكن عذابه قرصتها ونسرين قالت : شفى .. انتي ليش هيك تعامليني .. والهي اني بحبك .. وخليفه كمان .. اصلا انا حبيتك من كتر ما كان يحكيلي عنك


شفى بقله أدب : الزبده يعني


نسرين : بدي كون رفيقتك


شفى وهي مستغربه : ليش ؟


نسرين : لاني مرت اخوكي .. وانا بحبك .. وبعدين انا وحيدة هون بالبيت .. وبتمنى يكون لي اخت


مياسه كانت تجوف نسريت وتبتسم .. اما عذابه فكانت مقهورة منها ما تعرف ليش .. حست انه مب مكانها .. بس ماقالت شي حق شفى ..


شفى : اها .. خلاص يصير خير


نسرين ابتسمت وراحت حجرتها


مياسه : فديتها هالنسرين ولله .. ولله انها عسل .. صح عذابه


عذابه : هيه


شفى وهي تجوف عذابه بتظرات تساؤل لكنها ما تلقى أي جواب في عيون عذابه .. فتسكت ويكملون دربهم وهي تفكر في اخوها خليفه وكلام نسرين .




-----------



في غرفه خليفه بعد ما نسرين كلمت شفى ردت الحجرة وهي مستانسه وعلامات النصر على محياها .. خليفه وايد استغرب لانها كانت برع .. لا ودخلت من برع وهي مستانسه بعد ..


خليفه : خير حياتي ؟


نسرين وهي شاقه الحلج : بتعرف يا خليفه .. لك فديتا هالشفى حاكتني هلق وبعتقد انه راح نكون صاحبات


خليفه وهو فاتح عيونه : ها !! شفى ؟؟ شفى اختي ما غيرها ؟؟


نسرين " ايه لكان كيف .. انا نسرين والاجر على الله .. وراح حاكي امك وابوك كمانا


خليفه وهو يلعب بشعره : انشالله .


نسرين تجوفه وهي تبتسم عقب سارت تسحي شعرها ..




------------

اليوم الثاني في بيت سهيل أخو مهــــا ..


حصه : اقول مانع .. خالد وين ؟؟


مانع : مادريبه .. اعتقد ويا خلود بعد وينه مثلا ..


حصه وهو لاويه بوزها : وريمان


مانع : الحين ماحصلتي الا انا تسأليني عن ريمان امايا .. شدراني عنها ..


وتنزل ريمان من فوق وهي لابسه ومتعدله ..


مانع وهو يجوفها من فوق لين تحت : جبنا سيرة القط .. يانا ينط .. هذي بنتج


ريمان : بنتج في عينج .. ( وتجوف امها ) عفكرة ما عرفتي تربين ولدج مول .. المهم .. شفيق وينو ؟؟


مانع : شتبين في شفيق .. الحين بطلع وياه


ريمان وتجوفه بكره : كيفك هو كيفك .. الحين بطلع وياه ..


حصه : هي انت وياها .. شو مالي حشيمه .. لا انت ولا هيه بتطلعون .. وانتي وين تبين تسرين ومظهره هالكشه ها .. ابوج بعد شوي بيرد من العين .. اذا وصل وما حصلج ما بيصير خير


ريمان وهي تضحك : هههه ابوي .. هههه العين ... ضحكتيني ... عالعموم انا طالعه .. واذا الدريول ما يا .. اتا بخلي ربيعتي تمر علي ..


مانع : هاا .. يالله امايا فمان الله .. هاي اخرت التربيه .. باي


حصه وهي تحاول تيود مانع بس مانع طلع ولا عليه : حسبي الله على بليس .. شو ها .. شي عيال جيه


ريمان وهي محرجه : الله ياخذه انشالله ويندعم وافتك منه يارب .. الحين انا ابا السيارة شو ها


حصه وهي فاجه عيونها : انتي ايه شو ها .. ليش تدعين على اخوج لا بارك الله فيج من بنيه .. وبعدين قلت لج ماشي طلعه يعني ماشي طلعه .. انتي فاهمه


ريمان وهي ترمس في الموبايل ولا عليها : روحي زين ..


حصه تمت مذهوله من الي شافته ما قدرت تقول او تسوي شي .. هاي ليش جيه مستويه ... ولبستني وراحت ..


ريمان وهي برع في الحوش : هلا حمداني ...


حمدان : هلا .. انتي وين


ريمان وهي لاويه بوزها : في وحي بيتنا .. بتمر علي


حمدان وهو راوي بوزه : امممم انشالله .. دقايق واكون عندج .. باي


ريمان : باي



حصه وتطلع حق ريمان وهي صدق معصبه عليها : انتي ايه .. ما تسمعين .. ما قلت لج لا تطلعين .. شو ما تفهمين ولا شسالفه ..


ريمان : اف شو تبين انتي .. جنج مينونه


حصه وهي واصله حدها : ريمان الله ياخذ بليسج انشالله دخلي داخل الحين .. الحين اقولج .. ترا ولله ما بيصير خير


ريمان وهي تبتسم : ولله .. هههههههههههههههههههه انتي ما قدرتي على ريلج .. بتقدرين علي


حصه وهي منصدمه : شو ؟؟


ريمان : هههه اكيد .. ما تعرفين الي يدور وراج .. يا حلوة .. يا مسويه روحج ام العريف .. ريلج اكبر مغازلجي في دبي وبوظبي والعين كلها .. هههههه معروف سهيل بن حمد .. تدرين انه متعرف على نص ربعي .. ولا اييب لهن هدايا بعد .. لا يمثل عليج ويسوي روحه مخلص لج ومحترمج .. ها .. لا وازيدج من الشعر بيت .. قال حق ربيعتي الي عمرها ما ستو 20 سنه ابا اتزوجج لكن قال ايه قال بالسر .. ها


حصه كانت مصدومه مب عارفه شترد او شو تقول .. معقولة كل هذا يطلع من سهيل .. سهيل .. سهيل الي حبته موت ..


وحصه مشغولة بالحقيقه الي عرفتها عن سهيل .. استغلت ريمان الوضع وطلعت برع وركبت في سيارة حمدان .. حمدان وهو يجوف ريمان : انتي مغيره الصبغه


ريمان وهي تبتسم : هيه .. شو رايك فيها حلو صح


حمدان : عادي لونه .. بس بسألج ..


ريمان: هلا


حمدان : شو لون شعرج الصدقي ؟


ريمان : هههه ماعرف ولله .. بس على ماذكر .. اسود


حمدان : وايد حلو .. لشي عيل دوم اتغيرينه


ريمان : بس كيفي .. ابا اكون دوم احلى واحلى .. ومافي داعي تسأل وايد


حمدان : انشالله .. وين تبين تروحين


ريمان : كيفك ..


حمدان : اوكي ...



-------------

حلوووووووووووووووو يالغالية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وهــاي التكملــه يالغــلا...

في البيت حصه لين الحين بتموت .. كيف .. كيف سهيل الريال المعرس الي ولده بيصير طوله .. يطلع مغازلجي .. ما حصلت غير مها تتصل فيها تخبرها .. مهما كان هذا اخوها ولازم تخبرها .. ولانها بتموت قهر ما عندها حد تخبره ..



في البيت مها كانت وايد ملانه ما حصلت الا انها تقوم وتسوي كيك حق احمد لانه كان بيزوها اليوم الفليل .. واحمد يموت في كيك الكاكاو .. فقالت بسويله مفاجأة .. وتوها بدت بتسويه جان يرن التليفون ..



في الذيد وتحديدا في بيت رفيعه ربيعة عوشه اخت محمد .. كانت يالسه وبتموت من الملل .. ويتها مرت اخوها خلفان ويلست تنغص عليها ..
أروى : اقولج رفوع .. شو ميلسنج في الصاله .. ماشي شغله


رفوع : شو ؟؟ الحين انتي شلج حاطه دوبج ودوبي ؟؟ ها !!


أروى وهي تلوي بوزها : بس احيد انه هذا قسمي.. هب قسمكم !!


رفوع وهي تفج عيونها : هذا قسم اخوي هب قسمج انتي .. ولله انج متفيجه الحين تضاربين ..


أروى : انزين ليش يالسه هني يوم انج مب متفيجه حقي .. سيري يلسي عند عموتي .. او عند اختج العانس ؟؟


رفوع وهي محرجه : لو سمحتي لزمي حدودج .. اختي هب عانس فاهمه ..


أروى وهي تضحك : وحدة عمرها 25 وبتدخل ال26 وفي بيت اهلها شو اسمه هذا ؟


رفوع وهي تنش وهي صدق معصبه : أسمه لا تدخلين فلي مالج خص فيه .. فاهمه .. بس اموت واعرف اخوي اخذج على شو .. لا جمال ولا حسب ولا نسب .. هيه .. ولا تدرين شو عرفت ليش


أروى وهي ناشه معصبه : انتي ايه جب .. يالله طلعي برع اشوف


رفوع وهي تحط ايدها على خصرها : مب طالعه .. وهذا قبل لا يكون بيتج وقمسج هذا بيتي انا و قسم اخوي انا ..


تجدمت اروى تبى تضرب رفوع كف لكن خلفان كان اقوى ووصل في القوت المناسب .. فنزلت أروى أيدها وابتسمت حق ريلها


رفوع وهي محرجه عليها بغت تصارخ بغت تقول شي بس ما قدرت اخوها غامضنها توه ياي من الدوام وما تبى تنغص عليه وقالت : هلا ولله حبيبي


خلفان : هلا ولله رفوعي .. اجوف البيت ليش منور اثاريج عندنا


رفوع وتجوف اروى الي كانت تغلى : بوجودك حبيبي .. خلاص بخليك الحين بروح اجابل البروجكت مالي .. اجوفك بعدين


خلفان : يالله مع السلامه


بعد ما راحت رفوع .. اروى عاد ما قدرت تسكت اكثر وطاحت في خلفان طيحه : لا ولله الحين اختك الي منورة البيت .. وانا .. شو .. خراب البيت استاذ خلفان .. ولله هاي اختك انا مادانيها .. تحب تدخل في كل شي .. واتمنى انها ما تي القسم هذا مرة ثانيه .. تخيل تحط لنا سوا ولا ماعرف شو ها


خلفان وهو فاج عيونه : خيبه خيبه .. وين تبين انتي اونه سوا .. شو بلاج على رفوع .. ولله ماشي احسن ولا اطيب عنها .. الا انتي الي تغارين منها لاني احبها وايد .. الله يسامحج بس ..


اروى : المهم خلاصه الموضوع .. اختك ماباها كل شوي داخله عندي القسم .. انا وحدة وراي اشغال اسويها هني .. وماحب اجوف حد 24 مرتز في بيتنا .. اوكي خبرها ..


خلفان : حاضر مدام اروى .. بعد شي ثاني


اروى : هيه ( وتبتسم ) شو تبى الغدى حببيبي


خلفان وهو يضحك : يا ليت حياتي


اروى وهي تضحك : احبك ..


خلفان : اموت فيج ..


اروى : ههههههههههه .. خلاص ثواني واييب الغدى



في القسم الثاني من بيت بو علي الي هو بو رفيعه .. الكل تغدو وخلصو غداهم .. وكلن سار حجرته الا سلامه ورفيعه الي تمو يسولفون .. معا انه رفيعه 19 سنه الا انه تفكيرها اكبر عن سنها بوايد .. وتعرف اختها شتفكر فيه .. وتعرف معاناتها عدل


سلامه وهي تلعب بالجيم بوي مال اخوها ورفيعه تزقرها : سلوم ؟


سلامه : هممم


رفيعه : اهي سلوم اكلمج انا


سلامه : ها .. خير ؟


رفيعه : اليوم تضاربت مع أروى ؟؟


سلامه : عادي .. مب بالشي اليديد


رفيعه : لا بس اليوم زودتها تخيلي .. بغت تضربني .. لو ما خلفان دش جان صفعتني


سلامه وترفع راسها وتجوف رفيعه : محد قالج سيري قسمها .. دواج ..


رفيعة : بس بعد .. هذا ما يعطيها الحق انها تضربني الهرمه


سلامه : خلاص .. حصل خير


رفيعه : امم اوكي برايج .. برمس في التليفون ..


شلت رفيعه التليفون وقالت بتتصل في العاش ربيعتها .. وهي متعودة دوم انه عايشه الي ترد عليها في هالحزة ..............


رفيعه : الوووه


........: الوه


رفيعه وارتكبت لانه الي رد عليها واحد وقالت : سلام عليكم .. العاش هني .. ااقصد عايشه


........: لحظة شوي .. من اقول لها ؟؟


رفيعه : ربيعتها ...


........: نعرف ربيعتها , مالج اسم يعني


رفيعه : اف .. اسمي رفيعه


محمد : اها رفيعه .. اوكي لحظة شوي ..


محمد بصوت عالي : عوييييييييش .. عوشه .. عواشي .. تليفون ..


العاش : منوو


محمد : ماعرف وحدة اسمها رفيعه


العاش " اوه رفوع ومحمد رد عليها " : اقول حموووووووود خبرها دقايق ورد اسويلها


يوم سمعت رفيعه اسم محمد تمت ترتجف يعني هذا هو صوت محمد في التليفون يكون .. يا ويل حالي ..


محمد : الوووه .. الوووه ؟؟


رفيعه وهي قافطه : هلا


محمد في خاطره " شو هالغبيه " : اقولج .. العاش بترد تسويلج .. مع السلامه


رفوع : في امان الله ( ويوم بند قالت ) يالغلا ..




-------------




في بيـــت مها سمعت التليفون يرن فسارت عشان ترد عليه وهي تربع ...


مها : الووه


أحمد : هلا مهاوي


مها وهي تبتسم : اهلين هلا .. شحالك حبيبي


احمد وصوته متغير : تمام حمدلله .. مها .. تعالي المستشفى الحين ..


مها وهي مستغربه : هاا .. ليش ؟؟


أحمد : يوم بتيين بخبرج .. يالله لا تتأخرين بسرعه .. البسي عباتج وتعالي ..


مها : اوكي نص ساعه واكون عندك


قبل لا تنبد احمد رد وقال لها : مها .. لا تحطين مكياج تعالي بأي شي .. الحين


مها وهي مستغربه من احمد وقالت : انشالله .. الحين دقايق واكون عندك


بندت عن احمد وهي صدق مستغربه .. شو بلاه جيه يكون غامض وياها .. والحين اسير المستشفى خير جيه شو مستوي هناك ؟؟ بس احسن شي اسير ماعرف شو مستوي ..


مها كانت لابسه جلابيه بيت عنابيه فيوم جافت عمرها حست انه عادي تلبس فوقها العباه ووتي المستشفى فيها .. ولبست العباه والشيله عدل وركبت سيارتها وهي قلبها مقبوض خاطرها تعرف شسالفه وشو سبب هالاتصال المفاجئ ..



في بيت مها التليفون كان يرن ويرن بس محد كان يرد عليه .. حصه كانت بتموت تبى تعرف مها وينها وهي ما تعرف رقم موبايلها .. وشوي وتسمع صوت


حصه : الووه


الخدامه : yes


حصه : وين ماما مها


الخدامه : shes out


حصه : وين ؟؟


الخدامه : I don’t know madam


حصه : خلاص يوم بترد قولي لها ماما حصه زين


الخدامه : ok mama inshalla


وتبند حصه عن الخدامه .. وهي قلبها مقبوض بعد بس ما تعرف من شو ..




--------------